358	GEN 14:21	Ina piquëran Sotoma copirnori, Apran itapon: —Piyapi'sara' quëtoco, ya'huërë' ma'shaso', quëmari maquë', itërin.
413	GEN 17:15	Naporo chachin, Yosëri Apraan itaantarin: —Sa'aonta' Sarai itopiramahuë', co huachi inapochin nohuitaramahuë'. Ipora quëran huarë' Sara itapoma'.
955	GEN 32:27	Quëmapi ya'norinsoso', Cacopo itapon: —A'poco huachi, nani tahuëririarin, itërin. —Co'so' noya ya'huëca'huaso marë' sha'huitohuatancohuë', co a'poaranquënhuë', itërin inarinta'.
23246	MAT 2:8	—Pirin'pa' nasha copirno nasitërin ipora. Inatohua' paatoma', noyá yoníco'. Hua'huasha quënanpatama', huënantatoma', sha'huitiintaco canta' paato chinochi, itërin nonpintaton.
23447	MAT 8:33	Ina ni'sahuatona', a'paina'piro'saso' pa'yanpi. Pa'yanatona ninano'pa' ta'api. Inaquë ya'ipiya sha'huiconpi. —Sopairo'saso' quëmapi'sa quëran pipirahuatona', coshiro'saquë ya'conconpi. Napohuachinara, hua'yantatona', tahuan pa'topi. Ya'ipi chimiitopi, itopi.
23472	MAT 9:24	Quisosori itapon: —Ya'ipinquëma' pipico'. Co sanapia'hua chimininhuë'. Topinan huë'ësárin, itërin. —Co huë'ërinhuë'. Nani chiminin, itatona' tëhuapi.
23605	MAT 12:47	a'na quëmapiri sha'huitërin: —Ni'quë' Maistro. Mamaparin, iyaparinpita, inapita huëcatona', aipiran huanirapi. Yanontërinënquën, itërin,
23685	MAT 14:19	Ina quëran piyapi'sa' sha'huitërin pastoquë huënsëcaiso marë'. Nani huënsëhuachinara, Quisosori a'natërapoya pan, catoya sami, inapita manin. Masahuaton, inápaquë në'pëtahuaton, Yosë nontërin. “Yosparinquën, Tata,” itahuaton, pan, sami, inapita së'panahuaton, ca'tano'sanënpita quëtërin. —Piyapi'sa' quëtonco' ca'ina', itohuachina, quëtëra'piapi.
23712	MAT 15:10	Ina quëran piyapi'sa' përasahuaton, a'chintërin. —Ya'ipinquëma' natanco no'tëquën yonquicamaso marë'.
23728	MAT 15:26	—Ni'quë' imoya. Hua'huaro'sa' a'cahuatëra, co cosharonën osërëtahuatë' ni'nira a'carëhuë', itërin Quisosori.
23734	MAT 15:32	Ina quëran ca'tano'sanënpita përasahuaton, itapon: —Piyapi'sa' nosororahuë. Nani cara tahuëri pochin natanarinaco ni'ton, co huachi manta' cosharo' ya'huëtopihuë' capacaiso'. Co topinan yaa'parahuë', tanari canahuachina', itërin.
23858	MAT 19:27	—Ni'quë' Maistro. Quiyaso' ya'ipi ma'shanëhuëi patahuatoi, imasarainquën. ¿Ma'ta' ina marë' canapoi? itërin Pitrori.
23893	MAT 20:32	Napotohuachinara, Quisososo chiniconahuaton: —Sha'huitoco' huë'ina', itërin. Huë'pachinara: —¿Ma'ta' iyaro'sa' onpochinquëma'? itërin.
24027	MAT 24:1	Ina quëran Yosë chinotopiso pëi quëran pipihuachinara, ca'tano'sanënpitari itapona': —Ni'quë' Maistro. Ma noyápiachin Yosë chinotopiso pëi', itopi.
24149	MAT 26:26	Coshatasoi', pan masahuaton Yosë nontërin. “Yosparinquën, Sinioro” itahuaton, së'panin. Ina quëran ca'tano'sanënpita quëtërin. —Ca'co' iyaro'sa'. Ca nonëhuë pochin iso', itërin.
24150	MAT 26:27	Minënta' masahuaton, “Yosparinquën Sinioro,” itahuaton, inanta' quëtërin. —Ya'ipinquëma' o'oco'.
24240	MAT 27:42	—A'napitaso' yanicha'ëponahuë', inaora chachinso' co nanitërinhuë' cha'ëcaso'. Israiro'sa' copirno nipachin, corosë quëran nohuarain nicatëhua' natëahua'.
24277	MAT 28:13	—Piyapi'sa' sha'huitoco': “Yono tashi' Quisoso ca'tano'sanënpita huë'pi. Huë'ësocoi, nonën quëpapi,” itoco'.
24356	MRK 2:27	—Piyapi'sa' nosoroaton, chinoto tahuëri acorin noya ya'huëcaiso marë'. Co tahuëri chinotacaso' na'con na'con yonquirinhuë'. Piyapi'sa' na'con na'con nosororin.
24389	MRK 3:32	Quisoso ahuancanapitona', tahuishin miáchin huënsëpisopitari sha'huitopi: —Ni'quë' Maistro. Mamaparin, iyaparinpita, oshiparinpita, inapita huëcatona', aipiran huanirapi. Yanontërinënquën, itopirinahuë'.
24546	MRK 7:14	Naquëranchin piyapi'sa' përasahuaton, a'chintantarin. —Ya'ipinquëma' natanco no'tëquën yonquicamaso marë'.
24559	MRK 7:27	—Ni'quë' imoya. Hua'huaro'sa' a'cahuatëra, co cosharonën osërëtahuatë', ni'nira a'carëhuë'. Hua'huaro'sa'ton coshachin noya natëaquë huarë', itërin Quisosori.
24571	MRK 8:2	—Piyapi'sa' nosororahuë. Nani cara tahuëri natanarinaco ni'ton, co huachi manta' cosharo' ya'huëtopihuë'.
24668	MRK 10:11	—Sa'ama' të'yatatoma', a'na sanapi mapatama', inaso' co sa'ama chachinhuë' ni'ton, monshitëramaso pochin Yosëri ni'nin. Ina marë' oshahuanarama'.
24685	MRK 10:28	—Ni'quë' Maistro. Quiyaso' nani ya'ipi ma'shanëhuëi huëshirahuatoi, imarainquën, itërin Pitrori.
24706	MRK 10:49	Quisososo' natanahuaton, chiniconin: —Sha'huitoco' huë'in, itërin. Napotohuachina, sha'huitopi. —Noya cancantëquë' iyasha. Nani përarinquën ni'ton, Quisoso nontiiquë', itopi.
24787	MRK 13:1	Ina quëran Yosë chinotopiso pëi quëran pipihuachinara, a'na ca'tano'sanëni itapon: —Ni'quë' Maistro. Ma noyápiachin pëipiso'. Pancara'pi quëran nipi, itërin.
24845	MRK 14:22	Coshatasoi', pan masahuaton, Yosë nontërin. “Yosparinquën Tata,” itahuaton, së'panin. Ina quëran, ca'tano'sanënpita quëtëra'piarin. —Ca'co' iyaro'sa'. Ca nonëhuë pochin iso', itërin.
24926	MRK 15:31	Inapochachin corto hua'ano'sa', cotio maistro'sa', inapitanta' Quisoso tëhuatona', itapona': —A'napitaso' nicha'ëponahuë', inaora cha'ëcasoso' co nanitërinhuë'.
25057	LUK 2:15	Nani inápaquë panantahuachinara, pë'tahuatona'piro'sa' ninontopi. —Pirin'pa' pa'ahua' nipachin. Sinioro anitotërinpoaso' nia'ahua', nitopi.
25286	LUK 7:22	—Ni'co' iyaro'sa'. Ca nohuanto, somaraya nininsopita ni'topi. Apiaro'santa' a'naroáchin anoyatërahuë. Noya iratopi. Chana caniori maninsopitanta' anoyatërahuë. Në'huëro'santa' në'huëpiso' inquitërahuë. Chiminpisopita ananpitaantarahuë. Notohuaro' piyapi'sa' co Yosë nohuitatonaraihuë' nosorotápirinahuë', noya nanan a'chintarahuë. Ya'ipi nani ni'nama', nani natanama'. Paatoma', Coansha sha'huitonco' no'tëquën nitochin.
25334	LUK 8:20	Napoaton a'naquëni sha'huitërin. —Ni'quë' Maistro. Mamaparin, iyaparinpita, inapita huëcatona', aipiran huaniapi. Yanontërinënquën, itopirinahuë', Quisososo' tapon:
25360	LUK 8:46	—A'naso' natëtonco, së'huarinco. Së'huahuachincora, nitotërahuë. Ca nohuanto, noyatërin, tënin.
25384	LUK 9:14	A'natërápo huaranca pochin quëmapi'sa' ya'huëpi ni'ton, napopi. Ina quëran ca'tano'sanënpita itërin: —Piyapi'sa' sha'huitoco' huënsë'ina'. A'natërápo shonca, a'natërápo shonca pochin huënsë'ina', itërin.
25449	LUK 10:17	Nani pënëntohuachinara, canchisë shonca catoya'pi chachin nóya cancantatona', Quisosoquë huëantapi. —Sopairo'santa' Sinioro nontërai. “Quisoso nanan quëtërincoi ni'ton, a'parainquën,” itohuatëira, pipipi, itopi.
25479	LUK 11:5	Ina quëran a'chintantarin. —Ni'co' iyaro'sa'. Ni'toro'sa' huë'pachinara, capa a'cacaso' nipachina, a'na piyapi pëinënquë pa'në'. Yono tashi' nipirinhuë', ma'sha nitonë'. “Cara pan quëtoco iyasha.
25785	LUK 18:28	—Ni'quë' Sinioro, quiyaso' ya'ipi ma'shanëhuëi patahuatoi, imasarainquën, itërin Pitrori.
25971	LUK 22:38	—Ni'quë' Maistro. Cato' sahuëni ya'huëtërincoi, itohuachina: —Tatoco huachi pa'ahua', itërin Quisosori.
26040	LUK 23:36	Sontaro'sarinta' tëhuapi. Ya'cariconahuatona', huino main nininso' ihuëtopi. —O'oquë' Maistro.
26046	LUK 23:42	Ina quëran Quisoso itapon: —Hua'anëntacaso' caniaritohuatan, yonquico Sinioro canta', itërin.
26215	JHN 3:26	Ina quëran Coansha sha'huitonpi. —Ni'quë' Maistro. Cortanii' aquëtëran nicasëhua', inaquë Quisosonta' nisarin ni'ton, anohuitërancoi. Iporaso' inanta' aporintarin. Na'a piyapi'sari imasapi. Co ina nápo quëmaso' imasarinënquënhuë', itopi.
26256	JHN 4:31	Co'huara canquiyatërasoihuë', Quisoso yaa'capiraihuë'. —Ca'quë' Maistro, itopiraihuë', co nohuantërinhuë'.
26293	JHN 5:14	Ina quëran chinotopiso pëiquë pa'sahuaton, apia anoyatërinso' quënancoantarin. —Ni'quë' iyasha. Nani quëmaso' noyatëran. Ama huachi oshahuaantaquësohuë', na'con na'con ma'sha onpotan, itërin.
26336	JHN 6:10	—Piyapi'sa' sha'huitoco' huënsë'ina', itërincoi Quisoso. Inaquë noya pastoa'huaya ya'huërin. Sha'huitohuatëira, inaquë huënsëpi. A'natërápo huaranca quëmapi'sa pochin ya'huëpi.
26386	JHN 6:60	Na'a piyapi'sa' Quisoso imasapirinahuë', ina nanan natanahuatona' a'naquën nisha yonquipi. —A'chininso' sacai' imacaso'. ¿Incaricha nitotaton, natërë'poya? nitopi.
26574	JHN 10:24	Na'a cotioro'sa' canquirahuatona', Quisoso ahuancanapipi. —Na'aro' natanpirainquënhuë', ¿onporo huarëta' sha'huitaponcoi? Quëmaso' Cristonquën nipatan, no'tëquën sha'huitocoi nitochii, itopi.
26636	JHN 11:44	Napotohuachina, chimipi nanpiantarahuaton, pipirin. Pa'on, imirin, inapita në'mëtërinquë ya'ipi so'pinpinan pipirin. Ya'pirionta' panioquë tonporayatopinan. Cotioro'sa' inachintopiso' ni'ton, ina pochin po'mopi. —I'quiritoco' pa'in, itërin Quisosori. Napotohuachina, i'quiritopi.
26711	JHN 13:12	Nani ya'ipicoi pa'morantëra'piatoncoi, a'moantarahuaton, huënsëantarin. Huënsëantarahuaton, a'chintërincoi. —Ma'ta' tapo napotëranquëmaso' iyaro'sa', ¿nitotërama' to? Ina a'chinchinquëma'.
26899	JHN 19:5	Naporo' Quisosonta' pëi quëran pipirin. Yancotë' nahuan quëran nipiso ayancotopi, quëhuanën miáchin a'motopiso'. Inapitarë chachin pipirin. —Ni'co' iso quëmapi, sa'ahua, itërin piyapi'sa'.
27025	ACT 2:7	Chiníquën pa'yanatona', ninontopi. —Ma'pitata' natanëhuaso'. Isopitaso Cariria parti ya'huëpisopitaráchin niponaraihuë',
27153	ACT 5:25	Naporo' a'na quëmapiri huë'sahuaton, sha'huitiirin. —Quëmapi'sa' tashinan pëiquë po'moramaso', Yosë chinotopiso pëiquë piyapi'sa' a'chintapi, itërin.
27281	ACT 8:36	Nani a'chintohuachina, ira pa'tapona pochin ii' quënanconpi. —Ni'quë' iyasha. Ii' ya'huërin. Canta' aporintoco, topirahuë', itërin hua'ani. [
27427	ACT 12:21	—Sha'huitëquë' huënta'ina' nonchi, itërin. Niyontonpachinara, noyápiachin nitaparin. Hua'anëntacaso' shiranënquë huënsërahuaton, piyapi'sa' nontarin.
27494	ACT 14:11	Piyapi'sari ni'sahuatona', Niconia nananquë ninontopi: —Yosëro'sa' isëquë o'matona', piyapi taraimapi, topi.
27588	ACT 16:36	Ina natanahuaton, Paono itapon: —Coisëro'sa' nanan a'patërinaco ocoia'huainquëmaso marë'. Napoaton noya pipico', itërin hua'ani.
27820	ACT 23:18	Napohuachina, hua'anënquë quëparahuaton, itonin: —Sontaro'sa' ya'huëpiquë Paono amatërinco. “Iso hui'napi hua'anënquë quëpaquë' nanan sha'huichin,” itërinco ni'ton, quënahuë, itërin.
27824	ACT 23:22	—Sha'huitërancoso' api, ama insonta' sha'huitëquësohuë', itahuaton hui'napi a'parin.
31024	REV 16:1	Naporo' chinotopiso pëi' inápaquë ya'huërinso quëran chiníquën noninso' natanahuë. —Piyapi'sa' ya'huërinquë paatoma', minëro'saquë ya'huërinso' të'yanantoco'. Të'yanantohuatama', parisitapi. Pa'pi co noyahuë' cancantopi ni'ton, Yosëri chiníquën no'huiton, ana'intarin, itërin anquëniro'sa'.