58	GEN 3:2	—Ya'ipi nitërinso', noya capa'huaiso'. A'naíchin huancánachin huanirinso', co Yosë nohuantërinhuë': “Ama ina nitërinso', ca'cosohuë'. Ama së'huacosohuë'. Ca'patama', tëhuënchachin chiminarama',” itërincoi Yosë, itërin.
66	GEN 3:10	Natanahuaton, quëmapiso tapon: —Co'ta o'maranso' natanai. I'nanpirashitëcoi ni'toi, të'huatërainquën. Naporahuaton tapantatëinquën, na'pirai, itërin.
69	GEN 3:13	Napotohuachina, sanapi ya'huërë' tahuërëtahuaton, itapon: —¿Onpoatonta naporanso'? itërin. —Ya'huan nonpintërinco ni'ton, ca'nahuë, tënin sanapi.
73	GEN 3:17	Ina quëran quëmapinta itapon: —Sa'an natëton, nara nitërinso co capacasohuë nipirinhuë', ca'nan. Naporanso marë' ya'ipiro'pa' co huachi noyatacaso marëhuë' sha'huitarahuë. Napoaton nitapiarin. Pa'pi chiníquën sacataquë huarë' coshataran. Chiminaquë huarë' inapoaran.
370	GEN 15:9	—A'nara ohuaca', a'nara capra, a'nara carniro, inapita cara pi'ipitopiso' quëshico. Naporahuaton, a'nara nëpë', a'nara pë'tahua nëpëa'hua', inapitanta quëshico, itërin Yosëri.
374	GEN 15:13	Naporo' Siniorori itapon: —A'na tahuëri shiparinpita, nisharo'sataquë yacapatapona'. Inaquë piyapitatona', camaiyapona'. Aparisitapona'. Catapini pasa pi'i inapoapona'.
417	GEN 17:19	Yosëriso nipirinhuë', itapon: —Sa'anquë chachin hui'nahuanaran ta'to, napotaranquën. Hui'nan nasitohuachin, Isaco itaran. Quëmarë'co anoyatërahuëso', inanta sha'huitarahuë. Sha'huitërahuëso chachin, shinpitanta catahuamiatarahuë.
434	GEN 18:9	Nani coshatohuachinara, ni'toro'sari Apraan natanpi: —¿Sa'anpo huachi? itopi. —Ma'tana në'mëtë pëi acoana ya'huëarin, itërin.
435	GEN 18:10	Naporo' a'nari itapon: —A'na pi'i quëran, nicaponquën huëantarahuë. Naporo' Sara hua'huanaton, hua'huin ipoarin huachi, itërin. Napoasoi Saraso', ya'ipi nonpiso' natanárin. Apraan pinën quëran, në'mëtë pëi acoana, ya'coana pirayan natanárin.
451	GEN 18:26	Napotohuachina, Siniorori itapon: —A'natërápo shonca co tëhuëpisopitahuë', Sotoma ninanoquë ya'huëhuachin, inapita nosoroato ya'ipi ina ninanoquë ya'huëpisopita nicha'ësarahuë, itërin.
489	GEN 19:31	A'na tahuëri paya paya nininsoari, caia'huain, itapon: —Ni'quë caira. Ya'ipi parti sanapi'sa ya'huërinso', so'yatona hua'huanpi. Canposo nipirinhuë', isoporinquë quëmapi pahuanin quëran, co inapochináchinhuë' ninë'. Tataíchin mini nipirinhuë', nani inanta mashotarin.
492	GEN 19:34	Tahuëriantarinquë paninanso', caya'huain itaantapon: —Ni'quë caira, achin tashi caso tata quëhuënaparahuë. Quëma ya'huërë' quëhuënapacaso marë' ipora tashinta ano'pianta'a. Inapoatë catonpo chachin tatanpo quëran tëranta hua'huasha ya'huëchinpo', itërin.
511	GEN 20:15	Ina quëtahuaton, itërin: —Ni'quë iya, no'panëhuëso pancana, insëquëso costaranquë ya'huëquë', itërin.
512	GEN 20:16	Saranta', itapon: —Ni'quë imoya, yo'yo masho huaranca coriqui prata quëran nininso' quëtërahuë. Ya'ipiya quëran co tëhuëransohuë' nitotacaiso marë' ina nápo quëtarahuë. Co insonta pinoinquënso ya'huërinhuë'.
549	GEN 22:1	Ina piquëran Yosëri: “¿Tëhuënchachin ta'ma Apraan natërinco to?” ta'ton, tënicaso marë' përarin: —Apraan, itërin. —Ma'ta Sinioro ya'huëarahuë, tënin Apraan.
550	GEN 22:2	Naporo' Yosëri itapon: —Hui'nan Isaco itëranso', a'naíchin ni'ton, nosoromiatëran. Ina nipirinhuë', masahuaton Moria parti quëpaquë'. Inaquë canconpatan, a'na motopi a'notaranquën. Inaquë chinotancoso marë' ina tëparahuaton, ya'ipi ahuiquitëquë', itërin.
555	GEN 22:7	Papon pochin Isacori, Apraan itapon: —¡Tata! itërin. —¿Ma'ta conpaa'hua'? itërin pa'pini. —Ni'quë tata, nani ihuë ya'huërin. Pë'to ra'pinta ya'huërin. Carniroa'hua ya'ipi ahuiquitacaso marëso': ¿Intoparanta manë'? itërin Isacori.
559	GEN 22:11	Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Ma'ta Sinioro ya'huëarahuë, itërin Apraani.
610	GEN 24:18	—O'oquë api, itërin Nipicari. Napotahuaton, yonshanën chinohuararin. Inapoaton o'shitacaso marë' së'quëtërin.
611	GEN 24:19	Nani o'opachina, Nipicari itapon: —I'sha maantarahuato, camiyonënpitanta o'opiquë ta'panchi nohuantopiso' o'oina', itërin.
615	GEN 24:23	Inapita quëtahuaton, natanin: —¿Ma'ninta quëmaso' tata? —Caso tatahuë Pitoiro. A'shinso', Mirica itopi. Tata pa'pinso' Nacoro itopi. —¿Ya'huërin canpita pëinëmaquë chinota'huaiso to? —Ya'huërin mini. Camiyoro'santa capacaiso ya'huërin, itërin Nipicari.
625	GEN 24:33	Cosharo acotohuachinara, Apraan piyapinënso' tapon: —Co'huara coshachátërapohuë', ma'marësona huë'nahuëso'ton, sha'huita'huanquëmaso ya'huërin, tënin. —Ina'ton nipachin sha'huitocoi, itërin Napanori.
642	GEN 24:50	Napotohuachina, Napano, Pitoiro, inapitari itopi: —Ya'ipi naporansopita Sinioro nohuanton naporin tënai. Napoaton, so'yachin nipachin.
649	GEN 24:57	Napohuachina, itaantapi: —Pa'ahua nipachin nanon përahua'. ¿Ma'tama ichinpoa pa'? topi.
691	GEN 25:32	Napotohuachina, Isaoso' tapon: —Ni'quë iyasha, tana caso yatëpararinco. Chiminpatoso', paninan ninahuëso marë' cana'huaso' ya'huëtërincosopita, topinan quëran nisarin, itërin.
729	GEN 27:1	Isaco noyá mashotohuachina, pëtorayataton co huachi quënantërinhuë'. A'na tahuëri hui'nin paninan Isao itopiso' përarin. Huë'pachina: —Conpa, itërin. —Ma'ta tata ya'huarahuë, itërin Isaori.
730	GEN 27:2	—Ni'quë conpa, nani caso mashotërahuë. Payo chiminapo huachi.
746	GEN 27:18	Cacoposo', pa'pin ya'huërinquë ya'conahuaton, nontoonin: —¡Tata! itërin. —Ya'huarahuë conpa. ¿Inso hui'nahuënquënta quëmaso'? itërin pa'pini.
749	GEN 27:21	Pa'piniso nipirinhuë', itaantarin: —Ya'carico nipachin së'huainquën. Tëhuënchachin Isaonquën ninanso yanitotërahuë, itërin.
754	GEN 27:26	Inaporahuaton hui'nin itapon: —Ya'cariatonco conpa apinoco, itërin.
763	GEN 27:35	Itopirinhuë', pa'pini itapon: —Iyaa'hua huë'sahuaton nonpintiirinco ta'a. Quëma pochin ancantato, noya ya'huëcaso marë' sha'huitërahuë, itërin.
765	GEN 27:37	Napotohuachina, Isacori itapon: —Ni'quë conpa: Nani Cacopo sha'huitërahuë camairápainquënso'. Ya'ipi quëmopinënpita camairápaso marë' nani sha'huitërahuë. Hua'huayátërahuë, trico, huino, inapita ya'huëtacaso marë' Yosë nontërahuë. Inasá tiquiantërahuë ni'ton, ¡quëma marëso' capa huachi ta'a! itërin.
770	GEN 27:42	Isao napo yonquitërinso', Nipicaso nitotërin. Napoaton Cacopo amatahuaton, itapon: —Ni'quë hua'hua. Iya masho, napotëranso marë' yatëparinquën natantërahuë.
814	GEN 29:18	Cacoposo' Naquira costaton, apin itapon: —Hui'nan hua'hua nininso', Naquira itëramaso nohuantërahuë. Ina marë' canchisë pi'ipi quëma marë' sacatarahuë, itërin.
832	GEN 30:1	Naquira co nito hua'huanatonhuë', cainpain noyaparin. Napoaton so'in itapon: —Hua'huantoco canta'. Co'so' hua'huantohuatancohuë', chiminarahuë, itërin.
845	GEN 30:14	Trico macacaso tahuëri'sa', Nopino pa'sahuaton, mantracora huayo itopiso' quënanconin. Ina masahuaton, a'shin quëshimarin. Ina quënapataton Naquirari itapon: —Hua'huan mantracora huayo quëshirinquënso', quëtoco canta topirahuë, itërin.
847	GEN 30:16	Tashi huarë' Cacopo pasto quëran huënantahuachina, Niari nacapirahuaton: —Hua'huahuë mantracora huayo quëshirincoso', nani Naquira quëtërahuë. Quëmaro'co ipora tashi huë'ëca'huaso marë' inaquë pahuërëtërahuë, itërin. Napotohuachina, naporo tashi Niaso', Cacopo huë'ëparin.
856	GEN 30:25	Cosi nasitërin piquëran Cacoposo', Napano itapon: —Ya'huërahuëquë chachin yapanantapirahuë'.
905	GEN 31:31	Napotohuachina, Cacopori Napano itapon: —Të'huatatënquën topinan huë'sarahuë: “Paanta'huaso sha'huitohuatoso', sa'ahuëpita osërëtamarinco,” ta'to, naporahuë.
955	GEN 32:27	Quëmapi ya'norinsoso', Cacopo itapon: —A'poco huachi, nani tahuëririarin, itërin. —Co'so' noya ya'huëca'huaso marë' sha'huitohuatancohuë', co a'poaranquënhuë', itërin inarinta'.
966	GEN 33:5	Ina quëran Isaoso', sanapi'sa', hua'huaro'sa inapita ni'nin. Ni'sahuaton iin natanin: —¿Isopita po'? ¿Inpitata? itërin. —Hui'nahuëpita ta'a. Yosë nohuanton ya'huërinso', tënin Cacopo.
989	GEN 34:8	Amoroso nipirinhuë', inapita nontaton napotërin: —Hui'nahuë Siquimo itërahuëso', oshiparima pa'pi nohuantërin macacaso marë'. Onpopionta quëtoco'.
1014	GEN 35:2	Napotohuachina Cacoposo', ya'ipi hui'ninpita, sa'inpita, piyapinënpita, inapita camairin: —Ya'ipi nisha nisha mamanshiro'sa chinotëramaso', a'poco'. A'poatoma quëshico pa'pitahua'. Naporahuaton amarahuatoma', noya nininso i'nanpiraco'.
1092	GEN 37:8	Napohuachina, inapitari itapon: —Hua'an ya'conpato iyahuëpita camaiyápo ¿tocomaranquën ti? ¡Catoro' quëma camaiyáponcoi! itopi. Hua'narinso marëpita na'con na'con no'huipi. Sha'huihuachina, co yainhuë' natanpi.
1097	GEN 37:13	Naporo' pa'pini Cosi itapon: —Ni'quë conpa. Iya mashoro'sa Siquimo ya'cari ya'huëapi. Inaquë ohuicaro'sa', chiporo'sa', inapita a'pairapi. Paaton ni'contaquë topirahuë, itërin. —Noya tatapa'. Pa'i nipachin, itërin.
1137	GEN 38:17	—Pë'tahuarahuësopita quëran, a'nara chipoa'hua a'patiaranquën, itaantarin Cotari. —Inta nipachin. Napoaponahuë', ma'sha tëranta quëmaquën nininso' patëquë'. Chipoa'hua a'patianco huarë', cari tapaarahuë, itërin sanapiri.
1142	GEN 38:22	Napotohuachina, Cota ya'huërinquë huëantarahuaton, itiintarin: —Co'chi sanapi quënanconahuë paya. Ya'huëhuano'santa': “Co isëquë monshihuantë sanapi ya'huërinhuë',” itërinaco, itërin.
1143	GEN 38:23	Napotohuachina, Cotari itapon: —Ma'ta pini. Noyatapon. Quëtërahuësopita yamapachin, main nipachin. Ina marë' nanan ocoihuatëhuaso', piyapi'sa tëhuaponënpoa'. Nanichi chipoa'huaya a'patochinpirahuë', co quëmari quënanconanhuë', itërin.
1158	GEN 39:8	Napotopirinhuë', Cosiso co pi'pisha tëranta nohuantërinhuë'. Napoaton itapon: —Ni'quë siyora, pi'pian sha'huichinquën topirahuë: Hua'anëhuë ya'ipi ya'huëtërinsopita a'paia'huaso marë' acorinco. Cari ya'ipi a'paiarahuë ni'ton, co ma'marë tëranta yonquiárinhuë'. Natërinco ni'ton, sano cancantërin.
1182	GEN 40:9	Napotohuachina o'shina'piro'sa hua'anso', hua'narinso Cosi sha'huitërin: —Huë'ëhuëquë a'nara opa ya'huë ni'nahuë, cara së'pahuaninso'. Nicasoco chachin, papo së'patarin. Papo së'patahuaton, yancotarin. Yancotërinquëranchin nitërinsopita cayarin.
1213	GEN 41:17	Napotohuachina huaraoni itapon: —Huë'ëhuëquë Niroi' yonsanquë huaniárahuë hua'narahuë.
1275	GEN 42:22	Napohuachinara, Nopinori itapon: —Co'ta carima': ¡Ama napotocosohuë'! itopiranquëmahuë', co natëramacohuë'. Napoaton iporaso' canpoanta', tëpatona'pi i'huërëtopiso pochin nitarinënpoa', itërin.
1290	GEN 42:37	Naporo' Nopinori, pa'pin itapon: —Iya'hua a'pahuatan, cari tata a'paiarahuë. Co'so' quëshintahuatënquënhuë', cato hui'nahuëpita nininso', nanitëran tëpamaso', itërin.
1292	GEN 43:1	Canaan parti co manta capacaso ya'huërinhuë' ni'ton, aquë aquëtë tanarotapi. Napoaton i'hua Iquipitoquë trico pa'anpiso' pë'yapi. Pë'yahuachinara, Cacoposo' naquëranchin hui'ninpita camaiantarin: —Pa'mantatoma trico pa'amantaco', itërin.
1294	GEN 43:3	Napopirinhuë' Cotari itapon: —Co'ta tata hua'an napotërincoiso', nani sha'huitërainquën: “Co'so' iyaparima hua'hua nininso quëmahuatamahuë', ama o'macosohuë'. Ina quëmama huarë' tahuërëtaranquëma',” itërincoi. Iya'hua a'paantohuatancoi, naporo huarë' trico pa'antomarainquën. Co'so' a'paantohuatancoihuë', co pa'maaraihuë', itërin.
1298	GEN 43:7	—Na'con natanincoi onpo ya'huëtërëhuasona nininso': “¿Nanpiárin tataparima'?” itahuatoncoi: “¿A'na iyaparimanta ya'huërin?” itomantarincoi. Napo natanpachincoira, topinan a'panitërai. ¡Co quiyaso' nitotëraihuë': “Iyaparima hua'hua nininso quëshimacoi,” itiincoiso'! itopi.
1310	GEN 43:19	Napoaton Cosi pëinënquë yaya'conpachinara, piyapinën itapona': —Pi'pian sinioro nonchinquën topiraihuë'. I'hua chachionta o'mapoi, tëhuënchachin trico pa'anapoi o'marai. Pa'anahuatoi panantápiraihuë', huancopi huë'ëconaiquë, costaronëhuëi i'shiritërai. I'shiritopiraihuë', coriqui pahuërëtëraiso' ya'ipi chachin costaronëhuëiquë quënanai. Napoaton quëtaanta'huanquëmaso marë' quëmantarai.
1318	GEN 43:27	Cosiri iinpita nontahuaton itapon: —I'hua o'mapoma': ¿Tatahuëi ya'huëarin itëramaco pora? ¿Noya ya'huëarin? ¿Nanpiarin ipora huanta ti? itërin.
1343	GEN 44:18	Cosi napohuachina, Cotari amasha ya'carirahuaton, itapon: —Pi'piyan sinioro nonchinquën topirahuë. Yonquirahuëso no'tëquën sha'huichinquën. Quëmaso' huaraon pochachin chiníquën nanantëran. Napoaton ama no'huitonco ana'intaancoso marëhuë' napotaranquën.
1376	GEN 45:17	Noya cancantaton huaraoniso', Cosi itapon: —Iyaro'sa sha'huitëquë', pë'tahuanënaquë trico a'mitahuatona', Canaan parti pananta'ina'.
1389	GEN 46:2	Naporo tashi Yosëri hua'narëso pochin ya'notërin. Ya'notahuaton, nininën quëran përarin: “Cacopo” itërin. Napotohuachina, inariso itapon: —Ma'ta Sinioro ya'huarahuë, itërin.
1525	GEN 50:18	Naporo chachin iinpitanta', canquipi. Canquihuachinara, isonpi quëran no'paquë huarë' monshorahuatona', moshaipi. Mosharahuatona', itopi: —Ma'tana iya, ya'huarai. Hua'anëntatoncoi yacamaihuatancoi, inapotocoi, itopi.
23258	MAT 2:20	—Hua'huasha tëpana'pi nani chiminin ni'ton, israiro'sa' ya'huëpiquë panantaquë'. Hua'huasha a'shinë chachin quëpantaquë', itërin.
23436	MAT 8:22	Quisosori itërin: —A'naquën co nohuantopihuë' imainacoso'. Chimipi pochin cancantopi. Inapitari pa'pichina'. Quëmaso nipirinhuë' ca na'con na'con yonquiatonco, imaco, itërin.
23448	MAT 8:34	Natanahuatona', na'a piyapi'sa' huë'pi Quisoso nicacaiso marë'. Nani ni'pachinara, të'huatatona': —A'na parti paquë', itopi.
23466	MAT 9:18	A'chinaquëya', a'na cotio hua'an huë'nin. Quisoso notënanquë isonquirin. —Hui'nahuë apira chiminin. Huëcaton, Sinioro, së'huaquiquë' nanpianta'in, topirahuë', itiirin.
23569	MAT 12:11	—Ni'cochi iyaro'sa', ohuicaro'sa' pë'tahuahuatamara, a'naya tëranta' panca nanincatëquë anotohuachina, ocoirama'. Chinoto tahuëri nipirinhuë', masahuatoma', ocoirama'.
23735	MAT 15:33	—Pa'pi notohuaro' piyapi'sa' yamorapi. ¿Intohuacha cosharo' macatë' isonapo' piyapi a'carë nicaya? Co pëi' isëquë ya'huërinhuë', itopi.
23779	MAT 17:10	—Pi'pian Sinioro yanatanainquën. Maistro'sa' Yosë quiricanën a'chinpachinara, napopi: “Co'huara Cristo o'mayatërasohuë', Iniasë'ton huëantarin,” topi. ¿Onpoatonta' napopi? itërin ca'taninsopitari.
23780	MAT 17:11	—No'tëquën napopi. “Noya ayonquiantacaso marë' huëantapon,” tënin pënëntona'pi ninoton.
23784	MAT 17:15	—Hui'nahuë Sinioro nosorotoco. Chiníquën parisitarin. Sopai nohuanton, no'paquë nitë'yatahuaton, sa'po sa'po niconin. Pacoro pacorotarin. A'na tahuëri pënquë anotërin. A'na tahuëri i'quë nitë'yaitërin. Naporárin.
23786	MAT 17:17	—¡Ma'huantacha ninama paya! Canpitaso' co Yosë natëramahuë'. Co natëtochináchinhuë' cancantërama'. Nani hua'qui' a'chintopiranquëmahuë', ¿onporo huarëta' yanatëramaco? itahuaton, —Hua'huasha quëshico, itërin Quisosori.
23794	MAT 17:25	—Pahuërëtërin mini, itërin Pitrori. Ina quëran pëiquë ya'conpachina, inaquë Quisoso quënanconin. Co'huara sha'huichátërasohuë', inari ninoton, itërin: —Pi'pian iyasha natainquën. Copirnoro'sa' coriqui nohuantohuachinara, ¿inpitata' ma'parin? ¿Quëmopinënpita quëran huarë' ma'parin to? itërin.
23795	MAT 17:26	—Co quëmopinënpitaso' ma'parinhuë'. Nisharo'saráchin ma'parin, itërin Pitrori. —No'tëquën naporan. Napoaton co hui'ninpitariso' quëtacaso' ya'huërinhuë'. Inapochachin Yosë pëinënquë nicacaso' ya'huërin. Co caso' quëta'huasohuë' nipirahuë',
23797	MAT 18:1	Ina quëran ya'ipi ca'tano'sanënpitari paahuarahuatona', Quisoso natanpi. —A'na tahuëri Yosë isoro'paquë hua'anëntohuachin, ¿insota' chini chiníquën nanantarin? itopi.
23817	MAT 18:21	Ina quëran Pitrori itërin: —A'na iyahuë Sinioro ma'sha onpotohuachinco, nanan anoyachi, tënahuë. Nipirinhuë', naquëranchin naquëranchin ma'sha onpotohuachinco, ¿onpo onporota' nanan anoyachi? ¿Canchisëro' pochin nimara ti? itërin.
23842	MAT 19:11	—A'naquën mini Yosë nohuanton co sa'apihuë'. Na'con na'conso nipirinhuë' noya sa'acaso'.
23851	MAT 19:20	—Hua'huatapo quëran huarë' inapita natërahuë. ¿Ma'ta' pahuantarinco nica'huaso'? itaantarin ma'huani.
23882	MAT 20:21	—¿Ma'ta' imoya nohuantëran? itërin Quisosori. —Hua'an ya'conpatan, hua'huahuëpita chiníquën nanan quëtëquë', topirahuë'. Quëma pirayan ahuënsëquë', a'nara' inchinan quëran, a'nanta' ahuënan quëran ahuënsëquë', itërin.
23906	MAT 21:11	—Co'ta Quisoso, Cariria parti ya'huërinso'. Nasarito quëran huëcaton, na'con pënëntërin, itopi.
23926	MAT 21:31	Cato' hui'nin chachin sha'huitopirinhuë', ¿insoarita' natërinso'? itërin Quisosori. —Ya'nan camairinso' pa'pin natëton, sacatërin, itopi. —No'tëquën naporama'. A'naso' “Pa'i nipachin,” taponahuë', co pa'ninhuë'. Inapochachin copirno marë' coriqui ma'patona'piro'sa', monshihuana'piro'sa', inapita co noyahuë' yonquipirinahuë', iporaso' ina naniantahuatona', Yosë imasapi. Imatona', tëhuënchachin hua'anëntërinquë ya'conapi. Canpitaso nipirinhuë' co yaya'conamahuë'.
23936	MAT 21:41	—Pa'pi co noyahuë' nipi ni'ton, chiníquën no'huiton, a'naroáchin tëpapon. Ina quëran nasha inpriatoro'sa' acoantarin. Inapitaso' opa nitohuachin, no'tëquën quëtapi huachi, itopi.
23977	MAT 22:36	—Pi'pian Maistro yanatananquën. Yosë na'con pënëninpoa'. ¿Ma'ta' na'con na'con nohuantërin nicacaso'? itiirin.
24030	MAT 24:4	—Ni'cona iyaro'sa' nonpintochinënquëma'.
24138	MAT 26:15	—Po'oana quëran Quisoso a'notohuatënquëma', ¿onpo coriquita' quëtaramaco? itërin. —Cara shonca coriqui prata quëran nininso' quëchinquën, itopi. Itohuachinara: —Noyahua'. Quëtoco nipachin a'nochinquëma', topachina, quëtopi.
24144	MAT 26:21	Coshatapona pochin itërin: —No'tëquën ipora itaranquëma'. Shonca catonquëma' ca'tanpiramacohuë', a'naquëma' sha'huirapiaramaco, itërin.
24156	MAT 26:33	—A'napita ta'ananpipirinënquëonta', co caso' ta'arahuë', tënin Pitro.
24157	MAT 26:34	—No'tëquën iyasha, itëranquën. Ipora tashi chachin co'huara atari përashatërasohuë', cararo' nonpinapiaranco. “Co caso' Quisoso nohuitërahuë',” toconapon, itërin Quisosori.
24161	MAT 26:38	—Pa'pi sëtërahuë. Chiminchináchin sëtërahuë. Isëquë huënsëtaco'. Ama huë'ëtomarahuë', ni'táco', itërin.
24173	MAT 26:50	—Ma'sona yaninanso' iyasha, manóton niquë', itërin Quisosori. Ina quëran piyapi'sari chiníquën masapi huachi.
24184	MAT 26:61	—I'hua chachin Quisoso noninso' natanai. “Yosë chinotopiso pëi' ata'huantahuato, caora nanitërahuë anoyatanta'huaso'. Cara tahuëri quëran anoyatantarahuë,” toconin, itopi.
24189	MAT 26:66	¿Ma'ta' onpotahua' Quisoso? tënin. —Pa'pi co noya quëmapihuë' ni'ton, tëpacaso' ya'huërin, topi ya'ipiya.
24211	MAT 27:13	—Na'con nonapirinënquën, ¿co natananhuë' ti? itopirinhuë' Piratori.
24227	MAT 27:29	Yancotënta' nahuan quëran nicatona', ayancotopi. Ina quëran tëhuacaiso marë napotopi: —Ma'tana huaranën maquë huachi, itatona', piquiranan asë'quëëpi. Naporahuatona' ina notënanquë isonpi: —Hua'qui tahuëri nanpiton cotioro'sa' hua'anëntëquë', itopi.
24273	MAT 28:9	Pa'sapirinahuë', a'nanaya iraquë chachin Quisosori ya'notërin. —Huë'cama imoyaro'sa', itërin. Ina nohuitatona', ya'carionpi. Monshorahuatona', nantën iporantërahuatona', chinotopi.
24442	MRK 5:9	—¿Ma'ninquënta' quëmaso'? itërin Quisosori. —Na'acoi ni'toi, “na'a huaranca,” itërinacoi.
24445	MRK 5:12	—A'pacoi coshiro'saquë tëranta' ya'coanta'ii, tosapi.
24452	MRK 5:19	Quisososo nipirinhuë' co nohuantërinhuë'. —Ya'huëranquë iyasha paantaquë'. Quëmopinënpita sha'huitonquë'. “Sinioro noyá anoyatërinco. Na'con nosororinco,” itëquë', itërin Quisosori.
24464	MRK 5:31	—Ni'quëchi Maistro, notohuaro' piyapi'sa' ya'quëëtapirinënquënhuë', “¿Inta' së'huarinco?” ¿tënan ti? itërin ca'tano'sanënpitari.
24468	MRK 5:35	Ina nontaso chachin, Cairo pëinën quëran huë'sahuatona', sha'huitiipi. —Hui'nan nani chiminin huachi. ¿Ma'marëta' topinan quëran Maistro quësaran? itiipi.