57	GEN 3:1	Sinioroso Yosë ni'ton, ya'ipi tananquë ma'sharo'sa ya'huërinsopita acorin. Ya'huanso nipirinhuë', a'napita ma'sharo'sa quëran yonqui yonquínahuan ninin. Sanapi yanonpintaton, paaparin nontacaso marë': —¿Tëhuënchachin ta'ma Yosë apiratërinquëma ya'ipi isopita nararo'sa nitërinso capamaso to? itërin.
69	GEN 3:13	Napotohuachina, sanapi ya'huërë' tahuërëtahuaton, itapon: —¿Onpoatonta naporanso'? itërin. —Ya'huan nonpintërinco ni'ton, ca'nahuë, tënin sanapi.
90	GEN 4:10	Napotohuachina, Siniorori itapon: —¿Onpoatonta naporan? Iyaya tëpaton, pa'pi co noyahuë' ninan. Huënainën a'patëran ni'ton, co huachi noya ya'huëcamaso marëhuë' sha'huitaranquën.
369	GEN 15:8	—¿Onporahuatota hua'anëntomiata'huaso nitotapo? tënin Apran.
650	GEN 24:58	Nipica përasahuatona', natanpi: —¿Ipora tahuëri chachin nohuantëran iso quëmapi imacaso to? itopi. —Nohuantërahuë mini, tënin.
657	GEN 24:65	Nohuararahuaton Apraan piyapinën natanin: —¿Inta pasoso' quëmapi canpoataquëchin huë'sarin? itërin. —Ina mini Isaco. Hua'anëhuë Apraan hui'nin, itërin. Ina natanahuaton, Nipicaso niimomototërinso' në'mëtëquë, nipa'shinayatërin.
748	GEN 27:20	Napotohuachina, Isacori natanapon: —¿Onporahuatonta conpa a'naroáchin quënan quënanaranso'? itërin. —Sinioro chinotëranso', inaso Yosë ni'ton, catahuarinco quënana'huaso', itërin Cacopori.
751	GEN 27:23	Isao tanpaquën pochin anporohuaninso marë' co nohuitërinhuë'. Napoaponahuë' co'huara noya ya'huëcaso marë' sha'huichátërasohuë', naquëranchin nataantarin: —¿Tëhuënchachin quëma Isaonquën? itaantarin. —Inaco mini, itërin Cacopori.
760	GEN 27:32	Napotohuachina Isacori natanin: —¿Inquënta quëmaso'? itërin. —Ca mini Isaoco, paninatërancoso', itërin.
761	GEN 27:33	Hui'nin natanahuaton, Isaco pa'pi pa'yantërin. Pa'yanaton ropa ropátarin quëran itapon: —¿Inta nipachin apípora inantërinso po'morahuaton, quëshirinco? Co quëma canquiyátërasënquënhuë quëshirinco ni'ton, nani ya'ipi ca'nahuë: “Isao mini,” ta'to, nani noya ya'huëcaso marë' sha'huitërahuë. Ipora inaso', noya noya ya'huapon huachi, itërin.
766	GEN 27:38	Itopirinhuë', Isaoriso chiníquën nontaantarin: —¿Iyayáchin noya ya'huëcaso marë' sha'huitacaso ya'huërin ti? ¡Canta onpopionta inapotoco! itërin. Napotahuaton chiníquën na'nëantarin.
800	GEN 29:4	Cacopori a'paipisopita natanin: —¿Intoparanta canpitaso iyaro'sa'? itërin. —Aran quëran quiyaso' ta'a, itopi.
801	GEN 29:5	—¿Nohuitërama canpita Nacoro hui'nin, Napano itopiso' to? taantarin Cacopo. —Nohuitërai mini, itaantapi.
802	GEN 29:6	—¿Noya ya'huëarin? itaantarin. —Noya mini ya'huarin, itopi. Napotahuatona': —¡Ma'tana hui'nin Naquira itopiso' huë'sarin! Ohuicanënpitarë chachin huë'sarin, itaantapi.
910	GEN 31:36	Co quënanpachinahuë', Cacopo ya'huërë' no'huitaton Napano chiníquën nontërin. —¿Maquëta tëhuëtëranquën ni'nan? ¿Ma'ta onpoato oshahuanahuë ni'ton, co napion cancantaton imaquirancoso'?
966	GEN 33:5	Ina quëran Isaoso', sanapi'sa', hua'huaro'sa inapita ni'nin. Ni'sahuaton iin natanin: —¿Isopita po'? ¿Inpitata? itërin. —Hui'nahuëpita ta'a. Yosë nohuanton ya'huërinso', tënin Cacopo.
1012	GEN 34:31	Napotopirinhuë', inapitariso itaantapi: —¿Monshihuantë paya pochin oshihuë nitacaso' nohuantopiranhuë' ti? itopi.
1135	GEN 38:15	Cotari quënanahuaton, nipa'shinayatërinso marë': “Isoso sanapi, monshihuantë',” tënin. Napoaton pëshonin ya'caricaso marë'. Co shiin nohuitatonhuë', itapon: —¿Canta quëmaro'co nii topirahuë? itërin. —¿Ma'ta nipachin pahuërëaponco? tënin sanapinta'.
1180	GEN 40:7	Napoaton, cato chachin natanin: —¿Onpoatomata iporaso' pa'pi sëtëramaso pochin ya'norama'? itërin.
1260	GEN 42:7	Ipora quënanapon chachin Cosiso', iinpita nohuitërin. Nohuitaponahuë', co nohuitërinhuë pochin ninin. Napoaton no'huitatë pochin co yashinhuë' nontërin: —¿Canpita po'? ¿Intoparanta huë'nama'? itërin. —Canaan parti quëran, trico pa'anapoi o'marai, itopi.
1424	GEN 47:3	Naporo' inari natanin: —¿Maquëta canpitaso sacatërama'? itërin. —Quiyaso' quëma piyapinënpita pochincoi ninai. Shimashonëhuëipita pochachin ohuica pë'tahuatona'piro'sacoi.
1429	GEN 47:8	Huaraoni ni'sahuaton natanin: —¿Onpo pi'ita ya'huëtërinquën? itërin.
1460	GEN 48:8	Ina ta'sochachin a'nanaya Cacoposo' tahuërëtahuaton ni'pirinhuë', Cosi hui'ninpita quënanin. Inapita quënanaton, hui'nin natanin: —¿Inpitata isopitaso'? itërin.
23245	MAT 2:7	Copirnoso' natanahuaton, co a'ninquëchin yanatantërinhuë'. Po'oana quëran tayora nitotona'piro'sa' amatërin. Huë'pachinara, inaora quëparahuaton, nontërin: —¿Ma yoquiquëta' nasha tayora ya'norin? itërin. Sha'huitohuachinara, itantarin:
23441	MAT 8:27	Ina nicatona', ca'tano'sanënpita pa'yanpi. —¿Ma quëmapicha isoso' ni'ton, ihuan a'parin paya? Sononta' a'naroáchin asanoirin, nitopi.
23718	MAT 15:16	—¿Co canpita tëranta' yonquiyátëramahuë' ti? Inta nipachin, a'chinchinquëma'.
23736	MAT 15:34	—¿Onpo panta' ya'huëtërinquëma'? itohuachina, —Canchisëíchin pan, caraíchin sami, inaíchin ya'huëtërincoi, itopi.
23834	MAT 19:3	Ina quëran a'naquën parisioro'santa' huë'pi. Nonpintatona', atëhuëcaiso marë' nontiipi: —¿Noya ipora sa'anpo' të'yatacaso' ti? itiipi.
23905	MAT 21:10	Quirosarinquë canconpachina, ya'huëhuano'sa' pa'yanatona', noncaroapi. —¿Ma piyapita' isoso'? topachinara,
24168	MAT 26:45	Ina quëran huënantahuaton, itërin: —¿Ipora huanta' huë'ësarama' ti? Nani ora nanirin huachi. Yosë quëran quëmapico nipirahuë', sha'huirapiarinco oshahuano'sa' macainacoso marë'.
24185	MAT 26:62	Corto hua'an chini chiníquën nanantërinsoari huanirahuaton, Quisoso itapon: —¿Co manta' tënanhuë' ti? ¿Ma'ta' tapona' isopita nonapiarinënquën? itërin.
24193	MAT 26:70	—¿Ma quëmapita' napotaranso'? Co caso' ina nohuitërahuë', itërin. Ya'ipiya natanpi.
24238	MAT 27:40	—¿Nani ma'sha nanitaparan ti? I'hua naporan: “Yosë chinotopiso pëi' ata'huantohuato, cara tahuëri quëran anoyatantarahuë,” tënan. Inta nipachin cha'ëquë'. Yosë hui'ninquën chachin nipatan, corosë quëran nohuararahuaton cha'ëquë', itoonpi.
24433	MRK 4:41	Pa'pi pa'yanahuatona', ninontopi: —¿Ma quëmapicha isoso' ni'ton, ihuan a'parin nicaya? Sononta' a'naroáchin asanoirin, nitopi.
24514	MRK 6:38	—¿Onpo panta' ya'huëtërinquëma'? Paatoma', ni'conco', itërin. Pa'sahuatona', ni'conpi. —A'natërapoya pan, catoyachin sami, inaíchin ya'huëtërincoi, itiipi.
24550	MRK 7:18	—¿Co canpita tëranta' nitochátëraramahuë' ti? Inta nipachin, a'chintanta'inquëma'. Nani ma'sha ca'nëhuaso marë' co ina marë' oshahuanëhuahuë'. Co cosharo' cancanënpoaquë ya'coninhuë'. Chi'chirinamënpoaquë ya'conin. Ina quëran inquiantarë'. Napoaton ya'ipi cosharo' noya capacaso'. Coshatërëhuaso marë' co oshahuanëhuahuë', itërin.
24574	MRK 8:5	Napotohuachinara, Quisosori natanin: —¿Onpo panta' ya'huëtërinquëma'? itohuachina: —Canchisëyachin ya'huëtërincoi, itopi.
24586	MRK 8:17	Ninontopiso' nitotaton, Quisosori itapon: —¿Onpoatonta “capa pan,” toconama'? ¿A'chintápiranquëmahuë', co ipora huanta' yonquiyátëramahuë ti? ¿Co natantochináchinhuë' cancantërama' nica?
24628	MRK 9:21	—¿Onporo quëran huarëta' hui'nan naporin? itërin. —Hua'huatapon quëra huarë' naporin.
24659	MRK 10:2	Parisioro'santa' Quisoso ya'carirahuatona', atëhuëcaiso marë' natanquipi: —¿Noya ipora sa'anpo' të'yatacaso' ti? itiipi.
24860	MRK 14:37	Ina quëran huënantapirinhuë', cara chachin huë'ësápi quënanquintarin. —¿Onpoatoncha iya Simon, huë'ësaran paya? ¿Co a'na ora tëranta' nanitëranhuë' ni'tamaso' ti?
24864	MRK 14:41	Naquëranchin paantarahuaton, Yosë nontantarin. Ina quëran huënantarahuaton, ca'tano'sanënpita itapon: —¿Ipora huanta' huë'ësarama' ti? Nani huachi. Nani ora nanirin. Yosë quëran quëmapico nipirahuë', sha'huirapiarinco oshahuano'sa' macainacoso marë'.
24891	MRK 14:68	—¿Ma quëmapita' napotëranso'? Co caso' ina quëmapi nohuitërahuë', itërin. Ina quëran pipirahuaton, paira ya'coanaquë pa'nin. Naporo' atari përarin.
25313	LUK 7:49	A'napitaso' natanahuatona', ninontopi. —¿Ma quëmapita' isoso'? ¿Oshanëna quëran huarë' inquitacaso' nanitërin ti? nitopi.
25339	LUK 8:25	—¿Onpoatomata' co natëramacohuë? itërin. Inapitaso nipirinhuë' pa'yanatona', ninontapi. —¿Ma quëmapicha isoso' ni'ton, ihuan a'parin nicaya? Sononta' a'naroáchin asanoirin, nitopi.
25610	LUK 13:23	A'chintohuachina, a'na quëmapiri itapon: —¿Onpo piyapita' cha'ëpona'? ¿Caraíchin nimara ti? itërin.
25625	LUK 14:3	Cotio maistro'sa', parisioro'sa', inapita notëërahuaton, Quisosori itërin: —¿Noya chinoto tahuëri cania'pi anoyatacaso' ti? ¿Ma'ta' tënama' canpita? itërin.
25783	LUK 18:26	Ina natanahuatona', pa'yanpi. —¿Incha nica cha'ërë'poya? itopi.
25982	LUK 22:49	Ca'tano'sanënpitari quënanahuatona', “Quisoso yamasapi,” ta'tona', yaahuëtopi. —¿Sahuëniquë Sinioro ahuëchi? itopirinahuë'.
26163	JHN 1:50	—¿Ninoto quënananquënso marëáchin natëranco ti? saca sacai nininsopita ni'saran, itërin.
26285	JHN 5:6	Inaquë quëhuënápirinhuë', Quisosori quënanquirin. “Nani hua'qui' caniorin,” itohuachina, apia itapon: —¿Nohuantëran noyatamaso ti? itërin.
26291	JHN 5:12	—¿Ma quëmapita' napotërinquën? itopi.
26331	JHN 6:5	Quisoso natanacaiso marë' notohuaro' piyapi'sa' canquirapi. Inapita quënanahuaton, Quisosori Pinipi itapon: —¿Intohuacha cosharo' pa'anë isopita capacaiso marë' nicaya? itërin.
26393	JHN 6:67	Napohuachinara, ca'tano'sanënpitacoi itaponcoi: —¿Co canpitaso' a'poapomacohuë' to? itërincoi.
26422	JHN 7:25	Ina quëran ya'huëhuano'sari Quisoso quënanahuatona', ninontopi. —¿Isona quëmapi yatëpapiso' ti?
26425	JHN 7:28	Quisososo nipirinhuë', Yosë chinotopiso pëiquë chiníquën itaantarin: —¿Nohuitëramaco ti? Intohua quëranso' huë'nahuëso' nitotapomarahuë', co tëhuënchachin nohuitëramacohuë'. Co caora nohuanto, o'marahuë'. Yosë nohuanton, o'marahuë. Inaso' no'tëquën nonin. Nipirinhuë', inanta' co nohuitëramahuë'.
26460	JHN 8:10	Quisoso huaniantarahuaton, itapon: —¿Inso huachi, imoya, quëmapi'sa' yaana'intërinënquënso'? ¿Co huachi yaana'intërinënquënhuë'? itërin.
26517	JHN 9:8	Ya'cariya ya'huëpisopitari quënanahuatona', pa'yanpi. Nani hua'qui' huënsëaton, coriqui ma'patërin. Somaraya ni'ton, topinan quëtopi. Napoaton na'a piyapi'sari nohuitopi. Inapitari quënanahuatona', ninontopi. —¿Isona quëmapi i'hua coriqui ma'patërinso' ti? nitopi.
26549	JHN 9:40	A'naquën parisioro'sa' inaquë huanirahuatona', Quisoso natanapi. —¿Napoahuarë quiyanta somarayacoi? itopi.
26826	JHN 16:31	—¿Nani natëramaco ti? Napoaponahuë', carinquëma' itaranquëma'.
26888	JHN 18:34	—¿Quëmaora yonquinën quëran napoaran? ¿A'napita sha'huitërinquën nica? itërin.
26892	JHN 18:38	—¿Ma no'tën nanancha napotëran nicaya? itërin Piratori. Ina tosahuaton, pipiantarahuaton, cotioro'sa' itantarin: —Iso quëmapi noya, tënahuë. Co manta' onporinhuë'. Co ana'intacaso' ya'huërinhuë'.
26903	JHN 19:9	Ya'coantarahuaton, Quisoso itapon: —¿Intohua quëranta' huë'nan? No'tëquën sha'huitoco, itërin. Inariso nipirinhuë', co manta' itërinhuë'.
26972	JHN 21:5	—¿Co iyaro'sa', manta' manamahuë' ti? itërincoi. —Co'chi manta' manaihuë paya, itërai.
26983	JHN 21:16	Ina quëran itaantarin: —¿Nosoromiatëranco ti? itërin. —Nosororanquën mini, Sinioro, ina nitotëran, itantarin. —Imarinacosopitaso', ohuicaro'sa pochin nipi ni'ton, a'paiquë' noya imamiachinaco, itërin.
27131	ACT 5:3	Co Pitroso' sha'huitopirinhuë', Yosë nohuanton, nitotërin. Nitotaton, Ananiasë itërin: —¿Onpoatonta iyasha Sopai natëran? Ispirito Santo yanonpintaton patoma coriqui canaranso' quëmaora marë' taparan.
27186	ACT 7:1	Ina quëran Corto hua'an chini chiníquën nanantërinsoari natanin. —¿Tëhuënchachin naporan nonapon? itërin.
27279	ACT 8:34	—¿Ma quëmapita' yatëpapiso'? Isaiasë nica. A'na quëmapi nica. Co caso' nitotërahuë'. Sha'huitoco canta' nitochi, itërin hua'ani.
27611	ACT 17:19	A'naquënso natanahuatona', Ariopaco itopiquë quëpapi. Inaso' hua'ano'sa niyontoyantopiquë. Paono inaquë quëparahuatona', itopi: —¿Ma nisha nanan chachinta' a'chinan? Yanitotërai quiyanta'.
27769	ACT 21:37	Pëiquë yaya'conpachinara, Paonori capitan itapon: —Sinioro capitan, pi'pian nonchinquën topirahuë', itërin. —¿Crico nananquë nonan ti? itërin. —Ina nananquë mini nonahuë, itërin.
27873	ACT 25:9	Noya natanpirinhuë', hua'an co nohuantërinhuë' cotioro'sari no'huicaiso' ni'ton, Paono itërin: —¿Nohuantëran Quirosarinquë paacaso'? Inaquë sha'huirapihuachinën, cari natanpato, sha'huitaranquën, itërin.
30891	REV 7:13	Ina quëran a'na ansiano nataninco. —¿Ma piyapi'sata' isopita, huiríchin a'mopiso'? ¿Intohua quëranta' huëntapi? ¿Nitotëran ti? itërinco.