407	GEN 17:9	Napotahuaton, taantarin: —Napoaponahuë', quëmarë'coso nani anoyatërahuë ni'ton, natëco. Inapochachin shiparinpitanta natëinaco.
440	GEN 18:15	Sinioro naporinso natanaton, të'huanënquë Saraso tapon: —Co tëhuarahuë', tënin. Napoaponahuë', Siniorori itapon: —Napopiranhuë', tëhuaranso' nitotërahuë, itërin.
506	GEN 20:10	¿Ma'ta yonquiaton, napotopirancohuë'? itërin. Napotohuachina, Apraani itapon: —Isëquëso', co manta Yosë natëpihuë'. Sa'ahuë matiinacoso marë' tëpaponaco caso', ta'to naporahuë.
539	GEN 21:25	Napoaponahuë', Apraani itaantapon: —Carinquëmaso', noya yonquirapiranquëma'. Quëma piyapinënpitaso nipirinhuë', a'nara poso ihuaraiso matërinacoi, itërin.
597	GEN 24:5	Napotohuachina, piyapinëniso itapon: —Napopiranhuë', sanapi yonirahuëso co yaimaquintahuachincohuë': ¿Onpochita? ¿Hua'huatëranso parti hui'nan quëpamanta'i ti? itërin.
1262	GEN 42:9	Naporo' Cosiso', iráca hua'naton iinpita sha'huitërinso' yonquirin. Ina yonquiaton itapon: —Canpitaso', nëhuëtona'pirosanquëma tënahuë. No'panëhuëi insëquësona co noya a'paipinanhuë' ni'camaso marë' huë'nama', itërin.
1309	GEN 43:18	Napoaponahuë', inapitaso quëpasoi pa'yanpi. Pa'yanatona inahua capini ninontapi: —Nonpintahuatënënpoa', pëinënquë quësarinpoa'. I'hua coriqui ayantërinpoaso marë' quësarinpoa'. Masahuatënënpoa piyapinënpita pochin asacatarinënpoa'. Moranënpoapitarë chachin asacatarinënpoa', nitopi.
1319	GEN 43:28	Inapitaso' mónsho tahuatona': —Tatahuëiso', quëma piyapinën pochin ninin. Noya ya'huëarin. Ipora huanta nanpiárin, itopi.
1417	GEN 46:30	Naporo' Cacopori, itapon: —Ayapiranhuë', quënaantaranquën ni'ton: ¡Iporaso' chiminpatonta noyatapon huachi tënahuë! tënin.
1444	GEN 47:23	Ina quëran Cosiri piyapi'sa itapon: —Iporaso', huaraon hua'anëntërinquëma huachi. No'panëmanta hua'anëntërin. Ma'tana ya'pirin ya'huëarin quëpatoma', sha'co'.
23276	MAT 3:15	Napotopirinhuë', Quisosori itërin: —Yosë nohuantërin ni'ton, ya'ipi natëca'huaso' ya'huërin. Napoaton noya quëma aporintoco, itërin. Ina natanahuaton: —Noyahua', itahuaton, i'quë aporintërin.
23421	MAT 8:7	—Noyapa', pa'sarahuë anoyatapo, itërin.
23440	MAT 8:26	—¿Onpoatomata' të'huaramaso'? ¿Co noya natëyatëraramacohuë' ti? itërin. Ina quëran huënsëintarahuaton, ihuan a'parin. Sononta' nontërin. —Sanoquë', itohuachina, a'naroáchin co'sacai' sanoirin.
23467	MAT 9:19	—Noyapa', tosahuaton inarë chachin pa'nin. Ca'tano'sanënpitanta' pa'pi.
23695	MAT 14:29	—Noyapa', huëquë', itohuachina, Pitro poti quëran nohuaraitahuaton, ii' aipi huanirin. Quisosoíchin yonquiaton, amasha huancanaimiachin noya pa'sapirinhuë'.
24205	MAT 27:7	—Iso coriquiquë no'pa' pa'ahuan' nisha piyapi'sa' pa'pitacaso marë', topachinara: —Noyahua', topi ya'ipiya. Napoaton pa'sahuatona', ina coriquiquë no'pa' pa'anpi. “Tëshitona'pi no'panën,” itopiso' pa'anpi. Inaquë nisharo'sa chiminpachinara, pa'pitopi.
24683	MRK 10:26	Ina natanahuatona', pa'yanpi: —Napoahuarë', ¿incha nica cha'ërë'poya? nitopi.
25200	LUK 5:24	Caso nipirinhuë', Yosë quëran quëmapico ni'to, nanan quëtërinco piyapi'sa' oshanëna' inquita'huaso marë'. Canpitanta' ina nitotacamaso marë' iso apia anoyatarahuë, tënin. Ina quëran apia itantapon: —Huaniquë', apia'hua. Pë'sara'huaya masahuaton, ya'huëranquë paquë', itërin.
25322	LUK 8:8	A'naquënso nipirinhuë' noyaro'paquë anotërin. Inaquë noya papotërin. A'shinpachina, sha'nin quëran na'con na'con nitaton, pasa, pasa nitërin, itërin. Ina quëran taantarin: —Huëratëhuanpatama', noya natanatomaco, yonquico', itërin Quisosori.
25368	LUK 8:54	Quisososo nipirinhuë' sanapia'hua maimirarahuaton: —Huënsëquë', apia'hua, itërin.
25851	LUK 20:3	—Noyapa', carinquëmanta' natainquëma'. Ina sha'huitohuatamaco, canta' insosona nanan quëtërincoso' sha'huitaranquëma'.
25856	LUK 20:8	—Napoahuarë', co carinquëmanta' insosona nanan quëtërincoso' sha'huitaranquëmahuë', itërin Quisosori.
25865	LUK 20:17	Napohuachinara, nirayarahuaton, itantarin: —Napopiramahuë', ¿ma'ta' tapon nipachin pënëntona'pi iráca ninorinso'? Ninshitaton, tapon: “Na'pi quëran yapëihuachina, a'na na'pi ya'huëpirinhuë', pëina'piro'sa' co nohuantopihuë'. ‘Napoonin,’ ta'tona', të'yatopirinahuë', hua'anëni maantarahuaton, ‘Iso na'pi mini na'con na'con nohuantërahuë pëica'huaso marë',’ ta'ton, noya acoantarin.
25939	LUK 22:6	—Noyapa', ta'ton, Cotasë yonquirarin po'oana quëran a'nocaso marë'.
25941	LUK 22:8	Quisosonta' yonquirin ina pochin capacaso' ni'ton, Pitro, Coansha, inapita sha'huitërin: —Paatoma', Pascoa cosharo' tapaco' capaquëhuaquë, itërin.
26631	JHN 11:39	—Na'pi chi'huincaco', itërin Quisosori. —Co', Sinioro. Nani anarotarin. Nani catapini tahuëritërin, itërin oshini, Marta itopiso'.
26708	JHN 13:9	—Napoahuarë', ama Sinioro nantëhuërachin pa'motocosohuë'. Imirahuë, motohuë, inapitanta' ya'ipi pa'motoco, itërin.
26737	JHN 13:38	—Yatëpapirinënquënhuënta', ¿imamiataranco ti? No'tëquën sha'huitaranquën. Ipora tashi chachin co'huara atari përashatërasohuë', cararo' nonpinapiaranco. “Co Quisoso nohuitërahuë',” tosaran, itërin Quisosori.
26983	JHN 21:16	Ina quëran itaantarin: —¿Nosoromiatëranco ti? itërin. —Nosororanquën mini, Sinioro, ina nitotëran, itantarin. —Imarinacosopitaso', ohuicaro'sa pochin nipi ni'ton, a'paiquë' noya imamiachinaco, itërin.
26984	JHN 21:17	Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararo' natanin ni'ton, Pitro sëtërin. —Ya'ipi Sinioro nitotëran. Nosororanquën mini, ina nitotëran, itërin. —Imarinacosopitaso', ohuicaro'sa pochin nipi ni'ton, noya a'paiquë'.
27157	ACT 5:29	—Pënënpiramacoihuë', Yosë na'con na'con natëcaso' ya'huërin. Napoaton co nanitëraihuë' natëca'huainquëmaso'.
27426	ACT 12:20	Irotisi hua'an ya'huërinquë nisha nisha piyapi'sa' huëcatona', cosharo' pa'anquipi. A'naquënso' cosharo' yapa'anpirinahuë', chiníquën no'huiton, co nohuantërinhuë' quëtacaso'. Tiroquë ya'huëpisopita, Sitonquë ya'huëpisopita, inapita no'huirárin. Napoaton niyontonahuatona', inaquë huë'pi. Po'oana quëran inpriatonën Pirasito itopiso' nontiipi. —Quëmari hua'an nontëquë' ama huachi no'huiincoisohuë'. Ina marë' coriqui quëchinquën, itopi. —Noyahua', tosahuaton, pa'nin hua'anën nontacaso marë'.
27447	ACT 13:16	Napotohuachina: —Noyapa', carinquëmanta' pënëinquëma', ta'ton Paono huanirin. Huanirahuaton, imirin quëran tasatërin piyapi'sari ta'tatona' natanacaiso marë'. —Natanco iyaro'sa'. A'naquëmanta' nisha piyapinquëma' nipomarahuë', Yosë chinotërama'. Canpitanta' natanco.
27804	ACT 23:2	Naporo tahuëri'sa' Ananiasë itopiso', corto hua'an chini chiníquën nanantërinso' nisarin. Inari huanipapisopita itapon: —Ahuëananco', itërin. Napohuachina, huaniparinsoari ahuëananin. Napotohuachina, Paonori itapon:
27956	ACT 27:33	Tahuëri ya'caritohuachina, Paono itantarincoi: —Iporaso', iyaro'sa', nani cato' simana pa'yanatoma', co coshatëramahuë'.