13944	PSA 1:1	DICHOSO y taotao, ni ti mamomocat gui pinagat y manaelaye, ni y ti sumasaga gui chalan manisao, ni y ti matatachong gui siyan ayo sija y manmanmofefea.
13946	PSA 1:3	Ya taegüijeja y trongcon jayo ni y matanme gui oriyan sadog, ya guaja tinegchaña gui tiempoña, ya y jagonña ti umalayo; ya todo y finatinasña mumemegae.
13949	PSA 1:6	Sa si Jeova jatungo y chalan manunas: lao y chalan manaelaye ufanmalingo.
13953	PSA 2:4	Ya y sumasaga gui langet uchumachaleg: ya y Señot jamofefea sija.
13961	PSA 2:12	Chico y laje, no sea ulalálalo, ya unfanmalingo jamyo gui chalan, sa gusisija y linalaloña sinenggue. Mandichoso todos y umangoco sija guiya güiya.
13972	PSA 4:2	ANAE juagangjao, opeyo, O Yuus y tininasso: anae chatsagayo jago munadangculoyo: maase nu guajo ya jungog y tinaetaejo.
13975	PSA 4:5	Fangalamten ya chatmiyo faniisao: fanmanjaso nu y corasonmiyo gui jilo camanmiyo, ya famacaca. Sila.
13986	PSA 5:7	Jago yumulang y manguecuentos mandague: ya y taotao cajâgâ yan y dinague, si Jeova jaguefchatlie.
13988	PSA 5:9	O Jeova, esgaejonyo gui tininasmo, pot causa ya enimigujo; natunas gui menajo y chalanmo.
13989	PSA 5:10	Sa taya finitme gui pachotñija; ya sanjalomñija senmanaelaye: naftan mababa y agagañija; yan y jilañija finande:
13994	PSA 6:2	JEOVA chamoyo lumalalatde ni y binibumo: chamoyo cumastitiga nu y dangculo na linalalomo.
13995	PSA 6:3	Gaease nu guajo, O Jeova, sa estagüe yo namasogsog: amte yo, O Jeova, sa y tolangjo esta mananatchatsaga.
13996	PSA 6:4	Ya y antijo esta senchatsaga: Ya jago, O Jeova, asta ngaean?
14000	PSA 6:8	Y atadogjo esta magasta nu y pinite: ninafanbijo pot todo ayo y munachachatsaga yo.
14006	PSA 7:3	Para chaña pumedasitos y antijo taegüije y leon, ni jayulang, anae taya jaye uninalibre.
14009	PSA 7:6	Japetsisigue y enimigujo y antijo, ya jachule; magajet, na jagacha gui tano y jaanijo: ya y onraco japolo gui eda. Sila.
14010	PSA 7:7	Cajulo, O Jeova, yan y linalalomo; jatsa namaesa contra y binibon y munachachatsagayo: ya magmata pot guajo untago y sentensia.
14013	PSA 7:10	Polo ya ujocog y taelayen manaelaye, lao nafitme y manunas: sa si Yuus, ni tinas, jachachague y corason yan y jinaso gui sanjalom.
14017	PSA 7:14	Ya jafatinas para güiya y atmas y finatae: janafañila y flechaña.
14018	PSA 7:15	Estagüe na uguaja piniten mañago tinaelaye: magajet na mapotgue y inacacha ya mañago dinague.
14020	PSA 7:17	Polo ya y inacachaña ubira güi jilo y iluña: ya y binibuña upodong gui jilo cácagongña.
14024	PSA 8:3	Guinin pachot y mandiquique yan y mañususo nae unpolo y minetgot? Pot y enimigumo sija: sa para unnasuja y enimigo yan y umeemog.
14025	PSA 8:4	Anae julie y langetmo, ni y checho y calolotmo, y pilan yan y pution, ni jago pumolo;
14028	PSA 8:7	Unnafanmagas todo ni checho y canaemo: todo unpolo gui papa y adengña.
14030	PSA 8:9	Y pajaro gui langet, yan y güijan gui tase: ya jafaja ni manmalolofan gui chalan y tase.
14033	PSA 9:2	BAE junae grasias si Jeova contodo y corasonjo: bae jufanue todo ni ninamanman na chechomo.
14036	PSA 9:5	Sa jago fumatinas y jinasoco yan y causaco: unfatachong gui trono, ya unjusga y tinas.
14038	PSA 9:7	Esta malachae y enimigo; esta mayulang para siempre: yan y siuda ni y inyilang, y jinasoñija manachamalingo yan sija.
14041	PSA 9:10	Ya si Jeova locue y taquilo na tore para y manmachiguit, y taquilo na tore gui tiempon chinatsaga.
14043	PSA 9:12	Cantaye si Jeova ni y tinina ni sumasaga gui Sion: namatungo gui entalo taotao sija y checoña.
14045	PSA 9:14	Gaease nu guajo, O Jeova; atan y pinitejo ni jususungonja y chumatlie yo, jago y munacajulo yo gui pettan finatae:
14048	PSA 9:17	Si Jeova janamatungo güe ni y sentensia ni jafatinas; ya jalaso y taelaye ni y checho y canaena: Jinaso. Sila.
14051	PSA 9:20	Cajulo, O Jeova: chamo munamametgot y taotao: ya ufanmajusga y nasion gui menamo.
14053	PSA 10:1	JAFA na tumojgue jao na chago, O Jeova? jafa na umatogjao gui tiempon chinatsaga.
14054	PSA 10:2	Sa pot sobetbia y taelaye na japetsisigue y pebble; ufanmachule gui finababa y manmajajaso.
14055	PSA 10:3	Sa enao mina jatunanmaesagüe y taelaye, ni y minalago y antiña: ya y manlagga jarechasa; junggan, jadespresia si Jeova.
14057	PSA 10:5	Y chalanña chatsaga todo y tiempo; y juisiomo goschago gui linieña: ya todo y enimiguña, güiya jaguaefe sija.
14058	PSA 10:6	Ilegña gui corasonña: Ti jucalamten: gui todo y generasion sija, ti jufalag y chinatsaga.
14059	PSA 10:7	Y matdision bula y pachotña yan dinague yan chiniguit: y papa y jilaña inacacha yan tinaelaye.
14060	PSA 10:8	Gaegue matatachong y lugat ti matungo gui sengsong: ya y umatog na lugat japupuno y taeisao: y atadogña manaatanja contra y pebble.
14064	PSA 10:12	Cajulo, O Jeova; O Yuus, jatsa y canaemo: chamo malelefa ni y mamoble.
14066	PSA 10:14	Jago lumie: sa jago umatan y inacacha yan y minattrata, para uchule gui canaemo: yya jago nae mandaña y mamoble: y manaesaena, jago umayuyuda.
14068	PSA 10:16	Si Jeova Ray na para taejinecog yan taejinecog: ya y nasion esta manmalachae gui tanoña.
14070	PSA 10:18	Para unjusga y manaesaena yan y mamoble: para chamo tumatalo munamaañao y taotao gui tano.
14072	PSA 11:2	Sa, estagüe, y manaelaye na jaaregla y atcos: jafamauleg y flecha gui taliña para uflecha gui jinemjom y manunas na corason.
14074	PSA 11:4	Si Jeova gaegue gui santos na temploña; si Jeova, y tronuña gaegue gui langet; y atadogña manlilie yan y babaliña jachachague y famaguon y taotao.
14075	PSA 11:5	Si Jeova jachachague y manunas: lao y manaelaye, ya y gumaeya mandague, y antiña chumatlie.
14076	PSA 11:6	Uuchan y casiyas gui jilo y manaelaye: guafe yan asufre ya y manglo na mañila y patteña gui basuña.
14083	PSA 12:6	Sa y chiniguit y mamoble y an y inigong y mannesesitao: pago bae cajulo, ilegña si Jeova: guajo jupolo güi na seguro, ni y jaguaefeye.
14091	PSA 13:5	Sa chaña umaalog y enimigujo: Jugana güe: sa chaña y enimigujo fanmamagof yaguin calamtenyo.
14093	PSA 14:1	YLEGÑA y taetiningo gui corasonña: Taya Yuus: sija manpotlilo, jafatinas y chatliion na chocho: taya ni uno ni y fumatitinas y mauleg.
14095	PSA 14:3	Todos manlache; manjuyong potlilo todo; taya jaye fumatitinas y mauleg, taya ni uno.
14096	PSA 14:4	Ada ti jatungo todo y fumatitinas y taelaye? ni y jacacano y taotaojo, taegüije y chumochocho pan? ya si Jeova ti jaaagang.
14103	PSA 15:4	Gui atadogña ninadespresiao ni y taotao áplacha, lao y maañao as Jeova jaonra: y manjula para dañoña namaesa ya ti jatolaeca.
14104	PSA 15:5	Y salapeña ti mannanae para ufangana, ni uchule y apas contra y taeisao: ya y fumatinas estesija ti siña cumalamten.
14108	PSA 16:4	Mumegae y piniteñija ni tumolaeca si Jeova pot otro Yuus: ti juofrese ni y inefreseñija na jâgâ, ni juchule y naanñija gui labiosso.
14115	PSA 16:11	Unnatungoyo ni y chalan y linâlâ: binilan minagof y gaegue gui menamo: ya y agapa na canaemo guaja minagof para siempre.
14118	PSA 17:3	Jago guinin chumague y corasonjo; guinin unbisitayo gui puenge; guinin unchagueyo ya taya sinedamo: y jinasoco na ti manisagüe y pachotto.
14119	PSA 17:4	Para y finatinas y taotao, pot y finijo ni guinin y labiosmo, jumantiene yo gui san juyong y chalan ni y manyuyulang.
14120	PSA 17:5	Y pinecatto guiniut gui chalanmo, ya y adengjo ti susulong.
14125	PSA 17:10	Manmaafuyot ni y linedoñija: ya y pachotñija cumuecuentos sobetbio.
14133	PSA 18:3	Si Jeova y achojo, y castiyujo, yan y nanalibrijo: Yuusso, metgot y achojo, juangoco yo guiya güiya; patangjo yan y cánggilon y satbasionjo, y leca na torijo.
14137	PSA 18:7	Y chinatsagaco nae juagang si Jeova, ya juagang y Yuusso: güiya jajungog gui temploña y vosso, ya y inagangjo gui menaña, jumalom y talangaña.
14139	PSA 18:9	Cajulo aso gui güiingña, ya guinin pachotña guafe manonggue y pinigan mañila pot este.
14145	PSA 18:15	Ya jatago y flechaña ya manchinalapon: ya magajet, megae na lamlam ya manyinilang.
14147	PSA 18:17	Jatago desde sanjilo, jachuleyo; ya jaatoyo guinin y megae na janom.
14148	PSA 18:18	Janalibrego gui manmetgot na enimigujo, yan y chumatliéyo, sa sija mas manmetgot qui guajo.
14149	PSA 18:19	Sija manmato guiya guajo gui un jaanen y chinatsagaco: lao si Jeova, güiya y fanapojo.
14150	PSA 18:20	Ya jachuleyo locue gui anae ancho na lugat: janalibreyo sa ninamagof ni guajo.
14152	PSA 18:22	Sa juadaje y chalan Jeova: ya ti taelaye yo na juapattayo gui as Yuusso.
14161	PSA 18:31	Ya si Yuus, cabales y chalanña: y fino Jeova esta machague: patang güe para todo y numanangga güe.
14162	PSA 18:32	Jaye si Yuus yaguin ti si Jeova güe? ya jaye y acho, jaguin ti si Yuusta?
14163	PSA 18:33	Si Yuus jagogode yo ni y minetgot: ya jafatitinas cabales y chalanjo?
14168	PSA 18:38	Judulalag y enimigujo sija, ya jugâchâ: ya ti jubirago talo asta que jocog.
14171	PSA 18:41	Guinin unfatinas ni y enimigujo na unaeyo ni y tataloñija, para juyulang y chumatliiyo.
14173	PSA 18:43	Ayonae juguleg sija taegüije y petbos gui menan y manglo; taegüije y fache gui chalan ni y manmachalapon.
14176	PSA 18:46	Ya taotao juyong manlinachae ya manmamamaela ya manlalaolao guinin manmapongle.
14177	PSA 18:47	Lâlâ si Jeova; ya ubendito y achojo: ya umanataquilo na Yuus y satbasionjo.