23245	MAT 2:7	Herodes i'e'moxi ch'ix. Ijoc'i'mola' iƚne linxingufale, iƚne lam Mago, timila': ―¿Te quitine limaxcaita cal xamna? Lu'iƚa'.
23441	MAT 8:27	Ts'ilihuequi ixim'me acueca' iƚe li'epa Jesús. Timiyoƚtsi: ―¿Naitsi iƚca'a cal xans? Ticuxe'ela' ƚahua', ƚaja, tihuejcoyi.
23476	MAT 9:28	Jesús itsufai'ma lajut'ƚ. Lan fohue ihuej'me, itsuflai'me jouc'a. Jesús icuis'e'mola', timila': ―¿Te imanc' aƚ'huaiyinge? ¿Ja'ni toƚcuayi: “Ƚinca Jesús aƚtoc'i'monga', aƚsaƚ'me'monga' laƚ'u'”? Iƚniya italai'e'e'me, timiyi: ―Maƚpoujna, aƚ'huaiyijnhuo'. Ti'i'ma to'e'ma.
23535	MAT 11:7	Iyena'me loquexi' ts'ilihuequi Juan. Jesús ipango'ma ipalaico'ma iƚquiya. Timila': ―¿Te coƚtsecohuo'me jipu'hua pe ailopa'a quiƚya'? ¿Te coƚsinhuo'me jiƚpiya? ¿Te oƚnespá oƚsinhuo'me anuli al jaxa tife'ne ƚahua'?
23659	MAT 13:51	Jesús icuis'e'mola', timila': ―¿Te oluhuaƚpá lainu'ipolhuo'? Iƚne italai'e'e'me, timiyi: ―Ma luhuaƚpá.
23682	MAT 14:16	Jesús timila': ―¿Te coyecoyacu? Imanc' toƚtes'mitsola'.
23714	MAT 15:12	Ts'ilihuequi icuaiyunca pe lopa'a Jesús, timiyi: ―¿Te conescopa toƚta'a? Lan xanuc' fariseo juaiconapa ixtuc'opo'.
23736	MAT 15:34	Jesús icuis'e'mola' ts'ilihuequi, timila': ―¿Tojua mipa'a ƚola'i? Timiyi: ―Acaitsi la'í, oquexi' afantsi latuye.
23748	MAT 16:7	Iƚniya timiyoƚtsi: ―¿Te caƚmicoponga' toƚta'a? O ¿iƚque inescopa aicaƚtaic' cala'i?
23749	MAT 16:8	Jesús ixina' locuapa iƚniya, timila': ―¿Te coƚmicopoƚtsi: “Illanc' aicaƚtaic' cala'i. ¿Te caƚ'eyacu?”? Imanc' huata aƚ'huaiyinge.
23835	MAT 19:4	Jesús italai'e'e'mola', timila': ―¿Te aicoƚsuec' iƚe li'epa ȽanDios lilanc'epa li'a ƚamats'? Ilanc'epola' oquexi', anuli cal xans anuli ƚaca'no'.
23856	MAT 19:25	Licuej'me iƚiya lataiqui' ts'ilihuequi Jesús juaiconapa ixpailij'mola'. Timiyoƚtsi, icuis'e'moltsi: ―¿Te caƚmicoponga' toƚta'a? Aicaƚcueca. ¿Te ailopa'a conƚuya?
23882	MAT 20:21	Jesús timi ƚaca'no': ―¿Te ts'opic'a? Ƚaca'no' timi: ―Aipic'a tapi'itsola' lainaxque' quiƚpenic'. Ima' tocuxe'ma to cal Cuecaj Rey. Ticuxeƚe jouc'a iƚna'a. Anuli ticutsai'ma al c'a camane, ƚocuena ticutsai'ma loxa camane.
23893	MAT 20:32	Jesús ecaxhuenni, ijoc'i'mola' lam fohue, timila': ―¿Te ts'oƚpic'a? ¿Te caif'e'eyacolhuo'?
23905	MAT 21:10	Jesús itsufai'ma Jerusalén. Jiƚpiya jahuay lan xanuc' tipailoyi, ticuitsufyi: ―¿Naitsi iƚca'a?
23911	MAT 21:16	Itale'me Jesús, timiyi: ―¿Te ima' aimocueca locuapa jiƚnu'hua la'uhuay? Jesús italai'e'e'mola', timila': ―Cacueca. Imanc', ¿te aicoƚsuec' al Paxi Liniƚingiya loya'apa? Ticua: Iƚniya la'uhuay jouc'a lan tsocay notupá, ima' ManDios ocuxe'epola' tunac'cotso'.
23918	MAT 21:23	Jesús itsufaicona'ma pe lopa'a al cuecaj xoute'. Mimuc'ila' lan xanuc' icuaitsa lixanuc' cal cuecaj ca'ailli' jouc'a lan tsilaj xanuc' noxpijpá lataiqui'. Icuis'e'me, timiyi: ―¿Naitsi nepi'ipo' lomane toƚta'a to'e'ma? ¿Naitsi nummepo'?
23920	MAT 21:25	¿Naitsi nummepa Juan tepo'itsola' lan xanuc'? ¿Te ȽanDios o cal xans nummepa? Iƚne ipalaic'o'moƚtsi quiƚtuca', timiyoƚtsi: ―¿Te caƚmiyacu? Ja'ni aƚmiƚe: “ȽanDios ummepa”, iƚque alicuis'e'monga', aƚmi'monga': “Imanc' ¿te aicolapenufi?”
23961	MAT 22:20	Icuis'e'mola', timila': ―¿Naitsi iƚca'a ts'i'a? ¿Naitsi iƚta'a ts'ipuftine?
24131	MAT 26:8	Lixim'me toƚta'a lo'epa ƚaca'no', ts'ilihuequi Jesús ixtulenca. Ticuayi: ―¿Te quecani'ecopa laceite? Acueca' lipitali.
24133	MAT 26:10	Jesús ixina' lonespa. Timila': ―¿Te coƚsueƚ'micopa ƚaca'no'? Ac'a iƚta'a li'epa. Latenƚma.
24138	MAT 26:15	Timila': ―¿Tojua lapi'i'ma ja'ni cacu'ma Jesús? Imanc' toƚ'noƚta. Iƚniya inefo'me ti'najtse'e'me anuxans quimbamaj tomí aplata.
24140	MAT 26:17	Joupa icuai'ma litine titem'me ƚa'i aiquilajncojma levadura. (Toƚta'a mi'i al juic Pascua.) Ts'ilihuequi icuaitsa pe lopa'a Jesús, icuis'e'me, timiyi: ―¿Petsi caƚƚanc'eyoyacu caƚsmocoyoyacu al juic Pascua? ¿Te cofcuapa?
24163	MAT 26:40	Ipainanni, icuai'ma pe lomana' ts'ilihuequi. Ixim'mola' tixmaiyi. Timi Pedro: ―¿Te ailopa'a coƚpujfxi? ¿Ni' anulij hora aimi'iya moƚmaf'iyacu? ¿Te aimi'iya maƚtoc'iya?
24168	MAT 26:45	Icuaiconanni pe lomana' ts'ilihuequi. Timila': ―¿Te ti'hua toƚsmaiyi? ¿Te ti'hua tulunxajyi? ¡Toƚsinƚe! Joupa icuai'ma lai'hora. Iya' iƚque cal Xans Ƚiximpa cal profeta pu'hua lema'a, joupa aƚcumpa. Icuaita quiƚmane lan xanuc' pe aimihuejcoyi ȽanDios.
24178	MAT 26:55	Jesús ipalaic'o'mola' lanxpela' xanuc' licuaiyunca ti'noƚƚe. Timila': ―¿Te coƚcuaiyoco'me fa'a oƚtaic' loƚ'espada, loƚ'ec aƚ'noƚƚa'? ¿Te toƚcuayi iya' ninma'ahuale, nin‑namas? Itine itine cacutsay pe lopa'a al cuecaj xoute', camuc'ila' lan xanuc', a'i caƚ'noƚi.
24204	MAT 27:6	Lixanuc' cal cuecaj ca'ailli' epef'napá liƚtomí. Timiyoƚtsi: ―¿Te caƚ'e'eyacu iƚta'a al tomí? Iƚta'a aƚ'najtse'ecopá Judas ticuƚa' Jesús tima'anƚe. Aimi'iya maƚ'huantsiyacu al tomí ƚi'huexi al cuecaj xoute'.
24209	MAT 27:11	Jesús tecaxu pe lopa'a Pilato, cal gobernador romano. Iƚque icuis'e'ma, timi: ―¿Te ima' unrey? ¿Te ima' tocuxe'mola' lan xanuc' judío? Jesús italai'enni, timi: ―Al ƚinca lofcuapa.
24211	MAT 27:13	Pilato icuis'e'ma, timi: ―¿Te aimocueca locuapa iƚniya? Juaiconapa ticufhuo'.
24215	MAT 27:17	Lijoupa lefoƚunni, Pilato icuis'e'mola', timila': ―¿Naitsi caifnux'masya? ¿Naitsi ts'oƚpic'a? ¿Oƚpic'a Barrabás? O ¿oƚpic'a Jesús, iƚque ƚacui'impa cal Cristo? ¿Te coƚcuapa?
24220	MAT 27:22	Pilato icuis'econa'mola', timila': ―¿Te caif'e'eya Jesús, iƚque ƚacui'impá cal Cristo? Jahuay italai'enca, timiyi: ―¡Tapaƚts'ijnla' lancruz!
24221	MAT 27:23	Pilato icuis'econa'mola', timila': ―¿Te qui'epa? ¿Te caifnepaƚts'ijncoya lancruz? Lan xanuc' xonca ujfxi ija'a'me, timiyi: ―¡Tapaƚts'ijnla' lancruz!
24311	MRK 1:27	Lan xanuc' nomana' jiƚpe lajut'ƚ ixim'me acueca' li'ipa. Icuis'e'moltsi, timiyoltsi: ―¿Te jale iƚta'a lataiqui'? Iƚca'a Jesús ituca' lomuc'iyalepa. Icueya limane, jouc'a lontahue ticuxela', iƚne ticuec'eyi.
24380	MRK 3:23	Jesús ijoc'i'mola' iƚniya lomxiye, timila': ―¿Te caƚtalai'e'eya imanc'? ¿Te aga ƚonta'a Satanás tihuescuf'ma ƚipima conta'a? Ti'hua tipalaic'ola'. I'onƚicopa to lo'ipa. Timila':
24390	MRK 3:33	Jesús timila': ―¿Naitsi cai'máma'? ¿Naiƚne caipimaye?
24422	MRK 4:30	Jouc'a tu'ila': ―¿Te caƚ'onƚicoyacu lo'ipa petsi ȽanDios tijoc'ila' lan xanuc' timetsaicoƚe, tihuejle iƚque cal Cuecaj Rey? ¿Te ts'i'ic' maƚ'onƚicoyacu?
24432	MRK 4:40	Jesús timila' ts'ilihuequi: ―¿Te coxpailijcopolhuo'? ¿Te qui'ipolhuo'? ¿Te aimaƚ'huaiyinge?
24433	MRK 4:41	Ixpailijpola' juaiconapa iƚniya ts'ilihuequi. Timiyoƚtsi: ―¿Naitsi xans iƚca'a? ¡Jouc'a ƚahua', ƚaja ticuec'eyi iƚque locuxe'epola'!
24442	MRK 5:9	Jesús icuis'e'ma, timi: ―¿Te muftine? Italai'e'e'ma, timi: ―Laipuftine Legión. Illanc' ninc'xpela'. (Lataiqui' “legión” tuya'e', ticua: Axpela'.)
24463	MRK 5:30	Aiquicoƚ'ma, Jesús ixingufco'ma lipaxi ixaƚ'meyalepa. Ipai'e'moxi nolojmay xanuc', icuis'e'mola', timila': ―¿Naitsi ƚaƚ―lafpa?
24472	MRK 5:39	Itsufai'ma lajut'ƚ, timila': ―¿Te coƚja'acopa? ¿Te coƚjolijcopa? Ƚahuats' aiquimac', ma le'a tixmay.
24514	MRK 6:38	Jesús icuis'e'mola', timila': ―¿Tojua tipa'a ƚa'i? Tonƚeƚe, toƚsintsa. Iye'me, ixintsa. U'icona'me, timiyi: ―Tipa'a amaque' la'í, jouc'a oquexi' latuye.
24550	MRK 7:18	Timila': ―¿Te imanc' jouc'a ailopa'a coƚpicuejma'? Cal xans no'nicopa lico al xujc'a, tinuc'a, aimixis'meyacoxi toƚta'a. ¿Te aicoƚcueca?
24585	MRK 8:16	Iƚne aiquiƚcueca iƚe limipola' Jesús. Timiyoƚtsi: ―¿Te caƚmicoponga' toƚta'a? O ¿aƚminga': “Imanc' olimenc'ecopá, aicoƚtaic' ca'i”?
24596	MRK 8:27	Jesús jouc'a ts'ilihuequi iye'me, ticuaitsa ƚaiquiƚeloƚya' lomana' jiƚpe al distrito cuftine Cesarea de Filipo. Miyeyi lane Jesús ticuis'ela', timila': ―¿Te conespa lan xanuc'? ¿Naitsi iya'?
24601	MRK 8:32	Acuajmaica u'ipola': “Aƚma'a'ma”. Pedro aiquicuaitsi quipic'a iƚe lines'ma Jesús. Ixoulai'ipa, itale'ma, timi: ―¿Te cofnescopa toƚta'a?
24617	MRK 9:10	Iƚne ts'ilihuequi Jesús ma quiƚtuca' tipalaic'oyoƚtsi, i'nujuaista iƚe lixinghuo'me ƚijuala. Ticuis'eyoƚtsi: ―¿Te cataiqui' lonespa Jesús? Ticua: “Catsahuenahuo, quipano pe lomana' limapola'”.
24628	MRK 9:21	Jesús icuis'e'ma qui'ailli' ƚamijcano, timi: ―¿Tojua camats' toƚta'a mi'i ƚo'hua? Italai'e'e'ma timi: ―Caca'hua.
24630	MRK 9:23	Jesús timi cal xans: ―¿Te caƚmicopa: “Ja'ni nipajnya”? Ja'ni ima' aƚ'huaiyijnla', ti'i'ma. Naiƚne laƚ'huaiyijmpa aƚsim'ma iya' nipajnya, aƚsim'ma jahuay ti'i'ma ca'e'ma.
24640	MRK 9:33	Icuaiyocontsa liƚya' Capernaum. Mimana' lajut'ƚ, Jesús icuis'e'mola' ts'ilihuequi, timila': ―¿Te cataiqui' coƚfuli'icopoƚtsi maƚeyi lane?
24659	MRK 10:2	Icuaiyunca jouc'a lam fariseo. Ehuaicona'me, icuis'e'me: ―¿Te cal xans nipajnya tecanai'ma ƚipeno, o aimi'iya?
24660	MRK 10:3	Jesús italai'e'e'mola', timila': ―¿Te quiniƚpa Moisés? ¿Te coya'apa lonƚ'eyacu?
24675	MRK 10:18	Jesús timi cal xans: ―¿Te caƚmicopa iya' ninc'a? Le'a ȽanDios copa'a cal C'a. Ailopa'a cocuena.
24693	MRK 10:36	Jesús timila': ―¿Te ts'oƚpic'a? ¿Te caifnepi'iyacolhuo'?
24708	MRK 10:51	Jesús icuis'e'ma cal fo', timi: ―¿Te caif'e'eyaco'? ¿Te ts'opic'a? Cal fo' timi: ―Momxi, aipic'a cahuetsaleƚa'.
24737	MRK 11:28	timiyi: ―¿Naitsi nummepo' to'eƚa' toƚta'a? ¿Naitsi nepi'ipo' lane?
24757	MRK 12:15	Jesús ixina' te ts'i'ic' liƚpicuejma' iƚniya. Iƚpic'a tifel'miƚe. Ma le'a ti'e'eyoƚtsi to lan c'a xanuc'. Timila': ―¿Te calahuaicopa? Aƚtai'etsi anuli al tomí, caxinƚa'.
24770	MRK 12:28	Jiƚpe tipa'a anuli ƚomxi nomuc'iyalepa locuxepa ȽanDios. Tiquimf'e iƚnu'hua laicuis'mot'ƚepa Jesús, ticueca Jesús titalai'e'ela' al c'a. Ipalaic'o'ma Jesús icuis'e'ma, timi: ―¿Te copa'a xonca al cueca' lataiqui' locuxepa ȽanDios?
24835	MRK 14:12	Icuaitsi al te'a litine al juic. Iƚiya al juic titem'me ƚa'i aiquilai'inni levadura. Jiƚe litine tite'me lam mot'ƚ loma'anyacola' jiƚpe al juic. Ts'ilihuequi Jesús timiyi: ―¿Pe ts'opic'a caƚsmocoyoyacu al juic Pascua? Aƚƚanc'eta jahuay.
24842	MRK 14:19	Ts'ilihuequi ixhueƚmot'ƚe'me. Anuli anuli icuitsuf'ma, timiyi: ―¿Te aga iya'? Iya' a'i.
24871	MRK 14:48	Jesús ipalaic'o'mola' iƚniya licuai'me ti'noƚƚe, timila': ―¿Te coƚcuaiyoco'me fa'a oƚtaic' loƚ'espada jouc'a lonƚ'ec? ¿Ja'ni toƚna'a aƚ'noƚƚa'? ¿Aga toƚcuayi: “Iƚque inma'ahuale”?
24883	MRK 14:60	Itsahuenni cal cuecaj ca'ailli', icuis'e'ma Jesús, timi: ―¿Te ima' aimotalai'ecoyacoxi? ¿Te onespa iƚe lataiqui', o aiconesqui?
24884	MRK 14:61	Aiquitalai'e. Ailopa'a quitaiqui'. Cal cuecaj ca'ailli' icuis'econa'ma, timi: ―¿Te ima' unCristo? ¿Te ima' i'Hua cal Paxi CanDios?
24899	MRK 15:4	Pilato icuis'econa'ma, timi: ―¿Te ima' aimotalai'ecoyacoxi? Joupa ocuejpa. Ticufhuo' acueca' lo'epa.
24904	MRK 15:9	Pilato icuis'e'mola', timila': ―¿Nai ts'oƚpic'a? Imanc' unc'ijudío, ¿te cux'mas'ma ƚoƚrey?
24909	MRK 15:14	Pilato icuis'e'mola', timila': ―¿Te caifnepaƚts'ijncoya lancruz? ¿Te quixcay qui'epa? Ija'a'me ujfxi, timiyi: ―¡Tapaƚts'ijnla' lancruz!
24945	MRK 16:3	Timiyoƚtsi: ―¿Naitsi laliƚonc'e'eyaconga' ƚapic ƚeti'icoya lico cunts'eja'?
24980	LUK 1:18	Zacarías icuis'e'ma, timi ƚapaluc quema'a: ―¿Te ts'i'ic' mi'iya caixina' ja'ni lo'iya to laƚmipa? Iya' joupa aƚtojpa, jouc'a ƚaipeno joupa itojpa caca'no'.
24996	LUK 1:34	María icuis'e'ma ƚapaluc quema'a, timi: ―¿Teƚe co'iya? Iya' nahuats'. Ailopa'a caipe'ailli'.
25023	LUK 1:61	Italai'e'me, timiyi: ―¿Te colacui'icoyacu Juan? Laƚpimaye, ailopa'a quecui'impa toƚta'a.
25024	LUK 1:62	Ipalaic'oco'me le'a liƚmane qui'ailli' ƚahuac'hua. Icuis'e'me: ―¿Te cofcuapa? ¿Te caftine calacui'iyacu ƚamijcano?
25104	LUK 3:10	Lan xanuc' icuis'e'me, timiyi: ―¿Te caƚ'eyacu illanc'?
25109	LUK 3:15	Lan xanuc' timiyoƚtsi: ―¿Te co'iya itsiya? ¿Naitsi xans iƚca'a Juan? ¿Te iƚca'a aCristo, iƚque Ƚommeya ȽanDios?
25168	LUK 4:36	Lan xanuc' ixpailij'mola', timiyoƚtsi: ―¿Te cataiqui' jiƚta'a? Iƚque cal xans ti'hua limane ticuxe'ela' lontahue, iƚniya tilipalnamma.
25212	LUK 5:36	Jesús ti'hua timuc'ila'. Ipango'ma i'onƚico'ma lomuc'iyalepa. Timila': ―¿Te tolipa'a'me tutani anuli al ts'e loƚpijahua', tolanajmot'ƚico'me lafane loƚpijahua'? A'i. Ailopa'a no'eya toƚta'a. Ja'ni toƚta'a tonƚ'eƚe aimetenƚcocoya lafane lijahua'. Aimi'eya quipenic' ni lafane ni al ts'e.
25218	LUK 6:3	Jesús italai'e'e'mola', timila': ―¿Te aga aicoƚsuec' li'epa David anuli litine tunle'eyi jouc'a liƚejmale?
25295	LUK 7:31	Jesús ti'hua tipalaic'ola' lan xanuc', timila': ―¿Te caif'onƚicoyacolhuo' imanc' noƚmana' fa'a itsiya? ¿Te ts'i'ic' loƚ'ejma'?
25313	LUK 7:49	Locuenaye lijoc'impola' ipango'me imi'moƚtsi: ―¿Naitsi iƚca'a cal xans? Timi: “Joupa imenc'e'ecompo' lo'epa”. Toƚta'a aimi'iya.
25339	LUK 8:25	Timila' ts'ilihuequi: ―Imanc', ¿te aimaƚ'huaiyinge? Iƚne ixpailij'mola' juaiconapa, timiyoƚtsi: ―¿Te qui'ipa li‑ch'ixc'epa? ¿Naitsi iƚca'a cal xans? Ticuxela' ƚahua' ƚaja, tihuejcoyi.
25344	LUK 8:30	Jesús icuis'e'ma, timi: ―¿Tej muftine? Italai'e'e'ma, timi: ―Iya' laipuftine Legión. Iƚe laftine ticua: Axpela'. Axpela' lontahue itsuflaipá iƚque cal xans.
25359	LUK 8:45	Jesús icuis'e'mola', timila' lan xanuc': ―¿Naitsi naƚ―lafpa? Jahuay italai'e'e'me, timiyi: ―Illanc' aicaƚ―lafhuo'. Pedro timi: ―Momxi, to'hua nolojmay xanuc', titantsihuo'.
25388	LUK 9:18	Anuli litine Jesús tipalaic'o ȽanDios. Jiƚpiya timana' ts'ilihuequi quiƚtuca'. Timila': ―¿Te cocuapa lan xanuc'? ¿Naitsi iya'?
25461	LUK 10:29	Ƚomxi timiyoxi: “Tixinƚa' Jesús iya' aipicuejma'”. Icuis'econa'ma Jesús, timi: ―¿Naitsi xans caif'eya capic'a?
25607	LUK 13:20	Timiconala': ―¿Te caif'onƚicoya lo'ipa pe ȽanDios cal Cuecaj Rey tijoc'ila' lan xanuc' tihuejcoƚe?
25737	LUK 17:17	Jesús ticua: ―¿Te aiquixaƚcola' imbamaj lan xanuc'? Ma le'a anuli fa'a icuaicona'ma. ¿Pe comana' locuenaye lam pelƚa?
25740	LUK 17:20	Lijou'ma lan xanuc' fariseo icuis'e'me, timiyi Jesús: ―¿Te 'hora aƚsim'me ȽanDios cal cuecaj Rey ticuxe'mola' lixanuc'? Jesús italai'e'e'mola', timila': ―Tama imanc' aimoƚsinyi, itsiya ƚinca ȽanDios ticuxela' lixanuc'.
25793	LUK 18:36	Icuej'ma tuyalaiyi axpela' lan xanuc', icuis'e'mola', timila': ―¿Te co'ipa?
25798	LUK 18:41	―¿Te caif'e'eyaco'? ¿Te ts'opic'a? Timi: ―Maipoujna, cahuetsaleƚa'.
25833	LUK 19:33	Muhuaiƚyi ƚaca'huaj burro lipoujnalá ipalaic'om'mola', timinnila': ―¿Te cunluhuaiƚcopá ƚala'huaj burro?
25850	LUK 20:2	icuis'e'me, timiyi: ―¿Naitsi nepi'ipo' lomane toƚta'a to'e'ma? ¿Naitsi nummepo'?
25853	LUK 20:5	Iƚne ipalaic'o'moƚtsi quiƚtuca', timiyoƚtsi: ―¿Te caƚmiyacu? Ja'ni aƚmiƚe: “ȽanDios ummepa”, alicuis'e'monga', aƚmi'monga': “Imanc', ¿te aicolapenufi Juan?”
25871	LUK 20:23	Jesús ixina' ma le'a tehueyi tic'aiƚquenni. Timila': ―¿Te calahuaicopa?
25889	LUK 20:41	Jesús timila': ―¿Te conescompa: “Cal rey David itatahuelo cal Cristo, ȽanDios Ƚommeya”?
25942	LUK 22:9	Icuis'e'me, timiyi: ―¿Petsi caƚsmocoyoyacu? ¿Te cofcuapa?
25956	LUK 22:23	Ts'ilihuequi ipango'me icuis'e'moƚtsi, timiyoƚtsi: ―¿Naitsi illanc' ti'e'ma toƚta'a?
25979	LUK 22:46	Timila': ―¿Te coƚsmaicopa? Toƚtsolinca, toƚjoc'iƚe ȽanDios. Toƚsa'hueƚe titoc'itsolhuo', aimehuaiyim'molhuo'.
26003	LUK 22:70	Licuejpá iƚe linespa Jesús jahuay iƚniya lan xanuc' timiyi: ―¿Te ima' i'Hua ȽanDios? Timila': ―Ma to imanc' moƚnesyi, ma' iya'.
26007	LUK 23:3	Pilato icuis'e'ma, timi: ―¿Te ima' iƚrey lan xanuc' judío? Italai'e'ma timi: ―Al ƚinca lofcuapa.
26026	LUK 23:22	Ipalaic'ocona'mola'. I'ipa afanemma mipalaic'ola'. Timiconala': ―¿Te caifnepaƚts'ijncoya lancruz? ¿Te quixcay qui'epa? Ailopa'a qui'epa. Aimi'iya mima'anyacu. Cacuxe'ma tipalojle, tijouƚa' cux'masna'ma.
26044	LUK 23:40	Ƚocuena itale'ma ƚif'as quixcay xans, timi: ―¿Te aimoxpaic'e ȽanDios? Ima' jouc'a ecani'empo', aƚma'a'monga'.