23236	MAT 1:23	Ubixtola: Untu telom u xe u mätan u tz'isa, y u xe u päncäbesan untu u yajlo', y u xe tä äc'binte u c'aba' aj Emanuel. Jini t'an Emanuelba u yäle' ca'da une: Dios ya'an t'oc no'onla.
23264	MAT 3:3	Jimba aj Juanda ni u yäli aj Isaías ajt'an ta Dios oni que u xe tä te, jinq'uin u yäli ca'daba: Ca'da u yäle' jini u chen muc' t'an bajca mach cuxu niuntuba: “Tusbenla u biji Ajnoja. To'esbenla upete u biji”.
23288	MAT 4:10	Aj Jesús u yälbi: ―Tz'eje aba t'oc no'on, Satanás, uc'a tz'ibi chich ayan que u yäle' ca'da: “A Wajnoja Dios a xe a ch'u'ul c'ajti'in. Sec' une a xe a tz'omben y a cherben u patan”.
23297	MAT 4:19	Aj Jesús u yälbijob: ―La'ixla tzäypätinon, y no'on cä xe cä'benet a patanla a sacänla machcatac u xe u tz'ombenon.
23325	MAT 5:22	Ni cälbenet no'onba, jinda une: Machca chichca u cäräx'an t'oc u lot, u xe tä äc'binte u toje' u tanä. Machca chichca u yälben u lot cache' ajsen u xe tä päycanob tu pänte' ajt'äbälajob tuba caj. Machca chichca u yälben u lot cache' choco an, u xe tä julcan tama noj c'ac' tä infierno.
23331	MAT 5:28	Ni cälbenet no'onba, jinda une: Machca chichca u chänen untu ixic y u c'upän, san chich u chi ni tanä jini de cherajtz'ijte' tan u pixan.
23335	MAT 5:32	Ni cälbenet no'onba, jinda une: Machca chichca que u waläctan jit'oc y mach uc'a jini tanä de cherajtz'ijte'ba, ca' jini une chich u xe u yäc'ben u chen jini tanä de cherajtz'ijte' si lotojac tä cha'num. Machca chichca que u lotojan t'oc jini ixic que waläctintiba, u chen täcä u tanä de cherajtz'ijte'.
23337	MAT 5:34	Ni cälbenetla no'onba, jinda une: Mach a c'ajti'ben u c'aba' Dios jinq'uin a wäle' a chen cua' chichca jini tuba tz'onintic cache' toj a t'an. Mach a c'ajti'in niump'e cua' täcä tuba tz'onintic a t'an. Mach a c'ajti'in cielo, uc'a jin u yajlib une ni Cajnojala Dios.
23342	MAT 5:39	Ni cälbenetla no'onba, jinda une: Mach a sutatz'ben u jelo cua' chichca mach utz a cherbinte. Si untu u cune' a choj, tax u cune'et cha'num, sin que a t'äbsen aba ane.
23347	MAT 5:44	Ni cälbenetla no'onba, jinda une: Yajna'tanla machcatac mach yo u chänenetla y chenla tu toja t'oc unejob. C'atben Dios que u ch'u'ul chenob machcatac u cäräx älbenetla. Chen c'änti'yala tuba a c'atbenla Dios que u yäc'ben u yutzi jini machca u xiq'ue'etla y u tz'ibajtesanetlaba.
23376	MAT 6:25	’Jin uc'a cälbenetla: Mach jaq'uic ajin a chen pensala cua' a xe a c'uxe'la y cua' a xe a wuch'enla tuba cuxlequetla. Mach a chen pensala täcä cada a xe a ch'e' a bucla tuba a xoje' ta'wac'ola. ¿Mach quira más u chen vale a wutzila que cua' a c'uxe'la? ¿Mach quira más a chen vale anelaba que a bucla?
23409	MAT 7:24	’Machca chichca jiq'uin que u yubin upete ni t'anda que mu' cäle'ba y u chen ca' chich cäli, ca'da ayan une: Es ca' untu winic que an u c'ajalin. Une u chi yotot tu pam ji'tun.
23411	MAT 7:26	Machca chichca que u yubin upete ni t'anda que mu' cäle'ba y mach u che ca' chich cäli, ca'da ayan une: Es ca' untu winic que mach totoj an u c'ajalin. U chi yotot tu pam ji'.
23421	MAT 8:7	Aj Jesús u yälbi: ―No'on cä xe cä chänen y cä xe cä tz'äcälin.
23424	MAT 8:10	Jinq'uin u yubi aj Jesús ca' jini, tajch'icwäni u jut. De ya'i u yälbijob ca'da machcatac u te tu patba: ―Totojtoj cälbenetla, mach to bay cä chäne niuntu winic que u totoj tz'onän ca' u tz'onän uneba, pero niuntu de aj Israelob mach'an ca' jini.
23436	MAT 8:22	Aj Jesús u yälbi: ―Tzäypätinon. Äctan ni ca' a wälä chämenobba u muque' u yajchämejob.
23453	MAT 9:5	¿Caxcamba jiq'uin más u ch'e' älbintic: “A tanä alaj cherbintet perdona”, o älbintic: “Ch'oyen, chen xämba”?
23488	MAT 10:2	Jinda u c'aba'job ni doce apóstolesjob, jini u yajc'äncanob aj Jesucristoba: najtäcäba, aj Simón, u yälbinte täcä cache' aj Pedro; aj Andrés, u jitz'in aj Pedro; aj Jacobo, ajlo' taj Zebedeo; aj Juan, u jitz'in aj Jacobo;
23539	MAT 11:11	Totojtoj cälbenetla: Niuntu de u ch'ocob ixictacob pancab mach to bay uyajna de mero ajt'an ta Dios ca' aj Juan ajc'ablesiaba. Pero jini más ajch'och'oca que ayan tu manda Diosba, más utz u xe tä ajtä que aj Juan.
23718	MAT 15:16	Aj Jesús u yälbijob: ―Anela täcä, ¿mach quira u totoj och ta' c'ajalinla?
23736	MAT 15:34	Aj Jesús u yälbijob ca'da: ―¿Jäyp'e waj a cänäntanla? Unejob u yäli: ―Sec' siete waj namás, y tz'ita' yoc buch'.
23794	MAT 17:25	Aj Pedro u yäli: ―U toje' chich une. Ochi tama ni otot bajca an aj Jesús. Mach to u yälbe cua' jinq'uin aj Jesús u yälbi ca'da: ―¿Cache' a wäle' ane, Simón? Ajmandajob pancab, ¿caxcatac u yäc'ben u toje' ni taq'uin que u ch'uch'inte tuba gobiernoba? ¿U ch'ocob quira o ni mach jin u ch'ocobba?
23849	MAT 19:18	Une u yäli: ―¿Catac anba? Aj Jesús u yälbi: ―Mach a chen tzämsa. Mach a sacän a tz'ijte'. Mach a chen xuch'. Mach a sube' a lot t'oc jop'ojti'.
23868	MAT 20:7	Unejob u p'ali: “Ya'anon t'ocobda uc'a mach u yäc'bon t'ocob patan niuntu”. Une u yälbijob: “Cuxla täcä tä patan tan u caba cä päc'äbi, y cä xe cä toje'etla ca' chich c'änä tojcaquetla”.
23882	MAT 20:21	Une u yälbi: ―¿Cua' a wo? Ni ixic u yäli ca'da: ―Co que a'ben ni cä ch'ocobda chunwänicob ta' ch'ejpa bajca a xe de ajmanda, untu ta' noj y untu ta' tz'ej.
23883	MAT 20:22	Aj Jesús u p'ali ca'da: ―Mach a wi cua' a c'atän. ¿U ch'e' quira a c'älenla tz'ibajtesia ca' chich no'on cä c'älen, ca' a wälä a wuch'enla jini cä xe cuch'en no'on, y ca' a wälä c'ablaquetla ca' chich cä xe tä c'ablan no'on? Unejob u yäli: ―U ch'e' chich cä c'älen t'ocob.
23884	MAT 20:23	Aj Jesús u yälbijob: ―A xe chich a ch'e'la ni tz'ibajtesia que cä ch'e' no'on, ca' a wälä a wuch'enla ni cä xe cuch'en no'onba y ca' a wälä a c'ablanla ca' chich cä xe tä c'ablan no'on. Pero tuba cälbenetla chunwäniquetla täc noj y täc tz'ej, mach no'on une cä xe cäle' caxca une u xe tä chumtä ya' jini. Cä Pap une u xe u yäle', uc'a ya' chich an tu c'ajalin caxca une u xe tä chumtä ya' jini.
23894	MAT 20:33	Unejob u yäli: ―Cajnoja, co que a jäbbenon t'ocob cä jut.
23926	MAT 21:31	¿Caxcamba de ni cha'tu ajlo' jini u chi ca' chich u yoli u pap u chen? Unejob u yäli: ―Ni ajnojaba. Aj Jesús u yälbijob ca'da: ―Totojtoj cälbenetla cache' ajcojtaq'uinob y jini ixictacob u nume u sacän u tz'ijte'obba más u xe u ch'e' ochicob bajca u chen manda ni Dios ya'an tä cieloba, y mach anela.
23932	MAT 21:37	’Ji'pat u täsqui u yajlo', uc'a jini winic u yäli: “U xe chich u yubinob u t'an, uc'a cajlo'”.
23962	MAT 22:21	Unejob u yäli: ―Taj César. Aj Jesús u yälbijob: ―Äc'ben aj César lo que es tuba aj César. Äc'ben Dios lo que es tuba Dios.
23984	MAT 22:43	Aj Jesús u yälbenob: ―¿Cua' uc'a jiq'uin ni Ch'u'ul Pixan u yäc'bi u yäle' aj David cache' u Yajnoja? Uc'a aj David u yäli ca'da:
23985	MAT 22:44	Ajnoja Dios u yälbi Cajnoja: “Chumi' täc noj ixta que cä tzupsäben u poder ni machcatac mach yo u chänenetba, ca' a wälä a xäc'teq'ue'ob tä cab”.
24021	MAT 23:34	Bada jiq'uin, ubinla: No'on cä xe cä täscun bajca anetla ajt'anob ta Dios. Cä xe cä täscun machca q'uen u c'ajalinob, cä xe cä täscun jini que tä' yuwijob u t'an Diosba. Unejobba a xe a tulaj tzämsenob y a xe a tulaj äq'ue'la tä cruz. Y otros a xe a jätz'e'la tama a ch'ujla y otros a xe a tz'ibajtesanla tä cabil cab.
24052	MAT 24:26	Jin uc'a jiq'uin, si u yälbenetla machca chichca ca'da: “Ubinla, ya'an nanti bajca mach cuxu niuntu ni aj Cristo”, mach xiquet a chänenla. O si u yälbenetla: “Ya'an mucu tama ump'e otot”, mach a tz'ombenla.
24078	MAT 25:1	’U manda ni Dios ya'an tä cieloba u xe tä ajtä ca'da une: Ajni diez telomilba que ya'an u pijnanob ajlotojan t'oc u candil tu c'äbob.
24111	MAT 25:34	Jinq'uin no'on de Ajnojalon cä xe cälbenob ni an täc nojba: “La'ixla, anela que cä Pap u ch'u'ul chetla. Ta'ala chich une bajca u chen manda ni Dios, jini u worin tusbetla desde jinq'uin uti u pancabba.
24128	MAT 26:5	U yälijob täcä: ―Mach yo cä q'ueche'la tama ni noj q'uin ch'ujeba, uc'a mach xic u jobän uba ni caj.
24148	MAT 26:25	De ya'i aj Judas jini que u xe chich u yäq'ue' tä c'äbäba, u yäli ca'da: ―¿No'on wäreca, Maestro? Aj Jesús u yälbi: ―Ane chich a totoj äli.
24157	MAT 26:34	Aj Jesús u yälbi ca'da: ―Totojtoj cälbenet: Jimba ac'äbdaba, antes de u chen uq'ue ajtze, ane a xe a wäle' uxpetz' que mach a chon conoce.
24221	MAT 27:23	Ni gobierno u yäli: ―¿Caba tanä jiq'uin u chi? Unejob u chi más muc' noj t'an, u bon äle'ob ca'da: ―¡Tzämsintic tä cruz!
24244	MAT 27:46	Jinq'uin ochiq'uin aj Jesús u chi noj gran t'an, u yäle' ca'da: ―Elí, Elí, ¿lama sabactani? ―ni t'andaba ca'da u yäle' une: Cä Dios, cä Dios, ¿cua' uc'a a waläcton?
24263	MAT 27:65	Aj Pilato u yälbijob: ―Ya'an jini ni ajcänänyajob. Correla y chenla ca' chich a chen pensala ane uc'a c'alin cänäntintic utz u ti' ni mucliba.
24373	MRK 3:16	Jinda ni doce winicob jiniba: aj Simón, jini u chap'elib u c'aba' aj Pedroba,
24396	MRK 4:4	Ca'da u päq'ue' une: U t'it'ben tä cab bajca u xe u ch'e' cab. Jini u t'it'iba ximlaj yäli tan bij, y de ya'i c'oti mut u laj buq'ue'.
24403	MRK 4:11	Aj Jesús u yälbijob: ―Anelaba Dios u yäc'bet a wina'tanla jini mach uyut entende ajniba, cache'da u xe u nonoj chen manda Dios bajca anetla. Otrosjob u yälbintejob t'oc tz'aji.
24405	MRK 4:13	Aj Jesús u yälbijob täcä: ―¿Mach quira a che entendela ni tz'ajida? ¿Cache'da jiq'uin a xe a chen entendela los demás tz'aji?
24416	MRK 4:24	U yälbijob täcä: ―Äc'ä ta' c'ajalinla lo que a ubinlaba. Ca' chich a p'isän cua' chichca tuba a wäc'ben a lot, che' chich täcä Dios u xe u p'isbenet lo que a xe tä äc'bintela, y más a xe tä äc'bintela ane que a ubila u t'an Dios.
24442	MRK 5:9	Aj Jesús u c'atbi ni tzuc pixan: ―¿Cua' a c'aba'? Ni tzuc pixan u p'ali: ―Aj Legión cä c'aba', uc'a q'uenon t'ocob.
24469	MRK 5:36	Aj Jesúsba mach u chi caso lo que u yäli jini winic. Ca'da u yälbi ni ajnoja tuba ni ch'uj taj judíosob: ―Mach bäc'taquet. Toc'a a tz'onän.
24492	MRK 6:16	Jinq'uin u yubi aj Herodes ca'da, u yäli: ―Jindaba aj Juan chich une, ni cäq'ui tä chunjätz'binte u pamba, y bada cuxpi tan ajchämejob.
24499	MRK 6:23	Ixta ump'e t'an u yäli tuba tz'onintic cache' u xe chich u yäc'ben cua' chichca que u c'atän. U yälbi täcä: ―Ixta lamita de ni cab que cä chen mandaba u ch'e' cä'benet.
24500	MRK 6:24	Ni telom bixi u yälben u na' ca'da: ―¿Cua' jini cä c'atän? Ni ixic u yälbi: ―C'atän äc'bintiquet u pam aj Juan ajc'ablesia.
24507	MRK 6:31	Aj Jesús u yälbijob: ―Cola cä ch'e' cäbala tz'ita' bajca mach'an gente. Uc'a mäx q'uen gente u c'ote bajca anob ixta mach'an lugar ta c'uxnacob.
24514	MRK 6:38	Aj Jesús u yälbijob: ―¿Jäyp'e waj a cänäntanla ane? Corre iranla. Jinq'uin u jirijob jäyp'e waj ya'an, u yälbijob ca'da: ―Cinco waj y cha'tu buch' cä cänäntan t'ocob.
24540	MRK 7:8	Anelaba a wäctanla ni mero u manda Diosba tuba a chenla ca' chich u yäle' ni gente: a poque' a p'etla, a poque' a t'ubla bajca a buc'alaba, y q'uen cua' chichca ca' jini a chenla.
24541	MRK 7:9	U yälbijob täcä: ―Uc'a a chenla ca' chich u yäle' ni ajt'äbälajobba, jin uc'a a wäctan a chenla ca' chich u yäle' ni Dios que uticba.
24550	MRK 7:18	Aj Jesús u yälbijob: ―¿Mach quira a che entendela täcä? ¿Mach quira a wila cache' upete cua' u c'uxe' winic mach jin lo que u yäc'ben mach ajnic tu toja?
24552	MRK 7:20	U yäli täcä: ―Jini u pase tan u c'ajalin winicba, jin une ni u yäq'ue' que mach ajnic tu toja.
24590	MRK 8:21	De ya'i u yälbijob: ―¿Mach to quira a laj che entendela cache' ayan cä poder?
24593	MRK 8:24	Jini ajchoc' cayi u jiran si u ch'e' u chen chanä, y u yäli: ―Mu' cä chänen winicob, ca' a wälä te', pero u chen xämba.
24595	MRK 8:26	De ya'i aj Jesús u täsqui tu yotot, y u yälbi: ―Mach ochiquet tama caj, y mach a tz'aycäben niuntu cua' u chet pasa.
24608	MRK 9:1	Aj Jesús u yälbijob täcä: ―Totojtoj cälbenetla täcä cache' ayan machca chichca wida que mach uxin tä chämojob ixta que u chänen cache' Dios u xe u chen manda t'oc u poder bajca anetla.
24630	MRK 9:23	Aj Jesús u yälbi: ―Si a totoj tz'onänba, u ch'e' chich, uc'a machca u totoj tz'onänba, u ch'e' chich cä cherben upete cua' chichca.
24636	MRK 9:29	Aj Jesús u yälbijob: ―Jini tzuc pixandaba mach upas si mach a chela c'änti'ya y su'q'uin.
24646	MRK 9:39	Aj Jesús u yälbi: ―Mach a wälbenla que mach u ni' chen ca' jini, uc'a mach'an niuntu que u chen täj c'aba' cua' chichca jini t'oc poder que niuntu mach u che trebe u chen, y de ya'i u sutän uba u cäräx älbenon.
24661	MRK 10:4	Unejob u yäli: ―Aj Moisésba u yäli que äc'bintic ump'e jun ni ixic, y ca' jini u ch'e' waläctintic.
24662	MRK 10:5	De ya'i aj Jesús u yälbijob: ―Aj Moisés u yälbet a chenla ca'da uc'a mäx tzätz a pamla apetela.
24668	MRK 10:11	Aj Jesús u yälbijob: ―Jini winic que u waläctan jit'oc y lotojac t'oc otroba, u chen u tanä de cherajtz'ijte'.
24695	MRK 10:38	De ya'i aj Jesús u yälbijob: ―Anelaba mach a wi cua' a c'atänla. ¿U ch'e' quira a ch'e'la jini tz'ibajtesia que cä xe cä ch'e' no'onba, y c'ablaquetla ca' chich cä xe tä c'ablan?
24696	MRK 10:39	Unejob u p'ali: ―U ch'e' chich. Aj Jesús u yälbijob: ―Toj chich, a xe a ch'e'la ni tz'ibajtesia que cä xe cä ch'e' no'onba y a xe tä c'ablanla ca' chich cä xe tä c'ablan.
24705	MRK 10:48	Q'uen machca u q'uejpan tuba ch'ijcäbac, pero une más noj t'an u chen: ―Ane natil ch'oquet taj David, ch'ämbenon yajin.
24706	MRK 10:49	De ya'i aj Jesús tajwa'wäni, u yäli: ―Älbenla que tic. U joq'uijob jini ajchoc' y u yälbijob: ―Mach bäc'taquet. Ch'oyen uc'a mu' u joq'ue'et.
24709	MRK 10:52	Aj Jesús u yälbi: ―U ch'e' bixiquet. Uc'a a tz'oni, a pojli chich aba. Jinchichba rato jini, jini ajchoc' u chi chanä, y u tzäypäti aj Jesús bajca u bixe.
24742	MRK 11:33	Jin uc'a u p'albijob aj Jesús ca'da: ―Mach cuwi t'ocob. Aj Jesús u p'ali täcä: ―Ni no'on täcä mach uxon cälbenetla caxca une u yäc'bon poder ta cä chen upete ni cua' cä chenba.
24751	MRK 12:9	De ya'i aj Jesús u yälbijob: ―¿Cua' a wäle'la u xe u chen u yum ni u caba päc'äbi jini? Cäle' que u xe tä te, u xe u tzämsen ni ajpatanob jini y u xe u yäc'ben u caba jini päc'äbi otros ajpatanob.
24771	MRK 12:29	Aj Jesús u p'albi: ―Ni manda más c'änä cä tz'onänla de upete mandaba, jinda une: “Ubinla, lo' Israel. Ni Cajnojala Diosba, tontuntu une.
24773	MRK 12:31	U chap'elibba es ca' chich jini täcä: “Yajna'tan a lot ca' chich a yajna'tan aba ane”. Mach'an niump'e otro manda más c'änä cä tz'onänla que jindajob.
24778	MRK 12:36	Ni Ch'u'ul Pixan u yäc'bi aj David u yäle' ca'da: Ajnoja Dios u yälbi Cajnoja: “Chumi' täc noj ixta que cä'benet a xäc'teq'ue' jini machcatac mach yo u chänenetba”.
24823	MRK 13:37	Ni cälbenetlaba, jin chich acälben upetejob: Ajniquetla p'ixi.
24853	MRK 14:30	Aj Jesús u yälbi: ―Totojtoj cälbenet: Jinchichba ac'äbda mach to u che uq'ue ajtze cha'petz' ane a xe a wäle' uxpetz' que mach a chon conoce.
24885	MRK 14:62	Aj Jesús u yäli: ―Jinon chich. Anela chich täcä a xe a chänenonla no'on que sutwänon de winicba cache' ya' chumcalon tu noj ni Dios an u poderba, y a xe a chänenonla täcä cache' cä xe tä te tä cielo tama ump'e bucla.
24909	MRK 15:14	Aj Pilato u yäli: ―¿Cuaxca tanä u chi? Ni gente sujli u yäle' t'oc noj t'an tä cha'num: ―¡Baja tä cruz!
24963	LUK 1:1	Cä yajben lot, Teófilo: Q'uen ayan machcatac u tz'ibijob tä jun cua'tac u totoj chi pasa bajca anonla tan cä cabla.
25091	LUK 2:49	De ya'i aj Jesús u yälbi: ―¿Cua' uc'a a bon saconla? ¿Mach quira a wila cache' c'änä cä cherben u patan ni cä Pap ya'an tä cieloba?
25155	LUK 4:23	De ya'i aj Jesús u yälbijob ca'da: ―Anela a xe chich a wälbenonla ni t'an u yäle' ca'daba: “Ajtz'ac, tz'äcälin aba a juntuma”. Ixti a xe a wälbenonla täcä: “Upete lo que acubi t'ocob que a chi tä Capernaum, chen ca' jini täcä wida tan a cab”.
25278	LUK 7:14	De ya'i aj Jesús bixi u natz'än u täle' ni cajón. Jini machcatac u bisan ni ajchämeba wa'wänijob y aj Jesús u yälbi ni ajchäme ca'da: ―Lo', cälbenet: Ch'oyen.
25286	LUK 7:22	U p'ali aj Jesús u yälbenob ca'da: ―Corre cuxla älben aj Juan cua'tac a chänila y cua'tac a ubila: ajchoc' a'äc'bintijob u chen chanä, ajc'ol'oc a'äc'bintijob u chen xämba, machcatac c'ojojtac t'oc ni yaj u c'aba' lepra u colescanob limpio u pächi, ajcoc a'äc'bintijob u yubin t'an, ajchämejob u yäc'binte sutwänicob tä cuxpan cha'num, y ni pobrejilba u tz'aycäbintejob ni t'an ta Dios.
25414	LUK 9:44	―Äc'ä a chiquinla tuba a c'alin ubinla ni cä xe cälbenetlaba: No'on que sutwänon de winicba cä xe tä ä'can tä c'äbä.
25726	LUK 17:6	Cajnojala u yälbijob ca'da: ―Unxim bec' mostaza mäx tz'utz', pero u c'ac'a' ch'ije. Si a tz'onänla icaba, mach u che si mäx tz'ita' ca' a wälä unxim bec' mostazaba, u ch'e' a wälbenla ica ni te' sicómoroda: “Boco aba tä cab y xiquet a päq'ue' aba tä ja' tama ni nab”, u tz'ombenetla ica.
25777	LUK 18:20	A wi chich cua' u yäle' ni ley ta Dios: “Mach a cänäntan a tz'ijte'; mach a chen tzämsa; mach a chen xuch'; mach a sube' a lot t'oc jop'ojti'; olin a pap y a na'”.
25779	LUK 18:22	Jinq'uin u yubi aj Jesús ca' jiniba u yälbi ca'da: ―U colan to ump'e cosa a chen: chono upete lo que a cänäntan y laj pucben u taq'uini pobrejilba y a xe a cänäntan q'uen a matän tä cielo tä' choj u valorba, y la'ix bada tzäypätinon.
26128	JHN 1:15	Aj Juan u yäq'ui tä ute conoce, t'oc noj t'an u yäli ca'da: ―Jinda ni cäliba: “Machca ni u te ji'pat que no'on más ajnoja que no'on, uc'a une más najtäcä que no'on”.
26133	JHN 1:20	U p'ali, mach u muquí. U yäli tu toja: ―Mach no'on ni aj Cristojon que u xe u täscun Diosba.
26134	JHN 1:21	De ya'i u c'atbijob tä cha'num: ―¿Caxcajet jiq'uin? ¿Ane quira aj Elíaset? U yäli: ―Mach jinon. ―¿Ane quira ni ajt'anet ta Dios jini que u xe tä teba? U p'ali: ―Mach jinon täcä.
26136	JHN 1:23	Une u yäli: ―No'on ni ajt'anon que cä chen noj t'an bajca mach cuxu niuntu. Ca' chich u yäli aj Isaías, ajt'an ta Diosba, no'on täcä cälbenetla ca'da: “To'esbenla u biji Ajnoja”.
26139	JHN 1:26	Aj Juan u yälbijob: ―No'on cä chen c'ablesia t'oc ja'. Tänxin de anela ya'an untu que mach a che conocela.
26143	JHN 1:30	Jinda ni cäliba: “U te ji'pat que no'on untu winic más ajnoja que no'on, uc'a une más najtäcä que no'on”.
26152	JHN 1:39	Une u yälbijob: ―La'ixla, chänenla. Bixijob chich u chänen bajca cuxu. Colijob nämte' t'oc une jimba q'uin jini, uc'a ochiq'uin.
26159	JHN 1:46	Aj Natanael u yäli: ―¿U xe wäreca tä pase ajt'an ta Dios tä Nazaret? Aj Felipe u yäli: ―La'ix uc'a a chänen.