23263	MAT 3:2	U yäle' ca'da: ―Q'uexe a c'ajalinla tuba mach a ni' chen a tanäla, uc'a mach ni' q'uen yo tuba u nonoj chen manda bajca anetla ni Dios ya'an tä cieloba.
23275	MAT 3:14	Aj Juan mach u yoli u c'ablesan. U yälbi aj Jesús ca'da: ―No'on une ni c'änä a c'ablesanon aneba. ¿Pero aneba a wäle' que cä c'ablesanet?
23282	MAT 4:4	Aj Jesús u p'ali, u yäli ca'da: ―Tz'ibi chich ayan ca'da: “Mach sec' t'oc waj u ch'e' cuxlec a'ajtäjob pancab. C'änä chich täcä upete u t'an Dios”.
23285	MAT 4:7	Aj Jesús u yälbi ca'da: ―Tz'ibi chich ayan täcä ca'da: “Mach a päpä' sacän cache' a wäc'ben u chen cua' chichca a Wajnoja Dios tuba a chänen si u chen”.
23288	MAT 4:10	Aj Jesús u yälbi: ―Tz'eje aba t'oc no'on, Satanás, uc'a tz'ibi chich ayan que u yäle' ca'da: “A Wajnoja Dios a xe a ch'u'ul c'ajti'in. Sec' une a xe a tz'omben y a cherben u patan”.
23295	MAT 4:17	Jinchichba q'uinob jini u täq'ui aj Jesús u ye'e' u t'an Dios, y u yäle' ca'da: ―Q'uexe a c'ajalinla tuba mach a ni' chen a tanäla, uc'a mach ni' q'uen yo tuba u nonoj chen manda bajca anetla ni Dios ya'an tä cieloba.
23297	MAT 4:19	Aj Jesús u yälbijob: ―La'ixla tzäypätinon, y no'on cä xe cä'benet a patanla a sacänla machcatac u xe u tz'ombenon.
23421	MAT 8:7	Aj Jesús u yälbi: ―No'on cä xe cä chänen y cä xe cä tz'äcälin.
23434	MAT 8:20	Aj Jesús u yälbi ca'da: ―A'uch ayan u yajliba. Mut ajwile isqui ayan u c'ub. No'on que sutwänon de winicba mach'an cada cä t'eljatz'än cä pam.
23472	MAT 9:24	Aj Jesús u yälbijob ca'da: ―Tz'eje abala. Ni yoc ixocda mach chämen. Wäye u chen une. De ya'i ni gente cayi u bon tze'tanob.
23485	MAT 9:37	Aj Jesús u yälbi u yajcänt'anob ca'da: ―Q'uen machcatac yo u yubin u t'an Dios, pero mäx tz'ita' machcatac u ye'e'. Es ca' ni päc'äbi, q'uen chich u jut ayan, y mach'an q'uen ajpatan tuba u ch'uch'än.
23571	MAT 12:13	De ya'i aj Jesús u yälbi ni winic tiquin u c'äbba: ―Sätz'ä a c'äb. Une u sätz'i. Jinchichba hora jini u yäq'ui uba jini u c'äb. Coli utz ca' chich ni otro untz'itba.
23583	MAT 12:25	Aj Jesús yuwi chich cua' an tu c'ajalinob, u yälbijob ca'da: ―Ump'e noj caj, si u jec'lan uba tä jo'yanba, mach u paq'uin col u yajmanda y u laj xupojob chich. Che' chich täcä ump'e bit caj o machcatac an tama ump'e otot, si u jec'lan ubajob tä buya, mach uxin tä colan tomp'ejob.
23659	MAT 13:51	Aj Jesús u c'atbijob ca'da: ―¿A'ochi ta' c'ajalinla upete ni acälbetlaba? Unejob u p'ali: ―A'ochi chich.
23674	MAT 14:8	Jini telomba, u worin älbi chich u na' cua' jini u xe u c'atän. Jin uc'a u yäli ca'da: ―Äc'benon wida bada tama ump'e plato u pam aj Juan ajc'ablesia.
23682	MAT 14:16	Aj Jesús u yälbijob ca'da: ―Mach'an cua' uc'a bixicob. Äc'benla ane cua' u c'uxe'ob.
23693	MAT 14:27	Jinchichba rato jini aj Jesús u pequijob, u yälbijob ca'da: ―Mach'an cua'. No'on chich. Mach bäc'taquetla.
23695	MAT 14:29	Aj Jesús u yälbi ca'da: ―La'ix jiq'uin. De ya'i aj Pedro pasi tama ni jucub, cayi u chen xämba pan ja' tuba xic bajca an aj Jesús.
23712	MAT 15:10	Aj Jesús u joq'uijob upete machcatac ya' wa'cajob nat, u yälbenob ca'da: ―Äc'ä a chiquin a ubinla ni cä xe cäle'ba, uc'a ochic ta' c'ajalinla.
23743	MAT 16:2	Aj Jesús u p'albijob ca'da: ―Jinq'uin a chänenla noj chächäc bucla tu pome q'uin, a wäle'la cache' ic'ä u chen q'uin.
23758	MAT 16:17	Aj Jesús u yälbi ca'da: ―Ya'an ump'e ch'a'aljin ta'a, Simón, ajlo'et taj Jonás, uc'a mach jin winic pancab u yäc'bet ta' c'ajalin tuba a wina'tan ca' jini. Cä Pap, jini ya'an tä cieloba, une u yäc'bet a wina'tan.
23789	MAT 17:20	Aj Jesús u yälbijob ca'da: ―Uc'a mach a totoj tz'onila que Dios u xe u chen. Totojtoj cälbenetla, si ajnic ica tz'ita' a fe, ca' u no'an unxim yoc bec' mostazaba, u ch'e' a wälben ni tz'icda: “Tz'eje aba wida”, y u xe chich u tz'eje' uba. Y mach'an niump'e cua' que mach u ch'e' a chenla si a totoj tz'onänla.
23791	MAT 17:22	Nume to u chenob tama cab tä Galilea, aj Jesús u yälbi u yajcänt'anob ca'da: ―No'on que sutwänon de winicba cä xe tä äc'can tu c'äb winicob.
23839	MAT 19:8	Aj Jesús u yälbijob ca'da: ―Uc'a a tzätzäl pämlela u yälbetla aj Moisés a chenla ca' jini. Pero najtäcäba Dios mach u yäq'ui tä ute ca' jini.
23908	MAT 21:13	U yälbijob ca'da: ―Tz'ibi chich ayan tama u jun Dios u yäle' ca'daba: “Cototba, tuba utic c'änti'ya tama”. Pero anelaba a chenla ca' otot tuba u yajliba ajxuch'.
23919	MAT 21:24	Aj Jesús u p'albijob ca'da: ―No'on täcä cä xe cä c'atbenetla ump'e t'an. Si ane a wälbenonlaba, cä xe chich cälbenetla täcä caxca t'oc u poder cä chen upete ni jinda.
23923	MAT 21:28	Aj Jesús u yälbijob täcä ca'da: ―Cache'da a wale'la jiq'uin t'oc ni t'anda cä xe cäle'ba: Ajni untu winic que u cänänti cha'tu u yajlo'. U pequi ni yajlo' u nojaba, u yälbi ca'da: “Cä ch'oc, corre bada tä patan tama u caba cä päc'äbi”.
23962	MAT 22:21	Unejob u yäli: ―Taj César. Aj Jesús u yälbijob: ―Äc'ben aj César lo que es tuba aj César. Äc'ben Dios lo que es tuba Dios.
24150	MAT 26:27	U ch'i täcä ni vaso, u ch'u'ul chi, u yäc'bijob, u yälbijob ca'da: ―Uch'enla apetela ni jinda.
24159	MAT 26:36	De ya'i c'oti aj Jesús t'oc u yajcänt'anob tama ump'e bojte' bajca an päc'äbi. U c'aba' ya'i Getsemaní. U yälbijob ca'da: ―Chumi'ixtola wida, no'onba cä ne' xe nanti cä chen c'änti'ya.
24161	MAT 26:38	Aj Jesús u yälbijob ca'da: ―Ac'ä mäx u ch'ocoman cä pixan uc'a cä na'tan cache' cä xe tä chämo. Colenla wida, wäybetanla t'oc no'on.
24189	MAT 26:66	¿Cache' a wäle'la ane? Unejob u p'ali: ―C'änä chich tzämsintic une.
24202	MAT 27:4	U yälbenob ca'da: ―Ump'e noj tanä chich acä chi, cäq'ue' tä tzämsinte untu que mach u chi u tanä. Unejob u p'albijob ca'da: ―¿Cua' päq'uin täc'a t'ocob? ¿Caxto une u chet manda a chen ca' jini?
24263	MAT 27:65	Aj Pilato u yälbijob: ―Ya'an jini ni ajcänänyajob. Correla y chenla ca' chich a chen pensala ane uc'a c'alin cänäntintic utz u ti' ni mucliba.
24282	MAT 28:18	De ya'i aj Jesús u natz'ijob, y u pequijob, u yälbenob ca'da: ―Äc'binton upete poder tuba cä chen cua' chichca tä cielo y tu pancab.
24299	MRK 1:15	U yäle' ca'da: ―Anatz'äli q'uin u nonoj chen manda Dios bajca anetla. Q'uexe a c'ajalinla y tz'onänla u t'an Dios.
24301	MRK 1:17	Aj Jesús u yälbijob ca'da: ―La'ixla täc pat. Ajq'uechbuch'etla bada, pero no'on cä xe cä'benetla a sacän winicob tuba u tz'omben u t'an Dios.
24309	MRK 1:25	Aj Jesús u q'uejpi ni tzuc pixan. U yälben ca'da: ―Ch'in ajni'. Pasen tuyac'o ni winic jini.
24362	MRK 3:5	De ya'i aj Jesús u chämbi u jutob t'oc cräxle, y t'oc noj tristejle uc'a tzätz u pamob. U yälbi ni winic ca'da: ―Sätz'ä a c'äb. Jini winic u sätz'i u c'äb, y jinchichba rato u pojli uba.
24416	MRK 4:24	U yälbijob täcä: ―Äc'ä ta' c'ajalinla lo que a ubinlaba. Ca' chich a p'isän cua' chichca tuba a wäc'ben a lot, che' chich täcä Dios u xe u p'isbenet lo que a xe tä äc'bintela, y más a xe tä äc'bintela ane que a ubila u t'an Dios.
24498	MRK 6:22	De ya'i jixic ch'oc ix Herodías ochi tä ac'ot bajca an ni gente tä c'uxnan. Jini ac'ot tä' utz yäli tu c'ajalin aj Herodes y ni gente ya'an tä c'uxnan t'ocba. Aj Herodes u yälbi ni telom ca'da: ―C'atän lo que a wo, y cä xe chich cä'benet.
24500	MRK 6:24	Ni telom bixi u yälben u na' ca'da: ―¿Cua' jini cä c'atän? Ni ixic u yälbi: ―C'atän äc'bintiquet u pam aj Juan ajc'ablesia.
24511	MRK 6:35	Pome u chen q'uin u yajcänt'anob aj Jesús u yälbijob ca'da: ―Atarde'i y wida mach'an otote.
24513	MRK 6:37	Aj Jesús u yälbijob ca'da: ―Äc'benla ane cua' u c'uxe'. Unejob u p'ali: ―Si cä mäne' t'ocob doscientos taq'uin ni u yälbinte cache' denarioba de puro waj mach u yäc'ä tuba c'uxnac upete.
24541	MRK 7:9	U yälbijob täcä: ―Uc'a a chenla ca' chich u yäle' ni ajt'äbälajobba, jin uc'a a wäctan a chenla ca' chich u yäle' ni Dios que uticba.
24589	MRK 8:20	―Jinq'uin cä puqui siete waj tuba cuatro milobba, ¿jäyp'e chach a ch'uch'ila de u colob? Unejob u p'ali: ―Siete chach.
24678	MRK 10:21	Aj Jesús u chämbi u jut t'oc yajin y u yälbi ca'da: ―Ump'e namás acoli que mach to a che cumpli. Corre chono upete lo que a cänäntan y laj sijben pobrejilba ni u taq'uini. De ya'i la'ix täc pat a chen ca' chich cä chen no'onba, y a xe a cänäntan q'uen cua' chichca choj u valor ni ya'an tä cieloba.
24731	MRK 11:22	Aj Jesús u p'ali: ―Tz'ombenla Dios.
24738	MRK 11:29	Aj Jesús u p'ali: ―No'on täcä cä xe cä c'atbenetla ni jinda, si ane a wälbenonla tu tojaba, no'on täcä cä xe cälbenetla caxca une u yäc'bon poder ta cä chen jini cä chenba.
24759	MRK 12:17	De ya'i aj Jesús u yälbijob ca'da: ―Äc'benla aj César jini tuba chich aj Césarba, y äc'benla Dios jini tuba chich Diosba. Y upete tajch'icwäni u jutob u yubin cache'da u p'ali.
24845	MRK 14:22	Mu'to u c'uxnanobba, aj Jesús u ch'i ni waj tu c'äb y u yälbi Dios que uc'adios u chi. De ya'i u taji jini waj u yäc'bi u yajcänt'anob, y u yälbijob ca'da: ―C'uxula ni wajda. Ni wajdaba cä cuerpo une.
24855	MRK 14:32	De ya'i c'otijob bajca u yälbinte cache' u c'aba' Getsemaníba, y aj Jesús u yälbi u yajcänt'anob ca'da: ―Chumi'la wida, no'onba ya cä xe cä chen c'änti'ya.
24881	MRK 14:58	―No'on t'ocobba cubi t'ocob u yäle': “Cä xe cä jinesan ni noj ch'u'ul ototda que winic u chiba, y u yuxp'elib q'uin cä xe cä tz'osen otro noj ch'u'ul otot que mach jin winic u chiba”.
24981	LUK 1:19	Ni ángelo u yälbi ca'da: ―No'onba aj Gabrielon. Paq'uin ayanon tu pänte' Dios tuba cä cherben lo que yo Uneba. No'on täsquinte acä chi cä lotänet tuba cä'benet ni razónda que u xe u yäc'benet ch'a'aljin.
25000	LUK 1:38	De ya'i u yäli ix María ca'da: ―No'onba ixpatanon chich tuba cä Yumla. Tan u chen Dios t'oc no'on ca' a wäle'ba. De ya'i ni ángelo pasi ca'an une y bixi.
25108	LUK 3:14	Ni soldadojob täcä u c'atbijob ca'da: ―No'on t'ocobba, ¿cuaxca c'änä cä chen t'ocob? Aj Juan u yälbijob ca'da: ―Mach a xuch'benla niuntu niump'e cua'. Mach a päpä' sube'la niuntu t'oc ni mach tojba. Ajnic ch'a'a ajinla t'oc lo que a tojcanla.
25136	LUK 4:4	Aj Jesús u p'albi ca'da: ―Tz'ibi ayan tuyac'o u jun Dios ca'da: “Mach sec' t'oc waj u yäc'binte cuxlec untu. U yäc'binte cuxlec täcä por u tz'omben upete u t'an Dios”.
25138	LUK 4:6	Aj Satanás u yälbi ca'da: ―No'on cä xe cä'benet upete ni poder jini y ni pitzilan tubajob uc'a a'binton cä cänäntan no'on, y machca colin cä'benba, acä'ben chich.
25140	LUK 4:8	Aj Jesús u p'albi ca'da: ―Tz'eje aba t'oc no'on uc'a tz'ibi ayan tuyac'o u jun Dios ca'da: “A Wajnoja Dios a xe a ch'u'ul c'ajti'in y seq'uen Une a xe a cherben lo que yo utic”.
25144	LUK 4:12	Aj Jesús u p'albi ca'da: ―Tz'ibi ayan täcä tuyac'o u jun Dios ca'da: “Mach a wiran si a wäc'ben u säte' a Wajnoja Dios”.
25175	LUK 4:43	De ya'i une u yälbijob ca'da: ―C'änä xicon otro cajob täcä cä laj älbenob ni t'an utzba tuba u manda Dios, uc'a jin tuba atäsquinton.
25220	LUK 6:5	U yälbijob täcä ca'da: ―No'on que sutwänon de winicba ajnojalon chich täcä tuba cäle' cua' u ch'e' utic y cua' jini mach u ch'ä utic tu q'uini ch'ämbäji.
25224	LUK 6:9	De ya'i aj Jesús u yälbijob ca'da: ―Ump'e cosa cä xe cä c'atbenetla. ¿U yäle' quira ni ley que u tz'ibi aj Moisés cache' c'änä cä chenla cua' chichca utzba tu q'uini ch'ämbäji, o ni mach utzba? ¿U yäle' quira tz'äcälcac untu uc'a mach chämic, o äctintic untu tä chämo?
25225	LUK 6:10	U chämbi u jut upetejob tu junxoyma, y de ya'i u yälbi ni winic ca'da: ―Sätz'ä a c'äb. Une u sätz'i u c'äb y u pojli uba jinchichba rato. Coli utz ca' chich ni otro untz'itba.
25305	LUK 7:41	Aj Jesús u yäli ca'da: ―Cha'tu winic u cherben debe untu machca u yäq'ue' tä q'uexcan u taq'uin. Untuba u cherben debe quinientos denarios y ni otro untuba u cherben debe cincuenta.
25314	LUK 7:50	De ya'i u yälbi ni ixic ca'da: ―Uc'a a tz'oni, a japi chich aba. Corre cux, y mach a ni' chen pensa cua'.
25379	LUK 9:9	U yäli aj Herodes ca'da: ―No'on cäq'ui tä chunjätz'binte u pam aj Juan. ¿Caxca une ni winic jini jiq'uin que acubin u chen cua' chichca jini? Une tä' u yoli u chänen aj Jesús.
25383	LUK 9:13	Aj Jesús u yälbijob ca'da: ―Äc'benla anela cua' u c'uxe'ob. Unejob u yälijob ca'da: ―Sec' cinco waj namás y cha'tu yoc buch' cä cänäntan t'ocob. Jinda mach u yäc'ä tuba upete ni genteda si mach bixicon cä mäne' t'ocob cua' u xe u c'uxe' ni gentejobda.
25384	LUK 9:14	U q'ue'najob ni gente jini, ca' tuba cinco mil ajni seq'uen winicob. De ya'i u yälbi u yajcänt'anob ca'da: ―Äc'ben chunwänicob a cincuenta a cincuentajob.
25392	LUK 9:22	U yälbijob ca'da: ―No'onba que sutwänon de winic c'änä c'ac'a' tz'ibajtescacon. Ajt'äbälajob, u no' ajnojajob pale y machcatac u ye'e' ni ley u xe u yänäl chänenon. Cä xe tä tzämsinte y u yuxp'elib q'uin cä xe tä cuxpan.
25414	LUK 9:44	―Äc'ä a chiquinla tuba a c'alin ubinla ni cä xe cälbenetlaba: No'on que sutwänon de winicba cä xe tä ä'can tä c'äbä.
25428	LUK 9:58	Aj Jesús u yälbi ca'da: ―A'uch ayan u ch'ena y mutob an u c'ub, pero no'on que sutwänon de winicba mach cä cänänta niump'e cotot bajca u ch'e' wäyicon no'on.
25434	LUK 10:2	Jinq'uin mach to bixjobba aj Jesús u yälbijob ca'da: ―Q'uen ayan machcatac u xe u tz'ombenon, pero mach jäytu ayan machcatac u tz'aycun cä t'an. Es ca' a wälä jinq'uin u c'ä'nan ump'e cho y ni ajc'ajbajob mach u che trebe u laj c'aje' uc'a mach jäytujob. Ca' chich u yum ni cho u täscun ajpatanob u laj c'aje' ni cho, ca' jini c'atbenla Dios que u täscun machcatac u xe u tz'aycäbenob cä t'an ni gente.
25453	LUK 10:21	Jinchichba hora jini ni Ch'u'ul Pixan u yäc'bi ch'a'alac ujin aj Jesús. Y aj Jesús u yäli ca'da: ―No'on cä'benet uc'adios cä Pap, Ajnojalet tä cielo y tu pancab, uc'a a mucbijob ni cosajobda machcatac q'uen u c'ajalinob, machcatac mäx yuwijob cua' chichca, y a chectesbijob bijch'oc. Utz'an cä Pap, uc'a ca' jini a woli a chen.
25476	LUK 11:2	Une u yälbijob ca'da: ―Jinq'uin a chen c'änti'yala, äläla ca'da: Cä Pap, bajca anet tä cielo, ch'u'ul ajnic a c'aba'. La'ix de Ajnoja, utic ca' chich a wo, cama' tä cielo, che' chich täcä pancab.
25482	LUK 11:8	De ya'i u yäli aj Jesús ca'da: ―No'on cälbenetla que mach uxin tä ch'oye u yäc'ben ni waj aunque es u yamigo. Pero u xe chich tä ch'oye u yäc'ben cua' chichca c'änä uc'a, uc'a u bon c'atben.
25582	LUK 12:54	U yälbi ni gente täcä ca'da: ―Jinq'uin a chänenla ni bucla que u ch'oye bajca u pome q'uinba anela seb a wäle'la que ya' u te ja', y che' chich u xe u chen ca' a wäle'laba.
25601	LUK 13:14	Ni ajnoja tuba ni ch'uj taj judíosob cäräx'i uc'a aj Jesús u tz'äcäli untu ixic tu q'uini ch'ämbäji, y u yälbi ni gente ca'da: ―Ya'an seis q'uin ta semana jinq'uin u ch'e' utic patan. Tiquetla jiq'uin tu q'uini patanba tuba tz'äcälcaquetla y mach tuyac'o u q'uini ch'ämbäjiba.
25630	LUK 14:8	U yälbijob ca'da: ―Jinq'uin ayan machca u joq'ue'et bajca an ump'e lotojan, mach numiquet tä chumtä bajca u xe tä chumtäjob machcatac más oloba, mach me'ixto ajnic otro joc'o täcä que más olo tä chäninte que aneba.
25634	LUK 14:12	Aj Jesús u yälbi täcä ni winic, jini u joq'ui tä c'uxnanba, ca'da: ―Jinq'uin a wäq'ue'la cua' tä c'uxcan o cua' tä uch'can, mach a joq'ue'la seq'uen a lotob, ni a witz'inob, ni a säcunob, ni a familiajob, ni a wajnätz'äla, jini machcatac an u taq'uinba, bay u xe tä sujtä u joq'ue'etob tä c'uxnan täcä, y ca' jini u sutjatz'benet u jelo.
25767	LUK 18:10	―Cha'tu winic bixijob tama ni noj ch'u'ul otot taj judíosob tuba u chen c'änti'yajob. Untuba aj fariseo y ni otro untuba ajcojtaq'uin.
25905	LUK 21:10	De ya'i u yälbijob ca'da: ―Q'uen cabil cab u xe u t'äbsen ubajob tä buya t'oc u lot. Y reyjob u xe u t'äbsen ubajob tä buya tuyac'o otro reyjob.
25968	LUK 22:35	De ya'i aj Jesús u yälbijob ca'da: ―Jinq'uin cä täsquetla sin ch'uji' taq'uin, sin morral y sin pächi'oc, ¿u chet quira faltala cua' chichca jini? Unejob u yälbi que mach u chi faltajob cua'.
26008	LUK 23:4	De ya'i aj Pilato u yälbijob ajnojajob palejob y ni noj q'uenel gente ca'da: ―No'on mach cä pojläbe niump'e u tanä ni winicda.
26038	LUK 23:34	De ya'i aj Jesús u yäli ca'da: ―Cä Pap, cherbenob perdona u tanäjob jini machcatac mu' u tz'ibajtesanonjobba, uc'a mach yuwijob cua' mu' u chenob ―ca'da u yäli aj Jesús. U bucla aj Jesúsba u yäläsijob uc'a u jiranob caxcatac une u xe u ch'e'.
26104	LUK 24:44	De ya'i u yälbijob ca'da: ―Jinq'uin ya'to anon nämte' t'oc anela cälbetla ni t'anda: C'änä pasic toj upete jini ayan tz'ibi tan u jun Dios que u yäle' cache'da cä xe cä chen pasa no'on, jini u tz'ibi aj Moisés y ajt'anob ta Diosba, y ca' chich u yäle' täcä ni jun u c'aba' Salmoba.
26136	JHN 1:23	Une u yäli: ―No'on ni ajt'anon que cä chen noj t'an bajca mach cuxu niuntu. Ca' chich u yäli aj Isaías, ajt'an ta Diosba, no'on täcä cälbenetla ca'da: “To'esbenla u biji Ajnoja”.
26139	JHN 1:26	Aj Juan u yälbijob: ―No'on cä chen c'ablesia t'oc ja'. Tänxin de anela ya'an untu que mach a che conocela.
26159	JHN 1:46	Aj Natanael u yäli: ―¿U xe wäreca tä pase ajt'an ta Dios tä Nazaret? Aj Felipe u yäli: ―La'ix uc'a a chänen.
26180	JHN 2:16	U yälbi ajchon ixsäcpäcäjob ca'da: ―Pa'senla jinda wida. Mach a chen ca'da u yotot cä Pap ca' otot tuba chono.
26242	JHN 4:17	Ni ixic u p'ali ca'da: ―Mach'an quit'oc. Aj Jesús u yälbi: ―Tu toja chich a wäli cache' mach'an a wit'oc.
26251	JHN 4:26	Aj Jesús u yälbi: ―No'on chich ni aj Cristojon, mu' cä chen t'an t'oc ane.
26254	JHN 4:29	―La'ixla chänen ya'anda untu winic u yälbon upete cua' acä chiba. ¿Mach wäreca jinda ni aj Cristo?
26257	JHN 4:32	Aj Jesús u yälbijob: ―No'on cä cänäntan cua' cä c'uxe', anelaba mach a wila.
26259	JHN 4:34	Aj Jesús u yälbijob: ―Jinq'uin cä chen ca' chich yo machca u täsconba y cä tzupsäben u patan, es ca' a wälä san c'uxnon.
26277	JHN 4:52	De ya'i une u c'atbijob cua' hora u täq'ui u pojlen uba. Unejob u yälbi: ―Äc'bi numi tänxin q'uin tz'ita' täpi u ticwa.
26335	JHN 6:9	―Ya'anda untu ajlo' que u cänäntan cinco cebadaj waj, y cha'tu yoc buch'. ¿Cua' tuba jinda, mach u yäc'ä tuba upete?
26336	JHN 6:10	Aj Jesús u yäli: ―Äc'ben chunwänicob ni gente. Ayan q'uen tz'utz' bänäla bajca anob. Chunwänijob ca' cinco mil wincärejob.
26361	JHN 6:35	Aj Jesús u yälbijob: ―No'on ni wajon tuba cuxlequetla. Machca u te bajca anon mach uni' xin tä jitz'an, machca u tz'ombenon mach uni' xin tä tiquin u ti'.
26418	JHN 7:21	Aj Jesús u yälbijob: ―Tajch'icwäni a jutla a chänen jini cä chi t'oc poder tu q'uini ch'ämbäji.