23240	MAT 2:2	U c'atänob ca'da: ―¿Cada an jini rey tuba aj judíosob, jini apäncäbiba? Uc'a jinq'uin ya'to anon täj cab t'ocob acä chäni t'ocob jini ajlucero que u ye'e' cache' apäncäbiba. Jin uc'a aton cä sacän t'ocob tuba cä ch'u'ul c'ajti'in t'ocob.
23441	MAT 8:27	Ni winicob u bixe nämte' t'ocba tajch'icwäni u jutob, u yäle'ob ca'da: ―¿Caba winic wäre jinda ixta ic' y nab u tz'omben u t'an?
23459	MAT 9:11	Jinq'uin u chänijob aj fariseojob ca' jini, u yälbijob u yajcänt'anob aj Jesús ca'da: ―¿Cuaxca uc'a u c'uxnan a maestrola t'oc ajcojtaq'uinob y ajcherajtanäjob?
23463	MAT 9:15	Aj Jesús u yälbijob ca'da: ―¿U ch'e' quira ajnic ch'oc u pixanob machcatac ya'an bajca an lotojan jinq'uin ajlotojan ya'to an bajca anob? U xe tä c'ote q'uin jinq'uin ajlotojan u xe tä pase bajca anob. Jinq'uintoba u xe u ch'e' u chen su'q'uinob. Ca' jini, jinq'uin ya'to anon t'oc cajcänt'anob, mach u ch'ä u chen su'q'uinob. Pero cuanta bixonba, u xe u chen su'q'uinob.
23476	MAT 9:28	Jinq'uin ochi aj Jesús tama ump'e otot, c'otijob ni ajchoc' bajca an. Aj Jesús u yälbijob ca'da: ―¿A tz'onänla quira cache' cä chen trebe cä tz'äcälinetla? Unejob u p'alijob: ―A chen chich trebe a tz'äcälinon t'ocob ane, Cajnoja.
23531	MAT 11:3	u c'atben aj Jesús ca'da: ―¿Ane quira ni älqui cache' u xe tä teba, o c'änä cä pijnan to t'ocob otro?
23561	MAT 12:3	Aj Jesúsba u yälbijob ca'da: ―¿Mach to quira a tziquila bajca u yäle' cua' u chi ni rey aj David y u lotob jinq'uin u na'tijob jitz'o?
23568	MAT 12:10	Ajni ya'i untu winic tiquin untz'it u c'äb. Aj fariseojob u c'atbijob aj Jesús ca'da: ―¿Utz quira tz'äcälcac untu winic tu q'uin ch'ämbäji? ―U c'atbijob ca'da uc'a u jiranob si ajnic cache'da u sube'ob.
23581	MAT 12:23	Upetejob ni gente tajch'icwäni u jutob, y u yäle'ob ca'da: ―¿Jinda wäre ni winic u yajlo' aj David u xe tä teba?
23606	MAT 12:48	U yubi aj Jesús jini u yälbiba, y u p'albi ca'da: ―¿Caxca une cä na', y caxca une ni quitz'inob? Jindajob chich.
23662	MAT 13:54	Tu c'ote tu cabba, u ye'e' u t'an Dios tama u ch'ujob ni aj judíosob ya'i. Tajch'icwäni u jutob u yubinob u t'an y u yäle'ob ca'da: ―¿Cada u c'ac'a' ch'i ni c'ajalin jini? ¿Caxca u yäc'bi poder u chen jini que mach bay uchänintiba?
23714	MAT 15:12	De ya'i u yajcänt'anob u natz'ijob aj Jesús u yälbenob ca'da: ―¿A wi quira que mach yäli utz tu c'ajalin aj fariseojob a t'an jinq'uin u yubijob cache' a wäli?
23735	MAT 15:33	De ya'i u yajcänt'anob u p'ali, u yälbijob ca'da: ―¿Cada cä xe cä ch'e' t'ocob noj q'uenel waj tuba u na'esan ni noj q'uenel genteda? Wida mach'an otote.
23793	MAT 17:24	Jinq'uin c'otijob tä Capernaum, c'otijob bajca an aj Pedro jini machcatac u nume u ch'uch'än ni taq'uin, jini u cojcan tuba ni ch'uj taj judíosobba, u yälben ca'da: ―¿Mach quira uxin u toje' ni a maestro ni taq'uin que u cojcanba?
23797	MAT 18:1	Jimba q'uin jini u yajcänt'an aj Jesús u natz'ijob u yälben ca'da: ―¿Caxca une u xe más ajnoja bajca u chen manda ni Dios ya'an tä cieloba?
23834	MAT 19:3	De ya'i c'oti bajca an aj Jesús aj fariseojob u jiranob si u ch'e' u yäc'ben u säte', u yälbenob ca'da: ―¿U yäle' quira tama ni ley cache' utz waläctintic untu ixic que sea cua' chichca jini u säte' t'oc jit'oc?
23835	MAT 19:4	Aj Jesús u p'ali ca'da: ―¿Mach to quira bay a tziquila ni jun ta Dios, bajca u yäle' cache' Dios jini u chi upete cua' chichca ayanba, chäcäl najtäcä u chi täcä winic y ixic?
23849	MAT 19:18	Une u yäli: ―¿Catac anba? Aj Jesús u yälbi: ―Mach a chen tzämsa. Mach a sacän a tz'ijte'. Mach a chen xuch'. Mach a sube' a lot t'oc jop'ojti'.
23856	MAT 19:25	U yajcänt'anob aj Jesús, jinq'uin u yubi cua' u yäli, tajch'icwäni u jutob u yubin, u yäle'ob ca'da: ―¿Caxca une jiq'uin u ch'e' u japän uba?
23905	MAT 21:10	Jinq'uin oche u chen tama caj tä Jerusalén, a'ajtäjob tama ni caj jini u jobi ubajob, u yäle' ca'da: ―¿Caba winic ni jinda?
23911	MAT 21:16	Unejob u yälbi aj Jesús ca'da: ―¿Mach quira a ubi cua' mu' u yäle'ob? Aj Jesús u p'albijob: ―Mu' chich cubin. Mach quira bay to a tziquila ane bajca u yäle' ca'da: Ane a wäc'bi u ch'u'ul c'äye' a c'aba' bijch'oc ixta ni mu'to u chu'nanba.
23918	MAT 21:23	C'oti aj Jesús tama ni noj ch'u'ul otot u ye'e' u t'an Dios ya'i. C'otijob täcä u yajnojajob pale y noxibilbajob tuba caj u yälbenob ca'da: ―¿Caxcaba poder a cänäntan tuba a chen ane ca' jini? ¿Caxca une u yäc'bet ni poder jini tuba a chen ca' jini?
23961	MAT 22:20	Aj Jesús u c'atbijob ca'da: ―¿Caxca u jut ya'an tuyac'o, y caxca u c'aba' ya' tz'ibi tu pamba?
24028	MAT 24:2	Uneba u p'ali, u yälbijob ca'da: ―¿A chänenla upete ni jini? Totojtoj cälbenetla cache' mach uxin tä colan niump'e ji'tun tz'äjca tu pan u lot sin que mach jinescac.
24140	MAT 26:17	Primer q'uin de ni q'uin ch'uje, jini q'uin que u c'uxe'ob ni waj sin jusonibba, u natz'i u yajcänt'anob aj Jesús u yälbenob ca'da: ―¿Cada a wo cä tuse' t'ocob tuba a c'uxe' ni cua' tä c'uxcan ta paxcu'?
24178	MAT 26:55	Jinchichba rato jini aj Jesús u yälbijob ni gente ca'da: ―¿A wäle'la quira cache' ajxuch'on jin uc'a atetla t'oc a machit y t'oc a te'la ta' c'äb tuba a q'ueche'on? Upete q'uin acä chumtä tama noj ch'u'ul otot cä ye'e' u t'an Dios y mach a q'uechonla.
24185	MAT 26:62	Wa'wäni mero no' ajnoja pale, u yälben aj Jesús ca'da: ―¿Mach a pojle cache' a xe a p'alän? ¿Mu' a ubin cache' mu' u yäle'ob tuba u sube'etob t'oc?
24209	MAT 27:11	Wa'ca aj Jesús tu pänte' ni gobierno, y ni gobiernoba u c'atbi ca'da: ―¿Ane quira ni Ajnojalet tuba aj judíosob? Aj Jesús u p'ali ca'da: ―Toj chich une, ane chich a wäli.
24211	MAT 27:13	De ya'i aj Pilato u yälbi ca'da: ―¿Mach quira a ubi cua'tac u yäle'ob tuba u sube'etob?
24215	MAT 27:17	Jinq'uin moto ayanob ni gente, aj Pilato u yälbijob ca'da: ―¿Caxcamba winic a wo cä chajbenetla, aj Barrabás o aj Jesús, ni u yälbinte aj Cristoba?
24219	MAT 27:21	De ya'i u yäli tä cha'num ni gobierno ca'da: ―¿Caxcamba de ni cha'tujobba a wola cä chajbenetla? Ni gente u yälijob ca'da: ―Aj Barrabás co t'ocob a chajbenon t'ocob.
24220	MAT 27:22	Aj Pilato u yälbijob ca'da: ―¿Cuaxca cä xe cä chen jiq'uin t'oc jini aj Jesús ni u yälbinte aj Cristoba? Upete u p'alijob ca'da: ―¡Tzämsintic tä cruz!
24221	MAT 27:23	Ni gobierno u yäli: ―¿Caba tanä jiq'uin u chi? Unejob u chi más muc' noj t'an, u bon äle'ob ca'da: ―¡Tzämsintic tä cruz!
24348	MRK 2:19	Aj Jesús u p'albijob: ―¿U ch'e' quira u chenob su'q'uin jini machcatac ya'an can lotojan jinq'uin ni ajlotojan ya'an nämte' t'oc unejob? Uc'a jinq'uin ya'an ni ajlotojan nämte' t'oc unejobba, mach u ch'ä u chen su'q'uinob.
24354	MRK 2:25	Pero aj Jesús u yälbijob ca'da: ―¿Mach to quira bay a tziquila tan u jun Dios cua' u chi aj David y u lotob jinq'uin u na'ti jitz'o ump'e q'uin?
24390	MRK 3:33	Aj Jesús u p'albijob: ―¿Caxca une ni cä na', y caxca une ni quitz'inob?
24405	MRK 4:13	Aj Jesús u yälbijob täcä: ―¿Mach quira a che entendela ni tz'ajida? ¿Cache'da jiq'uin a xe a chen entendela los demás tz'aji?
24413	MRK 4:21	Aj Jesús u yälbijob täcä ca'da: ―¿U tz'äbcan quira ump'e candil tuba äc'cac tu yaba cajón o tu yaba tz'en? Acäle' que mach. Ump'e candil u tz'äbcan tuba äc'cac isqui tuba u chictan utz.
24422	MRK 4:30	Aj Jesús u yälbijob täcä ca'da: ―¿Cuaxca jini u c'ote t'oc u manda Dios? ¿Cua' tz'aji u ch'e' cäle' cache'da an u manda Dios?
24433	MRK 4:41	Y unejob tajch'icwäni u jutob de bac'ät, y cayi u yäle'ob tan u c'ajalin ca'da: ―¿Caxca une wäre ni winicda, que ixta ic' y nab u tz'omben u t'an?
24463	MRK 5:30	Aj Jesúsba ti tu c'ajalin cache' u tz'äcäli untu t'oc u poder, jin uc'a u suti u jut tu pat u chänen ni gente, u c'atän ca'da: ―¿Caxca une u täli cä buc?
24478	MRK 6:2	Tu q'uini ch'ämbäji u täq'ui u ye'e' u t'an Dios tama ch'uj taj judíosob. Tajch'icwäni u jut ni gente u yubinob, y u yäle'ob ca'da: ―¿Cada wäre u cäni ni winicda upete jini u ye'e'ba? ¿Caxca une wäre u yäc'bi jini c'ajalin? ¿Caxca une u yäc'bi poder tuba u chen jini que mach bay uchänintiba?
24550	MRK 7:18	Aj Jesús u yälbijob: ―¿Mach quira a che entendela täcä? ¿Mach quira a wila cache' upete cua' u c'uxe' winic mach jin lo que u yäc'ben mach ajnic tu toja?
24590	MRK 8:21	De ya'i u yälbijob: ―¿Mach to quira a laj che entendela cache' ayan cä poder?
24596	MRK 8:27	Ji'pat de ni jini aj Jesús bixi t'oc u yajcänt'anob tama ni cajob tä Cesarea tä Filipo. Bixe to u chen tä bij u c'atbi u yajcänt'anob ca'da: ―¿Caxcajon u yäle' ni gente?
24683	MRK 10:26	Jinq'uin u yubijob ca'da, más tajch'icwäni u jutob, y cayi u maläc c'atben u lotob ca'da: ―¿Caxca une jiq'uin u ch'e' u japän uba?
24737	MRK 11:28	U c'atbijob ca'da: ―¿Caxcone u yäc'bet poder tuba a chen upete jini a chenba? ¿Caxcone u yälbet a chen ca' jini?
24758	MRK 12:16	Unejob u yäc'bijob. Jinq'uin u chäni aj Jesús jini taq'uin, u c'atbijob ca'da: ―¿Caxca u retrato ni jinda, y caxca u c'aba' ya' tz'ibi tuyac'o? Unejob u p'ali: ―Tuba aj César.
24770	MRK 12:28	C'oti täcä bajca an aj Jesús untu jini que u ye'e' ni ley taj Moisés, y u yubi cua' jini mu' u yäle'ob t'oc aj Jesús, y u yubi täcä cache' u p'ali tu toja. Y une u c'atbi ca'da: ―¿Camba ni manda más c'änä cä tz'onänla que u yäq'ui Diosba?
24777	MRK 12:35	Aj Jesús ya'an u ye'benob u t'an Dios tama noj ch'u'ul otot, u yälbenob ca'da: ―¿Can uc'a u yäle'ob ni machca u ye'e' ley taj Moisésba cache' aj Cristo u yajlo' aj David?
24788	MRK 13:2	De ya'i aj Jesús u p'albi: ―¿A chänenla ni otote jini tä' pitzijtacba? Mach uxin tä colan niump'e ji'tun tuba ni ototob jini ajnic tz'äjca tu pam u lot sin que mach jinescac, uc'a upete ni otote jini u xe tä laj jinescan.
24835	MRK 14:12	Jini najtäcäl q'uin tuba ni q'uin ch'ujeba jinq'uin u c'uxcan ni waj sin jusonibba, y jinq'uin u tzämsinte ni ch'oc oveja tuba ni paxcu'ba, ni ajcänt'anob taj Jesús u c'atbijob ca'da: ―¿Caxcada a wo xicon cä tuse' t'ocob ni cua' tä c'uxcan ta paxcu' tuba cä c'uxe'la?
24884	MRK 14:61	Pero aj Jesúsba coli ch'ijcab, y mach u p'ali niump'e cua'. Jini ajnoja tuba ni palejob sujli u c'atben ca'da: ―¿Ane quira ni aj Cristojet, Ajlo' ta Dios, jini ch'u'ul ayanba?
24897	MRK 15:2	Aj Pilato u c'atbi ca'da: ―¿Ajnojalet quira tuba aj judíosob? Aj Jesús u p'ali: ―Jinon chich, ca' chich mu' a wäle'ba.
24904	MRK 15:9	Aj Pilato u p'ali ca'da: ―¿A wola quira cä chaje' jini ajnoja tuba aj judíosob?
24907	MRK 15:12	De ya'i aj Pilato u c'atbijob ca'da: ―¿Cuaxca a wola cä chen t'oc jini a wälbenla cache' Ajnoja taj judíosobba?
24909	MRK 15:14	Aj Pilato u yäli: ―¿Cuaxca tanä u chi? Ni gente sujli u yäle' t'oc noj t'an tä cha'num: ―¡Baja tä cruz!
24945	MRK 16:3	Tä bij u maläc äle'ob: ―¿Caxca une u xe u pa'sen ni ji'tun tu ti' mucliba?
25028	LUK 1:66	Upete machcatac u laj ubijob cua'tac atz'ayquinti u muque' tan u pixanob. U maläc älijob ca'da: ―¿Caba winic wäreca u xe ni yoc ajlo' jini? Uc'a Dios ayan t'oc ni yoc ajlo' jini u täclen t'oc u poder.
25154	LUK 4:22	Upetejob u yäle'job cache' ti'i u pixan aj Jesús, y ch'icwäni u jutob u yubinob jini t'an mäx pitzi que u yäle'ba, pero u yälijob ca'da: ―¿Mach quira jinda winic u yajlo' aj José?
25210	LUK 5:34	Aj Jesús u yälbijob ca'da: ―¿U ch'e' quira a wäc'benla mach c'uxnacob mach buq'uicob ajmajnintejob ca'an ump'e lotojan jinq'uin ya'to an ajlotojan t'oc unejob? Mach une.
25218	LUK 6:3	Aj Jesús u p'albijob ca'da: ―¿Mach to quira a tziquila cua' u chi aj David y u lotob u nume t'ocba, jinq'uin jitz'o u chenobba?
25254	LUK 6:39	Aj Jesús u yälbijob ump'e t'an täcä ca'da: ―¿U ch'e' quira untu ajchoc' u päyben u c'äb otro ajchoc'? ¿Mach quira u cha'tumajob u xe tä yälo tama ch'en?
25308	LUK 7:44	De ya'i aj Jesús u suti u jut ca'an ni ixic y u yälben aj Simón ca'da: ―¿A chänen ni ixicda? Ochon tan a wotot y mach a wäc'bon ja' tuba cä poque' t'oc coc, pero uneba u poqui coc t'oc u c'äbjut, y u suqui t'oc u tzuc.
25313	LUK 7:49	Machcatac ya' chumca t'oc tä mesa u täq'uijob u maläc äle'ob ca'da: ―¿Caxcaba winic wäre ni jinda que u chen perdona täcä u tanä untu?
25339	LUK 8:25	Une u yälbijob ca'da: ―¿Cua' uc'a mach a tz'ombonla? Unejob c'ac'a' bäc'tijob y ch'icwäni u jutob. U maläc äle'ob ca'da: ―¿Caxcaba winic wäreca ni jinda que ixta ic' y ja' u chen manda y u tz'omben u t'an?
25342	LUK 8:28	Jinq'uin u chäni aj Jesús, u chi awät y nocwäni tu pänte' u chen ump'e noj t'an u yäle' ca'da: ―¿Cuaxca a wo t'oc no'on, Jesús, ane u Yajlo'et ni mero Dios Ajnojaba? Cä cocoj c'atbenet que mach a tz'ibajtesanon.
25359	LUK 8:45	De ya'i aj Jesús u yäli ca'da: ―¿Caxca u tälon? Jinq'uin upete u yälijob que unejob mach u täli, aj Pedro y u lotob u yälijob ca'da: ―Cajnoja, mäx q'uen ni gente ya'anob junxoyma de ane u net'e'et, ¿y aneba a c'atän caxca u tälet?
25388	LUK 9:18	Ji'pat ya'an aj Jesús tä c'änti'ya c'äsmucu y u yajcänt'anob ya'an t'oc une. Jinq'uin u tzupsiba, u c'atbijob ca'da: ―¿Caxcajon no'onba u yäle'ob ni gente?
25390	LUK 9:20	De ya'i u yälbijob ca'da: ―¿Caxcajon a wäle' anelaba? Aj Pedro u p'ali ca'da: ―Ane ni Cristojet, ni u yaquet Dios tuba ajmandaba.
25461	LUK 10:29	Pero une mach u yoli u säte' t'oc u t'an y u yälbi aj Jesús ca'da: ―¿Caxca une ni cä lot?
25589	LUK 13:2	U p'ali aj Jesús u yälbijob ca'da: ―¿A wäle'la quira cache' naj galileojob jiniba cherbintijob ca' jini uc'a más q'uen u tanä u chijob que otros aj galileojob?
25625	LUK 14:3	Aj Jesús u c'atbijob machcatac yuwi ni ley y aj fariseojob ca'da: ―¿U yäle' quira ni ley si u ch'e' tz'äcälcac untu ajc'ojpan tu q'uini ch'ämbäji?
25737	LUK 17:17	De ya'i aj Jesús u yälbi ca'da: ―¿Mach quira diez ni tz'äcälquiba? ¿Cada an ni nueveba?
25783	LUK 18:26	Machcatac u yubijob jini que u yäli aj Jesús u yälijob ca'da: ―¿Caxca une u xe u ch'e' u japän uba jiq'uin?
25942	LUK 22:9	Unejob u c'atbijob ca'da: ―¿Cada a wo cä chen t'ocob upete ni jini?
25985	LUK 22:52	De ya'i aj Jesús u pequi ajnojajob pale y ajnojajob tajcänän ch'u'ul otot tuba aj judíosob y ajt'äbälajob, jini machcatac tijob u q'ueche'ob. U yälbijob ca'da: ―¿Apasetla t'oc machit y t'oc te' täjcac'o ca' machca u pase u q'ueche' ajxuch'ba?
26000	LUK 22:67	―¿Ane quira ni Cristojet, jini u yaquet Dios tuba a chen manda aj Israelobba? älbenon t'ocob. Une u p'albijob ca'da: ―Si cälbenetla cache' jinon mach uxet a tz'onänla.
26003	LUK 22:70	Upete u c'atbijob ca'da: ―¿Ane quira u Yajlo'et Dios jiq'uin? Aj Jesús u p'albijob ca'da: ―Anela a totoj äle'la cache' u Yajlo'on Dios. Jinon chich.
26007	LUK 23:3	De ya'i aj Pilato u c'atbi aj Jesús ca'da: ―¿Ane quira ni reyjet tuba aj judíosob? Une u p'albi ca'da: ―Jinon chich ca' mu' a wäle'ba.
26044	LUK 23:40	Ni otro untuba u q'uejpi u yälben ca'da: ―¿Ni ane mach a bäc'tan Dios? ¿Mach quira mu' a wute castiga cama' mu' u yute uneba?
26078	LUK 24:18	Untu de unejob, jini u c'aba' aj Cleofasba, u p'albi ca'da: ―¿De upete ajpäpä'cabob que ayan tä Jerusalén, sec' ane quira colet que mach a wi cua'tac u chi pasa ya'i jimba q'uinobda?
26092	LUK 24:32	Unejob u maläc älijob ca'da: ―¿Mach quira yäli ump'e sisicne täc pixanla jinq'uin u lotonla täc tela t'oc tä bij nämte', jinq'uin u chectesbonla cua' u yäle' ni jun ta Dios?
26101	LUK 24:41	Tä' ch'a'a ujinob y tajch'icwäni u jutob, pero mach u se'en tz'onijob si es aj Jesús chich, uc'a u yälijob bay mach toj. De ya'i aj Jesús u c'atbijob ca'da: ―¿A cänäntanla quira cua' tä c'uxcan wida?
26132	JHN 1:19	Tu toja u yäli aj Juan jinq'uin aj judíosob u täsqui aj Jerusalénob ni palejobba y aj levitasob tuba u c'atbenob: ―¿Caxcajet ane?
26134	JHN 1:21	De ya'i u c'atbijob tä cha'num: ―¿Caxcajet jiq'uin? ¿Ane quira aj Elíaset? U yäli: ―Mach jinon. ―¿Ane quira ni ajt'anet ta Dios jini que u xe tä teba? U p'ali: ―Mach jinon täcä.
26138	JHN 1:25	De ya'i u c'atbijob ca'da: ―¿Can uc'a jiq'uin a chen c'ablesia si mach jin aj Cristojet, si mach jin aj Elíaset, si mach jin ni ajt'anet ta Dios?
26159	JHN 1:46	Aj Natanael u yäli: ―¿U xe wäreca tä pase ajt'an ta Dios tä Nazaret? Aj Felipe u yäli: ―La'ix uc'a a chänen.
26161	JHN 1:48	Aj Natanaelba u yäli ca'da: ―¿Cada a chon conoce? Aj Jesús u p'ali: ―Machto u pequet aj Felipe, jinq'uin ya'to anet yaba te' higo, cä chänet.
26199	JHN 3:10	Aj Jesús u yälbi: ―¿Ane maestrojet taj Israel y mach a wi jinda?
26258	JHN 4:33	U yajcänt'anob u maläc äle'ob ca'da: ―¿Täsbinti wäre cua' u c'uxe'?
26285	JHN 5:6	Jinq'uin aj Jesús u chäni cache' ya' ch'a'a, yuwi chich cache' ajäläcni c'ojo ni winic jini y u yälbi ca'da: ―¿A wo quira a pojlen aba?
26291	JHN 5:12	Ni aj judíosob u c'atbijob: ―¿Caxcone u yälbet: “Ch'ä a ch'a'lib y chen xämba”?
26331	JHN 6:5	Jinq'uin aj Jesús u t'äbsi u jut u chäni cache' ya' u te noj q'uelen gente bajca an, y u yälbi aj Felipe ca'da: ―¿Cada cä mäne'la waj tuba cä'benla u c'uxe' ni gente que ya' u tejob jini?
26368	JHN 6:42	U yäle'ob ca'da: ―¿Mach quira jinda ni aj Jesús, u yajlo' aj José, u pap y u na' cä chen conocela? ¿Can uc'a jiq'uin u yäle': “Pason tä cielo jacon pancabba”?
26387	JHN 6:61	Aj Jesús yuwi chich tan u pixan cache' u yajcänt'anob bänäcnajob tä t'an uc'a jini u yäliba, y u yälbijob ca'da: ―¿U yäc'benetla quira sujlequetla ta' pat ni acäliba?
26393	JHN 6:67	De ya'i aj Jesús u yälbijob ni doceba ca'da: ―¿A wola quira bixiquetla täcä?
26396	JHN 6:70	Aj Jesús u yälbi: ―¿Mach quira cä yaquetla anelaba doce, y untu de anelaba tuba ni diablo une?
26408	JHN 7:11	Aj judíosob cayi u sacänob tan q'uin ch'uje, u yäle'ob ca'da: ―¿Cada wäre an jini winic?
26422	JHN 7:25	Aj Jerusalénob u tulaj älijob ca'da: ―¿Mach quira jinda ni mu' u saquinte ta tzämsinticba?