95	GEN 4:15	Nge ewe Samol mi Lapalap a üreni, “Apwi! Iö epwe niikela, epwe angei chappan fän fisu.” Iwe, ewe Samol mi Lapalap a föri eu asisil won Kain pwe are eman epwe küna, esap niela.
467	GEN 19:9	Nge ekewe re Sotom ra pälüeni, “Kopwe süla! En ka feito pwe kopwe wasöla rem, nge iei ka apwüngükem. Iei mine aipwe aweiresuk lap seniir.” Iwe, ra ki ngeni Lot fän pöchökül, ra pwal kan ngeni pwe repwe ripi asamalapen imwan.
476	GEN 19:18	Nge Lot a pälüeni, “Apwi, sap ina, ai Samol!
555	GEN 22:7	Isaak a kapas ngeni Apraham, “Semei!” Nge i a aisini, “Met ka mochen, nei?” Iwe, Isaak a pälüeni, “Üa küna pwe a wor rech ekkei me mwüch, nge ifa ewe sip sipwe eäni asoren kek?”
559	GEN 22:11	Nge nöün ewe Samol mi Lapalap chon läng a köri Apraham me lon läng, “Apraham! Apraham!” Iwe, a pälüeni, “Ngang iei.”
729	GEN 27:1	Iwe, lupwen Isaak a chinlap, mesan ra toputop pwe esap chüen tongeni küna. Iwe, a köri Esau nöün we mwänichi o apasa, “Nei!” Nge Esau a pälüeni, “Ngang iei.”
746	GEN 27:18	Iwe, Jakop a tolong lon äseengen saman we o üra, “Semei!” Nge Isaak a pälüeni, “Ngang iei, nei, nge en iö, Esau ika Jakop?”
752	GEN 27:24	a aisinisefäli, “Ifa usun, en wesewesen nei Esau?” Iwe, Jakop a pälüeni, “Ewer!”
778	GEN 28:4	Amwo epwe afeiöchuk me mwirimwirum kana usun an afeiöchü Apraham, pwe kopwe fanüeni ewe fanü ka wasöla lon, ewe fanü Kot a fen ngeni Apraham!”
791	GEN 28:17	Nge Jakop a niuokus o apasa, “A men eniuokus ei leni! Achiöü fokun ikei imwen Kot me asamen läng.”
842	GEN 30:11	Nge Lea a apasa, “Feiöch a toriei!” Iei mine a aita ngeni ewe ät Kat .
1149	GEN 38:29	Nge lupwen a siksefälielong pöün, pwin we a uputiu. Mürin, ewe chon afam a apasa, “Oo, iei usun ka püsin amökkawu!” Iei mine a iteni Peres .
1332	GEN 44:7	Nge ra üreni, “Pwota ka eäni ei sokun fos, äm samol? Äm noum chon angang aisap fokun föri ei sokun föför!
1360	GEN 45:1	Mürin, Josef esap chüen tongeni aposalong an kechü fän mesen chokewe mi ü arun. Iwe, a kökkö, “Aramas meinisin repwe towu seni ikei!” Iei mine esap wor eman a nom ren Josef, lupwen a pwäri i ngeni pwin kana.
1483	GEN 49:9	Juta, en eman apanen laion! Nei, ka fefeitä o pöchökülela ren liapom. Ka töpworo o konola usun chök eman laion, pwal usun chök eman liefefinin laion. Iö a pwora le apwökuk?
1584	EXO 3:4	Lupwen ewe Samol mi Lapalap a küna pwe Moses a feila ikenan, a kökköwu me lon ewe iräfölüföl, “Moses, Moses!” Moses a pälüeni, “Ngang iei.”
1789	EXO 10:11	Apwi! Ämi mwän chök oupwe feila o fel ngeni ewe Samol mi Lapalap, pun iei ämi tüngor.” Iwe, ra asüela Moses me Aaron seni fän mesen Farao.
1848	EXO 12:31	Nge lon chök ewe pwinin Farao a titi Moses me Aaron o üreniir, “Oupwe towu seni lein nei aramas, ämi me ekewe aramasen Israel. Oupwe feila! Oupwe fel ngeni ewe Samol mi Lapalap, usun oua fen apasa.
4370	NUM 21:29	Feiengauemi chon Moap! A iei sopolomi, ämi aramas mi fel ngeni Kemos. Ämi kot a föri pwe nöümi kewe mwän ra choisä, nge nöümi kewe fefin ra oola ren Sihon ewe kingen chon Amor.
6450	JOS 22:22	“Kot i ewe Samol mi Lapalap, ewe mi Manaman! Kot i ewe Samol mi Lapalap, ewe mi Manaman, a silei met popun äm föri ei föför, nge Israel epwe pwal silei. Are äm aia föri ei föför ren äm ü ngeni ewe Samol mi Lapalap ika ren äm aleasolap ngeni, ousap amanauakem ikenai.
7282	1SA 3:4	ewe Samol mi Lapalap a kökkö, “Samuel, Samuel!” Nge Samuel a üra, “Ngang iei.”
7284	1SA 3:6	Iwe, ewe Samol mi Lapalap a kökkösefäl, “Samuel!” Samuel a pwätä, a feila ren Eli o üreni, “Ngang iei, en ka kökköriei.” Nge Eli a üreni, “Üsap kökköruk nei, kopwe liwinla o konsefälila.”
7288	1SA 3:10	Iwe, ewe Samol mi Lapalap a feito, a ütä o kökkö usun me mwan, “Samuel, Samuel!” Samuel a üreni, “Kopwe kapas, ngang noum chon angang üa aüseling.”
7306	1SA 4:7	ra niuokus o apasa, “Eman kot a feito lon ewe leni. Sipwe feiengau! Pun ei sokun lapalap esamwo fis me mwan.
7578	1SA 15:16	Mürin, Samuel a üreni Saul, “Kopwe ükütiu le kapas! Ngang üpwe ürenuk mine ewe Samol mi Lapalap a eäni kapas ngeniei lepwinewe.” Saul a üreni, “Kopwe kapas.”
7805	1SA 22:15	Ifa usun, epwe kärän ikenai ai üpwe angei öüröür seni Kot fän itan? Apwi! Üa tüngor pwe en ai king kosap tip ngeniei ngang noum chon angang och ika ngeni chon leimwen semei meinisin. Pun ngang noum chon angang üsap fokun silei och usun ei pworaus.”
8105	2SA 3:21	Mürin, Apner a üreni Tafit, “Üpwe feila o achufengeni aramasen Israel meinisin reöm, en ai samol me ai king, pwe repwe föri eu pwonen atipeeu ngonuk, pwe kopwe nemeni meinisin ükükün mochenin letipom!” Mürin, Tafit a tinala Apner pwe epwe feila fän kinamwe.
8402	2SA 15:10	Mürin, Apsalom a tinala chon künö lemonomon lemenen ekewe ainangen Israel meinisin o üra, “Lon ewe otun oua rongorong tikin rappwa, oupwe leüömong le apasa: Apsalom a king lon Hepron!”
8445	2SA 16:16	Iwe, lupwen Husai ewe re Ark chienen Tafit a feito ren Apsalom, a üreni, “Ewe king epwe manauatam! Ewe king epwe manauatam!”
8573	2SA 20:16	Mürin, eman fefin mi tipachem a köwu seni ewe telinimw, “Oupwe aüseling, oupwe aüseling! Oupwe üreni Joap epwe feito pwe üpwe kapas ngeni.”
9567	2KI 2:12	Iwe, Elisa a küna ei lapalap o kökkö, “Semei, semei! Ewe chon peni Israel mi manaman. Iei ka feil senikem.” Iwe, esap chüen küna Elias. Mürin, Elisa a kamwöch püsin üfan o kamweetiu lon ruu kinikin fän an letipeta.
9847	2KI 11:14	Lupwen a nenefetal, a küna ewe king a ütä ren ewe ür usun pwüngün örünier, nge ekewe meilap me ekewe chon ettik rappwa ra nom unükün. Iwe, aramasen ewe fanü meinisin ra mweireir o ettiki rappwa. Nge Atalia a kamwei üfan o puchör, “A fis rawangau, a fis rawangau!”
9889	2KI 13:14	Iwe, lupwen a tori Elisa ewe samau epwe mäla ren, Jehoas ewe kingen Israel a feila ren, a kechü ngeni o üra, “Semei, semei! En ewe chon peni Israel mi manaman.”
11674	2CH 23:13	Lupwen a nenefetal, a küna ewe king a ütä ren ewe ür arun asamalapen ewe imwenfel, nge ekewe meilap me ekewe chon ettik rappwa ra ütä ünükün ewe king. Iwe, aramasen ewe fanü meinisin ra mweireir o ettiki rappwa, nge ekewe chon köl ra emweni ewe mwich fän ar pisekin ettik le köl. Nge Atalia a kamwei üfan o puchör, “A fis rawangau, a fis rawangau!”
13429	JOB 23:6	Ifa usun, epwe anini ngeniei fän watten an manaman? Apwi! Epwe aüselinga ai kapas.
13610	JOB 31:18	Apwi! Seni lealüali üa foleniir usun eman sam, nge lon unusen manauei üa tümwünü fefin mi mä pwülüer.
13649	JOB 32:17	Apwi! Pwal ngang üpwe awora ai pälüen. Üpwe pwal pwärätä mefiei.
13863	JOB 39:25	Nge lupwen ewe rappwa a tik, a apasa, ‘Aha!’ A tini pwonnen maun seni toau, a pwal rongorong än ekewe meilap akapwas me ewe mweireiren maun.
13963	PSA 3:2	Ai Samol mi Lapalap, ekewe mi oputaei ra kon chomong! Chomong ra ü ngeniei.
14023	PSA 8:2	Äm Samol mi Lapalap, äm Samol, a fokun pwäla iteüöchum won unusen fanüfan! Kölün mwareiti lingom a tori läng.
14031	PSA 8:10	Äm Samol mi Lapalap, äm Samol, a fokun pwäla iteüöchum won unusen fanüfan!
14045	PSA 9:14	Ai Samol mi Lapalap, kopwe ümöümöch ngeniei! Kopwe nenengeni ai riaföü ren chokewe mi oputaei. Ai Samol mi Lapalap, kopwe angasaeila seni mäla,
14051	PSA 9:20	Ai Samol mi Lapalap, kopwe feito! Kosap mwütätä pwe aramas repwe ü ngonuk. Chon ekewe mwü repwe kapwüng fän mesom.
14240	PSA 22:20	Nge en, ai Samol mi Lapalap, kosap toau seniei! En ai chon alilis, kopwe müttir feito o alisiei.
14621	PSA 44:24	Ai Samol, kopwe pwök! Pwota ka annut? Kopwe nennela! Kosap pöütifochekeemila.
14988	PSA 68:36	Kot a men eniwokus, lupwen a towu seni imwan mi pin. I ewe Koten Israel mi ngeni nöün kewe aramas manaman me pöchökül. Sipwe mwareiti Kot!
14990	PSA 69:2	Ai Kot, kopwe amanauaei! Pun ekewe koluk ra feitä tori fän üei.
15070	PSA 72:15	Amwo ewe king epwe manauatam! Amwo aramas repwe uwato kolt ren seni Shepa. Amwo aramas repwe iotek fän itan fansoun meinisin, repwe tüngor an feiöch rän meinisin.
15443	PSA 89:53	Ousipwe mwareiti ewe Samol mi Lapalap tori feilfeilachök! Amen, Amen.
16673	PRO 8:1	Oupwe rongorong! Tipachem a kökkö, mirit a leüömongetä.
17325	PRO 30:4	Iö a feitä läng o liwinsefälitiu? Iö a tongeni kumwuchufengeni asepwäl? Iö a tongeni üfätä ekewe koluk lon echö üf? Iö a förätä kiännin fanüfan meinisin? Ifa itan? Nge ifa iten nöün we mwän? Kopwe üreniei are ka silei!
17364	PRO 31:10	A men weires än eman epwe küna eman fefin mi lipwäköch! Neminewe a kon aüchea seni fau aüchea.
17786	ISA 3:9	Wowon won meser a pwärätä ar lapalapangau, ra tipis usun chon Sotom, nge resap aopala. Feiengauer! Pun ra püsin atoto feiengau wor.
17788	ISA 3:11	Feiengauen ekewe chon föföringau! Repwe püsin küna feiengauer, pun mine ra föri epwe püsin sapeitiir.
17950	ISA 10:30	Oupwe pupuchör, ämi chon Kallim! Oupwe rongorong ar puchör, ämi chon Laisa, oupwe palüeniir, ämi chon Anatot!
18010	ISA 14:12	Ka fokun turutiu seni läng, en Fü Rän, Nöün Mallen Rän! Ka turutiu won fanüfan o tatakis lepwül, en ewe mi atekisonätiu mwü me lom.
18181	ISA 24:16	Seni lesopun fanüfan sa rongorong ei köl, “Ewe mi Pwüng epwe ling.” Nge ngang üa apasa, “Feiengauei! Üa apwangapwangala, üa apwangapwangala. Ekewe chon afangamä ra afangamä fän ar rawangau, ra chök akafangamä.”
18410	ISA 36:10	Nge ifa usun, ka ekieki pwe ngang üa feito pwe üpwe maun ngeni ei fanü o ataala lükün tipen ewe Samol mi Lapalap? Apwi! Ewe Samol mi lapalap a fen tinieito ikei pwe üpwe ataela ei fanü.”
18496	ISA 40:6	A wor eu möngüngü a apasa, “Kopwe kökkö!” Nge üa ais, “Met üpwe üra le kökkö?” Kopwe kökkö pwe aramas meinisin ra wewe ngeni fetil, nge linger meinisin a wewe ngeni pön irän lemäl.
18527	ISA 41:6	Iteiten eman me eman a alisi chon arun o üreni pwin, ‘Kopwe apöchökulok!’
18574	ISA 42:24	Iö a asechala Israel lepöün chon solä? Ifa usun, sap ewe Samol mi Lapalap? I ewe Kot ra tipis ngeni, resap mochen föri letipan o aleasochisi an kewe allük!
18702	ISA 48:18	Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.
18727	ISA 49:21	Mürin kopwe ekieki lon letipom, ‘Iö a oupwätiu chokana ngeniei? Üa mwelele o rit, üa pwal oola o pöütüla. Iö a foleniir? Nengeni, ngang chök üa lusun! Nge ia chokei ra feito me ie?’”
18997	ISA 66:6	Oupwe aüseling! Mi wor akürang me lon ewe telinimw, pwal miiniinin mwelien eman seni lon ewe imwenfel. Iei mwelien ewe Samol mi lapalap a ngeni chon oputa liwinin ar föföringau.
19115	JER 4:19	Üa fokun riaföü, üa fokun riaföü. Üa wilikilikiei fän ai cheuch. Riaföün letipei! Lelukei a fokun mwökütüküt. Üsap tongeni fanafanala. Üa rongorong tikin ewe rappwa mi tik fän iten maun.
19166	JER 6:8	Oupwe miritila, ämi chon Jerusalem! Pun are ousap, üpwe kul senikemi o awili ämi telinimw ngeni eu fanüapö ia esap wor eman a nonom ie.”
19362	JER 13:27	A küna om föför mi anioput ngeni. A küna om feila ren ekewe koten ekis won ekewe chukutekison, pwal lon ekewe mälämäl, usun eman mwän a mocheisou ngeni pwülüen chon arun, ika usun eman ätemwänin oris a mochenia ngeni eman liafefin. Feiengauom, en Jerusalem! Ifa ükükün fansoun om kopwe nom lon limengau?
19499	JER 20:8	Pun fansoun meinisin lupwen üa kapas, üa wisen leüömong le kapas o üra, “Angangen mwänewüs me kata!” Ai Samol mi Lapalap, aramas ra ämängauaei o turunufaseei iteiten rän, pun üa asilefeili om kapas.
19517	JER 21:8	Mürin ewe Samol mi Lapalap a üreniei pwe üpwe kapas ngeni ekewe aramas, “Oupwe rongorong! Ngang ewe Samol mi Lapalap, üa mwüt ngenikemi pwe oupwe filätä lefilen ewe al mi ale ngeni manau me ewe al mi ale ngeni mäla.
19817	JER 32:17	‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.
20421	LAM 2:20	Ai Samol mi Lapalap, kopwe nenengeni o ekieki! Ka föri ngeni iö ei sokun? Ifa usun, fefin repwe ochei nöür semirit ra tümwünüöchüür o tongeer? Ifa usun, ekewe souasor me soufos repwe ninnila lon ewe imwenfel?
20504	LAM 4:15	Aramas ra kökkö ngeniir, “Oupwe süla, ämi mi limengau! Oupwe süla, oupwe süla! Ousap atapakem.” Iei mine ra wiliti choisä me chon süsüfeil, nge chon ekewe mwü ra apasa lefiler, “Resap chüen tongeni nom rech.”
20942	EZK 18:24	Nge are eman aramas mi pwüng a kul seni an föför mi pwüng o föri mine a pwüngingau, are a apirü än eman aramasangau föför mi anioput, ifa usun, epwe manau? Apwi! An kewe föför mi pwüng meinisin üsap chüen chechemeniir. Pokiten an pupungau me tipis epwe mäla.
22197	HOS 2:25	Üpwe fotukätiu nei aramas lon ewe fanü o efefeitäär. Üpwe pwäri ai chen ngeni chokewe mi iteni ‘Esechen’ o üreni chokewe mi iteni ‘Sap nei aramas’ pwe ir ‘Nei aramas’, nge ir repwe üra, ‘En äm we Kot!’”
22518	AMO 5:26	Apwi! Nge oua eki ekewe uluulun anümwäl, ewe uluulun Sakut ämi we king me ewe uluulun Kaiwan ämi we koten fü oua püsin föriir.
22776	NAM 2:9	Ekewe aramasen Ninifa ra sü seni ewe telinimw usun chök koluk a puwu seni eu nomun koluk mi tala epetin. Ra kökkö, “Oupwe üla, oupwe üla!” Nge esap wor eman a kulsefäl.
22836	HAB 2:19	Feiengauom, en mi apasa ngeni efoch mwüch: Kopwe nennela! ika ngeni eföü fau esap tongeni mwökütüküt: Kopwe pwätä! Ifa usun, eu uluulun anümwäl a tongeni pwäri ngonuk och? A tongeni pwölüpwöl ngeni kolt me silifer, nge esap fokun wor ngasangasen manau lon.
22870	ZEP 1:14	Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.
22903	ZEP 3:14	Oupwe leüomong le köl fän pwapwa, ämi chon Israel! Oupwe meseik o mwänek ren unusen lelukemi, ämi chon Jerusalem!
22974	ZEC 2:10	Iei alon ewe Samol mi Lapalap ngeni nöün aramas, “Üa atoropasakemi ngeni lesopun fanüfan me rüanü. Nge iei oupwe etto, oupwe etto! Oupwe sü seni ewe fanü efeng.
23268	MAT 3:7	Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?
23270	MAT 3:9	Ousap ekieki pwe oua tongeni sü seni än Kot song ren ämi apasa, ‘Äm mwirimwirin Apraham’. Pun ngang üpwe ürenikemi, pwe Kot a tongeni angei ekei fau o föri mwirimwirin Apraham seniir!
23288	MAT 4:10	Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”
23293	MAT 4:15	“Ewe fanü Sepulon me ewe fanü Naftali won ewe al mi ale ngeni ewe matau, pekilan ewe chanpupu Jortan me epek, Kalilea, fanüen ekewe chon lükün Israel!
23295	MAT 4:17	Seni ena fansoun Jesus a popuetä le eäni ei afalafal, “Oupwe aier seni ämi tipis, pun a arap Mwün Läng!”
23351	MAT 5:48	Iei mine ämi oupwe unusöch usun Sememi mi nom läng a unusöch!
23374	MAT 6:23	Nge are mesom a fatangau, unusen inisum epwe rochopwak. Iei mine are ewe saram mi nom lomw a wiliti rochopwak, epwe ifan me watten rochokichin rochopwakum!
23381	MAT 6:30	Are iei usun än Kot aüfa ekewe fetilin lemäl, fetil mi wor ikenai, nge lesor epwe koturulong lon um, ifa usun, Kot esap fokun aüföüfakemi lap seniir? Ämi oua lükülük kisikis!
23390	MAT 7:5	En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.
23396	MAT 7:11	Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!
23398	MAT 7:13	“Oupwe tolong lon ewe asam mi pwangekükün! Pun a pwangemong ewe asam o chömong ewe al mi ale ngeni feiengau esemüch, nge chokewe mi fetal won ra chomong.
23408	MAT 7:23	Mürin ngang üpwe üreniir, ‘Ngang üsap fokun silekemi. Oupwe sü seniei, ämi chon föri föför mi ngau!’
23439	MAT 8:25	Iwe, ekewe chon kaiö ra feila ren, ra föngünätä o üreni, “Äm Samol, kopwe amanauakich! Sia arapakan ngeni ach sipwe le mäla!”
23446	MAT 8:32	Jesus a üreniir, “Oupwe feila!” Iei mine ekewe anün rochopwak ra towu seni ekewe mwän o tolong lon ekewe pik. Iwe, unusen ewe pwiin pik ra sätiu lepokun ewe achau o turulong lon ewe noom, iwe, ra mop meinisin.
23450	MAT 9:2	Ekoch aramas ra ekieto ren eman mwän mi mwök won an peet. Lupwen Jesus a küna ar lükülük, a üreni ewe mwän mi mwök, “Nei, kopwe apilükülük! Om tipis kana ra musala.”
23451	MAT 9:3	Mürin ekoch ekewe Sensen Allük ra ekieki lon leluker, “Ei mwän a eäni kapasen turunufas!”
23463	MAT 9:15	Jesus a pölüeniir, “Ifa usun, oua ekieki pwe ekewe chon kökkö ngeni fetallapen apwüpwülü ra letipeta lupwen ewe mwän apwüpwülü söfö a nom rer? Apw! Nge epwe war ewe rän lupwen aramas repwe angei seniir ewe mwän apwüpwülü söfö fän pöchökül, lon ena otun repwapw echikefel.
23472	MAT 9:24	a üreniir, “Ämi meinisin oupwe towu me ikei! Ewe nengin esap mäla, pwe a chök möür!” Mürin ir meinisin ra takiri.
23475	MAT 9:27	Lupwen Jesus a feila seni ewe leni, ruoman mwän mi mesechun ra tapwela mürin. Ra kökkö ngeni fän leüömong, “Nöün Tafit, kopwe tongekem!”
23512	MAT 10:26	“Iwe, ousap niuokusiti aramas! Pun mettoch meinisin mi pwölüla epwe pwäla, nge mettoch meinisin mi monomonola aramas repwe silei.