3458	LEV 24:11	Nge lon ar anini nöün ewe fin Israel we mwän a turunufasei iten ewe Samol mi Lapalap le ottek. Iei mine ra emwenato ren Moses. (Iwe, iten inan we Selomit nöün Tepri fefin seni ewe ainangen Tan.)
3814	NUM 5:21	(iei otun ewe souasor epwe atolonga ewe fefin fän anümamauen ewe pwon mi fis fän akapel, mürin epwe sopwela le fos), ewe Samol mi Lapalap epwe föri pwe aramasom repwe leaweni itom lon ar ottek, epwe pwal föri pwe kopwe rit, nge lukom epwe pwola.
4520	NUM 26:29	Ekewe mwirimwirin Manasa: än Makir cho me än Kiliat cho. (Iwe, Makir semen Kiliat.)
4570	NUM 27:14	Pun oua lükümach ngeni ai kewe kapas me lükün ekewe koluk me lon ewe fanüapön Sin, lupwen ekewe aramas ra lal ngeniei, nge ämi ousap apiniöchüei fän meser.” (Ikkei ekewe kolukun Meripa lon Kates lon ewe fanüapön Sin.)
4950	DEU 2:10	(Me lom ekewe chon Em ra nonom ikenan, ir eu mwichen aramas mi watte o chomong, ra pwal mwänemong usun ekewe mwirimwirin Anak.
4960	DEU 2:20	(Ei fanü a pwal iteni fanüen chon Refa, pun me lom chon Refa ra nonom ikenan. Nge ekewe chon Amon ra aita ngeniir chon Samsum.
4986	DEU 3:9	(Iwe, ekewe chon Siton ra aita ngeni ewe chuk Hermon Sirion, nge ekewe chon Amor ra aita ngeni Senir.)
4988	DEU 3:11	(Iwe, Ok ewe kingen Pasan amüchülan me lein ekewe chon Refa mi chüen manau. An peet a för seni mächä ükükün langataman engol me ülüngat fiit, nge chölapan ükükün wonu fiit, a kaük won än aramas aükük. Ewe peet a chüen nom lon Rapa ewe telinimwen chon Amon.)
4990	DEU 3:13	Nge lusun ewe fanü Kiliat me unusen Pasan ewe mwün Ok, iei unusen ewe fanü Arkop, üa ngeni esopun ewe ainangen Manasa.” (Iwe, unusen ewe fanü Pasan a fanüen chon Refa me lom.
5194	DEU 10:6	(Iwe, ekewe aramasen Israel ra sai seni Peerot Penejaakan tori Mosera. Ikenan Aaron a mäla o peias. Nge Eleasar nöün mwän a siwili lon wisan wisen souasor.
5240	DEU 11:30	(Ekei chuk ra nom pekilan ewe chanpupu Jortan lotoun ewe al sasape ngeni epiläng lon fanüen chon Kanaan mi nonom lon Arapa awenewenen Kilkal ünükün ewe irä ook mi nom lon More.)
6394	JOS 21:11	Iwe, ra ngeniir ewe telinimw än Arpa. (Ewe mwän Arpa semen Anak.) Iei ewe telinimw a iteni Hepron, a nom won chukuchukutän ewe fanü Juta. Ra pwal ngeniir ewe fanü ünükün fän iten nöür man.
8043	2SA 1:18	o apasa pwe repwe aiti ngeni ekewe aramasen Juta. (Ei kölün kechü a mak lon ewe puken Jasar.)
8595	2SA 21:12	a feila o angei chün Saul me chün Jonatan nöün Saul we mwän seni ekewe re Japes-kiliat. (Ir ätekewe mi angei lemonomon inisin Saul me Jonatan seni lukalapen ewe telinimw Petsan, ia ekewe chon Filistia ra forusirela ie lon ewe ränin ra niela Saul me won ewe chuk Kilpoa.)
9070	1KI 9:16	(Iwe, Farao ewe kingen Isip a feila o liapeni ewe telinimw Keser. A kenala ewe telinimw o niela ekewe chon Kanaan mi imweimw lon. Mürin a lifang ngeni nöün we föpwül ewe telinimw, lupwen a pwülüeni Salomon.
9347	1KI 18:3	Iwe, Ahap a titi Opatia ewe meilapen chon tümwünü imwen ewe king. (Nge Opatia a fokun meniniti ewe Samol mi Lapalap.
9479	1KI 21:25	(Iwe, esap wor eman mi fangela inisin, pwe epwe föri mine a ngau me fän mesen ewe Samol mi Lapalap usun Ahap, pun a pesepes me ren Isipel pwülüan we.
10411	1CH 4:22	pwal Jokim me ekewe chon Kosepa, Joas me Saraf mi pwülüeni fin Moap mwen ar liwiniti Petleem. (Ekei uruwo ra seni chök me lomlom.)
10433	1CH 5:1	Iwe, Rupen nöün Jakop we mwänichi. (I a uputiu akom, nge pokiten an kon ren ülüpwülüen saman, ewe wisen mwänichi a tori nöün Josef kewe mwän, nge Josef nöün Jakop we mwän. Iei mine esap makelong lon ewe uruwo lon tettelin mwänichi.
13226	JOB 15:19	(Ir echök ra fanüeni ewe fanü, nge esap wor eman chon ekis a nom lefiler.)
19661	JER 26:20	(Iwe, mi pwal wor eman mwän mi osuni fän iten ewe Samol mi Lapalap, itan Uria nöün Semaia we mwän seni Kiriat-jearim. Ätei a osuni usun feiengauen ei telinimw me ei fanü lon ititin chök ekewe kapas Jeremaia a eäni.
21533	EZK 39:16	(Iwe, epwe pwal wor eu telinimw itan Hamona ikenan.) Iei usun repwe limeti ewe fanü.”
21576	EZK 40:30	(Mi wor kengkang ünükün ewe leni mwen Imwenfel ükükün langatamer faik me ruu fiit, nge ükükün chölaper walu fiit.)
22856	HAB 3:19	Kot ewe Samol mi Lapalap i ai pöchökül. A anüküchara pechei pwe ra usun chök pechen ekewe chia, a föri pwe üpwe fetal won ai kewe leni mi tekia. (Eli iei echö köl aramas ra eäni fiti pisekin ettik)
24041	MAT 24:15	“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)
24535	MRK 7:3	(Pun ekewe Farisi me ekewe chon Juta meinisin ra apwönüetä mine ar kewe lewo ra eäni kait ngeniir. Resap tongeni mongö are resap mwo talü pöür lon ei sokun lapalap.
24543	MRK 7:11	Nge ämi oua aiti ngeni aramas pwe are eman aramas a wor ren och mettoch epwe aea le alisi ngeni saman are inan, nge a apasa, ‘Iei Korpan,’ (wewen: Ei metoch an Kot)
24551	MRK 7:19	pun esap tolong lon lelukan, pwe lon chükükanan, mürin a towu seni lon inisin.” (Ren ei pworausen awewe Jesus a pwärätä pwe mongö meinisin a öch an aramas repwe mongö.)
24741	MRK 11:32	Nge are sipwe apasa, ‘A feito seni aramas...’” (Ra niuokusiti ekewe aramas, pun meinisin ra lükü pwe Johannes wesewesen eman soufos.)
24800	MRK 13:14	“Ämi oupwe küna ewe ‘Mettoch mi Eniweniw’ a nom lon ewe leni ia esap ürürün epwe nom ie. (Ewe chon aleani epwe fokun weweiti met wewen ei!) Mürin chokewe mi nom lon Jutea repwe sütä won ekewe chuk.
25229	LUK 6:14	Simon (ätewe Jesus a aita ngeni Petrus) me Andru pwiin we, James me Johannes, Filip me Partolomeus,
25384	LUK 9:14	(A wor ina epwe ükükün limungeröü mwän mi nom ikenan.) Iwe, Jesus a üreni nöün kewe chon kaiö, “Oupwe üreni ekewe aramas pwe repwe mottiu akalime lon eu me eu mwich.”
25403	LUK 9:33	Lupwen ekewe ruoman mwän ra feil seni Jesus, Petrus a üreni, “Sounemenem, a fokun öch ach nonom ikei. Aipwe aüetä ülüngat imw mangaku, eu fän itom, eu fän iten Moses nge pwal eu fän iten Elias.” (Petrus esap wesewesen weweiti met i a kapas usun.)
25526	LUK 11:52	Feiengauemi, ämi Sensen Allük! Pun oua amwöchü kien asamen silei (mettochun mwün läng). Püsin ämi ousap tolong lon, nge oua epeti chokewe mi mochen tolong lon.”
26023	LUK 23:19	(Parapas a fen nom lon imwen fötek pokiten an afisätä eu fitikoko lon ewe telinimw, pwal fän iten an niela aramas.)
26151	JHN 1:38	Nge Jesus a sapsefäl o küna pwe ra tapwela mürin, iwe, a aisiniir, “Met oua kütta?” Ra pölüeni, “Ia ka nom ie, Rabbi?” (Wewen ei kapas Rabbi ‘Sense’)
26152	JHN 1:39	Jesus a pölüeniir, “Oupwe feito o püsin nenengeni.” (Lon ena otun ina epwe kulok rüanü leolopal.) Iwe, ra eti Jesus o küna ia a nonom ie o ra nonom ren lon ewe ränin.
26154	JHN 1:41	Andru a müttir küna pwiin we Simon o üreni, “Äm aia küna ewe Messaia.” (Wewen ei kapas Messaia ‘Kraist’.)
26155	JHN 1:42	Mürin a emwenala Simon ren Jesus. Iwe, Jesus a newenewen ngeni o üreni, “Itom Simon nöün Sona, nge iei kopwe iteni Kefas.” (Ei it Kefas a wewe ngeni ewe it Petrus, wewen ‘Eu achau’.)
26157	JHN 1:44	(Filip i seni Petsaita ewe telinimw ia Andru me Petrus ra nom ie.)
26173	JHN 2:9	mi wiliti wain, ätewe a neni. I esap silei ia ei wain a feito me ie. (Nge ekewe chon angang mi üfi ewe koluk ra silei.) Iei mine ewe chon nemeni ewe kametip a köri ewe mwän apwüpwülü söfö
26213	JHN 3:24	(Ei a fis me mwen än Johannes tolong lon fötek.)
26227	JHN 4:2	(Jesus ese püsin papataisi aramas, nge nöün kewe chök chon kaiö.)
26233	JHN 4:8	(Nöün kewe chon kaiö ra feila lon ewe telinimw pwe repwe kamö aner mongö.)
26234	JHN 4:9	Ewe fefin a üreni, “En eman re Juta, nge ngang eman fin Samaria, ifa usun om kopwe tongeni tüngor seniei ünümom koluk?” (Ekewe chon Juta resap aeafengen kap me sepi me ekewe chon Samaria.)
26327	JHN 6:1	Iwe, mürin ei pworaus Jesus a feila epek ewe nomun Kalilea. (Ei noom a pwal iteni nomun Tiperias.)
26419	JHN 7:22	Iwe, Moses a allük pwe oupwe sirkomsaisi nöümi ät. (Nge ei esap pop seni Moses, nge ämi kewe lewo ra popuetä.) Iei usun oua sirkomsaisi eman ät lon ewe ränin sapat.
26516	JHN 9:7	Iwe, a üreni, “Kopwe feila ores lon ewe koluk Siloam.” (Wewen Siloam ‘tinala’) Iei mine ewe mwän a feila o oresi mesan, iwe, a liwinto o küna mwan.
26759	JHN 14:22	Mürin Jutas, (sap Jutas Iskariot) a üreni, “Ai Samol, ifa usun an epwe tongeni fis pwe kopwe pwäri ngenikem ususum, nge kosap pwäri ngeni chon fanüfan?”
26894	JHN 18:40	Iwe, ra kökkö fän leüömong, “Apwi, sap i. Kopwe amusa ngenikem Parapas.” (Parapas i eman chon achomau.)
26907	JHN 19:13	Lupwen Pilatus a rongorong ekei kapas, a emwenawu Jesus lükün o a mottiu won an lenien motun souapwüng, lon ewe leni itan “Chech fau.” (Lon kapasen Ipru: Kapata.)
26945	JHN 20:9	(Resap mwo weweiti mine a mak lon ekewe Toropwe mi Pin, pwe Jesus epwe fokun manausefäl seni mäla.)
26952	JHN 20:16	Iwe, Jesus a föüni iten neminewe o apasa, “Maria!” Mürin Maria a kul ngeni o apasa lon kapasen Ipru, “Rapponi!” (Wewen “Sense”)
26974	JHN 21:7	Mürin ewe chon kaiö Jesus a echeni a üreni Petrus, “Inan i ach Samol.” Lupwen Simon Petrus a rong pwe iwe i ar we Samol, a üföüfolong üfan sekit (pun a fen pwilitawu üfan we lupwen a attau) o aturatiu lon ewe koluk.
27010	ACT 1:18	(Ewe moni Jutas a angei fän iten an föför mi ngau ra möni ngeni eu fanü. Ikenan a turutiu o mäla, a mökküfesen lukan pwe afan ra seliseliwu.
27015	ACT 1:23	Iwe, ra atolonga iten ruoman mwän: Josef mi pwal iteni Parsapas (pwal itan Justus) me Matias.
27127	ACT 4:36	Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).
27321	ACT 9:36	A wor eman fefin itan Tapita lon Joppa, a lükü Jesus. (Itan lon kapasen Krik Torkas, wewen: eman chia.) Neminei a fang an fansoun meinisin le föri föför mürina o alisi chon wöüngau.
27402	ACT 11:26	Iwe, lupwen an küna, a emwenato Antiokia. Lon ükükün eu ier Parnapas me Saul ra chufengen me chon ei mwichefel o asukula eu mwichen aramas mi watte. A fis me lon Antiokia, pwe aramas ra popuetä le aita ngeni ekewe chon lükü “souläng” (Chon tapwela mürin Kraist).
27404	ACT 11:28	Eman leir itan Akapus a ütä o osuni fän manamanen ewe Ngünmifel, pwe eu mailengita epwe tori unusen fanüfan. (Ei a fis lon mwün Sisar Klautius.)
27432	ACT 13:1	Iwe, a wor soufos me sense lon ewe mwichefel lon Antiokia iter Parnapas, Simeon a pwal iteni Niker, Lusius seni Kirene me Manaen, (ätei a folfengen me ewe samol Herotes) pwal Saul.
27439	ACT 13:8	Nge ewe sourong Elimas a pölüeniir. (Elimas iei itan lon kapasen Krik.) A sotuni an epwe akulu letipen ewe kepina an esap lükü Jesus.
27613	ACT 17:21	(Pun ekewe chon Aten meinisin me ekewe chon ekis mi nom ikenan ra sani ar repwe awora fansoun le apworausa pworaus mi fö o aüseling ngeni pworaus mi fö.)
27761	ACT 21:29	(Ra apasa ei pokiten ra küna Trofimus seni Efisos mi eti Paulus lon ewe telinimw, nge ra ekieki pwe Paulus a uweela lon ewe imwenfel.)
27810	ACT 23:8	(Pun ekewe Satusi ra apasa pwe esap wor manausefäl seni mäla, ra pwal apasa pwe esap wor chon läng me ngün. Nge ekewe Farisi ra lükü lon ir me ülüngat.)
28064	ROM 3:5	Nge ifa usun, are ach föför esepwüng a pwärätä än Kot föför mi pwüng? Met sipwe tongeni apasa? Sipwe tongeni apasa pwe Kot a mwäl lupwen a liwini ngenikich liwinin ach föföringau? (Üa chök apasatä ekei kapas lon ekiekin aramas.)
28234	ROM 9:11	Nge me mwen än ekewe lippwe resamwo uputiu, ika me mwen ar resamwo föri och föför mi mürina ika mi ngau, (pwe än Kot ekiek lon an fil epwe pwönüetä,
28262	ROM 10:6	Nge iei usun mine a mak lon ekewe Toropwe mi Pin usun än aramas repwe küna pwüng me ren Kot ren ar lükülük, “Kosap püsin ais ngonuk: Iö epwe feitä läng?” (wewen, iö epwe uwätiu Kraist).
28263	ROM 10:7	“Kosap pwal ais: Iö epwe feitiu lon lenien mäla?” (wewen, iö epwe uweatä Kraist seni mäla).
28447	1CO 1:16	(Ewer, üa pwal papataisi Stefanas me chon leimwan, nge üsap tongeni chechemeni ika üa papataisi eman me lükün.)
28866	1CO 16:22	Iö esap tongei ach Samol i epwe anümamau! Maranatha. (wewen: Äm Samol kopwe feito!)
29307	EPH 2:11	Iwe, ämi chon lükün Israel lon pekin fituk, ekewe chon Juta ra aita ngenikemi “chon resap sirkomsais”, nge ir ra püsin aita ngeniir “chon sirkomsais”, (aramas ra föri ei ngeni püsin inisiir) oupwe chechemeni met sokun lapalap oua eäni me lom.
29376	EPH 5:5	Oupwe fokun silei, pwe esap wor eman mi föri sokun föförün lisowu ika mocheisou ika tipemong (pun tipemong a wewe ngeni angang ngeni anümwäl) epwe angei och feiöch seni lon ewe Mwün Kraist me Kot.
29589	COL 3:5	Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)
29619	COL 4:10	Aristarkus chienei chon fötek a tinala an kapong ngenikemi, pwal Markus pwiin Parnapas. (Oua fen angei ekewe kapasen öüröür usun ämi oupwe etiwa Markus are epwe feito remi.)
30919	REV 9:11	Iwe, a wor eman nöür king mi nemeniir, i ewe chon läng mi nemeni ewe leni mi alolol. Itan lon kapasen Ipru Apaton, nge itan lon kapasen Krik Apolion (wewen “Ewe chon Kata”).
31094	REV 19:8	Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)
31112	REV 20:5	(Nge ekewe lusun mi mäla resap manausefäl tori ekewe engeröü ier repwe sopola.) Iei ewe aeuin manausefäl.