2	GEN 1:2	Nge fanüfan a kotongau o pön, a pwal lölö o rochokich ekis meinisin, nge Ngünün Kot a tümwünü ewe lölö.
8	GEN 1:8	Nge ewe kiä Kot a aita ngeni läng. Iwe, seni lesosor tori lekuniol pwal tori lesosorun ewe eu rän, iei ewe aruuen rän.
22	GEN 1:22	Iwe, Kot a afeiöchüür o üreniir pwe repwe nöünöü o achomongeer, pwe matau epwe masou rer. Nge mansüsü kana repwe chomongola won fanüfan.
30	GEN 1:30	Nge ekewe fetil meinisin üa ngeni ekewe manmwacho, ekewe mantötö me mansüsü, pwal ngeni ekewe sokopaten man meinisin won fanüfan, pwe repwe mongö seniir.” Iwe, a fis.
33	GEN 2:2	Nge lon ewe afisuen rän Kot a aükätiu an we angang o asösö seni an kewe angang meinisin.
37	GEN 2:6	Nge eu nikapwor a ötütä seni won pwül o achöchönala unusen ewe fanü.
40	GEN 2:9	Iwe, seni lon ewe pwül Kot ewe Samol mi Lapalap a amärätä sokun irä meinisin mi apwapwai aramas le katol o mürina le mongö. Nge lukalapen ewe tanipi a amärätä ewe irän manau, pwal ewe irän silei öch me ngau.
45	GEN 2:14	Ewe aülüngatin chanpupu itan Tikris a pula ötiuen ewe fanü Asiria. Nge ewe arüanün chanpupu itan Oifrat.
50	GEN 2:19	Iwe, Kot ewe Samol mi Lapalap a föri seni pwül sokun mönün lemäl, pwal sokun mansüsü meinisin. Mürin a uweereto ren ewe aramas, pun a mochen silei met epwe aita ngeniir. Nge mine ewe aramas epwe aita ngeni ekewe mönümanu, iei repwe iteni.
51	GEN 2:20	Iei usun ewe aramas a aita ekewe manfetal, ekewe mansüsü pwal ekewe mönün lemäl meinisin. Nge fän äsengesin ewe aramas esap wor eman alisian mi wewe ngeni.
53	GEN 2:22	Nge seni chürärän ewe aramas Kot ewe Samol mi Lapalap a föri eman fefin o uwato ren.
58	GEN 3:2	Nge ewe fefin a pälüeni ewe serepenit, “Äm aia tongeni mongö seni ekewe uän irän ei tanipi.
59	GEN 3:3	Nge Kot a apasa pwe aisap fokun mongö seni uän ewe irä a nonom lukalapen ei tanipi, aisap pwal atapa. Pun are aipwe mongö seni, aipwe mäla.”
62	GEN 3:6	Nge lupwen ewe fefin a nenengeni ewe irä, a mefi pwe a mürina le mongö o apwapwai aramas le katol, a pwal aüchea ren an afisätä tipachem. Iei popun ewe fefin a angei uän ewe irä o mongö. Mürin a ngeni pwülüan we, iwe, a pwal mongö.
65	GEN 3:9	Nge Kot ewe Samol mi Lapalap a köri ewe mwän o aisini, “Ia ka nom ie?”
69	GEN 3:13	Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”
77	GEN 3:21	Nge Kot ewe Samol mi Lapalap a föri üf seni ünüchen man o aüföüfa ngeni Atam me pwülüan we.
78	GEN 3:22	Mürin, Kot ewe Samol mi Lapalap a apasa, “Iei a fis pwe ewe aramas a wewe ngenikich, pun a silei öch me ngau. Nge esap tufich, pwe epwe pwal aitiela pöün o angei seni uän ewe irän manau o mongö pwe epwe manau tori feilfeilachök.”
84	GEN 4:4	Nge Epel a eäni asor mwänichien folenian sip pwal seni kirisir. Iwe, ewe Samol mi Lapalap a efich Epel me an asor,
87	GEN 4:7	Ifa usun, are ka föri mine a pwüng, üsap etiwa om asor? Nge pokiten ka föri mine a ngau, tipis a operuk lükün asamom. Iwe, a mochen nemenuk, nge en kopwe akufu.”
88	GEN 4:8	Iwe, Kain a kapas ngeni Epel pwin we, “Sipwe feila lemäl.” Nge lupwen ar nonomfengen ikenan, Kain a ü ngeni pwin, a turufi o niela.
89	GEN 4:9	Mürin, ewe Samol mi Lapalap a aisini Kain, “Ifa i pwiüm we Epel?” Nge Kain a pälüeni, “Üsap silei. Ifa usun, ngang chon tümwünün pwii?”
90	GEN 4:10	Nge ewe Samol mi Lapalap a üreni, “Met ka föri? Chan pwiüm we a köriei seni won pwül.
95	GEN 4:15	Nge ewe Samol mi Lapalap a üreni, “Apwi! Iö epwe niikela, epwe angei chappan fän fisu.” Iwe, ewe Samol mi Lapalap a föri eu asisil won Kain pwe are eman epwe küna, esap niela.
96	GEN 4:16	Mürin, Kain a feil seni fän mesen ewe Samol mi Lapalap o imweimw lon ewe fanü itan Not ötiuen Eten.
101	GEN 4:21	Nge pwin Japal itan Jupal, i semelapen chokewe mi sile ettik pisekin ettik.
102	GEN 4:22	Iwe, Sila a nöüni Tupalkain, i eman mi silelap le föri pisek seni mächä. Nge fefinen Tupalkain itan Naama.
108	GEN 5:2	A föri eman mwän me eman fefin. Nge wesin an föriir, a afeiöchüür o aita ngeniir aramas.
111	GEN 5:5	Nge ierin manauen Atam meinisin tiwepükü ilik. Mürin a mäla.
113	GEN 5:7	Nge ierin manauen Set mürin än Enos uputiu walüpükü fisu, a pwal wor nöün mwän me fefin.
114	GEN 5:8	Nge ierin manauen Set meinisin tiwepükü engol me ruu. Mürin a mäla.
116	GEN 5:10	Nge ierin manauen Enos mürin än Kenan uputiu walüpükü engol me limu, a pwal wor nöün mwän me fefin.
117	GEN 5:11	Nge ierin manauen Enos meinisin tiwepükü limu. Mürin a mäla.
119	GEN 5:13	Nge ierin manauen Kenan mürin än Mahalalel uputiu walüpükü faik, a pwal wor nöün mwän me fefin.
120	GEN 5:14	Nge ierin manauen Kenan meinisin tiwepükü engol. Mürin a mäla.
122	GEN 5:16	Nge ierin manauen Mahalalel mürin än Jaret uputiu walüpükü ilik, a pwal wor nöün mwän me fefin.
123	GEN 5:17	Nge ierin manauen Mahalalel meinisin walüpükü tiwe me limu. Mürin a mäla.
125	GEN 5:19	Nge ierin manauen Jaret mürin än Enok uputiu walüpükü, a pwal wor nöün mwän me fefin.
126	GEN 5:20	Nge ierin manauen Jaret meinisin tiwepükü wone me ruu. Mürin a mäla.
128	GEN 5:22	Nge mürin än Metusala uputiu, Enok a chiechiefengen me Kot ülüpükü ier, a pwal wor nöün mwän me fefin.
132	GEN 5:26	Nge ierin manauen Metusala mürin än Lamek uputiu füpükü walik me ruu, a pwal wor nöün mwän me fefin.
133	GEN 5:27	Nge ierin manauen Metusala meinisin tiwepükü wone me tiu. Mürin a mäla.
135	GEN 5:29	A aita ngeni Noa o apasa, “Ätei epwe angasakich seni weiresin angangen pöüch, pokiten ewe pwül a anümamau me ren ewe Samol mi Lapalap.”
136	GEN 5:30	Nge ierin manauen Lamek mürin än Noa uputiu limupükü tiwe me limu, a pwal wor nöün mwän me fefin.
138	GEN 5:32	Iwe, lupwen Noa a ierini limupükü, a nöüni Säm, Ham me Jafet.
140	GEN 6:2	Nge nöün Kot kewe chon läng mi ngauala ra nenengeni liöchün nöün aramas föpwül. Iwe, ra pwülüeni chokewe ra efich.
141	GEN 6:3	Mürin, ewe Samol mi Lapalap a apasa, “Ngüni esap nonom lon aramas tori feilfeilachök, pun aramas fituk chök. Iwe, ränin manauan epwe ipükü rüe ier chök.”
142	GEN 6:4	Lon ena fansoun, pwal lon fansoun mürin a wor mwänämong won fanüfan, ir chokewe nöün aramas föpwül ra nöünöü me won nöün Kot kewe chon läng mi ngauala. Nge ekei mwänämong ra iteföüla lon ar nemenem me pwora lon ewe fansoun lomlom.
146	GEN 6:8	Nge Noa a küna ümöümöch me ren Kot.
147	GEN 6:9	Iei uruwon Noa. Noa eman chon pwüng, i chök a föföröch lein pilon kana, a pwal chiechifengen me Kot.
148	GEN 6:10	Iwe, a wor ülüman nöün Noa mwän iter Säm, Ham me Jafet.
149	GEN 6:11	Nge chon fanüfan ra fokun föföringau fän mesen Kot o eäni föförün mwäneson ekis meinisin.
151	GEN 6:13	Nge Kot a üreni Noa, “Üpwe fokun arosala ekewe aramas meinisin, pun fanüfan a uren föförün mwäneson me rer. Üpwe fokun aroserela o ataala fanüfan.
155	GEN 6:17	Ngang üpwe awarato eu noter won fanüfan pwe epwe arosala mönümanau meinisin won fanüfan. Meinisin mine a manau won fanüfan epwe mäla.
156	GEN 6:18	Nge ngang üpwe föri ai pwon ngonuk. Oupwe tolong lon ewe waimw, ämi me noum kewe mwän, pwal pwülüom me pwülüer kewe.
160	GEN 6:22	Iwe, Noa a föri meinisin mine Kot a allük ngeni.
161	GEN 7:1	Iwe, ewe Samol mi Lapalap a üreni Noa, “Oupwe tolong lon ewe waimw ämi me chon leimwom, pun ngang üa küna pwe en ka pwüng mwen pilom kana.
165	GEN 7:5	Iwe, Noa a föri meinisin mine ewe Samol mi Lapalap a allük ngeni.
166	GEN 7:6	Iwe, lupwen Noa a ierini wonopükü, ewe noter a tori fanüfan.
167	GEN 7:7	Nge Noa me nöün kewe, pwal pwülüan me pwülüer kewe ra tolong lon ewe waimw pwe repwe sü seni feiengauen ewe noter.
169	GEN 7:9	ra etalong Noa lon ewe waimw usun Kot a allük ngeni.
170	GEN 7:10	Nge fisu rän mürin, ewe noter a tori fanüfan.
171	GEN 7:11	Iwe, lupwen Noa a ierini wonopükü, lon engol me fisuen ränin ewe aruuen maram, ra möküla lenien kolukun failol pwe koluk a puächetä, ra pwal suk asammwachon läng
173	GEN 7:13	Lon ewe chök ränin, Noa me nöün kewe iter Säm, Ham me Jafet pwal pwülüan me pwülüen nöün kewe ülüman mwän ra tolong lon ewe waimw,
175	GEN 7:15	Iwe, akaruoman seni iteiten sokun mönümanau meinisin ra eti Noa le tolong lon ewe waimw,
176	GEN 7:16	eman ätemwän me eman liefefin. Ra tolong, pun iei usun Kot a allük ngeni Noa. Mürin, ewe Samol mi Lapalap a apüngala ewe asam.
177	GEN 7:17	Iwe, a noter won fanüfan lon ükükün faik rän. Nge lupwen ewe koluk a fefeitä, ewe waimw a pwal feitä tori a tekia seni fanü.
183	GEN 7:23	Iwe, Kot a arosala mönümanau meinisin mi nom won fanüfan: aramas, manfetal, mantötö me mansüsü. Ir meinisin ra rosola seni won fanüfan. Noa chök a manau me chokewe mi eti lon ewe waimw.
184	GEN 7:24	Nge ewe koluk a nonomola won fanüfan lon ükükün ipükü lime rän.
185	GEN 8:1	Nge Kot a chechemeni Noa me ekewe man meinisin mi eti lon ewe waimw. Iwe, a tinato eu asepwäl won fanüfan. Iwe, ewe koluk a kisikisitiu.
188	GEN 8:4	Nge lon engol me fisuen ränin ewe afisuen maram ewe waimw a fanetä won eu chukun Ararat.
189	GEN 8:5	Iwe, ewe koluk a chök kisikisitiu tori ewe aengolun maram. Nge lon ewe aeuin ränin ewe aengolun maram ra pwätä ungen ekewe chuk.
190	GEN 8:6	Mürin faik rän Noa a sukala asammwachon ewe waimw, i a föri,
192	GEN 8:8	Mürin, Noa a ässala eman lisom, pun a mochen silei are ewe koluk a pwasala me won fanüfan.
193	GEN 8:9	Nge ewe lisom esap küna lenian ia epwe sotiu ie, pokiten ewe koluk a chüen pwölüöla unusen fanüfan. Iei mine a liwinto ren Noa lon ewe waimw. Iwe, Noa a angewu o angealong ewe lisom lon ewe waimw.
194	GEN 8:10	Nge Noa a pwal witiwit lon ükükün fisu rän. Mürin a ässisefäliela ewe lisom seni won ewe waimw.
195	GEN 8:11	Iwe, ewe lisom a liwinsefälito lekuniol, nge a ilei echö chön irä olif mi manau. Iei mine Noa a silei pwe ewe koluk a morola seni won fanüfan.
196	GEN 8:12	Mürin, Noa a pwal witiwit fisu rän o ässala ewe lisom. Iwe, esap chüen liwinsefälito ren.
197	GEN 8:13	Nge lupwen Noa a ierini wonopükü eu, lon aeuin ränin ewe aeuin maram, ewe koluk a pwasala seni won fanüfan. Iwe, Noa a atomwala osun ewe waimw o küna pwe a ekis pwas won fanü.
198	GEN 8:14	Nge lon rüe me fisuen ränin ewe aruuen maram, a wesewesen pwas fanü.
199	GEN 8:15	Iwe, Kot a üreni Noa,
202	GEN 8:18	Iei mine Noa me nöün kewe ra towu seni ewe waimw, pwal pwülüan me pwülüen nöün kewe.
204	GEN 8:20	Mürin, Noa a senätä eu rongen asor fän iten ewe Samol mi Lapalap. Iwe, a angei eman man seni iteiten sokun man mi limöch me iteiten sokun mansüsü mi limöch, o eäniir asoren kek won ewe rongen asor.
205	GEN 8:21	Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.
207	GEN 9:1	Iwe, Kot a afeiöchü Noa me nöün kewe o üreniir, “Oupwe nöünöü o achomongakemi pwe fanüfan epwe masou remi.
213	GEN 9:7	Nge ämi oupwe nöünöü o achomongakemi pwe fanüfan epwe masou remi.”
214	GEN 9:8	Iwe, Kot a üreni Noa me nöün kewe,
224	GEN 9:18	Iwe, iten nöün Noa kewe mwän ra towu seni lon ewe waimw: Säm, Ham me Jafet. Nge Ham semen Kanaan.
225	GEN 9:19	Ekei ülüman nöün Noa ir semelapen chon fanüfan meinisin.