28	GEN 1:28	Iwe, Kot a afeiöchüür o üreniir, “Oupwe nöünöü o achomongakemi pwe fanüfan epwe masou remi o nom fän nemeniemi. Oupwe nemeni ekewe ikenen leset me ekewe mansüsü me mönün won unusen fanüfan.”
45	GEN 2:14	Ewe aülüngatin chanpupu itan Tikris a pula ötiuen ewe fanü Asiria. Nge ewe arüanün chanpupu itan Oifrat.
156	GEN 6:18	Nge ngang üpwe föri ai pwon ngonuk. Oupwe tolong lon ewe waimw, ämi me noum kewe mwän, pwal pwülüom me pwülüer kewe.
161	GEN 7:1	Iwe, ewe Samol mi Lapalap a üreni Noa, “Oupwe tolong lon ewe waimw ämi me chon leimwom, pun ngang üa küna pwe en ka pwüng mwen pilom kana.
200	GEN 8:16	“Oupwe towu me lon ewe waimw, en me pwülüom, pwal noum me pwülüer kewe.
207	GEN 9:1	Iwe, Kot a afeiöchü Noa me nöün kewe o üreniir, “Oupwe nöünöü o achomongakemi pwe fanüfan epwe masou remi.
263	GEN 10:28	chon Opal, chon Apimael, chon Sepa,
264	GEN 10:29	chon Ofair, chon Hawila me chon Jopap. Ir meinisin mwirimwirin Joktan.
270	GEN 11:3	Iwe, ra kapasfengen lefiler, “Ou etto, sipwe föri pilak seni pwül o umwuniir.” Iwe, a wor ar pilak fän iten aüetä imw me ar apach ra küna me fän pwül fän iten sessen pilak.
271	GEN 11:4	Mürin ra apasa, “Ou etto, sipwe aüetä eu telinimw fän itach, pwal eu imw mi tekia, ungan epwe tori läng. Pun sipwe afisätä itach ren pwe sisap toropasfeil won unusen fanüfan.”
274	GEN 11:7	Ousipwe feitiu ikenan o alikofifi ar fos pwe esap wor eman epwe chüen wewe ren kapasen eman.”
379	GEN 15:18	Iwe, lon ewe rän ewe Samol mi Lapalap a föri eu pwon ngeni Apram o apasa, “Üpwe ngeni mwirimwirum kana ei fanü, seni ewe chanpupun Isip tori ewe chanpupu mi watte itan Oifrat,
409	GEN 17:11	Oupwe sirkomsaisi ewe kükün inis. Iei asisilen ewe pwon lefilei me ämi.
410	GEN 17:12	Oupwe sirkomsaisi iteiten ät, lupwen a tori walu ränin, seni eu täppin aramas tori pwal eu. Oupwe pwal sirkomsaisi ekewe amanau mi uputiu lon ämi kewe famili me chokewe oua möniir seni ekewe chon ekis, ir sap mwirimwirimi.
472	GEN 19:14	Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.
475	GEN 19:17	Iwe, lupwen ra aweinerewu lükün, eman leir a üreniir, “Oupwe kaila o amanauakemi, nge ousap nesefäl. Ousap pwal üla lon ewe lemol, nge oupwe süla ngeni ekewe chuk pwe oute mäla.”
553	GEN 22:5	Mürin, Apraham a üreni nöün kewe chon angang, “Oupwe nonom ikei me ewe aas. Nge äm me ätei aipwe feila ikenan o fel ngeni Kot. Iwe, are aipwe wes, aipwe liwinto remi.”
576	GEN 23:4	“Ngang eman wasöla mi siamü remi. Ouse mochen oupwe amömö ngeniei eu fanü pwe ai lenien peias, pun üa mochen peiaseni ai ei somä.”
646	GEN 24:54	Mürin, ewe chon angang me chienan kewe ra mongö o ün, ra pwal möür ikenan. Nge lupwen ra pwätä lesosor, ewe chon angang a apasa, “Ouse mochen oupwe mwüt ngeniei pwe üpwe liwinla ren ai samol.”
648	GEN 24:56	Nge ewe chon angang a pälüeni, “Ouse mochen ousap amwöchüei, pun ewe Samol mi Lapalap a afeiöchü ai sai. Ouse mochen oupwe mwüt ngeniei pwe üpwe liwinla ren ai samol.”
788	GEN 28:14	Iwe, mwirimwirum repwe chomong usun chök pwülmoromoren fanü. Oupwe chonifetalei ewe fanü tori lotou me ötiu, pwal tori efeng me ör. Iwe, chon ekewe mwü meinisin won fanüfan repwe feiöch me reöm me mwirimwirum kana.
803	GEN 29:7	Nge Jakop a üreniir, “A chüen leoloas, nge esamwo tori fansoun pwe ekewe man repwe mwuchifengen. Oupwe aünü ekewe sip o emwenirela pwe repwe mongö.”
895	GEN 31:21	Jakop a süla o uwala meinisin mine a eäni. A feila pekilan ewe chanpupu Oifrat o awena mesan ngeni ewe fanü mi chukuchukutä lon Kiliat.
918	GEN 31:44	Iwe, kopwe etto pwe sipwe föri eu pwonen atipeeufengen. Ousipwe achukuchukätä fau pwe eu pisekin pwärätä lefilen en me ngang.”
945	GEN 32:17	Ekei man meinisin Jakop a inetiir lon eu me eu mwich o anomuur fän tümwünüen nöün kewe chon angang. Iwe, a üreniir, “Oupwe akom mwei, nge eu mwich epwe ekis toau seni pwal eu.”
973	GEN 33:12	Mürin Esau a apasa, “Ousipwe popuetä ach sai, nge ngang üpwe wisen akom mwemi.”
990	GEN 34:9	Ousipwe pwüpwülüfengen. Oupwe ngenikem nöümi föpwül, nge ämi oupwe angei nöüm föpwül pwe oupwe pwülüeni.
991	GEN 34:10	Oupwe nonom rem, nge ewe fanü epwe suk ngenikemi. Oupwe nonom lon, oupwe pwal föri ämi angang o kamö fanüemi.”
993	GEN 34:12	Oupwe chök üreniei ükükün mine oua mochen pwe üpwe kiseni ngenikemi. Iwe, üpwe ngenikemi meinisin mine oupwe tüngor seniei, nge oupwe chök ngeniei ewe föpwül pwe üpwe pwülüeni.”
1002	GEN 34:21	“Ekei mwän ra mochen chiechi ngenikich. Ousipwe mwüt ngeniir pwe repwe nonom rech won fanüach, pwe repwe föri ar angang, pun ewe fanü a pwal naf ngeniir. Iwe, ousipwe pwülüeni nöür kewe föpwül, nge kich sipwe ngeniir nöüch kewe föpwül pwe repwe pwülüeniir.
1014	GEN 35:2	Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.
1030	GEN 35:18	Nge lupwen a arap ngeni än Rahel epwe mäla, a aita ngeni ewe ät Pen Oni, nge saman we a aita ngeni Peniamin .
1043	GEN 36:2	Iwe, Esau a pwülüeni ekei fin Kanaan: Ata nöün Elon fefin, ewe re Hit, pwal Oholipama nöün Ana fefin, nge Ana nöün Sipeon ewe re Hiw.
1046	GEN 36:5	nge Oholipama a nöüni Jeus, Jalam me Kora. Ikkei ir nöün Esau kewe mwän a nöüniir me lon ewe fanü Kanaan.
1052	GEN 36:11	Nge nöün Elifas kewe mwän: Teman, Omar, Sefo, Katam me Kenas.
1055	GEN 36:14	Iwe, Oholipama nöün Ana fefin, nge Ana nöün Sipeon mwän, a nöüni me won Esau pwülüan we: Jeus, Jalam me Kora.
1056	GEN 36:15	Iwe, ikkei ir ekewe samol me lein ekewe mwirimwirin Esau. Elifas nöün Esau we mwänichi, nge nöün kewe mwän ir samol iter Teman, Omar, Sefo, Kenas,
1059	GEN 36:18	Iwe, Oholipama pwülüen Esau a pwal wor nöün kewe mi samol iter Jeus, Jalam me Kora. Ätekei ir ekewe samol mwirimwirin Oholipama pwülüen Esau nöün Ana we fefin.
1064	GEN 36:23	Nöün Sopal kewe mwän Alwan, Manahat, Epal, Sefo me Onam.
1066	GEN 36:25	Iwe, Tison nöün Ana mwän, nge Oholipama nöün fefin.
1078	GEN 36:37	Iwe, mürin än Samla mäla, Shaul seni ewe telinimw Rehopot mi nom arun ewe chanpupu Oifrat a siwili lon wisan wisen king.
1082	GEN 36:41	Oholipama, Ela, Pinon,
1090	GEN 37:6	Josef a üreniir, “Oupwe rongorong pworausen ai ei tan.
1104	GEN 37:20	Ou etto, sipwe niela o aturalong lon eu kewe pwang. Mürin sipwap üra pwe eman manmwacho a ochei. Iwe, sipwe pi ika epwe fis pwüngün mine a eäni tan.”
1105	GEN 37:21	Nge lupwen Rupen a rong ar pwüngüpwüng, a ekiekin angasa Josef seniir. Iwe, a apasa, “Ouse mochen sisap niela pwiich.
1106	GEN 37:22	Ousap afeiengaua. Oupwe aturätiu lon ei pwang ikei lon fanüapö, nge ousap niela.” Rupen a apasa ei, pun a ekiekin amanaua Josef seniir o aliwinala ren saman we.
1111	GEN 37:27	Ou etto, sipwe amömöla pwiich ei ngeni ekanan chon Ismael. Nge ousisap niela. Pun i pwiich pwal fitukach.” Iwe, pwin kewe ra tipeeu ngeni.
1124	GEN 38:4	Mürin, a pwal pwopwo, a nöüni eman ät o aita ngeni Onan.
1128	GEN 38:8	Mürin, Juta a üreni Onan, “Kopwe pwülüeni pwülüen pwiüm we pwe epwe wor mwirimwirin, pun iei usun pwüngün ngeni eman a mä pwin.
1129	GEN 38:9	Nge Onan a silei pwe esap tongeni nöüni nöün me won pwülüen pwin we. Iwe, lupwen a kon ren pwülüen pwin, a chök akusätiu chan lepwül pwe esap wor mwirimwirin pwin.
1130	GEN 38:10	Nge ewe Samol mi Lapalap a oput mine Onan a föri, iei popun a pwal niela.
1144	GEN 38:24	Iwe, ina epwe ülüngat maram mürin, eman a asile ngeni Juta, “Tamar pwülüen noum we a tipisin lisowu, nge a pwal pwopwo.” Iwe, Juta a apasa, “Oupwe emwenawu pwe sipwe keni.”
1149	GEN 38:29	Nge lupwen a siksefälielong pöün, pwin we a uputiu. Mürin, ewe chon afam a apasa, “Oo, iei usun ka püsin amökkawu!” Iei mine a iteni Peres .
1221	GEN 41:25	Mürin, Josef a üreni Farao, “Om kewe ruu tan eu chök wewen. Kot a pwäri ngonuk mine a ekiekin föri.
1239	GEN 41:43	Iwe, Farao a pwal ngeni Josef aruofochun wan woken pwe epwe wawafeil, nge aramas ra akom mwan o kökkö, “Oupwe chapetiu.” Iwe, ina usun Farao a awisa Josef pwe epwe nemeni unusen ewe fanü Isip.
1241	GEN 41:45	Iwe, Farao a aita ngeni Josef Safenat Panea, a pwal ngeni eman pwülüan itan Asenat nöün Potifera, ewe souasoren ewe telinimw On. Mürin, Josef a saifeil won unusen ewe fanü Isip.
1246	GEN 41:50	Iwe, mwen ekewe ierin lengita, Asenat nöün Potifera, ewe souasoren On, a nöüni ruoman ät me won Josef.
1251	GEN 41:55	Iwe, lupwen chon Isip meinisin ra echik, ra tüngor ngeni Farao pwe epwe ngeniir mongö. Nge Farao a üreniir, “Oupwe feila ren Josef o föri mine a apasa.”
1255	GEN 42:2	Üa rong pwe a wor wiich lon Isip. Oupwe feila o kamö anach wiich pwe sipwe manau, nge sisap mäla.”
1260	GEN 42:7	Iwe, lupwen Josef a küna pwin kewe, a sileniir, nge a chök föri ngeniir usun esap sisileer. A kapas pöchökül ngeniir o aisiniir, “Oua feito me ia?” Nge ra pälüeni, “Aia feito seni ewe fanü Kanaan pwe aipwe kamö mongö.”
1262	GEN 42:9	Iwe, Josef a chechemeni an kewe tan a tana usur o üreniir, “Ämi chon operi fanü. Oua chök feito pwe oupwe operi ia esap wor tümwünün fanüem me ie.”
1269	GEN 42:16	Oupwe tinala eman leimi pwe epwe uwato pwimi we. Nge ämi kewe lusun oupwe nonom lon imwen fötek, pwe epwe pwä leten ämi kewe kapas ika ämi oua wenechar. Nge are esap ina, mwo manauen Farao, ämi oua wesewesen chon operi fanü.”
1286	GEN 42:33	Iwe, ewe mwän, i samolun ewe fanü, a pälüenikem, ‘Iei usun üpwe alletä ika ämi aramas wenechar. Oupwe likitala rei eman pwimi, nge ämi kewe lusun oupwe feila o uwala wiich ren ämi famili mi echik.
1293	GEN 43:2	Nge lupwen a itela enen än ewe familien Jakop mongö ra kamö lon Isip, Jakop a üreni nöün kewe, “Oupwe liwinsefälila Isip o kamö ekis anach mongö.”
1302	GEN 43:11	Mürin, semer we a üreniir, “Are a ina usun, oupwe angei ekoch seni ekewe uän irä mi mürina seni lon ei fanü o uwalong lon ämi kewe tuk, pwe oupwe eäni lifang ngeni ewe mwän. Oupwe uwala ekis lö mi pwokus, ekis chönün chunen, irä mi mwiik, säfei mi aüchea itan mör, pwal ekoch föün irä iter pistachio me almont.
1314	GEN 43:23	Iwe, ewe chon angang a pälüeni, “Oupwe kinamwe, nge ousap niuokus, pun ämi we Kot me än sememi we Kot a fang ngenikemi ewe moni lon ämi kewe tuk, pwe ämi moni a toriei.” Mürin a emwenawu Simeon rer.
1348	GEN 44:23	Mürin, ka ürenikem äm noum kei chon angang, ‘Ousap chüen tongeni küna mesei, are ousap uwato pwimi we setipütür rei.’
1350	GEN 44:25	Mürin, semem we a ürenikem, ‘Oupwe liwinsefälila Isip pwe oupwe kamö ekis anach mongö.’
1352	GEN 44:27	Mürin, semem noum we chon angang a ürenikem, ‘Oua silei pwe Rahel pwülüei we a chök nöüni ngeniei ruoman ät.
1363	GEN 45:4	Iwe, Josef a kapas ngeni pwin kewe, “Ouse mochen oupwe kineto rei.” Iwe, ra kineto ren. Nge Josef a apasa, “Ngang pwimi Josef, ätewe oua amömöla Isip.
1368	GEN 45:9	Oupwe kaila ren semei we o asile ngeni pwe iei alon Josef nöün we, ‘Kot a seikieitä pwe üpwe samolun unusen ei fanü Isip. Kopwe feito rei, nge kosap mang.
1372	GEN 45:13	Oupwe fokun apworausa ngeni semei usun ai nemenem lon Isip, pwal usun meinisin mine oua küna. Oupwe kaila o uwato semei ikei.”
1383	GEN 45:24	Mürin a afeilai pwin kewe. Nge mwen ar feila, a fönöör, “Ousap aninifengen won al.”
1397	GEN 46:10	Simeon me nöün kewe mwän: Jemuel, Jamin, Ohat, Jakin, Sohar me Shaul nöün eman fin Kanaan.
1399	GEN 46:12	Juta me nöün kewe mwän: Er, Onan, Shela, Peres me Sera. Nge Er me Onan ra fen mäla lon ewe fanü Kanaan. Iwe, nöün Peres kewe mwän: Hesron me Hamul.
1407	GEN 46:20	Nge Asenat nöün Potifera, ewe souasoren On, a nöüni me won Josef Manasa me Efraim lon ewe fanü Isip.
1419	GEN 46:32	Üpwe asile ngeni pwe ämi chon fofol man, pun iei ämi angang seni me lom. Oua pwal uwato nöümi pwiin sip me kow me pisekimi meinisin.
1475	GEN 49:1	Iwe, Jakop a köri nöün kewe mwän o üreniir, “Oupwe mwicheto rei pwe üpwe asile ngenikemi mine epwe torikemi lon ekewe fansoun repwe feito.
1476	GEN 49:2	Oupwe chufengen o aüseling, ämi nei kana, oupwe aüselinga aloi.
1479	GEN 49:5	Simeon me Lefi, ämi pwipwi. Oua eäni nöümi ketilas pisekin afeiengau.
1503	GEN 49:29	Mürin, Jakop a fönöü nöün kewe, “Iei üpwe le mäla o churi ai kewe lewo. Oupwe peiaseniei ren semei kewe lon ewe pwangen achau a nom lon ewe tanipin Efron ewe re Hit.
1518	GEN 50:11	Iwe, lupwen ekewe chon Kanaan ra küna ar kechü lon Atat ewe lenien wichiwich umwun wiich, ra apasa, “Oo, iei a fis eu mwichen kechüomong ren chon Isip.” Iei mine ra aita ngeni ewe leni Apel Misraim, a nom ötiuen ewe chanpupu Jortan.
1526	GEN 50:19	Nge Josef a üreniir, “Ousap niuokus, pun ngang üa nom fän nemenien Kot.
1532	GEN 50:25	Mürin, Josef a üreni nöün Israel kewe pwe repwe pwon fän akapel ngeni. Iwe, a apasa, “Oupwe pwon ngeniei pwe ika Kot epwe emwenikemiiwu seni ei fanü, oupwe uwala chüi.”
1543	EXO 1:10	Ou etto, sipwe le sorongaueer pwe resap chüen chomongola. Pun ika maun epwe torikich, repwe eti chon oputach le fiu ngenikich, repwe pwal sü seni fanüach.”
1575	EXO 2:20	Iwe, Setiro a aisini nöün kewe föpwül, “Ifa i ätena? Pwota oua likiti? Oupwe körato pwe epwe mongö rech.”
1637	EXO 5:4	Nge ewe kingen Isip a üreni Moses me Aaron, “Pwota oua mochen uweela ekewe aramas seni ar angang weires? Oupwe feila, föri ämi angang.”
1640	EXO 5:7	“Ousap chüen ngeni ekewe aramas fetilipwas le föri pilak usun me lom, pun repwe feila püsin ioni.
1641	EXO 5:8	Nge repwe chök föri ükükün förier pilak usun me mwan. Ousap fokun akisikisätiu, pun ra chipwang. Iei mine ra apasa lon ar siö, ‘Kopwe mwüt ngenikem pwe aipwe feila o asor ngeni äm we Kot.’
1642	EXO 5:9	Oupwe achouu ar angang. Oupwe angangeer pwe esap wor fansoun ar rongorong kapas chofana.”
1644	EXO 5:11	Oupwe püsin feila o kütfetal fetilipwas, nge iteiten föriemi pilak esap fokun kisikisitiu.’”
1646	EXO 5:13	Iwe, ekewe chon nemenem fän pöchökül ra inemoucheer o apasa, “Oupwe awesöchü ükükün föriemi pilak lon eu me eu rän usun chök me mwan, lupwen a wor ämi fetilipwas.”
1650	EXO 5:17	Nge Farao a pälüeniir, “Oua chök chipwang, oua chök chipwang, iei mine oua apasa, ‘Kopwe mwüt ngenikem pwe äm aipwe feila o asor ngeni ewe Samol mi Lapalap.’
1651	EXO 5:18	Oupwe liwinla iei o angang. Esap wor eman epwe ngenikemi fetilipwas, nge epwe chök wor ükükün föriemi pilak usun me mwan.”
1663	EXO 6:7	Iwe, üpwe nöünikemi pwe oupwe aramasei, nge ngang üpwe ämi Kot. Oupwe silei pwe ngang ewe Samol mi Lapalap ämi we Kot mi emwenikemiiwu seni fän ämi angangochou lon Isip.
1671	EXO 6:15	Nge nöün Simeon kewe mwän: Jemuel, Jamin, Ohat, Jakin, Sohar me Shaul nöün eman fin Kanaan. Ätekei ir än ar kewe cho lewo mi iteni iter.
1682	EXO 6:26	Ikkeiir Aaron me Moses, ätekewe ewe Samol mi Lapalap a kapas ngeniir, “Oupwe emwenawu ekewe aramasen Israel seni lon ewe fanü Isip lon tettelin en me an cho.”