58	GEN 3:2	Nge ewe fefin a pälüeni ewe serepenit, “Äm aia tongeni mongö seni ekewe uän irän ei tanipi.
135	GEN 5:29	A aita ngeni Noa o apasa, “Ätei epwe angasakich seni weiresin angangen pöüch, pokiten ewe pwül a anümamau me ren ewe Samol mi Lapalap.”
578	GEN 23:6	“Äm samol, kopwe aüselingakem. En eman samol mi lap leim. Kopwe peiaseni om we somä lon eu äm lenien peias mi mürina seni meinisin. Ese wor eman leim epwe amwöchü senuk an lenien peias ika epetuk seni om kopwe peiaseni om we somä.”
642	GEN 24:50	Mürin, Lapan me Petuel ra pälüeni, “Ei mettoch a pop seni ewe Samol mi Lapalap. Äm aisap tongeni filätä och me lükün ei.
725	GEN 26:32	Iwe, lon ewe chök ränin, nöün Isaak kewe chon angang ra feito ren, ra apworausa ngeni usun ewe chönüttu ra tuw o apasa, “Äm aia küna koluk.”
800	GEN 29:4	Iwe, Jakop a üreni ekewe chon mas, “Pwii kana, ia oua feito me ie?” Nge ra pälüeni, “Äm aia feito seni Haran.”
804	GEN 29:8	Nge ra pälüeni, “Äm aisap tongeni föri ei are ekewe pwiin man resamwo chufengen meinisin. Mürin, aipwe akulu ewe fau seni leawen ewe chönüttu o aünü ekewe sip.”
880	GEN 31:6	Ämi oua silei pwe üa angangöch ngeni sememi we ren unusen ai tufich.
927	GEN 31:53	Än Apraham me Nahor we Kot, än semer we Kot epwe souapwüng lefilach.” Mürin, Jakop a pwon fän akapel fän iten ewe chök Kot Isaak a niueiti, pwe epwe apwönüetä ewe pwon.
995	GEN 34:14	Iwe, ra üreni, “Äm aisap tongeni mwüt ngeni eman esap sirkomsais pwe epwe pwülüeni fefinem, pun aipwe itengau ren.
1011	GEN 34:30	Mürin, Jakop a üreni Simeon me Lefi, “Ämi oua ariaföüüei, pun oua föri mine chon ekei fanü, chon Kanaan me chon Peris repwe oputaei ren. Kich sa chokükün. Nge are ra chufengen pwe repwe maun ngenikich, ngang me chon leimwei meinisin aipwe rosola.”
1057	GEN 36:16	Kora, Katam me Amalek. Ätekei ir ekewe samol mwirimwirin Elifas mi nom lon ewe fanü Etom, pwal ir nöün nöün Ata mwän.
1058	GEN 36:17	Nge Reuel nöün Esau we a pwal wor nöün kewe mi samol iter Nahat, Sera, Samma me Missa. Ätekei ir ekewe samol mwirimwirin Reuel mi nom lon ewe fanü Etom, pwal ir nöün nöün Pasemat pwülüen Esau we.
1059	GEN 36:18	Iwe, Oholipama pwülüen Esau a pwal wor nöün kewe mi samol iter Jeus, Jalam me Kora. Ätekei ir ekewe samol mwirimwirin Oholipama pwülüen Esau nöün Ana we fefin.
1060	GEN 36:19	Ätekei meinisin ir mwirimwirin Esau, a pwal iteni Etom, nge pwal ir ar kewe samol.
1062	GEN 36:21	Tison, Eser me Tisan. Ätekei ir ekewe samolun chon Hor nöün Seir kewe mwän mi nom lon ewe fanü Etom.
1071	GEN 36:30	Tison, Eser me Tisan. Ätekei ir ekewe samolun chon Hor lon tettelin ar ainang mi nom lon ewe fanü Etom.
1084	GEN 36:43	Maktiel me Iram. Ätekei ir ekewe samolun Etom lon tettelin en me lenian me lon ewe fanü ra fanüeni. Nge Esau än chon Etom lewo.
1148	GEN 38:28	Nge lupwen a tori an cheuchen fam, eman a sikiwu pöün. Iwe, ewe chon afam a amwöchü pöün, a rii ngeni emwü terech mi par o apasa, “Ätei a akomwen uputiu.”
1153	GEN 39:3	Ätewe a küna pwe ewe Samol mi Lapalap a eti Josef o apwönüetä an angang meinisin a föri.
1181	GEN 40:8	Iwe, ra pälüeni, “Äm aia tan, nge ese wor eman a tongeni awewe ngenikem äm kewe tan.” Nge Josef a üreniir, “Kot chök a tongeni awewei tan. Iwe, oupwe pwäri ngeniei ämi kewe tan.”
1262	GEN 42:9	Iwe, Josef a chechemeni an kewe tan a tana usur o üreniir, “Ämi chon operi fanü. Oua chök feito pwe oupwe operi ia esap wor tümwünün fanüem me ie.”
1264	GEN 42:11	Äm meinisin nöün eman chök mwän. Äm aramas wenechar, nge aisap operi fanü.”
1266	GEN 42:13	Nge ir ra apasa, “Äm noum chon angang aia engol me ruoman pwipwi nöün eman chök mwän lon ewe fanü Kanaan. Ewe setipütür a nom ren semem iei, nge eman a mäla.”
1284	GEN 42:31	Nge äm aia üreni, ‘Äm aramas wenechar, aisap chon operi fanü.
1285	GEN 42:32	Äm aia engol me ruoman pwipwi nöün eman chök sam. Eman a mäla, nge ewe setipütür a chüen nom ren saman lon ewe fanü Kanaan.’
1289	GEN 42:36	Mürin, Jakop semer we a kapas ngeniir, “Ämi oua angei seniei nei kana: Josef ese chüen nom, pwal Simeon ese chüen nom. Nge iei oua pwal mochen uwala Peniamin. Esap chüen ki ngeniei ei riaföü.”
1298	GEN 43:7	Nge ra pälüeni, “Ewe mwän a ais tichik usum me usun äm kewe famili. A pwal ais, ‘Ifa usun sememi, a chüen manau? A pwal wor eman pwimi?’ Äm aia chök pälüeni an kewe kapas ais. Ifa usun, ren met aia tongeni silei, pwe epwe allük ngenikem pwe aipwe uwala pwim?”
1313	GEN 43:22	Nge iei aia pwal uwato moni lükün ewe, pwe aipwe kamö enem. Äm aisap silei iö a uwalong äm we moni lon äm kewe tuk.”
1330	GEN 44:5	Sap iei ewe kap ai samol a akaea le ün, a pwal akaea le asisil? Ämi oua fokun föföringau.’”
1332	GEN 44:7	Nge ra üreni, “Pwota ka eäni ei sokun fos, äm samol? Äm noum chon angang aisap fokun föri ei sokun föför!
1341	GEN 44:16	Mürin, Juta a pälüeni, “Met aipwe tongeni ürenuk, äm samol? Met aipwe pälüeni? Ren met äm aipwe tongeni alletä äm pwüngüöch? Kot a pwärawu äm pwüngingau. Äm meinisin kopwe nöünikem amanau, sap chök ätewe ka küna me ren ewe kap.”
1351	GEN 44:26	Nge äm aia üreni, ‘Äm aisap tongeni feila. Are pwim we setipütür epwe etikem, aipwe feila. Pun aisap tongeni küna mesen ewe mwän, are pwim we setipütür esap etikem.’
1424	GEN 47:3	Iwe, Farao a aisini pwin Josef kewe, “Met ämi angang?” Nge ir ra pälüeni, “Äm noum kei chon angang aia chon fofol man usun chök semem kewe.”
1425	GEN 47:4	Iwe, ra pwal üreni Farao, “Äm aia etto pwe aipwe nonom lon ei fanü, pun ewe lengita a fokun chouiti ewe fanü Kanaan, pwe esap wor fetil fän iten nöüm kewe pwiin man. Iei mine aia tüngor ngonuk, kopwe mwüt ngenikem pwe aipwe nonom lon ewe fanü Kosen.”
1446	GEN 47:25	Iwe, ra apasa, “En ka amanauakem. Äm samol, kose mochen kopwe kirikiröch ngenikem. Farao epwe nöünikem amanau.”
1499	GEN 49:25	Än semom we Kot epwe alisuk, ewe Kot mi Unusen Manaman epwe afeiöchuk ren feiöch seni läng, pwal ren ewe feiöch seni fän pwül. Kopwe feiöch ren chomong man me chomong semirit.
1500	GEN 49:26	Än semom we afeiöch a manaman seni än semelapei kewe afeiöch, a watte seni kiännin ekewe chuk mi nonom tori feilfeilachök. Ekei feiöch repwe nonom womw, en ewe mi imwü seni pwiüm kewe.
1569	EXO 2:14	Ätewe a pälüeni, “Iö a filuketä pwe kopwe samol me souapwüng wom? Ka ekieki pwe kopwe pwal nieila usun om niela ewe re Isip?” Mürin, Moses a niuokus o ekieki, “Ellet, ewe föför a pwä.”
1593	EXO 3:13	Mürin, Moses a kapas ngeni Kot, “Nge ika üpwe churi ekewe aramasen Israel o üreniir, ‘Än ämi kewe lewo we Kot a tinieito remi,’ nge ir repwe aisiniei, ‘Ifa itan?’ iwe, met üpwe pälüeni ngeniir?”
1636	EXO 5:3	Iwe, ra pälüeni, “Än chon Ipru Kot a churikem. Kose mochen mwüt ngenikem pwe äm aipwe saila lon fanüapö lon ükükün ülüngat rän. Pun aipwe asor ngeni äm we Kot ewe Samol mi Lapalap, pwe esap apwüngükem ren mätter ika maun.”
1670	EXO 6:14	Ikkei ir mwänirelan ar kewe cho. Nöün Rupen kewe mwän ewe mwänichien nöün Israel: Hanok, Pallu, Hesron me Karmi. Ätekei ir än ar kewe cho lewo mi iteni iter.
1671	EXO 6:15	Nge nöün Simeon kewe mwän: Jemuel, Jamin, Ohat, Jakin, Sohar me Shaul nöün eman fin Kanaan. Ätekei ir än ar kewe cho lewo mi iteni iter.
1672	EXO 6:16	Ikkei iten nöün Lefi kewe mwän lon tettelin mwirimwirir: Kerson, Kohat me Merari. Ätekei ir än ar kewe cho lewo mi iteni iter. Iwe, ierin manauen Lefi ükükün ipükü ilik me fisu.
1738	EXO 8:23	Äm aipwe fokun sai lon ükükün ülüngat rän lon fanüapö pwe aipwe asor ngeni ewe Samol mi Lapalap äm we Kot, usun a allük ngenikem.”
1787	EXO 10:9	Moses a üreni, “Äm aipwe feila fiti nöüm kükün me chinlap, nöüm mwän me fefin pwal nöüm kewe sip me kow. Pun äm aipwe föri eu chulap ngeni ewe Samol mi Lapalap.”
1789	EXO 10:11	Apwi! Ämi mwän chök oupwe feila o fel ngeni ewe Samol mi Lapalap, pun iei ämi tüngor.” Iwe, ra asüela Moses me Aaron seni fän mesen Farao.
1804	EXO 10:26	Äm aipwe pwal uwei foleniem man. Esap fokun wor eman leir epwe tiwetiu. Äm aipwe püsin angei seni foleniem man fän iten äm fel ngeni ewe Samol mi Lapalap äm we Kot. Äm aisap mwo silei meni sokun man ika ifa ükükün aipwe eäni asor ngeni ewe Samol mi Lapalap, tori aipwe tikeri ewe leni.”
2004	EXO 18:4	Nge iten pwal ewe eman Elieser, pun a apasa, “Än semei we Kot a alisiei o angasaei seni än Farao mochen nieila.”
2479	EXO 33:5	Pun ewe Samol mi Lapalap a fen üreni Moses, “Kopwe üreni ekewe aramasen Israel: Ämi eu mwichen aramas mi ülöförea me tipepöchökül. Ika üpwe etikemi fansoun mochomoch echök, üpwe arosakemiila. Iei mine oupwe ettatiu foutemi iei, pwe üpwe silei mine üpwe föri ngenikemi.”
3284	LEV 19:2	pwe epwe üreni ekewe chon Israel meinisin, “Ämi oupwe pin, pun ngang ewe Samol mi Lapalap ämi Kot üa pin.
3340	LEV 20:21	Nge are eman mwän a pwülüeni pwülüen pwin, ei föför a fokun ngau. Ätewe a turunufasei pwin, iei popun esap wor nöür.
3345	LEV 20:26	Ämi oupwe pin fän itei, pun ngang ewe Samol mi Lapalap üa pin. Üa aimwükemiila seni chon ekewe mwü pwe oupwe nei.
3457	LEV 24:10	Iwe, a wor eman mwän nöün eman fin Israel, nge saman eman re Isip. Ätei a feila lein chon Israel o anini ngeni eman wesewesen re Israel me lon ewe leni ia ra nonom ie.
3523	LEV 25:53	Iwe, epwe usun chök eman chon angang mi mö lon eu me eu ier. Ätewe mi nöüni amanau esap tongeni nemeni fän pöchökül.
3608	NUM 1:3	seni ier rüe feitä mi tongeni fiti maun. Ämi me Aaron oupwe nampaniir lon eu me eu mwich.
3973	NUM 9:7	“Äm aia limengau ren äm atapa eman somä. Pwota äm aisap tongeni eäni ewe asor ngeni ewe Samol mi Lapalap fiti ekewe lusun aramasen Israel lon ewe fansoun mi filitä?”
4024	NUM 10:35	Iwe, iteiten fansoun lupwen ewe pworofel a sai, Moses a apasa, “Äm Samol mi Lapalap, kopwe ütä o atoropasafeili chon pälüenuk, nge ekewe mi oputok repwe sü me mwom.”
4025	NUM 10:36	Nge iteiten fansoun lupwen ewe pworofel a asösö, Moses a apasa, “Äm Samol mi Lapalap, kopwe liwinto ren ekei ngeröüröün chon Israel.”
4103	NUM 13:27	Iwe, ra üreni Moses, “Äm aia tori ewe fanü ia ka tinikeemila ie. Ewe fanü eu fanü mi pwülüöch o fanüeräs, nge iei uan.
4138	NUM 14:29	Ämi oupwe mätiu lon ei fanüapö. Nge esap wor eman me lein iteitemi seni ier rüe feitä mi lal ngeniei,
4150	NUM 14:41	Nge Moses a üreniir, “Pwota oua chök sopwela le purätiu än ewe Samol mi Lapalap allük? Ämi ousap win.
4169	NUM 15:15	Iwe, epwe chök wor eu allük fän itemi me fän iten ekewe chon ekis mi nom remi. Ei epwe eu allük tori feilfeilachök seni eu täppin aramas tori eu täppin. Ämi me ekewe chon ekis oua wewe chök me fän mesen ewe Samol mi Lapalap.
4198	NUM 16:3	Iwe, ra mwichfengen o ü ngeni Moses me Aaron. Iwe, ra üreniir, “Ämi oua kon alapala nemeniemi. Pun unusen ei mwichen aramas a pin, nge ewe Samol mi Lapalap a nom lefiler. Pwota oua püsin atekiakemiitä won än ewe Samol mi Lapalap mwich?”
4200	NUM 16:5	Mürin a üreni Kora me chienan kewe meinisin, “Lesosorun lesor ewe Samol mi Lapalap epwe pwärätä iön nöün pwal iön a pin. Epwe pwal pwärätä iön a mwüt ngeni pwe epwe kan ngeni. Ätewe Kot a filätä epwe kan ngeni.
4202	NUM 16:7	Oupwe uwalong ekkei lor o iseis apach mi pwokus wor fän mesen ewe Samol mi Lapalap. Nge ätewe ewe Samol mi Lapalap epwe filätä, i epwe pin. Ämi kana mwän seni ewe ainangen Lefi oua kon alapala nemeniemi.”
4207	NUM 16:12	Mürin, Moses a titi Tatan me Apiram nöün Eliap kewe mwän. Nge ir ra üra, “Äm aisap feila.
4209	NUM 16:14	Kosap fokun emwenikeemilong lon eu fanü mi pwülüöch o fanüeräs, kosap pwal ngenikem fanü me tanipin wain pwe aipwe fanüeni. Ifa usun, kopwe pwal atupu ekei aramas? Äm aisap feila.”
4211	NUM 16:16	Iwe, Moses a üreni Kora, “Ämi me chienom kewe meinisin, oupwe feito lesor ren ewe imw mangaku ia aramas ra churi Kot ie, ämi pwal Aaron.
4217	NUM 16:22	Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”
4236	NUM 17:6	Nge sorotän ewe rän ekewe aramasen Israel ra lal ngeni Moses me Aaron o apasa, “Ämi oua niela nöün ewe Samol mi Lapalap aramas.”
4257	NUM 17:27	Nge ekewe aramasen Israel ra üreni Moses, “Nengeni, äm aia rosola. Äm aipwe mäla, äm meinisin aipwe mäla.
4259	NUM 18:1	Iwe, ewe Samol mi Lapalap a üreni Aaron, “Ämi me noum kewe mwän pwal chon än semom ainang oupwe mwärelong fän ekewe pupungau mi fis ngeni ewe imw mi pin. Nge ämi me noum kewe mwän oupwe pwal mwärelong fän pupungauen wisemi wisen souasor.
4267	NUM 18:9	Ämi oupwe eni ewe kinikin esap kekila seni ekewe asor mi unusen pin. Seni ekewe lifang meinisin aramas ra uwato rei pwe eu asor mi unusen pin, ese lifilifil ika asoren mongö, ika asoren tipis, ika asoren pupungau, ekei kinikin repwe fän itemi me noum kewe mwän.
4269	NUM 18:11	Pwal iei inetimi: Än ekewe aramasen Israel lifang ra eäni asor, pwal ar kewe asoren assaw meinisin. Ekei asor üa ngenikemi me noum kewe mwän me fefin, pwe inetimi tori feilfeilachök. Iteiten ir mi limöch me lein chon leimwom repwe tongeni mongö seni.
4329	NUM 20:17	Kose mochen kopwe mwüt ngenikem pwe aipwe pwerelong lon fanüom. Äm aisap pwerelong lon om tanipin wiich ika tanipin wain, aisap pwal ün koluk seni ekewe chönüttu. Äm aipwe chök fetal won än ewe king alelap, nge aisap kul ngeni pelifichin ika pelimöngün tori aipwe pwerewu seni fanüom.”
4331	NUM 20:19	Iwe, ekewe aramasen Israel ra üreni, “Äm aipwe chök fetal won ewe alelap. Nge are äm me nöüm man aipwe ün seni om koluk, aipwe möni. Kopwe chök mwüt ngenikem pwe aipwe pwerelong, esap pwal wor och lükün.”
4348	NUM 21:7	Iwe, ekewe aramas ra feito ren Moses o üreni, “Äm aia tipis, pun aia eäni kapasen ü ngenikemi me ewe Samol mi Lapalap. Kopwe tüngor ngeni ewe Samol mi Lapalap pwe epwe angei senikem ekewe serepenit.” Iei mine Moses a iotek fän iten ekewe aramas.
4363	NUM 21:22	“Kose mochen kopwe mwüt ngenikem pwe aipwe pwerelong lon fanüom. Äm aisap kul ngeni om tanipin wiich ika tanipin wain, aisap pwal ün koluk seni ekewe chönüttu. Äm aipwe chök fetal won än ewe king alelap tori aipwe pwerewu seni fanüom.”
4370	NUM 21:29	Feiengauemi chon Moap! A iei sopolomi, ämi aramas mi fel ngeni Kemos. Ämi kot a föri pwe nöümi kewe mwän ra choisä, nge nöümi kewe fefin ra oola ren Sihon ewe kingen chon Amor.
4500	NUM 26:9	Nge nöün Eliap kewe mwän: Nemuel, Tatan me Apiram. Ätekei Tatan me Apiram ra kefilitä seni ewe mwichen aramas pwe nöür nöüwis. Ra ü ngeni Moses me Aaron o eti än Kora mwich le ü ngeni ewe Samol mi Lapalap.
4563	NUM 27:7	“Än nöün Selofehat kewe fefin tüngor a pwüng. Kopwe afanüeer me lein fanüen pwin semer, pun fanüer we won semer epwe toriir.
4685	NUM 31:19	Ämi meinisin mi niela aramas, pwal ämi mi atapa somä, oupwe mwo nonom lükün ewe ia aramas ra nonom ie lon ükükün fisu rän. Oupwe püsin alimöchükemi me ekewe föpwül oua liapeniir lon aülüngatin me afisuen rän.
4692	NUM 31:26	“Ämi me ewe souasor Eleasar pwal mwänirelan ekewe familien ewe mwichen aramas oupwe aleani ekewe aramas me man meinisin ra liapeni.
4715	NUM 31:49	o üreni, “Äm noum chon angang aia aleani ekewe sonfiu mi nom fän nemenemem, nge esap wor eman a mäla me leim.
4736	NUM 32:16	Mürin, ra kanoto ren Moses o apasa, “Äm aipwe chök aüetä tittin sip ikei fän iten nöüm kewe pwiin sip pwal telinimw fän iten pwülüem me nöüm kewe semirit.
4738	NUM 32:18	Äm aisap liwiniti imwem tori ekewe aramasen Israel repwe angei en me fanüan.
4739	NUM 32:19	Äm aisap angei och fanü seniir pekilan ewe chanpupu Jortan. Pun aia fen angei inetim fanü me ötiuen ei chanpupu Jortan.”
4741	NUM 32:21	Ämi mwän meinisin mi molotä ngeni maun oupwe feila pekilan ewe chanpupu Jortan fän emwenien ewe Samol mi Lapalap, tori i epwe asüela chon oputan me mwan.
4745	NUM 32:25	Iwe, chon ekewe ainangen Kat me Rupen ra üreni Moses, “Äm noum chon angang aipwe föri mine en äm samol ka eäni allük.
4751	NUM 32:31	Iwe, chon ekewe ainangen Kat me Rupen ra apasa, “Äm noum chon angang aipwe föri mine ewe Samol mi Lapalap a ürenikem.
4752	NUM 32:32	Äm aipwe feila pekilan ewe chanpupu Jortan o tolong lon ewe fanü Kanaan fän emwenien ewe Samol mi Lapalap pwe aipwe maun. Nge inetim fanü epwe chök nom rem ötiuen ewe chanpupu Jortan.”
4914	DEU 1:20	üa ürenikemi, ‘Ämi oua tori ewe fanüen chon Amor mi chukuchukutä, ewe ia ewe Samol mi Lapalap ach we Kot epwe ngenikich.
4935	DEU 1:41	“Mürin oua üreniei, ‘Äm aia tipis ngeni ewe Samol mi Lapalap. Iei aipwe feila o maun, usun ewe Samol mi Lapalap äm we Kot a allük ngenikem.’ Iwe, iteiten eman me eman mwän me leimi a rietä an pisekin maun ngeni lukalapan o ekieki pwe epwe mecheres an epwe feitä lon ewe fanü mi chukuchukutä.
5007	DEU 4:1	Mürin, Moses a üreni ekewe aramas, “Ämi chon Israel, iei oupwe rongorong ngeni ekewe allük me pwüüng üpwe aiti ngenikemi, oupwe pwal aleasochisiir. Mürin oupwe manau, oupwe pwal tolong o fanüeni ewe fanü ewe Samol mi Lapalap än ämi kewe lewo we Kot epwe ngenikemi.
5018	DEU 4:12	Mürin, ewe Samol mi Lapalap a kapas ngenikemi seni lukalapen ewe ekkei. Ämi oua rongorong ngingin ekewe kapas, nge ousap küna lapalapan. Mi chök wor eu möngüngü.
5056	DEU 5:1	Iwe, Moses a körifengeni chon Israel meinisin o üreniir, “Ämi chon Israel, oupwe aüselinga ekewe allük me pwüüng üpwe aronga ngenikemi ikenai. Oupwe kaiö ekewe allük o tümwünüöchüür, pwe oupwe apwönüretä.
5109	DEU 6:21	Mürin oupwe üreniir, ‘Äm aia nöün Farao amanau me lon Isip, nge ewe Samol mi Lapalap a emwenikeemiwu seni Isip ren pöün mi manaman.
5156	DEU 8:17	Iei mine oupwe afälikemi pwe ousap ekieki lon lelukemi: Äm pöchökül me äm tufich ra atoto äm pisekisek.
5241	DEU 11:31	Ämi oupwe le feila pekilan ewe chanpupu Jortan, pwe oupwe fanüeni ewe fanü ewe Samol mi Lapalap ämi we Kot epwe ngenikemi. Iwe, lupwen oupwe fanüeni o nonom lon,