67	GEN 3:11	Iwe, Kot a aisini, “Iö a asile ngonuk pwe ka selela? Ifa usun, ka mongö seni ewe irä üa allük pwe kosap mongö seni?”
86	GEN 4:6	Mürin, ewe Samol mi Lapalap a aisini Kain, “Pwota ka chou, nge met ka wowongau ren?
87	GEN 4:7	Ifa usun, are ka föri mine a pwüng, üsap etiwa om asor? Nge pokiten ka föri mine a ngau, tipis a operuk lükün asamom. Iwe, a mochen nemenuk, nge en kopwe akufu.”
90	GEN 4:10	Nge ewe Samol mi Lapalap a üreni, “Met ka föri? Chan pwiüm we a köriei seni won pwül.
317	GEN 12:18	Mürin, Farao a körato Apram o apasa, “Pwota ka föri ngeniei ei sokun? Pwota kosap asile ngeniei pwe neminei pwülüom?
318	GEN 12:19	Pwota ka apasa pwe neminei fefinom? Ina popun üa angei pwe pwülüei. Kopwe angei pwülüom ei o sü seniei.”
328	GEN 13:9	Ifa usun, esap suk ngonuk unusen ei fanü? Kose mochen imwü seniei. Are ka mochen feila pelimöngün ei fanü, ngang üpwe feila pelifichin, nge are ka mochen feila pelifichin, ngang üpwe feila pelimöngün.”
366	GEN 15:5	Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”
415	GEN 17:17	Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”
439	GEN 18:14	Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”
442	GEN 18:17	Mürin, ewe Samol mi Lapalap a apasa, “Pwota üpwe aopa seni Apraham mine üpwe föri?
448	GEN 18:23	Mürin, Apraham a kan ngeni o aisini, “Ifa usun, kopwe wesewesen niela chon pwüng fiti chon pwüngingau?
449	GEN 18:24	Eli epwe wor lime chon pwüng lon ewe telinimw. Kopwe pwal nirela, nge kosap amanaua ewe telinimw fän iten ekewe lime chon pwüng ra nonom lon?
463	GEN 19:5	Iwe, ra kölong ren Lot o apasa, “Ikafa ir ekana mwän ra feito reöm lon ei pwinin? Kopwe emwenirewu pwe aipwe föföringau ngeniir.”
470	GEN 19:12	Nge ekewe ruoman mwän ra aisini Lot, “Ifa usun, mi pwal wor aramasom ikei, pwülüen noum kewe föpwül, are noum ät me nengin, are pwal eman märärum? Kopwe emwenirewu seni lon ei telinimw.
478	GEN 19:20	Nengeni, mi wor eu kükün telinimw, a kanoto pwe üpwe tongeni sülong lon. Kose mochen kopwe mwüt ngeniei pwe üpwe sülong lon. Ifa usun, esap kükün ewe telinimw? Iwe, ikenan üpwe tongeni manau me ie.”
500	GEN 20:4	Nge Apimelek esamwo kon ren. Iei mine a apasa, “Ai Samol, ifa usun, kopwe nieila me aramasei, nge esap wor äm tipis?
501	GEN 20:5	Ifa usun, ätenan esap püsin apasa ngeniei pwe neminan fefinan? Ifa usun, neminan esap pwal apasa pwe mongean ätenan? Iwe, ren wenecharen letipei me limöchün pei ngang üa föri ei sokun föför.”
505	GEN 20:9	Mürin, Apimelek a körato Apraham o üreni, “Met ei ka föri ngenikem? Met ai tipis ngonuk pwe ka awarato eu tipis watte woi pwal won mwüi? Esap wor eman epwe föri ei sokun föför ka föri ngeniei.”
521	GEN 21:7	A pwal üra, “Iö a tongeni ürü ngeni Apraham pwe Sara epwe oupwu semirit? Nge iei üa wesewesen nöüni eman ät ngeni Apraham lon an chinlap.”
531	GEN 21:17	Nge Kot a aüselinga kechüen ewe ät. Iwe, nöün Kot we chon läng a köri Hakar seni lon läng o üreni, “Met ka weires ren, Hakar? Kosap niuokus, pun Kot a aüselinga kechüen ewe ät seni ewe ia a nom ie.
615	GEN 24:23	Mürin a aisini, “Kose mochen üreniei ika en nöün iö? Ifa usun, epwe wor lenien äm asösö lon imwen semom?”
623	GEN 24:31	Iwe, Lapan a üreni, “Kopwe etiei, chon feiöch me ren ewe Samol mi Lapalap. Pwota ka chök ükü ikei? Üa fen amolätä leniom lon imwei, pwal lenien ekewe kamel.”
703	GEN 26:10	Mürin, Apimelek a üra, “Pwota ka föri ngenikem ei sokun? A fokun tongeni fis pwe eman lein ekewe aramas epwe kon ren pwülüom we. Nge en kopwe awarato tipis wom.”
761	GEN 27:33	Iwe, Isaak a fokun chechech o apasa, “Iö chök ewe chon likapich man a uwato liapan rei? Üa mongö meinisin mwen kosamwo feito, üa pwal afeiöchü. Ewer, epwe fokun feiöch.”
766	GEN 27:38	Iwe, Esau a tüngormau ngeni saman we, “Ifa usun, a chök wor eu om feiöch, semei? Kose mochen kopwe pwal afeiöchüei.” Nge Esau a leüömong le kechü.
811	GEN 29:15	Mürin, Lapan a üreni Jakop, “Ifa usun, epwe tufich om kopwe chök angang ngeniei pokiten en aramasei, nge esap wor liwinum? Apwi, kopwe chök pwäri ngeniei ükükün om mochen.”
821	GEN 29:25	Nge lesosor, Jakop a küna pwe a pwülüeni Lea. Iwe, a feila ren Lapan o üreni, “Pwota ka föri ei sokun ngeniei? Ifa usun, üsap angang ngonuk fän iten Rahel? Pwota ka atupuei?”
846	GEN 30:15	Nge Lea a aisini, “Ifa usun, ese naf om angei seniei pwülüei? Ka pwal mochen angei seniei ekewe apelin omung nei we a kini?” Iwe, Rahel a pälüeni, “Ika kopwe ngeniei ekewe apelin omung, Jakop epwe kon reöm lepwin ei.”
900	GEN 31:26	Iwe, Lapan a üreni Jakop, “Pwota ka föri ei pwe ka tükümi seniei om süla o uwala nei kewe fefin usun chök chon oola lon maun?
901	GEN 31:27	Pwota ka süla lemonomon? Pwota kosap asile ngeniei pwe üpwe afeilakemi fän pwapwa me köl, ren tikin keseng me kitar?
902	GEN 31:28	Pwota kosap mwüt ngeniei pwe üpwe mitiri nei kewe fefin me nöür kewe? Ewer, ka chök umwes lon mine ka föri.
910	GEN 31:36	Mürin, Jakop a song o anini ngeni Lapan. Iwe, a kapas ngeni, “Met ai pwüngingau? Are met ai tipis pwe ka tapweriei fän choun om song?
911	GEN 31:37	Iei ka kütta lein ai pisek meinisin. Nge met sokun pisekin lon imwomw ka küna? Kopwe iseis ikei mwen aramasei me aramasom pwe repwe filätä iö leich a pwüng.
917	GEN 31:43	Mürin, Lapan a pälüeni Jakop, “Ekei fefin nei, ekei semirit nei, ekei pwiin man nei. Meinisin mine ka küna ai. Nge met ngang üpwe tongeni föri ikenai ngeni nei kei fefin me nöür kei semirit?
946	GEN 32:18	Iwe, a öüröüra ewe aemanün nöün chon angang, “Are Esau pwii we epwe churuk o aisinuk, ‘Ifa usun, en nöün iö? Ia kopwe feila ie? Nge nöün iö ekewe man ra akom mwom?’,
1004	GEN 34:23	Ifa usun, sisap nöüni nöür man, sisap pwal pisekini pisekir meinisin? Sipwe chök tipeeu ngeniir pwe repwe nonom rech.”
1094	GEN 37:10	Nge lupwen a apworausa an we tan ngeni saman me pwin kewe, saman we a apwüngü o aisini, “Met sokun tan en ka eäni? Ifa usun, äm me inom me pwiüm kewe aipwe wesewesen feito o chapetiu lepwül fän mesom?”
1097	GEN 37:13	Iwe, Israel a üreni Josef, “Ka silei pwe pwiüm kewe ra tümwünü ekewe sip arun Sikem? Etto, üpwe tinukela rer.” Nge Josef a pälüeni, “Ewer, üpwe feila.”
1254	GEN 42:1	Iwe, lupwen Jakop a rong pwe mi wor mongö lon Isip, a üreni nöün kewe mwän, “Pwota oua chök nonom?
1275	GEN 42:22	Nge Rupen a pälüeniir, “Ifa usun, üsap fen ürenikemi pwe ousap föri och tipis ngeni ewe ät? Nge ämi ousap mochen aüselinga aloi. Iei liwinin mine sia föri ngeni a torikich.”
1298	GEN 43:7	Nge ra pälüeni, “Ewe mwän a ais tichik usum me usun äm kewe famili. A pwal ais, ‘Ifa usun sememi, a chüen manau? A pwal wor eman pwimi?’ Äm aia chök pälüeni an kewe kapas ais. Ifa usun, ren met aia tongeni silei, pwe epwe allük ngenikem pwe aipwe uwala pwim?”
1318	GEN 43:27	Nge Josef a aisiniir usun nonomur, mürin a pwal ais, “Ifa usun, a chüen pöchökül sememi we ewe chinlap oua fen kapas usun me mwan? Ifa usun, a chüen manau?”
1320	GEN 43:29	Iwe, lupwen Josef a chimwetä, a küna Peniamin pwin we nöün inan o ais, “Ifa usun, iei i pwimi we setipütür oua fen kapas ngeniei usun? Kot epwe ümöümöch ngonuk, nei.”
1329	GEN 44:4	Nge lupwen resamwo toau seni ewe telinimw, Josef a üreni nöün we chon angang mi tümwünü imwan, “Kopwe müttir tapweri ekewe mwän. Nge lupwen kopwe toriir, kopwe kapas ngeniir, ‘Pwota oua liwini ngau ngeni mürina? Pwota oua soläni än ai samol we kap silifer?
1330	GEN 44:5	Sap iei ewe kap ai samol a akaea le ün, a pwal akaea le asisil? Ämi oua fokun föföringau.’”
1332	GEN 44:7	Nge ra üreni, “Pwota ka eäni ei sokun fos, äm samol? Äm noum chon angang aisap fokun föri ei sokun föför!
1333	GEN 44:8	Ka silei pwe aia fen aliwinato reöm seni ewe fanü Kanaan ewe moni aia küna leawen äm kewe tuk. Pwota äm aipwe tongeni soläni seni imwen om samol silifer ika kolt?
1340	GEN 44:15	Nge Josef a aisiniir, “Pwota oua föri ei sokun föför? Ifa usun, ämi ousap silei pwe ngang eman mwän mi tongeni asisilätä mettoch?”
1341	GEN 44:16	Mürin, Juta a pälüeni, “Met aipwe tongeni ürenuk, äm samol? Met aipwe pälüeni? Ren met äm aipwe tongeni alletä äm pwüngüöch? Kot a pwärawu äm pwüngingau. Äm meinisin kopwe nöünikem amanau, sap chök ätewe ka küna me ren ewe kap.”
1344	GEN 44:19	Ai samol, ka aisinikem äm noum chon angang, ‘Ifa usun, a chüen manau sememi? A pwal wor pwimi?’
1359	GEN 44:34	Pun ifa usun ai üpwe tongeni liwiniti semei, are ewe ät esap etiei? Üsap tongeni küna ewe riaföü epwe tori semei.”
1483	GEN 49:9	Juta, en eman apanen laion! Nei, ka fefeitä o pöchökülela ren liapom. Ka töpworo o konola usun chök eman laion, pwal usun chök eman liefefinin laion. Iö a pwora le apwökuk?
1569	EXO 2:14	Ätewe a pälüeni, “Iö a filuketä pwe kopwe samol me souapwüng wom? Ka ekieki pwe kopwe pwal nieila usun om niela ewe re Isip?” Mürin, Moses a niuokus o ekieki, “Ellet, ewe föför a pwä.”
1575	EXO 2:20	Iwe, Setiro a aisini nöün kewe föpwül, “Ifa i ätena? Pwota oua likiti? Oupwe körato pwe epwe mongö rech.”
1603	EXO 4:1	Mürin, Moses a üra, “Nge ika resap mochen lüküei, resap pwal aüselinga aloi? Met üpwe föri ika repwe apasa, ‘Ewe Samol mi Lapalap esap pwä ngonuk?’”
1613	EXO 4:11	Mürin, ewe Samol mi Lapalap a üreni Moses, “Iö a föri awen aramas? Iö a föri pwe aramas resap tongeni kapas ika rongorong? Iö a föri pwe repwe küna mwer ika repwe chun? Sap ngang ewe Samol mi Lapalap?
1616	EXO 4:14	Mürin, ewe Samol mi Lapalap a song ngeni Moses o üreni, “Ifa usun, esap nom Aaron pwiüm we seni ewe ainangen Lefi? Üa silei pwe a tongeni angöch le kapas. A fen nom won al pwe epwe feito o churuk, nge lupwen epwe künok, epwe pwapwa lon lelukan.
1635	EXO 5:2	Nge Farao a pälüeniir, “Iö na ewe Samol mi Lapalap pwe üpwe aüselinga alon o mwütala Israel? Üsap silei ewe Samol mi Lapalap, üsap pwal mwüt ngeni Israel epwe feila.”
1637	EXO 5:4	Nge ewe kingen Isip a üreni Moses me Aaron, “Pwota oua mochen uweela ekewe aramas seni ar angang weires? Oupwe feila, föri ämi angang.”
1648	EXO 5:15	Mürin ekewe souemwenin angang seni Israel ra feito ren Farao o siö ngeni, “Pwota ka föri iei usun ngenikem äm noum chon angang?
1655	EXO 5:22	Mürin, Moses a sap ngeni ewe Samol mi Lapalap o apasa, “Ai Samol, pwota ka afeiengaua ekei aramas? Pwota mwo chök ke fen akünöüeito ikei?
1737	EXO 8:22	Nge Moses a üra, “Esap öch ika epwe ina usun. Pun ekewe mönün asor aia eäni asor ngeni ewe Samol mi Lapalap äm we Kot ra anioput ngeni chon Isip. Nge ika aia eäni asor ekewe mönün asor mi anioput me fän meser, ifa usun, resap monei ngenikem fau?
1781	EXO 10:3	Iwe, Moses me Aaron ra feila ren Farao o üreni, “Iei alon ewe Samol mi Lapalap än chon Ipru we Kot, ‘Ifa ükükün fansoun om kosap mochen atekisonok me fän mesei? Kopwe mwüt ngeni nei aramas pwe repwe feila o fel ngeniei.
1785	EXO 10:7	Mürin, nöün Farao kewe nöüwis ra aisini Farao, “Ifa ükükün fansoun än ewe mwän epwe afeiengauakich? Kopwe mwüt ngeni ekewe mwän pwe repwe feila o fel ngeni ewe Samol mi Lapalap ar we Kot. Kose mwo silei pwe Isip a tala?”
1895	EXO 14:5	Iwe, lupwen ra apworausa ngeni ewe kingen Isip pwe ekewe aramasen Israel ra sü, Farao me nöün kewe nöüwis ra siwili ar ekiek fän iter. Ra apasa, “Met ei sa föri? Pwota sa mwüt ngeni ekewe chon Israel pwe ra towu seni ar angang ngenikich?”
1901	EXO 14:11	Ra üreni Moses, “Ifa usun, esap wor lenien peias lon Isip, pwe ka emwenikeemiwu pwe aipwe mäla lon fanüapö? Pwota ka föri iei usun ngenikem pwe ka emwenikeemiwu seni Isip?
1902	EXO 14:12	Esap iei usun mine äm aia ürenuk me Isip, pwe kopwe chök likitikeemila pwe aipwe angang ngeni ekewe chon Isip? Pun epwe fen mürina ngenikem pwe ekewe chon Isip repwe nöünikem amanau, lap seni äm aipwe mäla lon fanüapö.”
1905	EXO 14:15	Mürin, ewe Samol mi Lapalap a üreni Moses, “Pwota ka siö ngeniei? Kopwe üreni ekewe aramas pwe repwe chök feila mwer.
1932	EXO 15:11	Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?
1956	EXO 16:8	Moses a pwal üra, “Ewe Samol mi Lapalap epwe ngenikemi fituk lekuniol pwe oupwe ochoch, nge lesosor epwe ngenikemi pilawa ükükün ämi mochen, pun a rongorong ämi lal ngeni. Pun iö äm? Ousap lal ngenikem, pwe oua lal ngeni ewe Samol mi Lapalap.”
1976	EXO 16:28	Mürin, ewe Samol mi Lapalap a üreni Moses, “Ifa ükükün fansoun ämi ousap mochen aleasochisi ai kewe allük me pwüüng?
1986	EXO 17:2	Iei mine ekewe aramas ra anini ngeni Moses o üreni, “Kopwe aünükem koluk.” Iwe, Moses a üreniir, “Pwota oua anini ngeniei? Pwota oua sotuni ewe Samol mi Lapalap?”
1987	EXO 17:3	Nge ekewe aramas ra fokun kakan koluk, pwe ra lal ngeni Moses o apasa, “Pwota ka emwenikeemiwu seni Isip? Ifa usun, kopwe niikem me nöüm pwal nöüm pwiin man ren om emwenikeemito lon ei leni ese wor koluk lon?”
1988	EXO 17:4	Iwe, Moses a siö ngeni ewe Samol mi Lapalap, “Met üpwe föri ngeni ekei aramas? Arapakan chök ar repwe monei ngeniei fau.”
2014	EXO 18:14	Iwe, lupwen semen pwülüen Moses a küna meinisin mine Moses a föri fän iten ekewe aramas, a aisini, “Met ei ka föri fän iten ekewe aramas? Pwota ka mot akaleman le eäni kapwüng, nge ekewe aramas ra ütä ünükum seni lesosor tori lekuniol?”
2141	EXO 22:26	Pun ina chök üfan a pwölü ngeni inisin. Met chök epwe chenikameni le annut? Nge are epwe siö ngeniei, üpwe rongorong, pun üa eäni tong.
2450	EXO 32:11	Nge Moses a tütüngor ngeni an we Kot ewe Samol mi Lapalap fän iten ekewe chon Israel o apasa, “Ai Samol mi Lapalap, pwota ka fokun song ngeni noum kei aramas ka emwenirewu seni lon ewe fanü Isip ren om manaman, pwal ren poum mi fokun manaman?
2465	EXO 32:26	Mürin, Moses a ütä leasamalapen lenier we o leüömong le kökkö, “Iön pekin ewe Samol mi Lapalap? Oupwe feito rei.” Iwe, ekewe mwän meinisin seni ewe ainangen Lefi ra mwicheto ren.
2490	EXO 33:16	Ren met epwe pwä pwe aia küna ümöümöch me reöm, äm me noum aramas? Ifa usun, esap pwä, lupwen ka püsin etikem? Ren ei äm me noum aramas aipwe sokola seni aramas meinisin won fanüfan.”
2995	LEV 10:17	“Pwota ousap ochoch fituken ewe mönün asoren tipis lon ewe leni mi pin? Pun ei mettoch a unusen pin, a ainet ngenikemi pwe oupwe uwei föföringauen ewe mwichen aramas ren ämi föri asoren amusamusen tipis fän iter fän mesen ewe Samol mi Lapalap.
4036	NUM 11:11	Iwe, Moses a aisini ewe Samol mi Lapalap, “Pwota ka aweiresiei ngang noum chon angang? Pwota kosap ümöümöch ngeniei pwe ka fen uwätä woi weiresin tümwünün ekei aramas meinisin?
4037	NUM 11:12	Ifa usun, upun woi ir meinisin? Ir nei, pwe kopwe üreniei pwe üpwe pwisiir lepei usun eman chon tümwün a pwisi eman mönükol mi chüen oupw? Ifa usun, üpwe pwisirelong lon ewe fanü ka pwon ngeni ar kewe lewo pwe kopwe ngeniir?
4038	NUM 11:13	Ia üpwe küt me ie fituk pwe üpwe ngeni ekei aramas meinisin? Pun ra lal ngeniei o üra, ‘Kopwe ngenikem fituk pwe aipwe ochoch.’
4043	NUM 11:18	Iwe, kopwe üreni ekewe aramas, ‘Oupwe apinikemi fän iten lesor pwe oupwe ochoch fituk. Pun ewe Samol mi Lapalap a rongorong ämi lal pwal ämi apasa: Iö epwe ngenikem ochäm fituk? Pun aia nonomöch lon Isip. Iei mine ewe Samol mi Lapalap epwe ngenikemi fituk pwe oupwe ochoch.
4047	NUM 11:22	Ifa usun, epwe naf ekewe pwiin sip me kow, pwe repwe ninnila fän iter? Ika epwe naf ngeniir ikenen leset meinisin?”
4048	NUM 11:23	Nge ewe Samol mi Lapalap a pälüeni Moses, “Ifa usun, a aükük ai manaman? Iei kopwe küna ika ai kapas ngonuk epwe fis ika esap fis.”
4054	NUM 11:29	Nge Moses üreni, “Ifa usun, ka apangau won wisei? Amwo, nöün ewe Samol mi Lapalap aramas meinisin repwe soufos, pwe epwe anomu Ngünün wor.”
4062	NUM 12:2	Ra apasa, “Ifa usun, ewe Samol mi Lapalap a chök wesewesen fos ngeni Moses? Esap pwal fos ngenikich?” Iwe, ewe Samol mi Lapalap a rong ei fos.
4074	NUM 12:14	Nge ewe Samol mi Lapalap a üreni Moses, “Ifa usun, are saman a atufa mesan, neminewe esap säw lon ükükün fisu rän? Epwe kaimwüla lükün ewe ia oua nonom ie lon ükükün fisu rän, mürin a tongeni liwinsefäl.”
4112	NUM 14:3	Pwota ewe Samol mi Lapalap a emwenikeemito lon ei fanü pwe aipwe mäla lon maun, nge pwülüem me nöüm kewe semirit repwe oola? Epwe fen öch äm aipwe liwinsefäliti Isip.”
4120	NUM 14:11	Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?
4122	NUM 14:13	Nge Moses a üreni ewe Samol mi Lapalap, “En ka emwenawu ekei aramas seni Isip fän om manaman. Epwe ifa usun, ika ekewe chon Isip repwe rongorong usun mine ka föri ngeniir?
4136	NUM 14:27	“Ifa ükükün fansoun än ei mwichen aramasangau lal ngeniei? Üa ku ren ai rongorong än ekei aramas lal ngeniei.
4150	NUM 14:41	Nge Moses a üreniir, “Pwota oua chök sopwela le purätiu än ewe Samol mi Lapalap allük? Ämi ousap win.
4204	NUM 16:9	Ifa usun, esap naf ngenikemi pwe än chon Israel we Kot a aimwükemi seni ewe mwichen chon Israel, a pwal mwüt ngenikemi pwe oupwe kan ngeni o föri angangen lon än ewe Samol mi Lapalap imwenfel seni mangaku? Oua pwal ü mwen ewe mwichen aramas pwe oupwe angang ngeniir.
4208	NUM 16:13	Ifa usun, esap naf me reöm pwe ka emwenikeemiwu seni ewe fanü mi pwülüöch o fanüeräs, pwe kopwe nikem lon ewe fanüapö? Ifa usun, kopwe pwal seikuketä pwe kopwe samol wom?
4209	NUM 16:14	Kosap fokun emwenikeemilong lon eu fanü mi pwülüöch o fanüeräs, kosap pwal ngenikem fanü me tanipin wain pwe aipwe fanüeni. Ifa usun, kopwe pwal atupu ekei aramas? Äm aisap feila.”
4316	NUM 20:4	Pwota oua emwenato nöün ewe Samol mi Lapalap mwichen aramas lon ei fanüapö pwe aipwe mäla ikei, äm me nöüm kewe man?
4346	NUM 21:5	o eäni kapasen ü ngeni Kot me Moses. Ra apasa, “Pwota ka emwenikeemiwu seni Isip pwe aipwe mäla lon ewe fanüapö? Pun esap wor mongö ikei, esap pwal wor koluk, nge äm aia noow ei mongö esap ngünü.”