438	GEN 18:13	Mürin, ewe Samol mi Lapalap a üreni Apraham, “Pwota Sara a takir o ekieki lon lelukan, ‘Ifa usun, üpwe wesewesen tongeni nöünöü lon ai chinlap?’
509	GEN 20:13	Nge lupwen Kot a aiti ngeniei pwe üpwe feila seni imwen semei o siamüfetal, üa üreni pwülüei we, ‘Iei usun kopwe pwäri om kirikiröch ngeniei. Lon ekewe leni meinisin sia tori kopwe apasa pwe ngang mongeom.’”
606	GEN 24:14	Iwe, amwo epwe iei usun: Are üpwe tüngor ngeni eman föpwül, ‘Kose mochen apäa om na rume pwe üpwe ünümi ekis koluk seni,’ nge i epwe üra, ‘Kopwe ün, nge üpwe pwal aünü noum kewe kamel,’ neminewe epwe ina i ewe ka filätä pwe pwülüen noum we chon angang Isaak. Ren ei ngang üpwe silei pwe ka eäni kirikiröch ngeni ai we samol.”
629	GEN 24:37	Ai samol a üreniei pwe üpwe pwon fän akapel ngeni. Iwe, a apasa, ‘Kosap tüngor pwülüen nei we me lein ekewe fin Kanaan, ewe ia üa nonom ie.
631	GEN 24:39	Nge ngang üa üreni ai samol, ‘Eli ewe föpwül esap mochen etieito.’
632	GEN 24:40	Iwe, a üreniei, ‘Ewe Samol mi Lapalap üa aleasochis ngeni epwe tinato nöün chon läng pwe epwe etuk o afeiöchü om sai. Kopwe angei eman pwülüen nei we alüal seni aramasen semei.
634	GEN 24:42	Iwe, lupwen üa tori ünükün ewe chönüttu ikenai, üa iotek, ‘Ai Samol mi Lapalap, än ai samol Apraham we Kot, kose mochen afeiöchü ai ei sai.
637	GEN 24:45	Iwe, mwen üsamwo wes le iotek lon lelukei, Repeka a feito o uwei an we rumen koluk won afaran. A tötiu lon ewe chönüttu pwe epwe üfüf koluk. Iwe, ngang üa tüngor ngeni, ‘Kose mochen kopwe aünüei.’
638	GEN 24:46	Iwe, a müttir isetiu an we rume seni won afaran o apasa, ‘Kopwe ün, nge üpwe pwal aünü noum kewe kamel.’ Iwe, üa ün, nge a pwal aünü ekewe kamel.
639	GEN 24:47	Mürin üa aisini, ‘En nöün iö?’ Iwe, a pälüeni, ‘Ngang nöün Petuel, nge semei nöün Milka pwülüen Nahor we.’ Mürin üa apachätä ewe ring won pwötün o anomu ekewe lälä won pöün.
735	GEN 27:7	‘Kopwe uwato eman manmwacho rei o föri och mongö mi anö fän itei pwe üpwe mongö. Pun üa mochen afeiöchuk me fän mesen ewe Samol mi Lapalap mwen ai üpwe mäla.’
882	GEN 31:8	Are a apasa, ‘Ekewe man mi tiketik repwe liwinin om angang,’ mürin ekewe man meinisin ra nöünöü mi tiketik. Nge are a apasa, ‘Ekewe man mi mwakelekel repwe liwinin om angang,’ mürin ekewe man meinisin ra nöünöü mi mwakelekel.
885	GEN 31:11	Iwe, nöün Kot we chon läng a köriei lon ai tan, ‘Jakop.’ Nge ngang üa apasa, ‘Ngang iei.’
886	GEN 31:12	Iwe, ewe chon läng a pwal apasa, ‘Kopwe nenengeni ekewe ätemwänin kuuch meinisin mi pwülüeni ekewe man ra mwakelekel me tiketik pwal chükelekel. Pun ngang üa küna meinisin mine Lapan a föri ngonuk.
903	GEN 31:29	Iwe, ngang üa tongeni afeiengauok. Nge än semom we Kot a üreniei lepwin ewe, ‘Kopwe fokun föröchü pwe kosap kapas pöchökül ngeni Jakop.’
938	GEN 32:10	Mürin, Jakop a iotek, “Ai Samol mi Lapalap, en än semei Apraham me Isaak we Kot, en ka üreniei, ‘Kopwe liwiniti fanüom pwal aramasom, nge ngang üpwe atoto feiöch womw.’
946	GEN 32:18	Iwe, a öüröüra ewe aemanün nöün chon angang, “Are Esau pwii we epwe churuk o aisinuk, ‘Ifa usun, en nöün iö? Ia kopwe feila ie? Nge nöün iö ekewe man ra akom mwom?’,
947	GEN 32:19	mürin kopwe pälüeni, ‘Ir meinisin nöün noum we chon angang Jakop. A tinireto pwe an lifang ngeni an samol Esau. Nge Jakop a pwal tapweto mürim.’”
949	GEN 32:21	Nge oupwe pwal üreni, ‘Noum chon angang Jakop a tapweto mürim.’” Pun Jakop a ekieki, “Eli ewe lifang a akom mwei epwe chäri pwii. Mürin, lupwen üpwe küna mesan, eli epwe chä ngeniei.”
1284	GEN 42:31	Nge äm aia üreni, ‘Äm aramas wenechar, aisap chon operi fanü.
1286	GEN 42:33	Iwe, ewe mwän, i samolun ewe fanü, a pälüenikem, ‘Iei usun üpwe alletä ika ämi aramas wenechar. Oupwe likitala rei eman pwimi, nge ämi kewe lusun oupwe feila o uwala wiich ren ämi famili mi echik.
1298	GEN 43:7	Nge ra pälüeni, “Ewe mwän a ais tichik usum me usun äm kewe famili. A pwal ais, ‘Ifa usun sememi, a chüen manau? A pwal wor eman pwimi?’ Äm aia chök pälüeni an kewe kapas ais. Ifa usun, ren met aia tongeni silei, pwe epwe allük ngenikem pwe aipwe uwala pwim?”
1329	GEN 44:4	Nge lupwen resamwo toau seni ewe telinimw, Josef a üreni nöün we chon angang mi tümwünü imwan, “Kopwe müttir tapweri ekewe mwän. Nge lupwen kopwe toriir, kopwe kapas ngeniir, ‘Pwota oua liwini ngau ngeni mürina? Pwota oua soläni än ai samol we kap silifer?
1344	GEN 44:19	Ai samol, ka aisinikem äm noum chon angang, ‘Ifa usun, a chüen manau sememi? A pwal wor pwimi?’
1347	GEN 44:22	Nge äm aia ürenuk, äm samol, ‘Ewe ät esap tongeni likitala saman, pun are epwe likitala, saman we epwe mäla.’
1348	GEN 44:23	Mürin, ka ürenikem äm noum kei chon angang, ‘Ousap chüen tongeni küna mesei, are ousap uwato pwimi we setipütür rei.’
1350	GEN 44:25	Mürin, semem we a ürenikem, ‘Oupwe liwinsefälila Isip pwe oupwe kamö ekis anach mongö.’
1351	GEN 44:26	Nge äm aia üreni, ‘Äm aisap tongeni feila. Are pwim we setipütür epwe etikem, aipwe feila. Pun aisap tongeni küna mesen ewe mwän, are pwim we setipütür esap etikem.’
1352	GEN 44:27	Mürin, semem noum we chon angang a ürenikem, ‘Oua silei pwe Rahel pwülüei we a chök nöüni ngeniei ruoman ät.
1368	GEN 45:9	Oupwe kaila ren semei we o asile ngeni pwe iei alon Josef nöün we, ‘Kot a seikieitä pwe üpwe samolun unusen ei fanü Isip. Kopwe feito rei, nge kosap mang.
1420	GEN 46:33	Nge lupwen Farao epwe körikemiito o ais, ‘Met ämi angang?’,
1456	GEN 48:4	Iwe, a kapas ngeniei, ‘Üpwe aupwuk o achomongok pwe kopwe wiliti eu mwichen aramas mi chomong, üpwe pwal ngeni mwirimwirum kana ei fanü pwe repwe fanüeni tori feilfeilachök.
1472	GEN 48:20	Iwe, lon ewe chök ränin a afeiöchüür o apasa, “Chon Israel repwe eäni kapasen afeiöch itemi, pun repwe apasa, ‘Kot epwe föri ngonuk usun chök a föri ngeni Efraim me Manasa.’” Iei usun Jakop a akomwa Efraim mwen Manasa.
1524	GEN 50:17	‘Kose mochen kopwe amusala än pwiüm kewe föföringau, pun ra tipis ren mine ra föri ngonuk.’ Iwe, iei aia tüngor ngonuk, ika kose mochen kopwe amusala ewe föföringau äm chon angang ngeni än semom we Kot aia föri.” Iwe, lupwen ar kapas ngeni, Josef a kechü.
1593	EXO 3:13	Mürin, Moses a kapas ngeni Kot, “Nge ika üpwe churi ekewe aramasen Israel o üreniir, ‘Än ämi kewe lewo we Kot a tinieito remi,’ nge ir repwe aisiniei, ‘Ifa itan?’ iwe, met üpwe pälüeni ngeniir?”
1594	EXO 3:14	Nge Kot a üreni Moses, “Ngang ngang echök. Iei usun mine kopwe üreni ekewe aramasen Israel, ‘Ewe mi iteni Ngang a tinieito remi.’”
1596	EXO 3:16	Iwe, kopwe feila o achufengeni ekewe souakomwen Israel, kopwe üreniir: Ewe Samol mi Lapalap, än ämi kewe lewo Apraham, Isaak me Jakop we Kot a pwä ngeniei o üreniei, ‘Üa nenengenikemi o küna mine a fis ngenikemi lon Isip.
1598	EXO 3:18	Iwe, repwe aüselinga om kapas, mürin ämi me ekewe souakomwen Israel oupwe feila ren ewe kingen Isip o üreni, ‘Ewe Samol mi Lapalap än chon Ipru we Kot a churikem. Iei aia tüngor ngonuk pwe kopwe mwüt ngenikem pwe aipwe saila lon fanüapö ükükün ülüngat rän, pun aipwe asor ngeni äm we Kot ewe Samol mi Lapalap.’
1603	EXO 4:1	Mürin, Moses a üra, “Nge ika resap mochen lüküei, resap pwal aüselinga aloi? Met üpwe föri ika repwe apasa, ‘Ewe Samol mi Lapalap esap pwä ngonuk?’”
1624	EXO 4:22	Mürin, en kopwe kapas ngeni Farao, ‘Iei alon ewe Samol mi Lapalap: Israel nei mwänichi.
1634	EXO 5:1	Mürin, Moses me Aaron ra feila ren Farao o üreni, “Iei alon ewe Samol mi Lapalap ewe Koten Israel, ‘Kopwe mwüt ngeni nei aramas pwe repwe feila o föri eu chulap fän itei lon fanüapö.’”
1641	EXO 5:8	Nge repwe chök föri ükükün förier pilak usun me mwan. Ousap fokun akisikisätiu, pun ra chipwang. Iei mine ra apasa lon ar siö, ‘Kopwe mwüt ngenikem pwe aipwe feila o asor ngeni äm we Kot.’
1643	EXO 5:10	Mürin ekewe chon nemenem fän pöchökül me ekewe souemwenin angang ra feila ren ekewe aramas o üreniir, “Iei alon Farao, ‘Üsap chüen ngenikemi fetilipwas.
1650	EXO 5:17	Nge Farao a pälüeniir, “Oua chök chipwang, oua chök chipwang, iei mine oua apasa, ‘Kopwe mwüt ngenikem pwe äm aipwe feila o asor ngeni ewe Samol mi Lapalap.’
1662	EXO 6:6	Iei mine kopwe üreni ekewe aramasen Israel, ‘Ngang ewe Samol mi Lapalap. Üpwe emwenikemiiwu seni fän ämi angangochou ngeni chon Isip, üpwe pwal angasakemi seni ar nöünikemi amanau o amanauakemi fän pei mi manaman pwal ren apwüng mi lapalap.
1695	EXO 7:9	“Ika Farao epwe ürenikemi, ‘Oupwe alükülükü wisemi ren ämi oupwe föri manaman,’ en kopwe üreni Aaron, ‘Kopwe angei wokum o monetiu fän mesen Farao pwe epwe wiliti eman serepenit.’”
1702	EXO 7:16	Iwe, kopwe üreni, ‘Ewe Samol mi Lapalap, än chon Ipru we Kot a tinieito reöm pwe üpwe ürenuk, “Kopwe mwüt ngeni nei aramas pwe repwe feila o fel ngeniei lon fanüapö. Nge tori iei kosap mwo aüselingaei.”
1712	EXO 7:26	Mürin, ewe Samol mi Lapalap a üreni Moses, “Kopwe feila ren Farao o kapas ngeni, ‘Iei alon ewe Samol mi Lapalap, “Kopwe mwüt ngeni nei aramas pwe repwe feila o fel ngeniei.
1731	EXO 8:16	Mürin, ewe Samol mi Lapalap a üreni Moses, “Kopwe pwätä lesosorusich o feila souni Farao, lupwen epwe feila ren ewe koluk. Iwe, kopwe üreni, ‘Iei alon ewe Samol mi Lapalap: Kopwe mwüt ngeni nei aramas repwe feila pwe repwe fel ngeniei.
1744	EXO 9:1	Mürin, ewe Samol mi Lapalap a üreni Moses, “Kopwe feila ren Farao o kapas ngeni, ‘Iei alon ewe Samol mi Lapalap än chon Ipru we Kot, “Kopwe mwüt ngeni nei aramas pwe repwe feila o fel ngeniei.
1756	EXO 9:13	Mürin, ewe Samol mi Lapalap a üreni Moses, “Kopwe pwätä lesosorusich pwe kopwe ütä fän mesen Farao o kapas ngeni, ‘Iei alon ewe Samol mi Lapalap än chon Ipru we Kot, “Kopwe mwüt ngeni nei aramas pwe repwe feila o fel ngeniei.
1781	EXO 10:3	Iwe, Moses me Aaron ra feila ren Farao o üreni, “Iei alon ewe Samol mi Lapalap än chon Ipru we Kot, ‘Ifa ükükün fansoun om kosap mochen atekisonok me fän mesei? Kopwe mwüt ngeni nei aramas pwe repwe feila o fel ngeniei.
1815	EXO 11:8	Iwe, Moses a sopwela le kapas, “Noum kei nöüwis meinisin repwe feito rei, repwe chapetiu fän mesei o tüngor rei, ‘Oupwe feila, en me ekana aramas meinisin ka wisen emweniir.’ Mürin üpwe feila.” Iwe, Moses a feila seni Farao fän watten an song.
1843	EXO 12:26	Pun lupwen nöümi repwe aisinikemi, ‘Met wewen ei angang?’,
1844	EXO 12:27	oupwe üreniir, ‘Iei asorun än ewe Samol mi Lapalap Pasofer. Pun a lus me won imwen ekewe aramasen Israel lon Isip, lupwen a niela ekewe re Isip, nge esap niikich.’” Mürin, ekewe aramas ra chapetiu o fel ngeni Kot.
1876	EXO 13:8	Lon ewe rän oupwe awewei ngeni en me nöün mwän, ‘Iei achechemenien usun mine ewe Samol mi Lapalap a föri ngeniei, lupwen üa towu seni Isip.’
1882	EXO 13:14	Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.
1930	EXO 15:9	Ewe chon oputakem a apasa, ‘Üpwe tapweriir, üpwe liapeniir o ineti liapei, üpwe ameseikaei wor. Iwe, üpwe üttawu nei ketilas, pei epwe aroserela.’
1960	EXO 16:12	“Üa rongorong än ekewe aramasen Israel lal. Kopwe üreniir, ‘Lefäf oupwe ochoch fituk, nge lesosor oupwe mongö pilawa ükükün mötümi. Mürin oupwe silei pwe ngang ewe Samol mi Lapalap ämi we Kot.’”
1964	EXO 16:16	Iei usun ewe Samol mi Lapalap a allük, ‘Oupwe ionifengeni ei mettoch iteiten eman me eman ükükün anan. Oupwe angei ina epwe ükükün masouen esop kalon fän iten eu pöpön mökür lon en me imwan imw mangaku.’”
1980	EXO 16:32	Moses a üra, “Iei usun mine ewe Samol mi Lapalap a allük, ‘Oupwe iseis ei mongö ükükün masouen esop kalon, epwe nom pwe mwirimwirimi repwe küna ei mongö üa amongöü ngenikemi lon fanüapö, lupwen üa emwenikemiiwu seni Isip.’”
1999	EXO 17:15	Iwe, Moses a senätä eu rongen asor o aita ngeni ‘Ewe Samol mi Lapalap ai filaik’ .
2031	EXO 19:4	‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.
2039	EXO 19:12	Iwe, kopwe föri eu kiä pwelin ünükün ewe chuk o üreniir, ‘Oupwe afälikemi pwe ousap feitä won ewe chuk ika arap ngeni kiännin. Pun iö epwe ipwetä won ewe chuk epwe fokun mäla.
2083	EXO 21:5	Nge are ewe chon angang epwe apasa, ‘Üa tongei ai samol pwal pwülüei me nei, üsap mochen ngasala,’
2330	EXO 28:36	Iwe, kopwe angei kolt mi mürina o achöpöpü, kopwe pwal ruputi ekei kapas won usun rupun won ringen pwau, ‘A pin me ren ewe Samol mi Lapalap’.
2414	EXO 30:31	Iwe, kopwe üreni ekewe chon Israel, ‘Ei lö ai löön epit mi pin, epwe pin ngenikemi seni eu täppin aramas tori eu täppin.
2434	EXO 31:13	“Kopwe üreni ekewe aramasen Israel, ‘Oupwe apini ai ränin sapat, pun epwe eu asisil lefilei me ämi seni eu täppin aramas tori eu täppin. Ren ei oupwe silei pwe ngang ewe Samol mi Lapalap üa apinikemi.
2447	EXO 32:8	Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’
2451	EXO 32:12	Ifa usun, ka mochen pwe ekewe chon Isip repwe apasa, ‘A chök emwenirewu, pun a ekiekin afeiengaueer. A mochen nirela won ekewe chuk o aroserela seni won fanüfan?’ Kopwe likitala om song mi pöchökül, kopwe pwal siwili om ekiekin afeiengaua noum kewe aramas.
2462	EXO 32:23	Pun ra apasa ngeniei, ‘Kopwe föri ngenikem uluulun eman kot epwe akom mwem. Pun aisap silei mine a fis ngeni Moses, ewe mwän mi emwenikichewu seni ewe fanü Isip.’
2463	EXO 32:24	Iei mine üa üreniir, ‘Iteiten eman me eman mi wor an fout seni kolt epwe uttawu.’ Mürin ra ngeniei ar kewe kolt, nge ngang üa atururolong lon ekkei. Iwe, a fis ei uluulun kow.”
2486	EXO 33:12	Iwe, Moses a üreni ewe Samol mi Lapalap, “Nengeni, ka kapas ngeniei pwe üpwe emwenala ekei aramas ngeni ewe fanü, nge kosap asile ngeniei iö kopwe tini pwe epwe etiei. Nge ka fen üreniei, ‘Üa sileek, ka pwal küna ümöümöch me rei.’
2493	EXO 33:19	Iwe, Kot a üreni, “Üpwe awora ai kirikiröch pwe epwe akom mwom, üpwe pwal asilefeili me mwom itei we ‘Samol mi Lapalap’. Iwe, üpwe ümöümöch ngeni iö üa mochen ümöümöch ngeni, üpwe pwal eäni tong ngeni iö üa mochen eäni tong ngeni.
3000	LEV 11:2	“Oupwe üreni ekewe aramasen Israel, ‘Ikkei ir ekewe mönümanau oua tongeni ochoch me lein man meinisin won fanüfan:
3147	LEV 14:35	ätewe imwan ewe epwe feito o asile ngeni ewe souasor, ‘Üa küna och me lon imwei mi usun chök nuumw.’
3373	LEV 22:3	Iwe, kopwe üreniir, ‘Are eman me lein mwirimwirimi a kan ngeni ekewe asor mi pin ekewe aramasen Israel ra apini fän itei, lupwen a wor an limengau, ewe aramas esap chüen tongeni föri ewe angangen souasor. Ei epwe fis seni eu täppin aramas tori eu täppin. Ngang ewe Samol mi Lapalap.
3490	LEV 25:20	Nge are oupwe ais, ‘Meta aipwe eni lon ewe afisuen ier, are aisap tongeni fofot ika ionifengeni uän ekewe irä?’
3812	NUM 5:19	Mürin, ewe souasor epwe üreni ewe fefin pwe epwe tipeeu ngeni ewe pwon fän akapel i epwe eäni ngeni. Epwe apasa, ‘Are kosap lisowu ngeni eman o alimengauok lupwen om ei pwüpwülü, kosap feiengau ren ewe anümamau ewe koluk mi maras a atoto.
3815	NUM 5:22	Iwe, ei koluk mi atoto anümamau epwe tolong leutum pwe lukom epwe pwo, kopwe pwal rit.’ Iwe, ewe fefin epwe pälüeni, ‘Üa tipeeu ngeni. Epwe fis iei usun.’
3848	NUM 6:24	‘Ewe Samol mi Lapalap epwe afeiöchükemi o tümwünükemi,
4038	NUM 11:13	Ia üpwe küt me ie fituk pwe üpwe ngeni ekei aramas meinisin? Pun ra lal ngeniei o üra, ‘Kopwe ngenikem fituk pwe aipwe ochoch.’
4043	NUM 11:18	Iwe, kopwe üreni ekewe aramas, ‘Oupwe apinikemi fän iten lesor pwe oupwe ochoch fituk. Pun ewe Samol mi Lapalap a rongorong ämi lal pwal ämi apasa: Iö epwe ngenikem ochäm fituk? Pun aia nonomöch lon Isip. Iei mine ewe Samol mi Lapalap epwe ngenikemi fituk pwe oupwe ochoch.
4125	NUM 14:16	‘Pokiten ewe Samol mi Lapalap esap tongeni emwenalong ekewe aramas lon ewe fanü a pwon pwe epwe ngeniir, iei mine a nirela lon ewe fanüapö.’
4127	NUM 14:18	‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’
4137	NUM 14:28	Oupwe üreniir pwe iei aloi ngang ewe Samol mi Lapalap, ‘Mwo manauei, mine oua apasa, iei üpwe föri ngenikemi.
4424	NUM 23:7	Mürin, Palam a popuetä an kapasen osuni o üra, “Palak ewe kingen Moap a emwenieito seni Aram, seni ewe chuk mi nom ötiu. A üreniei, ‘Kopwe feito o anümamaua ngeniei ekewe mwirimwirin Jakop, kopwe feito o eniwa ekewe chon Israel.’
4440	NUM 23:23	Pun esap wor och pöüt ika och rong epwe küw ekewe chon Israel o afeiengaueer. Lon ei fansoun repwe apasa usun ekewe aramasen Israel, ‘Nengeni mine Kot a föri fän iter.’
4900	DEU 1:6	“Ewe Samol mi Lapalap ach we Kot a kapas ngenikich me fäsonun ewe chuk Horep, ‘A naf fansoun ämi nonom ren ei chuk.
4903	DEU 1:9	Iwe, Moses a üreni ekewe aramas, “Lon ewe fansoun sa nom ren ewe chuk Horep üa ürenikemi, ‘Esap tufich ngeniei ai üpwe akaleäman le mwärelong fän weiresin tümwünümi.
4910	DEU 1:16	Iwe, lon ewe fansoun üa allük ngeni nöümi souapwüng, ‘Oupwe aüselinga ekewe fitikoko mi fis lefilen pwimi o apwüngü fän pwüng, ese lifilifil ika ewe fitikoko a fis lefilen pwimi chon Israel, ika lefilen eman chon Israel me eman chon ekis.
4914	DEU 1:20	üa ürenikemi, ‘Ämi oua tori ewe fanüen chon Amor mi chukuchukutä, ewe ia ewe Samol mi Lapalap ach we Kot epwe ngenikich.
4921	DEU 1:27	Iwe, oua lal lon imwemi imw mangaku o üra, ‘Pokiten ewe Samol mi Lapalap a oput äm, a emwenikeemiwu seni ewe fanü Isip pwe epwe atokeemilong fän nemenien ekewe chon Amor o arosakeemila.
4923	DEU 1:29	Mürin üa ürenikemi, ‘Ousap niueitiir ika niuokusitiir.
4929	DEU 1:35	‘Esap wor eman me lein ekei mwän seni ei täppin aramas mi ngau epwe küna ewe fanü mi mürina üa pwon fän akapel pwe üpwe ngeni ämi kewe lewo,
4931	DEU 1:37	Iwe, ewe Samol mi Lapalap a pwal song ngeniei pokitemi o üra, ‘Pwal en kosap tolong lon ewe fanü.
4933	DEU 1:39	Mürin, ewe Samol mi Lapalap a üra, ‘Nöümi semirit oua apasa pwe repwe oola, ir nöümi kewe resap mwo silei met mi öch ika met mi ngau lon ei rän, repwe tolong lon. Iwe, üpwe ngeniir ewe fanü pwe repwe fanüeni.
4935	DEU 1:41	“Mürin oua üreniei, ‘Äm aia tipis ngeni ewe Samol mi Lapalap. Iei aipwe feila o maun, usun ewe Samol mi Lapalap äm we Kot a allük ngenikem.’ Iwe, iteiten eman me eman mwän me leimi a rietä an pisekin maun ngeni lukalapan o ekieki pwe epwe mecheres an epwe feitä lon ewe fanü mi chukuchukutä.
4936	DEU 1:42	Nge ewe Samol mi Lapalap a kapas ngeniei, ‘Kopwe üreniir pwe resap feitä o maun, pun ngang üsap nom lefiler. Iwe, repwe kuf ren chon oputeer.’
4943	DEU 2:3	‘A naf fansoun ämi saifetal won ewe fanü mi chukuchukutä. Oupwe kul o feila ngeni efeng.’