23531	MAT 11:3	Ngaunngɨɨ¹ɨ: ―¿Tɨ 'nʉ‑ʉ 'in Cristo 'in ijó¹ sɨ sɨjeen²na'a 'in xeei'²¹ 'ee?
23659	MAT 13:51	Joon jin'²in Jesús sɨɨ'²¹ɨ tsá² tya'a: ―¿Tɨ 'øø'²¹mo‑'oo' jilaa'²¹ 'elo? Joon gañii¹i tsá² tya'a jin'²in: ―Joon, 'øø'²¹mo‑tsii'i.
23664	MAT 13:56	Joongɨ 'in ruu'²¹i tsamɨ́² seein²¹ jee²¹² jna' jon. ¿Xiialɨ' galiñii¹i jilaa'²¹ 'eno?
23794	MAT 17:25	Joon Tʉ́³ gajin'²in: ―Tyí²o 'ino. Joon mo ga'í² Tʉ́³ inʉʉ tsifu gajin'²in Jesús sɨɨ'²¹ɨ 'ii: ―¿'Ee 'ɨ¹‑'o'o, Simón? ¿'Iin tyí² 'laa'¹³ tya' rǿøi¹³ taain²¹² juncwii²¹, tɨ tsá² tya'a sɨ tsá² coon²¹ fuu²¹ 'ee?
23838	MAT 19:7	Joon gaunngɨɨ¹ɨ 'in tsá² do: ―Wa la joon, ¿'ee lɨ'ɨ gatyʉ'²ʉ 'lɨɨ²¹² Moisés to² wa lí² cwo'¹ tsá² 'oo²o coon²¹ mo'jí² 'e lí² tiui² tsá² 'ii? Joon coon'¹³ la joon tiu²mo 'ido.
23905	MAT 21:10	Joon mo ga'í² Jesús fuu²¹ Jerusalén joon ganáa¹ 'goo²¹ 'áai¹ joon fúu¹mo gaunngɨɨ¹ɨ gajin'²in: ―¿'Iin‑gɨ 'ino?
23911	MAT 21:16	Joon gajin'²in gasɨɨ'²¹ɨ Jesús: ―¿Tɨ jo nuu²'un 'ee 'e jin'² 'in xuui²¹² no? Joon gañii¹i Jesús: ―Núu³oo. ¿Tɨ jo mo gauntsaa'¹³naa' 'ee 'e jin'² jí² tya' Dios cwáain¹ tya' 'elo? Jin'²o la no: 'E 'øø¹ø xuui²¹² coon'¹³ yʉʉn²¹ pi'³ iuntyúi¹ jna‑a joon.
23920	MAT 21:25	¿'Iin gatyʉ'² to² saa¹i Wó³ tsá² jmɨɨ²¹? ¿Tɨ Dios 'e wa tsá² 'ee? Pe 'in tsá² jo cwo'¹o júu³ la 'oo'²¹ ruu'²¹i jin'²in: ―Wana fá²a' Dios gatyʉ'² to² 'in Wó³ do ijin'² 'ino: “¿'Ee lɨ' jo gajo'¹ galɨ́ɨ²naa' júu³ tya' 'ido?”
23958	MAT 22:17	Sii'¹³ jna'a, ¿tɨ² tyʉ́² wa tyí² tsá² cuu² tya' 'in tsaa'to² tyíin¹ Roma 'owa jo tyí² tsá² 'ee?
24145	MAT 26:22	Joon tsifu joon gajmaa¹a tsá² tya'a fa'í³ 'áai¹. Joon garóon²on tɨ' jaain²¹ tɨ' jaain²¹ gaunngɨɨ¹ɨ Jesús: ―Ña'ñʉ'¹ʉ', ¿tɨ jna‑a 'i?
24148	MAT 26:25	Joon Judas, 'in tɨ li 'nɨ́¹i 'ii, gajin'²in sɨɨ'²¹ɨ Jesús: ―Tɨfo'² tyi', ¿tɨ jna‑a 'i? Joon Jesús gañii¹i gasɨɨ'²¹ɨ Judas jin'²in: ―Jiin'¹³ la joon niga'ɨ¹‑'o'o 'nʉ.
24191	MAT 26:68	Joon gajin'²in 'in tsá² do: ―'Ñʉ‑ʉ lɨ́ɨ¹u'u Cristo 'in gasiin¹ Dios, laa'¹³ jmaa²'a júu³, ¿'iin gatyuun¹in 'nʉ?
24215	MAT 27:17	Joon la jee²¹² sɨcaain²¹ 'in tsá² do gaunngɨɨ¹ɨ Pilato 'in tsá² do: ―¿'Iin‑in 'iin²¹²naa' ilaa²¹²na tyii'? ¿Tɨ 'iin²¹²naa' laa²¹²na Barrabás sɨ Jesús 'in sii²¹ Cristo 'ee?
24361	MRK 3:4	Joon gaunngɨɨ¹ɨ Jesús 'in tsá² catyaai² do: ―¿'Ee tɨ́ɨ²na' jmoo²¹o' mo jmɨɨ²¹² 'ii'²¹ 'woo'²¹ tsá², 'e tyʉ́² sɨ 'e gó² 'ee? ¿Tɨ lí² un'láa²na' tsá² sɨ 'e jngaa'¹²na' tsá² 'ee? ―gajin'² Jesús. Pe 'in catyaai² do lɨgoon gajaan¹ tii².
24413	MRK 4:21	Joon gajin'²o jon Jesús: ―Wana tyan¹ tsá² coon²¹ jɨ́² coo²¹, ¿tɨ sii'²¹i tsi cajóoi¹³ sɨ nʉ' coo'mó² 'ee? Jo jmoo¹o tsá² la joon. Lɨ yʉ' 'ɨ́ɨ² tsá² jɨ́² coo²¹ do joon coon'¹³ la joon jnée²mo tsá².
24440	MRK 5:7	Mi yuui'¹³ joon gajin'² Jesús sɨɨ'²¹ɨ 'in 'lɨɨi'³ 'yuui² alma tya'a: ―Tíui¹ 'in tsañʉʉ'¹ no. Joon ga'oo¹o tá² lɨɨlɨ¹ 'in 'lɨɨi'³ do 'in 'yuui² alma tya' 'in tsañʉʉ'¹ do jin'²in: ―¿'Ee 'ná¹ jmáa³aa coon'¹³ 'nʉ? Jóon¹ Dios 'in tyíin¹ ñʉ'fú² 'nʉ. Mɨ́³ɨɨ tyani'i tyani Dios jo jmáa¹u'un jna.
24442	MRK 5:9	Joon gaunngɨɨ¹ Jesús 'ii: ―¿Xiiala sii²¹ 'nʉ? Joon gañii¹i 'in 'lɨɨi'³ do: ―Legión sii²¹ jna'a 'wii'¹³ lɨɨlɨ¹ fúu²u'u saan²¹a'an joon sii²¹ jna'a la joon.
24478	MRK 6:2	Mo tɨ́² jmɨɨ²¹² 'ii'²¹ woo'²¹ tsá² ga'láa² Jesús 'wii²¹² 'e 'e'²e tsá² júu³ tyʉ́² tsi inʉʉ cwo'¹ sinagoga si'² do. Joon fúu¹mo 'in núu²un 'e faa'²¹ 'ido. Joon lɨ́ɨ¹ tsa'goo²¹‑tsi tsá² joon jin'² 'in tsagoo¹o do: ―¿Xiiala galitɨ́ɨ²i 'in tsañʉʉ'¹ no 'e faa'²¹ no? ¿'Ee júu³ lo 'e¹ 'ino? ¿Xiiala jmoo¹o jilaa'²¹ milagro lo?
24500	MRK 6:24	Joon gacwo'ɨ́ɨ¹i 'in sɨmɨ́² do joon gasɨɨ'²¹ɨ sáa³a: ―¿'Ee mɨ́³ɨɨ tya' 'ino? Joon sáa³gɨ gajin'²: ―Sii'¹²'i cwocwoo¹ mootyi² Wó³ saai²¹ tsá² jmɨɨ²¹.
24623	MRK 9:16	Joon gaunngɨɨ¹ɨ Jesús tsá² tya'a: ―¿'Ee júu³ jo cwoo²oo' ruu'²¹naa' coon'¹³ 'ido?
24739	MRK 11:30	¿'Iin gasii¹in Wó³ saai²¹ tsá² jmɨɨ²¹? ¿Tɨ Dios owa tsá² 'ee? Ñii²duu' jna.
24740	MRK 11:31	Joon ga'láa² 'in tsá² do 'wii²¹² jo cwo'¹o júu³ ruu'²¹i, jin'²in: ―¿'Ee síi¹³i'? Jo lí² jin'²in 'e Dios gasii¹in 'i, jon'gɨ lí² jin'²in 'e tsá² gasii¹in 'i 'wii'¹³ 'goo'²¹o. Wana gajin'²: “Dios gasii¹in 'ii”, joon 'ɨ¹‑tsi ijin'²in Jesús: ¿'Ee lɨ' jo jo'¹ lɨ́ɨ²naa' 'ii? Pe wana gajin'²in: “Tsá²‑a gasii¹in 'ii”, ityá² 'nii'²¹‑tsi jileei'²¹ tsá² 'wii²¹² jilee'²¹mo 'ɨ¹‑tsi 'e la ja'²mo Wó³ do cwoo¹ júu³ tyʉ́² tya' Dios.
24756	MRK 12:14	Joon gangalíin² 'inlo gasɨɨ'²¹ɨ Jesús: ―Tɨfo'², ne² jna'a 'e 'nʉ‑ʉ fo'²'o 'e la jai'² joon jo nʉʉ'¹³'ʉn 'ee jin'² jiin'¹³ jaain²¹ tsá², 'wii'¹³ joon jo jmoo²'o la lɨ́ɨi¹ tsá². Jiin'¹³ fu² tyʉ́² tya' Dios 'e'²o'o. Fu'²'u jna'a, ¿tɨ 'ná¹ tyii²¹²i' cuu² tya' tsaa'to² César tyíin¹ Roma owa'a jo tyii²¹²i' 'ee? ¿Tyii²¹²i' sɨ jo tyii²¹²i' 'ee?
24777	MRK 12:35	Joon tyíin¹ Jesús fu i'yíia² cwo'¹ 'e'²e tsá² joon jin'²in: ―¿Xiiala lɨ 'e jin'² tɨfo'² tya' ley 'e Cristo jóon¹ David 'i?
24829	MRK 14:6	Pe gajin'²in Jesús: ―Jo 'ee fuu'²¹gɨɨ' 'ino. ¿'Ee lɨ' untyíi²naa' 'ino? Coon²¹ 'e tyʉ́²‑ʉ gajmaa¹a 'ino tyiia.
24842	MRK 14:19	Gatoo'²¹ fa'í³ tya' 'in catyaai² do. Joon gaunngɨɨ¹ɨ tɨ' jaain²¹, jin'²in: ―¿Tɨ jna‑a 'i? Joon jaain²¹gɨ gajin'²in: ―¿Tɨ jna‑a 'i?
24887	MRK 14:64	Ganʉʉ²¹o' jilee'²¹na' xiiala nigaungøøi¹ 'ino Dios coon'¹³ júu³ tya'a. ¿'Ee lɨ́ɨ²naa' 'e jmoo²¹o' coon'¹³ 'ino? Joon jilee'²¹mo gajin'²in 'e 'ná¹ júun²mo Jesús.
24888	MRK 14:65	Joon 'inlɨ́ɨi¹³ ga'láa² 'wii²¹² 'ñíi¹i Jesús. Gajnii¹i unni² 'ido joongɨ poo¹i Jesús joon sɨɨ'²¹ɨ 'ido jin'²in: ―Faa'¹³du'u, ¿'iin 'in gapooi¹ 'nʉ? Joon ga'láa² 'wii²¹² 'ɨɨ'¹³ jnóo¹o mooni² Jesús.
24909	MRK 15:14	Gasɨɨ'²¹ Pilato tún¹ 'in tsá² do jin'²in: ―¿'Ee gó² nigajmaa¹a 'inlo? Pe 'in tsá² do gañii¹i tún¹ tá² lɨɨlɨ¹ jin'²in: ―¡Téen¹in 'ido tsaa' crúu¹³ no!
25168	LUK 4:36	Joon jilee'²¹mo gafoo'i¹. Joon gasɨɨ'²¹ɨ ruu'²¹i: ―¿'Ee‑gɨ júu³ 'elo? ¿'Ee to² 'oo¹o 'in tsañʉʉ'¹ lo? ¡Jǿø² xiiala tyʉ'²ʉ to² 'in espíritu gó² do, gatyʉ'²ʉ to² 'woo¹i, joon ga'woo¹mo!
25224	LUK 6:9	Joon gajin'² Jesús gasɨɨ'²¹ɨ 'in tsá² catyaai² do: ―Niunngɨɨ²duu 'naa', ¿'ee 'e tɨ́ɨi² jmaa¹ tsá² mo 'e jmɨɨ²¹² 'ii'²¹ 'woo'²¹ tsá², tɨ 'e tyʉ́² owa 'e gó² 'ee? ¿Tɨ 'e jmá¹ tsá² tiin'¹³ tsá² owa 'e jóoin² tsá² 'ee?
25344	LUK 8:30	Joon gaunngɨɨ¹ɨ Jesús 'ii: ―¿Xiiala sii²¹ 'nʉ? 'Ido‑gɨ gañii¹i: ―Legión‑mo sii²¹ jna. 'E lo‑o gajin'²in tsʉ 'wii'¹³ lɨ́ɨ¹ fúui¹ espíritu gó² 'in nigataai² alma tya'a.
25542	LUK 12:14	Joon gajin'² Jesús sɨɨ'²¹ɨ 'ido: ―Tsañʉʉ'¹, ¿'iin gajin'² 'e lɨ́ɨ¹na tsaa'to² sɨ 'in jmoo¹ jmai'xʉ jee²¹² 'naa' 'ee?
25569	LUK 12:41	Joon gaunngɨɨ¹ɨ Tʉ́³ sɨɨ'²¹ɨ Jesús: ―Ña'ñʉ'¹ʉ', ¿tɨ gafaa'¹³'a 'e cwáain¹ lo jiin'¹³ tyijna'a owa'a tya' ce jileei'²¹ tsá² 'ee?
25625	LUK 14:3	Joon gajin'² Jesús sɨɨ'²¹ɨ tɨfo'² tya' ley coon'¹³ tsá² fariseo: ―¿Tɨ cwooi¹ un'láai² tsá² jaain²¹ tsatsaa'¹³ mo jmɨɨ²¹² 'ii'²¹ 'woo'²¹ tsá² owa jo lí² 'ee?
25850	LUK 20:2	Joon gajin'²in sɨɨ'²¹ɨ Jesús: ―Jmáa²du'u júu³, ¿'ee coon'¹³ to² 'e jmoo²'o jilaa'²¹ 'elo? ¿'Iin gacwo'² 'nʉ 'e to² do?
25852	LUK 20:4	¿'Iin gasii¹in Wó³ saai¹ tsá² jmɨɨ²¹? ¿Tɨ gasii¹in Dios 'ii owa'a tsá² 'ee?
25870	LUK 20:22	Sii'¹³ jna'a, ¿tɨ cwooi¹ tyí²i' 'laa'¹³ tya' tsaa'to² tyíin¹ Roma? ¿Cwooi¹ owa jo cwooi¹ 'ee?
25872	LUK 20:24	La 'ée¹duu' jna coon²¹ cuu², nee²¹e'. ¿'Iin ni² 'inlo? ¿'Ee tyan¹ 'e sii²¹ 'in taai² lo? Joon gañii¹i 'in tsá² do: ―Tya' tsaa'to² tyíin¹ Roma.
25881	LUK 20:33	Joon mi jiin'¹in, ¿'iin jee²¹² 'in dyái¹ do icwaai'²¹ tsamɨ́² tya' 'ido?
25902	LUK 21:7	Joon gaunngɨɨ¹ɨ tsá² Jesús: ―Tɨfo'¹, ¿lɨɨ ilí² jilaa'²¹ 'elo? ¿Noo coon²¹ li² mi lí² jilaa'²¹ 'elo?
25960	LUK 22:27	¿'Iin 'in tyiin²gɨ awa 'in tyíin¹ gø'²ø sɨ 'in gatyáa¹ tyʉ́² 'ee? Pe jna‑a 'yuu²na jee²¹² 'naa' lawa jaain²¹ 'in tyaa¹ tyʉ́².
25982	LUK 22:49	Jileei'²¹ 'in téein² coon'¹³ Jesús mo ganí²i jilaa'²¹ 'e lɨ́² gajin'²in sɨɨ'²¹ɨ Jesús: ―¿Jatɨɨ²ɨ' coon'¹³ ñí³ 'ee?
26132	JHN 1:19	Jee²¹² jmɨɨ²¹² joon 'in tsá² Israel née¹i Jerusalén gasii¹in 'inlɨ́ɨi¹³ untsá² coon'¹³ 'inlɨ́ɨ¹³ tsá² coon²¹ poo²¹² sii²¹ levitas 'e tsafeei'¹³ Wó³. Joon mo gatyalíin² lɨ taan¹in Wó³ do gaunngɨɨ¹ɨ: ―¿'Iin 'nʉ?
26134	JHN 1:21	Joon gaunngɨɨ¹gɨ 'in tsá² do: ―¿'Iin 'nʉ jon? ¿Tɨ 'nʉ‑ʉ Elías, 'in tsá² 'in gacwo¹ júu³ tyʉ́² tya' Dios calɨɨ lɨ¹? Joon Wó³ do gañii¹i: ―Jon'on jna 'i. Joon tsifu gaunngɨɨ¹gɨ: ―'Áai¹ tɨ lɨ jó¹ jaain²¹ tsá² 'e ijacwoo²¹ júu³ tya' Dios; ¿tɨ 'nʉ‑ʉ 'i? Joon gañii¹i Wó³: ―Jon'on jna 'i.
26138	JHN 1:25	Joon 'in tsá² jaliin¹ do gaunngɨɨ¹ɨ jin'²in gasɨɨ'²¹ɨ Wó³: ―¿'Ee lɨ' saa¹u'u tsá² jmɨɨ²¹ wa'a jon'on Cristo 'nʉ, jon'on Elías 'nʉ, jon'on 'in cwoo¹o júu³ tya' Dios 'nʉ?
26151	JHN 1:38	Joon gajiin'¹² Jesús níi¹i jǿø²ø ni 'ido 'e ngalíin²mo 'ido coon'¹³on. Joon gajin'²in sɨɨ'²¹ɨ 'ido: ―¿'Iin 'naa'²¹naa'? Joon gañii¹i 'ido: ―Tɨfo'² tyii'i, ¿xiia tyi' 'nʉ?
26182	JHN 2:18	Joon 'in tsá² seein²¹ Israel do gaunngɨɨ¹ɨ 'ido: ―¿'Ee li² lí² jmaa²'a jøø²¹ø'ø 'e cwee¹i 'e tsáai¹‑tsii'i 'e tɨ́ɨ²u jmaa²'a 'elo?
26198	JHN 3:9	Joon gaunngɨɨ¹ɨ Nicodemo tún¹: ―¿Xiiala ilí² 'elo?
26199	JHN 3:10	Joon Jesús‑gɨ gañii¹i: ―¿Tɨ 'nʉ‑ʉ jaain²¹ tɨfo'² jee²¹² tsá² Israel 'in tɨɨ²¹i 'áai¹ joon jo 'øøi'²¹‑'o'o 'elo?
26237	JHN 4:12	'Lɨɨ²¹² tsacøøi'¹³ tyi' 'in ningɨɨ¹i Jacob 'in gasáa¹a 'e too²¹ sá² jmɨɨ²¹ no tyi jna'a. Tsʉ 'e jmɨɨ²¹ sá² noo jon ga'un'¹un 'ña'a coon'¹³ jóon¹on joongɨ coon'¹³ joo'núu³ tya'a. ¿Tɨ joon lɨ́ɨ²u 'e feei'¹gɨ 'nʉ lagɨ 'ii?
26258	JHN 4:33	Joon 'in ngɨ́¹ɨ coon'¹³ 'ido gacaain'¹³ 'wii²¹² unngɨɨ¹ɨ ruu'²¹i: ―¿Xʉfoo' seen²¹in 'in nijacon¹on 'e dø'²ø 'ino 'ee?
26356	JHN 6:30	'I‑gɨ gaunngɨɨ¹ɨ: ―¿'Ee li² cwee¹i 'e jmaa²'a jøø²¹ø'ø tsʉ joon jo'¹ lii¹na'a 'nʉ? ¿'Ee 'e jmaa²'a?
26378	JHN 6:52	Joon ga'láa² 'in tsá² Israel 'wii²¹² jo cwo'¹o júu³ ruu'²¹i, jin'²in: ―¿Xiiala icwo¹i 'ña'a ityee'³ jna' 'ii?
26417	JHN 7:20	Joon 'in tsá² taan²¹²in do gañii¹i: ―'In 'lɨɨ'³mo 'yuui² alma tyi'i. ¿'Iin 'iin²¹²in jngai'² 'nʉ?
26442	JHN 7:45	Joon 'in 'ɨɨ'¹³ moyóo¹³ taai²¹² cwo'¹ fee'¹ ngalíin² tún¹ fu lɨ née¹i 'in fariseos do coon'¹³ 'in tsá² tyʉ'² to² untsá², joon 'in née¹i do sɨɨ'²¹ɨ 'ɨɨ'¹³ moyóo¹³: ―¿'Ee lɨ' jo té²ee' 'ido?
26460	JHN 8:10	Joon ganii'¹³i Jesús 'ña'a, joon mo gajǿø²ø jo 'iin seein²¹ jiin'¹³ jaain²¹, jiin'¹² tsamɨ́² do 'in tyíin¹gɨ, joon gasɨɨ'²¹ɨ 'in tsamɨ́² do: ―Yá³, ¿'naaigɨ 'in jmoo¹o tsaa² tyi'i? ¿Tɨ jiin'¹³ jaain²¹ jo 'iin gapíin² 'nʉ?
26511	JHN 9:2	Joon 'in tsá² ngɨ¹ɨ coon'¹³on do nigaunngɨɨ¹ɨ 'ido, joon nigajin'²in: ―Tɨfo'² tyii'i, ¿'ee lɨ' gangaa'¹³i 'in tsañʉʉ'¹ tiui²? ¿Xʉfo' røøi²¹ sáa³ jmɨɨ²¹ tsaa² 'ee sɨ' røøi²¹ 'ña'a no tsaa² 'ee?
26570	JHN 10:20	Joon fúui¹ tsá² jee²¹² 'ii do gajin'²in: ―¿'Ee lɨ' 'e unjíi²i' júu³ tya' 'in tsañʉʉ'¹ no tsʉ 'in 'lɨɨ'³mo 'in yuui² alma tya' 'ino joongɨ yʉ caa²¹²mo 'ino?
26574	JHN 10:24	Joon 'in tsá² seein²¹ Israel do gajmaa¹a coon²¹ lɨɨ²¹ ce cu'² jiin¹ lɨ siin'¹²in Jesús joon gajin'²in sɨɨ'²¹ɨ 'ido: ―¿Lɨɨ ca 'e cwo'²'o jna'a 'e la né²e'e 'iin 'nʉ? Wana 'nʉ Cristo sii'¹³ jna' coonti júu³ coon²¹ tsáa¹.
26648	JHN 11:56	'In tsá² jalíin²in Jerusalén ngɨɨ¹ɨ 'naa'²¹i Jesús joon la 'ɨɨ²¹² taai² inʉʉ cwo'¹ fee'¹ do unngɨɨ¹ɨ ruu'²¹i: ―Xiiala lɨ́ɨ²u, ¿tɨ ijó¹o lɨ tɨ jmɨɨ²¹² lo 'owa jo jó¹ 'ee?
26747	JHN 14:10	¿Tɨ jo jo'¹ lɨ́ɨ²u 'e ngɨɨ¹ɨ Ña'ñʉ'¹ʉ' Dios Jmii²¹ coon'¹³ jna joongɨ jna ngɨ́ɨ³oo coon'¹³ 'ii? Jilaa'²¹ 'e fo'²oo jo fo'²oo 'e 'ɨ¹‑tsii 'ñii'a. Ña'ñʉ'¹ʉ' Dios Jmii²¹ 'in ngɨɨ¹ɨ coon'¹³ jna, 'ii‑o 'in jmoo¹o 'e to² tya'a lo.
26812	JHN 16:17	Joon gaunngɨɨ¹ɨ 'in tsá² tya'a do la jee²¹² 'ii: ―¿'Ee cwoo¹i 'øøi'²¹‑tsi tsá² 'e júu³ no 'e gatyaa¹a 'ido? Gafaa'²¹a jna' 'e coon²¹ nogɨ jó¹ 'e jo nee²¹²mo' pe mi lí² cɨɨin²¹gɨxʉ nee²¹²mo' tún¹. Joon jin'²in 'e lí² la joon tsʉ tse'³mo lɨ tyíin¹ Ñʉ'¹ʉ'.
26871	JHN 18:17	Joon 'in tsamɨ́² do 'in 'oo¹o 'ooca'nʉ́¹ gajin'²in, sɨɨ'²¹ɨ Tʉ́³ do: ―¿Tɨ jon' 'nʉ‑ʉ jaain²¹ tsá² tya' 'ido? Joon Tʉ́³‑gɨ ganii¹i: ―'Un², 'e wa jon' jna‑a 'ii.
26879	JHN 18:25	La 'ɨɨ²¹² untyaa'¹i Tʉ́³ 'ña'a gajin'³ 'in tsá² do sɨɨ'²¹ɨ Tʉ́³ tún¹: ―¿Tɨ jon' 'nʉ‑ʉ jaain²¹ tsá² tya' 'ino? Pe jo garǿi¹ Tʉ́³, joon gajin'²in: ―'Un², 'e wa jon' jna‑a 'ii.
26880	JHN 18:26	Joon jaain²¹gɨ tsa'leei'¹³ tya' 'in tyʉ'² to² nifu tya' untsá² siin'¹³in do. Ruu'²¹mo 'in gatʉ́² Tʉ́³ loocwóo¹o. Joon 'in tsa'leei'¹³ no gajin'²in sɨɨ'²¹ɨ Tʉ́³: ―¿Tɨ jon'on gamaa²¹²moo 'nʉ jee²¹² 'mó² do coon'¹³ 'ido?
26883	JHN 18:29	Tsʉ 'wii'¹³ joon gacwo'ɨ́ɨ¹ɨ Pilato ngafee'¹³i 'in tsá² do: ―¿'Ee tsaa² cwo²oo' 'ino? ―jin'²in.
26888	JHN 18:34	Joon gajin'² Jesús: ―¿Tɨ la 'ɨ¹‑'o'o 'wo'o sɨ 'e gafee'¹i tsá² 'nʉ cwáain¹ tyiia 'ee?
26889	JHN 18:35	Joon Pilato‑gɨ gañii¹i: ―¿Tɨ lɨ́ɨ²u 'e tsá² Israel jna? Tsá² goo²'o coon'¹³ 'in tyʉ'² to² untsá² 'in gajajee¹ 'nʉ tyaní³ii. ¿Ee goon²¹ gó² gajmaa²'a tyani 'ido?
26891	JHN 18:37	Joon gajin'² Pilato: ―¿Tɨ joon rǿø¹³mo 'nʉ? Joon Jesús gañii¹i: ―Jna‑a rǿøi¹³ jiin'¹³ la foo'²¹ 'nʉ‑ʉ. Cwáain¹ joon galiseen²¹na, joon cwáain¹ joon goo²¹²oo ni cwoo'¹³ juncwii²¹. Gagoo²¹²oo gafo'²oo júu³ 'e la ja'²mo. Joon jileei'²¹ 'in galinʉʉ'¹³, nuu¹o jilaa'²¹ 'e fo'²oo.
26904	JHN 19:10	Joon Pilato gajin'²in: ―¿'Ee lɨ' jo ngɨ́ɨ¹³'ɨ? ¿Tɨ jo ñí²'i 'e tɨɨ²¹moo tyʉ'²ʉʉ to² taan²u tsaa' crúu¹³ sɨ laa²¹²moo 'nʉ 'ee?
26951	JHN 20:15	Joon gaunngɨɨ¹ɨ Jesús sɨɨ'²¹ɨ 'ido: ―Tsamɨ́², ¿'ee lɨ cɨɨ'²¹'ɨ? ¿'Iin 'naai'²¹ 'nʉ? Joon tsʉ 'wii'¹³ 'ɨ¹‑tsi 'e 'in 'aa¹a 'wó² do fee'¹³i 'ii gajin'²in: ―Tsañʉʉ'¹, owa gajee²mo'o, foo'²'o xiiafu gatʉʉ²¹u'u joon jna‑a nitee²¹²ee.
27030	ACT 2:12	Jilee'²¹mo tsa'goo²¹‑tsi pe joon jo 'øøi'²¹‑tsi 'ee galɨ́². Joon gaunngɨɨ¹ɨ ruu'²¹i: ―¿Ee 'øøi'²¹‑tsi jilaa'²¹ 'elo?
27077	ACT 3:12	Mo ganí² Tʉ́³ 'elo joon gasɨɨ'²¹ɨ tsá² 'in jalíin² do: ―Tsá² seein²¹ Israel, ¿'ee lɨ' tsa'goo²¹‑'oo'? ¿'Ee lɨ' jǿø²naa' jna'a lawa yiia‑oo'o nigaun'láa²na'a 'in tsañʉʉ'¹ lo? ¿Tɨ 'ɨ¹‑'oo' 'e nigangɨ¹ 'in tsá² lo coon'¹³ 'ii'²¹ tyijna'oo'o sɨ 'wii'¹³i 'e tyúi¹ jna'a 'ee?
27098	ACT 4:7	Joon gatyʉ'²ʉ to² gajalíin² Tʉ́³ coon'¹³ Wó³. Joon gasiin'¹²in tún² tsa'². Joon gaunngɨɨ¹ɨ 'in tyʉ'² to² do 'ii: ―¿'Iin 'ii'²¹ tya'a sɨ coon'¹³ 'e sii²¹ 'in xeei'²¹gɨ 'ee gajmaa²aa' jilaa'²¹ 'elo?
27110	ACT 4:19	Pe joon gañii¹i Tʉ́³ coon'¹³ Wó³: ―'Ͳdu'‑'oo' yaanaa' no. ¿Tɨ tyʉ́²gɨ tyani Dios 'e jmoo²¹o'o nʉ́ʉ¹³ʉ'ʉ to² tyʉ'² 'naa' lagɨ to² tyʉ'² Dios 'ee?
27152	ACT 5:24	Mo ganúu²un tsacøøi'¹³ tya' untsá² coon'¹³ 'in tyʉ'² to² 'in ní² cwo'¹ do jilaa'²¹ 'elo joon gaunngɨɨ¹ɨ ruu'²¹i: ―Júu³ tya' fo'², ¿xiiala iján² jilaa'²¹ 'elo?
27186	ACT 7:1	Joon 'in tyʉ'² to² tya' untsá² do gaunngɨɨ¹ɨ Tée¹³ jin'²in: ―¿Tɨ jo'¹o jilaa'²¹ 'elo?
27279	ACT 8:34	Joon 'in tsá² tyiin² do gaunngɨɨ¹ɨ Lii²¹²: ―Jmaa² feei'¹‑'o'o sii'¹³du' jna, ¿'iin cwáain¹ tya'a faa'²¹a 'in cwo¹ júu³ tyʉ́² lo? ¿Tɨ tya' 'ña'a sɨ tya' 'inxeei'²¹ 'ee?
28215	ROM 8:31	¿'Ee jon 'e faa'¹³a' cwáain¹ tya' 'elo? Wana 'ɨ¹‑tsi Dios 'e tyʉ́² tyi', jo 'ee cwáain¹ tyi' wa 'ei'¹ tsá² jna'.
28253	ROM 9:30	¿'Ee faa'¹³a' cwáain¹ tya' 'elo? 'In tsá² 'in jo seein²¹ Israel 'in jo mo ganoo'¹³on wa' untyúi¹ Dios 'ii tsʉ 'wii'¹³i 'e jmaa¹a, gauntyú¹mo Dios 'ii coon'¹³ 'e jai'² galɨ́ɨi².
28271	ROM 10:15	Joon, ¿xiiala lí² jmaa'¹³a tsá² júu³ wa'a jo¹ mo sii¹in tsá² 'ii? Jiin'¹³ la nigajin'² ni jí² tya' Dios: “¡'Áa¹mo 'ya'²gɨ 'e tɨɨ²ɨ tya' 'in tsá² 'in tsacwó² júu³ tya' xiiala seein²¹ tsá² tyʉ́² coon'¹³ Dios joon 'in cwó² 'e júu³ tyʉ́² tya' 'e tiin'¹³ tsá²!”
28284	ROM 11:7	¿'Ee ifa²a' cwáain¹ tya' 'elo? 'In tsá² Israel do gali'iin²¹²in wa'a 'ii'²¹ Dios 'ii pe jo 'ee galɨ'²ɨ pe jiin'¹³ 'in gatyii'¹³in Dios galɨ'¹o. Joon galibán¹mo 'in catyaai²,
28311	ROM 11:34	“¿'Iin 'in 'øøi'²¹‑tsi 'e 'ɨ¹‑tsi Ña'ñʉ'¹ʉ'? sɨ ¿'iin ga'e'²e 'ii 'ee?
28312	ROM 11:35	¿'Iin nigacwo'² Ña'ñʉ'¹ʉ' 'e jmáa¹a 'e røø²¹i Ña'ñʉ'¹ʉ' 'ii?
28358	ROM 14:10	Pe 'nʉ‑ʉ, ¿'ee lɨ'ɨ jmoo²'o 'ii'²¹ tya' ruu'²¹'u? ¿'Ee lɨ'ɨ jmoo²'o 'e jo tsáai¹‑'o'o 'ii? Tsʉ jilee'²¹na' 'ná¹ tsaa²¹a' tyani Cristo ilisá² 'ii'²¹ tyi'.
28522	1CO 4:21	¿'Ee 'iin²¹²naa' jmá³aa tyii' mi cwéi¹na, tɨ 'e 'e'³ee 'naa' wúu¹, owa'a 'iin²¹²naa' jmáa³aa tyʉ́²‑tsii, un'née³moo 'naa' 'ee?
28615	1CO 9:7	¿'Iin 'láa² 'ná¹ tyí² 'e jma'²i to² tya'a? ¿'Iin jmoo¹o to² jee²¹² wuunjøø'³ joon jo cuu'²¹u mɨ'³ wuunjøø'³ do? ¿'Iin 'aa²¹²i joo'núu³ joon jo 'uun'²un fi'² tya' 'ido?
28657	1CO 10:22	¿Tɨ tyʉ́²gɨ wa'a 'e jmoo²¹o' 'e tsa'nii'²¹‑tsi tya' coon'¹³ Ña'ñʉ'¹ʉ'? ¿Tɨ 'gøø'¹³gɨ jna' lagɨ 'ii?
28731	1CO 12:29	¿Tɨ lɨ́ɨ¹i jileei'²¹ apóstoles, owa'a lɨ́ɨ¹i jileei'²¹ tsá² 'in cwo'¹o tsá² júu³ 'e gacwo'¹ Dios 'ii? ¿Tɨ lɨ́ɨ¹i jileei'²¹ tɨfo'²? ¿Tɨ jmoo¹o jileei'²¹ milagros?
28894	2CO 2:2	¿Xiiala ilí² jmáa³aa jløø'³na coon'¹³ 'in do 'in jmáa³aa jmaa¹a fa'í³ 'ido? Coon'¹³ la joon jo lí² jmáa³aa jløø'³na coon'¹³ 'naa'.
29134	GAL 1:10	Mo fo'²oo la joon, ¿tɨ lɨ́ɨ²naa' 'e 'iin²¹²na liseen²¹na tyʉ́² coon'¹³ tsá² sɨ coon'¹³ Dios 'ee? ¿Tɨ lɨ́ɨ²naa' 'e jmóo³oo jmaai'¹³ 'e tɨ́²‑tsi tsá²? Tsʉ wana jmóo³oo jiin'¹³ 'e tɨ́²‑tsi tsá² jo lɨ́ɨ¹na tsá² 'in jmoo¹o jiin'¹³ la to² tyʉ'² Cristo.
29171	GAL 3:2	Síi¹³duu' jna 'e 'iin²¹²na foo²oo': ¿Tɨ ga'ii'¹³'naa' 'in Espíritu Tyʉ́² tya' Dios tsʉ 'wii'¹³ gajmaa²aa' jiin'¹³ la to² tyʉ'² ley tya' Moisés sɨ 'wii'¹³ gajai'² galɨ́ɨ²naa' 'e júu³ ganʉʉ²ʉʉn' 'ee?
29174	GAL 3:5	Joon mo gacwei'² Dios 'in Espíritu Tyʉ́² tya'a tyi'naa' joon gajmaa¹a milagros jee²¹² 'naa', ¿xiia lɨ'ɨ gajmaa¹a la joon, tsʉ 'wii'¹³ nigajmaa²aa' la to tyʉ'² ley sɨ tsʉ 'wii'¹³ jai'² galɨ́ɨ²naa' 'e júu³ niganʉʉ²ʉʉn' do 'ee?
29207	GAL 4:9	Pe la no nigalicwii¹moo' Dios Jmii²¹ owa'a 'e tyʉ́²gɨ fo'²oo 'ee, nigalicwii¹mo Dios 'naa'. Wa'a la joon, ¿'ee lɨ'ɨ cɨɨi'¹³ yaanaa' jmoo²oo' tún¹ 'e jo 'oo¹o pí³ wa'a jmá¹a tiin'¹³ 'naa' joon jo 'ee to² 'íi? Lɨ́ɨ¹naa' la lɨ́ɨi¹ tsá² 'in 'iin²¹²in jmá¹ la to² tyʉ'² 'e jooin¹‑tsi tsá² yaai.
30050	HEB 2:6	Lɨ' cɨɨ'¹³ gajmaa¹a tsʉ ni jí² tya' Dios seein²¹ jaain²¹ 'in gajin'²in: Dios Jmii²¹, ¿xiiala lɨ́ɨi¹ tsá² taain²¹ juncwii²¹ 'e tɨ'²‑'o'o 'ii? ¿Xiiala lɨ́ɨi¹ tsá² icu'²‑'o'o coon'¹³on?
30229	HEB 10:29	Wana lí² la joon coon'¹³ 'in 'láa¹ coon'¹³ ley tya' Moisés, ¿'ee lɨ́ɨ²naa' 'e tɨ́ɨ²i ilí² tya' 'in 'øøi'²¹ Jóon¹ Dios joon jo tsáai¹‑tsi jmɨ¹ 'ǿø²i 'e gatúun²un 'e jmoo¹o jai'² 'e júu³ ga'ɨ́ɨ² Dios, tsʉ coon'¹³ 'e jmɨ¹ do galityúu¹mo tsá²? ¿'Ee lɨ́ɨ²naa' ilí² tya' 'in ungøø¹i 'in Espíritu Tyʉ́² tya' Dios 'in 'iin²¹²in 'ii?
30284	HEB 12:5	¿Tɨ niga'íin²mo‑'oo' 'e júu³ cwáain¹ nigacwo'¹ Dios jileei'²¹ jóon¹ 'in jai'² lɨ́ɨ²i 'ii? Gajin'² Dios ni jí² tya'a: Yʉʉn²¹ tyiia, jo jmaa²'a 'e jo tsáai¹gɨ‑'o'o mi 'e'²e Ña'ñʉ'¹ʉ' 'nʉ wúu¹ 'e ilijmaa²'a nʉʉ'¹³'ʉn, jon'gɨ wa jo tya¹‑'o'o mi tyʉ'² Dios to² 'nʉ jmaa²'a nʉʉ'¹³'ʉ.
30398	JAS 3:12	Tsaru'¹u', coon²¹ 'mó² cwaríi³ coon'²¹ lɨ' lɨ́ɨ²naa', ¿tɨ lí² 'ɨ́¹ poo'²¹? Owa coon²¹ wuunjøø'³ 'ee, ¿tɨ lí² 'ɨ́¹ mɨ'³ cwaríi³ 'ee? Coon'¹³ la joon jo lí² 'yeei'²¹ jmɨɨ²¹ tyʉ́² lɨ 'yeei'²¹ jmɨɨ²¹ ñii²¹.
30981	REV 13:4	Joon gaun'goo²¹o tsá² 'in mɨɨ'²¹ 'lɨɨi'³ do tsʉ 'ii‑o gacwo'¹o 'in joo'²¹ 'lɨɨi'³ do to² 'e 'oo¹o. Un'goo²¹ tsá² jon 'in joo'²¹ 'lɨɨi'³ do jin'²in: ―Jo 'in seein²¹ la lɨ́ɨ¹i 'in joo'²¹ 'lɨɨi'³ no. Joon, ¿'iin lí² tín² coon'¹³ 'ii?