26759	JHN 14:22	Mahꜗ gaꜙjähꜘ Juda (pero ja̱ꜙ heꜘ Iscariote): —Dsaˉjø̱ø̱hˈ kya̱a̱nꜙ, ¿heˉlaˈ maꜙlaꜙ kya̱a̱ꜗ jnäähˈ baˊ miˊjnäähꜗ hñaahꜗ, mahꜗ saꜙ miˊjnäähꜗ hñaahꜗ kihꜗ läꜙjë̱ë̱ꜙ dsaˉ jmɨˉgyʉʉꜙ?
29225	GAL 4:27	Jeeˊ naˉsɨɨˉ juuˈ kihꜗ Dio (jähꜘ läꜙlaˉ kihꜗ läꜙu̱u̱ꜘ dsaˉmëꜘ heꜘ): Waˊ cha̱a̱hˉ hneˉ lluꜗ, hneˉ hi̱ˉ saꜙ cha̱a̱ˉ niꜙ ja̱a̱ˉ gyʉ̱ʉ̱ˉ kya̱a̱ꜗ. Waˊ jë̱ë̱ˉ hohꜘ jwërte, jmeeˊ chaˉmiihˉ mɨɨhˊ, hneˉ saꜙ maˉjëëhˋ wɨɨꜘ läꜙko̱hꜘ gaˊ jñahꜘ dsaˉmëꜘ hi̱ˉ dsaˉläˉcha̱a̱ˉ jo̱o̱ꜘ. Jëëhꜘ, läꜙjwë̱ë̱ꜘ gaˊ jo̱o̱hˉ hneˉ hi̱ˉ gaꜙjä̱ꜘ hñiiꜘ, läꜙko̱hꜘ gaˊ hi̱ˉ cha̱a̱ˉ dsaˉñʉʉhˉ kya̱a̱ꜗ.
30465	1PE 1:24	Jëëhꜘ (läꜙlaˉ naˉsɨɨˉ juuˈ kihꜗ Dio): Läꜙjë̱ë̱ꜙ dsaˉ la̱a̱ꜗ läꜙko̱o̱ˉ waˊnuuˉ. Läꜙjëꜙ heˉ jnäꜘ naˊhñaahꜗ kihꜗ dsaꜙ, laꜗ läꜙko̱o̱ˉ waˊleꜗ kihꜗ waˊnuuˉ baˊ. Dsaˉläˉki̱i̱ˉ waˊnuuˉ, hiꜙ waˊleꜗ kihꜗ dsaˉtøhꜙ.