23214	MAT 1:1	Nde nscua naꞌ quiꞌi ti chaꞌ jiꞌi̱ lcaa ñati̱ nu ngua jyoꞌo cusuꞌ jiꞌi̱ Jesucristo, chaꞌ ñati̱ tyaꞌa jiꞌi̱ jyoꞌo David laca yu, loꞌo juaꞌa̱ ñati̱ tyaꞌa jiꞌi̱ jyoꞌo Abraham laca yu, masi tyijyuꞌ ti.
23219	MAT 1:6	liꞌ jyoꞌo Isaí biꞌ ngua sti rey David; liꞌ jyoꞌo rey David ngua sti Salomón, loꞌo xtyaꞌa̱ Salomón biꞌ ngua nu cunaꞌa̱ nu ngua clyoꞌo jyoꞌo Urías clyo.
23230	MAT 1:17	Juaꞌa̱ naa jyoꞌo nguꞌ cusuꞌ biꞌ, tii jlyacua tyaꞌa baꞌa nguꞌ loꞌo ngutuꞌú Abraham ñaꞌa̱ cuayáꞌ nu ngula jyoꞌo David. La cuiꞌ juaꞌa̱ tya tii jlyacua tyaꞌa baꞌa nguꞌ loꞌo ngutuꞌú jyoꞌo David, ñaꞌa̱ cuayáꞌ nu ndyaa loꞌo nguꞌ xaꞌ tsuꞌ jiꞌi̱ nguꞌ Israel ca quichi̱ tyi nguꞌ, nu loꞌo ngusuꞌba nguꞌ jiꞌi̱ nguꞌ Israel neꞌ chcua̱ ca quichi̱ Babilonia tyijyuꞌ. Loꞌo la cuiꞌ juaꞌa̱ tya tii jlyacua tyaꞌa baꞌa nguꞌ, liꞌ ngula nu laca Cristo.
23233	MAT 1:20	Laja loꞌo nclyacua tiꞌ yu ni chaꞌ laca ngua juaꞌa̱, liꞌ nduꞌu tucua sca xca̱ jiꞌi̱ ycuiꞌ Ndyosi slo yu laja xcalá yu. Nchcuiꞌ xca̱ biꞌ loꞌo yu liꞌ: ―José ―nacui̱ xca̱ jiꞌi̱ yu―, ñati̱ tyaꞌa jiꞌi̱ jyoꞌo David laca nuꞌu̱ ―nacui̱―. Ná cutsi̱i̱ nuꞌu̱ caja clyoꞌo loꞌo Mariá, chaꞌ ca̱a̱ choꞌ toniꞌi̱ jinuꞌu̱. Siꞌi na cuxi nguaꞌni María biꞌ tsiyaꞌ ti; cña nu nguaꞌni Xtyiꞌi ycuiꞌ Ndyosi laca chaꞌ ntsuꞌu sñiꞌ Mariá juani.
23303	MAT 4:25	Biꞌ chaꞌ nduꞌu lcaꞌa̱ quiñaꞌa̱ tsa ñati̱ jiꞌi̱, masi nguꞌ Galilea, masi nguꞌ lcaa quichi̱ nde Decápolis, masi nguꞌ quichi̱ Jerusalén, masi nguꞌ xaꞌ quichi̱ nde loyuu su cuentya Judea, masi nguꞌ quichi̱ chaca tsuꞌ staꞌa̱ Jordán. Quiñaꞌa̱ tsa quichi̱ ngutuꞌu nguꞌ ndyaa lcaꞌa̱ nguꞌ jiꞌi̱ Jesús liꞌ.
23475	MAT 9:27	Loꞌo liꞌ nduꞌu Jesús ca neꞌ niꞌi̱ biꞌ ndyaa yu, loꞌo juaꞌa̱ ndyaꞌa̱ lcaꞌa̱ tucua tyaꞌa nguꞌ cuityi̱ꞌ jiꞌi̱ yu. Ngusiꞌya nguꞌ jiꞌi̱ Jesús liꞌ: ―Cuaꞌni tyaꞌna tiꞌ nuꞌu̱ jiꞌi̱ cua, cusuꞌ, nuꞌu̱ nu laca ñati̱ tyaꞌa jiꞌi̱ jyoꞌo David ―nduꞌni nguꞌ jiꞌi̱.
23561	MAT 12:3	Loꞌo liꞌ nguxacui̱ Jesús chaꞌ jiꞌi̱ nguꞌ biꞌ: ―¿Ha bilya chcuiꞌ ma̱ lo quityi jiꞌi̱ ycuiꞌ Ndyosi nu nscua ñiꞌya̱ nu nguaꞌni jyoꞌo David saꞌni? ―nacui̱ Jesús jiꞌi̱ nguꞌ―. Ngua sca tsa̱ ntyuteꞌ tsa yu liꞌ, loꞌo juaꞌa̱ ntyuteꞌ tsa lcaa nguꞌ tyaꞌa ndyaꞌa̱ yu.
23581	MAT 12:23	Ndube tsa tiꞌ lcaa nguꞌ nu naꞌa̱ jiꞌi̱ chaꞌ biꞌ liꞌ. ―¿Ha la cuiꞌ nu ñati̱ tyaꞌa jiꞌi̱ jyoꞌo David biꞌ laca nu quiꞌyu re? ―nacui̱ nguꞌ jiꞌi̱ tyaꞌa nguꞌ.
23724	MAT 15:22	Loꞌo liꞌ ñaa sca nu cunaꞌa̱ ca tyi quichi̱ biꞌ slo Jesús, ngusiꞌya tsa nu cunaꞌa̱ biꞌ jiꞌi̱ Jesús liꞌ: ―Cuaꞌni tyaꞌna tiꞌ nuꞌu̱ ꞌna, Xuꞌna ―nacui̱ nu cunaꞌa̱ biꞌ jiꞌi̱ Jesús―. Nuꞌu̱ nu laca la cuiꞌ ñati̱ tyaꞌa jiꞌi̱ jyoꞌo cusuꞌ David, cuaꞌni nuꞌu̱ sca chaꞌ tsoꞌo loꞌo naꞌ. Nxalú tsa cuiꞌi̱ jiꞌi̱ sñiꞌ naꞌ.
23891	MAT 20:30	Toꞌ tyucui̱i̱ su tyeje tacui nguꞌ ngaꞌa̱ tucua tyaꞌa nguꞌ cuityi̱ꞌ; cua ndyuna nguꞌ cuityi̱ꞌ biꞌ chaꞌ ycuiꞌ Jesús nteje tacui tyucui̱i̱ jua, biꞌ chaꞌ cui̱i̱ ngusiꞌya nguꞌ jiꞌi̱ yu: ―Xuꞌna, cuaꞌni tyaꞌna tiꞌ nuꞌu̱ jiꞌi̱ ya. Jlo tiꞌ ya chaꞌ la cuiꞌ ñati̱ tyaꞌa jiꞌi̱ jyoꞌo David laca nuꞌu̱ ―nacui̱ nguꞌ cuityi̱ꞌ biꞌ jiꞌi̱ Jesús.
23892	MAT 20:31	Pana ná ndiya tiꞌ nu nguꞌ quiñaꞌa̱ biꞌ, chaꞌ lye tsa ngusiꞌya nguꞌ cuityi̱ꞌ biꞌ jiꞌi̱ Jesús. ―Cuaana ti cuꞌma̱ ―nacui̱ nguꞌ jiꞌi̱ nguꞌ cuityi̱ꞌ biꞌ. Ná ndyuna nguꞌ cuityi̱ꞌ biꞌ, cui̱i̱ la ngusiꞌya nguꞌ biꞌ liꞌ: ―Xuꞌna, nuꞌu̱ nu laca la cuiꞌ tyaꞌa ñati̱ jiꞌi̱ jyoꞌo David ―nacui̱ nguꞌ cuityi̱ꞌ biꞌ jiꞌi̱ Jesús―, cuaꞌni tyaꞌna tiꞌ nuꞌu̱ jiꞌi̱ ya.
23904	MAT 21:9	Loꞌo lcaa nguꞌ nxiꞌya nguꞌ chaꞌ chaa tiꞌ nguꞌ, masi nguꞌ nu ndyaa nde loo la, masi nguꞌ nu ñaa nde chu̱ꞌ la; chaa tsa tiꞌ lcaa nguꞌ biꞌ. ―Cuaꞌni tlyu ya jinuꞌu̱, chaꞌ la cuiꞌ ñati̱ tyaꞌa jiꞌi̱ jyoꞌo rey David laca nuꞌu̱ ―nacui̱ nguꞌ jiꞌi̱ Jesús―. Tsoꞌo tsa cuaꞌni ycuiꞌ Ni loꞌo nuꞌu̱ chaꞌ lijya̱ nuꞌu̱ loꞌo chacuayáꞌ jiꞌi̱ ycuiꞌ nu Xuꞌna na. Masi juani ti, cuaꞌni tlyu na jiꞌi̱ ycuiꞌ Ndyosi ―nacui̱ nguꞌ.
23910	MAT 21:15	Naꞌa̱ sti joꞌó nu laca loo chaꞌ tlyu nu nguaꞌni Jesús; loꞌo nu mstru chaꞌ joꞌó biꞌ, naꞌa̱ nguꞌ ñiꞌya̱ ngua chaꞌ ndyaca tsoꞌo nguꞌ quicha biꞌ. Loꞌo juaꞌa̱ naꞌa̱ nguꞌ chaꞌ ndiꞌi̱ tyu̱u̱ tyaꞌa nu sube, chaꞌ cui̱i̱ tsa nchcuiꞌ nu sube biꞌ ndyuꞌni chi̱ nguꞌ loo Jesús: ―Cuaꞌni tlyu ya jinuꞌu̱, chaꞌ la cuiꞌ ñati̱ tyaꞌa jiꞌi̱ jyoꞌo rey David laca nuꞌu̱ ―nacui̱ nu sube biꞌ. Nu loꞌo ndyuna nguꞌ tlyu biꞌ ñiꞌya̱ nu nchcuiꞌ nu sube, ngua ñasi̱ꞌ tsa nguꞌ nu laca loo biꞌ liꞌ.
23983	MAT 22:42	―¿Ñiꞌya̱ ntiꞌ cuꞌma̱ cuentya jiꞌi̱ Cristo nu ntsuꞌu chaꞌ ca̱a̱? ―nacui̱ Jesús jiꞌi̱ nguꞌ biꞌ―. ¿Tilaca ngua jyoꞌo cusuꞌ jiꞌi̱ nu Cristo biꞌ ntiꞌ ma̱? ―Ñati̱ tyaꞌa jiꞌi̱ jyoꞌo rey David caca nu biꞌ ―nacui̱ nguꞌ jiꞌi̱.
23984	MAT 22:43	Liꞌ nchcuane Jesús jiꞌi̱ nguꞌ biꞌ chaca quiyaꞌ: ―¿Ñiꞌya̱ ndyuꞌu ta chaꞌ re ntiꞌ cuꞌma̱, chaꞌ cua nchcuiꞌ jyoꞌo David chaꞌ Xuꞌna yu laca nu Cristo biꞌ? Cua nguluꞌu Xtyiꞌi ycuiꞌ Ndyosi chaꞌ biꞌ jiꞌi̱ David, biꞌ chaꞌ nchcuiꞌ yu ndiꞌya̱:
23986	MAT 22:45	Xuꞌna naꞌ, nchcuiꞌ jyoꞌo David jiꞌi̱ Cristo. ¿Ñiꞌya̱ caca chcuiꞌ na chaꞌ ñati̱ tyaꞌa jiꞌi̱ jyoꞌo David biꞌ laca Cristo lacua?
24041	MAT 24:15	’Jyoꞌo Daniel nu ngua tuꞌba jiꞌi̱ ycuiꞌ Ndyosi cua saꞌni ni, cua nchcuiꞌ yu cuentya jiꞌi̱ sca na nu subaꞌ tsa, nu cuaꞌni ñuꞌu̱ jiꞌi̱ lcaa na lubii. (Caca cuayáꞌ tiꞌ cuꞌma̱ jiꞌi̱ chaꞌ biꞌ nu loꞌo chcuiꞌ ma̱ lo quityi re.) Nu loꞌo ñaꞌa̱ ma̱ chaꞌ ndu̱ na subaꞌ biꞌ ca su tacati tsa neꞌ laa tonu biꞌ ―nacui̱ Jesús―,
24354	MRK 2:25	Nguxacui̱ Jesús chaꞌ jiꞌi̱ nguꞌ liꞌ: ―¿Ha bilya ñaꞌa̱ ma̱ lo quityi jiꞌi̱ ycuiꞌ Ndyosi nu nscua ñiꞌya̱ nu nguaꞌni jyoꞌo David? Ngua sca tsa̱ ntyuteꞌ tsa ycuiꞌ yu, loꞌo juaꞌa̱ ntyuteꞌ tsa tyaꞌa ndyaꞌa̱ yu ―nacui̱ Jesús jiꞌi̱ nguꞌ―.
24355	MRK 2:26	Ngua jyoꞌo Abiatar loo jiꞌi̱ lcaa sti joꞌó tyempo biꞌ, loꞌo liꞌ ndyatí̱ jyoꞌo David biꞌ neꞌ niꞌi̱ su cuentya jiꞌi̱ ycuiꞌ Ndyosi cajua, ngusñi yu xlyá nu laca msta̱ jiꞌi̱ ycuiꞌ Ndyosi, nu ntucua tacati lo mesa; ndyacu nguꞌ xlyá biꞌ, masi sca ti sti joꞌó ntsuꞌu chacuayáꞌ cacu jiꞌi̱ nquichaꞌ ―nacui̱ Jesús jiꞌi̱ nguꞌ fariseo biꞌ.
24453	MRK 5:20	Loꞌo liꞌ nduꞌu ndyaa nu quiꞌyu biꞌ lcaa quichi̱ nde Decápolis, nda chaꞌ loꞌo nguꞌ, lcaa lo chaꞌ ñiꞌya̱ nu nguaꞌni Jesús loꞌo. Ndube tsa tiꞌ lcaa nguꞌ biꞌ liꞌ.
24563	MRK 7:31	Loꞌo liꞌ nduꞌu nguꞌ quichi̱ Tiro, ñaa nguꞌ, nteje tacui nguꞌ quichi̱ Sidón, nteje tacui nguꞌ nde Decápolis, la cuiꞌ loyuu su nscua tii tyaꞌa quichi̱. Liꞌ nguxtyu̱u̱ nguꞌ ya̱a̱ nde toꞌ tayuꞌ Galilea.
24579	MRK 8:10	liꞌ ndyatí̱ yu neꞌ yaca niꞌi̱ sube loꞌo nu nguꞌ nu ndyaca tsaꞌa̱ jiꞌi̱, ndyaa yu loꞌo nguꞌ nde su naa Dalmanuta.
24704	MRK 10:47	Nu loꞌo ngua tii yu quicha biꞌ, chaꞌ lijya̱ ycuiꞌ Jesús Nazaret, cui̱i̱ ngusiꞌya jiꞌi̱ Jesús liꞌ: ―Jesús, ñati̱ tyaꞌa jiꞌi̱ jyoꞌo David laca nuꞌu̱ ―nacui̱―, cuaꞌni tyaꞌna tiꞌ nuꞌu̱ jnaꞌ ―nacui̱ nu quicha biꞌ jiꞌi̱ Jesús.
24705	MRK 10:48	Tyu̱u̱ tyaꞌa ñati̱ ngua tiꞌ cuaꞌa nguꞌ jiꞌi̱ nu quicha biꞌ, chaꞌ cuaana ti tyacaꞌa̱, ngua tiꞌ nguꞌ; pana ná ntajaꞌa̱ nu quicha biꞌ, cui̱i̱ la nxiꞌya liꞌ: ―Cusuꞌ, ñati̱ tyaꞌa jiꞌi̱ jyoꞌo David laca nuꞌu̱ ―nacui̱ nu quicha―, cuaꞌni tyaꞌna tiꞌ nuꞌu̱ jnaꞌ.
24719	MRK 11:10	Tsoꞌo tsa si cuaꞌni tlyu na jiꞌi̱ yu re, chaꞌ cua ngulala ti chaꞌ caca ycuiꞌ Ndyosi loo ca nde. Liꞌ caca ñiꞌya̱ nu ngua loꞌo ngua jyoꞌo cusuꞌ David loo cua saꞌni la ―nacui̱ nguꞌ―. Masi juani ti, cuaꞌni tlyu na jiꞌi̱ ycuiꞌ Ndyosi ―nacui̱ nguꞌ.
24777	MRK 12:35	Tya ndu̱ Jesús nclyuꞌu yu jiꞌi̱ nguꞌ neꞌ laa tonu biꞌ. Liꞌ nchcuane yu jiꞌi̱ nguꞌ: ―Nchcuiꞌ nu mstru chaꞌ joꞌó biꞌ chaꞌ la cuiꞌ ñati̱ tyaꞌa jiꞌi̱ jyoꞌo David caca Cristo ―nacui̱ Jesús jiꞌi̱ nguꞌ―. ¿Ni chaꞌ laca nchcuiꞌ mstru biꞌ juaꞌa̱?
24778	MRK 12:36	Cua nchcuiꞌ ycuiꞌ jyoꞌo David tya saꞌni la chaꞌ Xuꞌna yu laca ycuiꞌ Cristo. Xquiꞌya chaꞌ nguluꞌu Xtyiꞌi ycuiꞌ Ndyosi jiꞌi̱ David, biꞌ chaꞌ nguscua yu ndiꞌya̱: Ycuiꞌ Ni nu laca Xuꞌna na nacui̱ jiꞌi̱ Cristo nu Xuꞌna naꞌ: “Tyucua nuꞌu̱ nde laꞌa tsuꞌ cui̱ ꞌna”, nacui̱ Ni, “ñaꞌa̱ cuayáꞌ nu cuaꞌni tye naꞌ chaꞌ jiꞌi̱ lcaa tyaꞌa cusu̱u̱ jinuꞌu̱, chaꞌ caca nuꞌu̱ loo jiꞌi̱ lcaa ca chaꞌ”, nacui̱ ycuiꞌ Ndyosi nu Xuꞌna na jiꞌi̱ Cristo.
24779	MRK 12:37	Xuꞌna naꞌ, nchcuiꞌ jyoꞌo David jiꞌi̱ Cristo ―nacui̱ Jesús jiꞌi̱ nguꞌ―. ¿Ni chaꞌ laca nchcuiꞌ nguꞌ chaꞌ ñati̱ tyaꞌa jiꞌi̱ jyoꞌo David caca ycuiꞌ Cristo lacua? Tsoꞌo tsa ndyuna ñati̱ chaꞌ nu nda Jesús, loꞌo juaꞌa̱ quiñaꞌa̱ tsa ñati̱ ndu̱ ca biꞌ.
24800	MRK 13:14	’Cua nscua lo quityi jiꞌi̱ jyoꞌo cusuꞌ Daniel nu ngua tuꞌba jiꞌi̱ ycuiꞌ Ndyosi nu ngua saꞌni, chaꞌ ca tiyaꞌ la ñaꞌa̱ ma̱ chaꞌ tyu̱ sca na nu subaꞌ tsa, nu cuaꞌni ñuꞌu̱ jiꞌi̱ lcaa na lubii―. (Caca cuayáꞌ tiꞌ ma̱ chaꞌ biꞌ nu loꞌo chcuiꞌ ma̱ lo quityi re.) ―Nu loꞌo ñaꞌa̱ ma̱ chaꞌ ndu̱ na subaꞌ biꞌ ca neꞌ laa tonu su ná ntsuꞌu chacuayáꞌ tyu̱ ―nacui̱ Jesús―, liꞌ tsoꞌo la si xna lcaa ma̱ nu ndiꞌi̱ ma̱ nde loyuu su cuentya Judea, xna ma̱ chaꞌ tyuꞌu cuatsiꞌ ma̱ laja caꞌya.
24989	LUK 1:27	Nda ycuiꞌ Ndyosi jiꞌi̱ xca̱ biꞌ jiꞌi̱ Ni chaꞌ tsaa slo sca nu cunaꞌa̱ nu ntucua ycuiꞌ ti. Na cua ngüiñi chaꞌ jiꞌi̱ nu cunaꞌa̱ biꞌ, chaꞌ caja clyoꞌo loꞌo sca nu quiꞌyu nu naa José; David laca xtañi nu quiꞌyu biꞌ, sca ti xtañi yu loꞌo jyoꞌo cusuꞌ David nu ngutuꞌú saꞌni la. María naa nu cunaꞌa̱ nu ntucua ycuiꞌ ti biꞌ, loꞌo juaꞌa̱ la cuiꞌ tyaꞌa nu Elisabet biꞌ laca María.
24994	LUK 1:32	Caca yu biꞌ sca ñati̱ tlyu. Ñacui̱ nguꞌ jiꞌi̱ yu chaꞌ Sñiꞌ ycuiꞌ Ndyosi nu Xuꞌna na nu tlyu la caca yu. La cuiꞌ tyaꞌa cña tlyu nu nguaꞌni jyoꞌo rey David, nu tyaꞌa yu nu ya̱a̱ chalyuu cua saꞌni la, biꞌ cña laca nu ta ycuiꞌ nu Xuꞌna na jiꞌi̱ Jesús,
25031	LUK 1:69	Cua nda ca ti ycuiꞌ Ndyosi lijya̱ sca nu tsoꞌo tsa nchca jiꞌi̱, chaꞌ cuaꞌni lyaá yu jiꞌna jiꞌi̱ lcaa chaꞌ cuxi nu ntsuꞌu jiꞌna; biꞌ laca sca ñati̱ nu la cuiꞌ ñati̱ tyaꞌa jiꞌi̱ jyoꞌo David nu nguaꞌni cña jiꞌi̱ ycuiꞌ Ndyosi cua saꞌni la.
25046	LUK 2:4	Cua ndiꞌi̱ sca quichi̱ nu naa Belén nde loyuu su cuentya Judea biꞌ; quichi̱ biꞌ laca quichi̱ tyi jyoꞌo David nu ngua jyoꞌo cusuꞌ jiꞌi̱ José, biꞌ chaꞌ nduꞌu José quichi̱ Nazaret su laca quichi̱ tyi yu, ndyaa yu nde quichi̱ Belén. Stuꞌba ti ndyaa yu loꞌo María nu caca clyoꞌo yu, chaꞌ xcua xtañi nguꞌ, masi ngua tana nu cunaꞌa̱ biꞌ.
25053	LUK 2:11	Cua lijya̱ naꞌ cachaꞌ naꞌ jiꞌi̱ ma̱ chaꞌ juani cua ngula sca cubiꞌ ca quichi̱ tyi ma̱, chaꞌ la cuiꞌ quichi̱ tyi jyoꞌo David laca biꞌ; cubiꞌ biꞌ laca nu cuityi̱ quiꞌya nu ntsuꞌu jiꞌi̱ ma̱. Biꞌ laca nu Cristo nu laca ycuiꞌ nu Xuꞌna na, nu cua nda ycuiꞌ Ndyosi jiꞌi̱ chaꞌ lijya̱ lo yuu chalyuu ―nacui̱―.
25126	LUK 3:32	David ngua naa sti Natán biꞌ; Isaí ngua naa sti David biꞌ; Obed ngua naa sti Isaí biꞌ; Booz ngua naa sti Obed biꞌ; Salmón ngua naa sti Booz biꞌ; Naasón ngua naa sti Salmón biꞌ;
25218	LUK 6:3	Liꞌ nguxacui̱ Jesús chaꞌ jiꞌi̱ nguꞌ biꞌ: ―¿Ha bilya chcuiꞌ ma̱ lo quityi jiꞌi̱ ycuiꞌ Ndyosi su nscua ñiꞌya̱ nu nguaꞌni jyoꞌo David saꞌni? ―nacui̱ Jesús jiꞌi̱ nguꞌ―. Ngua sca tsa̱ ntyuteꞌ tsa yu, loꞌo juaꞌa̱ ntyuteꞌ tsa lcaa nguꞌ tyaꞌa ndyaꞌa̱ yu.
25795	LUK 18:38	Liꞌ cui̱i̱ tsa ngusiꞌya nu cuityi̱ꞌ biꞌ: ―Jesús, chaꞌ David ngua jyoꞌo cusuꞌ jinuꞌu̱ ―nacui̱ yu―, cuaꞌni tyaꞌna tiꞌ nuꞌu̱ jnaꞌ ―nacui̱.
25796	LUK 18:39	Nguꞌ nu ndyaa nde loo biꞌ ngusiꞌya loꞌo nguꞌ jiꞌi̱ yu chaꞌ ca ti̱ yu chaꞌ nxiꞌya yu; pana ná ndyuna yu, cui̱i̱ la nxiꞌya yu liꞌ: ―Nuꞌu̱ ni, nu tyaꞌa ñati̱ jiꞌi̱ jyoꞌo David ―nacui̱ yu―, cuaꞌni tyaꞌna tiꞌ nuꞌu̱ jnaꞌ.
25889	LUK 20:41	Liꞌ nchcuane Jesús jiꞌi̱ nguꞌ: ―¿Ni chaꞌ laca nacui̱ nguꞌ chaꞌ rey David ngua jyoꞌo cusuꞌ jiꞌi̱ Cristo?
25890	LUK 20:42	Ndiꞌya̱ chaꞌ nguscua ycuiꞌ David biꞌ lo quityi Salmos: Ycuiꞌ Ndyosi nu laca Xuꞌna na nacui̱ jiꞌi̱ Cristo nu Xuꞌna naꞌ: “Tyucua nuꞌu̱ nde laꞌa tsuꞌ cui̱ ꞌna, chaꞌ stuꞌba ti caca nuꞌu̱ loo loꞌo naꞌ”, nacui̱ Ni,
25892	LUK 20:44	Xuꞌna naꞌ, nguaꞌni ycuiꞌ David jiꞌi̱ Cristo. ¿Ñiꞌya̱ caca chcuiꞌ nguꞌ chaꞌ jyoꞌo cusuꞌ ti jiꞌi̱ Cristo ngua David lacua?
26439	JHN 7:42	Lo quityi cusuꞌ biꞌ nscua chaꞌ sca ñati̱ tyaꞌa jiꞌi̱ jyoꞌo David caca nu ñati̱ tlyu biꞌ; quichi̱ Belén cala yu biꞌ, chaꞌ quichi̱ tyi nguꞌ David laca biꞌ.
27008	ACT 1:16	―Cuꞌma̱ tyaꞌa ndiꞌi̱ na re ―nacui̱ Pedro jiꞌi̱ nguꞌ biꞌ―, nu ngua saꞌni nguxtyucua Xtyiꞌi ycuiꞌ Ndyosi jiꞌi̱ jyoꞌo cusuꞌ David loꞌo nguscua jyoꞌo biꞌ lo quityi ñiꞌya̱ caca cña nu cuaꞌni jyoꞌo Judas nde loo la. Ycuiꞌ Judas nguluꞌu tyucui̱i̱ jiꞌi̱ nguꞌ xñaꞌa̱ loꞌo ngusñi nguꞌ jiꞌi̱ Jesús preso; pana ñiꞌya̱ nu ndyanu chaꞌ caca jiꞌi̱ yu, juaꞌa̱ ngua chaꞌ biꞌ.
27043	ACT 2:25	Cua ntsuꞌu chaca chaꞌ nu nguscua jyoꞌo cusuꞌ David saꞌni la nu nchcuiꞌ cuentya jiꞌi̱ Jesús ndiꞌya̱: Xuꞌna, nacui̱ yu, xcuiꞌ ndyaꞌa̱ nuꞌu̱ loꞌo naꞌ; cacua tsa ngaꞌa̱ nuꞌu̱ slo naꞌ, chaꞌ caca tlyu tyiquee naꞌ loꞌo nxtyucua nuꞌu̱ jnaꞌ;
27046	ACT 2:28	cua nguluꞌu nuꞌu̱ tyucui̱i̱ su tsaꞌa naꞌ chaꞌ tyiꞌi̱ naꞌ ca slo nuꞌu̱. Tsoꞌo tsa ntsuꞌu tyiquee naꞌ chaꞌ stuꞌba ti tyiꞌi̱ naꞌ loꞌo nuꞌu̱ liꞌ. Juaꞌa̱ nguscua jyoꞌo David lo quityi.
27047	ACT 2:29	’Pana jlo tiꞌ cuꞌma̱ chaꞌ chañi chaꞌ ngujuii David, nu jyoꞌo cusuꞌ jiꞌna ―nacui̱ Pedro―. Saꞌni tsa ngujuii biꞌ; nguxatsiꞌ nguꞌ jiꞌi̱ liꞌ, loꞌo juaꞌa̱ tya ntsiya cuaá jiꞌi̱ jyoꞌo biꞌ juani.
27048	ACT 2:30	Tuꞌba jiꞌi̱ ycuiꞌ Ndyosi ngua jyoꞌo David biꞌ; jlo tiꞌ yu chaꞌ nda Ni chaꞌ liñi loꞌo yu loꞌo nchcuiꞌ Ni chaꞌ sca ñati̱ tyaꞌa nati̱ jiꞌi̱ ycuiꞌ yu cala nde loo la, biꞌ caca nu Cristo. Caca Cristo biꞌ rey, ñiꞌya̱ loꞌo ngua ycuiꞌ David rey.
27052	ACT 2:34	Ná ndyaa jyoꞌo David ñaꞌa̱ luꞌú ti ca slo ycuiꞌ Ndyosi, biꞌ chaꞌ jlo tiꞌ na chaꞌ siꞌi chaꞌ jiꞌi̱ ycuiꞌ ca yu nchcuiꞌ chaꞌ nu nguscua nu David biꞌ lo quityi, nu ndiꞌya̱ nchcuiꞌ: Cua nchcuiꞌ ycuiꞌ Ndyosi loꞌo nu Xuꞌna naꞌ: “Tyucua nuꞌu̱ laꞌa tsuꞌ cui̱ jnaꞌ.
27053	ACT 2:35	Caca nuꞌu̱ loo jiꞌi̱ lcaa ñati̱ nu laca tyaꞌa cusu̱u̱ nuꞌu̱”, nacui̱ ycuiꞌ Ndyosi jiꞌi̱. Juaꞌa̱ nguscua jyoꞌo David lo quityi ―nacui̱ Pedro―.
27116	ACT 4:25	Nda nuꞌu̱ Xtyiꞌi ycuiꞌ nuꞌu̱ jiꞌi̱ David jyoꞌo cusuꞌ jiꞌi̱ ya, nu loꞌo nguscua yu chaꞌ cuentya jinuꞌu̱ lo quityi. Ndiꞌya̱ nscua chaꞌ lo quityi biꞌ: ¿Ni chaꞌ laca tyaala tsa nguꞌ xaꞌ loyuu? Nclyacua tsa tiꞌ nguꞌ biꞌ, chaꞌ cuaꞌni cuxi nguꞌ; pana ná nchca jiꞌi̱ nguꞌ cuaꞌni nguꞌ chaꞌ cuxi biꞌ.
27118	ACT 4:27	’Ñiꞌya̱ nu cua nchcuiꞌ quityi jinuꞌu̱ nu nguscua jyoꞌo David saꞌni la biꞌ ―nacui̱ nguꞌ jiꞌi̱ ycuiꞌ Ndyosi Sti na―, juaꞌa̱ cua ndyuꞌu tiꞌi̱ nguꞌ nu laca loo jiꞌi̱ quichi̱ re chaꞌ cuaꞌni cuxi nguꞌ loꞌo Jesús Sñiꞌ ycuiꞌ nuꞌu̱, masi xcuiꞌ lubii tsiyaꞌ ti cresiya jiꞌi̱ nu Jesús biꞌ; la cuiꞌ yu laca nu ngusubi nuꞌu̱ jiꞌi̱ ―nacui̱ nguꞌ―. Ndyuꞌu tiꞌi̱ Herodes loꞌo Poncio Pilato, loꞌo nguꞌ xaꞌ loyuu, loꞌo nguꞌ tyaꞌa ya nde loyuu re. Liꞌ nguaꞌni nguꞌ lcaa cña nu nda nuꞌu̱ chacuayáꞌ jiꞌi̱ nguꞌ biꞌ chaꞌ cuaꞌni nguꞌ; ñiꞌya̱ nu nda nuꞌu̱ chaꞌ loꞌo nguꞌ saꞌni, la cuiꞌ juaꞌa̱ ngua chaꞌ yija̱ re ―nacui̱ nguꞌ jiꞌi̱ ycuiꞌ Ndyosi―.
27230	ACT 7:45	Nu loꞌo ngujuii nu Moisés biꞌ, liꞌ ngusubi Ni jiꞌi̱ jyoꞌo Josué chaꞌ caca yu loo jiꞌi̱ jyoꞌo cusuꞌ jiꞌna. Loꞌo niꞌi̱ quiji̱ biꞌ, ñaa loꞌo nguꞌ jiꞌi̱ loꞌo ndyalaa nguꞌ loyuu re. Liꞌ nguloꞌo ycuiꞌ Ndyosi jiꞌi̱ xaꞌ la ñati̱, nguloꞌo Ni jiꞌi̱ lcaa nguꞌ ca tyi biꞌ, chaꞌ tyanu yuu re laja ti. Nguxtyanu nguꞌ jiꞌi̱ niꞌi̱ quiji̱ biꞌ toꞌ tyi sca ñati̱ hasta ñaꞌa̱ cuayáꞌ nu ndyalaa tyempo loꞌo ngua jyoꞌo David loo jiꞌi̱ nguꞌ.
27231	ACT 7:46	Tsoꞌo tsa ntsuꞌu tyiquee ycuiꞌ Ndyosi ñaꞌa̱ Ni jiꞌi̱ nu David biꞌ. Liꞌ ngua tiꞌ David cuiñá sca niꞌi̱ su caca tyi ycuiꞌ Ndyosi, chaꞌ ycuiꞌ Ndyosi laca loo jiꞌi̱ ñati̱ jiꞌi̱ Jacob.
27232	ACT 7:47	Pana ná tsoꞌo ntiꞌ ycuiꞌ Ndyosi chaꞌ cuaꞌni David juaꞌa̱; nu loꞌo cua nguluu sñiꞌ jyoꞌo David nu ngua naa Salomón, liꞌ nda ycuiꞌ Ndyosi chacuayáꞌ jiꞌi̱ yu cuañiꞌ biꞌ, chaꞌ cuiñá yu niꞌi̱ biꞌ.
27287	ACT 9:2	chaꞌ ntiꞌ yu culo yu quityi chacuayáꞌ jiꞌi̱ chaꞌ tsaa sca̱ꞌ yu jiꞌi̱ nguꞌ nu ngusñi chaꞌ jiꞌi̱ Jesucristo. Ntiꞌ yu tsaa yu quichi̱ Damasco chaꞌ culuꞌu yu quityi chacuayáꞌ biꞌ jiꞌi̱ nguꞌ nu laca loo neꞌ laa biꞌ, nu laa jiꞌi̱ nguꞌ judío biꞌ. Liꞌ ntiꞌ Saulo sca̱ꞌ jiꞌi̱ ñati̱ jiꞌi̱ Jesucristo quichi̱ biꞌ, chaꞌ xtyu̱u̱ yu tya̱a̱ loꞌo yu jiꞌi̱ nguꞌ nde Jerusalén; masi nguꞌ quiꞌyu, masi nguꞌ cunaꞌa̱, lcua ti ñaꞌa̱ ñati̱ biꞌ tejeyaꞌ yu jiꞌi̱ nguꞌ, ntiꞌ yu.
27288	ACT 9:3	Ngusñi yu tyucui̱i̱ ndyaa yu ca quichi̱ Damasco biꞌ liꞌ. Cua tyalaa ti yu quichi̱ biꞌ, liꞌ tsi tsiyaꞌ ca nguaꞌa̱ sca xee tlyu jiꞌi̱ ycuiꞌ Ndyosi slo yu; lcaa su ndu̱ Saulo ntyijiꞌi̱ xee biꞌ lo yuu.
27291	ACT 9:6	Lye tsa nchcua̱ Saulo chaꞌ ndyutsi̱i̱ yu liꞌ. ―¿Ñiꞌya̱ nu ntiꞌ nuꞌu̱ chaꞌ cuaꞌni naꞌ, Xuꞌna? ―nacui̱ Saulo liꞌ. ―Tyatu̱ nuꞌu̱ ni ―nacui̱ Jesús jiꞌi̱― chaꞌ tye tyalaa ca quichi̱ Damasco jua. Ca ndacua ndiꞌi̱ sca ñati̱ nu culuꞌu jinuꞌu̱ ñiꞌya̱ caca cña nu cuaꞌni nuꞌu̱ cuentya jnaꞌ.
27293	ACT 9:8	Liꞌ ndatu̱ Saulo, ngusaala yu cloo yu; pana ngaꞌaa ngua ñaꞌa̱ yu, ngua talya loo yu tsiyaꞌ ti. Liꞌ ntejeyaꞌ chaca ñati̱ yaꞌ yu chaꞌ ngaꞌaa ngua ñaꞌa̱ yu, ndyaa loꞌo nguꞌ jiꞌi̱ yu nde quichi̱ Damasco.
27295	ACT 9:10	La cuiꞌ quichi̱ Damasco ndiꞌi̱ sca nu quiꞌyu nu naa Ananías, nu ngusñi chaꞌ jiꞌi̱ Jesucristo. Ñiꞌya̱ laca loꞌo nchcuiꞌ xcalá na, juaꞌa̱ nchcuiꞌ ycuiꞌ nu Xuꞌna na loꞌo Ananías biꞌ. ―Ananías ―nacui̱ Ni. ―Nde ti ngaꞌa̱ naꞌ, Xuꞌna ―nacui̱ Ananías.
27304	ACT 9:19	Loꞌo liꞌ ndyacu Saulo chaꞌ quije juersa jiꞌi̱ yu chaca quiyaꞌ, chaꞌ ñiꞌya̱ ngua yu tya tsubiꞌ la, juaꞌa̱ ndyaca yu chaca quiyaꞌ. Liꞌ stuꞌba ngutiꞌi̱ yu xi loꞌo ñati̱ jiꞌi̱ Jesucristo ca quichi̱ Damasco biꞌ.
27307	ACT 9:22	Lye la nguluꞌu Saulo jiꞌi̱ nguꞌ chaꞌ chañi chaꞌ Cristo laca ycuiꞌ Jesús, la cuiꞌ nu cua nda ycuiꞌ Ndyosi jiꞌi̱ ya̱a̱ chalyuu. Ngaꞌaa ngujui la ñiꞌya̱ nu xacui̱ nguꞌ chaꞌ jiꞌi̱ nu Saulo biꞌ liꞌ, lcaa tyaꞌa nguꞌ judío nu ndiꞌi̱ quichi̱ Damasco biꞌ.
27312	ACT 9:27	Liꞌ ndyaa loꞌo Bernabé jiꞌi̱ yu slo nguꞌ nu ngua tsaꞌa̱ jiꞌi̱ Jesucristo tya clyo, chaꞌ chcuiꞌ yu loꞌo nguꞌ: ―Cua naꞌa̱ Saulo re jiꞌi̱ ycuiꞌ nu Xuꞌna na ―nacui̱ Bernabé jiꞌi̱ nguꞌ―. Cua naꞌa̱ yu jiꞌi̱ ycuiꞌ Jesús nu loꞌo ndyaꞌa̱ yu nde quichi̱ Damasco, nchcuiꞌ Ni loꞌo yu liꞌ ―nacui̱―. Loꞌo juaꞌa̱ ná ndyutsi̱i̱ Saulo liꞌ, nguluꞌu yu chaꞌ jiꞌi̱ Jesucristo jiꞌi̱ nguꞌ quichi̱ biꞌ.
27321	ACT 9:36	Cua ndiꞌi̱ sca nu cunaꞌa̱ nu naa Tabita nde quichi̱ Jope, juaꞌa̱ ñati̱ jiꞌi̱ Jesucristo laca maꞌ biꞌ. Dorcas nchcuiꞌ nguꞌ chaꞌcña jiꞌi̱ nguꞌ griego jiꞌi̱ maꞌ. Tsoꞌo tsa tyiquee nu cunaꞌa̱ biꞌ, tsoꞌo tsa nxtyucua maꞌ jiꞌi̱ lcaa nguꞌ tiꞌi.
27453	ACT 13:22	Nu loꞌo ndye tuꞌba yija̱, liꞌ ngaꞌaa nda Ni cña biꞌ jiꞌi̱ yu biꞌ, nda Ni jyoꞌo David chaꞌ caca loo jiꞌi̱ nguꞌ cña su ndu̱ Saúl nquichaꞌ. Cua nchcuiꞌ ycuiꞌ Ndyosi chaꞌ jiꞌi̱ nu jyoꞌo David biꞌ: “Ntsuꞌu tsa tyiquee naꞌ ñaꞌa̱ naꞌ jiꞌi̱ David sñiꞌ Isaí”, nacui̱ ycuiꞌ Ndyosi. “Cua nda naꞌ cuentya chaꞌ laca yu biꞌ sca ñati̱ nu tyajaꞌa̱ cuaꞌni lcaa cña nu ntiꞌ naꞌ chaꞌ cuaꞌni yu.”
27454	ACT 13:23	Cua saꞌni nda ycuiꞌ Ndyosi chaꞌ loꞌo na chaꞌ nde loo la cala sca ñati̱ tyaꞌa jiꞌi̱ jyoꞌo David biꞌ, nu cuaꞌni lyaá jiꞌi̱ lcaa na nu laca na nguꞌ Israel; yu biꞌ laca Jesús.
27465	ACT 13:34	Chaca chaꞌ nchcuiꞌ quityi chaꞌ jiꞌi̱ ycuiꞌ Ndyosi chaꞌ tyuꞌú Jesús chaca quiyaꞌ loꞌo ndyujuii nguꞌ jiꞌi̱, loꞌo juaꞌa̱ nchcuiꞌ quityi biꞌ chaꞌ ná quiñuꞌu̱ cuañaꞌ Jesús neꞌ cuaá. “Ta naꞌ lcaa chaꞌ tsoꞌo jiꞌi̱ ma̱, la cuiꞌ ñaꞌa̱ chaꞌ tsoꞌo nu nchcuiꞌ naꞌ loꞌo David chaꞌ caja jiꞌi̱ ma̱”, nacui̱ ycuiꞌ Ni.
27467	ACT 13:36	Nguaꞌni jyoꞌo David cña jiꞌi̱ ycuiꞌ Ndyosi lcaa tyempo loꞌo ngutiꞌi̱ nu cusuꞌ biꞌ chalyuu. Loꞌo ngujuii yu, liꞌ nguxatsiꞌ nguꞌ jiꞌi̱ seꞌi̱ ti loꞌo xaꞌ la jyoꞌo cusuꞌ jiꞌna; ndye cuañaꞌ yu ngutsuꞌ liꞌ.
27489	ACT 14:6	Pana ngua cuayáꞌ tiꞌ Pablo loꞌo tyaꞌa ndyaꞌa̱ yu chaꞌ biꞌ, ngusna nguꞌ ndyaa nguꞌ ca xaꞌ quichi̱ loyuu su cuentya Licaonia liꞌ, ndyalaa nguꞌ ca quichi̱ Listra. Loꞌo liꞌ ndyaa lye la nguꞌ ca quichi̱ Derbe loꞌo lcaa quichi̱ cacua ti.
27503	ACT 14:20	Pana ndyuꞌu tiꞌi̱ nguꞌ nu ngusñi chaꞌ jiꞌi̱ Jesucristo slo Pablo su ntsiya yu; liꞌ ndacaꞌa̱ yu, ndyaa yu nde quichi̱ loꞌo nguꞌ chaca quiyaꞌ. Ca chaca tsa̱ nduꞌu Pablo loꞌo Bernabé ndyaa nguꞌ ca quichi̱ Derbe.
27527	ACT 15:16	Tya̱a̱ naꞌ chaca quiyaꞌ, nacui̱ ycuiꞌ Ni. Ñiꞌya̱ laca sca niꞌi̱ ngunuꞌu̱, juaꞌa̱ ntiꞌ cuꞌma̱, chaꞌ cua ngujlyaa tiꞌ ma̱ jnaꞌ, nacui̱ Ni. Pana ñiꞌya̱ loꞌo nduꞌni tiji nguꞌ sca niꞌi̱ nu cua ngunuꞌu̱ biꞌ, la cuiꞌ juaꞌa̱ xaꞌ cuaꞌni naꞌ chaꞌ taquiyaꞌ ma̱ jnaꞌ. Liꞌ taca taquiyaꞌ ma̱ jnaꞌ ñiꞌya̱ ndaquiyaꞌ jyoꞌo cusuꞌ jiꞌi̱ ma̱ jnaꞌ, nu loꞌo tya luꞌú jyoꞌo cusuꞌ David.
27553	ACT 16:1	Ndyalaa Pablo loꞌo Silas ca quichi̱ Derbe, liꞌ ndyalaa nguꞌ ca quichi̱ Listra. Quichi̱ biꞌ ndyacua tyaꞌa nguꞌ loꞌo sca yu cuañiꞌ tyaꞌa ngusñi nguꞌ chaꞌ jiꞌi̱ Jesucristo nu naa Timoteo. Xtyaꞌa̱ yu laca sca nu cunaꞌa̱ judío nu ntsuꞌu chaꞌ jiꞌi̱ loꞌo Jesucristo, pana nguꞌ griego ngua sti yu.
27626	ACT 17:34	Pana nduꞌu lcaꞌa̱ xi nguꞌ jiꞌi̱ yu liꞌ, xquiꞌya chaꞌ jlya tiꞌ nguꞌ biꞌ chaꞌ nu cua nchcuiꞌ yu loꞌo nguꞌ. Sca nu quiꞌyu nu naa Dionisio ngusñi chaꞌ biꞌ, masi laca Dionisio sca nguꞌ cusuꞌ nu ndyaꞌa̱ ca Areópago; juaꞌa̱ sca nu cunaꞌa̱ nu naa Dámaris ngusñi chaꞌ biꞌ, loꞌo xi xaꞌ la ñati̱ ngusñi chaꞌ biꞌ.
27678	ACT 19:24	Ndiꞌya̱ ngua chaꞌ: Sca ñati̱ nu naa Demetrio ngua su̱u̱ chaꞌ ñasi̱ꞌ nguꞌ biꞌ; cuityi plata laca Demetrio biꞌ, ndiñá yu lcui̱ plata jiꞌi̱ niꞌi̱ su ndyaꞌa̱ nguꞌ quichi̱ nduꞌni tlyu nguꞌ jiꞌi̱ joꞌó xuꞌna quichi̱, nu joꞌó Diana biꞌ. Loꞌo juaꞌa̱ ndyiji tsa ngana jiꞌi̱ nguꞌ xquiꞌya cña biꞌ. Ntsuꞌu tsa msu jiꞌi̱ Demetrio, chaꞌ nxtyucua msu biꞌ jiꞌi̱ yu loꞌo cña biꞌ jiꞌi̱.
27679	ACT 19:25	Liꞌ ndyuꞌu tiꞌi̱ lcaa ñati̱ jiꞌi̱ yu, loꞌo juaꞌa̱ lcaa cuityi plata nu ntsuꞌu quichi̱ biꞌ, ndyuꞌu tiꞌi̱ nguꞌ seꞌi̱ ti. ―Cuꞌma̱ tyaꞌa nduꞌni na cña ―nacui̱ Demetrio jiꞌi̱ nguꞌ―, jlo tiꞌ ma̱ chaꞌ ndyiji tsa ngana jiꞌna loꞌo cña nu ntsuꞌu jiꞌna ―nacui̱ yu―.
27681	ACT 19:27	Cuxi tsa ndyuꞌu chaꞌ biꞌ, si ngaꞌaa ntiꞌ nguꞌ cuiꞌya nguꞌ lcui̱ nu ndiñá na; ngaꞌaa caja cña nu cuaꞌni na liꞌ. Loꞌo liꞌ ngaꞌaa tyajaꞌa̱ nguꞌ cuaꞌni tlyu nguꞌ jiꞌi̱ xtyaꞌa̱ na joꞌó Diana nu laca loo tsiyaꞌ ti neꞌ laa jiꞌi̱ quichi̱ tyi na re. Juani lcaa ñati̱ loyuu su cuentya Asia ndyuꞌni tlyu jiꞌi̱ joꞌó biꞌ, loꞌo juaꞌa̱ lcaa ñati̱ tyucui ñaꞌa̱ chalyuu ndyuꞌni tlyu jiꞌi̱. Ná tsoꞌo si cuaꞌni tye nguꞌ chaꞌ jiꞌi̱ joꞌó tlyu nu ntsuꞌu jiꞌna.
27682	ACT 19:28	Loꞌo ndyuna nguꞌ nu ndiñá̱ lcui̱ joꞌó chaꞌ biꞌ, ñasi̱ꞌ tsa nguꞌ liꞌ. Cui̱i̱ ngusiꞌya loꞌo nguꞌ jiꞌi̱ tyaꞌa nguꞌ liꞌ: ―Tlyu tsa xtyaꞌa̱ na joꞌó Diana, biꞌ laca joꞌó jiꞌi̱ lcaa nguꞌ Efeso tyaꞌa na ―nacui̱ nguꞌ.
27688	ACT 19:34	Pana nu loꞌo ngua tii nguꞌ chaꞌ loꞌo Alejandro laca nguꞌ judío, lye la nxiꞌya loꞌo nguꞌ liꞌ. Ndye tucua hora nu xcuiꞌ ngusiꞌya loꞌo ti nu nguꞌ quiñaꞌa̱ biꞌ jiꞌi̱ tyaꞌa nguꞌ ndiꞌya̱: ―Tlyu tsa xtyaꞌa̱ na joꞌó Diana, biꞌ laca joꞌó jiꞌi̱ lcaa nguꞌ Efeso tyaꞌa na ―nduꞌni nguꞌ.
27689	ACT 19:35	Loꞌo liꞌ nguaꞌni scaranu quichi̱ biꞌ chaꞌ ngua ti̱ nu nguꞌ quiñaꞌa̱ biꞌ: ―Cuꞌma̱ nguꞌ Efeso ―nacui̱ scaranu biꞌ jiꞌi̱ nguꞌ quichi̱―, jlo tiꞌ lcaa ñati̱ chalyuu chaꞌ nguꞌ tyaꞌa na laca nu ñaꞌa̱si̱i̱ na jiꞌi̱ laa jiꞌi̱ xtyaꞌa̱ na joꞌó Diana ―nacui̱ yu―, na ñaꞌa̱si̱i̱ na jiꞌi̱ ycuiꞌ joꞌó Diana nu ndyú nde cua̱.
27692	ACT 19:38	Loꞌo Demetrio ni, loꞌo tyaꞌa nduꞌni Demetrio cña biꞌ, si ntsuꞌu quiꞌya chaꞌ sta nguꞌ jiꞌi̱ nguꞌ re, ntsuꞌu chaꞌ tsaa nguꞌ ca toniꞌi̱ cña; ca slo bese sta nguꞌ quiꞌya jiꞌi̱ nguꞌ, chaꞌ ca cuayáꞌ chaꞌ biꞌ liꞌ.
27698	ACT 20:4	Ndyaꞌa̱ Sópater nguꞌ Berea loꞌo ya, loꞌo juaꞌa̱ Aristarco loꞌo Segundo nguꞌ Tesalónica, loꞌo juaꞌa̱ Gayo nguꞌ Derbe, loꞌo Timoteo biꞌ, loꞌo juaꞌa̱ Tíquico loꞌo Trófimo nguꞌ Asia; ca taꞌa ya ndyaꞌa̱ ya loꞌo yu liꞌ.
27777	ACT 22:5	Jlo tiꞌ xuꞌna sti joꞌó, loꞌo juaꞌa̱ nguꞌ cusuꞌ quichi̱ re ni, jlo tiꞌ nguꞌ chaꞌ biꞌ; biꞌ chaꞌ cua nda nguꞌ quityi jnaꞌ nu nguscua nguꞌ chaꞌ tsaa slo nguꞌ judío tyaꞌa na ca quichi̱ Damasco. Ndyaꞌa̱ naꞌ ca biꞌ chaꞌ clyana la naꞌ jiꞌi̱ ñati̱ nu cua ngusñi chaꞌ jiꞌi̱ Jesucristo, chaꞌ tya̱a̱ loꞌo naꞌ jiꞌi̱ nguꞌ biꞌ nde Jerusalén re, chaꞌ xcubeꞌ ma̱ jiꞌi̱ nguꞌ biꞌ.
27778	ACT 22:6	’Ndyaꞌa̱ naꞌ tyucui̱i̱, cua tyalaa ti naꞌ ca quichi̱ Damasco biꞌ. Nde hora ngua, loꞌo tsi tsiyaꞌ ca ndacaꞌa̱ sca xee tlyu jiꞌi̱ ycuiꞌ Ndyosi nde cua̱; tyucui ñaꞌa̱ lo yuu su ndu̱ naꞌ ngujuiꞌi̱ xee biꞌ.
27782	ACT 22:10	“¿Na laca nu ntiꞌ nuꞌu̱ chaꞌ cuaꞌni naꞌ, Xuꞌna?” nacui̱ naꞌ jiꞌi̱ Jesús liꞌ. “Tyatu̱ nuꞌu̱”, nacui̱ nu Xuꞌna na jnaꞌ, “tsaa nuꞌu̱ ca quichi̱ Damasco. Ndejua ndiꞌi̱ sca ñati̱ nu culuꞌu jinuꞌu̱ lcaa ñaꞌa̱ cña nu ntsuꞌu chaꞌ cuaꞌni nuꞌu̱.”
27783	ACT 22:11	Ngua cuityi̱ꞌ naꞌ xquiꞌya xee tlyu biꞌ liꞌ, biꞌ chaꞌ nu nguꞌ tyaꞌa ndyaꞌa̱ naꞌ biꞌ, ngusñi nguꞌ yaꞌ naꞌ chaꞌ tsaa la ya tyucui̱i̱ nde quichi̱ Damasco biꞌ.
27784	ACT 22:12	’Ndiꞌi̱ sca nu cusuꞌ nu naa Ananías quichi̱ biꞌ, nu ndaquiyaꞌ tsa jiꞌi̱ lcaa chaꞌ nu nguscua jyoꞌo Moisés lo quityi saꞌni. Lcaa nguꞌ judío tyaꞌa na nu ndiꞌi̱ quichi̱ Damasco ni, nchcuiꞌ nguꞌ chaꞌ tsoꞌo tsa tyiquee nu Ananías biꞌ.
27861	ACT 24:24	Loꞌo nteje tacui la xi tsa̱, liꞌ ndyalaa Félix quichi̱ biꞌ chaca quiyaꞌ; stuꞌba ti ndyalaa nu cusuꞌ biꞌ loꞌo clyoꞌo nu naa Drusila, nguꞌ judío laca nu cunaꞌa̱ biꞌ. Liꞌ ngulo Félix cña chaꞌ ca̱a̱ loꞌo nguꞌ jiꞌi̱ Pablo slo, chaꞌ culuꞌu Pablo ñiꞌya̱ nu ntsuꞌu chaꞌ cuaꞌni nguꞌ si xñi nguꞌ chaꞌ jiꞌi̱ Jesucristo.
27903	ACT 26:12	’Loꞌo liꞌ ngua sca tsa̱ ndyaꞌa̱ naꞌ tyucui̱i̱ su tsaa quichi̱ Damasco. Ntsuꞌu quityi chacuayáꞌ nu nda sti joꞌó nu laca loo la jnaꞌ, chaꞌ cuaꞌni naꞌ la cuiꞌ cña cuxi biꞌ ca quichi̱ biꞌ.
27911	ACT 26:20	Clyo nguluꞌu naꞌ jiꞌi̱ nguꞌ judío tyaꞌa na nu ndiꞌi̱ ca quichi̱ Damasco, chaꞌ culochu̱ꞌ nguꞌ jiꞌi̱ lcaa chaꞌ cuxi nu ntsuꞌu tsa tyiquee nguꞌ jiꞌi̱ tya saꞌni la, chaꞌ xñi nguꞌ chaꞌ jiꞌi̱ ycuiꞌ Ndyosi liꞌ; loꞌo juaꞌa̱ xcuiꞌ chaꞌ tsoꞌo ntsuꞌu chaꞌ cuaꞌni nguꞌ liꞌ, chaꞌ ca cuayáꞌ tiꞌ xaꞌ ñati̱ chaꞌ cua nguxcutsaꞌa̱ Ni cresiya jiꞌi̱ nguꞌ biꞌ. La cuiꞌ juaꞌa̱ nguluꞌu naꞌ jiꞌi̱ nguꞌ Jerusalén, loꞌo jiꞌi̱ nguꞌ lcaa quichi̱ nu ndiꞌi̱ loyuu su cuentya Judea re. Loꞌo liꞌ nguluꞌu naꞌ chaꞌ biꞌ jiꞌi̱ nguꞌ xaꞌ tsuꞌ.
28001	ROM 1:3	Chaꞌ tsoꞌo jiꞌi̱ Jesucristo nu Xuꞌna na, nu laca Sñiꞌ ycuiꞌ Ndyosi, biꞌ laca chaꞌ nu nscua lo quityi biꞌ. Ngula Jesús lo yuu ñiꞌya̱ nu nclya cua ñaꞌa̱ ca sñiꞌ ñati̱, chaꞌ la cuiꞌ tyaꞌa ñati̱ jiꞌi̱ jyoꞌo David laca Jesús;
28096	ROM 4:6	Tya saꞌni la nacui̱ jyoꞌo David chaꞌ tsoꞌo tsa ntsuꞌu tyiquee ñati̱ nu cua laca nguaꞌni lubii ycuiꞌ Ndyosi cresiya jiꞌi̱. Cua nacui̱ Ni chaꞌ lubii cresiya jiꞌi̱ nguꞌ, masi ná sca cña nguaꞌni nguꞌ cuentya jiꞌi̱ Ni chaꞌ caca lubii ycuiꞌ nguꞌ.
28097	ROM 4:7	Liꞌ nacui̱ David ndiꞌya̱: Tsoꞌo ntsuꞌu tyiquee na loꞌo cuaꞌni clyu tiꞌ Ni jiꞌna jiꞌi̱ quiꞌya nu ntsuꞌu jiꞌna, loꞌo culotsuꞌ Ni yabeꞌ nu ntsuꞌu jiꞌna, nacui̱.
28286	ROM 11:9	La cuiꞌ tyaꞌa chaꞌ nda jyoꞌo rey David, loꞌo nacui̱ yu ndiꞌya̱: Quiñaꞌa̱ tsa chaꞌ tsoꞌo ngusta ycuiꞌ Ndyosi lo mesa jiꞌi̱ nguꞌ Israel, pana cua ngunuꞌu̱ cresiya jiꞌi̱ nguꞌ xquiꞌya chaꞌ tsoꞌo biꞌ; biꞌ chaꞌ nchcubeꞌ Ni jiꞌi̱ nguꞌ, ñiꞌya̱ laca si na cua ndyú nguꞌ neꞌ sca lcoꞌo, ñiꞌya̱ laca si na cua nclyú nguꞌ chaꞌ ntyucua quee quiyaꞌ nguꞌ.
28380	ROM 15:9	Ñaa nu Cristo biꞌ, chaꞌ juaꞌa̱ caja ñiꞌya̱ nu cuaꞌni tlyu nguꞌ xaꞌ tsuꞌ ma̱ jiꞌi̱ ycuiꞌ Ndyosi, chaꞌ loꞌo jiꞌi̱ cuꞌma̱ cuaꞌni tyaꞌna tsa tiꞌ Ni, ñiꞌya̱ nu ndyuꞌu sca chaꞌ nu nscua lo quityi cusuꞌ nu ndiꞌya̱ nchcuiꞌ: Cuaꞌni tlyu naꞌ jinuꞌu̱ laja nguꞌ xaꞌ tsuꞌ, xquiꞌya chaꞌ nguaꞌni lyaá nuꞌu̱ jiꞌi̱ nguꞌ; cula tuꞌba naꞌ ji̱i̱ jinuꞌu̱, chaꞌ cuaꞌni chi̱ naꞌ loo nuꞌu̱, nacui̱ jyoꞌo David.
28382	ROM 15:11	Loꞌo juaꞌa̱ tya ntsuꞌu chaca chaꞌ nu nchcuiꞌ ndiꞌya̱: Cuaꞌni tlyu lcaa nguꞌ xaꞌ tsuꞌ jiꞌi̱ ycuiꞌ nu Xuꞌna na; lcaa nguꞌ cula tuꞌba nguꞌ ji̱i̱ nu chcuiꞌ chaꞌ jiꞌi̱ lcaa chaꞌ tlyu nu nguaꞌni ycuiꞌ Ni, nacui̱ jyoꞌo David.
29089	2CO 11:32	Ndiꞌya̱ chaꞌ ngua ꞌna loꞌo ngutiꞌi̱ naꞌ ca quichi̱ Damasco: Nu laca xuꞌna quichi̱ ca jua, cuentya jiꞌi̱ rey Aretas laca yu cña; loꞌo juaꞌa̱ ngulo yu biꞌ cña jiꞌi̱ nguꞌ policia chaꞌ tsatu̱ nguꞌ toꞌ loꞌo quichi̱ biꞌ chaꞌ tejeyaꞌ nguꞌ ꞌna, chaꞌ tyaa loꞌo nguꞌ ꞌna nde neꞌ chcua̱ liꞌ.
29140	GAL 1:16	Loꞌo juaꞌa̱ nguaꞌni Ni chaꞌ ndyuloo naꞌ jiꞌi̱ Jesús, nu sca ti Sñiꞌ ycuiꞌ Ni, chaꞌ liꞌ nchca ꞌna ta naꞌ chaꞌ jiꞌi̱ Ni loꞌo lcaa cuꞌma̱, ñati̱ nu ndiꞌi̱ xaꞌ tsuꞌ. Liꞌ ndachaꞌ naꞌ jiꞌi̱ lcaa ma̱ chaꞌ xquiꞌya Jesús taca clyaá ma̱ jiꞌi̱ chaꞌ cuxi nu ntsuꞌu jiꞌi̱ ma̱. Nu loꞌo ngusñi ca ti naꞌ chaꞌ biꞌ, liꞌ hora ti nduꞌu naꞌ ngutaꞌa̱ naꞌ nde loyuu su naa Arabia; ca biꞌ ngutiꞌi̱ naꞌ ycuiꞌ ti naꞌ. Ná ngutaꞌa̱ naꞌ ndyaana naꞌ sca cui̱i̱ nu ta sca ñati̱ loꞌo naꞌ; la cuiꞌ ti juaꞌa̱ ná ngutaꞌa̱ naꞌ nde quichi̱ Jerusalén chaꞌ chcuiꞌ naꞌ loꞌo nguꞌ tyaꞌa ndyuꞌni naꞌ cña nu ndiꞌi̱ nde jua, masi cua nda nguꞌ biꞌ chaꞌ jiꞌi̱ Jesús loꞌo ñati̱ clyo la, nu loꞌo tya lyiji cuna naꞌ chaꞌ biꞌ. Pana ngutaꞌa̱ naꞌ nde Arabia, loꞌo tiyaꞌ la liꞌ nguxtyu̱u̱ naꞌ ngutaꞌa̱ naꞌ nde quichi̱ Damasco.
29623	COL 4:14	Loꞌo Lucas tyaꞌa tsoꞌo na nu ndyuꞌni joꞌo jiꞌi̱ nguꞌ, loꞌo juaꞌa̱ Demas, nda nguꞌ xlyo niꞌi̱ jiꞌi̱ ma̱.
29902	2TI 2:8	Tyiꞌu tiꞌ nuꞌu̱ jiꞌi̱ Jesucristo, chaꞌ ycuiꞌ laca nu ndyuꞌú chaca quiyaꞌ loꞌo ngujuii yu. Tyaꞌa ñati̱ jiꞌi̱ jyoꞌo David laca yu biꞌ. La cuiꞌ chaꞌ tsoꞌo jiꞌi̱ Jesús nu luꞌú ca nda naꞌ loꞌo ñati̱,