23218	MAT 1:5	liꞌ jyoꞌo Salmón biꞌ ngua sti Booz, loꞌo Rahab ngua naa xtyaꞌa̱ Booz biꞌ. Liꞌ jyoꞌo Booz biꞌ ngua sti Obed, loꞌo Rut ngua naa xtyaꞌa̱ Obed biꞌ. Liꞌ jyoꞌo Obed biꞌ ngua sti Isaí;
23220	MAT 1:7	Loꞌo liꞌ jyoꞌo Salomón biꞌ ngua sti Roboam; liꞌ jyoꞌo Roboam biꞌ ngua sti Abías; liꞌ jyoꞌo Abías biꞌ ngua sti Asa;
23240	MAT 2:2	―¿Macala ndiꞌi̱ cubiꞌ nu ngula tsubiꞌ ti biꞌ? ―nacui̱ nguꞌ―. Rey jiꞌi̱ cuꞌma̱ nguꞌ judío laca cubiꞌ biꞌ ―nacui̱ nguꞌ―. Cua naꞌa̱ ya cuii cucui nu ndacui cua̱ cuentya jiꞌi̱ cubiꞌ biꞌ, biꞌ chaꞌ ndyalaa ya ca nde chaꞌ cuaꞌni tlyu ya jiꞌi̱ cubiꞌ biꞌ juani.
23256	MAT 2:18	Lye tsa nda xtyiꞌi ñati̱ nde quichi̱ Ramá; nxiꞌya nguꞌ, ndyunaa tsa nguꞌ, chaꞌ ngujuii sñiꞌ Raquel. Nxiꞌya tsa nu cunaꞌa̱ biꞌ, chaꞌ cua ngujuii sñiꞌ. Ni sca ñati̱ ná ngua jiꞌi̱ xaalaꞌ tyiquee nu cunaꞌa̱ biꞌ, chaꞌ ngaꞌaa luꞌú sñiꞌ. Juaꞌa̱ chaꞌ nscua lo quityi, masi bilya caca chaꞌ biꞌ loꞌo tya luꞌú jyoꞌo cusuꞌ nu nguscua chaꞌ biꞌ. Biꞌ chaꞌ juaꞌa̱ ngua jiꞌi̱ nguꞌ Belén, ngusiꞌya tsa nguꞌ chaꞌ ngujuii sñiꞌ nguꞌ.
24240	MAT 27:42	―Nguaꞌni lyaá yu jiꞌi̱ xaꞌ ñati̱, pana jiꞌi̱ ycuiꞌ ca yu ná nchca jiꞌi̱ yu cuaꞌni lyaá yu ―nacui̱ nguꞌ nu laca loo biꞌ―. Rey jiꞌi̱ nguꞌ Israel laca yu, nacui̱ yu. Tsoꞌo la si caꞌya yu lo crusi cua juani, jlya tiꞌ na jiꞌi̱ yu liꞌ ―nacui̱ nguꞌ biꞌ jiꞌi̱ tyaꞌa nguꞌ―.
24916	MRK 15:21	Tyucui̱i̱ loꞌo ndyaꞌa̱ nguꞌ, liꞌ naꞌa̱ nguꞌ sendaru jiꞌi̱ Simón nguꞌ Cirene; sti Alejandro loꞌo Rufo laca nu Simón biꞌ. Cua ñaa Simón ca su ndyaa cña neꞌ quixi̱ꞌ, loꞌo liꞌ ngulo sendaru cña jiꞌi̱ chaꞌ quiꞌya crusi biꞌ cuentya jiꞌi̱ Jesús.
25121	LUK 3:27	Joana ngua naa sti Judá biꞌ; Resa ngua naa sti Joana biꞌ; Zorobabel ngua naa sti Resa biꞌ; Salatiel ngua naa sti Zorobabel biꞌ; Neri ngua naa sti Salatiel biꞌ;
25129	LUK 3:35	Serug ngua naa sti Nacor biꞌ; Ragau ngua naa sti Serug biꞌ; Peleg ngua naa sti Ragau biꞌ; Heber ngua naa sti Peleg biꞌ; Sala ngua naa sti Heber biꞌ;
26162	JHN 1:49	―Mstru ―nacui̱ Natanael―, chañi chaꞌ nuꞌu̱ laca nu sca ti Sñiꞌ ycuiꞌ Ndyosi, nuꞌu̱ laca Rey nu laca loo jiꞌi̱ nguꞌ Israel.
26662	JHN 12:13	Ndyaa loꞌo nguꞌ steꞌ nga̱, loꞌo juaꞌa̱ cui̱i̱ ngusiꞌya nguꞌ liꞌ: ―Cuaꞌni tlyu na jiꞌi̱ ycuiꞌ Ndyosi Sti na ―nacui̱ nguꞌ jiꞌi̱ Jesús―. Culacua̱ Ni jinuꞌu̱ chaꞌ lijya̱ nuꞌu̱ loꞌo chacuayáꞌ jiꞌi̱ ycuiꞌ nu Xuꞌna na. Masi juani ti, culacua̱ Ni jinuꞌu̱ chaꞌ nuꞌu̱ laca Rey nu laca loo jiꞌi̱ nguꞌ Israel.
26952	JHN 20:16	―¡María! ―nacui̱ Jesús jiꞌi̱ liꞌ. Loꞌo liꞌ nguxtyacui María naꞌa̱ su ndu̱ Jesús. ―¡Raboni! ―nacui̱. (Sca chaꞌ hebreo laca; La Mstru ꞌna, juaꞌa̱ ntiꞌ ñacui̱ chaꞌ biꞌ.)
27228	ACT 7:43	Ndyiꞌya loꞌo ma̱ jiꞌi̱ niꞌi̱ sube jiꞌi̱ joꞌó Moloc, ndyiꞌya loꞌo ma̱ jiꞌi̱ sca cuii nu laca joꞌó Renfán; tucua tyaꞌa joꞌó biꞌ ngüiñá ma̱ chaꞌ caca joꞌó biꞌ xuꞌna ma̱. Biꞌ chaꞌ cuaꞌni naꞌ chaꞌ tsaa loꞌo nguꞌ xaꞌ tsuꞌ jiꞌi̱ ma̱ nde chaca chalyuu nu tyijyuꞌ la; tsaa ma̱ chaca tsuꞌ, nde quichi̱ Babilonia chaꞌ chcubeꞌ ma̱ cajua. Juaꞌa̱ nchcuiꞌ ycuiꞌ Ndyosi loꞌo nguscua jyoꞌo cusuꞌ chaꞌ jiꞌi̱ Ni lo quityi nu ngua saꞌni.
27419	ACT 12:13	Ngujuiꞌi̱ yaꞌ yu toniꞌi̱, loꞌo liꞌ sca nu cunaꞌa̱ cuañiꞌ nu naa Rode, biꞌ nu ndyaa naꞌa̱ toniꞌi̱. Ñaꞌa̱ ndu̱ ti nu cunaꞌa̱ biꞌ toniꞌi̱ nde niꞌi̱ ti.
27421	ACT 12:15	―Cua ngua tonto hique nuꞌu̱ ―nacui̱ nguꞌ jiꞌi̱ Rode liꞌ. Pana lye la nchcuiꞌ nu cunaꞌa̱ biꞌ loꞌo nguꞌ liꞌ, chaꞌ chañi chaꞌ Pedro laca nu ndu̱ toniꞌi̱ biꞌ nde liyaꞌ. ―Siꞌi ―nacui̱ nguꞌ liꞌ―. ¿Ha siꞌi nu xca̱ jiꞌi̱ ycuiꞌ Ndyosi nu ñaꞌa̱si̱i̱ jiꞌi̱ Pedro laca biꞌ? ―nacui̱ nguꞌ jiꞌi̱.
27628	ACT 18:2	Quichi̱ biꞌ ndyacua tyaꞌa yu loꞌo sca nguꞌ judío nu naa Aquila, nguꞌ quichi̱ Ponto laca nu Aquila biꞌ. Ngutiꞌi̱ nguꞌ nde Italia nquichaꞌ, nu Aquila biꞌ loꞌo clyoꞌo nu naa Priscila; pana nduꞌutsuꞌ nguꞌ ndyalaa nguꞌ nde quichi̱ Corinto, nu loꞌo ngulo rey Claudio cña chaꞌ culoꞌo nguꞌ jiꞌi̱ lcaa nguꞌ judío nu ngutiꞌi̱ quichi̱ Roma, quichi̱ nu laca loo jiꞌi̱ loyuu su cuentya Italia biꞌ. Toniꞌi̱ jiꞌi̱ nu Aquila biꞌ ndyalaa Pablo liꞌ.
27675	ACT 19:21	Loꞌo liꞌ ngua tiꞌ Pablo chaꞌ tsaa yu ca loyuu su cuentya Macedonia, loꞌo ca loyuu su cuentya Acaya, chaꞌ tsaa yu slo lcaa taju ñati̱ jiꞌi̱ Jesucristo nu ndiꞌi̱ loyuu biꞌ. Nde loo la, liꞌ tsaa yu ca Jerusalén ngua tiꞌ yu. Loꞌo juaꞌa̱ nchcuiꞌ Pablo chaꞌ loꞌo ntsuꞌu chaꞌ tsaa yu ca nde quichi̱ Roma ca tiyaꞌ la.
27733	ACT 21:1	Nguxtyanu ya jiꞌi̱ tyaꞌa ya liꞌ. Nduꞌu ya ndyaa ya neꞌ yaca niꞌi̱ ca loyuu su cuentya Cos. Ca chaca tsa̱ ndyalaa ya ca quichi̱ Rodas, loꞌo liꞌ ndyalaa ya ca quichi̱ Pátara.
27813	ACT 23:11	Loꞌo ngua talya lye, liꞌ ndyalaa ycuiꞌ nu Xuꞌna na slo Pablo. ―Cuaꞌni tlyu tyiquee nuꞌu̱ Pablo ―nacui̱ Ni―. Ñiꞌya̱ cua nchcuiꞌ nuꞌu̱ chaꞌ jnaꞌ nde quichi̱ Jerusalén re, juaꞌa̱ ntsuꞌu chaꞌ chcuiꞌ nuꞌu̱ chaꞌ jnaꞌ ca quichi̱ Roma.
27980	ACT 28:13	Xaꞌ nduꞌu ya liꞌ, ndyaa yaca niꞌi̱ cacua ti toꞌ yuu btyi chaꞌ tyalaa ya ca quichi̱ Regio. Ca chaca tsa̱ tsoꞌo tsa ndyaca cuiꞌi̱, biꞌ chaꞌ tsa̱ nchca tyuna ndyalaa ya ca quichi̱ Puteoli.
27981	ACT 28:14	Ca biꞌ ndyacua tyaꞌa ya loꞌo tyu̱u̱ tyaꞌa nguꞌ nu laca tyaꞌa ñati̱ jiꞌi̱ Jesucristo. Nchcuiꞌ nguꞌ loꞌo ya chaꞌ tyanu ya slo nguꞌ, biꞌ chaꞌ cati tsa̱ ngutiꞌi̱ ya loꞌo nguꞌ biꞌ. Liꞌ nduꞌu ya ndyaa ya tyucui̱i̱ nu ndyaa quichi̱ Roma.
27982	ACT 28:15	Cua ngujui chaꞌ jiꞌi̱ tyaꞌa ñati̱ jiꞌi̱ Jesucristo nu ca tyi nde Roma chaꞌ cua lijya̱ ya tyucui̱i̱, biꞌ chaꞌ nduꞌu nguꞌ toꞌ tyi nguꞌ lijya̱ nguꞌ chaꞌ tyacua tyaꞌa nguꞌ loꞌo ya tyucui̱i̱. Ndyacua tyaꞌa ya loꞌo sca taju nguꞌ biꞌ ca quichi̱ Foro de Apio, loꞌo liꞌ ndyacua tyaꞌa ya loꞌo chaca taju nguꞌ ca su naa Tres Tabernas; ndya tsa Pablo xlyaꞌbe jiꞌi̱ ycuiꞌ Ndyosi loꞌo naꞌa̱ yu jiꞌi̱ ca taꞌa nguꞌ biꞌ, ngua tlyu la tyiquee yu liꞌ.
27983	ACT 28:16	Ndyalaa ya ca quichi̱ tlyu nu naa Roma liꞌ, ndyalaa loꞌo capitán jiꞌi̱ lcaa preso biꞌ slo xuꞌna chaca latya sendaru nu ndiꞌi̱ cua̱ cajua. Loꞌo liꞌ nda nguꞌ chacuayáꞌ jiꞌi̱ Pablo chaꞌ tyiꞌi̱ yu xaꞌ niꞌi̱, masi ñaꞌa̱ ti ndiꞌi̱ sca sendaru cua̱ jiꞌi̱ yu lcaa hora.
27984	ACT 28:17	Cua ngua sna tsa̱ tya loꞌo ndyalaa ya ca quichi̱ Roma, liꞌ nda Pablo chaꞌ ndyaa slo nguꞌ cusuꞌ jiꞌi̱ taju tyaꞌa nguꞌ judío nu ndiꞌi̱ quichi̱ biꞌ. Ndyuꞌu tiꞌi̱ nguꞌ slo Pablo liꞌ: ―Cuꞌma̱ nguꞌ cusuꞌ tyaꞌa na ―nacui̱ Pablo jiꞌi̱ nguꞌ―, ná sca chaꞌ cuxi nguaꞌni naꞌ loꞌo nguꞌ judío tyaꞌa na; ná sca chaꞌ cuxi nguaꞌni naꞌ cuentya jiꞌi̱ chaꞌ cusuꞌ nu jlya tiꞌ na, nu nda jyoꞌo cusuꞌ jiꞌna loꞌo na. Pana ntejeyaꞌ nguꞌ jnaꞌ ca Jerusalén, preso laca naꞌ loꞌo nda nguꞌ jnaꞌ yaꞌ nguꞌ romano.
27997	ACT 28:30	Tucua yija̱ ndyanu Pablo ca Roma neꞌ sca niꞌi̱ ngüijña ti. Tsoꞌo ntsuꞌu tyiquee yu ñaꞌa̱ yu jiꞌi̱ lcaa nguꞌ nu ndyaꞌa̱ slo yu,
27999	ROM 1:1	Pablo laca naꞌ nu nscua̱ quityi re chaꞌ ca̱a̱ nde quichi̱ Roma ca su ndiꞌi̱ ma̱, cuꞌma̱ nu ngusñi ma̱ chaꞌ jiꞌi̱ Jesucristo. Ndyuꞌni naꞌ cña jiꞌi̱ ycuiꞌ Ndyosi, chaꞌ ycuiꞌ Ni ngusubi Ni jnaꞌ chaꞌ tsaꞌa naꞌ chcuiꞌ naꞌ chaꞌ tsoꞌo jiꞌi̱ Ni loꞌo ñati̱.
28005	ROM 1:7	Nscua naꞌ quityi re chaꞌ ca̱a̱ nde quichi̱ Roma ca su ndiꞌi̱ ma̱. Nda naꞌ xlyo niꞌi̱ jiꞌi̱ ma̱ cuentya jiꞌi̱ ycuiꞌ Ndyosi Sti na, cuentya jiꞌi̱ Jesucristo nu Xuꞌna na, chaꞌ ntsuꞌu tsa tyiquee ycuiꞌ Ndyosi ñaꞌa̱ Ni jiꞌi̱ ma̱. Cua ngusubi Ni jiꞌi̱ ma̱ chaꞌ tyucui tyiquee ma̱ taca caca ma̱ ñati̱ jiꞌi̱ Ni. Ndiꞌya̱ ntiꞌ naꞌ, chaꞌ ñaꞌa̱ ti cuaꞌni ycuiꞌ Ndyosi Sti na chaꞌ tsoꞌo loꞌo ma̱, chaꞌ cuaꞌni Ni chaꞌ ti̱ ti tyiꞌi̱ tyiquee ma̱ xquiꞌya Jesucristo nu Xuꞌna na.
28013	ROM 1:15	Biꞌ chaꞌ ntiꞌ naꞌ tsaꞌa̱ chaꞌ chcuiꞌ naꞌ chaꞌ tsoꞌo jiꞌi̱ ycuiꞌ Ndyosi loꞌo cuꞌma̱ nguꞌ Roma, ñiꞌya̱ loꞌo cua nda naꞌ chaꞌ biꞌ loꞌo xaꞌ ñati̱.
28233	ROM 9:10	Cua nchcuiꞌ ycuiꞌ Ndyosi chaꞌ biꞌ loꞌo nu Isaac biꞌ. Clyoꞌo jyoꞌo cusuꞌ Isaac biꞌ ngua naa Rebeca. Loꞌo liꞌ ngula tucua tyaꞌa sñiꞌ nu Rebeca biꞌ loꞌo sca ti sti nguꞌ.
28234	ROM 9:11	Masi tya lyiji cala nu sube biꞌ, tya lyiji cuna nguꞌ ni sca chaꞌ tsoꞌo, ni sca chaꞌ cuxi, liꞌ ndachaꞌ ycuiꞌ Ndyosi jiꞌi̱ Rebeca: “Nu cala clyo ni, biꞌ caca msu jiꞌi̱ nu cuañiꞌ la”, nacui̱ Ni. Ndiꞌya̱ chaꞌ nu nscua lo quityi loꞌo nchcuiꞌ ycuiꞌ Ndyosi jiꞌi̱ tyucuaa nu sube biꞌ: “Tyacaꞌa tsa Jacob ꞌna”, nacui̱ Ni, “pana ngaꞌaa ndiya tiꞌ naꞌ jiꞌi̱ Esaú tsiyaꞌ ti”. Juaꞌa̱ ndyanu chaꞌ, chaꞌ ntsuꞌu chacuayáꞌ jiꞌi̱ ycuiꞌ Ndyosi chaꞌ subi Ni jiꞌi̱ cua ñaꞌa̱ ca ñati̱ nu ntiꞌ ycuiꞌ Ni; siꞌi xquiꞌya cña nu ndyuꞌni ti na caca na ñati̱ jiꞌi̱ ycuiꞌ Ndyosi lacua.
28417	ROM 16:13	loꞌo juaꞌa̱ chcuichaꞌ ma̱ jiꞌi̱ Rufo, sca ñati̱ jiꞌi̱ Cristo nu tsoꞌo tsa chaꞌ nchcuiꞌ nguꞌ jiꞌi̱; loꞌo juaꞌa̱ jiꞌi̱ xtyaꞌa̱ Rufo, nu ngunaꞌa̱si̱i̱ tsa jnaꞌ ñiꞌya̱ si laca maꞌ xtyaꞌa̱ naꞌ;
29893	2TI 1:17	Nu loꞌo ndyalaa yu nde quichi̱ Roma re, liꞌ ngulana tsa yu ꞌna chaꞌ ca̱a̱ yu ca slo naꞌ.
30270	HEB 11:31	Pana jyoꞌo Rahab, sca nu cunaꞌa̱ calle nu ngutiꞌi̱ ca quichi̱ biꞌ, jlya tiꞌ choꞌ jiꞌi̱ ycuiꞌ Ndyosi; biꞌ chaꞌ nchcuiꞌ tsoꞌo choꞌ loꞌo nu tucua tyaꞌa nguꞌ Israel nu cuaana ti ndyaa, ndyaa naꞌa̱ nguꞌ lo quichi̱ biꞌ clyo. Nda choꞌ su tyiꞌi̱ nguꞌ, biꞌ chaꞌ ná ngujuii choꞌ loꞌo ngujuii xaꞌ la ñati̱ tyaꞌa quichi̱ tyi choꞌ nu ná ndaquiyaꞌ jiꞌi̱ ycuiꞌ Ndyosi tsiyaꞌ ti.
30385	JAS 2:25	La cuiꞌ juaꞌa̱ ntucuá Ni chaꞌ jiꞌi̱ nu cunaꞌa̱ calle nu ngua naa Rahab; ntucuá Ni chaꞌ nu nchcuiꞌ maꞌ biꞌ, ñiꞌya̱ laca si ngua maꞌ sca ñati̱ tsoꞌo, xquiꞌya chaꞌ tsoꞌo tsa cña nu nguaꞌni maꞌ cuentya jiꞌi̱ ycuiꞌ Ndyosi. Cua nda maꞌ su ngutiꞌi̱ nguꞌ nu ndyaa naꞌa̱ jiꞌi̱ quichi̱ tyi maꞌ cuaana ti; liꞌ nguluꞌu maꞌ chaca tyucui̱i̱ jiꞌi̱ nguꞌ su tyaa tsoꞌo ti nguꞌ biꞌ, chaꞌ xna nguꞌ jiꞌi̱ nguꞌ xñaꞌa̱ liꞌ.
30883	REV 7:5	Tyuꞌu tii tyucuaa mil tyaꞌa ñati̱ jiꞌi̱ nguꞌ tyaꞌa xtañi Judá nu nguaꞌa̱ ycuiꞌ Ndyosi cuayáꞌ jiꞌi̱, cuati tyuꞌu chaca tii tyucuaa mil tyaꞌa ñati̱ jiꞌi̱ nguꞌ tyaꞌa xtañi Rubén, cuati tyuꞌu tii tyucuaa mil tyaꞌa ñati̱ jiꞌi̱ nguꞌ tyaꞌa xtañi Gad,
31102	REV 19:16	Tsaca xtañi Ni nscua lo lateꞌ lo tyiquee Ni, loꞌo juaꞌa̱ la cuiꞌ ti chaꞌ nscua lo lateꞌ nde chu̱ꞌ Ni: “Nu nde laca Rey nu chañi ca, nu nde laca Xuꞌna ñati̱ nu chañi ca”. Juaꞌa̱ nchcuiꞌ chaꞌ nu cua nscua lo lateꞌ jiꞌi̱ Ni.