23246	MAT 2:8	Loꞌo ndachaꞌ nguꞌ jiꞌi̱, liꞌ nchcuiꞌ rey loꞌo nguꞌ chaꞌ tsaa nguꞌ nde quichi̱ Belén. ―Yaa clya ma̱ ―nacui̱ rey jiꞌi̱ nguꞌ tii biꞌ―, clyana ma̱ ma ntucua tyi cubiꞌ biꞌ ―nacui̱―. Loꞌo si quije jiꞌi̱ ma̱, liꞌ xtyu̱u̱ ma̱ slo naꞌ chaca quiyaꞌ chaꞌ caca cuayáꞌ tiꞌ naꞌ macala ntsiya cubiꞌ biꞌ. Loꞌo naꞌ tsaꞌa̱ cuaꞌni tlyu naꞌ jiꞌi̱ cubiꞌ biꞌ nta̱ꞌ.
23288	MAT 4:10	Liꞌ nguxacui̱ Jesús chaꞌ jiꞌi̱ nu xñaꞌa̱ biꞌ: ―Tyaatsuꞌ nuꞌu̱ slo naꞌ, Satanás ―nacui̱ Jesús―. Yaa clya nuꞌu̱. Cua nscua sca chaꞌ lo quityi jiꞌi̱ ycuiꞌ Ndyosi ndiꞌya̱: “Sca ti jiꞌi̱ ycuiꞌ Ndyosi nu Xuꞌna ma̱ cuaꞌni tlyu ma̱ jiꞌi̱, sca ti chaꞌ jiꞌi̱ ycuiꞌ Ni ngaꞌa̱ chaꞌ taquiyaꞌ ma̱ jiꞌi̱ nde chalyuu”, nacui̱ quityi.
23351	MAT 5:48	Ycuiꞌ Ndyosi Sti na nu ntucua nde cua̱ ni, xcuiꞌ chaꞌ tsoꞌo, xcuiꞌ chaꞌ liñi, xcuiꞌ chaꞌ lubii nduꞌni Ni; ñiꞌya̱ nduꞌni ycuiꞌ Ni, juaꞌa̱ ngaꞌa̱ chaꞌ cuaꞌni ma̱ xcuiꞌ chaꞌ tsoꞌo loꞌo lcaa ñati̱, si chañi chaꞌ sñiꞌ ycuiꞌ Ni laca ma̱.
23370	MAT 6:19	’Loꞌo chaca chaꞌ ni: ná xcoꞌo ma̱ quiñaꞌa̱ tsa chaꞌ tsoꞌo cuentya jiꞌi̱ ycuiꞌ ti ma̱ laja loꞌo ndiꞌi̱ ma̱ chalyuu re. Yala ti quiñuꞌu̱ chaꞌ tsoꞌo biꞌ juaꞌa̱ ti; ntsuꞌu quiyaꞌ cacu tiñaꞌ jiꞌi̱, cacu cuixu̱ꞌ jiꞌi̱, cuaꞌni ñuꞌu̱ jiꞌi̱ liꞌ. La cuiꞌ juaꞌa̱ cuaana nguꞌ jiꞌi̱ chaꞌ tsoꞌo nu ntsuꞌu jiꞌi̱ ma̱, ngunaꞌ chaꞌ biꞌ jiꞌi̱ ma̱ liꞌ.
23408	MAT 7:23	Loꞌo liꞌ ntsuꞌu chaꞌ xacui̱ naꞌ chaꞌ jiꞌi̱ nguꞌ biꞌ ndiꞌya̱: “Ná nslo naꞌ jiꞌi̱ cuꞌma̱ tsiyaꞌ ti. Yaa clya ma̱ chaꞌ nguꞌ xñaꞌa̱ laca ma̱.”
23418	MAT 8:4	Xaꞌ nchcuiꞌ Jesús loꞌo yu liꞌ: ―Yaa clya nuꞌu̱ slo sti joꞌó ―nacui̱―. Cajua ta nuꞌu̱ msta̱ nu nacui̱ jyoꞌo Moisés chaꞌ ta na jiꞌi̱ ycuiꞌ Ndyosi loꞌo ndyaca tsoꞌo na jiꞌi̱ quicha nu ntsuꞌu jiꞌna. Ná cachaꞌ nuꞌu̱ jiꞌi̱ xaꞌ ñati̱. Taca ca cuayáꞌ tiꞌ lcaa ñati̱ chaꞌ cua ngua tsoꞌo nuꞌu̱, nu loꞌo cuna nguꞌ chaꞌ cua ngusñi sti joꞌó msta̱ nu nda nuꞌu̱.
23423	MAT 8:9	Xuꞌna sendaru laca naꞌ; laca naꞌ loo jiꞌi̱ sca siyento tyaꞌa sendaru, loꞌo juaꞌa̱ ntsuꞌu nu laca loo jnaꞌ. Si culo naꞌ cña jiꞌi̱ tsaca sendaru biꞌ ndiꞌya̱: “Yaa clya nuꞌu̱”, hora ti tsaa yu, chaꞌ ntiꞌ naꞌ chaꞌ tsaa yu. Juaꞌa̱ si chcuiꞌ naꞌ loꞌo chaca yu: “Ca̱a̱ nuꞌu̱ ca nde”, hora ti ca̱a̱ yu slo naꞌ liꞌ. Juaꞌa̱ si culo naꞌ cña jiꞌi̱ msu ꞌna: “Cuaꞌni sca cña ꞌna”, ñacui̱ naꞌ jiꞌi̱; hora ti cuaꞌni yu cña biꞌ ꞌna ―nacui̱ capitán jiꞌi̱ Jesús―. Juaꞌa̱ nuꞌu̱ ni, jlo tiꞌ naꞌ chaꞌ taca jinuꞌu̱ culo cña chaꞌ cati̱ quicha biꞌ.
23427	MAT 8:13	Liꞌ xaꞌ nchcuiꞌ Jesús loꞌo nu capitán biꞌ: ―Yaa nuꞌu̱ toꞌ tyi nuꞌu̱ lacua ―nacui̱ jiꞌi̱―. Jlya tiꞌ nuꞌu̱, biꞌ chaꞌ cua ndyaca tsoꞌo nu quicha biꞌ jinuꞌu̱ juani ti ―nacui̱ Jesús jiꞌi̱. Loꞌo la cuiꞌ hora ngua tsoꞌo msu biꞌ.
23446	MAT 8:32	Liꞌ nda Jesús chacuayáꞌ jiꞌi̱ cuiꞌi̱ biꞌ: ―Yaa clya ma̱ ―nacui̱ Jesús jiꞌi̱ cuiꞌi̱ biꞌ. Loꞌo liꞌ ndyuꞌutsuꞌ cuiꞌi̱ xñaꞌa̱ jiꞌi̱ tyucuaa nu quicha biꞌ, ndyaa cuiꞌi̱ biꞌ ngusñi jiꞌi̱ cubeꞌ. Hora ti ngusna lcaa cubeꞌ biꞌ, nguaꞌya niꞌ toꞌ cuaꞌa̱, ndyú niꞌ neꞌ hitya tayuꞌ, ndyiꞌo niꞌ hitya, ngujuii lcaa cubeꞌ biꞌ liꞌ.
23461	MAT 9:13	Yaa clya ma̱ cuaꞌa̱ jyaca̱ ma̱ jiꞌi̱ chaꞌ nu nguscua jyoꞌo cusuꞌ lo quityi, nu ndiꞌya̱ nchcuiꞌ: “Ntiꞌ naꞌ chaꞌ cuaꞌni tyaꞌna tiꞌ ma̱ jiꞌi̱ tyaꞌa ñati̱ ma̱, nacui̱ ycuiꞌ Ni. Biꞌ nu tsoꞌo la, masi ná ta ma̱ quiñaꞌa̱ tsa msta̱ ꞌna; ni naꞌni scu̱ꞌ ma̱, ná nduꞌni chaꞌ ta ma̱ msta̱ ꞌna.” Juaꞌa̱ nscua lo quityi. Ná lijya̱ naꞌ chalyuu chaꞌ chcuiꞌ naꞌ loꞌo ñati̱ nu tsoꞌo tsa ycuiꞌ nguꞌ, ntiꞌ nguꞌ; cua lijya̱ naꞌ chalyuu chaꞌ chcuiꞌ naꞌ loꞌo nguꞌ nu jlo tiꞌ chaꞌ ntsuꞌu chaꞌ cuxi tyiquee nguꞌ, chaꞌ caca tyujuꞌu tiꞌ nguꞌ liꞌ. Xtyanu nguꞌ jiꞌi̱ chaꞌ cuxi biꞌ liꞌ.
23532	MAT 11:4	Liꞌ nguxacui̱ Jesús chaꞌ jiꞌi̱ nguꞌ biꞌ: ―Yaa ma̱ cachaꞌ ma̱ jiꞌi̱ Juan lcaa lo chaꞌ nu nduna ma̱ slo naꞌ, lcaa chaꞌ nu ñaꞌa̱ ma̱ slo naꞌ ―nacui̱ Jesús jiꞌi̱ nguꞌ―.
23578	MAT 12:20	Ycuiꞌ ca yu xtyucua yu jiꞌi̱ nguꞌ chaꞌ xñi la nguꞌ chaꞌ jnaꞌ, masi ntiꞌ nguꞌ ñiꞌya̱ ntiꞌ sca yaca quii nu cua catsa ti, chaꞌ ngunaꞌa̱ tsa tiꞌ nguꞌ. Loꞌo juaꞌa̱ culuꞌu yu jiꞌi̱ nguꞌ chaꞌ caca cuayáꞌ la tiꞌ nguꞌ lcaa chaꞌ nu cuentya jiꞌi̱ ycuiꞌ naꞌ, masi cua tye ti chaꞌ tsoꞌo nu ntsuꞌu tyiquee nguꞌ, masi laca nguꞌ ñiꞌya̱ laca sca candil nu cua tyubiꞌ ti. Juaꞌa̱ tyiji̱loo nu chaꞌ liñi biꞌ jiꞌi̱ chaꞌ cuxi.
23613	MAT 13:5	Loꞌo juaꞌa̱ ndyalú xi siꞌyu biꞌ su lati tuꞌba yuu nscua chu̱ꞌ quee. Yala ti ntyucua siꞌyu biꞌ; pana xti tsa yuu ntsuꞌu chu̱ꞌ quee biꞌ,
23715	MAT 15:13	―Ycuiꞌ Ndyosi Sti naꞌ nu ntucua nde cua̱, xcua̱a̱ Ni lcaa quixi̱ꞌ nu siꞌi na cuiñii nu ndyataa Ni, chaꞌ ná tsoꞌo quixi̱ꞌ biꞌ ―nacui̱ Jesús jiꞌi̱ nguꞌ―.
23865	MAT 20:4	Liꞌ nchcuiꞌ yu loꞌo nguꞌ biꞌ: “Yaa clya ma̱, cuaꞌni ma̱ cña neꞌ loꞌo ꞌna. Stuꞌba cuaꞌni ma̱ cña loꞌo msu ꞌna, chaꞌ cua ntsuꞌu nguꞌ ndyuꞌni nguꞌ cña ꞌna juani. Ta naꞌ cayaꞌ tsoꞌo jiꞌi̱ ma̱ liꞌ”, nacui̱ yu. Hora ti ndyaa nguꞌ neꞌ xña jiꞌi̱ xuꞌna msu biꞌ liꞌ.
23868	MAT 20:7	“Ná ntsuꞌu ñati̱ nu ntiꞌ msu juani”, nacui̱ nguꞌ jiꞌi̱. “Yaa clya ma̱ cuaꞌni ma̱ xi cña neꞌ loꞌo ꞌna lacua”, nacui̱ xuꞌna msu biꞌ jiꞌi̱ nguꞌ liꞌ.
23897	MAT 21:2	―Yaa ma̱ nde lquichi̱ re ―nacui̱―. Yala ti quije sca huru nu ndu̱ ndyaaca̱ꞌ jiꞌi̱ ma̱; ndu̱ niꞌ loꞌo sñiꞌ niꞌ. Xati̱ꞌ ma̱ jiꞌi̱ naꞌni biꞌ, chaꞌ tya̱a̱ loꞌo ma̱ jiꞌi̱ niꞌ ca nde.
23937	MAT 21:42	Liꞌ xaꞌ nchcuiꞌ Jesús loꞌo nguꞌ biꞌ: ―¿Ha bilya chcuiꞌ ma̱ lo quityi jiꞌi̱ ycuiꞌ Ndyosi? Ndiꞌya̱ nscua chaꞌ: La cuiꞌ quee tonu nu nguxcua̱a̱ cuityi niꞌi̱ jiꞌi̱ clyo, chaꞌ ná tsoꞌo ñaꞌa̱ quee biꞌ ntiꞌ nguꞌ, juani cua ngujui cña cuaꞌni quee biꞌ; ndu̱ biꞌ su ndulo la chaꞌ jiꞌi̱ cuentya jiꞌi̱ ycuiꞌ Ndyosi. Ycuiꞌ Ndyosi nguaꞌni chaꞌ juaꞌa̱ ngua chaꞌ biꞌ, biꞌ chaꞌ ndube tsa tiꞌ na jiꞌi̱ chaꞌ tlyu biꞌ. Juaꞌa̱ nchcuiꞌ chaꞌ nu nscua lo quityi nu ngua tya saꞌni;
23973	MAT 22:32	“Ycuiꞌ Ndyosi Xuꞌna Abraham laca naꞌ,” nacui̱ Ni, “ycuiꞌ Ndyosi Xuꞌna Isaac laca naꞌ, loꞌo la cuiꞌ ti ycuiꞌ Ndyosi Xuꞌna Jacob laca naꞌ”, nacui̱ Ni. Ná nacui̱ quityi biꞌ chaꞌ na cua ngua ycuiꞌ Ndyosi Xuꞌna nguꞌ biꞌ; ñaꞌa̱ ti tya laca ycuiꞌ Ndyosi Xuꞌna nguꞌ biꞌ juani, loꞌo juaꞌa̱ laca ycuiꞌ Ndyosi Xuꞌna lcaa ñati̱ luꞌú.
23985	MAT 22:44	Ycuiꞌ Ndyosi nu laca Xuꞌna na nacui̱ jiꞌi̱ Cristo nu Xuꞌna naꞌ ndiꞌya̱: “Tyucua nuꞌu̱ nde laꞌa tsuꞌ cui̱ ꞌna, ñaꞌa̱ cuayáꞌ nu cuaꞌni tye naꞌ chaꞌ jiꞌi̱ lcaa tyaꞌa cusu̱u̱ jinuꞌu̱, chaꞌ caca nuꞌu̱ loo jiꞌi̱ lcaa ca chaꞌ”, nacui̱ Ni jiꞌi̱ Cristo.
24118	MAT 25:41	’Loꞌo liꞌ chcuiꞌ naꞌ loꞌo taju ñati̱ nu ndiꞌi̱ laꞌa tsuꞌ coca ꞌna: “Tyuꞌu ma̱ liyaꞌ, cuꞌma̱ nu ná ntsuꞌu su tyiꞌi̱ ma̱ slo ycuiꞌ Ndyosi. Yaa clya ma̱ ca su ná tye tsiyaꞌ ti chaꞌ ndyaqui̱ quiiꞌ, chaꞌ stuꞌba ti tyiꞌi̱ ma̱ loꞌo nu laca xuꞌna cuiñaja loꞌo lcaa xca̱ jiꞌi̱, lcaa cuiꞌi̱ cuxi; cuentya jiꞌi̱ nu cuiñaja biꞌ nguxtyuꞌu ycuiꞌ Ni quiiꞌ biꞌ.
24263	MAT 27:65	Liꞌ nguxacui̱ Pilato chaꞌ jiꞌi̱ nguꞌ nu laca loo biꞌ: ―Ndu̱ nguꞌ sendaru cuentya jiꞌi̱ ma̱ ―nacui̱ Pilato―. Yaa clya ma̱ loꞌo nguꞌ sendaru biꞌ, chaꞌ tacu̱ꞌ tsoꞌo ma̱ toꞌ cuaá biꞌ ñiꞌya̱ nu ntiꞌ ycuiꞌ cuꞌma̱.
24274	MAT 28:10	―Ná cutsi̱i̱ ma̱ ―nacui̱ Jesús jiꞌi̱ nguꞌ biꞌ liꞌ―. Yaa clya ma̱ cachaꞌ ma̱ jiꞌi̱ nguꞌ tyaꞌa naꞌ chaꞌ ntsuꞌu chaꞌ tsaꞌa naꞌ nde Galilea; ca biꞌ tyacua tyaꞌa nguꞌ loꞌo naꞌ, ñacui̱ ma̱ jiꞌi̱ nguꞌ.
24283	MAT 28:19	Yaa ma̱ lcaa quichi̱ nde chalyuu chaꞌ ca tsaꞌa̱ lcaa ñati̱ chaꞌ jnaꞌ. Liꞌ tyucuatya ma̱ jiꞌi̱ nguꞌ chacuayáꞌ jiꞌi̱ ycuiꞌ Ndyosi Sti naꞌ, juaꞌa̱ chacuayáꞌ jnaꞌ nu laca̱ Sñiꞌ ycuiꞌ Ndyosi, juaꞌa̱ chacuayáꞌ jiꞌi̱ Xtyiꞌi ycuiꞌ Ndyosi.
24308	MRK 1:24	―¿Ñiꞌya̱ chaꞌ ntiꞌ nuꞌu̱ chcuiꞌ loꞌo naꞌ, Jesús Nazaret? ―nacui̱ nu quicha biꞌ―. ¿Ha cua ntiꞌ nuꞌu̱ cuaꞌni tye nuꞌu̱ chaꞌ jnaꞌ? ―nacui̱―. Pana nslo naꞌ jinuꞌu̱. Ycuiꞌ nu lubii laca nuꞌu̱, loꞌo cua nda ycuiꞌ Ndyosi jinuꞌu̱ lijya̱ ca nde.
24312	MRK 1:28	Yala ti nguañi chaꞌ jiꞌi̱ Jesús lcaa quichi̱ nde loyuu su cuentya Galilea liꞌ.
24328	MRK 1:44	―Ni sca ñati̱ ná cachaꞌ nuꞌu̱ jiꞌi̱ tilaca laca nu nguaꞌni joꞌo jinuꞌu̱ ―nacui̱ Jesús jiꞌi̱ nu ngua quicha biꞌ―. Yaa clya nuꞌu̱ slo sti joꞌó chaꞌ ta nuꞌu̱ msta̱ jiꞌi̱ ycuiꞌ Ndyosi nu nguaꞌni chaꞌ ndyaca tsoꞌo nuꞌu̱. Ta nuꞌu̱ msta̱, tsa lo msta̱ nu nacui̱ jyoꞌo Moisés saꞌni chaꞌ ta na jiꞌi̱ ycuiꞌ Ndyosi loꞌo ngua lubii cuañaꞌ na. Juaꞌa̱ caca cuayáꞌ tiꞌ lcaa ñati̱ chaꞌ cua ndyaca tsoꞌo nuꞌu̱, nu loꞌo ñaꞌa̱ nguꞌ loꞌo xñi sti joꞌó msta̱ nu ta nuꞌu̱.
24397	MRK 4:5	Loꞌo liꞌ ndyalú xi siꞌyu su xti tsa yuu nscua chu̱ꞌ quee. Yala ti ntyucua siꞌyu biꞌ; pana chaꞌ xca ti yuu ndyacu̱ꞌ chu̱ꞌ siꞌyu,
24399	MRK 4:7	Loꞌo chaca seꞌi̱ ndyalú xi siꞌyu lo yuu su ndu̱ yaca quicheꞌ. Yala la nguluu yaca quicheꞌ biꞌ; ná nda chacuayáꞌ caluu tsoꞌo calya trigo tsiyaꞌ ti, biꞌ chaꞌ ngaꞌaa ngutuꞌu siꞌyu lo biꞌ liꞌ.
24501	MRK 6:25	Yala ti ndyaa nu cunaꞌa̱ cuañiꞌ biꞌ slo rey chaca quiyaꞌ, chaꞌ jña chaꞌ biꞌ jiꞌi̱. ―Scuaꞌ que Juan nu ntyucuatya jiꞌi̱ nguꞌ ntiꞌ naꞌ ―nacui̱ nu cunaꞌa̱ biꞌ―. Nu juani ti ntiꞌ na scuaꞌ que yu biꞌ neꞌ sca tsiꞌyu ―nacui̱ jiꞌi̱ rey.
24678	MRK 10:21	Ntsuꞌu tsa tyiquee Jesús ñaꞌa̱ jiꞌi̱ nu quiꞌyu biꞌ. Xaꞌ nchcuiꞌ yu loꞌo liꞌ: ―Sca ti cña lyiji cuaꞌni nuꞌu̱ ―nacui̱ Jesús jiꞌi̱―. Yaa clya cujuiꞌ nuꞌu̱ lcaa chaꞌ tsoꞌo nu ntsuꞌu jinuꞌu̱, chaꞌ tyuꞌu cñi ta nuꞌu̱ jiꞌi̱ nguꞌ tiꞌi liꞌ; tyacua xi chaꞌ tsoꞌo jinuꞌu̱ nde loo la ca su ntucua ycuiꞌ Ndyosi. Liꞌ xaꞌ tya̱a̱ nuꞌu̱ ca slo naꞌ chaꞌ tyaꞌa̱ nuꞌu̱ loꞌo naꞌ.
24711	MRK 11:2	―Yaa ma̱ ca quichi̱ sube ti ndacua ti ―nacui̱―. Loꞌo tyalaa ma̱ toꞌ quichi̱ biꞌ, hora ti ñaꞌa̱ ma̱ ndu̱ sca huru ndyaaca̱ꞌ nu bilya tyucua nguꞌ chu̱ꞌ. Sati̱ꞌ ma̱ jiꞌi̱, chaꞌ tya̱a̱ loꞌo ma̱ jiꞌi̱ ca nde.
24753	MRK 12:11	Ycuiꞌ nu Xuꞌna na nguaꞌni chaꞌ juaꞌa̱ ngua chaꞌ biꞌ, biꞌ chaꞌ ndube tsa tiꞌ na jiꞌi̱ chaꞌ tlyu biꞌ. Juaꞌa̱ nchcuiꞌ quityi ―nacui̱ Jesús.
24768	MRK 12:26	¿Ha ná jlya tiꞌ ma̱ chaꞌ tyuꞌú jyoꞌo chaca quiyaꞌ? ¿Ha bilya chcuiꞌ ma̱ lo quityi nu nguscua jyoꞌo Moisés cua saꞌni la? Tsoꞌo la si chcuiꞌ ma̱ ñiꞌya̱ nscua chaꞌ jiꞌi̱ yaca quicheꞌ biꞌ, nu loꞌo nchcuiꞌ ycuiꞌ Ndyosi loꞌo Moisés ndiꞌya̱: “Ycuiꞌ Ndyosi Xuꞌna Abram laca naꞌ”, nacui̱ ycuiꞌ Ni jiꞌi̱ Moisés; “ycuiꞌ Ndyosi Xuꞌna Isaac laca naꞌ, ycuiꞌ Ndyosi Xuꞌna Jacob laca naꞌ”.
24778	MRK 12:36	Cua nchcuiꞌ ycuiꞌ jyoꞌo David tya saꞌni la chaꞌ Xuꞌna yu laca ycuiꞌ Cristo. Xquiꞌya chaꞌ nguluꞌu Xtyiꞌi ycuiꞌ Ndyosi jiꞌi̱ David, biꞌ chaꞌ nguscua yu ndiꞌya̱: Ycuiꞌ Ni nu laca Xuꞌna na nacui̱ jiꞌi̱ Cristo nu Xuꞌna naꞌ: “Tyucua nuꞌu̱ nde laꞌa tsuꞌ cui̱ ꞌna”, nacui̱ Ni, “ñaꞌa̱ cuayáꞌ nu cuaꞌni tye naꞌ chaꞌ jiꞌi̱ lcaa tyaꞌa cusu̱u̱ jinuꞌu̱, chaꞌ caca nuꞌu̱ loo jiꞌi̱ lcaa ca chaꞌ”, nacui̱ ycuiꞌ Ndyosi nu Xuꞌna na jiꞌi̱ Cristo.
24836	MRK 14:13	Liꞌ ngulo Jesús cña jiꞌi̱ tucua tyaꞌa nguꞌ nu ndyaca tsaꞌa̱ jiꞌi̱: ―Yaa clya ma̱ lquichi̱ ―nacui̱ yu jiꞌi̱ nguꞌ biꞌ―. Cajua tyacua tyaꞌa ma̱ loꞌo sca nu quiꞌyu nu ntucua sca teꞌí̱ hitya scu̱ yu. Tsaa lcaꞌa̱ ma̱ jiꞌi̱ yu biꞌ.
24955	MRK 16:13	Yala ti ñaa nguꞌ nde quichi̱, ndachaꞌ nguꞌ chaꞌ biꞌ jiꞌi̱ tyaꞌa nguꞌ; pana ná ndaquiyaꞌ nguꞌ jiꞌi̱ chaꞌ nu nchcuiꞌ nu tucua tyaꞌa ñati̱ biꞌ.
24987	LUK 1:25	Ndiꞌya̱ ngulacua tiꞌ maꞌ: “Ycuiꞌ Ndyosi nu Xuꞌna na laca nu nguaꞌni chaꞌ re cuentya jnaꞌ. Cua nguaꞌni Ni chaꞌ ngaꞌaa chcuiꞌ la ñati̱ chaꞌ cuxi jnaꞌ.”
25058	LUK 2:16	Yala ti ndyaa nguꞌ liꞌ; nquije María loꞌo José jiꞌi̱ nguꞌ, ndiꞌi̱ nguꞌ loꞌo sca cubiꞌ nu ntsiya ti neꞌ canoa su ndacu cuayu.
25180	LUK 5:4	Loꞌo cua ndye nguluꞌu Jesús jiꞌi̱ nguꞌ, liꞌ nacui̱ jiꞌi̱ Simón: ―Yaa ma̱ loꞌo yaca niꞌi̱ re ca su clyaa la hitya. Ca biꞌ cu̱ ma̱ taraya chaꞌ caja cualya jiꞌi̱ ma̱ ―nacui̱ Jesús.
25190	LUK 5:14	Loꞌo liꞌ nacui̱ Jesús jiꞌi̱ yu, chaꞌ ná cachaꞌ yu jiꞌi̱ ñati̱ ñiꞌya̱ ngua jiꞌi̱ yu. Ndiꞌya̱ nchcuiꞌ loꞌo yu: ―Yaa clya nuꞌu̱ chcuiꞌ loꞌo sti joꞌó nu ndiꞌi̱ neꞌ laa ―nacui̱ Jesús jiꞌi̱ nu quicha biꞌ―. Cajua ta nuꞌu̱ msta̱ nu nacui̱ jyoꞌo Moisés chaꞌ ta na jiꞌi̱ ycuiꞌ Ndyosi loꞌo ndyaca tsoꞌo na jiꞌi̱ quicha nu ntsuꞌu jiꞌna. Juaꞌa̱ ca cuayáꞌ tiꞌ ñati̱ loꞌo ycuiꞌ sti joꞌó chaꞌ cua ngua lubii tyucui ñaꞌa̱ nuꞌu̱. Ngaꞌaa ca quicha nuꞌu̱ juani.
25235	LUK 6:20	Nguxñaꞌa̱ Jesús jiꞌi̱ nu nguꞌ nu ndyaca tsaꞌa̱ jiꞌi̱, liꞌ nguxana nchcuiꞌ yu loꞌo nguꞌ ndiꞌya̱: ―Tsoꞌo ntsuꞌu tyiquee cuꞌma̱ masi tiꞌi ti ndiꞌi̱ ma̱ nde chalyuu ―nacui̱―. Ycuiꞌ Ndyosi laca nu ñaꞌa̱sii̱ jiꞌi̱ ma̱, chaꞌ biꞌ nu laca Xuꞌna ma̱.
25278	LUK 7:14	Liꞌ ya̱a̱ Jesús cacua la slo nguꞌ biꞌ, ngusta yaꞌ yu chu̱ꞌ caju̱. Liꞌ ndatu̱ nguꞌ nu ndyiꞌya jiꞌi̱ jyoꞌo biꞌ, nchcuiꞌ Jesús loꞌo nu jyoꞌo biꞌ: ―Yu cuañiꞌ nuꞌu̱ ―nacui̱―. Tyacaꞌa̱ clya nuꞌu̱.
25286	LUK 7:22	Biꞌ chaꞌ ndiꞌya̱ nguxacui̱ Jesús chaꞌ jiꞌi̱ nguꞌ biꞌ liꞌ: ―Yaa clya ma̱ cachaꞌ ma̱ jiꞌi̱ nu Juan biꞌ lcaa chaꞌ nu cua naꞌa̱ ma̱ slo naꞌ, lcaa chaꞌ nu cua ndyuna ma̱ ca nde. Ñacui̱ ma̱ jiꞌi̱ yu chaꞌ xaꞌ nda naꞌ xee ñaꞌa̱ tyu̱u̱ tyaꞌa nguꞌ nu ngua cuityi̱ꞌ; loꞌo juani tsoꞌo tsa ndyaꞌa̱ nguꞌ nu ngua quicha quiyaꞌ; juaꞌa̱ cua ngua lubii cuañaꞌ nguꞌ nu ndyatsuꞌ cuañaꞌ; loꞌo juani cua nduna tsoꞌo nguꞌ nu ngua cuꞌu̱ jyaca̱; juaꞌa̱ xaꞌ ndyuꞌú nguꞌ chaca quiyaꞌ, nguꞌ nu cua ngujuii; juaꞌa̱ nguꞌ tiꞌi ni, nduna nguꞌ chaꞌ tsoꞌo nu nda naꞌ loꞌo nguꞌ ñiꞌya̱ nduꞌni lyaá Ni jiꞌi̱ nguꞌ jiꞌi̱ nu cuxi. Juaꞌa̱ ñacui̱ ma̱ jiꞌi̱ Juan biꞌ.
25336	LUK 8:22	Ngua sca tsa̱ nduꞌu Jesús loꞌo nu nguꞌ nu ndyaca tsaꞌa̱ jiꞌi̱ biꞌ, ndyaa nguꞌ toꞌ tayuꞌ. Liꞌ ndyaa nguꞌ ca neꞌ sca yaca niꞌi̱ piti ti. ―Yaꞌa ma̱ tsaa na nde chaca tsuꞌ tayuꞌ re ―nacui̱ Jesús jiꞌi̱ nguꞌ. Ndyaa nguꞌ liꞌ.
25355	LUK 8:41	Loꞌo cua ndyalaa Jesús, liꞌ hora ti ndyalaa sca nu quiꞌyu nu naa Jairo slo; nguꞌ cusuꞌ laca yu, loo laca yu neꞌ laa jiꞌi̱ nguꞌ biꞌ. Ya̱a̱ yu liꞌ, ndu̱ sti̱ꞌ yu nde loo Jesús, lye tsa ndijña yu chaꞌ clyu tiꞌ jiꞌi̱ Jesús chaꞌ tsaa toniꞌi̱ jiꞌi̱ yu.
25379	LUK 9:9	Pana ndiꞌya̱ nacui̱ Herodes: ―Ycuiꞌ naꞌ ngulu̱ cña chaꞌ teje cuꞌ nguꞌ scuaꞌ que Juan. Loꞌo nu Jesús biꞌ ni, nu quiñaꞌa̱ tsa chaꞌ ndañi nu nchcuiꞌ nguꞌ jiꞌi̱, ¿tilaca laca yu lacua? Loꞌo liꞌ lye tsa ngua tiꞌ Herodes chaꞌ ñaꞌa̱ jiꞌi̱ ycuiꞌ Jesús.
25435	LUK 10:3	Yaa clya ma̱ lacua. Su ta naꞌ jiꞌi̱ ma̱ tsaa ma̱, ca biꞌ tyiꞌi̱ ma̱ laja ñati̱ cuxi ñiꞌya̱ si ndiꞌi̱ xlyaꞌ cuañiꞌ laja boꞌo tyaala; pana tyiꞌi̱ ycuiꞌ Ni loꞌo ma̱ chaꞌ ná sca caca jiꞌi̱ ma̱ liꞌ.
25469	LUK 10:37	―Nu nguaꞌni tyaꞌna tiꞌ jiꞌi̱ yu quicha biꞌ ―nacui̱ mstru chaꞌ joꞌó biꞌ jiꞌi̱ Jesús. Liꞌ nacui̱ Jesús jiꞌi̱ mstru biꞌ: ―Yaa nuꞌu̱ lacua, loꞌo la cuiꞌ juaꞌa̱ cuaꞌni nuꞌu̱ loꞌo tyaꞌa ñati̱ nuꞌu̱.
25556	LUK 12:28	La cuiꞌ juaꞌa̱ loꞌo quii nu ndiꞌi̱ neꞌ quixi̱ꞌ jua juani, ndyaluu quii biꞌ tsoꞌo ti; pana chaca tsa̱, liꞌ ngaꞌaa tyaca̱ꞌ chaꞌ cua ndyaqui̱. Ycuiꞌ Ndyosi nduꞌni chaꞌ tsoꞌo tsa ñaꞌa̱ quii; juaꞌa̱ cuꞌma̱ ni, chañi chaꞌ ta ycuiꞌ Ni lateꞌ cacuꞌ ma̱, masi xti tsa chaꞌ jlya tiꞌ ma̱ jiꞌi̱ Ni.
25619	LUK 13:32	Nchcuiꞌ Jesús loꞌo nguꞌ biꞌ liꞌ: ―Yaa cachaꞌ ma̱ chaꞌ re jiꞌi̱ nu cusuꞌ tyaala biꞌ: “Tsa̱ juani loꞌo tsa̱ quee tya tyiꞌi̱ naꞌ xi chalyuu re chaꞌ culo naꞌ cuiꞌi̱ cuxi nu ntsuꞌu jiꞌi̱ ñati̱, chaꞌ cuaꞌni naꞌ chaꞌ tyaca tsoꞌo xaꞌ la nguꞌ quicha. Cuati tsa̱ nu nchca tyuna, liꞌ tye cña nu nda ycuiꞌ Ndyosi Sti naꞌ chaꞌ cuaꞌni naꞌ.” Juaꞌa̱ ñacui̱ ma̱ jiꞌi̱ nu cusuꞌ biꞌ.
25620	LUK 13:33	Tyaꞌa naꞌ re juani. Tya quiñaꞌa̱ xi tyucui̱i̱ lyiji su tyaꞌa̱ naꞌ juani, juaꞌa̱ la quee, juaꞌa̱ tsa̱ nu nchca tyuna liꞌ. Ycuiꞌ cuꞌma̱ jlo tiꞌ ma̱ chaꞌ nde quichi̱ Jerusalén ndyijii lcaa nguꞌ nu laca tuꞌba jiꞌi̱ ycuiꞌ Ndyosi ―nacui̱ Jesús jiꞌi̱ nguꞌ fariseo biꞌ―. Biꞌ chaꞌ tsaꞌa naꞌ ca quichi̱ biꞌ chaꞌ cajaa naꞌ, si juaꞌa̱ laca naꞌ tuꞌba jiꞌi̱ ycuiꞌ Ndyosi ntiꞌ ma̱ ―nacui̱ Jesús liꞌ―.
25643	LUK 14:21	Loꞌo ndyalaa msu slo xuꞌna chaca quiyaꞌ, liꞌ lcaa chaꞌ nu nacui̱ nguꞌ jiꞌi̱ ndachaꞌ jiꞌi̱ xuꞌna. Lye tsa ngunasi̱ꞌ xuꞌna niꞌi̱ biꞌ liꞌ. Loꞌo liꞌ nacui̱ yu jiꞌi̱ msu biꞌ: “Yaa clya nuꞌu̱ lquichi̱ chaca quiyaꞌ chaꞌ chcuiꞌ nuꞌu̱ loꞌo nguꞌ nu ntsuꞌu nde calle jua, chaꞌ ca̱a̱ nguꞌ taꞌa slo naꞌ. Chcuiꞌ nuꞌu̱ loꞌo nguꞌ tiꞌi, loꞌo nguꞌ quicha, loꞌo nguꞌ nu cuꞌ quiyaꞌ, loꞌo nguꞌ cuityi̱ꞌ, loꞌo lcaa nguꞌ quicha; liꞌ tya̱a̱ loꞌo jiꞌi̱ lcaa nguꞌ biꞌ ca nde”, nacui̱ xuꞌna msu biꞌ.
25645	LUK 14:23	Liꞌ nacui̱ ycuiꞌ nu xuꞌna msu biꞌ: “Yaa nuꞌu̱ nde calle, lcaa tyucui̱i̱, cuaꞌni nuꞌu̱ juersa loꞌo nguꞌ chaꞌ tya̱a̱ nguꞌ neꞌ niꞌi̱ ꞌna, chaꞌ chaꞌá̱ niꞌi̱ re ꞌna tyiꞌi̱ ñati̱.
25679	LUK 15:22	Liꞌ nacui̱ ycuiꞌ nu cusuꞌ jiꞌi̱ msu: “Yaa clya ma̱ culo ma̱ lateꞌ nu tsoꞌo la chaꞌ xacuꞌ ma̱ jiꞌi̱ yu re. Sta ma̱ sca cuiꞌ sne yaꞌ yu, suꞌba ma̱ caña quiyaꞌ yu.
25684	LUK 15:27	Liꞌ nguxacui̱ nu yu cuañiꞌ biꞌ jiꞌi̱ yu: “Yu tyaꞌa nuꞌu̱ nu ndyaꞌa̱ yuꞌu, cua xaꞌ ndyalaa yu biꞌ juani”, nacui̱. “Biꞌ chaꞌ nacui̱ sti nuꞌu̱ chaꞌ cujuii ya chqueru nu tsoꞌo la ñaꞌa̱ biꞌ, chaꞌ tsoꞌo tsa ntiꞌ sti nuꞌu̱ chaꞌ cua ndyalaa yu tsoꞌo ti.”
25734	LUK 17:14	Nu loꞌo naꞌa̱ Jesús jiꞌi̱ nguꞌ, liꞌ nacui̱ yu: ―Yaa clya ma̱ slo sti joꞌó chaꞌ ñaꞌa̱ yu jiꞌi̱ tyucui ñaꞌa̱ ma̱ ―nacui̱. Nduꞌu nguꞌ ndyaa nguꞌ liꞌ. Pana su ndyaa nguꞌ tyucui̱i̱ ti, ngua tii nguꞌ chaꞌ xaꞌ ngua lubii cuañaꞌ nguꞌ; ndye chaꞌ quicha nguꞌ liꞌ.
25806	LUK 19:6	Yala ntcha ti nguaꞌya Zaqueo, chaꞌ ndiya tsa tiꞌ yu chaꞌ nu nchcuiꞌ Jesús loꞌo yu; tsoꞌo tsa ntsuꞌu tyiquee yu ta yu su tyiꞌi̱ Jesús.
25830	LUK 19:30	―Yaa ma̱ ca quichi̱ piti jua nu cacua ti ndyaca. Nu loꞌo tyalaa ma̱ jua, liꞌ quije sca huru cuañiꞌ jiꞌi̱ ma̱ nu ndu̱ ndyaaca̱ꞌ niꞌ, nu bilya tyucua nguꞌ chu̱ꞌ tsiyaꞌ ti. Xati̱ꞌ ma̱ jiꞌi̱ chaꞌ tya̱a̱ ma̱ tya̱a̱loꞌo ma̱ jiꞌi̱ niꞌ ca nde.
25862	LUK 20:14	Nu loꞌo naꞌa̱ nguꞌ nu ndyuꞌni cña neꞌ loꞌo biꞌ jiꞌi̱ yu cuañiꞌ chaꞌ lijya̱ yu, liꞌ ndiꞌya̱ nchcuiꞌ nguꞌ loꞌo tyaꞌa nguꞌ: “Yu cua laca nu ntiꞌ chaꞌ quiꞌya jiꞌi̱ cña re. ¿Ñiꞌya̱ cuaꞌni na chaꞌ cujuii na jiꞌi̱ chaꞌ tyanu cña re jiꞌna, chaꞌ caca na xuꞌna loꞌo re?” nacui̱ nu nguꞌ cuxi biꞌ jiꞌi̱ tyaꞌa nguꞌ liꞌ.
25890	LUK 20:42	Ndiꞌya̱ chaꞌ nguscua ycuiꞌ David biꞌ lo quityi Salmos: Ycuiꞌ Ndyosi nu laca Xuꞌna na nacui̱ jiꞌi̱ Cristo nu Xuꞌna naꞌ: “Tyucua nuꞌu̱ nde laꞌa tsuꞌ cui̱ ꞌna, chaꞌ stuꞌba ti caca nuꞌu̱ loo loꞌo naꞌ”, nacui̱ Ni,
25941	LUK 22:8	Liꞌ ngulo Jesús cña jiꞌi̱ Juan loꞌo jiꞌi̱ Pedro: ―Yaa clya ma̱ chaꞌ cuaꞌni choꞌo ma̱ si̱i̱ nu cacu na cuentya jiꞌi̱ taꞌa pascua ―nacui̱ yu jiꞌi̱ nguꞌ biꞌ.
26022	LUK 23:18	biꞌ chaꞌ nguxana nguꞌ, tyucui ñaꞌa̱ taju nguꞌ stuꞌba ti, cui̱i̱ tsa nxiꞌya nguꞌ ndijña nguꞌ chaca preso jiꞌi̱ Pilato: ―Siꞌi nu quiꞌyu re cuaꞌni lyaá nuꞌu̱ jiꞌi̱ ―nacui̱ nguꞌ―. Yaa loꞌo jiꞌi̱ yu re. Culaá jiꞌi̱ nu Barrabás biꞌ chaꞌ tyuꞌu.
26124	JHN 1:11	Ya̱a̱ yu biꞌ chalyuu su laca tyi nquichaꞌ, loꞌo juaꞌa̱ ñati̱ chalyuu nu ngüiñá yu, ná ndyuloo nguꞌ jiꞌi̱ yu.
26147	JHN 1:34	Ycuiꞌ ti naꞌ cua naꞌa̱ naꞌ jiꞌi̱ chaꞌ biꞌ. Chañi chaꞌ nu nchcuiꞌ naꞌ loꞌo cuꞌma̱, chaꞌ yu biꞌ laca nu sca ti Sñiꞌ ycuiꞌ Ndyosi; na cua ngusubi Ni jiꞌi̱ yu biꞌ.
26156	JHN 1:43	Ca chaca tsa̱, liꞌ ngua tiꞌ Jesús tyaa yu nde Galilea. Liꞌ ndyacua tyaꞌa yu loꞌo sca nu quiꞌyu nu naa Felipe: ―Yaꞌa nuꞌu̱ loꞌo naꞌ ―nacui̱ Jesús jiꞌi̱ Felipe liꞌ.
26159	JHN 1:46	―¿Ha tsoꞌo quichi̱ biꞌ? ―nacui̱ Natanael―. ¿Ha ntsuꞌu ñati̱ tsoꞌo nde quichi̱ Nazaret biꞌ? ―Yaa naꞌa̱ nuꞌu̱ xi jiꞌi̱ lacua ―nacui̱ Felipe.
26172	JHN 2:8	―Culo ma̱ xi hitya ―nacui̱ Jesús liꞌ―. Yaa loꞌo ma̱ jiꞌi̱ chaꞌ coꞌo nu ñati̱ nu ndyuꞌni taꞌa re. Juaꞌa̱ nguaꞌni nguꞌ liꞌ, nda nguꞌ xi hitya coꞌo nguꞌ.
26180	JHN 2:16	Liꞌ nacui̱ Jesús jiꞌi̱ ñati̱ nu ndujuiꞌ paloma biꞌ: ―Yaa loꞌo ma̱ jiꞌi̱ yuꞌba cua nde liyaꞌ ―nacui̱ yu―. Ngaꞌaa cuaꞌni ma̱ chaꞌ niꞌi̱ lcayaꞌ caca niꞌi̱ tlyu re jiꞌi̱ Sti naꞌ.
26241	JHN 4:16	Liꞌ nchcuiꞌ Jesús loꞌo nu cunaꞌa̱ biꞌ: ―Yaa clya nuꞌu̱ yaaquiꞌya jiꞌi̱ clyoꞌo chaꞌ ca̱a̱ ca nde.
26299	JHN 5:20	Ycuiꞌ Sti naꞌ ni, ntsuꞌu tsa tyiquee Ni ñaꞌa̱ Ni jnaꞌ, chaꞌ Sñiꞌ ycuiꞌ Ni laca naꞌ ―nacui̱ Jesús―. Lcaa cña nu nduꞌni Sti naꞌ, ncluꞌu Ni jnaꞌ. Loꞌo juaꞌa̱ tya cuaꞌni la Ni cña tonu nu bilya ñaꞌa̱ ma̱ jiꞌi̱, chaꞌ cube tiꞌ ma̱ jiꞌi̱ ycuiꞌ Ni.
26325	JHN 5:46	Yala ti xñi ma̱ chaꞌ jnaꞌ si chañi chaꞌ ngusñi ma̱ chaꞌ nu nda jyoꞌo Moisés biꞌ loꞌo ma̱ ―nacui̱ Jesús liꞌ―. Chaꞌ jnaꞌ nguscua jyoꞌo biꞌ lo quityi biꞌ,
26358	JHN 6:32	Liꞌ nchcuiꞌ Jesús loꞌo nguꞌ chaca quiyaꞌ: ―Liñi tsa chaꞌ nu nchcuiꞌ naꞌ loꞌo ma̱ juani: Ycuiꞌ Ndyosi Sti naꞌ laca nu ta chaꞌ tsoꞌo nu cacu ma̱, la cuiꞌ chaꞌ biꞌ laca nu ndyuꞌu nde su ndiꞌi̱ ycuiꞌ Ni; siꞌi la cuiꞌ chaꞌ ñiꞌya̱ nu nda jyoꞌo Moisés ndyacu nguꞌ cua saꞌni ―nacui̱―.
26371	JHN 6:45	Ndiꞌya̱ nchcuiꞌ sca chaꞌ nu nguscua sca jyoꞌo cusuꞌ lo quityi nu ngua saꞌni: “Ycuiꞌ Ndyosi laca nu culuꞌu chaꞌ jiꞌi̱ ycuiꞌ Ni jiꞌi̱ ñati̱”, nacui̱ quityi biꞌ. Biꞌ chaꞌ ñati̱ ꞌna caca lcaa ñati̱ nu taquiyaꞌ chaꞌ jiꞌi̱ ycuiꞌ Ndyosi Sti naꞌ, lcaa ñati̱ nu caca tsaꞌa̱ chaꞌ nu culuꞌu Ni jiꞌi̱ nguꞌ.
26405	JHN 7:8	Yaa clya ycuiꞌ ca ma̱ taꞌa biꞌ; ná tsaꞌa naꞌ, chaꞌ tya lyiji tyalaa la cuiꞌ tyempo nu tyaꞌa̱ ca biꞌ.
26438	JHN 7:41	Loꞌo juaꞌa̱ nchcuiꞌ xi xaꞌ la nguꞌ chaꞌ jiꞌi̱ yu: ―Yu jua laca nu ñati̱ tlyu nu nda ycuiꞌ Ndyosi jiꞌi̱ chaꞌ ca̱a̱ ―nacui̱ nguꞌ. Liꞌ nguxtyacui xaꞌ la nguꞌ quichi̱ chaꞌ loꞌo tyaꞌa nguꞌ: ―Pana siꞌi nde Galilea tyuꞌu nu ñati̱ tlyu biꞌ, siꞌi juaꞌa̱ caca.
26494	JHN 8:44	Ycuiꞌ nu xñaꞌa̱ laca sti cuꞌma̱, loꞌo juaꞌa̱ ntiꞌ ma̱ cuaꞌni ma̱ la cuiꞌ cña nu ngulo nu biꞌ jiꞌi̱ ma̱. Tya loꞌo nguxana chalyuu, tya liꞌ nguxana ndyuꞌni ñuꞌu̱ nu biꞌ jiꞌi̱ cresiya jiꞌi̱ ñati̱ ―nacui̱ Jesús―. Ná ngutuꞌu nu biꞌ ca su ntsuꞌu su̱u̱ chaꞌ liñi, ná ntsuꞌu chaꞌ liñi jiꞌi̱ nu biꞌ tsiyaꞌ ti ―nacui̱―. Loꞌo ñiloꞌo nu biꞌ jiꞌi̱ ñati̱, xquichaꞌ ycuiꞌ ca laca chaꞌ cuiñi nu nda nu biꞌ loꞌo nguꞌ. Sca nu cuiñi laca nu xñaꞌa̱, biꞌ laca sti lcaa nu cuiñi.
26516	JHN 9:7	Liꞌ nacui̱ Jesús jiꞌi̱: ―Yaa nuꞌu̱, caata chcu nde tojoꞌo Siloé ―tojoꞌo biꞌ naa Siloé chaꞌcña jiꞌi̱ nguꞌ, ñiꞌya̱ ntiꞌ si ñacui̱ na chaꞌcña jiꞌna: tojoꞌo “su nacui̱ jiꞌi̱ nguꞌ chaꞌ tsaa nguꞌ”. Biꞌ chaꞌ ndyaa nu quicha biꞌ ndyaata tojoꞌo biꞌ liꞌ. Loꞌo ñaa liꞌ, cua ndyaca tsoꞌo cloo.
26557	JHN 10:7	Loꞌo liꞌ nchcuiꞌ Jesús loꞌo nguꞌ chaca quiyaꞌ: ―Liñi tsa chaꞌ nu nda naꞌ loꞌo ma̱ ―nacui̱ Jesús―. Ycuiꞌ ti naꞌ laca̱ toꞌ loꞌo biꞌ, chaꞌ nchcaꞌa̱ naꞌ toꞌ loꞌo su ndyatí̱ niꞌ.
26561	JHN 10:11	Tsoꞌo tsa ñaꞌa̱si̱i̱ naꞌ jiꞌi̱ xlyaꞌ ꞌna. Ycuiꞌ ca naꞌ tyajaꞌa̱ Naꞌ caja̱a̱ chaꞌ ná cajaa xlyaꞌ jnaꞌ, chaꞌ ntsuꞌu tsa tyiquee naꞌ ñaꞌa̱ naꞌ jiꞌi̱ nguꞌ ―nacui̱―.
26565	JHN 10:15	Ñiꞌya̱ nslo Sti naꞌ jnaꞌ, juaꞌa̱ nslo naꞌ jiꞌi̱ Sti naꞌ; ñiꞌya̱ ntsuꞌu chaꞌ jiꞌi̱ Sti naꞌ loꞌo naꞌ, juaꞌa̱ ntsuꞌu chaꞌ jnaꞌ loꞌo ñati̱ jnaꞌ. Ycuiꞌ ca naꞌ tyajaꞌa̱ naꞌ caja̱a̱ chaꞌ ná tye cresiya jiꞌi̱ ñati̱ ꞌna ―nacui̱ Jesús jiꞌi̱ nguꞌ―.
26647	JHN 11:55	Cua ngulala tsa taꞌa pascua, biꞌ laca sca taꞌa jiꞌi̱ nguꞌ judío. Quiñaꞌa̱ nguꞌ ngutuꞌu nguꞌ quichi̱ tyi nguꞌ, masi quichi̱ neꞌ quixi̱ꞌ, ndyalaa nguꞌ quichi̱ Jerusalén liꞌ. Yala ti nguaꞌni lubii nguꞌ tyucui ñaꞌa̱ nguꞌ cuentya jiꞌi̱ ycuiꞌ Ndyosi, nu loꞌo tya lyiji ti caca taꞌa.
26655	JHN 12:6	Chaꞌ cuaana Judas, biꞌ chaꞌ nacui̱ juaꞌa̱, siꞌi chaꞌ tyaꞌna tiꞌ jiꞌi̱ nguꞌ tiꞌi. Ycuiꞌ ca Judas laca loo jiꞌi̱ cuiji̱ su ntsuꞌu cñi jiꞌi̱ nguꞌ tyaꞌa ndyaꞌa̱ loꞌo Jesús, pana na ntyucuaana Judas cñi nu ntsuꞌu jiꞌi̱ lcaa nguꞌ biꞌ.
26726	JHN 13:27	Loꞌo ngusñi Judas jiꞌi̱ tyaja biꞌ, la cuiꞌ hora biꞌ ndyatí̱ ycuiꞌ nu xñaꞌa̱ nu naa Satanás, ndyaa neꞌ cresiya jiꞌi̱ nu Judas biꞌ. Liꞌ nacui̱ Jesús jiꞌi̱: ―Yaa clya nuꞌu̱ lquichi̱ cua hi̱.
26796	JHN 16:1	’Yala la nchcuiꞌ naꞌ lcaa chaꞌ biꞌ loꞌo ma̱, chaꞌ ná xtyanu ma̱ chaꞌ jnaꞌ loꞌo cuaꞌni lyaꞌ tiꞌ nguꞌ jiꞌi̱ ma̱,
26885	JHN 18:31	―Yaa loꞌo ma̱ jiꞌi̱ yu re chaꞌ cuaꞌni cuayáꞌ ma̱ jiꞌi̱ yu cuentya jiꞌi̱ chaꞌ cusuꞌ nu ntsuꞌu jiꞌi̱ ycuiꞌ ca ma̱ ―nacui̱ Pilato jiꞌi̱ nguꞌ liꞌ. Nguxacui̱ nu nguꞌ judío biꞌ chaꞌ jiꞌi̱ Pilato liꞌ: ―Ná ntsuꞌu chacuayáꞌ jiꞌi̱ ya chaꞌ cujuii ya jiꞌi̱ sca ñati̱ juaꞌa̱, chaꞌ nguꞌ judío laca ya ―nacui̱ nguꞌ.
26900	JHN 19:6	Loꞌo sti joꞌó nu laca loo loꞌo msu jiꞌi̱ nguꞌ ni, cui̱i̱ ngusiꞌya loꞌo nguꞌ jiꞌi̱ Pilato loꞌo naꞌa̱ nguꞌ jiꞌi̱ Jesús lijya̱. ―¡Cujuii clya ma̱ jiꞌi̱ yu! ¡Cujuii clya ma̱ jiꞌi̱ yu jua! ―nacui̱ nguꞌ jiꞌi̱. Nchcuiꞌ Pilato loꞌo nguꞌ liꞌ: ―Ycuiꞌ ca ma̱ yaa loꞌo ma̱ jiꞌi̱ yu chaꞌ cujuiꞌi̱ caꞌa̱ ma̱ jiꞌi̱ lo crusi ―nacui̱ Pilato jiꞌi̱ nguꞌ―. Cuentya jnaꞌ ná ntsuꞌu quiꞌya jiꞌi̱ yu.
26905	JHN 19:11	―Ná ntsuꞌu chacuayáꞌ jinuꞌu̱ tsiyaꞌ ti chaꞌ caca nuꞌu̱ loo jnaꞌ ―nacui̱ Jesús jiꞌi̱ Pilato―. Ycuiꞌ Ndyosi nu laca loo la, biꞌ laca nu ta chacuayáꞌ jiꞌna; biꞌ chaꞌ tlyu la quiꞌya ntsuꞌu jiꞌi̱ yu nu cua ndyujuiꞌ cresiya ꞌna jinuꞌu̱.
26908	JHN 19:14	Nde hora ngua biꞌ, tsa̱ taꞌa si̱i̱ jiꞌi̱ taꞌa pascua. Loꞌo liꞌ nacui̱ Pilato jiꞌi̱ nguꞌ judío: ―Yu re laca rey nu laca loo jiꞌi̱ ma̱.
26909	JHN 19:15	Lye tsa nchcuiꞌ nguꞌ judío loꞌo Pilato liꞌ: ―¡Yaa loꞌo ma̱ jiꞌi̱ yu! ¡Yaa loꞌo ma̱ jiꞌi̱ yu! Cujuii clya ma̱ jiꞌi̱ yu lo crusi. ―¿Ha ntiꞌ ma̱ chaꞌ cujuii ya jiꞌi̱ rey nu laca loo jiꞌi̱ ma̱? ―nacui̱ Pilato jiꞌi̱ nguꞌ. ―Ngaꞌaa ntsuꞌu chaca rey nu laca loo jiꞌna ―nguxacui̱ nguꞌ jiꞌi̱―. Sca ti César laca loo jiꞌna.
27005	ACT 1:13	Yala ti ndyalaa nguꞌ quichi̱ biꞌ, liꞌ ndyaa nguꞌ niꞌi̱ tucua baꞌa su ndiꞌi̱ nguꞌ: ndyaa Pedro, loꞌo Jacobo, loꞌo Juan, loꞌo Andrés, loꞌo Felipe, loꞌo Tomás, loꞌo Bartolomé, loꞌo Mateo, loꞌo chaca Jacobo sñiꞌ Alfeo, loꞌo Simón nu ngua sca nguꞌ jiꞌi̱ taju cananista, loꞌo Judas tyaꞌa Jacobo.
27008	ACT 1:16	―Cuꞌma̱ tyaꞌa ndiꞌi̱ na re ―nacui̱ Pedro jiꞌi̱ nguꞌ biꞌ―, nu ngua saꞌni nguxtyucua Xtyiꞌi ycuiꞌ Ndyosi jiꞌi̱ jyoꞌo cusuꞌ David loꞌo nguscua jyoꞌo biꞌ lo quityi ñiꞌya̱ caca cña nu cuaꞌni jyoꞌo Judas nde loo la. Ycuiꞌ Judas nguluꞌu tyucui̱i̱ jiꞌi̱ nguꞌ xñaꞌa̱ loꞌo ngusñi nguꞌ jiꞌi̱ Jesús preso; pana ñiꞌya̱ nu ndyanu chaꞌ caca jiꞌi̱ yu, juaꞌa̱ ngua chaꞌ biꞌ.
27010	ACT 1:18	Loꞌo liꞌ ndyaa jyoꞌo biꞌ ngüiꞌya sca yuu loꞌo cayaꞌ nu nda nguꞌ jiꞌi̱ yu chaꞌ nguaꞌni yu chaꞌ cuxi, nu loꞌo ndyujuiꞌ yu cresiya jiꞌi̱ Jesús jiꞌi̱ nguꞌ xñaꞌa̱ biꞌ. Ycuiꞌ ca yu nguxtyú yu jiꞌi̱ yu lo yuu, ngutaaꞌ neꞌ yu nduꞌu tri seꞌi̱ yu, ngujuii yu liꞌ.
27011	ACT 1:19	Hora ti ngua cuayáꞌ tiꞌ lcaa nguꞌ quichi̱ Jerusalén, biꞌ chaꞌ nchcuiꞌ nguꞌ chaꞌcña jiꞌi̱ nguꞌ chaꞌ Acéldama naa yuu su nclyú yu; ndiꞌya̱ ndyuꞌu chaꞌcña biꞌ: “Yuu su ndyalú tañi ñati̱”.
27078	ACT 3:13	Ycuiꞌ Ndyosi Sti na ni, la cuiꞌ Ni laca nu nguaꞌni tlyu jyoꞌo cusuꞌ jiꞌna jiꞌi̱ tya saꞌni la, masi jyoꞌo Abraham, masi jyoꞌo Isaac, masi jyoꞌo Jacob; lcaa jyoꞌo cusuꞌ jiꞌna nguaꞌni tlyu nguꞌ jiꞌi̱ ycuiꞌ Ndyosi biꞌ. Ycuiꞌ Ndyosi laca nu cua nda chacuayáꞌ jiꞌi̱ Jesús Sñiꞌ ycuiꞌ Ni chaꞌ caca tlyu yu. Ntejeyaꞌ ma̱ jiꞌi̱ nu Jesús biꞌ tsubiꞌ ti, ndyaa loꞌo ma̱ jiꞌi̱ yu, ndyaa ma̱ ngusta ma̱ quiꞌya jiꞌi̱ yu slo nguꞌ nu laca loo; nu loꞌo ngua tiꞌ gobernador Pilato chaꞌ tyuꞌu Jesús laja ti, ná ntajaꞌa̱ ma̱ liꞌ.
27092	ACT 4:1	Tya ndu̱ Pedro loꞌo Juan nchcuiꞌ loꞌo nguꞌ neꞌ laa nu loꞌo ngulaa sti joꞌó. Ya̱a̱ nguꞌ loꞌo xuꞌna nguꞌ policía nu ndiꞌi̱ cua̱ neꞌ laa tonu, loꞌo nu nguꞌ saduceo ya̱a̱.
27101	ACT 4:10	Cuaꞌa̱ jyaca̱ ma̱ xi lacua. Ta naꞌ sca chaꞌ loꞌo ma̱, loꞌo lcaa nguꞌ loyuu re, chaꞌ ycuiꞌ Jesucristo laca nu nguaꞌni chaꞌ ndyaca tsoꞌo nu quicha re. La cuiꞌ Jesús Nazaret nu ndyujuii ma̱ jiꞌi̱ lo crusi, biꞌ laca nu cua nguaꞌni ycuiꞌ Ndyosi chaꞌ ndyuꞌú chaca quiyaꞌ loꞌo ngujuii. Ycuiꞌ Jesús biꞌ nda chacuayáꞌ chaꞌ ngua tsoꞌo quiyaꞌ yu re, biꞌ chaꞌ ndu̱ yu ca nde tsoꞌo ti yu juani.
27132	ACT 5:4	Yuu jinuꞌu̱ laca biꞌ nquichaꞌ, loꞌo juaꞌa̱ cua ntsuꞌu chacuayáꞌ jinuꞌu̱ cuaꞌni na laca nu ntiꞌ nuꞌu̱ cuaꞌni loꞌo cñi biꞌ. ¿Ni chaꞌ laca nguñiloꞌo nuꞌu̱ jiꞌi̱ ya lacua? Ná liñi chaꞌ nu nguaꞌni nuꞌu̱, chaꞌ nu cua nacui̱ nuꞌu̱ chaꞌ lcaa cñi biꞌ laca re, loꞌo siꞌi juaꞌa̱ laca biꞌ. Siꞌi loꞌo ñati̱ ti nda nuꞌu̱ chaꞌ cuiñi biꞌ, loꞌo ycuiꞌ Ndyosi cua nda nuꞌu̱ chaꞌ cuiñi biꞌ ―nacui̱ Pedro jiꞌi̱ nu quiꞌyu biꞌ.
27134	ACT 5:6	Yala ti lijya̱ xi nguꞌ cuañiꞌ, ngüixi̱i̱ nguꞌ lateꞌ chu̱ꞌ jyoꞌo biꞌ, ngulo nguꞌ jiꞌi̱ nde liyaꞌ. Liꞌ ndyaa loꞌo nguꞌ jiꞌi̱, ndyaa chaꞌ tyatsiꞌ.