23251	MAT 2:13	Nu loꞌo cua nduꞌu nguꞌ tii ndyaa nguꞌ quichi̱ tyi nguꞌ, liꞌ nchcuiꞌ xcalá José. Ndyuꞌu tucua sca xca̱ jiꞌi̱ ycuiꞌ Ndyosi slo yu laja xcalá, nchcuiꞌ loꞌo yu liꞌ: ―Que tiꞌ nuꞌu̱ ―nacui̱ xca̱ jiꞌi̱ José―. Tyatu̱ nuꞌu̱, xna clya nuꞌu̱ ―nacui̱―, tsaa loꞌo nuꞌu̱ jiꞌi̱ xtyaꞌa̱ cubiꞌ tyijyuꞌ nde loyuu su cuentya Egipto. Tyiꞌi̱ ma̱ cajua ñaꞌa̱ cuayáꞌ nu cacha̱ꞌ hi̱ chaꞌ tsoꞌo tya̱a̱ ma̱ nde nasiyu̱ re chaca quiyaꞌ. Tyaala tsa rey Herodes biꞌ; cua ca̱a̱ ti yu quichi̱ re chaꞌ clyana jiꞌi̱ cubiꞌ, chaꞌ cujuii jiꞌi̱ cubiꞌ ntiꞌ yu.
23258	MAT 2:20	―Que tiꞌ nuꞌu̱ ―nacui̱ xca̱ jiꞌi̱ yu―, tyatu̱ clya nuꞌu̱, tyaa loꞌo nuꞌu̱ jiꞌi̱ nu piti loꞌo jiꞌi̱ xtyaꞌa̱ yu nde nasiyu̱ Israel chaca quiyaꞌ ―nacui̱―, chaꞌ cua ngujuii nguꞌ tyaala nu ngua tiꞌ cujuii jiꞌi̱ cubiꞌ cua tya tsubiꞌ la.
23765	MAT 16:24	Liꞌ nguluꞌu la Jesús jiꞌi̱ nu nguꞌ nu ndyaca tsaꞌa̱ jiꞌi̱ biꞌ: ―Si ntsuꞌu ñati̱ nu chañi chaꞌ ntiꞌ nguꞌ tsaa nguꞌ loꞌo naꞌ ―nacui̱―, ngaꞌa̱ chaꞌ xtyanu nguꞌ biꞌ jiꞌi̱ lcaa chaꞌ nu ntsuꞌu tsa tyiquee nguꞌ jiꞌi̱, chaꞌ tyaꞌa̱ nguꞌ loꞌo naꞌ lcaa tsa̱, masi cujuii ñati̱ jiꞌi̱ nguꞌ biꞌ xquiꞌya naꞌ.
23854	MAT 19:23	Liꞌ nchcuiꞌ Jesús loꞌo nguꞌ nu ndyaca tsaꞌa̱ jiꞌi̱: ―Chaꞌ liñi nchcuiꞌ naꞌ loꞌo ma̱ juani ―nacui̱―, tucui tsa caca jiꞌi̱ nguꞌ culiyaꞌ chaꞌ tyatí̱ nguꞌ chaꞌ jiꞌi̱ ycuiꞌ Ndyosi, chaꞌ caca Ni loo neꞌ cresiya jiꞌi̱ nguꞌ.
24157	MAT 26:34	Liꞌ nguxacui̱ Jesús chaꞌ jiꞌi̱ Pedro biꞌ: ―Chaꞌ liñi cachaꞌ naꞌ jinuꞌu̱ juani ―nacui̱―, chaꞌ nu loꞌo bilya xiꞌya ndyeꞌe talya ndyi, sna quiyaꞌ chcuiꞌ nuꞌu̱ chaꞌ ná nslo nuꞌu̱ ꞌna; juaꞌa̱ ñacui̱ nuꞌu̱ jiꞌi̱ nguꞌ.
24571	MRK 8:2	―Tyaꞌna tsa tiꞌ naꞌ jiꞌi̱ nu nguꞌ quiñaꞌa̱ re ―nacui̱―, chaꞌ sna tsa̱ cua ngutaꞌa̱ nguꞌ loꞌo naꞌ. Ngaꞌaa ntsuꞌu tsiyaꞌ ti na cacu nguꞌ juani.
24612	MRK 9:5	Liꞌ nchcuiꞌ Pedro loꞌo Jesús: ―Mstru ―nacui̱―, tsoꞌo tsa chaꞌ ndiꞌi̱ ya ca nde loꞌo nuꞌu̱. Ta nuꞌu̱ chacuayáꞌ cuiñá ya sna tyaꞌa chcuaꞌya, tsaca laca su tyiꞌi̱ ycuiꞌ nuꞌu̱, chaca su tyiꞌi̱ La Moisés, chaca su tyiꞌi̱ La Elías ―nacui̱ Pedro jiꞌi̱ Jesús.
24631	MRK 9:24	Hora ti nchcuiꞌ sti nu quicha biꞌ liꞌ: ―Jlya tiꞌ naꞌ jinuꞌu̱ ―nacui̱―, xtyucua nuꞌu̱ ꞌna chaꞌ jlya la tiꞌ naꞌ jinuꞌu̱ hora nu loꞌo ngaꞌaa jlya tsoꞌo tiꞌ naꞌ ―nacui̱ jiꞌi̱ Jesús.
24672	MRK 10:15	Chañi chaꞌ nu nchcuiꞌ naꞌ ―nacui̱―, chaꞌ ná caca tyatí̱ nguꞌ chaꞌ jiꞌi̱ ycuiꞌ Ndyosi chaꞌ caca Ni loo neꞌ cresiya jiꞌi̱ nguꞌ, si ná tyucui tiꞌ tyiquee nguꞌ ñiꞌya̱ nu ntsuꞌu tyiquee sca nu sube.
24704	MRK 10:47	Nu loꞌo ngua tii yu quicha biꞌ, chaꞌ lijya̱ ycuiꞌ Jesús Nazaret, cui̱i̱ ngusiꞌya jiꞌi̱ Jesús liꞌ: ―Jesús, ñati̱ tyaꞌa jiꞌi̱ jyoꞌo David laca nuꞌu̱ ―nacui̱―, cuaꞌni tyaꞌna tiꞌ nuꞌu̱ jnaꞌ ―nacui̱ nu quicha biꞌ jiꞌi̱ Jesús.
24992	LUK 1:30	Xaꞌ nchcuiꞌ xca̱ biꞌ loꞌo nu cunaꞌa̱ cuañiꞌ biꞌ liꞌ: ―María ―nacui̱―, ná cutsi̱i̱ nuꞌu̱ chaꞌ cua nda ycuiꞌ Ndyosi sca chaꞌ tsoꞌo hi̱ ―nacui̱ xca̱ biꞌ jiꞌi̱―.
25141	LUK 4:9	Liꞌ ndyaa loꞌo nu xñaꞌa̱ biꞌ jiꞌi̱ Jesús nde quichi̱ Jerusalén, ngusacui̱ jiꞌi̱ Jesús ndyaa ca que laa tonu biꞌ. Loꞌo liꞌ xaꞌ nchcuiꞌ nu xñaꞌa̱ biꞌ loꞌo yu: ―Si chañi chaꞌ nu sca ti Sñiꞌ ycuiꞌ Ndyosi laca nuꞌu̱ ―nacui̱―, xtyú loꞌo nuꞌu̱ jiꞌi̱ ycuiꞌ ca nuꞌu̱ ca chcuaꞌa̱ re.
25157	LUK 4:25	Tyempo loꞌo ngutiꞌi̱ jyoꞌo cusuꞌ Elías chalyuu ―nacui̱―, ntsuꞌu tiꞌ ma̱ chaꞌ cua nteje tacui sna yija̱ ntucua scuá coꞌ nu ná nguaꞌya tyo tsiyaꞌ ti; tlyu tsa jbiꞌña ngua tyucui ñaꞌa̱ chalyuu liꞌ. Tyu̱u̱ tsa tyaꞌa nu cunaꞌa̱ tiꞌi ngutiꞌi̱ loyuu re tyempo biꞌ;
25181	LUK 5:5	Liꞌ nguxacui̱ Simón chaꞌ jiꞌi̱: ―Cusuꞌ ―nacui̱―, tyucui talya ngutaꞌa̱ ya lo tayuꞌ ngu̱ ya taraya; ni sca na ná ngujui jiꞌi̱ ya tsiyaꞌ ti. Pana si juaꞌa̱ culo nuꞌu̱ cña ꞌna, tsaa ya ca su nacui̱ nuꞌu̱ chaꞌ cu̱ ya taraya cajua ―nacui̱ Simón liꞌ.
25196	LUK 5:20	Loꞌo ti ngua cuayáꞌ tiꞌ Jesús chaꞌ jlya tsa tiꞌ nguꞌ biꞌ jiꞌi̱, biꞌ chaꞌ nacui̱ jiꞌi̱ yu quicha biꞌ: ―Cusuꞌ ―nacui̱―, na cua nguaꞌni clyu tiꞌ ycuiꞌ Ndyosi jinuꞌu̱ jiꞌi̱ quiꞌya nu ntsuꞌu jinuꞌu̱ ―nacui̱ Jesús jiꞌi̱ yu quicha biꞌ.
25403	LUK 9:33	Nu loꞌo cua tyaa ti tyucuaa nguꞌ biꞌ, liꞌ nacui̱ Pedro jiꞌi̱ Jesús: ―Xuꞌna ―nacui̱―, tsoꞌo tsa chaꞌ ndiꞌi̱ ya nde. Cuiñá ya sna tyaꞌa chcuaꞌya: tsaca laca su tyiꞌi̱ ycuiꞌ nuꞌu̱, chaca su tyiꞌi̱ La Moisés, loꞌo chaca su tyiꞌi̱ La Elías ―nacui̱. Pana nu Pedro biꞌ ni, ná ngua cuayáꞌ tiꞌ yu ñiꞌya̱ ndyuꞌu chaꞌ nu nchcuiꞌ ycuiꞌ ca yu.
25419	LUK 9:49	Liꞌ nacui̱ Juan jiꞌi̱ Jesús: ―Mstru ―nacui̱―, cua naꞌa̱ ya chaꞌ ndu̱ chaca ñati̱ nu nclyo jiꞌi̱ cuiꞌi̱ cuxi nu ntsuꞌu jiꞌi̱ ñati̱ chacuayáꞌ jinuꞌu̱, nacui̱ yu. Biꞌ chaꞌ nguaꞌa ya jiꞌi̱ yu biꞌ, chaꞌ ngaꞌaa cuaꞌni yu juaꞌa̱, chaꞌ ná loꞌo yu biꞌ ndyaꞌa̱ yu ndyaca tsaꞌa̱ yu loꞌo ya.
25457	LUK 10:25	Liꞌ ndatu̱ sca mstru chaꞌ joꞌó chaꞌ chcuiꞌ cuayáꞌ yu loꞌo Jesús. Loꞌo liꞌ nchcuane yu jiꞌi̱ Jesús: ―Mstru ―nacui̱―, ¿ñiꞌya̱ cuaꞌni naꞌ chaꞌ caja chalyuu nu ná ngaꞌa̱ chaꞌ tye tsiyaꞌ ti jnaꞌ?
25475	LUK 11:1	Ngua sca tsa̱ ngaꞌa̱ Jesús ndyuꞌni tlyu jiꞌi̱ ycuiꞌ Ndyosi. Loꞌo ndye nchcuiꞌ yu loꞌo Ni, liꞌ nacui̱ sca nguꞌ nu ndyaca tsaꞌa̱ jiꞌi̱: ―Cusuꞌ ―nacui̱―, culuꞌu nuꞌu̱ jiꞌi̱ ya ñiꞌya̱ caca chcuiꞌ ya loꞌo ycuiꞌ Ndyosi, tsa ñaꞌa̱ nu nguluꞌu jyoꞌo Juan jiꞌi̱ nguꞌ nu ngutaꞌa̱ loꞌo.
25519	LUK 11:45	Liꞌ nchcuiꞌ sca mstru chaꞌ joꞌó loꞌo Jesús: ―Mstru ―nacui̱―, loꞌo nchcuiꞌ nuꞌu̱ juaꞌa̱, loꞌo jiꞌi̱ cuare nsta nuꞌu̱ quiꞌya.
25697	LUK 16:8	Tiyaꞌ la ngua cuayáꞌ tiꞌ ycuiꞌ nu laca xuꞌna yu ñiꞌya̱ nu ndyuꞌni yu. “Tajuaꞌ tsa ndyuꞌni msu nu laca loo biꞌ ꞌna laja loꞌo ndyuꞌni yu cña”, nacui̱ nu cusuꞌ culiyaꞌ biꞌ. Loꞌo liꞌ tya nchcuiꞌ Jesús loꞌo nguꞌ biꞌ: ―Loꞌo cuꞌma̱ ni, nu ntiꞌ tsa ma̱ taquiyaꞌ ma̱ jiꞌi̱ lcaa chaꞌ nu nchcuiꞌ ycuiꞌ Ndyosi ―nacui̱―, taca ca tsaꞌa̱ ma̱ xi loꞌo ñaꞌa̱ ma̱ ñiꞌya̱ nu nduꞌni xaꞌ la ñati̱ chalyuu loꞌo tyaꞌa nguꞌ, masi cuxi ti nguꞌ.
25773	LUK 18:16	Liꞌ ngusiꞌya Jesús jiꞌi̱ nu sube chaꞌ ca̱a̱ nguꞌ slo yu. Liꞌ nchcuiꞌ yu loꞌo nu nguꞌ nu ndyaca tsaꞌa̱ jiꞌi̱ biꞌ: ―Ta ma̱ chacuayáꞌ chaꞌ ca̱a̱ nu sube ca slo naꞌ ―nacui̱―, chaꞌ sca nu sube ni, tsoꞌo tsa nxñi chaꞌ tsoꞌo jiꞌi̱ ycuiꞌ Ndyosi tyucui tyiquee biꞌ tsiyaꞌ ti. Loꞌo juaꞌa̱ taca culo Ni cña jiꞌi̱ ñati̱ nu juaꞌa̱ jlya tiꞌ jiꞌi̱ Ni, ñiꞌya̱ loꞌo jlya tiꞌ nu sube jiꞌi̱ Ni.
25964	LUK 22:31	Loꞌo liꞌ nchcuiꞌ Jesús loꞌo Simón Pedro biꞌ: ―Simón ―nacui̱―, laca chaꞌ ñiꞌya̱ laca si cua ngüijña Satanás chacuayáꞌ chaꞌ cuaꞌni lyaꞌ tiꞌ jiꞌi̱ lcaa cuꞌma̱; cua ntiꞌ yu cuaꞌni cuayáꞌ yu jiꞌi̱ ma̱, chaꞌ xcutsi̱i̱ yu jiꞌi̱ ma̱. Ñiꞌya̱ laca loꞌo nscui̱i̱ nguꞌ jiꞌi̱ siꞌyu trigo chaꞌ tyubii jiꞌi̱, juaꞌa̱ cuaꞌni yu loꞌo ma̱, ntiꞌ yu.
25981	LUK 22:48	Liꞌ nchcuiꞌ Jesús loꞌo yu biꞌ: ―Judas ―nacui̱―, ¿ha biꞌ chaꞌ chcuichaꞌ nuꞌu̱ ꞌna chaꞌ tya nuꞌu̱ ꞌna yaꞌ nguꞌ cuxi, naꞌ nu cua nda Ni ꞌna lijya̱a̱ chaꞌ caca naꞌ ñati̱?
26046	LUK 23:42	Liꞌ nacui̱ yu biꞌ jiꞌi̱ Jesús: ―Cusuꞌ Jesús ―nacui̱―, tucuá nuꞌu̱ chaꞌ jnaꞌ nu loꞌo xana nuꞌu̱ chaꞌ caca nuꞌu̱ loo nde chalyuu ―nacui̱ nu cuaana biꞌ.
26047	LUK 23:43	Nguxacui̱ Jesús chaꞌ jiꞌi̱ liꞌ: ―Chañi chaꞌ nda naꞌ loꞌo nuꞌu̱ ―nacui̱―, juani ti taca tyiꞌi̱ nuꞌu̱ loꞌo naꞌ ca su tsoꞌo nde cua̱, ca su ntucua ycuiꞌ Ndyosi ―nacui̱ Jesús jiꞌi̱.
26140	JHN 1:27	Tsoꞌo tsa cña ngujui ꞌna ntiꞌ naꞌ ―nacui̱―, masi caña nu ntsuꞌu quiyaꞌ ñati̱ biꞌ sati̱ꞌ naꞌ juata.
26155	JHN 1:42	Loꞌo liꞌ ndyaa loꞌo jiꞌi̱ Simón ca slo Jesús. Ñaꞌa̱ tsa Jesús jiꞌi̱ Simón biꞌ, ndiꞌya̱ nacui̱ yu jiꞌi̱ liꞌ: ―Simón naa nuꞌu̱ ―nacui̱―, sñiꞌ Jonás laca nuꞌu̱; pana Cefas ca naa nuꞌu̱ nde loo la ―ñiꞌya̱ ntiꞌ na chcuiꞌ na chaꞌcña jiꞌna: sca quee; stuꞌba ti ndyuꞌu chaꞌ biꞌ loꞌo Pedro.
26174	JHN 2:10	―Xaꞌ ñati̱ ni ―nacui̱―, xcuiꞌ vino nu tsoꞌo la laca nu nda nguꞌ ndyiꞌyu ñati̱ loꞌo nxana ti taꞌa; ñaꞌa̱ cuayáꞌ nu nguaalaꞌ tiꞌ nguꞌ chaꞌ ndyoꞌo tsa nguꞌ vino biꞌ, ca liꞌ nda nguꞌ vino cuxi la chaꞌ coꞌo nguꞌ nu ndiꞌi̱ taꞌa ―nacui̱ nu laca loo jiꞌi̱ taꞌa jiꞌi̱ cutsii―. Pana nuꞌu̱ ni, masi cua tye ti taꞌa, hasta liꞌ nda nuꞌu̱ vino nu tsoꞌo la chaꞌ coꞌo na. Tsoꞌo tsa biꞌ.
26191	JHN 3:2	Ndyaa nu cusuꞌ biꞌ sca talya su ngaꞌa̱ Jesús: ―Mstru Jesús ―nacui̱―, jlo tiꞌ nguꞌ chaꞌ nuꞌu̱ laca sca mstru nu nda ycuiꞌ Ndyosi jiꞌi̱ lijya̱ chalyuu, chaꞌ ná ngua jinuꞌu̱ cuaꞌni ni sca chaꞌ tlyu si ná nxtyucua ycuiꞌ Ndyosi jinuꞌu̱. Ná nchca jiꞌi̱ ñati̱ chalyuu cuaꞌni nguꞌ juaꞌa̱ ―nacui̱ Nicodemo jiꞌi̱ Jesús.
26235	JHN 4:10	Liꞌ nguxacui̱ Jesús chaꞌ jiꞌi̱ nu cunaꞌa̱ biꞌ: ―¿Ha ná jlo ca tiꞌ nuꞌu̱ ñaꞌa̱ chaꞌ tsoꞌo nu nda ycuiꞌ Ndyosi jiꞌi̱ ñati̱? ―nacui̱ Jesús―. Si jlo ca tiꞌ nuꞌu̱ tilaca laca nu ngüijña hitya coꞌo jinuꞌu̱, ná tyiqueeꞌ chcuiꞌ nuꞌu̱ loꞌo naꞌ chaꞌ ta naꞌ hitya coꞌo ycuiꞌ nuꞌu̱ liꞌ ―nacui̱―, loꞌo liꞌ ta naꞌ hitya coꞌo nuꞌu̱ nu chañi ca chaꞌ cuaꞌni cuꞌú cresiya jinuꞌu̱.
26240	JHN 4:15	Liꞌ nguxacui̱ nu cunaꞌa̱ biꞌ chaꞌ jiꞌi̱ Jesús: ―Ta clya nuꞌu̱ hitya biꞌ coꞌo naꞌ, cusuꞌ ―nacui̱―, chaꞌ ngaꞌaa tyucua nguityi naꞌ, chaꞌ ngaꞌaa ta cña ꞌna chaꞌ ca̱a̱ quiꞌya naꞌ hitya ca nde.
26379	JHN 6:53	Liꞌ nguxacui̱ Jesús chaꞌ jiꞌi̱ nguꞌ: ―Liñi tsa chaꞌ nu nda naꞌ loꞌo ma̱ juani ―nacui̱―, ná taca ca tsoꞌo cresiya jiꞌi̱ ma̱ si ná caja lcaa chaꞌ nu jiꞌi̱ ycuiꞌ naꞌ jiꞌi̱ ma̱, naꞌ nu cua lijya̱a̱ chalyuu chaꞌ caca naꞌ ñati̱. Ngaꞌa̱ chaꞌ tyatí̱ chaꞌ biꞌ neꞌ cresiya jiꞌi̱ ma̱, ñiꞌya̱ si cacu ma̱, si coꞌo ma̱ sca na ―nacui̱ Jesús―.
26382	JHN 6:56	Loꞌo cua ñaꞌa̱ ca ñati̱ nu juaꞌa̱ cacu nguꞌ, nu juaꞌa̱ coꞌo nguꞌ chaꞌ nu ta naꞌ jiꞌi̱ nguꞌ ―nacui̱―, lcaa tsa̱ tyiꞌi̱ nguꞌ biꞌ loꞌo naꞌ, tyiꞌi̱ naꞌ loꞌo nguꞌ biꞌ liꞌ.
26384	JHN 6:58	Naꞌ laca̱ nu chaꞌ tsoꞌo nu cacu nguꞌ biꞌ ―nacui̱ Jesús jiꞌi̱ nguꞌ―, chaꞌ ngutuꞌu naꞌ nde slo ycuiꞌ Ndyosi lijya̱ naꞌ lo yuu; siꞌi la cuiꞌ tyaꞌa na nu ndyacu jyoꞌo cusuꞌ jiꞌna lo nati̱ꞌ btyi cua saꞌni ―nacui̱―. Ngaꞌaa luꞌú nguꞌ biꞌ juani, masi cua ndyacu nguꞌ chaꞌ biꞌ nu ngua saꞌni liꞌ; pana loꞌo caja chaꞌ tsoꞌo biꞌ jiꞌi̱ ma̱ chaꞌ cacu ma̱ ―nacui̱―, ná ngaꞌa̱ chaꞌ tye chalyuu jiꞌi̱ ma̱ liꞌ.
26394	JHN 6:68	Liꞌ nguxacui̱ Simón Pedro chaꞌ jiꞌi̱ Jesús: ―Cusuꞌ ―nacui̱―, ¿ma nde ntsuꞌu chaca seꞌi̱ su tsaa ya chaꞌ cuna ya lcaa ñaꞌa̱ chaꞌ liñi nu nchcuiꞌ nuꞌu̱? Ná ngaꞌa̱ chaꞌ tye chalyuu jiꞌi̱ ya si cuaꞌa̱ jyaca̱ ya jiꞌi̱ chaꞌ nu nchcuiꞌ nuꞌu̱ ―nacui̱―.
26425	JHN 7:28	Biꞌ chaꞌ cui̱i̱ nchcuiꞌ Jesús ca su ndu̱ yu nclyuꞌu jiꞌi̱ nguꞌ neꞌ laa tonu biꞌ: ―Chañi chaꞌ nslo ma̱ ꞌna, chañi chaꞌ jlo tiꞌ ma̱ mala ngutuꞌu naꞌ ―nacui̱―, pana siꞌi cuentya jnaꞌ lijya̱ naꞌ ca nde. Sca ti ycuiꞌ Ndyosi nda ꞌna lijya̱a̱ chalyuu, loꞌo juaꞌa̱ ná nslo ma̱ jiꞌi̱ nu biꞌ ―nacui̱―.
26430	JHN 7:33	Liꞌ nacui̱ Jesús jiꞌi̱ ñati̱ nu ndiꞌi̱ neꞌ laa tonu biꞌ: ―Tya tyiꞌi̱ naꞌ la xi loꞌo ma̱ nde lo yuu chalyuu ―nacui̱―, loꞌo liꞌ tyaꞌa naꞌ slo ycuiꞌ nu Xuꞌna naꞌ nu nda ꞌna lijya̱a̱ ca nde ―nacui̱―.
26461	JHN 8:11	―Ná tucui ndu̱ nu ngusta quiꞌya ꞌna, cusuꞌ ―nacui̱ nu cunaꞌa̱ biꞌ. ―Tsoꞌo lacua ―nacui̱ Jesús jiꞌi̱―. Juaꞌa̱ naꞌ, ná ntsuꞌu quiꞌya nu sta naꞌ jinuꞌu̱. Tyaa clya nuꞌu̱ juani ―nacui̱―, ngaꞌaa cuaꞌni la nuꞌu̱ chaꞌ cuxi.
26465	JHN 8:15	Cua laca ngusta ma̱ yabeꞌ chu̱ꞌ naꞌ. Loꞌo ndyuꞌni ma̱ juaꞌa̱, ndyuꞌni ma̱ ñiꞌya̱ nduꞌni ñati̱ chalyuu ti. Siꞌi na lijya̱ naꞌ chalyuu chaꞌ sta naꞌ yabeꞌ chu̱ꞌ ñati̱ ―nacui̱―,
26513	JHN 9:4	Loꞌo tya xee ngaꞌa̱ chaꞌ cuaꞌni na cña ―nacui̱ Jesús―, loꞌo cua ndyaa cuichaa ngaꞌaa caca cuaꞌni ni sca na cña liꞌ. Loꞌo juaꞌa̱ laca loꞌo naꞌ ―nacui̱―, ngaꞌa̱ chaꞌ cuaꞌni naꞌ lcaa ñaꞌa̱ cña nu ngulo ycuiꞌ Ndyosi jnaꞌ loꞌo nda Ni jnaꞌ lijya̱ naꞌ ca nde ―nacui̱ Jesús―.
26624	JHN 11:32	Loꞌo liꞌ ndyalaa María ca su ndu̱ Jesús. Loꞌo naꞌa̱ choꞌ jiꞌi̱ yu, hora ti ngutu̱ sti̱ꞌ choꞌ slo Jesús. Loꞌo liꞌ nacui̱ María biꞌ: ―Si ngutiꞌi̱ nuꞌu̱ tsubiꞌ, cusuꞌ ―nacui̱―, ná ngujuii tyaꞌa ngula naꞌ liꞌ.
26735	JHN 13:36	Liꞌ nchcuiꞌ Simón Pedro loꞌo Jesús: ―Xuꞌna ―nacui̱―, ¿macala tsaa nuꞌu̱? ―Ná caja chacuayáꞌ chaꞌ tyaꞌa̱ nuꞌu̱ loꞌo naꞌ ca su tsaꞌa̱ ―nacui̱ Jesús―. Ca tiyaꞌ la tsaa nuꞌu̱.
26745	JHN 14:8	Liꞌ nchcuane Felipe jiꞌi̱ Jesús: ―Cusuꞌ ―nacui̱―, culuꞌu nuꞌu̱ jiꞌi̱ Sti nuꞌu̱ jiꞌi̱ ya, tsa biꞌ ti chaꞌ ntiꞌ ya.
26755	JHN 14:18	Ná xtyanu naꞌ jiꞌi̱ ma̱ ycuiꞌ ti ma̱, ñiꞌya̱ si laca ma̱ ñati̱ nu ná tucui ntsuꞌu jiꞌi̱ ma̱ ―nacui̱―, tya ca̱a̱ naꞌ su ndiꞌi̱ ma̱ chaca quiyaꞌ.
26817	JHN 16:22	Loꞌo juaꞌa̱ cuꞌma̱ ―nacui̱―, xti ti tyempo caca xñiꞌi̱ tiꞌ ma̱; pana ca̱a̱ naꞌ ca̱a̱ naꞌa̱ naꞌ jiꞌi̱ ma̱ chaca quiyaꞌ, loꞌo liꞌ caca chaa tiꞌ ma̱ chaca quiyaꞌ. Ná tucui taca cuaꞌa jiꞌi̱ ma̱ chaꞌ ná caca chaa tiꞌ ma̱ liꞌ.
26821	JHN 16:26	Nu loꞌo tyalaa tyempo biꞌ ―nacui̱―, liꞌ taca jña ma̱ chaꞌ jiꞌi̱ ycuiꞌ Ndyosi Sti naꞌ chacuayáꞌ ꞌna. Ná ni naꞌ jiꞌi̱ ma̱ chaꞌ chcuiꞌ naꞌ loꞌo Sti naꞌ cuentya jiꞌi̱ ma̱, chaꞌ juaꞌa̱ ta Ni lcaa chaꞌ nu jña ma̱ jiꞌi̱ Ni;
26827	JHN 16:32	Cuaꞌa̱ jyaca̱ ma̱ xi jiꞌi̱ chaꞌ nu chcuiꞌ naꞌ re lacua: Cua ngulala ti hora, cua la cuiꞌ hora ndyaca juani chaꞌ tyaa ma̱ toniꞌi̱ jiꞌi̱ scaa ma̱. Liꞌ tyanu naꞌ ycuiꞌ ti naꞌ ―nacui̱―, pana siꞌi sca ti naꞌ tyanu naꞌ, chaꞌ stuꞌba ndiꞌi̱ Sti naꞌ loꞌo naꞌ.
26839	JHN 17:11	’Ngaꞌaa tyiꞌi̱ naꞌ lo yuu chalyuu ―nacui̱ Jesús―, chaꞌ cua tya̱a̱ ti naꞌ nde su ntucua nuꞌu̱; pana nguꞌ biꞌ, tya tyiꞌi̱ la nguꞌ nde chalyuu. Lubii tsa laca nuꞌu̱, Sti naꞌ, biꞌ chaꞌ ndijña naꞌ chaꞌ clyu tiꞌ jinuꞌu̱ cuentya jiꞌi̱ nguꞌ nu cua nda nuꞌu̱ ꞌna. Cua ntiꞌ naꞌ chaꞌ cuaꞌa nuꞌu̱ jiꞌi̱ nguꞌ biꞌ loꞌo juersa jiꞌi̱ ycuiꞌ nuꞌu̱, chaꞌ ná quiñuꞌu̱ tyiquee nguꞌ. Ñiꞌya̱ nu stuꞌba chaꞌ jinuꞌu̱ loꞌo naꞌ ―nacui̱―, juaꞌa̱ cuaꞌni nuꞌu̱ loꞌo nguꞌ biꞌ, chaꞌ caca stuꞌba cresiya jiꞌi̱ nguꞌ biꞌ loꞌo tyaꞌa nguꞌ nu ngusñi chaꞌ jinuꞌu̱.
26851	JHN 17:23	Nu loꞌo stuꞌba ti ntsuꞌu tyiquee naꞌ loꞌo nguꞌ biꞌ, loꞌo juaꞌa̱ stuꞌba ntsuꞌu tyiquee nuꞌu̱ loꞌo naꞌ ―nacui̱―, liꞌ chañi chaꞌ caca stuꞌba cresiya jiꞌi̱ nguꞌ loꞌo tyaꞌa nguꞌ. Loꞌo liꞌ caca cuayáꞌ tiꞌ xaꞌ ñati̱ chalyuu chaꞌ cua nda nuꞌu̱ ꞌna lijya̱a̱ lo yuu, chaꞌ ñiꞌya̱ loꞌo tyacaꞌa naꞌ jinuꞌu̱, juaꞌa̱ cuaꞌni tyacaꞌa nuꞌu̱ jiꞌi̱ nguꞌ nu ngusñi chaꞌ ꞌna.
26920	JHN 19:26	Naꞌa̱ Jesús jiꞌi̱ xtyaꞌa̱ yu, loꞌo juaꞌa̱ naꞌa̱ yu jiꞌi̱ sca nu quiꞌyu nu ndyaca tsaꞌa̱ jiꞌi̱ nu tyacaꞌa tsa jiꞌi̱ Jesús biꞌ, naꞌa̱ yu chaꞌ stuꞌba ti ndu̱ nguꞌ cacua ti slo crusi. Liꞌ nacui̱ Jesús jiꞌi̱ xtyaꞌa̱ yu: ―Maꞌa̱ ―nacui̱―, yu cua caca sñiꞌ nuꞌu̱ juani.
26949	JHN 20:13	Liꞌ nchcuane xca̱ biꞌ jiꞌi̱ María: ―¿Ni chaꞌ laca lye tsa ndyunaa nuꞌu̱? Liꞌ nguxacui̱ María chaꞌ jiꞌi̱ xca̱ biꞌ: ―Cua ngulo nguꞌ jiꞌi̱ jyoꞌo Xuꞌna naꞌ ―nacui̱―, loꞌo ná jlo tiꞌ naꞌ mala ndyaa loꞌo nguꞌ jiꞌi̱ ndyaa.
26983	JHN 21:16	Xaꞌ nchcuiꞌ Jesús loꞌo chaca quiyaꞌ: ―Simón, sñiꞌ Juan ―nacui̱―, ¿ha chañi chaꞌ hi̱ chaꞌ ntsuꞌu tyiquee nuꞌu̱ ñaꞌa̱ ꞌna? ―Xuꞌna̱, cua jlo tiꞌ nuꞌu̱ chaꞌ ntsuꞌu tsa tyiquee naꞌ ñaꞌa̱a̱ jinuꞌu̱ ―nacui̱ Pedro jiꞌi̱ Jesús. ―Ñaꞌa̱si̱i̱ nuꞌu̱ jiꞌi̱ ñati̱ ꞌna lacua ―nacui̱ Jesús jiꞌi̱ liꞌ.
27100	ACT 4:9	cua nchcuane ma̱ jiꞌi̱ ya ni chaꞌ laca nguxtyucua ya jiꞌi̱ yu re nu ngua quicha quiyaꞌ ―nacui̱―, ni chaꞌ nguaꞌni ya joꞌo jiꞌi̱ yu re ―nacui̱―.
27131	ACT 5:3	Nchcuiꞌ Pedro loꞌo yu liꞌ: ―Ananías ―nacui̱―, ¿na laca ngua hi̱? ¿Ni chaꞌ laca nda nuꞌu̱ chacuayáꞌ jiꞌi̱ nu xñaꞌa̱ nu naa Satanás chaꞌ caca loo neꞌ cresiya jinuꞌu̱? Biꞌ laca nu nguaꞌni chaꞌ nguñiloꞌo nuꞌu̱ jiꞌi̱ Xtyiꞌi ycuiꞌ Ndyosi ―nacui̱ Pedro jiꞌi̱ yu biꞌ―. Nacui̱ nuꞌu̱ chaꞌ nde laca lcaa cñi nu ngujui jinuꞌu̱ lo yuu biꞌ, loꞌo siꞌi lcaa cñi laca re.
27148	ACT 5:20	―Yaa clya ma̱ ―nacui̱―, yaa ma̱ neꞌ laa tonu jua chaꞌ culuꞌu ma̱ chaꞌ jiꞌi̱ Jesús jiꞌi̱ tyaꞌa ñati̱ ma̱ ―nacui̱―. Ta ma̱ chaꞌ loꞌo nguꞌ ñiꞌya̱ caca cucui cresiya jiꞌi̱ nguꞌ xquiꞌya Jesucristo.
27269	ACT 8:24	Nguxacui̱ Simón chaꞌ jiꞌi̱ nguꞌ liꞌ: ―Cuaꞌni ma̱ chaꞌ tsoꞌo chcuiꞌ ma̱ loꞌo ycuiꞌ nu Xuꞌna na cuentya jnaꞌ ―nacui̱ Simón jiꞌi̱ nguꞌ―, chaꞌ cuiꞌya Ni chaꞌ clyu tiꞌ ꞌna ―nacui̱―, chaꞌ ngaꞌaa cuaꞌni ycuiꞌ Ndyosi ñiꞌya̱ nu nacui̱ ma̱ jnaꞌ.
27547	ACT 15:36	Ngua sca tsa̱ nchcuiꞌ Pablo loꞌo Bernabé: ―Tyaa na ―nacui̱―, tsaa na chaca quiyaꞌ slo ñati̱ nu tyaꞌa ntsuꞌu chaꞌ jiꞌna loꞌo Jesucristo, nguꞌ nu ndiꞌi̱ tyijyuꞌ ―nacui̱ Pablo jiꞌi̱ Bernabé―. Xaꞌ tsaa na lcaa quichi̱ su nguluꞌu na chaꞌ jiꞌi̱ Jesucristo tsubiꞌ, tsaa naꞌa̱ na si tsoꞌo ti ndiꞌi̱ tyaꞌa na biꞌ.
27773	ACT 22:1	―Cuꞌma̱ nguꞌ cusuꞌ, nguꞌ tyaꞌa naꞌ ―nacui̱ Pablo jiꞌi̱ nguꞌ―, cuaꞌa̱ jyaca̱ ma̱ jiꞌi̱ chaꞌ nu chcuiꞌ naꞌ loꞌo ma̱ ―nacui̱―, si caca cuaꞌni lyaá naꞌ jiꞌi̱ ycuiꞌ ca naꞌ loꞌo chcuiꞌ naꞌ loꞌo ma̱.
27893	ACT 26:2	―Tsoꞌo ntsuꞌu tyiquee naꞌ, rey Agripa ―nacui̱ Pablo―, chaꞌ slo nuꞌu̱ ndu̱ naꞌ juani ―nacui̱―, chaꞌ ta naꞌ sca chaꞌ loꞌo cuꞌma̱, ñiꞌya̱ nu ngua chaꞌ ngusta nguꞌ judío tyaꞌa na quiꞌya biꞌ jnaꞌ.
27933	ACT 27:10	―Ngaꞌaa tsoꞌo chaꞌ tsaa la na juani, cusuꞌ ―nacui̱ Pablo jiꞌi̱ nguꞌ―. Cua ngua tii naꞌ chaꞌ quiñuꞌu̱ yaca niꞌi̱ re, chcunaꞌ lcaa yuꞌba liꞌ ―nacui̱―, loꞌo juaꞌa̱ ntsuꞌu nu cajaa lo hitya liꞌ.
30867	REV 6:6	Liꞌ ngua tiꞌ naꞌ chaꞌ nguañi nchcuiꞌ sca ñati̱ nu nda xtyiꞌi laja su ndu̱ nu jacua tyaꞌa naꞌni tacati biꞌ: ―Sa scaꞌ ti nscuaꞌ caja jiꞌi̱ nguꞌ cuaꞌni nguꞌ cña sca tsa̱ ―nacui̱―, loꞌo juaꞌa̱ sca milya ti siꞌyu nscuaꞌ joꞌo caja jiꞌi̱ nguꞌ sca tsa̱; pana ñaꞌa̱ ti quiñaꞌa̱ ngaꞌa̱ caca setye, loꞌo juaꞌa̱ quiñaꞌa̱ caca vino nu ndyiꞌyu nguꞌ ―nacui̱ yu biꞌ.
31064	REV 18:2	Cui̱i̱ tsa nchcuiꞌ xca̱ biꞌ: ―Cua ndye chaꞌ jiꞌi̱ quichi̱ Babilonia biꞌ ―nacui̱―, ndye quichi̱ tlyu biꞌ nguti̱. Ca su ngutiꞌi̱ quichi̱ biꞌ cua tsubiꞌ la, ca biꞌ laca toꞌ tyi cuxee juani, masi tyi cuiñaja laca biꞌ juani. Ca biꞌ ntucua toꞌ tyi lcaa lo cuiꞌi̱ cuxi, lcaa lo naꞌni cuityi nu ntucua luꞌbe nu chiyaꞌa̱ ñaꞌa̱.