23417	MAT 8:3	Liꞌ ngutacui yaꞌ Jesús lo nu quicha biꞌ, ngusta yaꞌ su ndyatsuꞌ cuañaꞌ yu. ―Cuaꞌni naꞌ joꞌo jinuꞌu̱ ―nacui̱ Jesús jiꞌi̱ nu quicha biꞌ―. Tyanu lubii cuañaꞌ nuꞌu̱ juani ―nacui̱. Hora ti ngua tsoꞌo nu quicha biꞌ, ngua lubii cuañaꞌ yu.
23674	MAT 14:8	Liꞌ ndachaꞌ xtyaꞌa̱ nu cunaꞌa̱ biꞌ jiꞌi̱, na ca nu jña choꞌ jiꞌi̱ Herodes. Tiꞌí tsa tiꞌ Herodías ñaꞌa̱ jiꞌi̱ nu Juan biꞌ, biꞌ chaꞌ ngua tiꞌ cujuii jiꞌi̱ Juan. ―Hique Juan nu ntyucuatya jiꞌi̱ nguꞌ nta̱ꞌ ―nacui̱ nu cunaꞌa̱ cuañiꞌ biꞌ jiꞌi̱ Herodes liꞌ―. Ca̱a̱ loꞌo nguꞌ jiꞌi̱ scuaꞌ que yu neꞌ sca tsiꞌyu ―nacui̱.
23726	MAT 15:24	―Nda ycuiꞌ Ni ꞌna lijya̱ naꞌ nde chalyuu chaꞌ sca ti loꞌo nguꞌ Israel chcuiꞌ naꞌ ―nacui̱ Jesús liꞌ―, chaꞌ ñiꞌya̱ nduꞌni xlyaꞌ nu cua ngunaꞌ, juaꞌa̱ nduꞌni nguꞌ biꞌ ―nacui̱.
23728	MAT 15:26	Liꞌ nguxacui̱ Jesús chaꞌ jiꞌi̱ nu cunaꞌa̱ biꞌ: ―Ná tsoꞌo si xñi nguꞌ tyaja nu ndyacu sñiꞌ nguꞌ chaꞌ cacu xneꞌ ti ―nacui̱.
23730	MAT 15:28	―Chañi chaꞌ jlya tiꞌ nuꞌu̱ chaꞌ nu nda naꞌ loꞌo nuꞌu̱ ―nacui̱ Jesús jiꞌi̱―. Caca chaꞌ nu ntiꞌ nuꞌu̱ lacua ―nacui̱. Hora ti ndyaca tsoꞌo sñiꞌ nu cunaꞌa̱ biꞌ liꞌ.
23747	MAT 16:6	Loꞌo liꞌ ndiꞌya̱ nchcuiꞌ Jesús loꞌo nguꞌ: ―Tii ti tiꞌ ma̱ tyiꞌi̱ ma̱ ―nacui̱ Jesús jiꞌi̱ nguꞌ biꞌ―. Cuiꞌya ma̱ cuentya ñiꞌya̱ nduꞌni scua̱ tiyeꞌ nu nda nguꞌ, la cuiꞌ nguꞌ fariseo loꞌo nguꞌ saduceo ―nacui̱.
23818	MAT 18:22	Liꞌ nguxacui̱ Jesús chaꞌ jiꞌi̱ Pedro: ―Ná chcuiꞌ na chaꞌ cati ti quiyaꞌ ―nacui̱ Jesús―. Tsoꞌo cuaꞌni clyu tiꞌ na jiꞌi̱ tyaꞌa na masi snayala tyii ntucua cati quiyaꞌ ―nacui̱.
23851	MAT 19:20	Liꞌ nguxacui̱ yu biꞌ chaꞌ jiꞌi̱ Jesús: ―Tya loꞌo cuañiꞌ naꞌ ndaquiyaꞌ naꞌ jiꞌi̱ lcaa cña biꞌ lcaa tsa̱ ―nacui̱ yu cuañiꞌ biꞌ jiꞌi̱ Jesús―. ¿Ha tya ntsuꞌu la chaꞌ nu tya lyiji cuaꞌni naꞌ lacua? ―nacui̱.
23882	MAT 20:21	Liꞌ nchcuane Jesús jiꞌi̱ nu cunaꞌa̱ biꞌ: ―¿Na laca ntiꞌ nuꞌu̱? ―nacui̱ Jesús jiꞌi̱. ―Cuaꞌni nuꞌu̱ chaꞌ tsoꞌo ta nuꞌu̱ chacuayáꞌ chaꞌ stuꞌba ti chcaꞌa̱ sñiꞌ naꞌ loꞌo nuꞌu̱ ca su caca nuꞌu̱ loo nde loo la ―nacui̱ nu cunaꞌa̱ biꞌ―. Culo nuꞌu̱ cña chaꞌ chcaꞌa̱ tsaca yu laꞌa tsuꞌ cui̱ jinuꞌu̱, chaca yu biꞌ chcaꞌa̱ yu laꞌa tsuꞌ coca jinuꞌu̱ ―nacui̱.
23914	MAT 21:19	Loꞌo liꞌ naꞌa̱ yu sca yaca quityi nu ndu̱ toꞌ tyucui̱i̱. Ndyaa naꞌa̱ yu jiꞌi̱ yaca biꞌ si ntsuꞌu siꞌyu lo yaca biꞌ chaꞌ cacu yu; pana ná ntsuꞌu siꞌyu lo, xcuiꞌ lacaꞌ ti ntsuꞌu lo. Liꞌ nchcuiꞌ Jesús jiꞌi̱ yaca biꞌ: ―Ngaꞌaa tyuꞌu tsiyaꞌ ti siꞌyu lo yaca cua chaca yija̱ ―nacui̱. Hora ti ngüityi yaca biꞌ.
23961	MAT 22:20	―¿Tilaca nu ca jiꞌi̱ lcui̱ ngaꞌa̱ chu̱ꞌ cñi re? ―nacui̱ Jesús jiꞌi̱ nguꞌ biꞌ―. ¿Ti jiꞌi̱ laca xtañi nu nscua re? ―nacui̱.
24202	MAT 27:4	―Ntsuꞌu quiꞌya ꞌna ―nacui̱ Judas biꞌ jiꞌi̱ nguꞌ nu laca loo―, chaꞌ cua ndyujuiꞌ naꞌ jiꞌi̱ sca ñati̱ lubii jiꞌi̱ ma̱, chaꞌ cujuii ma̱ jiꞌi̱ ―nacui̱. Liꞌ nguxacui̱ nguꞌ nu laca loo biꞌ chaꞌ jiꞌi̱ Judas: ―¿Ha chaꞌ jiꞌi̱ cua laca chaꞌ biꞌ? ―nacui̱ nguꞌ nu laca loo biꞌ―. Si ntsuꞌu quiꞌya jinuꞌu̱, chaꞌ jinuꞌu̱ laca biꞌ.
24244	MAT 27:46	Loꞌo la cuiꞌ hora cua sna nde ngusi̱i̱ biꞌ, cui̱i̱ tsa ngusiꞌya Jesús: ―Elí, Elí, ¿lama sabactani? ―nacui̱. Ndiꞌya̱ ntiꞌ ñacui̱ chaꞌ chaꞌcña jiꞌna: Ndyosi Sti naꞌ, Ndyosi Sti naꞌ, ¿ni chaꞌ laca chaꞌ ngulayaꞌ nuꞌu̱ ꞌna?
24301	MRK 1:17	Nchcuiꞌ Jesús loꞌo nguꞌ biꞌ liꞌ: ―Tsaa ma̱ loꞌo naꞌ ―nacui̱ Jesús jiꞌi̱ nguꞌ―. Xaꞌ cña culuꞌu naꞌ jiꞌi̱ ma̱ juani, chaꞌ clyana ma̱ jiꞌi̱ ñati̱ chalyuu nu ngunaꞌ chalyuu jiꞌi̱ xquiꞌya chaꞌ cuxi, chaꞌ caca nguꞌ biꞌ ñati̱ jnaꞌ ―nacui̱.
24432	MRK 4:40	Loꞌo liꞌ nchcuiꞌ Jesús loꞌo nguꞌ nu ndyaca tsaꞌa̱ jiꞌi̱: ―¿Ni chaꞌ ntsi̱i̱ tsa ma̱? ―nacui̱ Jesús jiꞌi̱ nguꞌ―. ¿Ni chaꞌ laca ná jlya tiꞌ ma̱ jiꞌi̱ ycuiꞌ Ndyosi chaꞌ caca jiꞌi̱ Ni cuaꞌni Ni juaꞌa̱? ―nacui̱.
24442	MRK 5:9	Liꞌ nchcuane Jesús jiꞌi̱ yu quicha biꞌ: ―¿Ni naa nuꞌu̱? ―nacui̱ Jesús jiꞌi̱. ―Quiñaꞌa̱ tsa lo naa naꞌ ―nacui̱ nu quicha―, chaꞌ quiñaꞌa̱ tsa tyaꞌa cuiꞌi̱ xñaꞌa̱ ngusñi ꞌna ―nacui̱.
24445	MRK 5:12	Liꞌ xaꞌ ndijña yu quicha biꞌ jiꞌi̱ Jesús cuentya jiꞌi̱ cuiꞌi̱ xñaꞌa̱ nu ngusñi jiꞌi̱: ―Ta nuꞌu̱ chacuayáꞌ tsaa cuiꞌi̱ chaꞌ xñi jiꞌi̱ cubeꞌ jua ―nacui̱.
24630	MRK 9:23	―¿Ni chaꞌ laca nacui̱ nuꞌu̱ ꞌna juaꞌa̱, si nchca ꞌna? ―nacui̱ Jesús jiꞌi̱―. Lcaa lo cña nchca jiꞌi̱ sca ñati̱ nu jlya tiꞌ jiꞌi̱ ycuiꞌ Ndyosi ―nacui̱.
24787	MRK 13:1	Loꞌo liꞌ cua tyuꞌu ti Jesús neꞌ laa tonu loꞌo nu nguꞌ nu ndyaca tsaꞌa̱ jiꞌi̱. ―Mstru ―nacui̱ tsaca yu jiꞌi̱ Jesús―, ñaꞌa̱ tsoꞌo nuꞌu̱ xi jiꞌi̱ laa tonu re chaꞌ tsoꞌo tsa ndyaꞌ. Tsoꞌo tsa ñaꞌa̱ quee nu ntsuꞌu siiꞌ niꞌi̱ re ―nacui̱.
24854	MRK 14:31	―Ná chcuiꞌ naꞌ loꞌo ñati̱ chaꞌ ná nslo naꞌ jinuꞌu̱ ―nacui̱ Pedro jiꞌi̱ Jesús―. Masi cujuii nguꞌ jinuꞌu̱, masi cua cujuii ti nguꞌ ꞌna, ná xacui̱ naꞌ chaꞌ jiꞌi̱ ñati̱ chaꞌ ná nslo naꞌ jinuꞌu̱ ―nacui̱. Lye tsa nchcuiꞌ Pedro, loꞌo juaꞌa̱ lcaa tyaꞌa nguꞌ, stuꞌba ti nchcuiꞌ nguꞌ.
24857	MRK 14:34	―Xñiꞌi̱ tsa tiꞌ naꞌ juani ―nacui̱ Jesús jiꞌi̱ nguꞌ―, ngaꞌaa talo naꞌ chaꞌ xñiꞌi̱ tsa tiꞌ naꞌ. Tyanu ma̱ ca nde ti, tii ti tiꞌ ma̱ tyiꞌi̱ ma̱ ―nacui̱.
24867	MRK 14:44	Judas nu cua ta ti jiꞌi̱ Jesús yaꞌ nguꞌ cuxi biꞌ ni, cua nchcuiꞌ loꞌo nu nguꞌ tyaala biꞌ cua tsa̱ la, ñiꞌya̱ nu cuaꞌni: ―Chcuichaꞌ naꞌ jiꞌi̱ nu quiꞌyu biꞌ, cuati cacu naꞌ sacaꞌ yu ―nacui̱ Judas jiꞌi̱ nguꞌ tyaala―. Xñi ma̱ jiꞌi̱ hora ti, yaa loꞌo clya ma̱ jiꞌi̱ yu biꞌ ―nacui̱.
24929	MRK 15:34	Pana loꞌo ngua hora cua sna nde ngusi̱i̱, liꞌ cui̱i̱ ngusiꞌya Jesús: ―Eloi, Eloi, ¿lama sabactani? ―nacui̱. (Ndiꞌya̱ ntiꞌ ñacui̱ chaꞌ biꞌ chaꞌcña jiꞌna: Ndyosi ꞌna, Ndyosi ꞌna, ¿ni chaꞌ laca ngulayaꞌ nuꞌu̱ ꞌna?)
25203	LUK 5:27	Ca tiyaꞌ la loꞌo ndyaa Jesús xi lquichi̱, liꞌ naꞌa̱ yu jiꞌi̱ sca ñati̱ ca su ntucua yu nclyo yu cñi cña loo nguꞌ; Leví naa nu quiꞌyu biꞌ. Cña laca yu chaꞌ culo yu cñi jiꞌi̱ ñati̱ cuentya jiꞌi̱ nguꞌ xaꞌ tsuꞌ. Liꞌ nacui̱ Jesús jiꞌi̱ yu: ―Tya̱a̱ lcaꞌa̱ nuꞌu̱ jnaꞌ ―nacui̱.
25277	LUK 7:13	Loꞌo naꞌa̱ Jesús nu Xuꞌna na jiꞌi̱ jyoꞌo biꞌ, ngua tyaꞌna tiꞌ yu jiꞌi̱ nu cunaꞌa̱ tiꞌi xtyaꞌa̱ jyoꞌo biꞌ. Liꞌ nchcuiꞌ yu loꞌo maꞌ: ―Ná xiꞌya nuꞌu̱ ―nacui̱.
25312	LUK 7:48	Liꞌ nchcuiꞌ Jesús loꞌo nu cunaꞌa̱ biꞌ: ―Cua ngüityi̱ ycuiꞌ Ndyosi lcaa quiꞌya nu ntsuꞌu jinuꞌu̱ ―nacui̱.
25359	LUK 8:45	Liꞌ nchcuane Jesús jiꞌi̱ nguꞌ nu ndiꞌi̱ slo: ―¿Tilaca laca nu ndyalaꞌ ꞌna? ―nacui̱. Lcaa ñati̱ nchcuiꞌ chaꞌ ná tucui ndyalaꞌ jiꞌi̱ Jesús. Biꞌ chaꞌ loꞌo Pedro loꞌo juaꞌa̱ xaꞌ tyaꞌa ndyaꞌa̱ yu, nguxacui̱ nguꞌ chaꞌ jiꞌi̱ Jesús liꞌ: ―Cusuꞌ ―nacui̱ nguꞌ―, tyiꞌi̱ ca chu̱ꞌ nuꞌu̱ tachaa tsa ndiꞌi̱ ñati̱, hasta nsatá tsa nguꞌ chu̱ꞌ na. Ni chaꞌ nchcuiꞌ nuꞌu̱ lacua: “¿Tilaca laca nu ndyalaꞌ ꞌna?”
25368	LUK 8:54	Liꞌ ndyatí̱ Jesús niꞌi̱, ngusñi yaꞌ nu piti, juaꞌa̱ cui̱i̱ nchcuiꞌ loꞌo liꞌ: ―Tyacaꞌa̱ nuꞌu̱, mbixu̱ꞌ ―nacui̱.
25403	LUK 9:33	Nu loꞌo cua tyaa ti tyucuaa nguꞌ biꞌ, liꞌ nacui̱ Pedro jiꞌi̱ Jesús: ―Xuꞌna ―nacui̱―, tsoꞌo tsa chaꞌ ndiꞌi̱ ya nde. Cuiñá ya sna tyaꞌa chcuaꞌya: tsaca laca su tyiꞌi̱ ycuiꞌ nuꞌu̱, chaca su tyiꞌi̱ La Moisés, loꞌo chaca su tyiꞌi̱ La Elías ―nacui̱. Pana nu Pedro biꞌ ni, ná ngua cuayáꞌ tiꞌ yu ñiꞌya̱ ndyuꞌu chaꞌ nu nchcuiꞌ ycuiꞌ ca yu.
25429	LUK 9:59	Loꞌo liꞌ nacui̱ Jesús jiꞌi̱ chaca nu quiꞌyu: ―Ca̱a̱ tyaꞌa̱ nuꞌu̱ loꞌo naꞌ ―nacui̱. ―Cusuꞌ ―nacui̱ yu jiꞌi̱ Jesús liꞌ―, ta nuꞌu̱ xi tyempo jnaꞌ chaꞌ tyanu naꞌ loꞌo sti naꞌ ñaꞌa̱ cuayáꞌ nu cajaa sti naꞌ, chaꞌ ñaꞌa̱ naꞌ jiꞌi̱ tyatsiꞌ.
25601	LUK 13:14	Pana nu quiꞌyu nu laca loo neꞌ laa biꞌ ni, ngunasi̱ꞌ tsa yu biꞌ, chaꞌ nguaꞌni Jesús joꞌo jiꞌi̱ nguꞌ tsa̱ taꞌa. ―Scuá tsa̱ tsoꞌo chaꞌ cuaꞌni na cña ―nacui̱ nu laca loo biꞌ―, biꞌ tsa̱ tsoꞌo chaꞌ tya̱a̱ ma̱ chaꞌ caca joꞌo jiꞌi̱ ma̱; ngaꞌaa ca̱a̱ ma̱ tsa̱ taꞌa liꞌ ―nacui̱.
25610	LUK 13:23	Laja liꞌ nchcuane sca ñati̱ jiꞌi̱ yu: ―¿Ha xti ti ñati̱ nu cuaꞌni lyaá Ni jiꞌi̱ loꞌo cua tye ti chalyuu, cusuꞌ? ―nacui̱. Nguxacui̱ Jesús chaꞌ jiꞌi̱ ñati̱ biꞌ liꞌ:
25734	LUK 17:14	Nu loꞌo naꞌa̱ Jesús jiꞌi̱ nguꞌ, liꞌ nacui̱ yu: ―Yaa clya ma̱ slo sti joꞌó chaꞌ ñaꞌa̱ yu jiꞌi̱ tyucui ñaꞌa̱ ma̱ ―nacui̱. Nduꞌu nguꞌ ndyaa nguꞌ liꞌ. Pana su ndyaa nguꞌ tyucui̱i̱ ti, ngua tii nguꞌ chaꞌ xaꞌ ngua lubii cuañaꞌ nguꞌ; ndye chaꞌ quicha nguꞌ liꞌ.
25785	LUK 18:28	―Cusuꞌ ―nacui̱ Pedro jiꞌi̱―, cua nguxtyanu ya lcaa chaꞌ nu ntsuꞌu jiꞌi̱ ya chaꞌ tyaꞌa̱ ya loꞌo nuꞌu̱, ñiꞌya̱ nu nacui̱ nuꞌu̱ chaꞌ cuaꞌni ya ―nacui̱.
25795	LUK 18:38	Liꞌ cui̱i̱ tsa ngusiꞌya nu cuityi̱ꞌ biꞌ: ―Jesús, chaꞌ David ngua jyoꞌo cusuꞌ jinuꞌu̱ ―nacui̱ yu―, cuaꞌni tyaꞌna tiꞌ nuꞌu̱ jnaꞌ ―nacui̱.
25856	LUK 20:8	Liꞌ nacui̱ Jesús jiꞌi̱ nguꞌ: ―La cuiꞌ ti naꞌ, ná cachaꞌ naꞌ jiꞌi̱ ma̱ tilaca nda chacuayáꞌ chaꞌ cuaꞌni naꞌ cña re ―nacui̱.
25973	LUK 22:40	Nu loꞌo ndyalaa nguꞌ ca biꞌ, liꞌ nacui̱ Jesús jiꞌi̱ nguꞌ: ―Chcuiꞌ ma̱ loꞌo ycuiꞌ Ndyosi Sti naꞌ chaꞌ ná tyiji̱loo nu xñaꞌa̱ jiꞌi̱ ma̱ ―nacui̱.
26007	LUK 23:3	Liꞌ nchcuane Pilato jiꞌi̱ Jesús: ―¿Ha rey jiꞌi̱ nguꞌ judío laca nuꞌu̱? ―nacui̱. Liꞌ nguxacui̱ Jesús chaꞌ jiꞌi̱ Pilato biꞌ: ―La cuiꞌ chaꞌ nu cua nchcuiꞌ nuꞌu̱, la cuiꞌ biꞌ laca naꞌ ―nacui̱.
26154	JHN 1:41	Hora ti ndyaa Andrés ndyaana jiꞌi̱ tyaꞌa, la cuiꞌ nu Simón biꞌ. Liꞌ nchcuiꞌ Andrés loꞌo: ―Cua nquijeloo jiꞌi̱ ya ñiꞌya̱ nu laca Cristo, nu ñati̱ tlyu nu nda Ni jiꞌi̱ lijya̱ nde chalyuu ―nacui̱.
26167	JHN 2:3	Loꞌo liꞌ ngaꞌaa ngujui vino coꞌo nguꞌ nu ndiꞌi̱ taꞌa biꞌ, ndye biꞌ. Liꞌ ndyaa xtyaꞌa̱ Jesús ndyaa cachaꞌ jiꞌi̱ yu: ―Cua ndye vino ndyoꞌo nguꞌ ―nacui̱.
26169	JHN 2:5	Masi juaꞌa̱ nchcuiꞌ yu, ndiꞌya̱ nchcuiꞌ xtyaꞌa̱ yu loꞌo msu liꞌ: ―Cuaꞌni ma̱ ñiꞌya̱ nu ñacui̱ yu chaꞌ cuaꞌni ma̱ ―nacui̱.
26192	JHN 3:3	Liꞌ nchcuiꞌ Jesús loꞌo: ―Liñi tsa chaꞌ nu ta naꞌ loꞌo nuꞌu̱ juani: nduꞌni ycuiꞌ Ndyosi Sti naꞌ chaꞌ cala ñati̱ chaca quiyaꞌ, si ntiꞌ nguꞌ xñi nguꞌ chaꞌ jiꞌi̱ ycuiꞌ Ni chaꞌ caca Ni loo neꞌ cresiya jiꞌi̱ nguꞌ ―nacui̱.
26193	JHN 3:4	―¿Ñiꞌya̱ caca cala na chaca quiyaꞌ si cua cusuꞌ na? ―nacui̱ Nicodemo jiꞌi̱ Jesús― ¿Ha taca tyatí̱ na neꞌ xtyaꞌa̱ na chaca quiyaꞌ chaꞌ xaꞌ cala na? ―nacui̱.
26290	JHN 5:11	Liꞌ nguxtyacui nu ngua quicha chaꞌ loꞌo nguꞌ: ―Nu nguaꞌni joꞌo ꞌna, biꞌ laca nu ngulo cña ꞌna chaꞌ tyaꞌa̱ naꞌ tyaa loꞌu̱ jiꞌi̱ jaaꞌ re toniꞌi̱ ꞌna liꞌ ―nacui̱.
26333	JHN 6:7	Loꞌo liꞌ nguxacui̱ Felipe chaꞌ jiꞌi̱ yu: ―Ná tyuꞌu scua tucua mil paxu chaꞌ cuiꞌya na na cacu lcaa nguꞌ re, masi xca ti caja xi cacu scaa nguꞌ ―nacui̱.
26346	JHN 6:20	Biꞌ chaꞌ hora ti nchcuiꞌ Jesús loꞌo nguꞌ: ―Ná cutsi̱i̱ ma̱, naꞌ laca̱ re ―nacui̱.
26448	JHN 7:51	―Loꞌo cuaꞌni cuayáꞌ na jiꞌi̱ sca ñati̱ ―nacui̱ Nicodemo liꞌ―, ná nscua chacuayáꞌ jiꞌna chaꞌ xcubeꞌ na jiꞌi̱ ñati̱ biꞌ si tya lyiji cuna na lcaa chaꞌ nu ta yu, si bilya caca cuayáꞌ tiꞌ na ñiꞌya̱ laca chaꞌ cuxi nu nguaꞌni yu biꞌ ―nacui̱.
26521	JHN 9:12	―¿Ma nde ndyaa yu biꞌ? ―nacui̱ nguꞌ jiꞌi̱ liꞌ. ―Ná jlo tiꞌ naꞌ ―nacui̱.
26524	JHN 9:15	Loꞌo liꞌ nguxana nguꞌ fariseo, nchcuane nguꞌ jiꞌi̱ nu ngua cuityi̱ꞌ biꞌ: ―¿Ñiꞌya̱ ngua chaꞌ ngua tsoꞌo cloo nuꞌu̱? ―Ngutaꞌa̱ yu nanaꞌ chu̱ꞌ scuaꞌ cloo naꞌ ―nacui̱ nu quiꞌyu biꞌ―, liꞌ ndyaa naꞌ ndyaata̱ chcu, tyaca̱ꞌ tsoꞌo ñaꞌa̱ naꞌ juani ―nacui̱.
26526	JHN 9:17	Liꞌ xaꞌ nchcuane nguꞌ jiꞌi̱ nu ngua cuityi̱ꞌ biꞌ: ―Nuꞌu̱ ni, ¿ñiꞌya̱ chcuiꞌ ta nuꞌu̱ chaꞌ jiꞌi̱ yu biꞌ juani, chaꞌ cua nguaꞌni yu joꞌo jiꞌi̱ cloo nuꞌu̱? Liꞌ nguxacui̱ nu quiꞌyu biꞌ chaꞌ jiꞌi̱ nguꞌ: ―Sca nu cusuꞌ nu nda chaꞌ jiꞌi̱ ycuiꞌ Ndyosi loꞌo ñati̱, juaꞌa̱ laca yu biꞌ ―nacui̱.
26547	JHN 9:38	Hora ti ndyatu̱ sti̱ꞌ nu quiꞌyu biꞌ slo Jesús. ―Jlya tiꞌ naꞌ jinuꞌu̱, Xuꞌna ―nacui̱.
26599	JHN 11:7	Tiyaꞌ la, liꞌ nacui̱ Jesús jiꞌi̱ ñati̱ nu ndyaca tsaꞌa̱ jiꞌi̱: ―Tyaa na xtyu̱u̱ na nde loyuu su cuentya Judea ―nacui̱.
26724	JHN 13:25	Biꞌ chaꞌ ngusni yane nu quiꞌyu biꞌ nde chu̱ꞌ ñaꞌa̱ ntsiya ti, chaꞌ caca cacua la jiꞌi̱ Jesús. Liꞌ nchcuiꞌ loꞌo Jesús: ―Xuꞌna, ¿tilaca laca nu biꞌ? ―nacui̱.
26861	JHN 18:7	Chaca quiyaꞌ nchcuane Jesús jiꞌi̱ nguꞌ: ―¿Ti jiꞌi̱ nclyana ma̱ ndyaꞌa̱ ma̱? ―nacui̱. ―Jiꞌi̱ Jesús, nguꞌ Nazaret, yu biꞌ laca nu ntiꞌ ya ―nacui̱ nguꞌ.
26879	JHN 18:25	Laja liꞌ ndu̱ Pedro toꞌ lquiiꞌ chaꞌ caca chcatsu̱ tiꞌ. Nchcuiꞌ nu xaꞌ ñati̱ nu ndiꞌi̱ nde biꞌ loꞌo Pedro liꞌ: ―¿Ha loꞌo nuꞌu̱ ndyaca tsaꞌa̱ jiꞌi̱ yu jua? Ná ntajaꞌa̱ Pedro ta chaꞌ liñi loꞌo nguꞌ. ―Ná loꞌo naꞌ ―nacui̱.
26892	JHN 18:38	Liꞌ nchcuiꞌ Pilato loꞌo Jesús: ―Ná jlo tiꞌ naꞌ si ntsuꞌu chaꞌ liñi juaꞌa̱ nde chalyuu ―nacui̱. Liꞌ ngutuꞌu Pilato nde liyaꞌ, ndyaa nde su ndu̱ nu nguꞌ judío biꞌ chaca quiyaꞌ. ―Cuentya jnaꞌ, ná ntsuꞌu quiꞌya jiꞌi̱ yu jua, ná ntsuꞌu chaꞌ xcubeꞌ naꞌ jiꞌi̱ yu ―nacui̱ Pilato jiꞌi̱ nguꞌ judío―.
26916	JHN 19:22	Liꞌ nguxacui̱ Pilato chaꞌ jiꞌi̱ nguꞌ: ―Tyanu chaꞌ biꞌ ñiꞌya̱ nu nscua ti, na cua nscua juani ―nacui̱.
26952	JHN 20:16	―¡María! ―nacui̱ Jesús jiꞌi̱ liꞌ. Loꞌo liꞌ nguxtyacui María naꞌa̱ su ndu̱ Jesús. ―¡Raboni! ―nacui̱. (Sca chaꞌ hebreo laca; La Mstru ꞌna, juaꞌa̱ ntiꞌ ñacui̱ chaꞌ biꞌ.)
26954	JHN 20:18	Liꞌ ndyaa María Magdalena su ndiꞌi̱ nguꞌ nu ngua tsaꞌa̱ jiꞌi̱, ndyaa cachaꞌ jiꞌi̱ nguꞌ: ―Cua naꞌa̱ naꞌ jiꞌi̱ ycuiꞌ nu Xuꞌna na tsa̱ ―nacui̱. Loꞌo liꞌ nda nu cunaꞌa̱ biꞌ chaꞌ loꞌo nguꞌ, lcaa ñaꞌa̱ chaꞌ nu cua nacui̱ Jesús jiꞌi̱.
26970	JHN 21:3	Liꞌ nacui̱ Simón Pedro jiꞌi̱ nguꞌ biꞌ: ―Tsaa na cuta cualya ―nacui̱. ―Tsa taju ti na tsaa na lacua ―nacui̱ nguꞌ jiꞌi̱ tyaꞌa nguꞌ liꞌ. Ndyatí̱ nguꞌ neꞌ yaca niꞌi̱ ndyaa nguꞌ liꞌ, pana ná sca na ngujui jiꞌi̱ nguꞌ ndyaa nguꞌ talya biꞌ.
26974	JHN 21:7	Liꞌ nchcuiꞌ nu quiꞌyu nu ngua tsaꞌa̱ jiꞌi̱ Jesús nu tyacaꞌa tsa jiꞌi̱ yu, nacui̱ jiꞌi̱ Pedro: ―Nu ndu̱ ca biꞌ laca ycuiꞌ nu Xuꞌna na ―nacui̱. Nu loꞌo ndyuna Pedro chaꞌ biꞌ, liꞌ ndyacuꞌ steꞌ chaꞌ quichiꞌ ti ndyuꞌni cña, ngutacua̱ Pedro ndyú lo hitya, ngutuꞌu toꞌ tayuꞌ.
27183	ACT 6:13	Loꞌo juaꞌa̱ ndacua ngaꞌa̱ nguꞌ nu nchcuiꞌ chaꞌ cuiñi biꞌ: ―Lcaa tsa̱ chiyaꞌa̱ nchcuiꞌ nu quiꞌyu re ―nacui̱ nguꞌ cuiñi biꞌ―. Nchcuiꞌ caꞌa̱ yu jiꞌi̱ laa tonu re, loꞌo juaꞌa̱ nchcuiꞌ caꞌa̱ yu jiꞌi̱ quityi nu nscua cña lo, la cuiꞌ cña nu ngulo ycuiꞌ Ndyosi jiꞌna ―nacui̱.
27186	ACT 7:1	Liꞌ nchcuane xuꞌna sti joꞌó jiꞌi̱ Esteban: ―¿Ha chaꞌ liñi laca chaꞌ nu nchcuiꞌ nguꞌ re? ―nacui̱.
27263	ACT 8:18	Naꞌa̱ Simón chaꞌ nu loꞌo ngusta yaꞌ nguꞌ nu ngua tsaꞌa̱ jiꞌi̱ Jesucristo hique nguꞌ, ndyanu Xtyiꞌi ycuiꞌ Ndyosi neꞌ cresiya jiꞌi̱ nguꞌ liꞌ. Nchcuiꞌ Simón loꞌo nguꞌ biꞌ liꞌ: ―Ta naꞌ cñi jiꞌi̱ ma̱ si xtyucua ma̱ jnaꞌ chaꞌ juaꞌa̱ cuaꞌni naꞌ xi cña jua ―nacui̱ Simón―. Loꞌo naꞌ nta̱ꞌ chaꞌ sta yaꞌ naꞌ hique ñati̱ chaꞌ tyanu Xtyiꞌi ycuiꞌ Ndyosi neꞌ cresiya jiꞌi̱ nguꞌ ―nacui̱.
27591	ACT 16:39	Hora ti ndyaa ycuiꞌ bese ca toꞌ niꞌi̱ chcua̱ liꞌ: ―Cusuꞌ ―nacui̱ bese biꞌ jiꞌi̱ Pablo loꞌo Silas―, cuiꞌya ma̱ chaꞌ clyu tiꞌ jiꞌi̱ ya ―nacui̱. Ngulaá nguꞌ jiꞌi̱ Pablo loꞌo Silas liꞌ. ―Cuaꞌni ma̱ chaꞌ tsoꞌo tyaa ma̱ chaca quichi̱ ―nacui̱ nguꞌ jiꞌi̱ Pablo loꞌo Silas.
27743	ACT 21:11	Loꞌo ndyalaa yu ca slo ya, liꞌ ngulo yu juata nu ndyaaca̱ꞌ siiꞌ Pablo, liꞌ yaꞌ yu loꞌo quiyaꞌ yu ngusca̱ꞌ yu loꞌo juata biꞌ. ―Cua nchcuiꞌ Xtyiꞌi ycuiꞌ Ndyosi loꞌo naꞌ chaꞌ ñiꞌya̱ nu ndyaaca̱ꞌ ycuiꞌ naꞌ, juaꞌa̱ sca̱ꞌ nguꞌ judío tyaꞌa na jiꞌi̱ ñati̱ nu ca jiꞌi̱ juata re ca Jerusalén ―nacui̱ Agabo jiꞌi̱ ya―. Tsaa loꞌo nguꞌ jiꞌi̱ ñati̱ biꞌ slo nguꞌ xaꞌ tsuꞌ chaꞌ xcubeꞌ nguꞌ jiꞌi̱ yu ―nacui̱.
27915	ACT 26:24	Nu loꞌo nchcuiꞌ Pablo juaꞌa̱ loꞌo nguꞌ, liꞌ lye nchcuiꞌ Festo loꞌo: ―Na loco nuꞌu̱, Pablo ―nacui̱ Festo jiꞌi̱―. Chaꞌ lye tsa nchcuiꞌ nuꞌu̱ lo quityi, biꞌ chaꞌ cua ngüichi̱ yaa hique nuꞌu̱ ―nacui̱.
30849	REV 5:2	Liꞌ naꞌa̱ naꞌ chaꞌ ndu̱ sca ñati̱ nguula, sca xca̱ jiꞌi̱ ycuiꞌ Ndyosi. Cui̱i̱ tsa ngusiꞌya xca̱ biꞌ: ―¿Tilaca laca nu ntsuꞌu chacuayáꞌ jiꞌi̱ chaꞌ suu nguiñaꞌ nu ngaꞌa̱ tuꞌba quityi nchcu̱ꞌ biꞌ, chaꞌ chcana quityi biꞌ? ―nacui̱.
30862	REV 6:1	Liꞌ naꞌa̱ naꞌ chaꞌ ngusuu nu ñiꞌya̱ ñaꞌa̱ xlyaꞌ biꞌ sca nguiñaꞌ nu ngaꞌa̱ tuꞌba quityi biꞌ. Ndyuna naꞌ nchcuiꞌ sca naꞌni tacati biꞌ liꞌ. Lye tsa nguañi nchcuiꞌ niꞌ ñiꞌya̱ loꞌo ndañi nchcuiꞌ tyiꞌyu: ―Cua̱a̱ clya nuꞌu̱ ca nde ―nacui̱.
30864	REV 6:3	Loꞌo liꞌ ngusuu nu ñiꞌya̱ ñaꞌa̱ xlyaꞌ biꞌ chaca nguiñaꞌ nu ngaꞌa̱ toꞌ quityi biꞌ. Ndyuna naꞌ nchcuiꞌ naꞌni tacati nu nchca tyucuaa liꞌ: ―Cua̱a̱ clya nuꞌu̱ ca nde ―nacui̱.
30866	REV 6:5	Loꞌo liꞌ nu nchca tyuna quiyaꞌ ngusuu nu ñiꞌya̱ ñaꞌa̱ xlyaꞌ biꞌ nguiñaꞌ nu ngaꞌa̱ toꞌ quityi. Ndyuna naꞌ chaꞌ nu nchcuiꞌ naꞌni tacati nu nchca tyuna liꞌ: ―Cua̱a̱ clya nuꞌu̱ ca nde ―nacui̱. Liꞌ naꞌa̱ naꞌ ndu̱ sca cuayú nu ngata ñaꞌa̱; scaꞌ cuayáꞌ ndacui yaꞌ ñati̱ nu ntucua hichu̱ꞌ cuayu biꞌ.