24490	MRK 6:14	Tyempo biꞌ cua ndyuna rey Herodes chaꞌ jiꞌi̱ chaꞌ tlyu nu cua ndyuꞌni Jesús; lcaa quichi̱ nguañi chaꞌ biꞌ, chaꞌ scaa chaꞌ nchcuiꞌ scaa ñati̱ jiꞌi̱ Jesús. Pana ndiꞌya̱ ngua tiꞌ ycuiꞌ rey biꞌ: ―Jyoꞌo Juan nu ntyucuatya jiꞌi̱ nguꞌ tsubiꞌ la, biꞌ laca Jesús re― nacui̱ Herodes biꞌ―. Ndyujuii nguꞌ jiꞌi̱ Juan biꞌ, pana juani cua ndyuꞌú chaca quiyaꞌ, biꞌ chaꞌ nchca jiꞌi̱ cuaꞌni chaꞌ tlyu juaꞌa̱ ―nacui̱ rey.
26193	JHN 3:4	―¿Ñiꞌya̱ caca cala na chaca quiyaꞌ si cua cusuꞌ na? ―nacui̱ Nicodemo jiꞌi̱ Jesús― ¿Ha taca tyatí̱ na neꞌ xtyaꞌa̱ na chaca quiyaꞌ chaꞌ xaꞌ cala na? ―nacui̱.
26518	JHN 9:9	―La cuiꞌ yu biꞌ― nacui̱ tsaca nguꞌ. ―Siꞌi yu biꞌ, masi sca ti cuayáꞌ ñaꞌa̱ loo yu biꞌ― nacui̱ chaca nguꞌ. Loꞌo liꞌ nguxacui̱ ycuiꞌ nu quiꞌyu biꞌ chaꞌ jiꞌi̱ nguꞌ biꞌ: ―La cuiꞌ yu biꞌ laca naꞌ.
26778	JHN 15:10	Lcaa tsa̱ tyiꞌu tiꞌ ma̱ su ndiꞌi̱ ma̱ chaꞌ ntsuꞌu tsa tyiquee naꞌ ñaꞌa̱ naꞌ jiꞌi̱ ma̱. Juaꞌa̱ tsoꞌo tsa caca tyiquee naꞌ ñaꞌa̱ naꞌ jiꞌi̱ ma̱ si taquiyaꞌ ma̱ jiꞌi̱ lcaa chaꞌ nu nda naꞌ loꞌo ma̱. Loꞌo juaꞌa̱ naꞌ ―nacui̱ Jesús― cua nguaꞌni naꞌ lcaa cña nu ngulo Sti naꞌ ꞌna. Jlo tiꞌ naꞌ chaꞌ ntsuꞌu tsa tyiquee Ni ñaꞌa̱ Ni jnaꞌ tyucui su ndiꞌi̱ naꞌ.
27291	ACT 9:6	Lye tsa nchcua̱ Saulo chaꞌ ndyutsi̱i̱ yu liꞌ. ―¿Ñiꞌya̱ nu ntiꞌ nuꞌu̱ chaꞌ cuaꞌni naꞌ, Xuꞌna? ―nacui̱ Saulo liꞌ. ―Tyatu̱ nuꞌu̱ ni ―nacui̱ Jesús jiꞌi̱― chaꞌ tye tyalaa ca quichi̱ Damasco jua. Ca ndacua ndiꞌi̱ sca ñati̱ nu culuꞌu jinuꞌu̱ ñiꞌya̱ caca cña nu cuaꞌni nuꞌu̱ cuentya jnaꞌ.