23214	MAT 1:1	Nde ndaꞌaǎn sa ñaꞌan nin nchga nten nu ngwa ayman ꞌin Jesucristo, chaꞌ nten taꞌa ayman David lka yu. Kwiꞌ ngwañaꞌan lka yu nten taꞌa ayman Abraham, ni siya sꞌni ꞌa mdiꞌin yu kula kanꞌ.
23215	MAT 1:2	Ayman Abraham kanꞌ ngwa sti Isaac; loꞌo ayman Isaac kanꞌ ngwa sti Jacob; loꞌo ayman Jacob kanꞌ ngwa sti Juda loꞌo nchga taꞌa ngula yu;
23216	MAT 1:3	loꞌo ayman Juda kanꞌ ngwa sti Fares loꞌo Zara, loꞌo Tamar ngwa naan jyaꞌan neꞌ kanꞌ bra kanꞌ. Loꞌo ayman Fares kanꞌ ngwa sti Esrom; loꞌo ayman Esrom kanꞌ ngwa sti Aram;
23217	MAT 1:4	loꞌo ayman Aram kanꞌ ngwa sti Aminadab; loꞌo ayman Aminadab kanꞌ ngwa sti Naasón; loꞌo ayman Naasón kanꞌ ngwa sti Salmón;
23220	MAT 1:7	Loꞌo ayman Salomón kanꞌ ngwa sti Roboam; loꞌo ayman Roboam kanꞌ ngwa sti Abías; loꞌo ayman Abías kanꞌ ngwa sti Asa;
23221	MAT 1:8	loꞌo ayman Asa kanꞌ ngwa sti Josafat; loꞌo ayman Josafat kanꞌ ngwa sti Joram; loꞌo ayman Joram kanꞌ ngwa sti Uzías;
23222	MAT 1:9	loꞌo ayman Uzías kanꞌ ngwa sti Jotam; loꞌo ayman Jotam kanꞌ ngwa sti Acaz; loꞌo ayman Acaz kanꞌ ngwa sti Ezequías;
23223	MAT 1:10	loꞌo ayman Ezequías kanꞌ ngwa sti Manasés; loꞌo ayman Manasés kanꞌ ngwa sti Amón; loꞌo ayman Amón kanꞌ ngwa sti Josías;
23226	MAT 1:13	loꞌo ayman Zorobabel kanꞌ ngwa sti Abiud; loꞌo ayman Abiud kanꞌ ngwa sti Eliaquim; loꞌo ayman Eliaquim kanꞌ ngwa sti Azor;
23227	MAT 1:14	loꞌo ayman Azor kanꞌ ngwa sti Sadoc; loꞌo ayman Sadoc kanꞌ ngwa sti Aquim; loꞌo ayman Aquim kanꞌ ngwa sti Eliud;
23230	MAT 1:17	Ngwañaꞌan naan ayman kanꞌ, tii lkwa ta nten wa mdijin neꞌ xa nu ti luꞌu Abraham sa ñaꞌan bra nu ngula ayman David. Loꞌo xka tyii lkwa ta nten mdijin neꞌ xa nu ti luꞌu ayman David, sa ñaꞌan bra nu yaa loꞌo neꞌ xka laꞌa tsuꞌ ꞌin neꞌ Israel nde kichen tyi neꞌ, msuꞌwa neꞌ kanꞌ ꞌin neꞌ Israel niꞌ ñaꞌan chkwan nde kichen Babilonia bra kanꞌ. Loꞌo mdijin xka tyii lkwa ta nten, kanꞌ ngula nu lka Krixtu bra kanꞌ.
23260	MAT 2:22	Kanꞌ ynan yu chaꞌ sñiꞌ ayman Herodes ngulo tñan nde Judea, ti kwiꞌ sñiꞌ yu nu naan Arquelao lka yu kanꞌ; kanꞌ chaꞌ ytsen chinꞌ Se bra kanꞌ. Xiyaꞌ ykwiꞌ sla yu sa ñaꞌan kuꞌni yu, kanꞌ chaꞌ ndyaa neꞌ nde lo yuu ꞌin Galilea,
23270	MAT 3:9	Ja xkeꞌ ꞌa tiꞌ wan chaꞌ ka suꞌwe ꞌwan tloo Ndiose si xkwiꞌ ndyuꞌwi tiꞌ wan ꞌin ayman kula ꞌwan, ñaꞌan tiꞌ ayman kula Abraham kanꞌ. Ja talo Ndiose ꞌin chaꞌ kuxi nu ngiꞌni wan siyaꞌ ti, ni siya nten taꞌa ayman Abraham lka wan, nchkwiꞌ wan. Nan kwiñi wan. Si nchka tiꞌ Ndiose, ka ꞌin Ni kwiñan Ni xka ta nten loꞌo kee ndiꞌin tuꞌwa chku re, chaꞌ ka neꞌ taꞌa ayman Abraham; ka ꞌin Ni si nchka tiꞌ Ni. Loꞌo ja tukwa Ndiose chaꞌ ꞌwan bra kanꞌ.
23380	MAT 6:29	Ayman Salomón nu ngwa ree kuliyaꞌ ꞌa nu ngwa sꞌni ni, suꞌwe ꞌa ñaꞌan steꞌ yu kula kanꞌ; loꞌo ja suꞌwa ñaꞌan steꞌ yu loꞌo keé kwa, chaꞌ suꞌwe la ñaꞌan keé kwa siyaꞌ ti.
23425	MAT 8:11	Chañi chaꞌ nde loo la kala kaꞌan ꞌa nten tijyuꞌ, loꞌo nten lo yuu nde seꞌen ndyoꞌo tukwa kwichaa, loꞌo nten lo yuu nde seꞌen ndyaa kwichaa, tsaa neꞌ chaꞌ tyukwa neꞌ tuꞌwa msaa seꞌen lka Ndiose ndloo niꞌ kwan; suꞌwa ti tyitukwa neꞌ tuꞌwa msaa kanꞌ loꞌo ayman Abraham loꞌo ayman Isaac loꞌo ayman Jacob.
23489	MAT 10:3	loꞌo ngulo suwi yu ꞌin Lpe, loꞌo Bartolomé, loꞌo Toma, loꞌo Mateo nu ngulo tñi ꞌin nten chaꞌ ꞌin neꞌ xka laꞌa tsuꞌ ti kulo; loꞌo ngulo suwi yu ꞌin Santiago sñiꞌ Alfeo, loꞌo Tadeo;
23899	MAT 21:4	Ayman nu ykwiꞌ chaꞌ ꞌin Ndiose loꞌo nten nu ngwa sꞌni, sa ñaꞌan nu ngwaꞌan neꞌ chaꞌ re lo kityi, ngwañaꞌan nchka chaꞌ ni:
23973	MAT 22:32	“Ndiose nu lka Xꞌnan Abraham lkaǎn” ndukwin Ni, “Ndiose nu lka Xꞌnan Isaac lkaǎn, loꞌo ti kwiꞌ Ndiose nu lka Xꞌnan Jacob lkaǎn” ndukwin Ni. Ja ndukwin kityi chaꞌ wa ngwa Ndiose Xꞌnan neꞌ kanꞌ bra nu mdiꞌin ti jyoꞌo kanꞌ lo chalyuu; ti nka Ndiose Xꞌnan neꞌ kanꞌ ni, kwiꞌ ngwañaꞌan ti nka Ndiose Xꞌnan nchga nten nu luꞌu.
24022	MAT 23:35	Kanꞌ chaꞌ sikwa, kanun kiꞌya ꞌwan siꞌya ayman ꞌwan nu wa yjwi ꞌin kaꞌan ꞌa nten nu ykwiꞌ chaꞌ nu ñi nu ngwa ti sꞌni, ti bra nu ngujwi Abel ti kulo la, sa ñaꞌan yaꞌ nu ngujwi Zacarías sñiꞌ Berequías. Ayman Zacarías ni, wa yjwi neꞌ ꞌin yu seꞌen nduun yu niꞌ lyaa, tuꞌwa msaa seꞌen nchkin lomstan, bra nu wa tsaa ti yu niꞌ ñaꞌan seꞌen kti ꞌa chaꞌ ꞌin Ndiose. Suꞌwa lka chaꞌ sa ñaꞌan lka si wa yjwi wan ꞌin ayman kanꞌ, chunꞌ ti kwiꞌ ti chaꞌ kuxi kanꞌ nka tiye wan ni.
24041	MAT 24:15	’Ayman Daniel nu ykwiꞌ chaꞌ ꞌin Ndiose loꞌo nten ti sꞌni, wa ykwiꞌ yu chaꞌ ꞌin ska nkwin nu kuxi ꞌa, ska nan nu kuꞌni ñuꞌun ꞌin nchga nan nu luwi. ―Ka biyaꞌ tiꞌ wan chaꞌ kanꞌ, bra nu chkwiꞌ wan lo kityi re―. Bra nu ñaꞌan wan chaꞌ nduun nkwin nu kuxi kanꞌ nde seꞌen kti ꞌa niꞌ lyaa tnun kanꞌ ―ndukwin Jesús―,
24207	MAT 27:9	Ayman Jeremías nu ykwiꞌ chaꞌ ꞌin Ndiose loꞌo nten nu ngwa sꞌni, wa ngwaꞌan yu chaꞌ re chaꞌ ꞌin tñi plata kanꞌ lo kityi, ska chaꞌ nu ka nde loo la: “Kalatyii tñi plata (sa kwa nsuꞌwi lyo ska nten, ndukwin neꞌ Israel taꞌaan).
24255	MAT 27:57	Bra wa msiin la mdiyan ska yu kuliyaꞌ nu naan Se, ska neꞌ kichen Arimatea lka yu. Loꞌo Se kanꞌ yꞌni xaꞌan yu chaꞌ ꞌin Jesús.
24286	MRK 1:2	Ayman Isaías, nu ykwiꞌ loꞌo nten chaꞌ ꞌin Ndiose nu ngwa sꞌni, ngwaꞌan yu lo kityi sa ñaꞌan nu ka tyisnan chaꞌ re. Nde lka chaꞌ nu ngwaꞌan yu kanꞌ: Kuloǔn tñan ꞌin ska nten nu ka skan ꞌñaǎn, ndukwin Ndiose ꞌin Krixtu, chaꞌ tsaa yu kulo ndukwa la. Kanꞌ lka nu slaa tuwiin seꞌen tsaa, ndukwin Ni.
24343	MRK 2:14	Laja nu mdaꞌan Jesús lo kichen, mdijin yu ska naꞌan seꞌen ndiya Leví sñiꞌ Alfeo bra kanꞌ; ndukwa yu ndlo yu tñi ꞌin nten chaꞌ ꞌin neꞌ xka laꞌa tsuꞌ nu lka ndloo la. ―Tsaa loꞌoǔn ―ndukwin Jesús ꞌin Leví kanꞌ. Bra ti mdyituun Leví, mdyisnan yu ndaꞌan yu loꞌo Jesús.
24355	MRK 2:26	Ngwa ayman Abiatar ndloo la ꞌin nchga sti joꞌo bra kanꞌ, loꞌo bra kanꞌ yten ayman David kanꞌ niꞌ ñaꞌan nu kti ꞌa ꞌin Ndiose nde kwa, msñi yu jaxlya nu lka lomstan ꞌin Ndiose, nu ndukwa lo msaa kti nde kwa; yku neꞌ jaxlya kanꞌ, ni siya ska ti sti joꞌo nsuꞌwi chabiyaꞌ ku ran ―ndukwin Jesús ꞌin neꞌ fariseo kanꞌ―.
24375	MRK 3:18	loꞌo ngulo suwi yu ꞌin Ndre, loꞌo Lpe, loꞌo Bartolomé, loꞌo Mateo, loꞌo Toma, loꞌo xka Santiago sñiꞌ Alfeo, loꞌo Tadeo, loꞌo xka Simón nu ndiꞌin chaꞌ ꞌin yu loꞌo xka ta nten nu lka cananista;
24490	MRK 6:14	Loꞌo wa ynan ree Herodes ꞌin chaꞌ tnun nu wa yꞌni Jesús bra kanꞌ; nchga kichen ynen chaꞌ kanꞌ, chaꞌ skaa chaꞌ ykwiꞌ skaa nten ꞌin Jesús. Nde lka chaꞌ nu mskeꞌ tiꞌ ree kanꞌ: ―Ayman Xuwa nu mdukwatya ꞌin nten nu ngwa sꞌni, kanꞌ lka Jesús re ―ndukwin Herodes kanꞌ―. Wa yjwiǐn ꞌin Xuwa kanꞌ, loꞌo ni, wa ndyuꞌu yu xiyaꞌ, kanꞌ chaꞌ nchka ꞌin kuꞌni chaꞌ tnun nu ngwañaꞌan ―ndukwin ree.
24491	MRK 6:15	―Siꞌi nu kanꞌ ―ndukwin xka ta nten―. Ayman Elías lka yu kiꞌyu re. ―Siꞌi ngwañaꞌan ―ndukwin xka ta nten―. Ska nten nu nchkwiꞌ chaꞌ ꞌin Ndiose lka yu re, ñaꞌan tiꞌ ayman nu mdiꞌin sꞌni, nu ykwiꞌ loꞌo nten chaꞌ ꞌin Ndiose.
24768	MRK 12:26	¿Ta ja ya tsaa ñaꞌan tiꞌ wan chaꞌ tyuꞌu ayman xiyaꞌ a? ¿Ta ja ya chkwiꞌ wan lo kityi nu ngwaꞌan ayman Moisés nu ngwa sꞌni a? Suꞌwe la si chkwiꞌ wan lo kityi kanꞌ sa ñaꞌan ndukwa chaꞌ ꞌin yka kicheꞌ kanꞌ, seꞌen nu ykwiꞌ Ndiose loꞌo Moisés: “Ndiose Xꞌnan Abraham lkaǎn” ndukwin Ni ꞌin Moisés, “kwiꞌ Ndiose Xꞌnan Isaac lkaǎn, kwiꞌ Ndiose Xꞌnan Jacob lkaǎn” ndukwin Ni.
24916	MRK 15:21	Tuwiin seꞌen mdaꞌan neꞌ, bra kanꞌ mdukwa taꞌa sndaru ꞌin Simón, neꞌ Cirene; sti Alejandro loꞌo Rufo lka Simón kanꞌ. Ndyaan Simón yaa yu tñan niꞌ kixinꞌ, loꞌo ngulo sndaru tñan ꞌin yu chaꞌ kiꞌya yu wsi kanꞌ chaꞌ ꞌin Jesús bra kanꞌ.
24938	MRK 15:43	Mdiya ska neꞌ wsiya nu naan Se, neꞌ kichen Arimatea ngwa yu kanꞌ, ska neꞌ kula nu tnun nchka ngwa yu. Loꞌo Se ndyaa ñaꞌan ꞌa tiꞌ yu chaꞌ wa tiya ti tsan chaꞌ ka Ndiose ndloo la; kanꞌ chaꞌ yꞌni ngula tiye yu, ndyaa yu tloo Pilato mjñan yu chabiyaꞌ kutsiꞌ yu ꞌin ayman Jesús.
24967	LUK 1:5	Bra nu ngwa ree Herodes tñan, chaꞌ lka yu ndloo ꞌin neꞌ Judea, bra kanꞌ mdiꞌin ska sti joꞌo nu naan Zacarías. Mdiꞌin Zacarías loꞌo ska ta sti joꞌo nu nduun tñan seꞌen mduun ayman Abías nu ngwa sꞌni. Elisabet naan kwilyoꞌo Zacarías, lka ti kwiꞌ nten taꞌa ayman Aarón nu ngwa sti joꞌo ti kulo la.
24988	LUK 1:26	Wa nsuꞌwi skwa koꞌ ndaꞌan neꞌ kula Sabe tnan, bra kanꞌ ngulo Ndiose tñan ꞌin ska angajle, chaꞌ tsaa nde kichen Nazaret, ska kichen nde lo yuu ꞌin Galilea. Angajle kanꞌ ni, ti kwiꞌ Gabriel lka kanꞌ.
25016	LUK 1:54	Ndayaꞌ ꞌa Ndiose ꞌin nchga neꞌ Israel taꞌaan, chaꞌ lkaan msu ꞌin Ndiose; loꞌo suꞌwe ꞌa mskanꞌ Ni chaꞌ loꞌo ayman ꞌñaan nu yuꞌwi ti sꞌni. Ja mjlyaa tiꞌ Ndiose ꞌñaan, nten taꞌa ayman Abraham lkaan; xkwiꞌ nchka tꞌnan tiꞌ Ni ꞌin neꞌ taꞌaan. Loꞌo ñaꞌan ti nchka tꞌnan tiꞌ Ni ꞌñaan loꞌo sñianꞌ tyukwi bra nde loo la. Ngwañaꞌan ngwa bra nu yꞌni tnun Liya ꞌin Ndiose.
25035	LUK 1:73	Nde lka chaꞌ nu wa ykwiꞌ Ndiose loꞌo ayman Abraham, bra nu ngunun tsaa chaꞌ nu ykwiꞌ Ndiose loꞌo yu.
25043	LUK 2:1	Tyempu kanꞌ, nten nu lka ndloo la tyukwi ñaꞌaan chalyuu, kanꞌ nu ngwa emperador; Augusto naan yu. Bra kanꞌ ngulo yu tñan chaꞌ tyaꞌan nin neꞌ lo kityi sa ñaꞌan naan neꞌ nchga kichen.
25078	LUK 2:36	Ndiya ska nu kunaꞌan nu ykwiꞌ chaꞌ ꞌin Ndiose loꞌo nten, nu ndiꞌin niꞌ lyaa kanꞌ; Ana naan nu kunaꞌan kanꞌ, sñiꞌ Fanuel lka, ti kwiꞌ taꞌa nten ꞌin neꞌ Aser lka nu kunaꞌan kanꞌ. Kula ꞌa nu kunaꞌan kanꞌ ni. Ti kuneꞌ nu kunaꞌan kanꞌ bra nu mjwi kwilyoꞌo; kati ti yijan mdiꞌin loꞌo kwilyoꞌo, loꞌo kanꞌ ngujwi yu kiꞌyu kanꞌ.
25080	LUK 2:38	Bra wa mdyii ykwiꞌ Simeón loꞌo jyaꞌan Jesús, ti kwiꞌ bra kanꞌ mdiyan Ana kanꞌ nde seꞌen ndiꞌin neꞌ loꞌo kuwiꞌ niꞌ lyaa, ti kwiꞌ Jesús lka kanꞌ. Ndya ꞌa neꞌ kula Ana xuꞌwe ꞌin Ndiose chaꞌ wa naꞌan ꞌin kuwiꞌ kanꞌ. Bra kanꞌ ykwiꞌ ꞌa loꞌo tyun neꞌ taꞌa kichen tyi, ngwañaꞌan loꞌo nchga neꞌ nu ndiꞌin ta ꞌin Krixtu sa bra nu tiya tsan nu kan yu chaꞌ kulaa yu ꞌin neꞌ Jerusalén yaꞌ neꞌ xka laꞌa tsuꞌ. Ykwiꞌ Ana loꞌo neꞌ kanꞌ, chaꞌ kuwiꞌ kanꞌ lka nu kulaa ji ꞌin nten ꞌin chaꞌ kuxi nu ndiꞌin ꞌin neꞌ tloo Ndiose.
25095	LUK 3:1	Wa nsuꞌwi tiꞌyun yijan chaꞌ lka Tiberio emperador nu lka ndloo la ꞌin nten tyukwi ñaꞌaan chalyuu, Poncio Pilato lka ndloo nde lo yuu ꞌin Judea, tñan ꞌin Tiberio kanꞌ bra kanꞌ; loꞌo nu naan Herodes kanꞌ, lka yu ndloo lo yuu ꞌin Galilea tyempu kanꞌ; loꞌo Felipe, taꞌa ngula Herodes kanꞌ, lka yu ndloo lo yuu ꞌin Iturea loꞌo lo yuu ꞌin Traconite ti kwiꞌ tyempu kanꞌ; loꞌo xka nu naan Lisanias, lka yu ndloo lo yuu ꞌin Abilinia bra kanꞌ.
25096	LUK 3:2	Ti kwiꞌ bra kanꞌ lka Anás loꞌo Caifás xꞌnan sti joꞌo. Bra kanꞌ ykwiꞌ Ndiose loꞌo Xuwa sñiꞌ Zacarías seꞌen ndiꞌin yu niꞌ kixinꞌ,
25102	LUK 3:8	Suꞌwe sikwa, kwaꞌu wan ꞌwa si chañi chaꞌ wa ngulaa yaꞌ wan chaꞌ kuxi nu ndiꞌin ꞌwan; ja chkwiꞌ wan chaꞌ sñiꞌ Ndiose lka wan chunꞌ ndyoꞌo wan ꞌin ayman Abraham nu yuꞌwi ti sꞌni. Chaꞌ nu ñi chkwiǐnꞌ loꞌo wan ―ndukwin Xuwa―, chaꞌ ka ꞌin Ndiose kulo suwi Ni xka ta nten nu ka sñiꞌ Abraham, ja loꞌo wan, si nchka tiꞌ Ni; nxkeꞌ tiꞌ wan chaꞌ ja nsuꞌwi chaꞌ tiya ꞌin xka la nten kanꞌ, nxkeꞌ tiꞌ wan chaꞌ sa ñaꞌan lka kee re, ngwañaꞌan ti lka neꞌ kanꞌ ―ndukwin Xuwa ꞌin neꞌ―.
25119	LUK 3:25	Matatías ngwa naan sti Se kanꞌ; Amós ngwa naan sti Matatías kanꞌ; Nahum ngwa naan sti Amós kanꞌ; Esli ngwa naan sti Nahum kanꞌ; Nagai ngwa naan sti Esli kanꞌ;
25122	LUK 3:28	loꞌo xka nu naan Melqui ngwa sti Neri kanꞌ; Adi ngwa naan sti Melqui kanꞌ; Cosam ngwa naan sti Adi kanꞌ; Elmodam ngwa naan sti Cosam kanꞌ; Er ngwa naan sti Elmodam kanꞌ;
25127	LUK 3:33	Aminadab ngwa naan sti Naasón kanꞌ; Aram ngwa naan sti Aminadab kanꞌ; Esrom ngwa naan sti Aram kanꞌ; Fares ngwa naan sti Esrom kanꞌ; loꞌo xka nu naan Judá ngwa sti Fares kanꞌ;
25128	LUK 3:34	Jacob ngwa naan sti Judá kanꞌ; Isaac ngwa naan sti Jacob kanꞌ; Abraham ngwa naan sti Isaac kanꞌ; loꞌo nu naan Taré ngwa sti Abraham kanꞌ; Nacor ngwa naan sti Taré kanꞌ;
25130	LUK 3:36	Cainán ngwa naan sti Sala kanꞌ; Arfaxad ngwa naan sti Cainán kanꞌ; Sem ngwa naan sti Arfaxad kanꞌ; Noé ngwa naan sti Sem kanꞌ; Lamec ngwa naan sti Noé kanꞌ;
25132	LUK 3:38	Enós ngwa naan sti Cainán kanꞌ; Set ngwa naan sti Enós kanꞌ; Adán ngwa naan sti Set kanꞌ; loꞌo ñi la chkwiǐnꞌ chaꞌ Ndiose lka sti ayman Adán kanꞌ, chaꞌ Ndiose lka nu wa mñan ꞌin Adán kanꞌ. Nchga nten nu ndukwa nin lo kityi re ni, ngwa neꞌ ayman ꞌin Jesucristo lo chalyuu nu ngwa ti sꞌni.
25230	LUK 6:15	loꞌo Mateo, loꞌo Toma, loꞌo xka Santiago sñiꞌ Alfeo, loꞌo xka Simón nu lka nten ꞌin ska ta neꞌ cananista,
25525	LUK 11:51	ti bra ngujwi ayman Abel, sa ñaꞌan yaꞌ nu ngujwi ayman Zacarías, yjwi ꞌa neꞌ ꞌin nten ꞌin Ndiose. Loꞌo Zacarías kanꞌ, jluꞌwe niꞌ lyaa mduun yu; ska laꞌa ndukwa msaa seꞌen nchkin lomstan, xka laꞌa nskwa naꞌan nu kti ꞌa chaꞌ ꞌin Ndiose, jluꞌwe la kanꞌ yjwi neꞌ ꞌin yu. Chañi chaꞌ nu nchkwiǐnꞌ loꞌo wan, chaꞌ ta Ndiose nu tiꞌí ꞌwan nten chalyuu ni, siꞌya chaꞌ wa yjwi ayman taꞌa wan ꞌin neꞌ kanꞌ nu ngwa sꞌni.
25603	LUK 13:16	Loꞌo nu kunaꞌan re, ti kwiꞌ taꞌa nten ꞌin ayman Abraham nu yuꞌwi ti sꞌni lka, wa tiꞌyun xnan yijan ndatsaa ꞌa Satanás ꞌin seꞌen ndiꞌin. ¿Ja suꞌwe la xkeꞌ tiꞌ wan si kulaan ꞌin neꞌ kula re tsan taꞌa a? ―ndukwin Jesús.
25615	LUK 13:28	Kunan ꞌa wan bra kanꞌ, ku liꞌya wan chaꞌ lye ꞌa kasinꞌ tiꞌ wan bra kanꞌ. Ka xiꞌin ꞌa tiꞌ wan bra nu ñaꞌan wan chaꞌ ndiꞌin kaꞌan ꞌa nten seꞌen ndiꞌin Ndiose bra nu tsaa tii chalyuu; loꞌo ayman Abraham, loꞌo ayman Isaac, loꞌo ayman Jacob, loꞌo nchga ayman nu ykwiꞌ chaꞌ ꞌin Ndiose loꞌo nten nu ngwa sꞌni, ñaꞌan wan ꞌin neꞌ ndiꞌin neꞌ la kanꞌ. Loꞌo ꞌwan ni, kulaa yaꞌ Ndiose ꞌwan kanun wan nde liyaꞌ.
25711	LUK 16:22	Mdiya tsan ngujwi yu tiꞌi kanꞌ; loꞌo bra kanꞌ yaa loꞌo angajle ꞌin ayman kanꞌ seꞌen ndiꞌin ayman Abraham, nde seꞌen tlyu nu wa yꞌni xuꞌwe Ndiose ꞌin yu. Chunꞌ ndiꞌin la ngujwi yu kuliyaꞌ kanꞌ, mtsiꞌ neꞌ ꞌin yu bra kanꞌ.
25712	LUK 16:23	Bra wa ndiya yu kuliyaꞌ kanꞌ seꞌen ndijin yu nu tiꞌí lo jwlyaa, bra kanꞌ mskwen yu ke yu naꞌan yu ꞌin ayman Abraham tijyuꞌ ti, naꞌan yu chaꞌ suꞌwa ti ndukwa ayman Lázaro loꞌo Abraham bra kanꞌ.
25713	LUK 16:24	Kanꞌ msiꞌya yu kuliyaꞌ kanꞌ ꞌin Abraham: “Sti ba Abraham, chka tꞌnan tiꞌ ꞌñaǎn. Kuloo tñan ꞌin Lázaro kwa chaꞌ kan loꞌo yu chinꞌ tyiꞌa koꞌoǔn, chaꞌ kuchaꞌ yu chinꞌ tuꞌwaǎn loꞌo yaaꞌ yu chaꞌ tlaꞌ chinꞌ ltseěnꞌ, chunꞌ tikeeꞌ ꞌa nsuꞌwiǐn lo kiiꞌ re.”
25714	LUK 16:25	Bra kanꞌ ndukwin ayman Abraham ꞌin yu: “Sñiěnꞌ” ndukwin, “suꞌwe ꞌa ngwa ꞌiin la mdiꞌiin lo chalyuu. Loꞌo Lázaro re ni, siꞌi ngwañaꞌan ngwa ꞌin yu, chaꞌ mdijin ꞌa yu nu tiꞌí xa mdiꞌin yu lo chalyuu. Kanꞌ chaꞌ kaja seꞌen tyiꞌin suꞌwe yu nde re ni; loꞌo nuꞌwin, ndiꞌin chaꞌ kaja nu tiꞌí ꞌiin ni.
25716	LUK 16:27	Bra kanꞌ tꞌnan ꞌa ykwiꞌ yu kuliyaꞌ kanꞌ loꞌo: “Kuꞌnii ska chaꞌ suꞌwe loꞌoǔn, sti ba Abraham” ndukwin yu kuliyaꞌ kanꞌ. “Taa ꞌin Lázaro chaꞌ tsaa yu seꞌen ndiꞌin stiǐn,
25718	LUK 16:29	Bra kanꞌ mxkwen Abraham ꞌin yu: “Wa jlyo tiꞌ neꞌ kanꞌ nchga chaꞌ nu ngwaꞌan ayman Moisés ti sꞌni; loꞌo xka la kityi ꞌin Ndiose seꞌen nu ngwaꞌan ayman nu ngwa sꞌni, ndiya kityi kanꞌ ꞌin yu taꞌaa. ¡Suꞌwe la si kunan suꞌwe neꞌ chaꞌ nu ndukwa lo kityi kanꞌ!”
25719	LUK 16:30	Bra kanꞌ mxkwen yu kuliyaꞌ kanꞌ ꞌin Abraham: “Chañi ꞌiin, sti ba Abraham. Ja chan si tsaa ska ayman nde seꞌen ndiꞌin neꞌ kwa, bra ti kulaa yaꞌ neꞌ chaꞌ kuxi nu ngiꞌni neꞌ bra kanꞌ.”
25720	LUK 16:31	Xiyaꞌ ykwiꞌ ayman Abraham loꞌo yu kuliyaꞌ kanꞌ bra kanꞌ: “Chaꞌ nu ja xlyaa neꞌ kwa tukwa neꞌ tñan nu ngulo Moisés lo kityi, ti kwiꞌ ti chaꞌ ja nnan neꞌ chaꞌ nu ykwiꞌ ayman nu msuꞌwa Ndiose chaꞌ chkwiꞌ loꞌo nten nu ngwa sꞌni, kwiꞌ ngwañaꞌan, ja tukwa neꞌ xka la chaꞌ nu chkwiꞌ Ndiose loꞌo neꞌ, ni siya xiyaꞌ tyuꞌu ska ayman chaꞌ chkwiꞌ loꞌo neꞌ kwa.”
25809	LUK 19:9	―Loꞌo ni, wa ngulaa neꞌ nu ndiꞌin naꞌan re ꞌin chaꞌ kuxi nu ndiꞌin ꞌin neꞌ ―ndukwin Jesús bra kanꞌ―, chaꞌ yu re ni, taꞌa nten ꞌin ayman Abraham nu yuꞌwi ti sꞌni lka yu.
25885	LUK 20:37	Ayman Moisés ytsaꞌ ꞌñaan chaꞌ chañi chaꞌ tyuꞌu nchga ayman xiyaꞌ. Lo kityi kanꞌ ngwaꞌan Moisés sa ñaꞌan ngwa la nu naꞌan yu yka xuwe ti, seꞌen nu mdyituun kiiꞌ tyukwi ñaꞌaan lo yka kanꞌ, loꞌo ja nchkin ran. Bra kanꞌ ynen ykwiꞌ Ndiose laja kiiꞌ kanꞌ, ndukwin Ni chaꞌ Xꞌnan ayman Abraham lka Ni, Xꞌnan ayman Isaac lka Ni, Xꞌnan ayman Jacob lka Ni. Ngwañaꞌan ndukwin Ndiose laja kiiꞌ kanꞌ, chaꞌ nten taꞌaan nu mdiꞌin lo chalyuu nu ngwa sꞌni ngwa ayman kanꞌ.
26054	LUK 23:50	Wa ndiya ska nten suꞌwe nu ngiꞌni tnun ꞌin Ndiose, Se naan yu kula kanꞌ. Arimatea lka kichen tyi yu; ndiꞌin kichen kanꞌ lo yuu ꞌin Judea. Ska nu lka tñan lka Se kanꞌ, suꞌwa ti ndukwa yu loꞌo nchga neꞌ wsiya ꞌin neꞌ judío.
26134	JHN 1:21	―¿Ti ka nu lkaa sikwa a? ―ndukwin neꞌ ꞌin yu―. ¿Ayman Elías lkaa a? ―Siꞌi nu kanꞌ lkaǎn ―ndukwin Xuwa. ―Wa tyoꞌo tukwa ti ska yu kula nu chkwiꞌ chaꞌ ꞌin Ndiose loꞌo ba, nxkeꞌ tiꞌ ba ―ndukwin neꞌ―. ¿Siꞌi nu kanꞌ lkaa a? ―Siꞌi naꞌ ―ndukwin Xuwa bra kanꞌ.
26483	JHN 8:33	―Nten taꞌa ayman Abraham lka ba ―ndukwin neꞌ judío kanꞌ―, loꞌo ja tukwin ka tatsaa ꞌwa chaꞌ kuꞌni ba chaꞌ xaꞌan. ¿Ni sa ñaꞌan nchka tiiꞌ chkwiiꞌ loꞌo ba xa nu ykwiiꞌ chaꞌ re: “Ja ka tatsaa neꞌ ꞌwan chaꞌ kuꞌni wan chaꞌ xaꞌan” a? ―ndukwin neꞌ judío kanꞌ ꞌin Jesús.
26487	JHN 8:37	Jlyo tiǎnꞌ chaꞌ ti kwiꞌ nten taꞌa ayman Abraham lka wan, ni siya nchka tiꞌ wan kujwi wan ꞌñaǎn, chunꞌ ja ndukwa wan chaꞌ nu nchkwiǐnꞌ loꞌo wan ―ndukwin Jesús―.
26489	JHN 8:39	Mxkwen neꞌ ꞌin Jesús bra kanꞌ: ―Ayman Abraham, kanꞌ ngwa ayman kula ꞌwa, nu yuꞌwi chalyuu nu ngwa sꞌni ―ndukwin neꞌ. ―Si chañi chaꞌ lka wan nten taꞌa ayman Abraham kanꞌ, kuꞌni wan ti kwiꞌ tñan nu yꞌni Abraham ―ndukwin Jesús ꞌin neꞌ kanꞌ―.
26490	JHN 8:40	Nchka ꞌa tiꞌ wan kujwi wan ꞌñaǎn ni, ni siya xkwiꞌ chaꞌ nu ñi nduꞌuǔn ꞌwan, ti kwiꞌ chaꞌ nu ñi nu ykwiꞌ Ndiose loꞌoǔn. ¡Loꞌo ja yꞌni ayman Abraham ngwañaꞌan! ―ndukwin Jesús―.
26502	JHN 8:52	Loꞌo ykwiꞌ neꞌ judío kanꞌ loꞌo Jesús xiyaꞌ bra kanꞌ: ―Jlyo tiꞌ bare chaꞌ ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ―. Sꞌni ngujwi ayman Abraham, sꞌni ngujwi xka ta ayman nu ykwiꞌ chaꞌ ꞌin Ndiose loꞌo nten. ¿Ni sa ñaꞌan ndaꞌan chaꞌ tiyee chaꞌ nu tka ndukwiin ti, chaꞌ: “Ja tsaa tii ꞌa chalyuu ꞌin nten nu kunan chaꞌ nu kwaꞌuǔn ꞌin neꞌ” a? ―ndukwin neꞌ―.
26503	JHN 8:53	¿Nxkeꞌ tiiꞌ chaꞌ chinꞌ la chaꞌ jlyo tiꞌ ayman Abraham ꞌwa, kaꞌan la chaꞌ jlyo tiꞌ nuꞌwin sikwa a? ¿Ta ngwañaꞌan nxkeꞌ tiiꞌ a? Loꞌo ayman Abraham, loꞌo xka ta ayman kanꞌ, wa ngujwi nchga neꞌ kanꞌ. ¿Ti ka nu lka nuꞌwin, nxkeꞌ tiiꞌ a?
26506	JHN 8:56	Ayman Abraham ꞌwan ni, lye ꞌa ngwa tiꞌ yu chaꞌ ñaꞌan yu ꞌñaǎn xa wa ngulaǎn lo chalyuu. Loꞌo ngwañaꞌan ngwa, naꞌan yu kula ꞌñaǎn, loꞌo suꞌwe ꞌa ngwa tiye yu bra kanꞌ.
26507	JHN 8:57	Lye ꞌa ykwiꞌ neꞌ judío loꞌo Jesús bra kanꞌ: ―Ja ya xuꞌwii tuꞌwatyii yijan ―ndukwin neꞌ ꞌin yu―. ¿Ni sa ñaꞌan ngwa chaꞌ wa naꞌaan ꞌin ayman Abraham sikwa a?
26508	JHN 8:58	―Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―. Wa nsuꞌwiǐn xa nu ngula ayman Abraham kanꞌ.
26867	JHN 18:13	Kulo ndukwa la ndyaa loꞌo neꞌ ꞌin yu seꞌen ndiꞌin ska yu kula nu naan Anás, sti lyaa Caifás nu ngwa xꞌnan sti joꞌo yijan kanꞌ.
26878	JHN 18:24	Kanꞌ ngulo yu kula Anás tñan ꞌin neꞌ chaꞌ tyaa loꞌo neꞌ ꞌin Jesús, ñaꞌan nchkanꞌ ti yu, tsaa neꞌ seꞌen ndiꞌin Caifás nu nka xꞌnan sti joꞌo.
26932	JHN 19:38	Xa wa msiin la ndyaa ska yu nu naan Se Arimatea seꞌen ndiꞌin Pilato kanꞌ. Ti kwiꞌ nten nu yꞌni xaꞌan chaꞌ ꞌin Jesús lka yu kanꞌ, ni siya mnan ti yꞌni xaꞌan yu. Ntsen yu si ka biyaꞌ tiꞌ neꞌ judío taꞌa kichen tyi yu chaꞌ ngiꞌni xaꞌan yu chaꞌ ꞌin Jesús. Ndyaa yu mjñan yu chabiyaꞌ ꞌin Pilato chaꞌ tsaa loꞌo yu ꞌin ayman Jesús chaꞌ katsiꞌ. Mda Pilato chabiyaꞌ tsaa loꞌo yu ꞌin ayman kanꞌ. Bra kanꞌ ndyaa Se seꞌen nduun wsi, ndyaa yꞌya yu ꞌin ayman Jesús, chaꞌ tsaa loꞌo yu ꞌin tuꞌwa kwaa.
27005	ACT 1:13	Ndla ti ngala neꞌ kichen kanꞌ, ndyaa neꞌ ska niꞌ ñaꞌan kwan seꞌen ndiꞌin neꞌ bra kanꞌ: ndiya Tyu, loꞌo Santiago, loꞌo Xuwa, loꞌo Ndre, loꞌo Lpe, loꞌo Toma, loꞌo Bartolo, loꞌo Mateo, loꞌo xka Santiago sñiꞌ Alfeo, loꞌo Simón nu ngwa ꞌin ska ta nten cananista, loꞌo Juda taꞌa Santiago.
27011	ACT 1:19	Bra ti ngwa biyaꞌ tiꞌ nchga nten kichen Jerusalén, kanꞌ chaꞌ ykwiꞌ neꞌ chaꞌ ꞌin neꞌ chaꞌ Acéldama naan yuu seꞌen ngulyuu yu; nde ñaꞌan ndyoꞌo chaꞌ kanꞌ ―Yuu seꞌen ngalu tnen nten―.
27027	ACT 2:9	Kaꞌan ꞌa kichen seꞌen mdoꞌoan. Wa lkaan neꞌ Partia, neꞌ Media, neꞌ Elam, neꞌ Mesopotamia, neꞌ Judea, neꞌ Capadocia, neꞌ Ponto, neꞌ nde lo yuu ꞌin Asia,
27028	ACT 2:10	neꞌ Frigia, neꞌ Panfilia, neꞌ Egipto, neꞌ Africa nu ndiꞌin nde loo la ꞌin kichen Cirene; kwiꞌ ngwañaꞌan neꞌ romano, loꞌo ndiꞌin neꞌ kanꞌ nde re, ni siya nten nu lka sñiꞌ neꞌ judío taꞌaan, ni siya xka ta neꞌ romano nu suꞌwa ti ngiꞌni tnun ꞌin Ndiose loꞌoan ―ndukwin neꞌ kanꞌ―.
27029	ACT 2:11	Loꞌo ndiꞌin neꞌ Creta, ndiꞌin neꞌ Arabia. Taꞌaan nnaan nchkwiꞌ neꞌ chaꞌ nu nchkwianꞌ, suꞌwa nnaan nchga chaꞌ tnun nu yꞌni Ndiose.
27078	ACT 3:13	Stian Ndiose, ti kwiꞌ Ni lka nu yꞌni tnun ayman kula ꞌñaan ti sꞌni, ni siya ayman Abraham, ni siya ayman Isaac, ni siya ayman Jacob; nchga ayman ꞌñaan yꞌni tnun neꞌ ꞌin Ndiose kanꞌ. Ndiose nu tlyu la ti lka nu nda chabiyaꞌ ꞌin Jesús Sñiꞌ Ni chaꞌ ka yu ndloo. Msñi wan ꞌin Jesús kanꞌ nu ngwa xkanꞌ ti, ndyaa loꞌo wan ꞌin yu, ndyaa stya wan kiꞌya ꞌin yu tloo neꞌ nu nka ndloo; loꞌo xa nu ngwa tiꞌ gobernador Pilato chaꞌ tyoꞌo Jesús seꞌen laja ti, ja mslyaa wan bra kanꞌ.
27090	ACT 3:25	Taꞌaan lkaan taꞌa nten ꞌin ayman nu ngwaꞌan kityi ꞌin Ndiose kanꞌ; wa mskanꞌ Ndiose chaꞌ loꞌo ayman kula ꞌñaan, kanꞌ chaꞌ nganun chaꞌ suꞌwe kanꞌ ꞌñaan ni. Loꞌo wa ykwiꞌ Ndiose loꞌo Abraham kanꞌ, nu lka ayman ꞌñaan: “Ska neꞌ taꞌa wan nu tyiꞌin lo chalyuu nde loo la” ndukwin Ndiose ꞌin yu, “kanꞌ ka nu kuꞌni xuꞌwe kasiya ꞌin nchga nten chalyuu.”
27097	ACT 4:6	Mdiꞌin Anás nu ngwa xꞌnan sti joꞌo nu ngwa xkanꞌ, loꞌo mdiꞌin Caifás, loꞌo yu kula Xuwa, loꞌo Jantru, ndiꞌin nchga sti joꞌo nu nka ndloo.
27129	ACT 5:1	Loꞌo ndiya ska yu nu naan Ananías, loꞌo kwilyoꞌo yu naan Safira. Yjwiꞌ neꞌ chinꞌ yuu ꞌin neꞌ ꞌin xka nten.
27131	ACT 5:3	Ykwiꞌ Tyu loꞌo yu bra kanꞌ: ―Ananías ―ndukwin Tyu―, ¿ni nan lka ngwa ꞌiin a? ¿Ni chaꞌ mdaa chabiyaꞌ ꞌin kuneꞌ xaꞌan nu naan Satanás chaꞌ ka ndloo la niꞌ kasiya ꞌiin a? Kanꞌ lka nu mdatsaa ꞌiin chaꞌ mñi lyoꞌoo ꞌin Tyiꞌi Ndiose ―ndukwin Tyu ꞌin yu kanꞌ―. Ndukwiin chaꞌ nde lka nchga tñi nu mjwi ꞌiin loꞌo yuu kanꞌ, loꞌo siꞌi nchga tñi lka re.
27133	ACT 5:5	Xa wa ynan Ananías chaꞌ kanꞌ, bra ti ngulyuu yu loꞌo ngujwi yu bra kanꞌ. Ytsen ꞌa nchga neꞌ nu ndiꞌin kwiꞌ seꞌen ti bra kanꞌ.
27139	ACT 5:11	Ytsen ꞌa nchga nten nu msñi chaꞌ ꞌin Jesucristo chaꞌ ngwañaꞌan ngwa ꞌin ayman Ananías loꞌo kwilyoꞌo yu, kwiꞌ ngwañaꞌan ytsen ꞌa nchga nten nu ynan chaꞌ kanꞌ.
27175	ACT 6:5	―Suꞌwe sikwa ―ndukwin nchga nten kanꞌ―, ngwañaꞌan kuꞌni ba. Kanꞌ ngulo suwi neꞌ ꞌin Steba, ska yu nu ndyaa ñaꞌan ꞌa tiꞌ ꞌin Jesucristo; loꞌo chañi chaꞌ nsuꞌwi Tyiꞌi Ndiose niꞌ kasiya ꞌin yu kanꞌ. Kwiꞌ ngwañaꞌan ngulo suwi neꞌ ꞌin Lpe, loꞌo Prócoro, loꞌo Nicanor, loꞌo Timón, loꞌo Parmenas, loꞌo Nicolás nu ngwa neꞌ kichen Antioquía. Kulo ndukwa wa msñi Nicolás kanꞌ chaꞌ ꞌin neꞌ judío, nu ti ji sten yu chaꞌ ꞌin Jesús.