| 23216 | MAT 1:3 | loꞌo ayman Juda kanꞌ ngwa sti Fares loꞌo Zara, loꞌo Tamar ngwa naan jyaꞌan neꞌ kanꞌ bra kanꞌ. Loꞌo ayman Fares kanꞌ ngwa sti Esrom; loꞌo ayman Esrom kanꞌ ngwa sti Aram; |
| 23222 | MAT 1:9 | loꞌo ayman Uzías kanꞌ ngwa sti Jotam; loꞌo ayman Jotam kanꞌ ngwa sti Acaz; loꞌo ayman Acaz kanꞌ ngwa sti Ezequías; |
| 23223 | MAT 1:10 | loꞌo ayman Ezequías kanꞌ ngwa sti Manasés; loꞌo ayman Manasés kanꞌ ngwa sti Amón; loꞌo ayman Amón kanꞌ ngwa sti Josías; |
| 23226 | MAT 1:13 | loꞌo ayman Zorobabel kanꞌ ngwa sti Abiud; loꞌo ayman Abiud kanꞌ ngwa sti Eliaquim; loꞌo ayman Eliaquim kanꞌ ngwa sti Azor; |
| 23227 | MAT 1:14 | loꞌo ayman Azor kanꞌ ngwa sti Sadoc; loꞌo ayman Sadoc kanꞌ ngwa sti Aquim; loꞌo ayman Aquim kanꞌ ngwa sti Eliud; |
| 23228 | MAT 1:15 | loꞌo ayman Eliud kanꞌ ngwa sti Eleazar; loꞌo ayman Eleazar kanꞌ ngwa sti Matán; loꞌo ayman Matán kanꞌ ngwa sti Jacob. |
| 23236 | MAT 1:23 | Ka tnan ska nu kunaꞌan kuneꞌ nu ti ji xuꞌwi kiꞌyu ꞌin, loꞌo bra kanꞌ tyiꞌin ska kuwiꞌ kiꞌyu ꞌin; Emanuel chkwiꞌ neꞌ ꞌin kuwiꞌ kanꞌ. Ngwañaꞌan ndukwa chaꞌ lo kityi, kanꞌ chaꞌ ngwañaꞌan ngwa ꞌin Liya bra kanꞌ. Nu nchkwiꞌ neꞌ Emanuel ni, nde lka chaꞌ kanꞌ chaꞌtñan: Suꞌwa ndiꞌin Ndiose loꞌoan. |
| 23251 | MAT 2:13 | Bra nu wa mdoꞌo neꞌ tiya kanꞌ ndyaa neꞌ kichen tyi neꞌ, bra kanꞌ ykwiꞌ sla Se. Mdoꞌo tukwa ska angajle laja sla yu, ykwiꞌ loꞌo yu bra kanꞌ: ―Xaa tiiꞌ ―ndukwin angajle kanꞌ ꞌin Se―. Tyituun, xnaan lyaa ―ndukwin―, tsaa loꞌoo ꞌin jyaꞌan kuwiꞌ tijyuꞌ la lo yuu ꞌin Egipto. Tyiꞌin wan nde kwa sa ñaꞌan bra nu katsaǎnꞌ ꞌiin chaꞌ ka tyaan wan nde nasiyun re xiyaꞌ. Tlá ꞌa ree Herodes kanꞌ; wa kan ti yu kichen re chaꞌ kunaan yu ꞌin kuwiꞌ ꞌwan, chaꞌ kujwi yu ꞌin kuwiꞌ ꞌwan, nchka tiꞌ yu. |
| 23252 | MAT 2:14 | Bra ti mxaa tiꞌ Se, ndyaa loꞌo ꞌin kuwiꞌ loꞌo jyaꞌan kuwiꞌ xa nu ti tla; ndyaa neꞌ nde Egipto bra kanꞌ. |
| 23253 | MAT 2:15 | Nganun neꞌ la kanꞌ sa ñaꞌan bra nu ngujwi Herodes, nu ree tlá kanꞌ. Loꞌo nde lka ti kwiꞌ chaꞌ nu wa ykwiꞌ ayman kula loꞌo nten chabiyaꞌ ꞌin Ndiose nu ngwa sꞌni: “Siꞌyaǎn ꞌin Sñiěnꞌ chaꞌ tyoꞌo lo yuu nu kwenta ꞌin Egipto, chaꞌ tyaan yu kichen tyi yu xiyaꞌ” ndukwin Ndiose nu nka Xꞌnaan. Kanꞌ chaꞌ ngwañaꞌan ngwa ꞌin neꞌ bra kanꞌ, chaꞌ ndyaa neꞌ nde Egipto. |
| 23257 | MAT 2:19 | Chunꞌ ndiꞌin la, ngujwi ree Herodes kanꞌ bra kanꞌ. Kanꞌ mdoꞌo tukwa ska angajle seꞌen ndiꞌin Se laja sla yu, chaꞌ ti ndiꞌin Se lo yuu ꞌin Egipto: |
| 23542 | MAT 11:14 | Ti kwiꞌ yu kanꞌ lka ñaꞌan tiꞌ Elías nu ngwa sꞌni, nu ykwiꞌ chaꞌ ꞌin Ndiose loꞌo nten. Wa sꞌni ndukwa chaꞌ tyaan Elías kanꞌ xiyaꞌ, si xlyaa wan xñi wan chaꞌ kanꞌ. |
| 23755 | MAT 16:14 | ―Ndiya nten nu nchkwiꞌ chaꞌ nuꞌwin lkaa ayman Xuwa nu mdukwatya ꞌin nten nu ngwa xkanꞌ ―ndukwin neꞌ ꞌin Jesús―. Loꞌo ndiya nten nu nchkwiꞌ chaꞌ ayman Elías lkaa. Loꞌo ndiya nten nu nchkwiꞌ chaꞌ ayman Jeremías lkaa. Loꞌo ndiya nten nu nchkwiꞌ chaꞌ wa ndyuꞌu xka ayman xiyaꞌ nu ykwiꞌ chaꞌ ꞌin Ndiose loꞌo nten nu ngwa sꞌni; ti kwiꞌ kanꞌ lka nuꞌwin, ndukwin neꞌ. |
| 23772 | MAT 17:3 | Ti kwiꞌ bra kanꞌ mdoꞌo tukwa ayman Moisés loꞌo ayman Elías, nduun neꞌ nchkwiꞌ neꞌ loꞌo Jesús. Loꞌo taꞌa ndaꞌan Jesús ni, naꞌan neꞌ ꞌin neꞌ kanꞌ. |
| 23773 | MAT 17:4 | Kwiꞌ ykwiꞌ Tyu loꞌo Jesús bra kanꞌ: ―Xꞌnaǎn ―ndukwin Tyu ꞌin yu―, ¡suꞌwe ꞌa chaꞌ loꞌo bare ndiꞌin ba! ―ndukwin―. ¿Ta suꞌwe nchka tiiꞌ si kwiñan ba snan naꞌan xuwe ti a? Ska ka seꞌen tyiꞌin ykwiiꞌ, xka ka seꞌen tyiꞌin yu kula Moisés, xka ka seꞌen tyiꞌin yu kula Elías. |
| 23779 | MAT 17:10 | Loꞌo neꞌ nu ngiꞌni xaꞌan chaꞌ ꞌin Jesús, mnichaꞌ neꞌ ꞌin yu bra kanꞌ: ―¿Ni sa ñaꞌan ndyoꞌo chaꞌ nu nchkwiꞌ kityi kula sikwa? Nchkwiꞌ ran chaꞌ ti kulo la ndiꞌin chaꞌ kan ayman Elías lo chalyuu xiyaꞌ ―ndukwin neꞌ ꞌin yu. |
| 23780 | MAT 17:11 | ―Chañi chaꞌ kan Elías kulo, chaꞌ kuꞌni xuꞌwe yu ꞌin nchga lo nan ―ndukwin Jesús―. |
| 23781 | MAT 17:12 | Chañi katsaǎnꞌ ꞌwan chaꞌ wa lka yan nu lka Elías lo chalyuu nu ngwa xkanꞌ ti; loꞌo ja yuꞌwi lyo neꞌ ꞌin yu, kanꞌ chaꞌ yꞌni neꞌ chaꞌ kuxi loꞌo yu. Kwiꞌ ngwañaꞌan ta neꞌ nu tiꞌí ꞌñaǎn, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten. |
| 24244 | MAT 27:46 | Ti kwiꞌ bra wa snan siin, kanꞌ kwen ꞌa msiꞌya Jesús: ―Elí, Elí, ¿lama sabactani? ―ndukwin yu. Nde lka chaꞌ kanꞌ chaꞌtñan: Ndiose Stiǐn, Ndiose Stiǐn, ¿ni chaꞌ lka ngulaa yaaꞌ ꞌñaǎn ni? |
| 24245 | MAT 27:47 | Bra wa ynan nten nu nduun kwiꞌ seꞌen ti, ykwiꞌ neꞌ loꞌo taꞌa neꞌ: ―Msiꞌya yu re ꞌin ayman Elías ―ndukwin neꞌ bra kanꞌ. |
| 24247 | MAT 27:49 | Loꞌo xka ta nten ndukwin: ―Kataan si chañi chaꞌ kan ayman Elías chaꞌ kulaa ꞌin yu ―ndukwin neꞌ kanꞌ. |
| 24491 | MRK 6:15 | ―Siꞌi nu kanꞌ ―ndukwin xka ta nten―. Ayman Elías lka yu kiꞌyu re. ―Siꞌi ngwañaꞌan ―ndukwin xka ta nten―. Ska nten nu nchkwiꞌ chaꞌ ꞌin Ndiose lka yu re, ñaꞌan tiꞌ ayman nu mdiꞌin sꞌni, nu ykwiꞌ loꞌo nten chaꞌ ꞌin Ndiose. |
| 24566 | MRK 7:34 | Kanꞌ naꞌan Jesús nde niꞌ kwan, lye ꞌa ynen ndyaan tyiꞌi yu bra kanꞌ. ―¡Efata! ―ndukwin Jesús ꞌin yu tiꞌí kanꞌ bra kanꞌ. Kanꞌ nu nchka tiꞌ chkwiꞌ: ¡Kalaa tu nskaan! |
| 24597 | MRK 8:28 | ―Nsuꞌwi nten nu nchkwiꞌ chaꞌ ayman Xuwa nu mdukwatya ꞌin nten nu ngwa sꞌni lkaa ―ndukwin neꞌ―. Xka ta nten ni, nchkwiꞌ neꞌ chaꞌ ayman Elías lkaa; loꞌo xka ta nten ni, nchkwiꞌ neꞌ chaꞌ ska ayman nu ykwiꞌ loꞌo nten chaꞌ ꞌin Ndiose sꞌni lkaa. |
| 24611 | MRK 9:4 | Laja nu naꞌan neꞌ kanꞌ, mdoꞌo tukwa ayman Elías loꞌo ayman Moisés, mduun ayman kanꞌ nchkwiꞌ neꞌ loꞌo Jesús. |
| 24612 | MRK 9:5 | Bra kanꞌ ykwiꞌ Tyu loꞌo Jesús: ―Mstru ―ndukwin―, ¡suꞌwe ꞌa chaꞌ ndiꞌin ba loꞌoo nde re! Taa chabiyaꞌ kwiñan ba snan teꞌ naꞌan, ska ka seꞌen tyiꞌin ykwiꞌ nuꞌwin, xka ka seꞌen tyiꞌin niMoisés, xka ka seꞌen tyiꞌin niElías ―ndukwin Tyu ꞌin Jesús. |
| 24618 | MRK 9:11 | Bra kanꞌ mnichaꞌ neꞌ kanꞌ ꞌin Jesús: ―Mstru nu nduꞌu chaꞌ joꞌo kanꞌ ni, ¿ni sa ñaꞌan ndyoꞌo chaꞌ nu nchkwiꞌ mstru kanꞌ a? Ndukwin neꞌ chaꞌ kulo ndukwa la ndiꞌin chaꞌ kan ayman Elías lo chalyuu re xiyaꞌ ―ndukwin neꞌ ꞌin Jesús. |
| 24619 | MRK 9:12 | ―Chañi, ndiꞌin chaꞌ kan ayman Elías kulo, chaꞌ kuꞌni xuꞌwe ꞌin nchga nan ―ndukwin Jesús―. Katsaǎnꞌ ñi ꞌwan ni, chaꞌ wa lka mdiyan ayman Elías kanꞌ lo chalyuu re. Loꞌo wa yꞌni neꞌ loꞌo yu sa ñaꞌan nu ndukwa lo kityi kula chaꞌ ka ꞌin yu bra kanꞌ ―ndukwin Jesús ꞌin neꞌ kanꞌ―. Kwiꞌ ngwañaꞌan, wa ndukwa chaꞌ ꞌñaǎn lo kityi ꞌin Ndiose, chaꞌ ndiꞌin chaꞌ tyijiǐn nu tiꞌí ni siya wa msuꞌwa Ndiose ꞌñaǎn ndijyaǎn chaꞌ kaǎn nten, loꞌo ndiꞌin chaꞌ chkwiꞌ neꞌ chaꞌ kuxi ꞌñaǎn. |
| 24929 | MRK 15:34 | Loꞌo bra wa snan siin, bra kanꞌ kwen msiꞌya Jesús: ―Eloi, Eloi, ¿lama sabactani? ―ndukwin. Nde ñaꞌan ndyoꞌo chaꞌ kanꞌ chaꞌtñan: Ndiose ꞌñaǎn, Ndiose ꞌñaǎn, ¿ni chaꞌ ngulaa yaaꞌ ꞌñaǎn? |
| 24930 | MRK 15:35 | Ynan chinꞌ nten nu nduun kwiꞌ seꞌen ti, loꞌo ja ngwa biyaꞌ tiꞌ neꞌ ni chaꞌ ngwa nu ykwiꞌ yu: ―Kunan suꞌwe wan, wa msiꞌya yu ꞌin ayman Elías ―ndukwin neꞌ kanꞌ. |
| 24931 | MRK 15:36 | Kanꞌ msnan ska nten ndyaa ꞌya yu ska kiche; mchaꞌ yu ꞌin kiche kanꞌ loꞌo mñun tiyeꞌ bra kanꞌ, mskwen yu ꞌin ran kijin tuꞌwa Jesús loꞌo ska yka ti chaꞌ koꞌo Jesús, ngwa tiꞌ yu. ―Kataan chinꞌ ―ndukwin nten kanꞌ―, ñaꞌaan si kan ayman Elías chaꞌ tiꞌya ꞌin Jesús re lo wsi. |
| 24967 | LUK 1:5 | Bra nu ngwa ree Herodes tñan, chaꞌ lka yu ndloo ꞌin neꞌ Judea, bra kanꞌ mdiꞌin ska sti joꞌo nu naan Zacarías. Mdiꞌin Zacarías loꞌo ska ta sti joꞌo nu nduun tñan seꞌen mduun ayman Abías nu ngwa sꞌni. Elisabet naan kwilyoꞌo Zacarías, lka ti kwiꞌ nten taꞌa ayman Aarón nu ngwa sti joꞌo ti kulo la. |
| 24979 | LUK 1:17 | Ti kwiꞌ tyiꞌi nu mdiꞌin niꞌ kasiya ꞌin ayman Elías nu yaa loꞌo Ndiose ꞌin nu ngwa sꞌni, ti kwiꞌ tyiꞌi kanꞌ kaja ꞌin Xuwa ni. Chunꞌ ndiꞌin la kan Xuwa chkwiꞌ loꞌo nten chaꞌ kiꞌya tlaꞌ tiye nten, chaꞌ ja xuun ꞌa neꞌ loꞌo sñiꞌ neꞌ. Bra kanꞌ ka xaꞌan nchga chaꞌ nu nsuꞌwi tiye neꞌ, chaꞌ tukwa neꞌ nchga chaꞌ nu ñi. Loꞌo chkwiꞌ Xuwa loꞌo neꞌ chaꞌ kuꞌni xuꞌwe neꞌ tiye neꞌ, chaꞌ xlyaa neꞌ sten neꞌ chaꞌ ꞌin Ndiose. Bra kanꞌ kan ykwiꞌ Krixtu. |
| 25117 | LUK 3:23 | Kalatyii yijan nsuꞌwi Jesús bra nu mdyisnan ngiꞌni yu tñan ꞌin Ndiose Sti yu. Mskeꞌ tiꞌ neꞌ chaꞌ Se ngwa sti yu, loꞌo sti Se ngwa ayman Elí; |
| 25118 | LUK 3:24 | loꞌo sti Elí kanꞌ ngwa ayman Matat; Leví ngwa naan sti Matat kanꞌ; Melqui ngwa naan sti Leví kanꞌ; Janan ngwa naan sti Melqui kanꞌ; loꞌo xka Se ngwa sti Janan kanꞌ; |
| 25119 | LUK 3:25 | Matatías ngwa naan sti Se kanꞌ; Amós ngwa naan sti Matatías kanꞌ; Nahum ngwa naan sti Amós kanꞌ; Esli ngwa naan sti Nahum kanꞌ; Nagai ngwa naan sti Esli kanꞌ; |
| 25122 | LUK 3:28 | loꞌo xka nu naan Melqui ngwa sti Neri kanꞌ; Adi ngwa naan sti Melqui kanꞌ; Cosam ngwa naan sti Adi kanꞌ; Elmodam ngwa naan sti Cosam kanꞌ; Er ngwa naan sti Elmodam kanꞌ; |
| 25123 | LUK 3:29 | Josué ngwa naan sti Er kanꞌ; Eliezer ngwa naan sti Josué kanꞌ; Jorim ngwa naan sti Eliezer kanꞌ; loꞌo xka Matat ngwa sti Jorim kanꞌ; |
| 25124 | LUK 3:30 | loꞌo xka nu naan Leví ngwa sti Matat kanꞌ; Simeón ngwa naan sti Leví kanꞌ; loꞌo xka nu naan Judá ngwa sti Simeón kanꞌ; loꞌo xka nu naan Se ngwa sti Judá kanꞌ; Jonán ngwa naan sti Se kanꞌ; Eliaquim ngwa naan sti Jonán kanꞌ; |
| 25125 | LUK 3:31 | Melea ngwa naan sti Eliaquim kanꞌ; Mainán ngwa naan sti Melea kanꞌ; Matata ngwa naan sti Mainán kanꞌ; Natán ngwa naan sti Matata kanꞌ; |
| 25127 | LUK 3:33 | Aminadab ngwa naan sti Naasón kanꞌ; Aram ngwa naan sti Aminadab kanꞌ; Esrom ngwa naan sti Aram kanꞌ; Fares ngwa naan sti Esrom kanꞌ; loꞌo xka nu naan Judá ngwa sti Fares kanꞌ; |
| 25131 | LUK 3:37 | Matusalén ngwa naan sti Lamec kanꞌ; Enoc ngwa naan sti Matusalén kanꞌ; Jared ngwa naan sti Enoc kanꞌ; Mahalaleel ngwa naan sti Jared kanꞌ; loꞌo xka nu naan Cainán ngwa sti Mahalaleel kanꞌ; |
| 25132 | LUK 3:38 | Enós ngwa naan sti Cainán kanꞌ; Set ngwa naan sti Enós kanꞌ; Adán ngwa naan sti Set kanꞌ; loꞌo ñi la chkwiǐnꞌ chaꞌ Ndiose lka sti ayman Adán kanꞌ, chaꞌ Ndiose lka nu wa mñan ꞌin Adán kanꞌ. Nchga nten nu ndukwa nin lo kityi re ni, ngwa neꞌ ayman ꞌin Jesucristo lo chalyuu nu ngwa ti sꞌni. |
| 25157 | LUK 4:25 | Tyempu nu mdiꞌin ayman Elías lo chalyuu nu ngwa sꞌni ―ndukwin―, nsuꞌwi tiꞌ wan chaꞌ wa mdijin snan yijan ndukwa skwa koꞌ nu ja ngwiꞌya tyoo siyaꞌ ti; tlyu ꞌa jwiꞌñan ngwa tyukwi ñaꞌaan chalyuu bra kanꞌ. Mdiꞌin tyun ꞌa nu kunaꞌan nu nganun ska ti lo yuu re tyempu kanꞌ. |
| 25158 | LUK 4:26 | Bra kanꞌ msuꞌwa Ndiose ꞌin Elías chaꞌ tsaa yu seꞌen ndiꞌin ska nu kunaꞌan nu nganun ska ti nde kichen Sarepta, ska kichen tijyuꞌ la nde lo yuu ꞌin Sidón. Ja yaa Elías seꞌen ndiꞌin ska nu kunaꞌan tiꞌi taꞌa kichen tyi yu. |
| 25159 | LUK 4:27 | Ti kwiꞌ ngwañaꞌan ngwa bra nu mdiꞌin ayman Eliseo. Ti kwiꞌ tyempu kanꞌ, mdiꞌin ꞌa neꞌ tiꞌí nu ngutsuꞌ kunaꞌ lo yuu re. Loꞌo kanꞌ ja ska neꞌ kanꞌ nchkaa neꞌ ꞌin kicha tnun kanꞌ; ska ti Naamán kanꞌ, ska ti yu kanꞌ wa nchkaa yu, loꞌo ska nten xka laꞌa tsuꞌ ngwa yu, chaꞌ wa mdoꞌo yu lo yuu ꞌin Siria ―ndukwin Jesús ꞌin neꞌ kanꞌ. |
| 25378 | LUK 9:8 | Loꞌo mdiya nten nu nchkwiꞌ chaꞌ xiyaꞌ ndyoꞌo tukwa ayman Elías nu yuꞌwi lo chalyuu nu ngwa sꞌni, nchkwiꞌ neꞌ chaꞌ ayman kanꞌ lka Jesús; kwiꞌ ngwañaꞌan, mdiya nten nu nchkwiꞌ chaꞌ xka ayman nu ykwiꞌ chaꞌ ꞌin Ndiose loꞌo nten nu ngwa sꞌni lka Jesús, chaꞌ wa ndyuꞌu ayman kanꞌ xiyaꞌ, ndukwin neꞌ. |
| 25389 | LUK 9:19 | ―Ndiya nten nu nchkwiꞌ chaꞌ nuꞌwin lkaa ayman Xuwa nu mdukwatya ꞌin nten nu ngwa sꞌni ―ndukwin neꞌ ꞌin yu―, loꞌo ndiya nu nchkwiꞌ chaꞌ ayman Elías lkaa, loꞌo ndiya xka ta nu nchkwiꞌ chaꞌ nuꞌwin lkaa ska ayman nu ykwiꞌ chaꞌ ꞌin Ndiose loꞌo nten nu ngwa sꞌni; sꞌni ꞌa ngujwi yu kanꞌ, loꞌo ni, ndyuꞌu yu kanꞌ xiyaꞌ, nchkwiꞌ neꞌ. |
| 25400 | LUK 9:30 | Bra kanꞌ mdoꞌo tukwa tyukwa yu kiꞌyu nde seꞌen nduun Jesús, mduun ti neꞌ kanꞌ ykwiꞌ neꞌ loꞌo Jesús; ayman Moisés loꞌo ayman Elías nu yuꞌwi lo chalyuu sꞌni ngwa neꞌ kanꞌ. |
| 25403 | LUK 9:33 | Bra wa tyaa ti taꞌa tyukwaa neꞌ kanꞌ, bra kanꞌ ykwiꞌ Tyu loꞌo Jesús: ―Xꞌnan ba ―ndukwin―, ¡suꞌwe ꞌa chaꞌ ndiꞌin ba nde! ¿Ta suꞌwe si kwiñan ba snan rmara a? Ska ka seꞌen tyiꞌin ykwiiꞌ, xka ran ka seꞌen tyiꞌin Moisés, loꞌo xka ran ka seꞌen tyiꞌin Elías ―ndukwin. Loꞌo Tyu ni, ja ngwa biyaꞌ tiꞌ yu sa ñaꞌan ndyoꞌo chaꞌ nu ykwiꞌ yu. |
| 25424 | LUK 9:54 | Bra wa ynan Santiago loꞌo Xuwa taꞌa ndaꞌan Jesús chaꞌ kanꞌ, bra ti ykwiꞌ neꞌ kanꞌ loꞌo Jesús: ―Yu kula ―ndukwin neꞌ kanꞌ―, ¿ta ja nchka tiiꞌ chaꞌ jñan ba kiiꞌ nu tyoꞌo nde niꞌ kwan chaꞌ kaluu lyuu seꞌen ndiꞌin neꞌ kwa a? Kuꞌni tyii ran ꞌin neꞌ siyaꞌ ti, skin neꞌ bra kanꞌ. Ngwañaꞌan yꞌni ayman Elías sꞌni ―ndukwin neꞌ ꞌin Jesús. |
| 26073 | LUK 24:13 | Ti kwiꞌ tsan kanꞌ mdoꞌo yu tukwa yu ndyaa yu nde kichen Emaús. Kichen kanꞌ nsuꞌwi tii xka kilómetro biyaꞌ tijyuꞌ ꞌin Jerusalén. |
| 26095 | LUK 24:35 | Bra kanꞌ loꞌo yu nu yaa nde kichen Emaús, ytsaꞌ yu ꞌin taꞌa yu sa ñaꞌan nu ngwa ꞌin yu tuwiin; ndukwin yu sa ñaꞌan ngwa chaꞌ yuꞌwi lyo yu ꞌin Jesús bra nu mkwan Jesús ꞌin jaxlya nu yku yu bra kanꞌ. |
| 26134 | JHN 1:21 | ―¿Ti ka nu lkaa sikwa a? ―ndukwin neꞌ ꞌin yu―. ¿Ayman Elías lkaa a? ―Siꞌi nu kanꞌ lkaǎn ―ndukwin Xuwa. ―Wa tyoꞌo tukwa ti ska yu kula nu chkwiꞌ chaꞌ ꞌin Ndiose loꞌo ba, nxkeꞌ tiꞌ ba ―ndukwin neꞌ―. ¿Siꞌi nu kanꞌ lkaa a? ―Siꞌi naꞌ ―ndukwin Xuwa bra kanꞌ. |
| 26138 | JHN 1:25 | Xiyaꞌ ykwiꞌ neꞌ kanꞌ loꞌo Xuwa bra kanꞌ: ―¿Ni chaꞌ lka nduun ndukwatyaa ꞌin nten a?, chaꞌ siꞌi nten tnun kanꞌ lkaa, siꞌi ayman Elías lkaa, siꞌi yu kula nu chkwiꞌ chaꞌ ꞌin Ndiose lkaa. |
| 26212 | JHN 3:23 | Loꞌo ndiꞌin Xuwa kwiꞌ seꞌen ti, chaꞌ ti ndukwatya yu ꞌin nten; ndiꞌin yu ska seꞌen naan Enón, kwiꞌ seꞌen ti Salim, seꞌen tlya ꞌa tyiꞌa. Kaꞌan ꞌa nten ndaꞌan neꞌ chaꞌ tukwatya yu ꞌin neꞌ. |
| 26646 | JHN 11:54 | Loꞌo mdoꞌo Jesús lo yuu kanꞌ; ja ndyaa ꞌa yu seꞌen ndiꞌin neꞌ judío, ndyaa yu xka lo yuu seꞌen tijyuꞌ la chinꞌ, tuꞌwa yuu wtyi. Ngala yu ska kichen seꞌen naan Efraín bra kanꞌ, la kanꞌ mdiꞌin Jesús loꞌo neꞌ nu ngiꞌni xaꞌan chaꞌ ꞌin yu. |
| 27027 | ACT 2:9 | Kaꞌan ꞌa kichen seꞌen mdoꞌoan. Wa lkaan neꞌ Partia, neꞌ Media, neꞌ Elam, neꞌ Mesopotamia, neꞌ Judea, neꞌ Capadocia, neꞌ Ponto, neꞌ nde lo yuu ꞌin Asia, |
| 27028 | ACT 2:10 | neꞌ Frigia, neꞌ Panfilia, neꞌ Egipto, neꞌ Africa nu ndiꞌin nde loo la ꞌin kichen Cirene; kwiꞌ ngwañaꞌan neꞌ romano, loꞌo ndiꞌin neꞌ kanꞌ nde re, ni siya nten nu lka sñiꞌ neꞌ judío taꞌaan, ni siya xka ta neꞌ romano nu suꞌwa ti ngiꞌni tnun ꞌin Ndiose loꞌoan ―ndukwin neꞌ kanꞌ―. |
| 27194 | ACT 7:9 | ’Mdiya ska sñiꞌ Jacob nu naan Se. Ngwa ska tsan msinꞌ ꞌa tiꞌ taꞌa yu ꞌin yu, kanꞌ chaꞌ yjwiꞌ neꞌ ꞌin yu ꞌin neꞌ xka laꞌa tsuꞌ. Ngwiꞌya neꞌ ꞌin Se kanꞌ, ndyaa loꞌo neꞌ ꞌin yu la lo yuu ꞌin Egipto. Loꞌo ja ngulaa yaꞌ Ndiose ꞌin Se, |
| 27195 | ACT 7:10 | yꞌni Ni kwenta ꞌin yu chaꞌ ja yꞌni neꞌ kanꞌ chaꞌ kuxi loꞌo yu bra kanꞌ. Wa mdiya ska ree ndloo la ꞌin neꞌ Egipto, Faraón naan ree kanꞌ. Loꞌo yꞌni Ndiose chaꞌ ngwa biyaꞌ tiꞌ Faraón chaꞌ tiya ꞌa Se. Kanꞌ chaꞌ ndiya tiꞌ ree Faraón ꞌin yu, mda ree tñan ꞌin yu, chaꞌ ngwa Se ndloo la ꞌin nchga neꞌ Egipto loꞌo nchga msu nu ndiꞌin naꞌan tyi ree Faraón kanꞌ. |
| 27196 | ACT 7:11 | ’Chunꞌ ndiꞌin la lye ꞌa ngwa jwiꞌñan lo yuu Egipto kwa, kwiꞌ ngwañaꞌan ngwa la lo yuu ꞌin Canaán. Mdijin ꞌa neꞌ kanꞌ nu tiꞌí, ja mjwi nan ku ayman kula ꞌñaan. |
| 27197 | ACT 7:12 | Bra kanꞌ ynan ayman Jacob chaꞌ ti nsuꞌwi nan ku neꞌ la lo yuu Egipto, kanꞌ chaꞌ ngulo yu tñan ꞌin sñiꞌ yu chaꞌ tsaa yꞌya neꞌ nan ku neꞌ loꞌo taꞌa neꞌ, ti kwiꞌ sñiꞌ yu kanꞌ lka ayman ꞌñaan. Loꞌo ndyaa neꞌ kanꞌ ska yaꞌ bra kanꞌ. |
| 27200 | ACT 7:15 | Kanꞌ ndyaa Jacob kanꞌ lo yuu ꞌin Egipto loꞌo nchga taꞌa yu bra kanꞌ; ti ndaloo yu kula la tyun yijan la kwa sa ñaꞌan bra nu ngujwi yu. Chunꞌ ndiꞌin la ngujwi nchga sñiꞌ ayman Jacob, nu lka ayman kula ꞌñaan kanꞌ. |
| 27201 | ACT 7:16 | Loꞌo ni, ja nganun tijyan ayman ꞌñaan lo yuu ꞌin Egipto. Bra nu mdoꞌo neꞌ ndyaa neꞌ, ndyaa loꞌo neꞌ ꞌin tijyan ayman kanꞌ, chaꞌ katsiꞌ neꞌ ꞌin tijyan xiyaꞌ niꞌ tukee nde kichen Siquem; tukee kanꞌ ngwa nu ngwiꞌya ayman Abraham ꞌin neꞌ Hamor ti sꞌni la, chaꞌ kaja seꞌen katsiꞌ sñiꞌ. |
| 27202 | ACT 7:17 | ’Kaꞌan a neꞌ taꞌa ayman kula ꞌñaan ngula lo yuu ꞌin Egipto. Nu ngwa sꞌni la, wa ykwiꞌ Ndiose loꞌo ayman Abraham kanꞌ, chaꞌ tyoꞌo laa taꞌa neꞌ nde Egipto, chaꞌ tyaa neꞌ nde Canaán. Loꞌo nde loo la, mdiya ska tsan nu ngwa chaꞌ kanꞌ. |
| 27203 | ACT 7:18 | Xka ree ngwa ndloo la ꞌin neꞌ Egipto bra kanꞌ, ree nu ja ya kunan ti ka nu ngwa ayman Se kanꞌ. |
| 27207 | ACT 7:22 | Xa wa nguluu Moisés kanꞌ, yꞌni xaꞌan yu nchga chaꞌ nu jlyo tiꞌ neꞌ tiya nde Egipto. Jlyo ꞌa tiꞌ Moisés nchga chaꞌ nu chkwiꞌ yu loꞌo neꞌ, chaꞌ tiya ꞌa yu. |
| 27209 | ACT 7:24 | Loꞌo naꞌan yu ꞌin ska neꞌ Egipto nu tiꞌí ꞌa ndyujwi ꞌin ska neꞌ Israel. Mdayaꞌ Moisés ꞌin yu taꞌa yu, yjwi tiꞌin yu ꞌin yu Egipto kanꞌ sa ñaꞌan yaꞌ nu ngujwi yu kanꞌ. |
| 27213 | ACT 7:28 | “Sa ñaꞌan nu yjwii ꞌin neꞌ Egipto kanꞌ la kaa, ¿ta kwiꞌ ngwañaꞌan kujwii ra ꞌñaǎn ni, nxkeꞌ tiiꞌ a?” |
| 27219 | ACT 7:34 | Wa naꞌaǎn nchga neꞌ Israel taꞌaa seꞌen ndiꞌin neꞌ la lo yuu Egipto kwa. Wa ngulo suwiǐn ꞌin nchga wan loꞌo taꞌa wan chaꞌ ka wan nten ꞌñaǎn, ni siya lye ꞌa nda neꞌ xaꞌan kanꞌ nu tiꞌí ꞌin nten ꞌñaǎn ni” ndukwin Ndiose. “Wa ynaǎn chaꞌ xiꞌin ꞌa nganen nsiꞌya neꞌ, kanꞌ chaꞌ mdiyaǎn chaꞌ kulaǎn ꞌin neꞌ. Ndloǔn tñan ꞌiin ni chaꞌ xituun, tyaa la lo yuu ꞌin Egipto xiyaꞌ.” |
| 27220 | ACT 7:35 | ’Nu ngwa sꞌni la ja mslyaa neꞌ Israel taꞌa Moisés chaꞌ ka yu ndloo la ꞌin neꞌ: “¿Ti ka lka nu nda chabiyaꞌ ꞌiin chaꞌ ka ndloo la ꞌwa, chaꞌ kuꞌni biyaaꞌ chaꞌ ꞌwa a?” ndukwin neꞌ ꞌin yu bra kanꞌ. Ti kwiꞌ Moisés kanꞌ, ngulo suwi Ndiose ꞌin yu chaꞌ ka yu ndloo la ꞌin neꞌ Israel taꞌa yu, chaꞌ kulaa yu ꞌin neꞌ kanꞌ ꞌin nu tiꞌí nu nda neꞌ xaꞌan nde Egipto ꞌin neꞌ; kanꞌ chaꞌ ngulo Ndiose tñan ꞌin Moisés bra nu naꞌan yu ꞌin angajle nduun laja kiiꞌ nu ndukwa loo suun kicheꞌ kanꞌ. |
| 27221 | ACT 7:36 | Mda Ndiose chabiyaꞌ ꞌin ayman Moisés chaꞌ kuꞌni yu chaꞌ tnun chaꞌ kuwe tiꞌ neꞌ Egipto. Chunꞌ chaꞌ ngwa ꞌin yu kuꞌni yu chaꞌ tnun kanꞌ, kanꞌ chaꞌ ngwa ꞌin yu kulo yu tñan ꞌin nchga neꞌ Israel taꞌa yu, xa nu mdoꞌo neꞌ lo yuu ꞌin Egipto. Mdaꞌan loꞌo Moisés ꞌin neꞌ kanꞌ. Xiyaꞌ yꞌni yu chaꞌ tnun tuꞌwa Tujoꞌo Ngaꞌa. Chunꞌ ndiꞌin la mdaꞌan loꞌo yu ꞌin neꞌ nde ska lo yuu wtyi seꞌen ja nsuꞌwi tyiꞌa koꞌo neꞌ, loꞌo xiyaꞌ yꞌni yu chaꞌ tnun chaꞌ kuwe tiꞌ neꞌ ꞌin Ndiose. Tuꞌwa yijan mdaꞌan Moisés loꞌo neꞌ kanꞌ. |
| 27224 | ACT 7:39 | ’Ja ynan suꞌwe ayman ꞌñaan chaꞌ nu ngwaꞌu Moisés ꞌin neꞌ, chaꞌ ja ngwa tiꞌ neꞌ kunan neꞌ chaꞌ kanꞌ. Ndyuꞌwi ꞌa tiꞌ neꞌ seꞌen mdiꞌin neꞌ nde Egipto, kanꞌ chaꞌ ngwa tiꞌ neꞌ tyaa neꞌ lo yuu kanꞌ xiyaꞌ. |
| 27225 | ACT 7:40 | Ti ndiya Moisés kanꞌ lo kiꞌya, loꞌo ykwiꞌ neꞌ loꞌo ayman Aarón nu ngwa sti joꞌo: “¿Ni chaꞌ ja kwiñaan ska joꞌo chaꞌ ꞌñaan chaꞌ kuꞌni tnuan ꞌin ran, sa ñaꞌan ngiꞌni tnun nten ꞌin ska joꞌo a?” ndukwin neꞌ ꞌin Aarón kanꞌ. “Wa ngwaꞌu Moisés tuwiin ꞌñaan bra nu mdoꞌoan lo yuu ꞌin Egipto, loꞌo ni, ja jlyo tianꞌ nan nka ngwa ꞌin yu kanꞌ.” |
| 27272 | ACT 8:27 | Bra ti mdoꞌo Lpe ndyaa tuwiin kanꞌ, loꞌo chunꞌ ndiꞌin la naꞌan yu ndijyan ska yu kiꞌyu neꞌ Etiopía. Ska nten nu tnun nchka lka yu kula kanꞌ, chaꞌ nka yu ndloo ꞌin nchga tñi nu ndiya ꞌin reina nu nka ndloo la lo yuu Etiopía kanꞌ; Candace naan nu kunaꞌan reina kanꞌ. Wa yaa yu kiꞌyu kanꞌ Jerusalén chaꞌ kuꞌni tnun yu ꞌin Ndiose. |
| 27279 | ACT 8:34 | Bra kanꞌ mnichaꞌ yu kula Etiopía kanꞌ ꞌin Lpe: ―Kuꞌnii chaꞌ suꞌwe kwaꞌuu chinꞌ ꞌñaǎn sa ñaꞌan nchkwiꞌ kityi re ―ndukwin yu ꞌin Lpe―. ¿Ti ka nu lka kujwi neꞌ ꞌin, ndukwin kityi re a? ―ndukwin yu kanꞌ―. ¿Ta ngwaꞌan ra ayman Isaías chaꞌ re chaꞌ ꞌin yu, ti ykwiꞌ ti yu a? ¿O ta chaꞌ ꞌin xka yu ngwaꞌan ayman chaꞌ re a? |
| 27284 | ACT 8:39 | Bra wa mdyii ndyukwatya yu, mdoꞌo neꞌ lo tyiꞌa bra kanꞌ. Bra ti ndyaa Lpe, ndyaa loꞌo Tyiꞌi Ndiose ꞌin yu chaꞌ tsaa yu xka seꞌen; ja naꞌan ꞌa yu kula kanꞌ ꞌin Lpe bra kanꞌ. Ndyaa yu kula Etiopía kanꞌ, ndyaa yu la lo yuu ꞌin kichen tyi yu bra kanꞌ; loꞌo suꞌwe ꞌa ngwa tiye yu kula kanꞌ bra kanꞌ. |
| 27318 | ACT 9:33 | Kwiꞌ kichen kanꞌ ndiꞌin ska yu kiꞌyu tiꞌí, Eneas naan yu; wa nchkunꞌ tyukwin yu, wa snuꞌ yijan nskwa yu lo kiꞌyan. |
| 27319 | ACT 9:34 | Ykwiꞌ Tyu loꞌo yu tiꞌí bra kanꞌ: ―Eneas ―ndukwin―, wa yꞌni Jesucristo chaꞌ nchkaa ―ndukwin―. Kanꞌ chaꞌ tyituun ni, tyukwaan kiꞌyan kwa ꞌiin. Bra ti mdyituun Eneas bra kanꞌ. |
| 27320 | ACT 9:35 | Nchga nten naꞌan ꞌa neꞌ ꞌin Eneas, chaꞌ nchkaa yu; naꞌan neꞌ taꞌa kichen tyi yu, loꞌo neꞌ kichen Sarón naꞌan neꞌ ꞌin yu. Loꞌo msñi neꞌ chaꞌ ꞌin Xꞌnaan Jesús, ngulo chunꞌ neꞌ chaꞌ xaꞌan nu ndiꞌin niꞌ kasiya ꞌin neꞌ bra kanꞌ. |
| 27439 | ACT 13:8 | Loꞌo ja ndiya tiꞌ yu taꞌá kanꞌ, chaꞌ ynan gobernador chaꞌ ꞌin Ndiose. (Elimas naan yu taꞌá kanꞌ chaꞌ nu nchkwiꞌ neꞌ kichen Pafos kanꞌ.) Lye ꞌa nxuun yu loꞌo Saulo loꞌo Bernabé, chaꞌ ngwa tiꞌ yu tukunꞌ yu chaꞌ ꞌin gobernador chaꞌ ja xñi yu kula kanꞌ chaꞌ ꞌin Ndiose nu ykwiꞌ taꞌa tyukwaa neꞌ kanꞌ loꞌo yu. |
| 27448 | ACT 13:17 | Ti kwiꞌ Ndiose nu ngiꞌniin tnuan ꞌin, ti kwiꞌ Ni lka nu ngulo suwi ꞌin ayman kula ꞌñaan chaꞌ ka neꞌ kaꞌan la nten nde loo la. Ti mdiꞌin ayman ꞌñaan lo yuu Egipto loꞌo kaꞌan ꞌa nten ngwa neꞌ, ni siya ja lka kichen kanꞌ kichen tyi neꞌ. Bra kanꞌ tlyu ꞌa tñan yꞌni Ndiose, chaꞌ ngulaa ꞌin ayman kula ꞌñaan lo yuu Egipto kanꞌ. Ngwañaꞌan ngwa biyaꞌ tiꞌ xka ta nten chalyuu chaꞌ tnun ꞌa chaꞌ ngiꞌni Ndiose lo chalyuu. |
| 27645 | ACT 18:19 | Mdoꞌo neꞌ ndyaa neꞌ niꞌ yka naꞌan bra kanꞌ, ngala neꞌ kichen Efeso seꞌen nganun Aquila loꞌo Priscila. Kanꞌ ndyaa Palyu niꞌ lyaa chaꞌ chkwiꞌ yu loꞌo taꞌa neꞌ judío nu ndyoꞌ tiꞌin nde kwa. |
| 27647 | ACT 18:21 | Mslaaꞌ yu loꞌo neꞌ kanꞌ bra kanꞌ: ―Ndiꞌin chaꞌ tsaꞌaǎn Jerusalén chaꞌ wa ndla ti ka taꞌa nde kwa ―ndukwin Palyu ꞌin neꞌ―. Bra kanꞌ tyaǎn xiyaꞌ nde kichen re, si ngwañaꞌan nka tiye Ndiose chaꞌ tyaǎn ―ndukwin yu. Mdoꞌo Palyu kichen Efeso yten yu niꞌ yka naꞌan, ndyaa yu bra kanꞌ. |
| 27650 | ACT 18:24 | Laja bra kanꞌ ngala xka yu kiꞌyu neꞌ judío kichen Efeso. Polo naan yu kanꞌ, Alejandría naan kichen tyi yu. Jlyo ꞌa tiꞌ yu nchga chaꞌ ꞌin Ndiose nu ngwaꞌan neꞌ lo kityi nu ngwa sꞌni la, loꞌo suꞌwe ꞌa nduꞌu yu chaꞌ ꞌin Ndiose ꞌin nten. |
| 27653 | ACT 18:27 | Chunꞌ ndiꞌin la ngwa tiꞌ Polo tsaa yu nde lo yuu ꞌin Acaya. Suꞌwe nka tiye nchga nten ꞌin Jesucristo nde Efeso chaꞌ tsaa yu nde kwa, kanꞌ chaꞌ ngwaꞌan neꞌ ska kityi chaꞌ tsaa seꞌen ndiꞌin nten ꞌin Jesucristo nde kwa, chaꞌ suꞌwe ti chkwiꞌ neꞌ loꞌo yu xa nu kala yu nde seꞌen ndiꞌin neꞌ. Ndyaa yu bra kanꞌ, mdiyan yu lo yuu ꞌin Acaya bra kanꞌ. Loꞌo mdayaꞌ ꞌa yu ꞌin nten nu ndiꞌin chaꞌ ꞌin loꞌo Jesucristo nchga kichen seꞌen ndyaa yu. Chaꞌ suꞌwe ꞌa nka tiye Ndiose ñaꞌan Ni ꞌin nten, kanꞌ chaꞌ wa msñi neꞌ kwa chaꞌ ꞌin Ni. |
| 27655 | ACT 19:1 | Xa nu ti ndiꞌin Polo kichen Corinto, ti kwiꞌ bra ndyaa Palyu nde lo kiꞌya la, sa ñaꞌan yaꞌ ngala yu kichen Efeso. La kanꞌ ndyukwa taꞌa yu loꞌo chinꞌ neꞌ kichen nu ngiꞌni tnun ꞌin Ndiose ykwiꞌ. |
| 27661 | ACT 19:7 | Tii tyukwa yu kiꞌyu Efeso kanꞌ ngwatya yu bra kanꞌ. |
| 27668 | ACT 19:14 | Ngwañaꞌan yꞌni taꞌa kati sñiꞌ Esceva; loꞌo yu kula Esceva ni, ngwa yu ska sti joꞌo nu ngwa ndloo ꞌin neꞌ judío. |
| 27669 | ACT 19:15 | Loꞌo ngwa ska yaꞌ, ngwañaꞌan ykwiꞌ sñiꞌ Esceva kanꞌ loꞌo ska neꞌ tiꞌí. Bra ti mxkwen nu tiꞌí kanꞌ ꞌin neꞌ kanꞌ, siꞌya kwiꞌin kuxi nu nsuꞌwi ꞌin yu: ―Wa nsuꞌwi lyoǔn ꞌin Jesús ―ndukwin kwiꞌin kanꞌ―, loꞌo nsuꞌwi lyoǔn ꞌin Palyu ―ndukwin―. Loꞌo nu ꞌwan ni, ¿ni neꞌ ka lka wan a? |
| 27670 | ACT 19:16 | Loꞌo msñi yu tiꞌí kanꞌ ꞌin taꞌa sñiꞌ Esceva bra kanꞌ, yꞌni tiꞌí yu ꞌin neꞌ, mjiꞌin ꞌa yu ꞌin neꞌ, sa bra nu msnan neꞌ mdoꞌo neꞌ kunaꞌ ti neꞌ, chaꞌ mdyii steꞌ neꞌ mdaaꞌ ran. Tiꞌí ꞌa ꞌin neꞌ kanꞌ bra kanꞌ. |
| 27671 | ACT 19:17 | Wa ynan nchga neꞌ kichen Efeso chaꞌ kanꞌ, ni siya neꞌ judío, ni siya xka ta nten. Ytsen ꞌa neꞌ bra kanꞌ. Yꞌni tnun ꞌa neꞌ ꞌin Jesús nu nka Xꞌnaan chunꞌ nu wa naꞌan neꞌ chaꞌ kanꞌ bra kanꞌ. |
| 27677 | ACT 19:23 | Loꞌo mdyisnan nten kichen Efeso msinꞌ ꞌa tiꞌ neꞌ chaꞌ ꞌin nten nu wa yten chaꞌ ꞌin Xꞌnaan bra kanꞌ. |
| 27682 | ACT 19:28 | Xa wa ynan nten nu nñan nkwin joꞌo chaꞌ kanꞌ, msinꞌ ꞌa tiꞌ neꞌ bra kanꞌ. Kwen msiꞌya neꞌ loꞌo taꞌa neꞌ bra kanꞌ: ―¡Tnun ꞌa nchka jyaꞌaan joꞌo Diana, kanꞌ nu lka joꞌo ꞌin nchga neꞌ Efeso taꞌaan! ―ndukwin neꞌ. |
| 27688 | ACT 19:34 | Bra nu ndii tiꞌ nten kichen chaꞌ loꞌo Jantru lka yu neꞌ judío, lye la msiꞌya neꞌ kichen bra kanꞌ. Mdyii tukwa bra nu xkwiꞌ msiꞌya ti nten kaꞌan kanꞌ loꞌo taꞌa neꞌ: ―¡Tnun ꞌa nchka jyaꞌaan joꞌo Diana, kanꞌ nu lka joꞌo ꞌin nchga neꞌ Efeso taꞌaan! ―ndukwin neꞌ msiꞌya neꞌ. |
| 27689 | ACT 19:35 | Loꞌo kanꞌ yꞌni skaranu kichen chaꞌ ka tiin nten kaꞌan kanꞌ: ―ꞌWan, neꞌ Efeso ―ndukwin skaranu kanꞌ ꞌin neꞌ kichen―, jlyo tiꞌ nten tyukwi ñaꞌaan chalyuu chaꞌ taꞌaan ñaꞌansian ꞌin laa ꞌin jyaꞌaan joꞌo Diana ―ndukwin skaranu―. Lka chaꞌ ñaꞌansian ꞌin ti kwiꞌ joꞌo Diana nu mdoꞌo la niꞌ kwan mdiyuu lo chalyuu re. |