23215	MAT 1:2	Ayman Abraham kanꞌ ngwa sti Isaac; loꞌo ayman Isaac kanꞌ ngwa sti Jacob; loꞌo ayman Jacob kanꞌ ngwa sti Juda loꞌo nchga taꞌa ngula yu;
23218	MAT 1:5	loꞌo ayman Salmón kanꞌ ngwa sti Booz, loꞌo Rahab ngwa naan jyaꞌan Booz kanꞌ bra kanꞌ. Loꞌo ayman Booz kanꞌ ngwa sti Obed, loꞌo Rut ngwa naan jyaꞌan Obed kanꞌ bra kanꞌ. Loꞌo ayman Obed kanꞌ ngwa sti Isaí;
23219	MAT 1:6	loꞌo ayman Isaí kanꞌ ngwa sti ree David; loꞌo ayman ree David ngwa sti Salomón, loꞌo jyaꞌan Salomón kanꞌ ngwa nu kunaꞌan nu ngwa kwilyoꞌo ayman Urías ti kulo la bra kanꞌ.
23224	MAT 1:11	loꞌo ayman Josías kanꞌ ngwa sti Jeconías loꞌo taꞌa ngula yu bra kanꞌ. Kanꞌ ndyaa loꞌo neꞌ Babilonia ꞌin neꞌ Israel presu la kichen tyi neꞌ tijyuꞌ; niꞌ ñaꞌan chkwan ꞌin neꞌ Babilonia ndyaa kaꞌan ꞌa neꞌ Israel bra kanꞌ.
23230	MAT 1:17	Ngwañaꞌan naan ayman kanꞌ, tii lkwa ta nten wa mdijin neꞌ xa nu ti luꞌu Abraham sa ñaꞌan bra nu ngula ayman David. Loꞌo xka tyii lkwa ta nten mdijin neꞌ xa nu ti luꞌu ayman David, sa ñaꞌan bra nu yaa loꞌo neꞌ xka laꞌa tsuꞌ ꞌin neꞌ Israel nde kichen tyi neꞌ, msuꞌwa neꞌ kanꞌ ꞌin neꞌ Israel niꞌ ñaꞌan chkwan nde kichen Babilonia bra kanꞌ. Loꞌo mdijin xka tyii lkwa ta nten, kanꞌ ngula nu lka Krixtu bra kanꞌ.
23244	MAT 2:6	Kichen xuwe ti lka Belén nu ndiya seꞌen ndlo Judea tñan, ndukwin Ndiose. Kichen tyi ska nten nu tnun ꞌa chaꞌ ka ꞌin, ka kichen kanꞌ, ni siya kichen xuwe ti lka ni, ndukwin Ni. Ka yu kiꞌyu kanꞌ ska nu tyuun loo la ti, loꞌo ñaꞌansiin yu ꞌin neꞌ Israel ꞌñaǎn. Ngwañaꞌan ndukwa chaꞌ lo kityi kanꞌ.
23258	MAT 2:20	―Xaa tiiꞌ ―ndukwin angajle ꞌin yu―, tyituun lya wan, chaꞌ tyaa wan loꞌo kuwiꞌ loꞌo jyaꞌan kuwiꞌ nde nasiyun Israel xiyaꞌ ―ndukwin―, chaꞌ wa ngujwi yu tlá nu ngwa tiꞌ kujwi ꞌin kuwiꞌ nu ngwa xkanꞌ.
23259	MAT 2:21	Bra kanꞌ mdyituun Se, ndyaa loꞌo kuwiꞌ loꞌo jyaꞌan kuwiꞌ ngala neꞌ nde nasiyun Israel xiyaꞌ.
23264	MAT 3:3	Loꞌo Xuwa, lka yu ska nten nu wa ykwiꞌ ayman kula Isaías sꞌni chaꞌ ꞌin. Nde ndiya chaꞌ nu ngwaꞌan yu kula lo kityi: Kwen xiꞌya ska nten niꞌ kixinꞌ: “Slaa lya wan ska tuwiin seꞌen kan nu nka Xꞌnaan, xñi suꞌwe wan tuwiin seꞌen tyijin yu” ndukwin nten kanꞌ. Ngwañaꞌan ngwaꞌan ayman kanꞌ chaꞌ ꞌin Xuwa.
23292	MAT 4:14	Ti kwiꞌ ti chaꞌ mdaꞌan ayman kula Isaías nu ykwiꞌ loꞌo nten chaꞌ ꞌin Ndiose nu ngwa sꞌni:
23424	MAT 8:10	Nduwe ꞌa tiꞌ Jesús bra nu ynan chaꞌ nu ykwiꞌ capitán kanꞌ. Bra kanꞌ ykwiꞌ Jesús loꞌo nchga nten nu ndaꞌan ñaꞌan ꞌin: ―Chañi ꞌa chaꞌ nchkwiǐnꞌ loꞌo wan ni ―ndukwin Jesús ꞌin neꞌ―. Ja ya ñaꞌaǎn ska nten nu suꞌwe la ndyaa ñaꞌan tiꞌ ꞌin Ndiose, sa ñaꞌan nu ndyaa ñaꞌan tiꞌ capitán re; ñaꞌaan nasiyun Israel re, ja nsuꞌwi nten nu ndyaa ñaꞌan tiꞌ ꞌin Ndiose ngwañaꞌan.
23425	MAT 8:11	Chañi chaꞌ nde loo la kala kaꞌan ꞌa nten tijyuꞌ, loꞌo nten lo yuu nde seꞌen ndyoꞌo tukwa kwichaa, loꞌo nten lo yuu nde seꞌen ndyaa kwichaa, tsaa neꞌ chaꞌ tyukwa neꞌ tuꞌwa msaa seꞌen lka Ndiose ndloo niꞌ kwan; suꞌwa ti tyitukwa neꞌ tuꞌwa msaa kanꞌ loꞌo ayman Abraham loꞌo ayman Isaac loꞌo ayman Jacob.
23431	MAT 8:17	Ngwañaꞌan ngwa, chaꞌ mdoꞌo tukwa ti kwiꞌ ti chaꞌ nu ngwaꞌan ayman Isaías lo kityi nu ngwa sꞌni. Nde lka chaꞌ nu nchkwiꞌ kityi kanꞌ: “Wa jlyo tiꞌ Ndiose nchga seꞌen tiꞌí ꞌñaan, jlyo tiꞌ Ni sa ñaꞌan kicha nu nsuꞌwi ꞌñaan kwenta skaan; yꞌni tyii Ndiose nchga kicha kanꞌ, nchkaan bra kanꞌ.” Ngwañaꞌan ndukwa chaꞌ lo kityi, kanꞌ chaꞌ ngiꞌni Jesús joꞌó ꞌin nten nu tiꞌí.
23481	MAT 9:33	Bra nu ngulo Jesús kwiꞌin kuxi ꞌin yu tiꞌí kanꞌ, ngwa ykwiꞌ yu tiꞌí bra kanꞌ, ni siya tsan ti kuꞌun yu. Yuwe ꞌa tiꞌ nchga nten nu mduun nde kwa bra kanꞌ. ―Ja ya ñaꞌaan ska chaꞌ tnun ngwañaꞌan ―ndukwin neꞌ ꞌin taꞌa neꞌ―. Ja nsuꞌwi nten tyukwi ñaꞌaan nasiyun Israel re nu ka kuꞌni joꞌó ngwañaꞌan ―ndukwin neꞌ.
23490	MAT 10:4	ngulo suwi yu ꞌin Simón nu ngwa neꞌ cananista, loꞌo Juda Iscariote nu kujwiꞌ xuꞌwa ꞌin Jesús ꞌin nten kuxi nde loo la.
23492	MAT 10:6	Ska ti seꞌen ndiꞌin neꞌ Israel taꞌa kichen tyi wan tsaa wan, chaꞌ tꞌnan ꞌa neꞌ kanꞌ; sa ñaꞌan ngiꞌni slyaꞌ nu wa mnaꞌ, ngwañaꞌan ngiꞌni neꞌ kanꞌ.
23509	MAT 10:23	Suꞌwe la xnan wan xka kichen xa nu lye ꞌa ngiꞌni liyeꞌ tiꞌ neꞌ ꞌwan. Chañi chaꞌ nchkwiǐnꞌ loꞌo wan ni: Ja ya chkwiꞌ wan chaꞌ ꞌñaǎn loꞌo neꞌ Israel nchga kichen tyi neꞌ bra nu kaǎn lo chalyuu xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten.
23549	MAT 11:21	―¡Tꞌnan ꞌa wan neꞌ kichen Corazín! ―ndukwin Jesús―. ¡Tꞌnan ꞌa wan neꞌ kichen Betsaida! ―ndukwin―. Kaꞌan ꞌa chaꞌ tnun wa naꞌan wan, loꞌo ja mjyuꞌu tiꞌ wan siyaꞌ ti ꞌin chaꞌ kuxi nu ngiꞌni wan, ja ngulaa yaꞌ wan chaꞌ kanꞌ. Kwiꞌ ngwañaꞌan ti sꞌni, xaꞌan ꞌa neꞌ kichen Tiro loꞌo neꞌ kichen Sidón, neꞌ xka laꞌa tsuꞌ ngwa neꞌ kanꞌ. Loꞌo ja mjwi ñaꞌan ka jyuꞌu tiꞌ neꞌ kanꞌ ꞌin chaꞌ kuxi nu wa yꞌni neꞌ. Ja ngulaa yaꞌ neꞌ chaꞌ kuxi kanꞌ, chunꞌ ja ya ñaꞌan neꞌ kanꞌ chaꞌ tnun sa ñaꞌan nu naꞌan wan, ꞌwan neꞌ Israel; kanꞌ chaꞌ ja ngwa xiꞌin tiꞌ neꞌ kanꞌ, kanꞌ chaꞌ ja ykuꞌ neꞌ teꞌ ngata, ja msuꞌwa neꞌ jii ke neꞌ sa ñaꞌan nu ngiꞌni nten seꞌen nskwa ayman.
23575	MAT 12:17	Ti sꞌni ytsaꞌ Ndiose ska chaꞌ ꞌin ayman Isaías chaꞌ ꞌin Krixtu. Nde ndukwa chaꞌ kanꞌ lo kityi:
23622	MAT 13:14	Bra nu ñaꞌaan ꞌin neꞌ kanꞌ, ka biyaꞌ tianꞌ chaꞌ chañi ꞌa chaꞌ ꞌin Ndiose nu ngwaꞌan ayman Isaías nu ngwa sꞌni. Nde lka sa ñaꞌan nchkwiꞌ chaꞌ kanꞌ: Ja chan kunan wan chaꞌ kanꞌ, loꞌo ja ka biyaꞌ tiꞌ wan sa ñaꞌan chaꞌ nu wa ynan wan, ndukwin Ndiose. Ja chan ñaꞌan wan chaꞌ kanꞌ, loꞌo ja kiꞌya wan kwenta siyaꞌ ti nan lka nu wa naꞌan wan.
23709	MAT 15:7	¡Kwiñi ꞌa wan, chaꞌ tukwa chaꞌ nsuꞌwi tiye wan! Chañi chaꞌ nu ykwiꞌ ayman Isaías chaꞌ ꞌwan nu ngwa sꞌni. Nde lka chaꞌ nu ngwaꞌan ayman kula kanꞌ lo kityi:
23711	MAT 15:9	Nan kwiñi ꞌa neꞌ re, chaꞌ nchkwiꞌ neꞌ chaꞌ ngiꞌni tnun neꞌ ꞌñaǎn. Nduꞌu neꞌ chaꞌ nu nchkwiꞌ nten chalyuu ti ꞌin taꞌa nten neꞌ, ni siya nchkwiꞌ neꞌ chaꞌ nduꞌu neꞌ chaꞌ ꞌñaǎn ꞌin taꞌa neꞌ. Ngwañaꞌan ndukwa chaꞌ nu ngwaꞌan ayman Isaías kanꞌ chabiyaꞌ ꞌin Ndiose.
23726	MAT 15:24	―Wa msuꞌwa Ndiose ꞌñaǎn ndijyaǎn lo chalyuu chaꞌ ska ti loꞌo neꞌ Israel chkwiǐnꞌ ―ndukwin Jesús bra kanꞌ―, chaꞌ sa ñaꞌan ngiꞌni slyaꞌ nu wa mnaꞌ, ngwañaꞌan ngiꞌni nten kanꞌ ―ndukwin.
23733	MAT 15:31	Yuwe ꞌa tiꞌ nten kaꞌan kanꞌ xa nu naꞌan neꞌ chaꞌ xiyaꞌ nchkwiꞌ nu ngwa kuꞌun, xiyaꞌ ngwa tyukwi yaꞌ nu chkuꞌ yaꞌ, xiyaꞌ ndaꞌan nu ngwa tiꞌí kiyaꞌ, xiyaꞌ chkanꞌ xaa nu ngwa kwityiinꞌ. Lye ꞌa yꞌni tnun neꞌ ꞌin Ndiose nu nka Xꞌnan neꞌ Israel, chunꞌ nchkaa nchga neꞌ tiꞌí kanꞌ bra kanꞌ.
23859	MAT 19:28	―Chañi chaꞌ nu nchkwiǐnꞌ loꞌo wan ni ―ndukwin Jesús ꞌin neꞌ―, bra nu ka chalyuu kwi kanꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, kanꞌ tyitukwaǎn seꞌen suꞌwe la ti la kwa, chaꞌ kuꞌni biyaǎnꞌ ꞌin nchga nten chalyuu bra kanꞌ. Loꞌo ꞌwan nu ndaꞌan wan loꞌoǔn, tyukwa wan lo tii tyukwa yka xlya tnun nu suꞌwe ꞌa, chaꞌ kuꞌni biyaꞌ wan ꞌin taꞌa nten wan, nu lka tii tyukwa ta neꞌ Israel kanꞌ.
23973	MAT 22:32	“Ndiose nu lka Xꞌnan Abraham lkaǎn” ndukwin Ni, “Ndiose nu lka Xꞌnan Isaac lkaǎn, loꞌo ti kwiꞌ Ndiose nu lka Xꞌnan Jacob lkaǎn” ndukwin Ni. Ja ndukwin kityi chaꞌ wa ngwa Ndiose Xꞌnan neꞌ kanꞌ bra nu mdiꞌin ti jyoꞌo kanꞌ lo chalyuu; ti nka Ndiose Xꞌnan neꞌ kanꞌ ni, kwiꞌ ngwañaꞌan ti nka Ndiose Xꞌnan nchga nten nu luꞌu.
24137	MAT 26:14	Loꞌo Juda Iscariote ni, taꞌa ndaꞌan nu tii xka yu nu ngiꞌni xaꞌan chaꞌ ꞌin Jesús, mdoꞌo yu ndyaa yu seꞌen ndiꞌin sti joꞌo nu lka ndloo bra kanꞌ.
24207	MAT 27:9	Ayman Jeremías nu ykwiꞌ chaꞌ ꞌin Ndiose loꞌo nten nu ngwa sꞌni, wa ngwaꞌan yu chaꞌ re chaꞌ ꞌin tñi plata kanꞌ lo kityi, ska chaꞌ nu ka nde loo la: “Kalatyii tñi plata (sa kwa nsuꞌwi lyo ska nten, ndukwin neꞌ Israel taꞌaan).
24219	MAT 27:21	Chunꞌ ndiꞌin la mnichaꞌ gobernador kanꞌ ꞌin neꞌ kanꞌ xiyaꞌ: ―¿Ti ka kulaǎn sikwa a? ―ndukwin Pilato ꞌin neꞌ. ―ꞌIn Barrabás ―ndukwin nten kaꞌan bra kanꞌ.
24240	MAT 27:42	―Ngulaa yu ꞌin xka ta nten; loꞌo ja nchka ꞌin yu kulaa yu ꞌin yu, ti ykwiꞌ ti yu ―ndukwin neꞌ nu lka ndloo kanꞌ―. Ree ꞌin neꞌ Israel lka yu, ndukwin yu. Suꞌwe la si kiꞌya yu lo wsi kwa ni, chaꞌ tsaa ñaꞌan tianꞌ ꞌin yu bra kanꞌ ―ndukwin neꞌ kanꞌ ꞌin taꞌa neꞌ―.
24286	MRK 1:2	Ayman Isaías, nu ykwiꞌ loꞌo nten chaꞌ ꞌin Ndiose nu ngwa sꞌni, ngwaꞌan yu lo kityi sa ñaꞌan nu ka tyisnan chaꞌ re. Nde lka chaꞌ nu ngwaꞌan yu kanꞌ: Kuloǔn tñan ꞌin ska nten nu ka skan ꞌñaǎn, ndukwin Ndiose ꞌin Krixtu, chaꞌ tsaa yu kulo ndukwa la. Kanꞌ lka nu slaa tuwiin seꞌen tsaa, ndukwin Ni.
24288	MRK 1:4	Sa ñaꞌan chaꞌ nu ngwaꞌan Isaías kanꞌ, ngwañaꞌan ndyoꞌo tukwa Xuwa niꞌ kixinꞌ seꞌen ja ndiꞌin nten. Kanꞌ ykwiꞌ yu loꞌo nten chaꞌ ka jyuꞌu tiꞌ neꞌ ꞌin nchga chaꞌ kuxi nu ndiꞌin ꞌin neꞌ, chaꞌ kulaa yaꞌ neꞌ chaꞌ kuxi kanꞌ, chaꞌ ngwañaꞌan kuꞌni Ndiose chaꞌ tlyu tiꞌ ꞌin neꞌ kanꞌ. Bra kanꞌ tukwatya Xuwa ꞌin neꞌ kanꞌ, ndukwin.
24365	MRK 3:8	Loꞌo nten nu ndiꞌin kichen tijyuꞌ wa ynan neꞌ sa ñaꞌan chaꞌ tnun nu yꞌni Jesús. Kanꞌ chaꞌ loꞌo neꞌ tijyuꞌ mdiyan neꞌ chaꞌ ñaꞌan kwiꞌya neꞌ ꞌin yu; mdiyan neꞌ Judea, loꞌo neꞌ Jerusalén, loꞌo neꞌ Idumea, loꞌo neꞌ xka laꞌa tsuꞌ chku Jordán, loꞌo neꞌ Sidón, loꞌo neꞌ Tiro.
24376	MRK 3:19	loꞌo ngulo suwi yu ꞌin Juda Iscariote nu yꞌni trisiyun ꞌin Jesús loꞌo nten xaꞌan chunꞌ ndiꞌin la siꞌya tñi. Chunꞌ ndiꞌin la ngala Jesús naꞌan tyi ska nten loꞌo neꞌ nu ngiꞌni xaꞌan chaꞌ ꞌin yu.
24538	MRK 7:6	Mxkwen Jesús ꞌin neꞌ kanꞌ bra kanꞌ: ―Chañi ꞌa chaꞌ nu ykwiꞌ ayman Isaías ꞌwan nu ngwa sꞌni, chaꞌ nten nu tukwa chaꞌ nsuꞌwi tiye lka wan. Wa ngwaꞌan yu kula kanꞌ chaꞌ re lo kityi ꞌin Ndiose: Ngiꞌni tnun nten re ꞌñaǎn chaꞌ nchkwiꞌ ti neꞌ, ndukwin Ndiose, siꞌi tyukwi ti tiye neꞌ ngiꞌni tnun neꞌ ꞌñaǎn.
24768	MRK 12:26	¿Ta ja ya tsaa ñaꞌan tiꞌ wan chaꞌ tyuꞌu ayman xiyaꞌ a? ¿Ta ja ya chkwiꞌ wan lo kityi nu ngwaꞌan ayman Moisés nu ngwa sꞌni a? Suꞌwe la si chkwiꞌ wan lo kityi kanꞌ sa ñaꞌan ndukwa chaꞌ ꞌin yka kicheꞌ kanꞌ, seꞌen nu ykwiꞌ Ndiose loꞌo Moisés: “Ndiose Xꞌnan Abraham lkaǎn” ndukwin Ni ꞌin Moisés, “kwiꞌ Ndiose Xꞌnan Isaac lkaǎn, kwiꞌ Ndiose Xꞌnan Jacob lkaǎn” ndukwin Ni.
24771	MRK 12:29	Bra kanꞌ mxkwen Jesús ꞌin mstru kanꞌ: ―Chaꞌ nu ndukwa kulo la, kanꞌ lka re: “ꞌWan neꞌ Israel, kunan suꞌwe wan ni: Ska ti Ndiose lka Xꞌnaan.
24833	MRK 14:10	Loꞌo Juda Iscariote ni, ti kwiꞌ taꞌa yu loꞌo nu ngiꞌni xaꞌan chaꞌ ꞌin Jesús lka yu kanꞌ. Bra kanꞌ mdoꞌo Juda kanꞌ ndyaa yu seꞌen ndiꞌin sti joꞌo nu lka ndloo la, chaꞌ kujwiꞌ xuꞌwa yu ꞌin Jesús yaꞌ neꞌ kanꞌ.
24927	MRK 15:32	Krixtu lka yu, ree ꞌin neꞌ Israel taꞌaan lka yu, ndukwin yu. Suꞌwe la si kiꞌya yu lo wsi, ti ykwiꞌ ti yu. Ñaꞌan kwiꞌyaan si ka ꞌin yu bra kanꞌ. Tsaa ñaꞌan tianꞌ ꞌin yu bra kanꞌ ―ndukwin neꞌ ꞌin taꞌa neꞌ. Kwiꞌ ngwañaꞌan yu kunan taꞌa ngaꞌan yu lo wsi, loꞌo neꞌ kanꞌ ykwiꞌ neꞌ chaꞌ kuxi ꞌin Jesús.
24978	LUK 1:16	Kuꞌni yu chaꞌ xiyaꞌ ka suꞌwe kasiya ꞌin kaꞌan ꞌa neꞌ Israel, chaꞌ xiyaꞌ kunan neꞌ chaꞌ nu nchkwiꞌ Ndiose Xꞌnan neꞌ.
24995	LUK 1:33	chaꞌ nchga tsan ja tyii chaꞌ ka yu ndloo ꞌin nchga nten Israel; ngwañaꞌan ja tyii chaꞌ kulo yu tñan ꞌin nchga nten chalyuu.
25016	LUK 1:54	Ndayaꞌ ꞌa Ndiose ꞌin nchga neꞌ Israel taꞌaan, chaꞌ lkaan msu ꞌin Ndiose; loꞌo suꞌwe ꞌa mskanꞌ Ni chaꞌ loꞌo ayman ꞌñaan nu yuꞌwi ti sꞌni. Ja mjlyaa tiꞌ Ndiose ꞌñaan, nten taꞌa ayman Abraham lkaan; xkwiꞌ nchka tꞌnan tiꞌ Ni ꞌin neꞌ taꞌaan. Loꞌo ñaꞌan ti nchka tꞌnan tiꞌ Ni ꞌñaan loꞌo sñianꞌ tyukwi bra nde loo la. Ngwañaꞌan ngwa bra nu yꞌni tnun Liya ꞌin Ndiose.
25030	LUK 1:68	Ndiꞌin chaꞌ kuꞌni tnuan ꞌin Ndiose nu lka Xꞌnaan, nu lka Ndiose ꞌñaan neꞌ Israel, ndukwin yu kula kanꞌ bra kanꞌ. Wa xiyaꞌ mdyisnan Ndiose ykwiꞌ Ni loꞌo neꞌ taꞌaan nu lkaan nten ꞌin Ni. Sa bra ni ngiꞌni Ni tñan chaꞌ kulaa Ni ꞌñaan ꞌin nchga chaꞌ kuxi.
25042	LUK 1:80	Wa ndijyan ngaluu la Xuwa, kwiꞌ ngwañaꞌan wa ngwa ngula la tiye yu. Xkwiꞌ niꞌ kixinꞌ yuꞌwi yu tyukwi sa ñaꞌan bra nu nguluu yu, kanꞌ ngwaꞌu tloo yu ꞌin neꞌ Israel taꞌa yu.
25067	LUK 2:25	Bra kanꞌ nde kichen Jerusalén ndiꞌin ska yu kula nu naan Simeón; nten suꞌwe ꞌa lka yu, ndukwa ꞌa yu tñan ꞌin Ndiose. Ndaloo ꞌa yu ndiꞌin ta yu ꞌin ska nten nu tnun nchka, nu suꞌwa Ndiose ꞌin chaꞌ kan lo chalyuu, kanꞌ lka Krixtu nu kan chaꞌ kulaa ꞌin neꞌ Israel ꞌin nchga chaꞌ kuxi. Loꞌo ndiꞌin Tyiꞌi Ndiose loꞌo Simeón kanꞌ;
25074	LUK 2:32	Ka yu kanꞌ ska xaa tlyu nu xuꞌwi niꞌ kasiya ꞌin nten tyukwi ñaꞌaan chalyuu; ka yu kanꞌ ska chaꞌ suꞌwe nu tlyu ꞌa chaꞌ ꞌin nten ꞌin yu, nu lka neꞌ Israel kanꞌ. Ngwañaꞌan ykwiꞌ yu kula Simeón kanꞌ loꞌo Ndiose.
25076	LUK 2:34	Loꞌo kanꞌ ndukwan yu kula Simeón ꞌin neꞌ kanꞌ. Nde lka chaꞌ nu ykwiꞌ yu kula loꞌo Liya jyaꞌan Jesús bra kanꞌ: ―Kaꞌan ꞌa chaꞌ suꞌwe ka ꞌin neꞌ Israel loꞌo kuwiꞌ re ―ndukwin yu kula kanꞌ―, xuꞌwi ꞌa nten nu chen ka tiye neꞌ ñaꞌan neꞌ ꞌin yu, loꞌo xuꞌwi ꞌa nten nu kaja chalyuu kwi ꞌin neꞌ chunꞌ tñan nu kuꞌni kuwiꞌ re. Kulo tuun kuwiꞌ re nchga chaꞌ nu nsuꞌwi mnan niꞌ kasiya ꞌin nten; lka kuwiꞌ re ska chaꞌ tnun nu wa nda Ndiose ꞌin nten, ni siya ja xlyaa kaꞌan nten tukwa chaꞌ ꞌin yu ―ndukwin Simeón ꞌin Liya jyaꞌan kuwiꞌ kanꞌ―. Kwiꞌ ngwañaꞌan nuꞌwin ―ndukwin yu kula kanꞌ―, tiya ska bra nu ka xiꞌin tiiꞌ chaꞌ ja tukwa ꞌa neꞌ chaꞌ nu chkwiꞌ sñiiꞌ.
25095	LUK 3:1	Wa nsuꞌwi tiꞌyun yijan chaꞌ lka Tiberio emperador nu lka ndloo la ꞌin nten tyukwi ñaꞌaan chalyuu, Poncio Pilato lka ndloo nde lo yuu ꞌin Judea, tñan ꞌin Tiberio kanꞌ bra kanꞌ; loꞌo nu naan Herodes kanꞌ, lka yu ndloo lo yuu ꞌin Galilea tyempu kanꞌ; loꞌo Felipe, taꞌa ngula Herodes kanꞌ, lka yu ndloo lo yuu ꞌin Iturea loꞌo lo yuu ꞌin Traconite ti kwiꞌ tyempu kanꞌ; loꞌo xka nu naan Lisanias, lka yu ndloo lo yuu ꞌin Abilinia bra kanꞌ.
25098	LUK 3:4	Wa lka chaꞌ kanꞌ, sa ñaꞌan lka chaꞌ nu ngwaꞌan ayman Isaías lo kityi; ayman kanꞌ lka nu ykwiꞌ chaꞌ ꞌin Ndiose loꞌo nten nu ngwa sꞌni. Nde lka chaꞌ nu ndukwa lo kityi kanꞌ: Kwen ꞌa nnen nxiꞌya ska nten niꞌ kixinꞌ: “Bra ti slaa wan ska tuwiin seꞌen kan ykwiꞌ nu nka Xꞌnaan” ndukwin nu nxiꞌya kanꞌ. “Xñii suꞌwe wan tuwiin seꞌen tyijin ykwiꞌ.
25100	LUK 3:6	“Ndla ti ñaꞌan neꞌ tyukwi ñaꞌaan chalyuu, chaꞌ ka kulaa Ndiose ꞌin nten ꞌin nchga chaꞌ kuxi.” Ngwañaꞌan ngwa chaꞌ ngwaꞌan ayman Isaías lo kityi kanꞌ.
25126	LUK 3:32	David ngwa naan sti Natán kanꞌ; Isaí ngwa naan sti David kanꞌ; Obed ngwa naan sti Isaí kanꞌ; Booz ngwa naan sti Obed kanꞌ; Salmón ngwa naan sti Booz kanꞌ; Naasón ngwa naan sti Salmón kanꞌ;
25128	LUK 3:34	Jacob ngwa naan sti Judá kanꞌ; Isaac ngwa naan sti Jacob kanꞌ; Abraham ngwa naan sti Isaac kanꞌ; loꞌo nu naan Taré ngwa sti Abraham kanꞌ; Nacor ngwa naan sti Taré kanꞌ;
25149	LUK 4:17	kityi nu ngwaꞌan ayman Isaías, kanꞌ lka kityi nu mda neꞌ ꞌin Jesús chaꞌ chkwiꞌ yu lo. Bra kanꞌ mslaa Jesús kityi kanꞌ, ngunaan yu la nde ndukwa chaꞌ re:
25231	LUK 6:16	loꞌo Juda sñiꞌ Santiago, loꞌo Juda Iscariote nu kujwiꞌ xuꞌwa ꞌin Jesús yaꞌ neꞌ kuxi chunꞌ ndiꞌin la; ngwañaꞌan naan nten nu ngulo suwi Jesús bra kanꞌ.
25273	LUK 7:9	Bra wa ynan Jesús chaꞌ nu ykwiꞌ neꞌ loꞌo, nduwe ꞌa tiꞌ yu. Bra kanꞌ mxitukwi Jesús seꞌen ndijyan tuwiin, ykwiꞌ yu loꞌo nten nu ndaꞌan loꞌo yu: ―Chañi chaꞌ nu nchkwiǐnꞌ loꞌo wan ni ―ndukwin Jesús―, chaꞌ ja ya ñaꞌaǎn ꞌin ska nten nu suꞌwe ꞌa ndyaa ñaꞌan tiꞌ ꞌin Ndiose sa ñaꞌan nu ndyaa ñaꞌan tiꞌ capitán kanꞌ. Tyukwi ñaꞌaan nasiyun Israel re, ja nsuꞌwi nten nu ndyaa ñaꞌan tiꞌ ꞌñaǎn ngwañaꞌan ―ndukwin Jesús ꞌin neꞌ.
25445	LUK 10:13	’¡Tꞌnan ꞌa wan, neꞌ kichen Corazín! Ngwañaꞌan, ¡tꞌnan ꞌa wan, neꞌ kichen Betsaida! Wa kaꞌan ꞌa chaꞌ tnun nu wa naꞌan wan, loꞌo kanꞌ ja mjyuꞌu tiꞌ wan siyaꞌ ti ꞌin chaꞌ kuxi nu ngiꞌni wan. Nu ngwa sꞌni, xaꞌan ꞌa neꞌ kichen Tiro, xaꞌan ꞌa neꞌ kichen Sidón; neꞌ xka laꞌa tsuꞌ ngwa neꞌ kanꞌ. Bra kanꞌ ja mjwi ñaꞌan ka jyuꞌu tiꞌ neꞌ kanꞌ ꞌin chaꞌ kuxi nu yꞌni neꞌ, chaꞌ ja ya ñaꞌan neꞌ kanꞌ ska chaꞌ tnun sa ñaꞌan nu wa naꞌan wan, neꞌ Israel; kanꞌ chaꞌ ja mxaꞌan neꞌ siyaꞌ ti chaꞌ kuxi nu yuꞌwi niꞌ kasiya ꞌin neꞌ, ja ykuꞌ ꞌa neꞌ teꞌ ngata, ja msuꞌwa neꞌ jii ke neꞌ sa ñaꞌan nu ngiꞌni neꞌ kanꞌ seꞌen nskwa ayman.
25615	LUK 13:28	Kunan ꞌa wan bra kanꞌ, ku liꞌya wan chaꞌ lye ꞌa kasinꞌ tiꞌ wan bra kanꞌ. Ka xiꞌin ꞌa tiꞌ wan bra nu ñaꞌan wan chaꞌ ndiꞌin kaꞌan ꞌa nten seꞌen ndiꞌin Ndiose bra nu tsaa tii chalyuu; loꞌo ayman Abraham, loꞌo ayman Isaac, loꞌo ayman Jacob, loꞌo nchga ayman nu ykwiꞌ chaꞌ ꞌin Ndiose loꞌo nten nu ngwa sꞌni, ñaꞌan wan ꞌin neꞌ ndiꞌin neꞌ la kanꞌ. Loꞌo ꞌwan ni, kulaa yaꞌ Ndiose ꞌwan kanun wan nde liyaꞌ.
25738	LUK 17:18	Ska ti yu re nu siꞌi neꞌ Israel taꞌaan lka yu, kanꞌ lka nu mxitukwi chaꞌ kuꞌni tnun yu ꞌin Ndiose.
25885	LUK 20:37	Ayman Moisés ytsaꞌ ꞌñaan chaꞌ chañi chaꞌ tyuꞌu nchga ayman xiyaꞌ. Lo kityi kanꞌ ngwaꞌan Moisés sa ñaꞌan ngwa la nu naꞌan yu yka xuwe ti, seꞌen nu mdyituun kiiꞌ tyukwi ñaꞌaan lo yka kanꞌ, loꞌo ja nchkin ran. Bra kanꞌ ynen ykwiꞌ Ndiose laja kiiꞌ kanꞌ, ndukwin Ni chaꞌ Xꞌnan ayman Abraham lka Ni, Xꞌnan ayman Isaac lka Ni, Xꞌnan ayman Jacob lka Ni. Ngwañaꞌan ndukwin Ndiose laja kiiꞌ kanꞌ, chaꞌ nten taꞌaan nu mdiꞌin lo chalyuu nu ngwa sꞌni ngwa ayman kanꞌ.
25936	LUK 22:3	Bra kanꞌ ykwiꞌ kuneꞌ xaꞌan nu naan Satanás yten niꞌ kasiya ꞌin Juda Iscariote, ti kwiꞌ taꞌa neꞌ nu ngiꞌni xaꞌan chaꞌ ꞌin Jesús lka yu kanꞌ.
25963	LUK 22:30	Loꞌo suꞌwa ti ku wan koꞌo wan loꞌoǔn bra kanꞌ; kwiꞌ suꞌwa ti tyukwa wan loꞌoǔn bra nu kuꞌni biyaǎnꞌ ꞌin nchga nten; loꞌo ngwañaꞌan kuꞌni biyaꞌ wan ꞌin taꞌa nten wan, nu tii tyukwa ta neꞌ Israel taꞌaan.
26081	LUK 24:21	Wa mdijin snan tsan nu ngwa chaꞌ kanꞌ. Loꞌo bare ni, ndyaa ñaꞌan ꞌa tiꞌ ba ꞌin yu nu ngwa xkanꞌ, chaꞌ kanꞌ lka nu kulaa ꞌin neꞌ Israel taꞌaan, chaꞌ ja ka ꞌa neꞌ xka laꞌa tsuꞌ ka ndloo la ꞌñaan, chaꞌ tyiꞌin suꞌwean lo yuu kichen tyian, ngwa tiꞌ ba.
26136	JHN 1:23	Mxkwen Xuwa ꞌin neꞌ bra kanꞌ: ―Nde ndiya chaꞌ nu kwen nchkwiǐnꞌ loꞌo nten seꞌen nduǔn niꞌ kixinꞌ: “Slaa lya wan tuwiin ñi chaꞌ kan nu nka Xꞌnaan.” ―Kanꞌ lka ska chaꞌ ꞌin Ndiose nu wa ykwiꞌ ayman Isaías loꞌo nten nu ngwa sꞌni.
26144	JHN 1:31	Loꞌoǔn ni, ja yuꞌwi lyoǔn ꞌin yu kwa ti kulo; ndukwatyaǎn ꞌin nten loꞌo tyiꞌa ti chaꞌ ka xuꞌwi lyo neꞌ Israel ꞌin yu kwa nde loo la.
26160	JHN 1:47	Naꞌan Jesús chaꞌ ndijyan Natanael: ―Nde kwa ndijyan ska neꞌ Israel nu chañi chaꞌ ngiꞌni tnun ꞌin Ndiose ―ndukwin Jesús―. Ja la nsuꞌwi chaꞌ kwiñi ꞌin yu.
26162	JHN 1:49	―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.
26397	JHN 6:71	Loꞌo ngwa tiꞌ Jesús chkwiꞌ loꞌo neꞌ chaꞌ ꞌin Juda sñiꞌ Simón Iscariote, kanꞌ lka nu ta ꞌin Jesús yaꞌ neꞌ xaꞌan chunꞌ ndiꞌin la. Loꞌo Juda kanꞌ ni, ti kwiꞌ kanꞌ ndiꞌin loꞌo nu tii tyukwa neꞌ nu ngiꞌni xaꞌan chaꞌ ꞌin Jesús bra kanꞌ.
26653	JHN 12:4	Loꞌo mdiꞌin Juda sñiꞌ Simón Iscariote loꞌo neꞌ, chaꞌ nten nu ngiꞌni xaꞌan chaꞌ ꞌin Jesús ngwa yu. Ti kwiꞌ kanꞌ ngwa nu kuꞌni trisiyun ꞌin Jesús loꞌo neꞌ xaꞌan chunꞌ ndiꞌin la. Naꞌan Juda kanꞌ sa ñaꞌan tñan nu yꞌni Liya, kanꞌ chaꞌ lye ꞌa ykwiꞌ yu bra kanꞌ:
26662	JHN 12:13	Ndyaa loꞌo neꞌ lkaꞌ kiñan, loꞌo kwen ꞌa msiꞌya neꞌ bra kanꞌ: ―¡Kuꞌni tnuan ꞌin Stian Ndiose! ―ndukwin neꞌ ꞌin Jesús―. ¡Ndukwan ba ꞌiin chaꞌ ndijyaan loꞌo chabiyaꞌ ꞌin ti kwiꞌ Ni nu nka Xꞌnaan! ¡Ni siya ni ti, ndukwan Ndiose ꞌiin chaꞌ lkaa Ree nu nka ndloo ꞌin neꞌ Israel!
26687	JHN 12:38	Chañi ngwa chaꞌ nu ngwaꞌan ayman Isaías lo kityi ꞌin Ndiose nu ngwa sꞌni, kwiꞌ nu ndukwa re: Ndiose Xꞌnaǎn, ndukwin lo kityi kanꞌ, ja xlyaa neꞌ re xñi neꞌ chaꞌ ꞌiin, ti kwiꞌ chaꞌ nu ytsaꞌ ba ꞌin neꞌ. Ja siyaꞌ ngwa biyaꞌ tiꞌ neꞌ chaꞌ nuꞌwin yꞌnii chaꞌ tnun seꞌen ndiꞌin neꞌ. Ngwañaꞌan nchkwiꞌ kityi kanꞌ.
26688	JHN 12:39	Kanꞌ chaꞌ ja ngwa ꞌin neꞌ judío xñi neꞌ chaꞌ ꞌin Jesús. Loꞌo ndiya xka chaꞌ nu ngwaꞌan ayman Isaías kanꞌ:
26690	JHN 12:41	Ngwañaꞌan ngwaꞌan ayman Isaías, chaꞌ wa mgii tiꞌ yu ni sa ñaꞌan chaꞌ tnun nu ka ꞌin Jesús; chaꞌ ꞌin Jesús kanꞌ ykwiꞌ ayman Isaías bra kanꞌ.
26701	JHN 13:2	Ti kwiꞌ bra kanꞌ yꞌni kuneꞌ xaꞌan chaꞌ ngwiꞌya chaꞌ ke Juda sñiꞌ Simón Iscariote chaꞌ kuꞌni yu trisiyun ꞌin Jesús yaꞌ neꞌ xaꞌan.
26725	JHN 13:26	―Nde ñaꞌan kuꞌniǐn ―ndukwin Jesús ꞌin yu bra kanꞌ―. Taꞌaǎn sa yuꞌwe tyaja ꞌñaǎn niꞌ kaꞌnan skwa re ni. Nten nu taǎn yuꞌwe tyaja kanꞌ ꞌin chaꞌ ku, kanꞌ lka nu niǐn ꞌwan. Loꞌo mdaꞌan Jesús sa yuꞌwe tyaja niꞌ kaꞌnan, mda ꞌin ran ꞌin Juda, sñiꞌ Simón Iscariote bra kanꞌ.
26759	JHN 14:22	Loꞌo ykwiꞌ xka Juda kanꞌ bra kanꞌ (siꞌi yu nu naan Juda Iscariote): ―Bra nu ndukwiin chaꞌ bare ti ñaꞌan ba ꞌiin, ja loꞌo xka ta nten, ¿ni sa ñaꞌan ndaꞌan chaꞌ tiyee, Xꞌnaǎn, chaꞌ nu ykwiiꞌ ngwañaꞌan, a? ―ndukwin Juda kanꞌ ꞌin Jesús.
26998	ACT 1:6	Ngwa ska tsan ndyoꞌ tiꞌin taꞌa neꞌ kanꞌ ska seꞌen ti, mnichaꞌ neꞌ ꞌin Jesús bra kanꞌ: ―Xꞌnan ba―ndukwin neꞌ―, ¿ta siꞌi ni nu taa chabiyaꞌ ꞌwa, chaꞌ ka ba ndloo lo yuu nu ndiꞌin kwenta ꞌin kichen tyi ba xiyaꞌ a? Ti kwiꞌ neꞌ Israel lka ba.
27040	ACT 2:22	’ꞌWan, neꞌ Israel ―ndukwin yu―, kunan suꞌwe wan chaꞌ nu chkwiǐnꞌ loꞌo wan ni. Neꞌ Nazaret ngwa Jesús. Mdayaꞌ Ndiose ꞌin yu chaꞌ nu yꞌni yu xkwiꞌ chaꞌ tnun seꞌen ndiꞌin wan. Kaꞌan ꞌa chaꞌ mdaꞌan tiye wan chaꞌ naꞌan wan chaꞌ tnun kanꞌ, loꞌo ngwa biyaꞌ tiꞌ wan chaꞌ xkwiꞌ tñan ꞌin Ndiose ngwa bra kanꞌ.
27054	ACT 2:36	’Ndiꞌin chaꞌ ka biyaꞌ tianꞌ, taꞌaan nu lkaan neꞌ Israel, chaꞌ ti kwiꞌ Jesús nu mjiꞌin kaꞌan wan lo wsi chaꞌ kujwi wan ꞌin yu, ti kwiꞌ yu kanꞌ wa nda Ndiose chabiyaꞌ ꞌin yu chaꞌ ka yu Xꞌnaan, chaꞌ lka yu Krixtu.
27077	ACT 3:12	Naꞌan Tyu chaꞌ mdiyan kaꞌan ꞌa nten seꞌen nduun, kanꞌ chaꞌ ykwiꞌ yu loꞌo nten kanꞌ, nchga chaꞌ nu ngwa ꞌin yu tiꞌí kanꞌ: ―ꞌWan, neꞌ Israel ―ndukwin Tyu ꞌin neꞌ―, ¿ni chaꞌ lka nduwe ꞌa tiꞌ wan ni a? ―ndukwin―. Nduun ti wan naꞌan kwiꞌya ꞌa wan ꞌwa ―ndukwin―. Nduwe ꞌa tiꞌ wan ñaꞌan wan nan ka ngwa ꞌwa loꞌo nu kiꞌyu re. Ndukwin wan chaꞌ nchka ꞌa ꞌwa, chaꞌ bare yꞌni ba chaꞌ nchkaa yu re chunꞌ suꞌwe ꞌa ngiꞌni ba nchga tsan, nxkeꞌ tiꞌ wan. Siꞌi ngwañaꞌan. Jesús lka nu yꞌni chaꞌ nchkaa kiyaꞌ yu re.
27078	ACT 3:13	Stian Ndiose, ti kwiꞌ Ni lka nu yꞌni tnun ayman kula ꞌñaan ti sꞌni, ni siya ayman Abraham, ni siya ayman Isaac, ni siya ayman Jacob; nchga ayman ꞌñaan yꞌni tnun neꞌ ꞌin Ndiose kanꞌ. Ndiose nu tlyu la ti lka nu nda chabiyaꞌ ꞌin Jesús Sñiꞌ Ni chaꞌ ka yu ndloo. Msñi wan ꞌin Jesús kanꞌ nu ngwa xkanꞌ ti, ndyaa loꞌo wan ꞌin yu, ndyaa stya wan kiꞌya ꞌin yu tloo neꞌ nu nka ndloo; loꞌo xa nu ngwa tiꞌ gobernador Pilato chaꞌ tyoꞌo Jesús seꞌen laja ti, ja mslyaa wan bra kanꞌ.
27149	ACT 5:21	Ynan neꞌ chaꞌ nu ykwiꞌ angajle kanꞌ loꞌo neꞌ; kanꞌ chaꞌ bra nu ngwiꞌya xaa, bra ti yaa neꞌ niꞌ lyaa tnun chaꞌ kwaꞌu neꞌ chaꞌ kanꞌ ꞌin nten nu ndiꞌin la kanꞌ. Kanꞌ mdiꞌin xꞌnan sti joꞌo loꞌo taꞌa ndaꞌan yu, ngulo yu tñan chaꞌ tyoꞌ tiꞌin nchga yu kula, nchga nu nka ndloo ꞌin neꞌ Israel bra kanꞌ. Loꞌo ngulo yu tñan chaꞌ tsaa kulo neꞌ ꞌin neꞌ kanꞌ seꞌen nsuꞌwi neꞌ niꞌ ñaꞌan chkwan bra kanꞌ, chaꞌ kan loꞌo neꞌ ꞌin neꞌ tloo yu.
27159	ACT 5:31	Nchka ꞌin Jesús kanꞌ kuꞌni tyii Ni chaꞌ kuxi nu ndiꞌin ꞌin nten chalyuu. Ska ti Jesús nka Xꞌnaan, kanꞌ chaꞌ laꞌa seꞌen kwin nde seꞌen ndukwa Ndiose, nda Ni seꞌen tyukwa Jesús. Wa yꞌni Ndiose ngwañaꞌan chaꞌ ka jyuꞌu tianꞌ chunꞌ kiꞌya nu ndiꞌin ꞌñaan, nan nu lkaan neꞌ Israel, loꞌo ngwañaꞌan kuꞌni Ndiose chaꞌ tlyu tiꞌ ꞌñaan bra kanꞌ.
27163	ACT 5:35	Bra wa mdoꞌo neꞌ kanꞌ ykwiꞌ Gamaliel loꞌo nchga yu kula bra kanꞌ: ―ꞌWan, lka wan ndloo la ꞌin neꞌ Israel ―ndukwin yu ꞌin neꞌ―, suꞌwe la si kiꞌyaan kwenta ni sa ñaꞌan tñan kuꞌnian loꞌo neꞌ kwa ―ndukwin―.
27193	ACT 7:8	Wa mskanꞌ Ndiose chaꞌ loꞌo Abraham bra kanꞌ; kanꞌ chaꞌ ngulo Ni tñan ꞌin yu chaꞌ siꞌyu neꞌ kijin nchga nu kiꞌyu sñiꞌ yu, chaꞌ ngwañaꞌan tyuꞌwi tiꞌ sñiꞌ yu chaꞌ wa mskanꞌ Ndiose chaꞌ loꞌo sti neꞌ. Ngwañaꞌan ngwa chaꞌ, msiꞌyu Abraham kijin sñiꞌ yu nu ngula wa snuꞌ ti tsan; ti kwiꞌ Isaac ngwa naan sñiꞌ yu. Xa wa kula Isaac kanꞌ, bra kanꞌ ngula sñiꞌ kwilyoꞌo yu, loꞌo ti kwiꞌ ngwañaꞌan yꞌni yu bra kanꞌ, msiꞌyu yu kijin sñiꞌ yu. Jacob ngwa naan sñiꞌ yu, loꞌo nde loo la mdiꞌin tii tyukwa sñiꞌ nu kunaꞌan ꞌin Jacob kanꞌ; ayman kula ꞌñaan taꞌaan lka neꞌ kanꞌ.
27208	ACT 7:23	’Wa nsuꞌwi Moisés tuꞌwa yijan, loꞌo ngwa ꞌa tiꞌ yu tsaa naꞌan yu ꞌin neꞌ Israel taꞌa yu, si suꞌwe ndiꞌin neꞌ.
27209	ACT 7:24	Loꞌo naꞌan yu ꞌin ska neꞌ Egipto nu tiꞌí ꞌa ndyujwi ꞌin ska neꞌ Israel. Mdayaꞌ Moisés ꞌin yu taꞌa yu, yjwi tiꞌin yu ꞌin yu Egipto kanꞌ sa ñaꞌan yaꞌ nu ngujwi yu kanꞌ.
27210	ACT 7:25	“Ka biyaꞌ tiꞌ neꞌ taꞌaǎn chaꞌ kulaa neꞌ Israel taꞌaǎn ꞌin ree xaꞌan chunꞌ wa yꞌniǐn tñan re.” Ngwañaꞌan ngwa chaꞌ nu ngwa tiye Moisés bra kanꞌ, loꞌo siꞌi ngwañaꞌan ngwa tiye neꞌ Israel taꞌa yu.
27211	ACT 7:26	Ngwiꞌya xaa xka tsan mdiyan yu seꞌen nxuun taꞌa tukwa neꞌ Israel. Ja mdiya tiꞌ Moisés chaꞌ nxuun taꞌa neꞌ kanꞌ: “¿Ni chaꞌ lka nxuun taꞌa wan a?” ndukwin yu ꞌin neꞌ bra kanꞌ. “Ti kwiꞌ neꞌ taꞌaan lka wan. Ja suꞌwe chaꞌ nxuun taꞌa wan.”
27217	ACT 7:32	“Ndiose lkaǎn” ndukwin Xꞌnaan. “Ti kwiǐnꞌ lkaǎn. Ayman kula ꞌiin yꞌni tnun neꞌ ꞌñaǎn nu ngwa sꞌni” ndukwin Ndiose ꞌin yu. “Loꞌo ayman Abraham, loꞌo ayman Isaac, loꞌo ayman Jacob yꞌni tnun neꞌ ꞌñaǎn.” Ytsen ꞌa Moisés bra kanꞌ, mchkwan ti yu ndiꞌin yu; ja ngwa ñaꞌan kwiꞌya yu kiiꞌ kanꞌ siyaꞌ ti.
27219	ACT 7:34	Wa naꞌaǎn nchga neꞌ Israel taꞌaa seꞌen ndiꞌin neꞌ la lo yuu Egipto kwa. Wa ngulo suwiǐn ꞌin nchga wan loꞌo taꞌa wan chaꞌ ka wan nten ꞌñaǎn, ni siya lye ꞌa nda neꞌ xaꞌan kanꞌ nu tiꞌí ꞌin nten ꞌñaǎn ni” ndukwin Ndiose. “Wa ynaǎn chaꞌ xiꞌin ꞌa nganen nsiꞌya neꞌ, kanꞌ chaꞌ mdiyaǎn chaꞌ kulaǎn ꞌin neꞌ. Ndloǔn tñan ꞌiin ni chaꞌ xituun, tyaa la lo yuu ꞌin Egipto xiyaꞌ.”
27220	ACT 7:35	’Nu ngwa sꞌni la ja mslyaa neꞌ Israel taꞌa Moisés chaꞌ ka yu ndloo la ꞌin neꞌ: “¿Ti ka lka nu nda chabiyaꞌ ꞌiin chaꞌ ka ndloo la ꞌwa, chaꞌ kuꞌni biyaaꞌ chaꞌ ꞌwa a?” ndukwin neꞌ ꞌin yu bra kanꞌ. Ti kwiꞌ Moisés kanꞌ, ngulo suwi Ndiose ꞌin yu chaꞌ ka yu ndloo la ꞌin neꞌ Israel taꞌa yu, chaꞌ kulaa yu ꞌin neꞌ kanꞌ ꞌin nu tiꞌí nu nda neꞌ xaꞌan nde Egipto ꞌin neꞌ; kanꞌ chaꞌ ngulo Ndiose tñan ꞌin Moisés bra nu naꞌan yu ꞌin angajle nduun laja kiiꞌ nu ndukwa loo suun kicheꞌ kanꞌ.
27221	ACT 7:36	Mda Ndiose chabiyaꞌ ꞌin ayman Moisés chaꞌ kuꞌni yu chaꞌ tnun chaꞌ kuwe tiꞌ neꞌ Egipto. Chunꞌ chaꞌ ngwa ꞌin yu kuꞌni yu chaꞌ tnun kanꞌ, kanꞌ chaꞌ ngwa ꞌin yu kulo yu tñan ꞌin nchga neꞌ Israel taꞌa yu, xa nu mdoꞌo neꞌ lo yuu ꞌin Egipto. Mdaꞌan loꞌo Moisés ꞌin neꞌ kanꞌ. Xiyaꞌ yꞌni yu chaꞌ tnun tuꞌwa Tujoꞌo Ngaꞌa. Chunꞌ ndiꞌin la mdaꞌan loꞌo yu ꞌin neꞌ nde ska lo yuu wtyi seꞌen ja nsuꞌwi tyiꞌa koꞌo neꞌ, loꞌo xiyaꞌ yꞌni yu chaꞌ tnun chaꞌ kuwe tiꞌ neꞌ ꞌin Ndiose. Tuꞌwa yijan mdaꞌan Moisés loꞌo neꞌ kanꞌ.
27227	ACT 7:42	Xka chaꞌ mdaꞌan tiye Ndiose bra nu naꞌan Ni ꞌin neꞌ: “Kulaa yaǎnꞌ ꞌin neꞌ kwa siyaꞌ ti, chaꞌ ngiꞌni neꞌ tñan kuxi kanꞌ bra kanꞌ” ndukwin Ndiose. “Xkwiꞌ chaꞌ xaꞌan ndaꞌan tiye neꞌ kwa.” Ngwañaꞌan mskeꞌ tiꞌ Ni, kanꞌ chaꞌ mxnun Ni ꞌin neꞌ chaꞌ kuꞌni tnun neꞌ ꞌin nchga nan nu ndukwi nde niꞌ kwan; joꞌo lka kwichaa, mskeꞌ tiꞌ neꞌ bra kanꞌ, joꞌo lka koꞌ, joꞌo lka kwii kulasiin, mskeꞌ tiꞌ neꞌ. Xkwiꞌ chaꞌ kuxi yꞌni neꞌ bra kanꞌ. Ngwaꞌan ayman lo kityi ꞌin Ndiose sꞌni chaꞌ ꞌin chaꞌ kuxi nu yꞌni neꞌ kanꞌ: Neꞌ Israel lka nchga wan; mdaꞌan yuꞌwi wan tuꞌwa yijan lo ntenꞌ wtyi, ndukwin Ndiose ꞌin ayman kanꞌ. ¿Ni chaꞌ ja yꞌni tnun wan ꞌñaǎn bra kanꞌ, bra nu mstya wan ꞌni luꞌu chaꞌ ka lomstan ꞌñaǎn a? Ja suꞌwe nsuꞌwi tiye wan ꞌñaǎn bra nu yan loꞌo wan ꞌni kanꞌ.
27273	ACT 8:28	Loꞌo ni, wa mxitukwi yu ndyaan yu kichen tyi yu. Ndukwa yu niꞌ carreta nu ndujwakii kwiyu ꞌin, nchkwiꞌ yu lo kityi nu ngwaꞌan ayman Isaías chaꞌ ꞌin Ndiose.
27275	ACT 8:30	Msnan ꞌa Lpe ndyaa ñaꞌan ꞌin carreta bra kanꞌ. Siꞌ ti carreta mdaꞌan yu ndyaa yu chinꞌ, ynan yu chaꞌ nu ykwiꞌ yu kula kanꞌ lo kityi nu ngwaꞌan ayman Isaías, ñaꞌan ndukwa ti yu niꞌ carreta, kanꞌ mdyisnan ykwiꞌ Lpe loꞌo yu kula kanꞌ: ―¿La nde yaꞌ tsaa ni, yu kula a? ―ndukwin Lpe ꞌin yu. ―Tyaꞌaǎn nde kichen tyiǐn ―ndukwin yu. ―¿Ta nchka biyaꞌ tiiꞌ chaꞌ nu nchkwiiꞌ lo kityi kwa a? ―ndukwin Lpe ꞌin yu.
27279	ACT 8:34	Bra kanꞌ mnichaꞌ yu kula Etiopía kanꞌ ꞌin Lpe: ―Kuꞌnii chaꞌ suꞌwe kwaꞌuu chinꞌ ꞌñaǎn sa ñaꞌan nchkwiꞌ kityi re ―ndukwin yu ꞌin Lpe―. ¿Ti ka nu lka kujwi neꞌ ꞌin, ndukwin kityi re a? ―ndukwin yu kanꞌ―. ¿Ta ngwaꞌan ra ayman Isaías chaꞌ re chaꞌ ꞌin yu, ti ykwiꞌ ti yu a? ¿O ta chaꞌ ꞌin xka yu ngwaꞌan ayman chaꞌ re a?
27300	ACT 9:15	Mxkwen Xꞌnaan ꞌin Ananías bra kanꞌ: ―Ndiꞌin chaꞌ tsaa seꞌen ndiꞌin Saulo kanꞌ ―ndukwin Ni ꞌin yu―. Wa nguloǔn suwiǐn ꞌin yu chaꞌ kuꞌni yu tñan ꞌñaǎn ―ndukwin Ni―. Tsaa yu seꞌen ndiꞌin neꞌ xka laꞌa tsuꞌ, tsaa yu tloo nu nka xꞌnan neꞌ tijyuꞌ kanꞌ, loꞌo tsaa yu seꞌen ndiꞌin taꞌa wan, neꞌ Israel. Kanꞌ chkwiꞌ yu chaꞌ ꞌñaǎn loꞌo nchga nten seꞌen tsaa yu, kanꞌ tñan ndiꞌin chaꞌ kuꞌni yu chaꞌ ꞌñaǎn.
27329	ACT 10:1	Kichen Cesarea ndiꞌin ska yu kiꞌyu nu naan Cornelio. Nka yu capitán ꞌin ska ta sndaru nu nchkwiꞌ nten chaꞌ neꞌ Italiano lka neꞌ.
27364	ACT 10:36	Wa ytsaꞌ Ndiose ꞌwa nu lka ba neꞌ Israel, chaꞌ ka tyiꞌin tiin ti nten chalyuu chunꞌ tñan nu yꞌni Jesucristo, nu lka Xꞌnan nchga nten.
27365	ACT 10:37	Jlyo suꞌwe tiꞌ wan nchga chaꞌ nu mdijin nu ngwa sꞌni lo yuu re, kichen tyi neꞌ judío. Ti kulo ykwiꞌ Xuwa chaꞌ kanꞌ loꞌo nten xa nu mdukwatya yu ꞌin neꞌ, kanꞌ ngwaꞌu Jesús chaꞌ kanꞌ ꞌin neꞌ judío taꞌa ba nde Galilea. Nde loo la ngwaꞌu Jesús chaꞌ kanꞌ ꞌin nchga neꞌ Israel taꞌa ba nde kichen tyi ba.