| 24200 | MAT 27:2 | Mskanꞌ neꞌ ꞌin Jesús bra kanꞌ, ndyaa loꞌo neꞌ ꞌin tloo Poncio Pilato, nu ngwa gobernador romano. |
| 24211 | MAT 27:13 | Chunꞌ ndiꞌin la xiyaꞌ ykwiꞌ Pilato loꞌo Jesús bra kanꞌ: ―¿Ta ja ynaan chaꞌ kuxi nu nchkwiꞌ neꞌ kwa ꞌiin a? ―ndukwin nu lka ndloo kanꞌ ꞌin Jesús. |
| 24212 | MAT 27:14 | Ja mxkwen ꞌa Jesús ꞌin neꞌ; ja ska chaꞌ ykwiꞌ yu, kanꞌ chaꞌ nduwe ꞌa tiꞌ Pilato kanꞌ naꞌan yu ꞌin Jesús. |
| 24215 | MAT 27:17 | Loꞌo kaꞌan ꞌa neꞌ judío ni, ndyoꞌ tiꞌin neꞌ tuꞌ naꞌan ꞌin gobierno, loꞌo mnichaꞌ Pilato ꞌin neꞌ bra kanꞌ: ―¿Ti lka nchka tiꞌ wan chaꞌ kulaǎn ni a? ¿Ta suꞌwe la lyaa Barrabás a? ¿O ta suꞌwe la lyaa Jesús nu nchkwiꞌ wan chaꞌ lka Krixtu a? ―ndukwin Pilato ꞌin neꞌ. |
| 24216 | MAT 27:18 | Jlyo tiꞌ Pilato, chaꞌ tiꞌí ꞌa tiꞌ neꞌ nu lka ndloo kanꞌ ñaꞌan neꞌ ꞌin Jesús, kanꞌ chaꞌ msuꞌwa neꞌ kanꞌ ꞌin yu niꞌ ñaꞌan chkwan. |
| 24217 | MAT 27:19 | Ti nduun nten kaꞌan kanꞌ seꞌen ndiꞌin Pilato, loꞌo ti ndukwa Pilato kanꞌ lo yka xlya tnun seꞌen ngiꞌni biyaꞌ yu chaꞌ ꞌin nten. Kanꞌ mdiyan ska msu seꞌen ndukwa yu, ytsaꞌ msu chaꞌ re nu wa ykwiꞌ kwilyoꞌo Pilato: “Ja ska chaꞌ kuꞌnii loꞌo yu kiꞌyu kwa, nten suꞌwe lka yu kwa” ndukwin nu kunaꞌan kanꞌ ꞌin Pilato. “Tyukwi tla lye ꞌa mdaꞌan chaꞌ tiyeěn chaꞌ ꞌin yu kwa. Wa ykwiꞌ slaǎn chaꞌ ꞌin yu kwa.” |
| 24218 | MAT 27:20 | Nchga sti joꞌo nu lka ndloo loꞌo yu kula kanꞌ, wa ykwiꞌ neꞌ loꞌo nten kaꞌan kanꞌ, chaꞌ jñan neꞌ chabiyaꞌ ꞌin Pilato chaꞌ kulaa yu ꞌin Barrabás nu ndiꞌin niꞌ ñaꞌan chkwan kanꞌ, loꞌo kujwi Pilato ꞌin Jesús bra kanꞌ. |
| 24219 | MAT 27:21 | Chunꞌ ndiꞌin la mnichaꞌ gobernador kanꞌ ꞌin neꞌ kanꞌ xiyaꞌ: ―¿Ti ka kulaǎn sikwa a? ―ndukwin Pilato ꞌin neꞌ. ―ꞌIn Barrabás ―ndukwin nten kaꞌan bra kanꞌ. |
| 24220 | MAT 27:22 | ―¿Ni ñaꞌan kuꞌniǐn loꞌo Jesús nu nchkwiꞌ wan chaꞌ nka Krixtu sikwa a? ―ndukwin Pilato bra kanꞌ. ―¡Jwiꞌin kaꞌan wan ꞌin yu lo wsi! ―ndukwin nchga nten bra kanꞌ. |
| 24221 | MAT 27:23 | ―¿Ni chaꞌ lka nchka tiꞌ wan chaꞌ kujwiǐn ꞌin yu re? ―ndukwin Pilato bra kanꞌ―. ¿Ni kiꞌya ndukwi yu a? Kwen ꞌa msiꞌya loꞌo neꞌ ꞌin Pilato bra kanꞌ: ―¡Jwiꞌin kaꞌan wan ꞌin yu lo wsi! ―ndukwin neꞌ. |
| 24222 | MAT 27:24 | Bra nu naꞌan Pilato chaꞌ tlá ꞌa ngiꞌni tloo neꞌ, chaꞌ msinꞌ ꞌa tiꞌ neꞌ, jlyo tiꞌ yu chaꞌ ja xlyaa ꞌa neꞌ kunan neꞌ chaꞌ nchkwiꞌ yu loꞌo neꞌ bra kanꞌ. Kanꞌ chaꞌ ngulo yu tñan ꞌin ska msu chaꞌ kan loꞌo msu kanꞌ ska siꞌyuu tyiꞌa. Mnaꞌ yu tloo nchga nten bra kanꞌ. ―Luwi kanun yaǎnꞌ ―ndukwin yu―, chaꞌ siꞌi chaꞌ ꞌñaǎn kaja yu nu ja ska kiꞌya ndukwi re ―ndukwin Pilato ꞌin neꞌ―. Chaꞌ ꞌwan lka chaꞌ kanꞌ. |
| 24224 | MAT 27:26 | Loꞌo ngulaa Pilato ꞌin Barrabás kanꞌ, mjiꞌin neꞌ ꞌin Jesús loꞌo ti su. Kwiꞌ ngulo Pilato tñan ꞌin neꞌ sndaru chaꞌ tsaa loꞌo neꞌ ꞌin Jesús bra kanꞌ, chaꞌ jwiꞌin kaꞌan neꞌ ꞌin yu lo wsi. |
| 24256 | MAT 27:58 | Ti tsan la wa yaa yu seꞌen ndiꞌin Pilato, mjñan yu chabiyaꞌ chaꞌ tsaa loꞌo yu ꞌin ayman Jesús chaꞌ katsiꞌ. Mda Pilato chabiyaꞌ ꞌin yu bra kanꞌ, ngulo Pilato tñan ꞌin sndaru chaꞌ ta neꞌ ayman kanꞌ ꞌin Se. |
| 24260 | MAT 27:62 | Wa ngwa xka tsan ni, wa mdyii yꞌni neꞌ judío tñan ꞌin neꞌ, chaꞌ kuꞌni xuꞌwe neꞌ taꞌa seꞌen nxitñaꞌ neꞌ. Kanꞌ ndyoꞌ tiꞌin nchga sti joꞌo nu lka ndloo loꞌo neꞌ fariseo kanꞌ seꞌen ndiꞌin Pilato bra kanꞌ. |
| 24261 | MAT 27:63 | Ykwiꞌ neꞌ loꞌo Pilato bra kanꞌ: ―Yu kula ―ndukwin neꞌ ꞌin Pilato―, nsuꞌwi tiꞌ bare chaꞌ nu ykwiꞌ yu kwiñi kanꞌ xa nu ti luꞌu yu: “Xa mdaꞌa snan tsan, bra kanꞌ tyuꞌuǔn xiyaꞌ” ndukwin yu. |
| 24263 | MAT 27:65 | Loꞌo mxkwen Pilato ꞌin neꞌ nu lka ndloo kanꞌ bra kanꞌ: ―Ndiya sndaru ꞌwan ―ndukwin Pilato―. Yaa lya wan loꞌo sndaru kanꞌ, chaꞌ tukunꞌ suꞌwe wan tuꞌwa kwaa kanꞌ sa ñaꞌan nu nchka tiꞌ wan, ti ykwiꞌ ti wan. |
| 24896 | MRK 15:1 | Xa nu ngwiꞌya xaa xka tsan, mdyoꞌ tiꞌin sti joꞌo nu lka ndloo, loꞌo neꞌ kula, loꞌo mstru nu nduꞌu chaꞌ joꞌo, mdiꞌin nchga neꞌ wsiya chaꞌ chkwiꞌ neꞌ loꞌo taꞌa neꞌ. Bra kanꞌ mskanꞌ neꞌ kanꞌ ꞌin Jesús, ndyaa loꞌo neꞌ ꞌin yu tloo Pilato nu ngwa gobernador romano chaꞌ ka biyaꞌ ꞌin yu. Mnichaꞌ Pilato ꞌin Jesús bra kanꞌ: |
| 24898 | MRK 15:3 | Kanꞌ mstya sti joꞌo nu lka ndloo kaꞌan kiꞌya ꞌin Jesús tloo Pilato kanꞌ. |
| 24899 | MRK 15:4 | Loꞌo xiyaꞌ ykwiꞌ Pilato loꞌo Jesús bra kanꞌ: ―¿Ja nchka ꞌiin xkween ꞌin neꞌ kwa a? ―ndukwin Pilato ꞌin yu―. Nan wa kaꞌan kiꞌya mstya neꞌ ꞌiin. |
| 24900 | MRK 15:5 | Ja ykwiꞌ Jesús loꞌo neꞌ siyaꞌ ti. Yuwe ꞌa tiꞌ Pilato bra kanꞌ. |
| 24903 | MRK 15:8 | Bra kanꞌ mdyoꞌ tiꞌin kaꞌan nten tloo Pilato, mjñan neꞌ ꞌin yu chaꞌ kulaa yu ꞌin ska presu sa ñaꞌan nu ngiꞌni yu nchga yijan. |
| 24904 | MRK 15:9 | ―¿Ta nchka tiꞌ wan chaꞌ kulaǎn ꞌin yu re nu lka ree ꞌwan, neꞌ judío a? ―mnichaꞌ Pilato ꞌin nten kaꞌan kanꞌ. |
| 24905 | MRK 15:10 | Ykwiꞌ Pilato ngwañaꞌan chunꞌ mgii tiꞌ yu chaꞌ tiꞌí tiꞌ sti joꞌo nu lka ndloo ꞌin Jesús, kanꞌ chaꞌ mdiyan loꞌo neꞌ ꞌin Jesús tloo yu chaꞌ lka yu gobernador. |
| 24906 | MRK 15:11 | Mjñan nten kaꞌan ꞌin Pilato chaꞌ kulaa yu ꞌin Barrabás, siꞌi ꞌin Jesús. Nan wa ykwiꞌ nten kaꞌan kanꞌ loꞌo Pilato chaꞌ kulaa ꞌin Barrabás, chunꞌ mdatsaa sti joꞌo nu lka ndloo ꞌin nten chaꞌ ngwañaꞌan jñan neꞌ chaꞌ ꞌin Pilato. |
| 24907 | MRK 15:12 | Xiyaꞌ mnichaꞌ Pilato ꞌin neꞌ bra kanꞌ: ―¿Ni sa ñaꞌan kuꞌniǐn loꞌo yu re, nu ykwiꞌ wan chaꞌ lka yu ree ꞌin neꞌ judío sikwa a? ―ndukwin Pilato ꞌin nten kaꞌan kanꞌ. |
| 24908 | MRK 15:13 | Kwen msiꞌya loꞌo neꞌ ꞌin Pilato bra kanꞌ: ―¡Kujwi lya wan ꞌin yu kwa lo wsi! ―ndukwin neꞌ. |
| 24909 | MRK 15:14 | ―¿Ni chaꞌ nchka tiꞌ wan chaꞌ kujwiǐn ꞌin yu re? ―ndukwin Pilato ꞌin neꞌ―. ¿Ni ñaꞌan kiꞌya ndiꞌin ꞌin yu a? Lye la msiꞌya loꞌo neꞌ ꞌin Pilato bra kanꞌ: ―¡Kujwi lya wan ꞌin yu kwa lo wsi! |
| 24910 | MRK 15:15 | Kanꞌ chaꞌ ngulaa Pilato ꞌin Barrabás chaꞌ kiꞌya tlaꞌ chinꞌ tiye nten kaꞌan kanꞌ. Xa nu lye mjiꞌin sndaru ꞌin Jesús loꞌo ti su, bra kanꞌ ngulo Pilato tñan ꞌin sndaru chaꞌ tyaa loꞌo neꞌ ꞌin Jesús chaꞌ jwiꞌin kaꞌan neꞌ ꞌin yu lo wsi. |
| 24938 | MRK 15:43 | Mdiya ska neꞌ wsiya nu naan Se, neꞌ kichen Arimatea ngwa yu kanꞌ, ska neꞌ kula nu tnun nchka ngwa yu. Loꞌo Se ndyaa ñaꞌan ꞌa tiꞌ yu chaꞌ wa tiya ti tsan chaꞌ ka Ndiose ndloo la; kanꞌ chaꞌ yꞌni ngula tiye yu, ndyaa yu tloo Pilato mjñan yu chabiyaꞌ kutsiꞌ yu ꞌin ayman Jesús. |
| 24939 | MRK 15:44 | Yuwe ꞌa tiꞌ Pilato si chañi chaꞌ ngujwi Jesús ndla ti. Kanꞌ chaꞌ msiꞌya Pilato ꞌin capitán ꞌin sndaru nu nduun kwan kiyaꞌ wsi chaꞌ kan capitán kanꞌ tloo yu, chaꞌ katsaꞌ ñi ꞌin yu si chañi chaꞌ ngujwi Jesús. |
| 24940 | MRK 15:45 | Loꞌo ytsaꞌ capitán kanꞌ ꞌin Pilato chaꞌ chañi ngujwi ayman kanꞌ; kanꞌ chaꞌ mda Pilato chabiyaꞌ ꞌin Se chaꞌ tsaa loꞌo yu ꞌin ayman kanꞌ, chaꞌ katsiꞌ. |
| 25095 | LUK 3:1 | Wa nsuꞌwi tiꞌyun yijan chaꞌ lka Tiberio emperador nu lka ndloo la ꞌin nten tyukwi ñaꞌaan chalyuu, Poncio Pilato lka ndloo nde lo yuu ꞌin Judea, tñan ꞌin Tiberio kanꞌ bra kanꞌ; loꞌo nu naan Herodes kanꞌ, lka yu ndloo lo yuu ꞌin Galilea tyempu kanꞌ; loꞌo Felipe, taꞌa ngula Herodes kanꞌ, lka yu ndloo lo yuu ꞌin Iturea loꞌo lo yuu ꞌin Traconite ti kwiꞌ tyempu kanꞌ; loꞌo xka nu naan Lisanias, lka yu ndloo lo yuu ꞌin Abilinia bra kanꞌ. |
| 25129 | LUK 3:35 | Serug ngwa naan sti Nacor kanꞌ; Ragau ngwa naan sti Serug kanꞌ; Peleg ngwa naan sti Ragau kanꞌ; Heber ngwa naan sti Peleg kanꞌ; Sala ngwa naan sti Heber kanꞌ; |
| 25588 | LUK 13:1 | Ti kwiꞌ tyempu kanꞌ mdiyan chinꞌ nten seꞌen ndiꞌin Jesús. Ytsaꞌ neꞌ kanꞌ ꞌin yu bra kanꞌ, sa ñaꞌan ngwa bra nu tka yjwi ti gobernador Pilato ꞌin tyun neꞌ Galilea. Laja nu yꞌni kti neꞌ Galilea kanꞌ niꞌ lyaa, bra nu yjwi neꞌ ꞌni chaꞌ ka lomstan ꞌin Ndiose, bra kanꞌ mdiyan sndaru ꞌin Pilato, yjwi sndaru kanꞌ ꞌin neꞌ kanꞌ, ndukwin neꞌ. |
| 25589 | LUK 13:2 | Ykwiꞌ Jesús loꞌo neꞌ bra kanꞌ: ―¿Ta siꞌya chaꞌ xaꞌan ꞌa neꞌ Galilea kwa, kanꞌ chaꞌ yjwi Pilato ꞌin neꞌ, nxkeꞌ tiꞌ wan a? Ja xaꞌan lye neꞌ kanꞌ. Nan yꞌni ti neꞌ sa ñaꞌan nu ngiꞌni taꞌa kichen tyi neꞌ, |
| 26005 | LUK 23:1 | Mdyituun nchga neꞌ wsiya bra kanꞌ, ndyaa loꞌo neꞌ ꞌin Jesús seꞌen ndiꞌin Pilato nu lka gobernador romano bra kanꞌ. |
| 26006 | LUK 23:2 | Mdyisnan neꞌ mstya neꞌ kiꞌya ꞌin Jesús bra kanꞌ: ―Wa msñi ba ꞌin yu kiꞌyu re, chaꞌ ndatsaa ꞌa yu ꞌin neꞌ judío taꞌa kichen tyi ba. Ndukwin yu chaꞌ ja nsuꞌwi chabiyaꞌ ta ba tñi nu ndlo neꞌ nu lka tñan ꞌwan, neꞌ romano; loꞌo lye ꞌa nchkwiꞌ yu chaꞌ ykwiꞌ yu lka yu Krixtu, sa ñaꞌan si lka yu ree nu lka ndloo la ꞌwa ―ndukwin neꞌ ꞌin Pilato. |
| 26007 | LUK 23:3 | Bra kanꞌ mnichaꞌ Pilato ꞌin Jesús: ―¿Ta nuꞌwin lkaa Ree ꞌin neꞌ judío a? ―ndukwin. Bra kanꞌ mxkwen Jesús ꞌin Pilato: ―Ti kwiꞌ sa ñaꞌan nu wa ykwiiꞌ, ti kwiꞌ kanꞌ lkaǎn ―ndukwin. |
| 26008 | LUK 23:4 | Bra kanꞌ ykwiꞌ Pilato loꞌo sti joꞌo nu lka ndloo loꞌo xka la nten nu ndaꞌan loꞌo yu: ―Ja ska chaꞌ kuxi ndyija ꞌñaǎn chaꞌ xtyaǎn kiꞌya ꞌin yu re ―ndukwin Pilato. |
| 26009 | LUK 23:5 | Loꞌo xiyaꞌ lye la ykwiꞌ neꞌ kanꞌ, kwen ꞌa msiꞌya loꞌo neꞌ ꞌin Pilato bra kanꞌ: ―Nda yu re chaꞌ msinꞌ tiꞌ ꞌin nchga nten nde Judea re siꞌya chaꞌ nu nduꞌu yu ꞌin neꞌ ―ndukwin neꞌ―. Nde Galilea mdyisnan yu re, loꞌo ni, loꞌo nde re nduꞌu yu chaꞌ kuxi kanꞌ ꞌin neꞌ. |
| 26010 | LUK 23:6 | Bra wa ynan Pilato chaꞌ kanꞌ, bra kanꞌ mnichaꞌ yu ꞌin neꞌ si nde Galilea mdoꞌo Jesús ndijyan. |
| 26011 | LUK 23:7 | ―Ti kwiꞌ ―ndukwin neꞌ. Bra kanꞌ ndyuꞌwi tiꞌ Pilato chaꞌ ndiꞌin Herodes kichen Jerusalén tsan kanꞌ. Loꞌo Herodes ni, lka yu ndloo ꞌin neꞌ Galilea; kanꞌ chaꞌ msuꞌwa Pilato ꞌin Jesús ndyaa seꞌen ndiꞌin Herodes kanꞌ bra kanꞌ. |
| 26015 | LUK 23:11 | Bra kanꞌ lye ꞌa mda Herodes nu tiꞌí ꞌin Jesús; ngwañaꞌan sndaru ꞌin yu, kuxi ꞌa yꞌni neꞌ loꞌo. Mxkuꞌ neꞌ teꞌ suꞌwe ꞌa ñaꞌan ꞌin yu bra kanꞌ, chaꞌ kaja ñaꞌan nu xtyi lyoꞌo neꞌ ꞌin yu. Teꞌ nduwi ꞌa ñaꞌan lka ran, sa ñaꞌan ñaꞌan steꞌ ree mxkuꞌ neꞌ ꞌin yu. Bra kanꞌ msuꞌwa Herodes ꞌin Jesús ndyaa xiyaꞌ nde seꞌen ndiꞌin Pilato. |
| 26016 | LUK 23:12 | Tsan kanꞌ ngwa suꞌwa chaꞌ ꞌin Herodes loꞌo Pilato xiyaꞌ; yuꞌwi ꞌa chaꞌ wsuun ꞌin neꞌ ti kulo la, loꞌo ni yꞌni xuꞌwe neꞌ chaꞌ ꞌin neꞌ xiyaꞌ. |
| 26017 | LUK 23:13 | Bra kanꞌ mxoꞌ tiꞌin Pilato ꞌin nchga sti joꞌo nu lka ndloo, loꞌo nchga neꞌ wsiya, loꞌo nchga nten kichen. |
| 26020 | LUK 23:16 | Taǎn chinꞌ nu tiꞌí ꞌin yu kulo ndukwa la, bra kanꞌ kulaǎn ꞌin yu ―ndukwin Pilato ꞌin neꞌ. |
| 26022 | LUK 23:18 | kanꞌ chaꞌ mdyisnan nchga nten kichen, kwen ꞌa msiꞌya neꞌ suꞌwa ti, mjñan neꞌ xka presu ꞌin Pilato: ―¡Ja kulaa ꞌin yu kiꞌyu re! ―ndukwin neꞌ―. ¡Yaa loꞌoo ꞌin yu re! ¡Kulaa ꞌin Barrabás kanꞌ, chaꞌ tyoꞌo yu ngwa ti ñaꞌan! |
| 26024 | LUK 23:20 | Ngwa tiꞌ Pilato kulaa ꞌin Jesús, kanꞌ chaꞌ xiyaꞌ ykwiꞌ yu loꞌo neꞌ. |
| 26025 | LUK 23:21 | Kwen la mxkwen nten kaꞌan kanꞌ ꞌin Pilato bra kanꞌ: ―¡Jwiꞌin kaꞌaan lyaa ꞌin yu lo wsi chaꞌ kaja yu! ―ndukwin neꞌ―. ¡Jwiꞌin kaꞌaan lyaa ꞌin yu lo wsi! ―ndukwin nten kaꞌan kanꞌ bra kanꞌ. |
| 26026 | LUK 23:22 | Wa mdaꞌa snan yaꞌ ykwiꞌ Pilato loꞌo neꞌ bra kanꞌ: ―¿Ni sa ñaꞌan chaꞌ kuxi yꞌni yu re a? Ja ska chaꞌ kuxi ꞌin yu re ndyija ꞌñaǎn ―ndukwin Pilato―, kanꞌ chaꞌ ja nꞌni ꞌa chaꞌ kaja yu. Suꞌwe la si taǎn chinꞌ nu tiꞌí ꞌin yu, chunꞌ ndiꞌin la kulaǎn ꞌin yu. |
| 26027 | LUK 23:23 | Bra kanꞌ kwen la msiꞌya neꞌ mxkwen neꞌ ꞌin Pilato, chaꞌ jwiꞌin kaꞌan lya ꞌin Jesús lo wsi. Lye ꞌa ykwiꞌ nten kichen, loꞌo sti joꞌo nu lka ndloo ykwiꞌ ꞌa neꞌ, kanꞌ chaꞌ keeꞌ ꞌa mslyaa Pilato kuꞌni tñan nu ngwa tiꞌ neꞌ. |
| 26029 | LUK 23:25 | Ngulaa yu ꞌin Barrabás nu yꞌni ꞌa chaꞌ wsuun, nu wa yjwi ꞌin nten, chaꞌ kanꞌ lka nu ngulo suwi nten kichen chaꞌ tyoꞌo ñaꞌan chkwan. Bra kanꞌ mda Pilato ꞌin Jesús ꞌin neꞌ chaꞌ kuꞌni neꞌ sa ñaꞌan nu nchka ti tiꞌ neꞌ kuꞌni neꞌ loꞌo yu. |
| 26056 | LUK 23:52 | Ndyaa Se bra kanꞌ, ndyaa seꞌen ndiꞌin Pilato chaꞌ jñan chabiyaꞌ tsaa loꞌo ꞌin ayman Jesús chaꞌ kutsiꞌ ꞌin ayman kanꞌ. |
| 26882 | JHN 18:28 | Loꞌo mdoꞌo neꞌ seꞌen ndiꞌin Caifás bra kanꞌ, ndyaa loꞌo neꞌ ꞌin Jesús seꞌen ndiꞌin gobernador romano nu naan Pilato. Wa kiꞌya ti xaa bra kanꞌ, kanꞌ chaꞌ ja mslyaa neꞌ judío sten neꞌ niꞌ ñaꞌan ꞌin gobernador; kti ꞌa ngiꞌni neꞌ kanꞌ chaꞌ taꞌa. Nxkeꞌ tiꞌ neꞌ chaꞌ wñuꞌun chaꞌ ꞌin neꞌ si sten neꞌ niꞌ ñaꞌan ꞌin neꞌ nu ja luwi, neꞌ xka laꞌa tsuꞌ; ja kaja chabiyaꞌ ku siin neꞌ tsan taꞌa kanꞌ bra kanꞌ. |
| 26883 | JHN 18:29 | Kanꞌ chaꞌ mdoꞌo Pilato, nu lka gobernador kanꞌ, ndyaa yu seꞌen ndiꞌin neꞌ judío chaꞌ kunichaꞌ yu ꞌin neꞌ: ―¿Ta ndiya kiꞌya nu xtya wan ꞌin yu re a? ―ndukwin Pilato ꞌin neꞌ. |
| 26884 | JHN 18:30 | Mxkwen neꞌ judío ꞌin Pilato bra kanꞌ: ―Si ja ndukwi yu kiꞌya, ja kan loꞌo ba ꞌin yu seꞌen ndiꞌiin bra kanꞌ, yu kula ―ndukwin neꞌ ꞌin yu. |
| 26885 | JHN 18:31 | ―Yaa loꞌo wan ꞌin yu re chaꞌ kuꞌni biyaꞌ wan ꞌin yu chabiyaꞌ ꞌin chaꞌ kula nu nsuꞌwi ꞌwan, ti ykwiꞌ ti wan ―ndukwin Pilato ꞌin neꞌ bra kanꞌ. ―Ja ndiya chabiyaꞌ ꞌwa chaꞌ kujwi ba ꞌin ska nten ngwañaꞌan, chaꞌ neꞌ judío lka ba ―ndukwin neꞌ ꞌin Pilato bra kanꞌ. |
| 26887 | JHN 18:33 | Mxituun Pilato bra kanꞌ, ndyaa yu niꞌ ñaꞌan ꞌin yu, msiꞌya yu ꞌin Jesús chaꞌ kan seꞌen ndiꞌin yu: ―¿Ta nuꞌwin lkaa ree nu lka ndloo la ꞌin neꞌ judío a? ―ndukwin Pilato ꞌin Jesús. |
| 26888 | JHN 18:34 | Ykwiꞌ Jesús loꞌo yu kula bra kanꞌ: ―¿Ta ska chaꞌ nu ngwiꞌya kee tii ykwiiꞌ tii lka chaꞌ kwa a? ¿O ta xka nten ytsaꞌ ꞌiin chaꞌ ngwañaꞌan lkaǎn a? ―ndukwin Jesús ꞌin Pilato. |
| 26889 | JHN 18:35 | ―¿Ta loꞌoǔn lkaǎn yu judío, nxkeꞌ tiiꞌ a? ―ndukwin Pilato bra kanꞌ―. Jlyo tiiꞌ chaꞌ neꞌ taꞌa kichen tyii, kwiꞌ sti joꞌo nu lka ndloo ꞌwan, kanꞌ lka nu wa mdiyan loꞌo ꞌiin chaꞌ ka biyaꞌ ꞌiin seꞌen ndiꞌiǐn. |
| 26891 | JHN 18:37 | ―¿Ta ree lkaa sikwa a? ―ndukwin Pilato. Mxkwen Jesús ꞌin yu kula kanꞌ xiyaꞌ bra kanꞌ: ―Nuꞌwin ndukwiin chaꞌ lkaǎn ree. Nde lka tñan nu nsuꞌwi ꞌñaǎn, chaꞌ chkwiǐnꞌ ñi loꞌo nten chaꞌ ꞌin nchga chaꞌ nu nsuꞌwi seꞌen ndiꞌin Ndiose; kanꞌ chaꞌ ngulaǎn lo chalyuu, kanꞌ chaꞌ mdiyaǎn chaꞌ chkwiǐnꞌ ñi nchga chaꞌ ꞌin Ndiose loꞌo nten. Loꞌo nchga nten nu ndukwa chaꞌ nu ñi, nnan neꞌ chaꞌ nu nchkwiǐnꞌ loꞌo neꞌ. |
| 26892 | JHN 18:38 | Kanꞌ ykwiꞌ Pilato loꞌo Jesús: ―Ja jlyo tiǎnꞌ. ¿Ta ndiya chaꞌ nu ñi ngwañaꞌan lo chalyuu a? ―ndukwin. Loꞌo mdoꞌo Pilato nde chunꞌ naꞌan bra kanꞌ, ndyaa yu seꞌen nduun neꞌ judío kanꞌ xiyaꞌ. ―Kwenta ꞌñaǎn, ja ndukwi yu kwa kiꞌya, ja ndiꞌin chaꞌ taǎn nu tiꞌí ꞌin yu ―ndukwin Pilato ꞌin neꞌ judío―. |
| 26893 | JHN 18:39 | Loꞌo ni, wa ndyaꞌan tiꞌ wan chaꞌ ndlyoǔn ska presu ꞌwan nchga yijan xa nu nchka tsan taꞌa pascua ―ndukwin Pilato bra kanꞌ―. ¿Ta nchka tiꞌ wan chaꞌ tlyoǔn ꞌin yu kwa nu lka ree ꞌwan neꞌ judío a? |
| 26894 | JHN 18:40 | Kwen msiꞌya loꞌo neꞌ ꞌin Pilato xiyaꞌ: ―¡Siꞌi yu kwa nchka tiꞌ ba chaꞌ tyoꞌo yu! ¡Tlyoo ꞌin Barrabás! ―ndukwin neꞌ. Loꞌo nu naan Barrabás kanꞌ ni, siꞌi nten suꞌwe lka yu kanꞌ, xaꞌan ꞌa yu, loꞌo yu kunan lka yu. |
| 26895 | JHN 19:1 | Ngulo Pilato tñan chaꞌ tyaa loꞌo neꞌ ꞌin Jesús bra kanꞌ, chaꞌ tiꞌí ꞌa jwiꞌin neꞌ ꞌin yu loꞌo ti su. |
| 26898 | JHN 19:4 | Xiyaꞌ mdoꞌo Pilato niꞌ ñaꞌan ndyaa seꞌen nduun neꞌ judío kanꞌ. ―Nde kwa ndijyan yu ―ndukwin Pilato―. Wa mdiyaǎn loꞌoǔn ꞌin yu kwa seꞌen ndiꞌin wan xiyaꞌ, chaꞌ ka biyaꞌ tiꞌ wan chaꞌ ja ndukwi yu kiꞌya kwenta ꞌñaǎn. |
| 26899 | JHN 19:5 | Kanꞌ mdoꞌo Jesús loꞌo sneꞌ kicheꞌ ndukwa ke yu, loꞌo ñaꞌan ti ndukuꞌ yu teꞌ kwaa kanꞌ. ―¡Ñaꞌan kwiꞌya wan ꞌin yu kwa ni! ―ndukwin Pilato bra kanꞌ. |
| 26900 | JHN 19:6 | Loꞌo sti joꞌo nu lka ndloo loꞌo yu policía ꞌin neꞌ, kwen msiꞌya loꞌo neꞌ ꞌin Pilato bra nu naꞌan neꞌ chaꞌ ndijyan Jesús. ―¡Yjwi lya wan ꞌin yu! ¡Yjwi lya wan ꞌin yu kwa! ―ndukwin neꞌ ꞌin Pilato. Ykwiꞌ Pilato loꞌo neꞌ bra kanꞌ: ―Yaa loꞌo lya wan ꞌin yu, ti ykwiꞌ ti wan chaꞌ jwiꞌin kaꞌan wan ꞌin yu lo wsi sikwa ―ndukwin Pilato ꞌin neꞌ―, chaꞌ kwenta ꞌñaǎn ja ndukwi yu kiꞌya. |
| 26901 | JHN 19:7 | Mxkwen neꞌ judío ꞌin Pilato bra kanꞌ: ―Ndiꞌin ska chaꞌ ꞌware ―ndukwin neꞌ―. Sa ñaꞌan nchkwiꞌ ti ba ndukwi yu kiꞌya, chaꞌ ndukwin yu chaꞌ lka yu ska ti nu lka Sñiꞌ Ndiose; siꞌya chaꞌ kanꞌ ndiꞌin chaꞌ kaja yu. |
| 26902 | JHN 19:8 | Bra wa ynan Pilato chaꞌ kanꞌ, ytsen ꞌa yu bra kanꞌ. |
| 26904 | JHN 19:10 | ―¿Ni chaꞌ lka ja xlyaa chkwiiꞌ loꞌoǔn a? ―ndukwin Pilato ꞌin Jesús―. ¿Ta ja jlyo tiiꞌ chaꞌ ndiya chabiyaꞌ ꞌñaǎn chaꞌ tlyoǔn ꞌiin a? Loꞌo ndiya chabiyaꞌ ꞌñaǎn chaꞌ kujwiǐn ꞌiin lo wsi. |
| 26905 | JHN 19:11 | ―Ja ndiya chabiyaꞌ ꞌiin siyaꞌ ti chaꞌ kaa ndloo ꞌñaǎn ―ndukwin Jesús ꞌin Pilato―. Ndiose nu lka ndloo la ti, kanꞌ lka nu ta chabiyaꞌ ꞌñaan; kanꞌ chaꞌ tnun la kiꞌya ndukwi yu nu wa yjwiꞌ xuꞌwa ꞌñaǎn yaaꞌ. |
| 26906 | JHN 19:12 | Mdyisnan Pilato, lye ꞌa yꞌni yu tñan bra kanꞌ, si kaja ñaꞌan kuꞌni yu chaꞌ kulaa yu ꞌin Jesús. Ñaꞌan ti kwen msiꞌya loꞌo neꞌ judío ꞌin Pilato: ―¡Si kulaa ꞌin yu kwa ni, ja ka suꞌwe nuꞌwin loꞌo César nu lka xꞌnan wan neꞌ romano bra kanꞌ! ―ndukwin neꞌ―. ¡Wa ndukwin yu kwa chaꞌ lka yu ska ree, kanꞌ chaꞌ lka yu kontra ꞌin César nu nka xꞌnan wan! |
| 26907 | JHN 19:13 | Bra wa ynan Pilato chaꞌ nu ykwiꞌ neꞌ judío kanꞌ, bra kanꞌ ndyaa tukwa yu lo yka xlyaa seꞌen ngiꞌni biyaꞌ yu ꞌin nten. Ngulo yu tñan chaꞌ kan loꞌo neꞌ ꞌin Jesús tloo yu, ti kwiꞌ seꞌen ndiya kee kwajaꞌ nu ngwa naan Gabata chaꞌ hebreo. |
| 26908 | JHN 19:14 | Ndiꞌya kwan ngwa bra kanꞌ, tsan taꞌa siin ꞌin taꞌa pascua. Ykwiꞌ Pilato loꞌo neꞌ judío xiyaꞌ bra kanꞌ: ―¡Yu re lka yu ree nu lka ndloo ꞌwan sikwa! |
| 26909 | JHN 19:15 | Lye ꞌa ykwiꞌ neꞌ judío loꞌo Pilato bra kanꞌ: ―¡Yaa loꞌo wan ꞌin yu! ¡Yaa loꞌo wan ꞌin yu! Jwiꞌin kaꞌan lya wan ꞌin yu lo wsi. ―¿Ta nchka tiꞌ wan chaꞌ kujwi ba ꞌin ree nu lka ndloo ꞌwan a? ―ndukwin Pilato ꞌin neꞌ. ―Ja ndiꞌin xka ree nu lka ndloo ꞌñaan ―mxkwen neꞌ ꞌin yu―. Ska ti César lka ndloo la ꞌñaan. |
| 26910 | JHN 19:16 | Kanꞌ chaꞌ ngwañaꞌan ngwa bra kanꞌ. Ngulo Pilato tñan ꞌin sndaru chaꞌ kujwi neꞌ ꞌin Jesús, chaꞌ jwiꞌin kaꞌan neꞌ ꞌin yu lo wsi bra kanꞌ. |
| 26913 | JHN 19:19 | Bra kanꞌ ngulo Pilato tñan chaꞌ kwaꞌan neꞌ chaꞌ re ke wsi kanꞌ: “Yu re lka Jesús Nazaret, ree ꞌin neꞌ judío.” Ngwañaꞌan ngwaꞌan neꞌ chaꞌ bra kanꞌ. |
| 26915 | JHN 19:21 | Kanꞌ chaꞌ tyun sti joꞌo nu lka ndloo ꞌin neꞌ judío, ndyaa ykwiꞌ neꞌ loꞌo Pilato bra kanꞌ: ―Ja suꞌwe chaꞌ ngwaꞌan wan chaꞌ ree lka yu kanꞌ, chaꞌ lka yu ndloo ꞌware neꞌ judío ―ndukwin neꞌ―. Suꞌwe la si kwaꞌan wan chaꞌ ykwiꞌ yu ndukwin yu chaꞌ lka yu ree ꞌin neꞌ judío taꞌa ba. |
| 26916 | JHN 19:22 | Mxkwen Pilato ꞌin neꞌ bra kanꞌ: ―Kanun tu chaꞌ kanꞌ sa ñaꞌan nu ndukwa ti ran, nan wa ndukwa chaꞌ ni ―ndukwin. |
| 26925 | JHN 19:31 | Taꞌa siin pascua nka kanꞌ, kanꞌ chaꞌ ja nchka ꞌa tiꞌ neꞌ judío chaꞌ kanun ayman lo wsi xka tsan. Nduwe ꞌa tiꞌ neꞌ chaꞌ kti ꞌa tsan taꞌa kanꞌ; kanꞌ chaꞌ ndyaa neꞌ tloo Pilato, mjñan neꞌ chaꞌ ꞌin yu kula chaꞌ kwicha lya sndaru tijyan kiyaꞌ neꞌ nu ndukwi lo wsi, chaꞌ ndla la kaja neꞌ bra kanꞌ. Ka tiꞌya neꞌ ꞌin ayman kanꞌ lyuu bra kanꞌ. |
| 26932 | JHN 19:38 | Xa wa msiin la ndyaa ska yu nu naan Se Arimatea seꞌen ndiꞌin Pilato kanꞌ. Ti kwiꞌ nten nu yꞌni xaꞌan chaꞌ ꞌin Jesús lka yu kanꞌ, ni siya mnan ti yꞌni xaꞌan yu. Ntsen yu si ka biyaꞌ tiꞌ neꞌ judío taꞌa kichen tyi yu chaꞌ ngiꞌni xaꞌan yu chaꞌ ꞌin Jesús. Ndyaa yu mjñan yu chabiyaꞌ ꞌin Pilato chaꞌ tsaa loꞌo yu ꞌin ayman Jesús chaꞌ katsiꞌ. Mda Pilato chabiyaꞌ tsaa loꞌo yu ꞌin ayman kanꞌ. Bra kanꞌ ndyaa Se seꞌen nduun wsi, ndyaa yꞌya yu ꞌin ayman Jesús, chaꞌ tsaa loꞌo yu ꞌin tuꞌwa kwaa. |
| 27019 | ACT 2:1 | Ngwa tsan taꞌa Pentecostés, ska taꞌa ꞌin neꞌ judío, loꞌo ska seꞌen ti ndyoꞌ tiꞌin nchga nten nu msñi chaꞌ ꞌin Jesucristo la kanꞌ bra kanꞌ. |
| 27027 | ACT 2:9 | Kaꞌan ꞌa kichen seꞌen mdoꞌoan. Wa lkaan neꞌ Partia, neꞌ Media, neꞌ Elam, neꞌ Mesopotamia, neꞌ Judea, neꞌ Capadocia, neꞌ Ponto, neꞌ nde lo yuu ꞌin Asia, |
| 27028 | ACT 2:10 | neꞌ Frigia, neꞌ Panfilia, neꞌ Egipto, neꞌ Africa nu ndiꞌin nde loo la ꞌin kichen Cirene; kwiꞌ ngwañaꞌan neꞌ romano, loꞌo ndiꞌin neꞌ kanꞌ nde re, ni siya nten nu lka sñiꞌ neꞌ judío taꞌaan, ni siya xka ta neꞌ romano nu suꞌwa ti ngiꞌni tnun ꞌin Ndiose loꞌoan ―ndukwin neꞌ kanꞌ―. |
| 27078 | ACT 3:13 | Stian Ndiose, ti kwiꞌ Ni lka nu yꞌni tnun ayman kula ꞌñaan ti sꞌni, ni siya ayman Abraham, ni siya ayman Isaac, ni siya ayman Jacob; nchga ayman ꞌñaan yꞌni tnun neꞌ ꞌin Ndiose kanꞌ. Ndiose nu tlyu la ti lka nu nda chabiyaꞌ ꞌin Jesús Sñiꞌ Ni chaꞌ ka yu ndloo. Msñi wan ꞌin Jesús kanꞌ nu ngwa xkanꞌ ti, ndyaa loꞌo wan ꞌin yu, ndyaa stya wan kiꞌya ꞌin yu tloo neꞌ nu nka ndloo; loꞌo xa nu ngwa tiꞌ gobernador Pilato chaꞌ tyoꞌo Jesús seꞌen laja ti, ja mslyaa wan bra kanꞌ. |
| 27118 | ACT 4:27 | ’Sa ñaꞌan nu ykwiꞌ kityi nu ngwaꞌan ayman David nu ngwa sꞌni chaꞌ ꞌiin ―ndukwin neꞌ ꞌin Stian Ndiose―, kwiꞌ ngwañaꞌan wa ndyoꞌ tiꞌin neꞌ nu nka ndloo kichen re chaꞌ kuꞌni neꞌ chaꞌ kuxi loꞌo Jesús nu lka Sñiꞌ nuꞌwin, ni siya xkwiꞌ luwi kasiya ꞌin Jesús kanꞌ; ti kwiꞌ nu ngulo suwi nuꞌwin ꞌin yu ―ndukwin neꞌ―. Wa ndyoꞌ tiꞌin Herodes loꞌo Poncio Pilato, loꞌo neꞌ xka laꞌa tsuꞌ, loꞌo neꞌ taꞌa kichen tyi bare, loꞌo yꞌni neꞌ nchga tñan nu mda nuꞌwin chabiyaꞌ ꞌin neꞌ chaꞌ kuꞌni neꞌ; sa ñaꞌan nu ykwiiꞌ loꞌo neꞌ nu ngwa sꞌni chaꞌ ka, kwiꞌ ngwañaꞌan ngwa yijan re ―ndukwin neꞌ ꞌin Ndiose―. |
| 27175 | ACT 6:5 | ―Suꞌwe sikwa ―ndukwin nchga nten kanꞌ―, ngwañaꞌan kuꞌni ba. Kanꞌ ngulo suwi neꞌ ꞌin Steba, ska yu nu ndyaa ñaꞌan ꞌa tiꞌ ꞌin Jesucristo; loꞌo chañi chaꞌ nsuꞌwi Tyiꞌi Ndiose niꞌ kasiya ꞌin yu kanꞌ. Kwiꞌ ngwañaꞌan ngulo suwi neꞌ ꞌin Lpe, loꞌo Prócoro, loꞌo Nicanor, loꞌo Timón, loꞌo Parmenas, loꞌo Nicolás nu ngwa neꞌ kichen Antioquía. Kulo ndukwa wa msñi Nicolás kanꞌ chaꞌ ꞌin neꞌ judío, nu ti ji sten yu chaꞌ ꞌin Jesús. |
| 27437 | ACT 13:6 | Kanꞌ mdoꞌo neꞌ ndyaa neꞌ tyun kichen nde Chipre kanꞌ. Mdiyan neꞌ kichen Pafos bra kanꞌ. Kichen kanꞌ ndyukwa taꞌa neꞌ loꞌo ska yu taꞌá nu naan Barjesús. Neꞌ judío lka yu kiꞌyu kanꞌ; loꞌo chaꞌ kwiñi ti ndukwin yu chaꞌ nchkwiꞌ yu chaꞌ ꞌin Ndiose loꞌo nten. |
| 27438 | ACT 13:7 | Mdiꞌin yu taꞌá kanꞌ seꞌen ndiꞌin gobernador nu naan Sergio Paulo. Tiya ꞌa yu gobernador kanꞌ, loꞌo nchka ꞌa tiꞌ yu kunan yu chaꞌ ꞌin Ndiose; kanꞌ chaꞌ msiꞌya yu ꞌin Bernabé loꞌo Saulo chaꞌ kan seꞌen ndiꞌin yu, chaꞌ kwaꞌu neꞌ chaꞌ kanꞌ ꞌin yu. |
| 27439 | ACT 13:8 | Loꞌo ja ndiya tiꞌ yu taꞌá kanꞌ, chaꞌ ynan gobernador chaꞌ ꞌin Ndiose. (Elimas naan yu taꞌá kanꞌ chaꞌ nu nchkwiꞌ neꞌ kichen Pafos kanꞌ.) Lye ꞌa nxuun yu loꞌo Saulo loꞌo Bernabé, chaꞌ ngwa tiꞌ yu tukunꞌ yu chaꞌ ꞌin gobernador chaꞌ ja xñi yu kula kanꞌ chaꞌ ꞌin Ndiose nu ykwiꞌ taꞌa tyukwaa neꞌ kanꞌ loꞌo yu. |
| 27440 | ACT 13:9 | Naꞌan kwiꞌya ꞌa Palyu ꞌin yu taꞌá kanꞌ. (Nu naan Palyu ni, ti kwiꞌ kanꞌ lka nu ngwa naan Saulo ti kulo la.) Tyiꞌi Ndiose lka nu yꞌni chaꞌ ngula tiye Palyu kanꞌ, |
| 27441 | ACT 13:10 | kanꞌ chaꞌ ykwiꞌ yu loꞌo yu taꞌá kanꞌ: ―¡Lye ꞌa nñilyoꞌoo ꞌin nten! ―ndukwin Palyu ꞌin yu taꞌá kanꞌ―. ¡Kwiꞌ ngwañaꞌan liyeꞌ ꞌa tiiꞌ ꞌware; nuꞌwin ndukwiin chaꞌ msu ꞌin kuneꞌ xaꞌan lka ba ―ndukwin Palyu ꞌin yu―, loꞌo ja ndaa ꞌa chabiyaꞌ ꞌin nten chaꞌ kuꞌni neꞌ chaꞌ suꞌwe! Kanꞌ chaꞌ ni, kuloǔn tñan ꞌiin chaꞌ ja ska chaꞌ kuxi kuꞌni lyoꞌoo ꞌin nten nu nchka tiꞌ sten chaꞌ ꞌin Ndiose nu nka Xꞌnan ba. |
| 27444 | ACT 13:13 | Kanꞌ mdoꞌo Palyu loꞌo taꞌa ndaꞌan yu, mdoꞌo neꞌ kichen Pafos ndyaa neꞌ. Yten neꞌ niꞌ yka naꞌan ndyaa neꞌ xka laꞌa tsuꞌ tujoꞌo, ngala neꞌ kichen Perge nde lo yuu nu kwenta ꞌin Panfilia bra kanꞌ. Ja mdaꞌan ꞌa Xuwa loꞌo neꞌ bra kanꞌ, chaꞌ wa ndyaa yu kichen tyi yu. |