| 23222 | MAT 1:9 | loꞌo ayman Uzías kanꞌ ngwa sti Jotam; loꞌo ayman Jotam kanꞌ ngwa sti Acaz; loꞌo ayman Acaz kanꞌ ngwa sti Ezequías; |
| 23223 | MAT 1:10 | loꞌo ayman Ezequías kanꞌ ngwa sti Manasés; loꞌo ayman Manasés kanꞌ ngwa sti Amón; loꞌo ayman Amón kanꞌ ngwa sti Josías; |
| 23226 | MAT 1:13 | loꞌo ayman Zorobabel kanꞌ ngwa sti Abiud; loꞌo ayman Abiud kanꞌ ngwa sti Eliaquim; loꞌo ayman Eliaquim kanꞌ ngwa sti Azor; |
| 23227 | MAT 1:14 | loꞌo ayman Azor kanꞌ ngwa sti Sadoc; loꞌo ayman Sadoc kanꞌ ngwa sti Aquim; loꞌo ayman Aquim kanꞌ ngwa sti Eliud; |
| 23256 | MAT 2:18 | Lye ꞌa ngiꞌni xiꞌin nten kichen Rama; msiꞌya ꞌa neꞌ, nganan ꞌa neꞌ, chaꞌ ngujwi sñiꞌ Raquel. Nganan ꞌa nu kunaꞌan kanꞌ, chaꞌ wa ngujwi sñiꞌ neꞌ. Loꞌo ja tukwin ꞌa ngwa kuꞌni chaꞌ ka tiin chaꞌ nganan nu kunaꞌan kanꞌ. Ngwañaꞌan lka chaꞌ ngwaꞌan yu kanꞌ lo kityi sꞌni, ni siya ja ya ka chaꞌ kanꞌ nu ti luꞌu ayman kanꞌ. Kanꞌ chaꞌ ngwañaꞌan ngwa ꞌin neꞌ Belén, nganan ꞌa neꞌ chaꞌ ngujwi sñiꞌ neꞌ. |
| 23260 | MAT 2:22 | Kanꞌ ynan yu chaꞌ sñiꞌ ayman Herodes ngulo tñan nde Judea, ti kwiꞌ sñiꞌ yu nu naan Arquelao lka yu kanꞌ; kanꞌ chaꞌ ytsen chinꞌ Se bra kanꞌ. Xiyaꞌ ykwiꞌ sla yu sa ñaꞌan kuꞌni yu, kanꞌ chaꞌ ndyaa neꞌ nde lo yuu ꞌin Galilea, |
| 24022 | MAT 23:35 | Kanꞌ chaꞌ sikwa, kanun kiꞌya ꞌwan siꞌya ayman ꞌwan nu wa yjwi ꞌin kaꞌan ꞌa nten nu ykwiꞌ chaꞌ nu ñi nu ngwa ti sꞌni, ti bra nu ngujwi Abel ti kulo la, sa ñaꞌan yaꞌ nu ngujwi Zacarías sñiꞌ Berequías. Ayman Zacarías ni, wa yjwi neꞌ ꞌin yu seꞌen nduun yu niꞌ lyaa, tuꞌwa msaa seꞌen nchkin lomstan, bra nu wa tsaa ti yu niꞌ ñaꞌan seꞌen kti ꞌa chaꞌ ꞌin Ndiose. Suꞌwa lka chaꞌ sa ñaꞌan lka si wa yjwi wan ꞌin ayman kanꞌ, chunꞌ ti kwiꞌ ti chaꞌ kuxi kanꞌ nka tiye wan ni. |
| 25118 | LUK 3:24 | loꞌo sti Elí kanꞌ ngwa ayman Matat; Leví ngwa naan sti Matat kanꞌ; Melqui ngwa naan sti Leví kanꞌ; Janan ngwa naan sti Melqui kanꞌ; loꞌo xka Se ngwa sti Janan kanꞌ; |
| 25122 | LUK 3:28 | loꞌo xka nu naan Melqui ngwa sti Neri kanꞌ; Adi ngwa naan sti Melqui kanꞌ; Cosam ngwa naan sti Adi kanꞌ; Elmodam ngwa naan sti Cosam kanꞌ; Er ngwa naan sti Elmodam kanꞌ; |
| 25124 | LUK 3:30 | loꞌo xka nu naan Leví ngwa sti Matat kanꞌ; Simeón ngwa naan sti Leví kanꞌ; loꞌo xka nu naan Judá ngwa sti Simeón kanꞌ; loꞌo xka nu naan Se ngwa sti Judá kanꞌ; Jonán ngwa naan sti Se kanꞌ; Eliaquim ngwa naan sti Jonán kanꞌ; |
| 25125 | LUK 3:31 | Melea ngwa naan sti Eliaquim kanꞌ; Mainán ngwa naan sti Melea kanꞌ; Matata ngwa naan sti Mainán kanꞌ; Natán ngwa naan sti Matata kanꞌ; |
| 25802 | LUK 19:2 | La kanꞌ ndiꞌin ska yu kuliyaꞌ nu naan Zaqueo, xꞌnan neꞌ nu mjñan kaꞌan tñi ꞌin nten chaꞌ ꞌin neꞌ xka laꞌa tsuꞌ lka yu. |
| 25803 | LUK 19:3 | Wa nchka tiꞌ yu xuꞌwi lyo yu ꞌin Jesús, loꞌo ja ngwa ñaꞌan yu ꞌin Jesús chaꞌ kaꞌan ꞌa nten ndiꞌin. Loꞌo Zaqueo ni, lyuꞌ ti kuꞌ yu. |
| 25805 | LUK 19:5 | Xa nu ndijin ti Jesús, bra kanꞌ naꞌan Jesús nde kwan, ykwiꞌ loꞌo Zaqueo kanꞌ: ―Zaqueo ―ndukwin Jesús ꞌin yu―, kiꞌyaa lyaa lyuu, chaꞌ ndiꞌin chaꞌ tsaꞌaǎn naꞌan tyii ni. |
| 25806 | LUK 19:6 | Bra ti ngwiꞌya Zaqueo lyuu, chaꞌ ndiya ꞌa tiꞌ yu chaꞌ nu ykwiꞌ Jesús loꞌo yu; suꞌwe ꞌa nka tiye yu ta yu seꞌen tyiꞌin Jesús. |
| 25807 | LUK 19:7 | Bra nu naꞌan nten chaꞌ ndyaa Jesús seꞌen ndiꞌin Zaqueo kanꞌ, nchga neꞌ lye ꞌa nchkwiꞌ neꞌ ni chaꞌ ndyaa Jesús niꞌ ñaꞌan tyi ska neꞌ kuxi, ska nten nu ndiꞌin ꞌa kiꞌya ꞌin. |
| 25808 | LUK 19:8 | Bra kanꞌ mdyituun Zaqueo chaꞌ chkwiꞌ loꞌo Jesús: ―Ñaꞌaan ꞌaan, yu kula ―ndukwin yu―. Taǎn sa jluꞌwe chaꞌ suꞌwe nu nsuꞌwi ꞌñaǎn ꞌin neꞌ tiꞌi. Si ti ndiꞌin nan nu yꞌniǐn kunaǎn chaꞌ wa mñi lyoꞌoǔn ꞌin neꞌ, tyaǎn nan kanꞌ ꞌin neꞌ, jakwa sa kwa tyija ꞌin neꞌ ―ndukwin Zaqueo bra kanꞌ. |
| 27175 | ACT 6:5 | ―Suꞌwe sikwa ―ndukwin nchga nten kanꞌ―, ngwañaꞌan kuꞌni ba. Kanꞌ ngulo suwi neꞌ ꞌin Steba, ska yu nu ndyaa ñaꞌan ꞌa tiꞌ ꞌin Jesucristo; loꞌo chañi chaꞌ nsuꞌwi Tyiꞌi Ndiose niꞌ kasiya ꞌin yu kanꞌ. Kwiꞌ ngwañaꞌan ngulo suwi neꞌ ꞌin Lpe, loꞌo Prócoro, loꞌo Nicanor, loꞌo Timón, loꞌo Parmenas, loꞌo Nicolás nu ngwa neꞌ kichen Antioquía. Kulo ndukwa wa msñi Nicolás kanꞌ chaꞌ ꞌin neꞌ judío, nu ti ji sten yu chaꞌ ꞌin Jesús. |
| 27201 | ACT 7:16 | Loꞌo ni, ja nganun tijyan ayman ꞌñaan lo yuu ꞌin Egipto. Bra nu mdoꞌo neꞌ ndyaa neꞌ, ndyaa loꞌo neꞌ ꞌin tijyan ayman kanꞌ, chaꞌ katsiꞌ neꞌ ꞌin tijyan xiyaꞌ niꞌ tukee nde kichen Siquem; tukee kanꞌ ngwa nu ngwiꞌya ayman Abraham ꞌin neꞌ Hamor ti sꞌni la, chaꞌ kaja seꞌen katsiꞌ sñiꞌ. |
| 27395 | ACT 11:19 | Chunꞌ ndiꞌin la chinꞌ xa wa yjwi nten ꞌin Steba, kanꞌ ngwa tiꞌ neꞌ judío ta neꞌ nu tiꞌí ꞌin nchga nten nu ndiꞌin chaꞌ ꞌin loꞌo Jesús; kanꞌ chaꞌ tyun ꞌa nten ꞌin Jesús mdoꞌo neꞌ ndyaa neꞌ tijyuꞌ. Ndyaa neꞌ nde lo yuu nu kwenta ꞌin Fenicia, xka ta taꞌa neꞌ ndyaa lo yuu ꞌin Chipre, loꞌo mdiya neꞌ nu ndyaa neꞌ kichen Antioquía. Nchga seꞌen mdiyan neꞌ ngwaꞌu neꞌ chaꞌ suꞌwe ꞌin Jesucristo ꞌin neꞌ judío taꞌa neꞌ, loꞌo ja ngwaꞌu neꞌ chaꞌ kanꞌ ꞌin xka la nten nu lka neꞌ nu ngwa tyi kichen kanꞌ. |
| 27396 | ACT 11:20 | Nde loo la ndyaa xka ta nten ꞌin Jesús kichen Antioquía, neꞌ nu mdoꞌo lo yuu ꞌin Chipre loꞌo neꞌ nu mdoꞌo lo yuu ꞌin Cirene lka neꞌ kanꞌ. Ngwaꞌu neꞌ kanꞌ chaꞌ suꞌwe ꞌin Jesucristo ꞌin nchga nten kichen kanꞌ, ni siya neꞌ judío, ni siya xka nten. |
| 27398 | ACT 11:22 | Loꞌo ynan taꞌa nten ꞌin Jesucristo nu ndiꞌin nde Jerusalén chaꞌ kanꞌ, kanꞌ chaꞌ msuꞌwa neꞌ ꞌin Bernabé chaꞌ tsaa yu nde kichen Antioquía kanꞌ. |
| 27401 | ACT 11:25 | Chunꞌ ndiꞌin la mdoꞌo Bernabé ndyaa yu kichen Tarso, mdaꞌan naan yu ꞌin Saulo. Xa nu ndyija lyo Saulo ꞌin yu, mdoꞌo yu ndyaan loꞌo yu ꞌin Saulo nde kichen Antioquía xiyaꞌ. |
| 27402 | ACT 11:26 | La kanꞌ mdiꞌin neꞌ ska yijan loꞌo taꞌa nten ꞌin Jesucristo, ngwaꞌu neꞌ ꞌin kaꞌan nten bra kanꞌ. Kichen Antioquía kanꞌ mdukwa suun chaꞌ nchkwiꞌ neꞌ chaꞌ neꞌ cristiano lka nten nu yten chaꞌ ꞌin Jesucristo. |
| 27403 | ACT 11:27 | Chunꞌ ndiꞌin la mdiyan tukwa snan la nten nu nchkwiꞌ chaꞌ ꞌin Ndiose loꞌo nten. Mdoꞌo neꞌ kichen Jerusalén ngala neꞌ kichen Antioquía bra kanꞌ. |
| 27431 | ACT 12:25 | Xa nu wa mdyii tñan ꞌin Bernabé loꞌo Saulo nde kichen Jerusalén, bra kanꞌ mxitukwi neꞌ ndyaan neꞌ kichen Antioquía xiyaꞌ. Ndyaan loꞌo neꞌ ꞌin Xuwa, ti kwiꞌ Xuwa Marku naan yu. |
| 27432 | ACT 13:1 | Nten ꞌin Jesucristo nu ndiꞌin kichen Antioquía kanꞌ, mdiya chinꞌ nten nu ykwiꞌ chaꞌ ꞌin Ndiose laja neꞌ kanꞌ. Kwiꞌ ngwañaꞌan, ti ndiya la xka ta neꞌ nu suꞌwe ꞌa nduꞌu chaꞌ ꞌin Ndiose ꞌin taꞌa neꞌ. Neꞌ nu nduꞌu ꞌin taꞌa neꞌ, kanꞌ ngwa Bernabé, loꞌo Simón ngata, loꞌo Lucio Cirene, loꞌo Saulo, loꞌo Manaén. (Manaén kanꞌ ngwa taꞌa naꞌan Herodes nu ngwa gobernador nde lo yuu ꞌin Galilea.) |
| 27445 | ACT 13:14 | Mdoꞌo neꞌ kichen Perge ndyaa neꞌ xka kichen Antioquía nde lo yuu ꞌin Pisidia. Nu ngwa tsan taꞌa nu nxitñaꞌ neꞌ judío, bra kanꞌ ndyaa Palyu loꞌo Bernabé niꞌ lyaa ꞌin neꞌ kanꞌ. La kanꞌ ndyaa tukwa neꞌ chinꞌ. |
| 27483 | ACT 13:52 | Loꞌo nten ꞌin Jesucristo nu nganun kichen Antioquía kanꞌ, suꞌwe ꞌa tiye neꞌ nganun neꞌ kichen tyi neꞌ chaꞌ wa nganun Tyiꞌi Ndiose niꞌ kasiya ꞌin neꞌ. |
| 27502 | ACT 14:19 | Chunꞌ ndiꞌin la mdiyan la chinꞌ neꞌ judío nu xaꞌan ꞌa tiye, neꞌ nu mdoꞌo kichen Antioquía kanꞌ; loꞌo xka ta neꞌ nu mdoꞌo kichen Iconio mdiyan neꞌ. Ykwiꞌ neꞌ kanꞌ loꞌo neꞌ kichen chaꞌ kasinꞌ tiꞌ neꞌ ꞌin Palyu. Bra kanꞌ nguun neꞌ kichen kee ꞌin Palyu chaꞌ ngwa tiꞌ neꞌ kujwi neꞌ ꞌin yu kanꞌ. Mskeꞌ tiꞌ neꞌ kichen chaꞌ ngujwi yu, kanꞌ mjwakii suweꞌ neꞌ ꞌin yu ndyaa loꞌo neꞌ ꞌin yu la tuꞌwa kichen. |
| 27504 | ACT 14:21 | Loꞌo ykwiꞌ taꞌa tyukwaa neꞌ loꞌo neꞌ kichen sa ñaꞌan ndlaa Jesús ꞌin nten chalyuu ꞌin chaꞌ kuxi, kanꞌ chaꞌ kaꞌan neꞌ kichen kanꞌ mslyaa neꞌ yten neꞌ chaꞌ ꞌin Jesús bra kanꞌ. Kanꞌ mxitukwi Palyu loꞌo Bernabé ndyaan neꞌ nde kichen Listra loꞌo kichen Iconio loꞌo kichen Antioquía kanꞌ xiyaꞌ. |
| 27509 | ACT 14:26 | Nde Atalia kanꞌ yten neꞌ niꞌ yka naꞌan ndyaan neꞌ xka laꞌa tsuꞌ tujoꞌo kanꞌ nde kichen Antioquía seꞌen mdoꞌo neꞌ ndyaa neꞌ kulo ndukwa la. Kwiꞌ kichen kanꞌ mdiꞌin neꞌ bra nu mstya yaꞌ taꞌa neꞌ chunꞌ neꞌ chabiyaꞌ ꞌin Jesucristo, chaꞌ tsaa chkwiꞌ neꞌ chaꞌ ꞌin Ndiose tijyuꞌ. Wa mdyii tñan nu yaa ykwiꞌ neꞌ chaꞌ ꞌin Jesús tijyuꞌ, |
| 27510 | ACT 14:27 | kanꞌ chaꞌ ngala neꞌ kichen Antioquía xiyaꞌ. Bra kanꞌ ndyoꞌ tiꞌin nchga nten ꞌin Jesucristo seꞌen ndiꞌin neꞌ; ytsaꞌ Palyu loꞌo Bernabé ꞌin taꞌa neꞌ, nchga chaꞌ nu wa yꞌni Ndiose loꞌo neꞌ laja nu yaa neꞌ tijyuꞌ, chaꞌ mda Ndiose chabiyaꞌ sten neꞌ xka laꞌa tsuꞌ chaꞌ ꞌin Jesucristo. |
| 27512 | ACT 15:1 | Wa mdiya ska tsan mdiyan chinꞌ nten nu wa mdoꞌo nde lo yuu ꞌin Judea, mdiyan neꞌ kichen Antioquía kanꞌ. Mdyisnan neꞌ kanꞌ ngwaꞌu neꞌ ꞌin nten ꞌin Jesucristo nde kwa, chaꞌ ja kulaa Ndiose ꞌin nten ꞌin chaꞌ kuxi, si ja ya siꞌyu neꞌ kijin yu kiꞌyu taꞌa neꞌ, chaꞌ lkwan neꞌ. Kanꞌ lka tñan nu ngulo ayman Moisés ꞌin neꞌ sꞌni chaꞌ kuꞌni neꞌ, ndukwin neꞌ kanꞌ. |
| 27514 | ACT 15:3 | Bra kanꞌ mslaaꞌ taꞌa neꞌ, nchga nten ꞌin Jesucristo kichen Antioquía mslaaꞌ neꞌ ꞌin Palyu loꞌo Bernabé loꞌo taꞌa ndaꞌan neꞌ. Mdoꞌo neꞌ ndyaa neꞌ tuwiin nu ndyaa nde Jerusalén bra kanꞌ. Mdijin neꞌ lo yuu ꞌin Fenicia, mdijin neꞌ lo yuu ꞌin Samaria, ykwiꞌ neꞌ loꞌo nchga ta nten ꞌin Jesucristo nu mdiꞌin kichen tuꞌwa tuwiin seꞌen mdijin neꞌ. Ytsaꞌ neꞌ sa ñaꞌan ngiꞌni Ndiose, chaꞌ nxaꞌan kasiya ꞌin neꞌ xka laꞌa tsuꞌ. Bra wa ynan nten ꞌin Jesucristo chaꞌ kanꞌ, suꞌwe ꞌa ngwa tiye neꞌ bra kanꞌ, chaꞌ loꞌo neꞌ xka laꞌa tsuꞌ yten neꞌ chaꞌ ꞌin Jesucristo; siꞌi neꞌ judío ti nu yten chaꞌ kanꞌ. |
| 27533 | ACT 15:22 | Ngwa suꞌwa chaꞌ ꞌin neꞌ loꞌo taꞌa neꞌ bra kanꞌ, nchga nten ꞌin Jesucristo nu mdiꞌin Jerusalén, loꞌo neꞌ nu wa yꞌni xaꞌan chaꞌ ꞌin Jesucristo ti kulo, loꞌo neꞌ nu lka ndloo ꞌin nchga ta taꞌa neꞌ kanꞌ. Ngulo suwi neꞌ ꞌin nten nu tsaa loꞌo Palyu loꞌo Bernabé nde kichen Antioquía; kanꞌ mdoꞌo tuun Juda nu lka nin Barsabás, loꞌo Sila, chunꞌ nu nnan ꞌa taꞌa neꞌ chaꞌ nu nchkwiꞌ tyukwaa neꞌ kanꞌ. |
| 27534 | ACT 15:23 | Mbiꞌya neꞌ kityi nu ngwaꞌan neꞌ Jerusalén kanꞌ. “Nda ba kasiya ꞌwan” ndukwin kityi kanꞌ, “taꞌa wan nu lka wan nten ꞌin Jesucristo taꞌaan, ni siya neꞌ xka laꞌa tsuꞌ lka wan, ni siya ndiꞌin wan nde kichen Antioquía, ni siya ndiꞌin wan kichen lo yuu ꞌin Siria, ni siya ndiꞌin wan kichen lo yuu ꞌin Cilicia. Bare nu mdaꞌan ba loꞌo Jesucristo ti kulo, loꞌo neꞌ kula ꞌin neꞌ taꞌaan re, loꞌo nchga nten ꞌin Jesucristo nde re, suꞌwa ti ndaꞌan ba kityi re chaꞌ tsaa nde seꞌen ndiꞌin wan. |
| 27541 | ACT 15:30 | Mdoꞌo neꞌ ndyaa neꞌ loꞌo kityi bra kanꞌ, ndyaan neꞌ nde kichen Antioquía xiyaꞌ. Mxoꞌ tiꞌin neꞌ ꞌin nchga nten ꞌin Jesucristo kichen kanꞌ, chaꞌ ta neꞌ kityi kanꞌ ꞌin neꞌ. |
| 27544 | ACT 15:33 | Tyun tsan mdiꞌin yu kanꞌ kichen Antioquía, bra kanꞌ mslaaꞌ nten ꞌin Jesucristo ꞌin yu kanꞌ. Taꞌa neꞌ mjñan neꞌ ꞌin Ndiose chaꞌ tayaꞌ Ni ꞌin neꞌ tuwiin ndyaan neꞌ seꞌen ndiꞌin taꞌa neꞌ. |
| 27546 | ACT 15:35 | Kwiꞌ ngwañaꞌan nganun Palyu loꞌo Bernabé kichen Antioquía kanꞌ; ngwaꞌu la yu ꞌin neꞌ kwa, ykwiꞌ la yu chaꞌ ꞌin Xꞌnaan loꞌo neꞌ. Loꞌo nde kichen kwa mdiꞌin tyun la nten nu ykwiꞌ chaꞌ ꞌin Xꞌnaan loꞌo taꞌa neꞌ kanꞌ. |
| 27628 | ACT 18:2 | Kichen kanꞌ ndyukwa taꞌa yu loꞌo ska yu judío nu naan Aquila, neꞌ kichen Ponto lka yu kula kanꞌ. Mdiꞌin neꞌ nde Italia nu ngwa sꞌni la, loꞌo Aquila loꞌo kwilyoꞌo yu nu naan Priscila. Wa mdoꞌo tsuꞌ neꞌ ngala neꞌ kichen Corinto, bra nu ngulo ree Claudio tñan chaꞌ kulo neꞌ ꞌin nchga neꞌ judío nu ndiꞌin kichen Roma, kichen tnun nu liꞌya loo ꞌin lo yuu ꞌin Italia kanꞌ. Tuꞌ naꞌan tyi Aquila kanꞌ ngala Palyu bra kanꞌ. |
| 27644 | ACT 18:18 | Ti nganun Palyu kichen kanꞌ ti tyun tsan. Kanꞌ mslaaꞌ yu loꞌo taꞌa nten ꞌin Jesucristo, mdoꞌo yu ndyaa yu loꞌo Aquila loꞌo Priscila kanꞌ. Kanꞌ ndyaa neꞌ niꞌ yka naꞌan nde kichen Cencrea, chaꞌ tsaa Palyu la lo yuu ꞌin Siria. Nde kichen Cencrea kanꞌ msiꞌyu kicheꞌ neꞌ ke Palyu chaꞌ ngwañaꞌan ka biyaꞌ tiꞌ nten chaꞌ ndiya ska chaꞌ nu wa mskanꞌ yu loꞌo Ndiose ti ngwa xkanꞌ la. |
| 27645 | ACT 18:19 | Mdoꞌo neꞌ ndyaa neꞌ niꞌ yka naꞌan bra kanꞌ, ngala neꞌ kichen Efeso seꞌen nganun Aquila loꞌo Priscila. Kanꞌ ndyaa Palyu niꞌ lyaa chaꞌ chkwiꞌ yu loꞌo taꞌa neꞌ judío nu ndyoꞌ tiꞌin nde kwa. |
| 27648 | ACT 18:22 | Bra wa mdiyan yka naꞌan kanꞌ kichen Cesarea, mdoꞌo Palyu ndyaa yu nde kichen Jerusalén. Suꞌwe ti ykwiꞌ yu loꞌo nchga nten ꞌin Jesucristo nde kwa. Loꞌo bra ti ndyaa yu nde kichen Antioquía bra kanꞌ, |
| 27652 | ACT 18:26 | Ja ntsen Polo chaꞌ kwaꞌu yu ꞌin neꞌ niꞌ lyaa ꞌin neꞌ judío; la kanꞌ ynan Priscila loꞌo Aquila sa ñaꞌan chaꞌ nu ngwaꞌu yu ꞌin nten niꞌ lyaa, kanꞌ chaꞌ ykwiꞌ neꞌ loꞌo yu bra kanꞌ. Ñi la ngwaꞌu neꞌ ꞌin yu sa ñaꞌan nu stean tuwiin ꞌin Ndiose bra kanꞌ. |
| 27698 | ACT 20:4 | Loꞌo mdaꞌan Sópater nu lka ska neꞌ Berea loꞌo ba, loꞌo Aristarco loꞌo Segundo nu lka neꞌ Tesalónica, loꞌo Gayu nu lka neꞌ Derbe, loꞌo Timu kanꞌ, loꞌo Tíquico loꞌo Trófimo nu lka neꞌ Asia; taꞌa ba mdaꞌan ba loꞌo Palyu bra kanꞌ. |
| 28407 | ROM 16:3 | Ta wan kasiya ꞌñaǎn ꞌin Priscila loꞌo Aquila, taꞌa ngiꞌnian tñan ꞌin Jesucristo. |
| 28409 | ROM 16:5 | Bra kanꞌ chkwiꞌ wan loꞌo nchga nten ꞌin Krixtu nu ndyoꞌ tiꞌin tuꞌ naꞌan tyi Aquila kanꞌ. Kwiꞌ ngwañaꞌan, chkwiꞌ wan loꞌo Epeneto taꞌa suꞌwe nsuꞌwiǐn, ti kwiꞌ neꞌ Asia nu kulo ndukwa la yten chaꞌ ꞌin Krixtu lka yu kanꞌ. |
| 28413 | ROM 16:9 | loꞌo Urbano, taꞌa ngiꞌniǐn tñan ꞌin Jesucristo; loꞌo Estaquis, kwiꞌ ngwañaꞌan ndiya ꞌa tiǎnꞌ ꞌin yu; |
| 28863 | 1CO 16:19 | Nchga kichen lo yuu ꞌin Asia seꞌen ndiꞌin nten nu ngiꞌni tnun ꞌin Jesús, nchka tiꞌ neꞌ chkwiꞌ suꞌwe neꞌ loꞌo wan. Loꞌo Aquila loꞌo Priscila, loꞌo nchga nten nu ndyoꞌ tiꞌin naꞌan tyi neꞌ kanꞌ, nchka tiꞌ neꞌ chkwiꞌ suꞌwe neꞌ loꞌo wan chaꞌ ꞌin ykwiꞌ Xꞌnaan. |
| 29159 | GAL 2:11 | Bra kanꞌ mdiyan Tyu nde kichen Antioquía bra nu mdiꞌiǐn kichen kanꞌ bra kanꞌ. Chunꞌ ndiꞌin la yiꞌaǎn seꞌen ndiꞌin yu, yꞌniǐn tláǎn ꞌin yu chunꞌ nu wa mdiya ska chaꞌ kuxi nu ngiꞌni yu. |
| 29425 | EPH 6:21 | Wa msuꞌwaǎn ꞌin Tíquico chaꞌ tsaa yu seꞌen ndiꞌin wan. Suꞌwe ꞌa nka tiye ba chaꞌ suꞌwa ꞌa yꞌni ba tñan ꞌin ykwiꞌ Xꞌnaan loꞌo yu. Katsaꞌ ji yu ꞌwan nchga chaꞌ nu nchka ꞌñaǎn nde re, sa ñaꞌan tñan nu ngiꞌniǐn. |
| 29511 | PHP 4:2 | Loꞌo ꞌwan Evodia loꞌo Síntique ni, kuꞌni wan chaꞌ tlyu tiꞌ ꞌñaǎn chkwiǐnꞌ ska chaꞌ loꞌo wan: Ndiꞌin chaꞌ suꞌwa ti xuꞌwi tiye wan loꞌo taꞌa wan. Jesús nu nka Xꞌnaan yꞌni chaꞌ lka wan taꞌaan, kanꞌ chaꞌ kuꞌni wan chaꞌ katin chaꞌ wsuun nu nsuꞌwi ꞌwan loꞌo taꞌa wan. |
| 29616 | COL 4:7 | Yu Tíquico taꞌaan ni, katsaꞌ yu ꞌwan nchga chaꞌ nu nchka ꞌñaǎn nde re. Suꞌwe ꞌa nka tiyeěn ñaꞌaǎn ꞌin yu kanꞌ, ti kwiꞌ taꞌa ngiꞌni ba tñan ꞌin Xꞌnaan lka yu; nchga tsan ngiꞌni yu tñan kanꞌ, loꞌo ja nchka ndaja tiꞌ yu. |
| 29626 | COL 4:17 | Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”. |
| 29931 | 2TI 3:11 | ni siya lye ꞌa tiꞌí tiꞌ nten ꞌñaǎn, ni siya lye ꞌa ndijiǐn nu tiꞌí. Wa jlyo tiiꞌ sa ñaꞌan chaꞌ kuxi ngwa ꞌñaǎn nde kichen Antioquía, nde kichen Iconio, nde kichen Listra, bra nu ngwa tiꞌí tiꞌ neꞌ ꞌñaǎn la kanꞌ; loꞌo nu nka Xꞌnaan ngulaa ꞌñaǎn ꞌin nchga chaꞌ kuxi kanꞌ. |
| 29949 | 2TI 4:12 | Wa nguloǔn tñan ꞌin Tíquico chaꞌ tsaa yu nde kichen Efeso. |
| 29956 | 2TI 4:19 | Taa chaꞌ suꞌwe ꞌñaǎn loꞌo Prisca loꞌo Aquila, loꞌo nchga neꞌ nu ndiꞌin naꞌan tyi Onesíforo. |
| 30002 | TIT 3:12 | Wa suꞌwaǎn tiǎn ska nten nu tsaa seꞌen ndiꞌiin, ni siya Artemas, ni siya Tíquico. Bra nu tiya yu nde kwa, bra kanꞌ bra ti tsaa nde kichen Nicópolis si ka ꞌiin; tyukwa taꞌaan nde kwa bra kanꞌ, chaꞌ tyiꞌian kichen kanꞌ tyempu tlyaꞌ, nka tiyeěn. |
| 30007 | PHM 1:2 | Kwiꞌ ngwañaꞌan, ndaꞌan ba kityi re chaꞌ nchga neꞌ taꞌaan nu ndyoꞌ tiꞌin seꞌen ndiꞌiin ka kunan neꞌ chaꞌ nu chkwiꞌ bare; loꞌo nchka tiǎnꞌ chkwiǐnꞌ loꞌo Apia taꞌaan, loꞌo Arquipo nu suꞌwa ti lye ngiꞌni tñan loꞌo ba chaꞌ kanen chaꞌ ꞌin Ndiose, chaꞌ tyijin lyo ba ꞌin nu kuxi. |
| 30103 | HEB 5:6 | Loꞌo ndukwa xka chaꞌ lo kityi kula nu ykwiꞌ Ndiose: Nchga tyempu nuꞌwin kaa sti joꞌo siyaꞌ ti; sa ñaꞌan nu yꞌni ayman Melquisedec nu ngwa ti sꞌni, kwiꞌ ngwañaꞌan kuꞌni nuꞌwin chaꞌ ꞌin nten chalyuu ni. |
| 30107 | HEB 5:10 | Kanꞌ chaꞌ ykwiꞌ Ndiose chaꞌ lka Jesús sti joꞌo nu nka ndloo la ti; sa ñaꞌan tñan nu yꞌni ayman Melquisedec nu ngwa ti sꞌni, kwiꞌ ngwañaꞌan ngiꞌni Jesús chaꞌ ꞌñaan ni. |
| 30131 | HEB 6:20 | Chaꞌ ꞌñaan, kanꞌ chaꞌ wa ndyaa Jesús la kanꞌ kulo ndukwa la, chaꞌ ka suꞌwa yaꞌ Ni ꞌñaan bra kanꞌ. Loꞌo ja tsaa tii ꞌa chaꞌ lka Jesús sti joꞌo nu nka ndloo la ti chaꞌ ꞌñaan. Sa ñaꞌan tñan nu yꞌni ayman Melquisedec nu ngwa sti joꞌo ti sꞌni, kwiꞌ ngwañaꞌan kuꞌni Jesús chaꞌ ꞌñaan ni. |
| 30132 | HEB 7:1 | Ayman Melquisedec kanꞌ ni, xꞌnan kichen Salem ngwa yu kula kanꞌ; chaꞌ ꞌin Ndiose nu nka ndloo la ti ngwa yu kula sti joꞌo, kanꞌ tñan ngwa yu kula kanꞌ. Nu ngwa bra kanꞌ, wa mdoꞌo ñaꞌan ayman Abraham ꞌin tyun ree xaꞌan, chaꞌ msuun yu loꞌo neꞌ kanꞌ, yjwi yu ꞌin neꞌ xaꞌan kanꞌ bra kanꞌ. Tuwiin nu ndyaan yu, mdoꞌo Melquisedec ndyaa tuꞌwa tuwiin chaꞌ tyukwa taꞌa yu kula kanꞌ loꞌo Abraham bra kanꞌ; nkwan Melquisedec ꞌin yu chabiyaꞌ ꞌin Ndiose bra kanꞌ. |
| 30133 | HEB 7:2 | Kanꞌ chaꞌ msuꞌwe Abraham nchga nan nu ndiꞌin ꞌin yu, nu mjwi ꞌin yu xiyaꞌ, ti kwiꞌ nan nu wa yꞌni neꞌ xaꞌan kanꞌ kunan; la mdaꞌa tii yuꞌwe nchga nan kanꞌ, kanꞌ mda yu ska yuꞌwe ꞌin yu kula Melquisedec kanꞌ. Nde ñaꞌan ndyoꞌo chaꞌ Melquisedec kanꞌ: Xꞌnan kichen nu ñi ꞌa ngiꞌni biyaꞌ ska chaꞌ, ngwañaꞌan ndyoꞌo chaꞌ kanꞌ chaꞌtñan. Chaꞌ xꞌnan kichen Salem ngwa yu kula kanꞌ, kanꞌ chaꞌ ka chkwianꞌ: Tiin ti ndiꞌin neꞌ kichen chabiyaꞌ ꞌin xꞌnan neꞌ, chaꞌ ngwañaꞌan ndyoꞌo chaꞌ Salem chaꞌtñan. |
| 30134 | HEB 7:3 | Ja nchkwiꞌ kityi sa ñaꞌan ngwa naan sti jyaꞌan Melquisedec kanꞌ, kwiꞌ ngwañaꞌan, ja ska chaꞌ ndukwa lo kityi chaꞌ ꞌin ayman ꞌin yu kula kanꞌ; ja nchkwiꞌ ni tyempu ngula, ni tyempu ngujwi yu kula kanꞌ. Ñaꞌan tiꞌ Melquisedec, kwiꞌ ngwañaꞌan lka Jesús, chaꞌ nchga tyempu lka Ni sti joꞌo chaꞌ ꞌñaan; loꞌo Jesús ni, lka Ni ska ti nu lka Sñiꞌ ykwiꞌ Ndiose. |
| 30135 | HEB 7:4 | Kuwe chinꞌ tiꞌ wan sikwa, ni chaꞌ tnun la ndiꞌin chaꞌ ꞌin yu kula Melquisedec ke Abraham nu ngwa ayman ꞌñaan. Abraham mda ñaꞌaan ska yuꞌwe nan nu ndiꞌin ꞌin yu ꞌin Melquisedec, ti kwiꞌ nan nu wa mjwi ꞌin yu xiyaꞌ, nu wa yꞌni neꞌ xaꞌan kanꞌ kunan bra kanꞌ. |
| 30137 | HEB 7:6 | Yu kula Melquisedec kanꞌ ni, msñi yu lomstan nu mda Abraham ꞌin Ndiose, ni siya siꞌi taꞌa neꞌ Leví ngwa yu kanꞌ; kwiꞌ nkwan yu kula kanꞌ ꞌin Abraham bra kanꞌ, ni siya wa mskanꞌ Ndiose chaꞌ loꞌo Abraham kulo ndukwa la. |
| 30138 | HEB 7:7 | Kanꞌ chaꞌ ka jlyo tianꞌ chaꞌ tnun la chaꞌ ꞌin ayman Melquisedec kanꞌ ke ayman Abraham. Nan wa nkwan yu kula kanꞌ ꞌin ayman Abraham nu ngwa bra kanꞌ, kanꞌ chaꞌ tnun la chabiyaꞌ ndiya ꞌin yu kula kanꞌ ke Abraham. |
| 30139 | HEB 7:8 | Xkwiꞌ ndyaa tii chaꞌ ꞌin sti joꞌo nu nxñi lomstan nu nda nten chalyuu ꞌin Ndiose, ska yuꞌwe ti chaꞌ suꞌwe nu nsuꞌwi ꞌin skaa neꞌ nda neꞌ lomstan; loꞌo Melquisedec ni, ti luꞌu yu kanꞌ, ja ndukwa chaꞌ lo kityi kula chaꞌ ngujwi yu. Ti kwiꞌ yu kanꞌ lka nu wa msñi lomstan nu mda Abraham bra kanꞌ. |
| 30140 | HEB 7:9 | Ka chkwianꞌ chaꞌ loꞌo ayman Leví mda lomstan ꞌin Melquisedec tsan kanꞌ, ni siya chunꞌ ndiꞌin la yan Leví lo chalyuu. Ti kwiꞌ ayman Leví loꞌo nchga sñiꞌ yu nu yan nde loo la ngwa sti joꞌo, kwiꞌ nu nxñi lomstan nu nda nten chalyuu ꞌin Ndiose. |
| 30141 | HEB 7:10 | Bra nu ndyukwa taꞌa Melquisedec loꞌo Abraham, mda Abraham lomstan ꞌin yu kula kanꞌ, kanꞌ chaꞌ ngwañaꞌan ngwa, ñaꞌan tiꞌ si loꞌo Leví mda lomstan bra kanꞌ, chunꞌ Abraham ngwa ayman ꞌin yu, chaꞌ sñiꞌ steꞌ Abraham ngwa sti Leví kanꞌ. |
| 30142 | HEB 7:11 | Sti joꞌo nu yan lo chalyuu chunꞌ ndiꞌin la, ti kwiꞌ taꞌa ayman Leví ngwa yu kanꞌ bra kanꞌ. Ñi ꞌa ngwaꞌu yu ꞌin neꞌ Israel chaꞌ kuꞌni neꞌ nchga tñan nu ngulo Ndiose ꞌin neꞌ. Loꞌo ja mdalo sti joꞌo kanꞌ kuꞌni yu tyukwi tñan kanꞌ, kanꞌ chaꞌ ni, wa yan xka nu lka sti joꞌo chaꞌ ꞌñaan. Ja lka Ni sti joꞌo sa ñaꞌan ngwa ayman Aarón loꞌo nchga taꞌa sti joꞌo yu, wa lka Ni ska sti joꞌo nu xka ñaꞌan tñan ngiꞌni; ngiꞌni Ni sa ñaꞌan tñan nu yꞌni ayman Melquisedec nu ngwa sꞌni. |
| 30146 | HEB 7:15 | Loꞌo ni, Jesús lka ska sti joꞌo nu xka ñaꞌan ngiꞌni; sa ñaꞌan nu yꞌni ayman Melquisedec tñan kanꞌ, kwiꞌ ngwañaꞌan ngiꞌni Jesús ni. Kanꞌ chaꞌ suꞌwe la nchka biyaꞌ tianꞌ ni, chaꞌ wa mdyii chaꞌ ꞌin chaꞌ kula kanꞌ, xa nu wa yan Jesús chaꞌ ka yu ska sti joꞌo kwi chaꞌ ꞌñaan. |
| 30148 | HEB 7:17 | Ndukwa ska chaꞌ lo kityi kula nu wa ykwiꞌ Ndiose loꞌo Krixtu: Nchga tyempu ka nuꞌwin sti joꞌo; sa ñaꞌan nu yꞌni ayman Melquisedec nu ngwa sꞌni, kwiꞌ ngwañaꞌan kuꞌnii chaꞌ ꞌin nten chalyuu ni, ndukwin Ni. |
| 30152 | HEB 7:21 | Loꞌo ja ykwiꞌ Ni ngwañaꞌan loꞌo sti joꞌo nu ngwa neꞌ Leví. Nde ndiya chaꞌ nu ykwiꞌ Ndiose loꞌo Jesús bra nu mdyisnan Jesús chaꞌ ka Ni sti joꞌo: Ñi ꞌa chkwiǐnꞌ chaꞌ ꞌiin, ndukwin Ndiose, loꞌo ja xiꞌin chuǔnꞌ siyaꞌ ti ꞌin chaꞌ nu wa ykwiǐnꞌ: “Nchga tyempu ka nuꞌwin sti joꞌo. Sa ñaꞌan nu yꞌni ayman Melquisedec nu ngwa sꞌni, kwiꞌ ngwañaꞌan kuꞌni nuꞌwin chaꞌ ꞌin nten chalyuu bra ni”. |