| 23374 | MAT 6:23 | Xa nu tiꞌí kiloan, ja ka kuꞌnian tñan, chaꞌ ja ndyukwi ꞌa xaa ꞌñaan bra kanꞌ. Kwiꞌ ngwañaꞌan ka niꞌ kasiya ꞌwan, bra nu ja ndyukwi xaa ꞌwan chunꞌ ndiꞌin chaꞌ kuxi ꞌwan, ¡siyaꞌ ti ja ka ꞌa xuꞌwi xaa niꞌ kasiya ꞌwan bra kanꞌ! Tla ꞌa kanun tyukwi ñaꞌaan wan loꞌo kasiya ꞌwan bra kanꞌ. |
| 23390 | MAT 7:5 | ¡Neꞌ kwiñi lka wan! Kulo la tyoꞌo mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan yuu kata nu nsuꞌwi kiloo taꞌa nten wan. |
| 23412 | MAT 7:27 | Ngwiꞌya ꞌa tyoo bra kanꞌ, sa ñaꞌan yaꞌ mxlyuu tyiꞌa yuu ꞌin naꞌan kanꞌ, loꞌo lye ꞌa ngwa kwiꞌin. Ja mdalo naꞌan kanꞌ bra kanꞌ, mlyuu ran bra kanꞌ. ¡Mdyii ran nguꞌun ran bra kanꞌ! Loꞌo nten nu ja xlyaa kunan chaꞌ nu nchkwiǐn, ¡tyii chaꞌ ꞌin neꞌ kanꞌ siyaꞌ ti! |
| 23439 | MAT 8:25 | Mlyo neꞌ sla Jesús bra kanꞌ: ―¡Yu kula! ―ndukwin neꞌ ꞌin Jesús―, ¡kulaa lyaa ꞌwa seꞌen kuxi re! Wa sten ti yka naꞌan re niꞌ tyiꞌa, loꞌo kajaan bra kanꞌ. |
| 23440 | MAT 8:26 | Loꞌo mxkwen Jesús ꞌin neꞌ kanꞌ bra kanꞌ: ―¿Ni chaꞌ ngitsen ꞌa wan? ―ndukwin ꞌin neꞌ―. ¡Chinꞌ ꞌa ndyuꞌwi tiꞌ wan ꞌin Ndiose, chunꞌ ja ndyaa ñaꞌan tiꞌ wan ꞌin Ni chaꞌ ka kulaa Ni ꞌñaan! Kanꞌ mdyituun Jesús, ykwiꞌ loꞌo kwiꞌin loꞌo kulooꞌ chaꞌ ka tiin ran; bra ti ngwa tiin ran bra kanꞌ. |
| 23475 | MAT 9:27 | Chunꞌ ndiꞌin la mdoꞌo Jesús niꞌ ñaꞌan kanꞌ ndyaa yu, kanꞌ mdaꞌan ñaꞌan tukwa yu kwityiinꞌ ꞌin yu. Msiꞌya yu ꞌin Jesús bra kanꞌ: ―¡Chka tꞌnan tiiꞌ ꞌwa, yu kula! Nuꞌwin lkaa nten taꞌa ayman David ―ndukwin neꞌ ꞌin yu. |
| 23547 | MAT 11:19 | Chunꞌ ndiꞌin la mdiyaǎn nu wa msuꞌwa Ndiose ꞌñaǎn chaꞌ kaǎn nten. Nchkuǔn nchga lo nan loꞌo wan, ndiꞌyoǔn nchga lo nan loꞌo wan, loꞌo nchkwiꞌ wan chaꞌ ꞌñaǎn: “¡Ñaꞌan wan sa ñaꞌan ngiꞌni yu kwa! Nchku ꞌa yu kwa, loꞌo kuꞌwi ꞌa yu” ndukwin wan ꞌin taꞌa wan. “Ja suꞌwe yu kwa chaꞌ taꞌa suꞌwe yu loꞌo neꞌ nu ndlo kaꞌan tñi chaꞌ ꞌin neꞌ xka laꞌa tsuꞌ. Loꞌo xka la nten kuxi lka taꞌa suꞌwe nsuꞌwi yu” ndukwin wan ꞌñaǎn. Kwiꞌ nchkwiꞌ wan chaꞌ ja suꞌwe chaꞌ nu nchkwiǐnꞌ, nxkeꞌ tiꞌ wan. Suꞌwe sikwa, ka biyaꞌ tiꞌ wan nde loo la chaꞌ nu ñi ꞌa nchkwiꞌ nten chaꞌ ndaꞌaǎn chabiyaꞌ ꞌin Ndiose. |
| 23549 | MAT 11:21 | ―¡Tꞌnan ꞌa wan neꞌ kichen Corazín! ―ndukwin Jesús―. ¡Tꞌnan ꞌa wan neꞌ kichen Betsaida! ―ndukwin―. Kaꞌan ꞌa chaꞌ tnun wa naꞌan wan, loꞌo ja mjyuꞌu tiꞌ wan siyaꞌ ti ꞌin chaꞌ kuxi nu ngiꞌni wan, ja ngulaa yaꞌ wan chaꞌ kanꞌ. Kwiꞌ ngwañaꞌan ti sꞌni, xaꞌan ꞌa neꞌ kichen Tiro loꞌo neꞌ kichen Sidón, neꞌ xka laꞌa tsuꞌ ngwa neꞌ kanꞌ. Loꞌo ja mjwi ñaꞌan ka jyuꞌu tiꞌ neꞌ kanꞌ ꞌin chaꞌ kuxi nu wa yꞌni neꞌ. Ja ngulaa yaꞌ neꞌ chaꞌ kuxi kanꞌ, chunꞌ ja ya ñaꞌan neꞌ kanꞌ chaꞌ tnun sa ñaꞌan nu naꞌan wan, ꞌwan neꞌ Israel; kanꞌ chaꞌ ja ngwa xiꞌin tiꞌ neꞌ kanꞌ, kanꞌ chaꞌ ja ykuꞌ neꞌ teꞌ ngata, ja msuꞌwa neꞌ jii ke neꞌ sa ñaꞌan nu ngiꞌni nten seꞌen nskwa ayman. |
| 23592 | MAT 12:34 | Nu ꞌwan, ¡ñaꞌan tiꞌ kunan tlá, ngwañaꞌan lka wan! Ja nchka chkwiꞌ wan chaꞌ suꞌwe chaꞌ nsuꞌwi ꞌa chaꞌ kuxi tiye wan; sa ñaꞌan chaꞌ nu nsuꞌwi tiye skaan, ngwañaꞌan ndyoꞌo chaꞌ nu nchkwianꞌ. |
| 23692 | MAT 14:26 | Bra nu naꞌan neꞌ nu ngiꞌni xaꞌan chaꞌ ꞌin yu chaꞌ ndaꞌan yu lo tyiꞌa ti, ytsen ꞌa neꞌ bra kanꞌ. ―¡Wa ndijyan ska ayman! ―ndukwin neꞌ. Msiꞌya ꞌa neꞌ chaꞌ ytsen neꞌ bra kanꞌ. |
| 23693 | MAT 14:27 | Bra ti ykwiꞌ Jesús loꞌo neꞌ: ―¡Kuꞌni tnun tiye wan! ―ndukwin Jesús ꞌin neꞌ―. Naꞌ lkaǎn, ¡ja kutsen ꞌa wan! |
| 23696 | MAT 14:30 | Bra nu nduwe tiꞌ yu chaꞌ lye ꞌa nxkwa kwiꞌin, ytsen ꞌa yu bra kanꞌ, mdyisnan mdiyuu yu niꞌ tyiꞌa bra kanꞌ. Kwen msiꞌya yu ꞌin Jesús: ―Xꞌnaǎn ―ndukwin Tyu ꞌin yu―, ¡kuloo lyaa ꞌñaǎn niꞌ tyiꞌa re! |
| 23709 | MAT 15:7 | ¡Kwiñi ꞌa wan, chaꞌ tukwa chaꞌ nsuꞌwi tiye wan! Chañi chaꞌ nu ykwiꞌ ayman Isaías chaꞌ ꞌwan nu ngwa sꞌni. Nde lka chaꞌ nu ngwaꞌan ayman kula kanꞌ lo kityi: |
| 23724 | MAT 15:22 | Ngwa ska tsan mdiyan ska nu kunaꞌan ngwa tyi seꞌen ndiꞌin Jesús, msiꞌya ꞌa nu kunaꞌan kanꞌ ꞌin Jesús bra kanꞌ: ―¡Chka tꞌnan tiiꞌ ꞌñaǎn, Xꞌnaǎn! ―ndukwin nu kunaꞌan kanꞌ ꞌin Jesús―. Nuꞌwin lkaa ti kwiꞌ nu lka taꞌa ayman David, kanꞌ chaꞌ kuꞌnii ska chaꞌ suꞌwe loꞌoǔn. Tiꞌí ꞌa sñiěnꞌ, nxlyuu ꞌa kwiꞌin ꞌin sñiěnꞌ lyuu. |
| 23727 | MAT 15:25 | Loꞌo kwiꞌ seꞌen la mdiyan nu kunaꞌan kanꞌ bra kanꞌ, mduun xtyinꞌ tloo Jesús. ―¡Xꞌnaǎn! ―ndukwin ꞌin Jesús―, ¡tayaaꞌ ꞌwa! |
| 23744 | MAT 16:3 | Kwiꞌ ndiya xka tsan nchkwiꞌ wan nde tlya, xa nu ñaꞌan wan niꞌ kwan: “Kiꞌya tyoo ni, chaꞌ ndla ti xaa” ndukwin wan. ¡Kwiñi ꞌa wan! Nchka biyaꞌ tiꞌ wan ska nan nu ñaꞌan wan niꞌ kwan, wa nsuꞌwi lyo wan chaꞌ kanꞌ, loꞌo ja ndii ꞌa tiꞌ wan siyaꞌ ti nan ka nu ka ꞌwan lo chalyuu re ni. |
| 23764 | MAT 16:23 | Bra ti mxinaꞌan Jesús tloo Tyu bra kanꞌ. ―¡Tyoꞌo tsuuꞌ, Satanás! ¡Ja chkwiiꞌ loꞌoǔn ngwañaꞌan, chaꞌ siꞌi ran! ―ndukwin Jesús ꞌin yu―. Ja nka tiye nuꞌwin sa ñaꞌan nka tiye Ndiose, sa ñaꞌan nka tiye nten chalyuu ti nka tiye nuꞌwin ni. |
| 23773 | MAT 17:4 | Kwiꞌ ykwiꞌ Tyu loꞌo Jesús bra kanꞌ: ―Xꞌnaǎn ―ndukwin Tyu ꞌin yu―, ¡suꞌwe ꞌa chaꞌ loꞌo bare ndiꞌin ba! ―ndukwin―. ¿Ta suꞌwe nchka tiiꞌ si kwiñan ba snan naꞌan xuwe ti a? Ska ka seꞌen tyiꞌin ykwiiꞌ, xka ka seꞌen tyiꞌin yu kula Moisés, xka ka seꞌen tyiꞌin yu kula Elías. |
| 23786 | MAT 17:17 | ―¡Ja ndyaa ñaꞌan tiꞌ wan ꞌin Ndiose siyaꞌ ti! ―ndukwin Jesús ꞌin neꞌ kanꞌ―. ¡Kuxi ꞌa kasiya ꞌwan! Ja suꞌwe kanuǔn seꞌen ndiꞌin wan, ja taloǔn ꞌwan siyaꞌ ti. Kan loꞌo wan ꞌin yu tiꞌí kwa seꞌen ndiꞌiǐn ni. |
| 23803 | MAT 18:7 | ¡Tꞌnan ꞌa nten chalyuu re! Nsuꞌwi ꞌa chaꞌ kuxi nu ngiꞌni ñuꞌun tiye nten. Nchga bra ndiya chaꞌ kuxi ngwañaꞌan lo chalyuu, loꞌo tnun ꞌa chaꞌ ngiꞌni nten nu ndatsaa ꞌin taꞌa nten chaꞌ kuꞌni chaꞌ kuxi; tlyu ꞌa nu tiꞌí kaja ꞌin neꞌ kanꞌ nde loo la. |
| 23891 | MAT 20:30 | Tuꞌwa tuwiin seꞌen tyijin neꞌ ndukwa tukwa yu kwityiinꞌ; wa ynan yu kwityiinꞌ kanꞌ chaꞌ ti kwiꞌ Jesús ndijin tuwiin kwa, kanꞌ chaꞌ kwen msiꞌya neꞌ ꞌin yu: ―¡Xꞌnan ba, chkaa tꞌnan tiiꞌ ꞌwa! Jlyo tiꞌ ba chaꞌ ti kwiꞌ nu lka taꞌa ayman David lkaa ―ndukwin yu kwityiinꞌ kanꞌ ꞌin Jesús. |
| 23892 | MAT 20:31 | Ja mdiya tiꞌ nten kaꞌan kanꞌ, chaꞌ lye ꞌa msiꞌya yu kwityiinꞌ ꞌin Jesús. ―Mnan ti wan ―ndukwin neꞌ ꞌin yu kwityiinꞌ kanꞌ. Ja ynan yu kwityiinꞌ, kwen la msiꞌya yu bra kanꞌ: ―Xꞌnan ba ―ndukwin yu―, nuꞌwin lkaa ti kwiꞌ yu nu lka taꞌa ayman David ―ndukwin yu kwityiinꞌ kanꞌ ꞌin Jesús―, ¡chkaa tꞌnan tiiꞌ ꞌwa! |
| 23904 | MAT 21:9 | Loꞌo nchga nten msiꞌya ꞌa neꞌ chaꞌ suꞌwe ꞌa nka tiye neꞌ, loꞌo neꞌ nu ndyaa nde loo la, loꞌo neꞌ nu ndijyan nde chunꞌ la, suꞌwe ꞌa nka tiye nchga neꞌ kanꞌ. ―¡Kuꞌni tnun ba ꞌiin! Nuꞌwin lkaa ti kwiꞌ taꞌa ayman ree David nu ndiꞌin chaꞌ kan ―ndukwin neꞌ ꞌin Jesús―. ¡Suꞌwe ꞌa kuꞌni Ndiose loꞌoo chaꞌ ndijyaan chabiyaꞌ ꞌin Ni nu nka Xꞌnaan! ¡Kuꞌni tnuan ꞌin Ndiose ni! ―ndukwin neꞌ. |
| 23910 | MAT 21:15 | Naꞌan sti joꞌo nu lka ndloo chaꞌ tnun nu yꞌni Jesús bra kanꞌ; loꞌo mstru nu nduꞌu chaꞌ joꞌo kanꞌ, naꞌan neꞌ sa ñaꞌan ngwa chaꞌ nchkaa nu tiꞌí kanꞌ. Loꞌo naꞌan neꞌ kanꞌ, chaꞌ ndiꞌin tyun nu xuwe ti, nu kwen ꞌa nchkwiꞌ xa ngiꞌni tnun neꞌ ꞌin Jesús: ―¡Kuꞌni tnun ba ꞌiin! Nuꞌwin lkaa ti kwiiꞌ nu lka taꞌa ayman ree David nu ndiꞌin chaꞌ kan ―ndukwin nu xuwe kanꞌ. Msinꞌ ꞌa tiꞌ neꞌ nu lka ndloo kanꞌ bra kanꞌ, bra nu ynan neꞌ tnun nchka kanꞌ sa ñaꞌan chaꞌ nu nchkwiꞌ nu xuwe kanꞌ. |
| 23920 | MAT 21:25 | ¡Suꞌwe sikwa! Bra nu ti ndukwatya Xuwa ꞌin nten, ¿ta chabiyaꞌ ꞌin Ndiose ngwa kanꞌ a? ¿Ta chabiyaꞌ ꞌin nten chalyuu ti ngwa kanꞌ a? Mnan ti ykwiꞌ neꞌ nu lka ndloo kanꞌ loꞌo taꞌa neꞌ bra kanꞌ: ―¿Ni sa ñaꞌan xkwean ra ꞌin yu re? Si xkwean: “Chabiyaꞌ ꞌin Ndiose mdukwatya Xuwa kanꞌ ꞌin nten”, ja suꞌwe chaꞌ kanꞌ, chaꞌ bra ti chkwiꞌ yu chaꞌ re ꞌñaan: “¿Ni chaꞌ ja msñi wan chaꞌ nu ykwiꞌ Xuwa sikwa?” |
| 24000 | MAT 23:13 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ ndaꞌan tiye wan! Nan ndukunꞌ ti wan tuwiin ꞌin nten, chaꞌ ja ka sten neꞌ chaꞌ ꞌin Ndiose, chaꞌ ja ka Ndiose ndloo la niꞌ kasiya ꞌin neꞌ. ꞌWan ti ykwiꞌ ti wan, ja xlyaa wan sten wan chaꞌ kanꞌ, loꞌo ja nda wan chabiyaꞌ chaꞌ sten xka la nten chaꞌ kanꞌ. |
| 24001 | MAT 23:14 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ngwañaꞌan ꞌwan neꞌ fariseo, chaꞌ tukwa chaꞌ ndaꞌan tiye wan! Ndlaa wan naꞌan tyi nu kunaꞌan tiꞌi, loꞌo chan nchkwiꞌ wan loꞌo Ndiose seꞌen ndiꞌin nten chaꞌ ñaꞌan nten ꞌwan bra kanꞌ. Ja ka biyaꞌ tiꞌ xka la nten ñaꞌaan chaꞌ kuxi nu nsuꞌwi niꞌ kasiya ꞌwan bra kanꞌ, nxkeꞌ tiꞌ wan. Kanꞌ chaꞌ lye ꞌa ta Ndiose nu tiꞌí ꞌwan nde loo la. |
| 24002 | MAT 23:15 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nka tiye wan! Tijyuꞌ ꞌa ndaꞌan wan tuwiin nde xka chalyuu, kwiꞌ tuwiin ndijin wan tujoꞌo, chaꞌ tsaa naan wan ꞌin nten; tsaa naan wan ni siya ska ti nten nu xlyaa kulaa yaꞌ ꞌin xka la joꞌo nu ngiꞌni tnun yu ꞌin, chaꞌ xñi yu chaꞌ nu kwaꞌu wan ꞌin yu. Loꞌo chaꞌ nu kwaꞌu wan ꞌin yu kuꞌni wan chaꞌ lye la ka yu sñiꞌ kuneꞌ xaꞌan ke ꞌwan, ꞌwan nu ndiꞌin chaꞌ tsaa wan lo jwlyaa. |
| 24003 | MAT 23:16 | ’¡Tꞌnan ꞌa ꞌwan! Nan wa nchka tiꞌ wan kwaꞌu wan ꞌin xka la nten, loꞌo kwityiinꞌ ꞌa wan, chaꞌ ja la ndiꞌya wan kwenta. Ndiya yaꞌ nchkwiꞌ wan: “Bra nu skanꞌ nten ska chaꞌ ꞌin neꞌ loꞌo kulo naan neꞌ ꞌin laa tnun re, chaꞌ kuꞌni ji neꞌ ska tñan, ja ska chaꞌ lka ran” nchkwiꞌ wan. “Loꞌo bra nu skanꞌ neꞌ ska chaꞌ loꞌo taꞌa nten neꞌ, loꞌo kulo naan neꞌ ꞌin nan oro nu nsuꞌwi niꞌ lyaa chaꞌ kuꞌni neꞌ tñan kanꞌ, kanꞌ ndiꞌin chaꞌ kuꞌni ji neꞌ nchga tñan nu ykwiꞌ neꞌ” ndukwin wan. |
| 24004 | MAT 23:17 | ¡Mnaꞌ chaꞌ tiya ꞌwan, kwityiinꞌ ꞌa wan! ¿Ni nan lka nu ndloo la chaꞌ ꞌin, nxkeꞌ tiꞌ wan? ¿Ta tlyu la chaꞌ ꞌin nan oro nu nsuꞌwi niꞌ lyaa kanꞌ a? ¿O ta tlyu la chaꞌ ꞌin laa tnun seꞌen nsuꞌwi nan oro kanꞌ, nxkeꞌ tiꞌ wan a? Ska ñaꞌan ti lka tyukwaa chaꞌ kanꞌ. |
| 24006 | MAT 23:19 | ¡Chañi chaꞌ kwityiinꞌ wan! ¿Ni nan lka nu ndloo la chaꞌ ꞌin, nxkeꞌ tiꞌ wan? ¿Ta tlyu la chaꞌ ꞌin lomstan kanꞌ a? ¿O ta tlyu la chaꞌ ꞌin msaa seꞌen ndukwa lomstan kanꞌ, nxkeꞌ tiꞌ wan a? Ska ñaꞌan ti lka tyukwaa chaꞌ kanꞌ; |
| 24010 | MAT 23:23 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nsuꞌwi tiye wan! Kti ꞌa ngiꞌni wan tloo Ndiose loꞌo nchga nan xuwe ti nu nsuꞌwi ꞌwan; bra nu nsuꞌwi tii lkaꞌ kanunꞌ xlya ꞌwan ni, bra ti nda wan ska ꞌin Ndiose bra kanꞌ, ta nxin, ta mta komino, kwiꞌ ngwañaꞌan ngiꞌni wan. Loꞌo chaꞌ nu ngwaꞌu Stian Ndiose, nu ndloo la ꞌwan chaꞌ kuꞌni wan, ja la nduwe tiꞌ wan chaꞌ kanꞌ. Wa ykwiꞌ Ndiose chaꞌ kuꞌni biyaꞌ ñi wan ꞌin nten, chaꞌ chka tꞌnan tiꞌ wan ꞌin nten, chaꞌ tsaa ñaꞌan suꞌwe tiꞌ wan ꞌin Ni; loꞌo ja nnan wan chaꞌ kanꞌ. Ndiꞌin chaꞌ tukwa wan chaꞌ nu ndloo la kanꞌ, ni siya ti kuꞌni wan chaꞌ suꞌwe sa ñaꞌan nu ngiꞌni ti wan bra nu nda wan lomstan xuwe ti kanꞌ. |
| 24012 | MAT 23:25 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nsuꞌwi tiye wan! Suꞌwe ꞌa njyaꞌan wan tloo wan, njyaꞌan wan chunꞌ wan, ñaꞌan tiꞌ ngaten ska sa, ngaten ska kaꞌnan; loꞌo niꞌ kasiya ꞌwan xkwiꞌ chaꞌ kuxi nsuꞌwi, chaꞌ nchka tiꞌ wan kulaa wan nan nu nsuꞌwi ꞌin xka la nten, chaꞌ nxitukwi tiꞌ wan nan nsuꞌwi ꞌin nten. |
| 24013 | MAT 23:26 | ¡Nan kwityiinꞌ wan, ꞌwan neꞌ fariseo! Kulo kuꞌni luwi wan niꞌ kasiya ꞌwan, ti ykwiꞌ ti wan, chaꞌ kanun luwi tyukwi ñaꞌaan wan bra kanꞌ, ñaꞌan tiꞌ ska sa, ska kaꞌnan nu wa ngaten ―ndukwin Jesús ꞌin neꞌ. |
| 24014 | MAT 23:27 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ngwañaꞌan ꞌwan neꞌ fariseo, chaꞌ tukwa chaꞌ nka tiye wan! Ñaꞌan tiꞌ ska kwaa nu ngwa tkanꞌ chaꞌ yꞌni ngaten neꞌ ꞌin ran, chaꞌ ka suꞌwe ꞌa ñaꞌan kwaa kanꞌ bra kanꞌ, ngwañaꞌan lka wan. Xkwiꞌ tijyan ayman nsuꞌwi niꞌ kwaa kanꞌ, xkwiꞌ nan tukun tyiꞌi nsuꞌwi kanꞌ. |
| 24016 | MAT 23:29 | ’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nka tiye wan! Suꞌwe ꞌa ñaꞌan naꞌan xuwe nu nñan wan chunꞌ kwaa seꞌen mtsiꞌ ayman nu wa yan ykwiꞌ chaꞌ ꞌin Ndiose loꞌo nten nu ngwa sꞌni, loꞌo suꞌwe ꞌa ngiꞌni tkanꞌ wan kwaa seꞌen mtsiꞌ ayman nu suꞌwe tiye nu ngwa sꞌni. |
| 24019 | MAT 23:32 | ¡Suꞌwe sikwa! ¡Ti kuꞌni la wan chaꞌ kuxi nu yꞌni ayman ꞌwan nu ngwa sꞌni! ―ndukwin Jesús ꞌin neꞌ. |
| 24020 | MAT 23:33 | ’¡Ñaꞌan tiꞌ kunan, ngwañaꞌan nchka tiꞌ wan! Sa ꞌa ngiꞌni wan chaꞌ kuxi. ¿Ta nxkeꞌ tiꞌ wan chaꞌ kulaa Ndiose ꞌwan, chaꞌ ja kaja nu tiꞌí ꞌwan lo jwlyaa a? Ja ka ꞌwan ngwañaꞌan. |
| 24024 | MAT 23:37 | ’¡Tꞌnan ꞌa wan neꞌ Jerusalén! ¡Tukwi ꞌa chaꞌ nsuꞌwi ꞌwan! Ti sꞌni ꞌa ndujwi wan ꞌin nten nu ndyaꞌan tñan ꞌin Ndiose, njyiꞌin wan kee ꞌin neꞌ nu nchkwiꞌ chaꞌ ꞌin Ni. Tyun ꞌa yaꞌ ngwa tiǎnꞌ ñaꞌansiǐn ꞌwan chaꞌ ja ka kuxi ꞌwan. Ñaꞌan tiꞌ ska kwitu nu nxoꞌ tiꞌin ꞌin sñiꞌ niꞌ jluꞌwe, ngwañaꞌan ngwa tiǎnꞌ kuꞌniǐn loꞌo wan; loꞌo ja la nda wan chabiyaꞌ ꞌñaǎn. |
| 24045 | MAT 24:19 | ¡Tꞌnan ꞌa nu kunaꞌan tnan bra nu tiya tsan kanꞌ! ¡Tꞌnan ꞌa nu kunaꞌan nu nsuꞌwi kuwiꞌ kuneꞌ nu ti ngatiꞌ ꞌin bra kanꞌ! |
| 24147 | MAT 26:24 | Sa ñaꞌan nu ndukwa chaꞌ lo kityi ꞌin Ndiose, ngwañaꞌan ndiꞌin chaꞌ ka ꞌñaǎn, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten. ¡Tꞌnan ꞌa nten nu tya ꞌñaǎn yaꞌ neꞌ xaꞌan! Suꞌwe la ka ꞌin yu ni siya ja ngula yu chalyuu siyaꞌ ti. |
| 24164 | MAT 26:41 | ¡Ndii ti tiꞌ wan tyiꞌin wan ni sikwa! Chkwiꞌ wan loꞌo Ndiose chaꞌ ja kuꞌni kuneꞌ xaꞌan kanan ꞌwan. Jlyo tiǎnꞌ chaꞌ tyukwi ti tiye wan nchka tiꞌ wan kuꞌni wan tñan re ꞌñaǎn. Loꞌo ja ndalo wan, kanꞌ chaꞌ ndla ꞌa yijaꞌ wan. |
| 24220 | MAT 27:22 | ―¿Ni ñaꞌan kuꞌniǐn loꞌo Jesús nu nchkwiꞌ wan chaꞌ nka Krixtu sikwa a? ―ndukwin Pilato bra kanꞌ. ―¡Jwiꞌin kaꞌan wan ꞌin yu lo wsi! ―ndukwin nchga nten bra kanꞌ. |
| 24221 | MAT 27:23 | ―¿Ni chaꞌ lka nchka tiꞌ wan chaꞌ kujwiǐn ꞌin yu re? ―ndukwin Pilato bra kanꞌ―. ¿Ni kiꞌya ndukwi yu a? Kwen ꞌa msiꞌya loꞌo neꞌ ꞌin Pilato bra kanꞌ: ―¡Jwiꞌin kaꞌan wan ꞌin yu lo wsi! ―ndukwin neꞌ. |
| 24227 | MAT 27:29 | Kanꞌ mxkwan neꞌ ti kicheꞌ chaꞌ ka ska sneꞌ; mstya neꞌ sneꞌ kanꞌ ke Jesús, kwiꞌ mstya neꞌ ska kii yaꞌ laꞌa seꞌen kwin. Mduun xtyinꞌ neꞌ tloo Jesús bra kanꞌ, chaꞌ xtyi lyoꞌo liyeꞌ tiꞌ neꞌ ꞌin yu; kanꞌ chaꞌ yꞌni neꞌ ngwañaꞌan, sa ñaꞌan si lka yu ska ree lo chalyuu. ―¡Ngiꞌni tnun ba ꞌiin! ¡Nuꞌwin lkaa ree ꞌin neꞌ judío! ―ndukwin sndaru ꞌin Jesús bra kanꞌ. |
| 24309 | MRK 1:25 | Loꞌo ja mda ꞌa Jesús chabiyaꞌ ꞌin kwiꞌin kuxi nu nsuꞌwi ꞌin yu tiꞌí kanꞌ, ngulo yu ꞌin kwiꞌin kuxi kanꞌ chaꞌ tyaa siyaꞌ ti bra kanꞌ. ―¡Ja chkwiiꞌ ꞌa! ―ndukwin Jesús ꞌin kwiꞌin kanꞌ―. ¡Ja kuꞌnii ꞌa chaꞌ kuxi loꞌo yu re! |
| 24368 | MRK 3:11 | Nu tiꞌí nu msñi kwiꞌin kuxi ꞌin ni, bra nu naꞌan neꞌ kanꞌ ꞌin Jesús, bra kanꞌ mduun xtyinꞌ neꞌ tloo yu. Kwen msiꞌya neꞌ siꞌya kwiꞌin kuxi, chaꞌ nsuꞌwi lyo kwiꞌin kanꞌ ꞌin Jesús: ―¡Nuꞌwin lkaa ska ti nu lka Sñiꞌ Ndiose ykwiꞌ! ―ndukwin nu tiꞌí kanꞌ. |
| 24430 | MRK 4:38 | Lajaꞌ ti Jesús mskwa yu tu seꞌen yka naꞌan, mskwa ke yu lo ska teꞌ kuti ti. Mlyo neꞌ slaa yu bra kanꞌ: ―¡Yu kula! ―ndukwin neꞌ ꞌin Jesús―. ¡Xaa tiiꞌ! ¿Ta ja nduwe tiiꞌ chaꞌ wa kaja tian a? ―ndukwin neꞌ―. Wa katin ti yka naꞌan re niꞌ tyiꞌa. |
| 24431 | MRK 4:39 | Bra kanꞌ mdyituun Jesús, ngulo yu tñan ꞌin kwiꞌin, ykwiꞌ yu loꞌo kwiꞌin chaꞌ ja ka kulooꞌ lo tyiꞌa tiyuꞌ kanꞌ. ―¡Ka tiin lo tyiꞌa re! ―ndukwin yu. Bra ti ngwa tiin kwiꞌin, ngwa tiin kulooꞌ; tiin ti nganun tiyuꞌ bra kanꞌ. |
| 24526 | MRK 6:50 | Naꞌan taꞌa neꞌ ꞌin yu, loꞌo ytsen ꞌa neꞌ bra kanꞌ. Bra ti ytsaꞌ Jesús ꞌin neꞌ: ―¡Kuꞌni tnun tiye wan, naꞌ lkaǎn! ―ndukwin yu―. ¡Ja kutsen wan! ―ndukwin Jesús ꞌin neꞌ. |
| 24566 | MRK 7:34 | Kanꞌ naꞌan Jesús nde niꞌ kwan, lye ꞌa ynen ndyaan tyiꞌi yu bra kanꞌ. ―¡Efata! ―ndukwin Jesús ꞌin yu tiꞌí kanꞌ bra kanꞌ. Kanꞌ nu nchka tiꞌ chkwiꞌ: ¡Kalaa tu nskaan! |
| 24602 | MRK 8:33 | Loꞌo mxitukwi Jesús seꞌen nduun bra kanꞌ, naꞌan yu ꞌin taꞌa nten nu ngiꞌni xaꞌan chaꞌ ꞌin yu, mdukunꞌ yu chaꞌ nu ykwiꞌ Tyu siyaꞌ ti bra kanꞌ. ―¡Tyoꞌo tsuꞌ ꞌñaǎn, Satanás! ―ndukwin yu ꞌin Tyu―. ¡Ja tukunꞌ loo chaꞌ ꞌñaǎn! Siꞌi sa ñaꞌan nu nchka tiꞌ Ndiose nka tiye nuꞌwin ni, sa ñaꞌan nu ndaꞌan chaꞌ tiye nten chalyuu ti nka tiyee ni ―ndukwin Jesús ꞌin Tyu. |
| 24612 | MRK 9:5 | Bra kanꞌ ykwiꞌ Tyu loꞌo Jesús: ―Mstru ―ndukwin―, ¡suꞌwe ꞌa chaꞌ ndiꞌin ba loꞌoo nde re! Taa chabiyaꞌ kwiñan ba snan teꞌ naꞌan, ska ka seꞌen tyiꞌin ykwiꞌ nuꞌwin, xka ka seꞌen tyiꞌin niMoisés, xka ka seꞌen tyiꞌin niElías ―ndukwin Tyu ꞌin Jesús. |
| 24626 | MRK 9:19 | ―Ja ndyaa ñaꞌan tiꞌ wan ꞌñaǎn siyaꞌ ti ―ndukwin Jesús ꞌin neꞌ kanꞌ―. ¡Kuxi ꞌa kasiya ꞌwan! ¡Ja suꞌwe kanuǔn seꞌen ndiꞌin wan, chunꞌ ja taloǔn ꞌwan siyaꞌ ti! Kan loꞌo wan ꞌin yu tiꞌí kwa tloǔn ni. |
| 24631 | MRK 9:24 | Bra ti ykwiꞌ sti yu tiꞌí kanꞌ bra kanꞌ: ―¡Wa ndyaa ñaꞌan tiǎnꞌ ꞌiin! ―ndukwin―, tayaaꞌ ꞌñaǎn chaꞌ xñiǐn suꞌwe la chaꞌ ꞌiin bra nu ja ya tsaa ñaꞌan suꞌweěn tiǎnꞌ ꞌiin, nxkeꞌ tiǎnꞌ ―ndukwin yu ꞌin Jesús. |
| 24680 | MRK 10:23 | Mxitukwi Jesús naꞌan ꞌin neꞌ nu ngiꞌni xaꞌan chaꞌ ꞌin yu bra kanꞌ. ―¡Tukwi ꞌa ka chaꞌ kala ska nu kuliyaꞌ nde seꞌen lka Ndiose ndloo! ―ndukwin Jesús ꞌin neꞌ kanꞌ bra kanꞌ. |
| 24704 | MRK 10:47 | Bra nu mgii tiꞌ yu chaꞌ ndijyan Jesús Nazaret, kwen msiꞌya yu ꞌin Jesús bra kanꞌ: ―¡Yu kula Jesús! ¡Jlyo tiǎnꞌ chaꞌ nten ꞌin ayman David lka wan! ―ndukwin―. Kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn ―ndukwin yu tiꞌí kanꞌ ꞌin Jesús. |
| 24705 | MRK 10:48 | Tyun nten ngwa tiꞌ chkwiꞌ loꞌo yu tiꞌí kanꞌ, chaꞌ mnan ti tyukwa yu, ngwa tiꞌ neꞌ; loꞌo ja mslyaa yu tiꞌí kanꞌ, kwen la msiꞌya bra kanꞌ: ―¡Yu kula, nten ꞌin ayman David lka wan! ―ndukwin yu tiꞌí―, kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn. |
| 24718 | MRK 11:9 | Kanꞌ msiꞌya nten nu ndyaa nde loo Jesús, msiꞌya nten nu ndijyan nde chunꞌ; lye ꞌa yꞌni tnun neꞌ ꞌin Jesús: ―¡Kuꞌni tnuan ꞌin Ndiose! ―ndukwin neꞌ―. ¡Suꞌwe ti kuꞌni Ndiose loꞌo nu kiꞌyu re nu ndijyan chabiyaꞌ ꞌin nu nka Xꞌnaan! ¡Ni ti kuꞌni tnuan ꞌin Xꞌnaan! ―ndukwin neꞌ―. |
| 24719 | MRK 11:10 | Suꞌwe ꞌa si kuꞌni tnuan ꞌin yu re, chaꞌ ndla ti ka Ndiose ndloo nde re. Kanꞌ nu ka ndloo sa ñaꞌan ngwa ayman David ndloo nu ngwa sꞌni ―ndukwin neꞌ―. ¡Ni ti kuꞌni tnun nchga nu ndiꞌin niꞌ kwan ꞌin Xꞌnaan! ―ndukwin neꞌ. |
| 24787 | MRK 13:1 | Chunꞌ ndiꞌin la wa tyoꞌo ti Jesús niꞌ lyaa tnun kanꞌ loꞌo neꞌ nu ngiꞌni xaꞌan chaꞌ ꞌin yu. ―Mstru ―ndukwin ska yu ꞌin Jesús―, ¡ñaꞌan kwiꞌyaa chinꞌ laa tnun re chaꞌ suꞌwe ꞌa ndyaꞌ! ¡Suꞌwe ꞌa ñaꞌan kee nu nsuꞌwi siꞌ naꞌan re! ―ndukwin. |
| 24803 | MRK 13:17 | ¡Tꞌnan ꞌa nu kunaꞌan tnan! Loꞌo nu kunaꞌan nu nsuꞌwi kuwiꞌ kuneꞌ nu ti ngatiꞌ, ¡tꞌnan ꞌa ka neꞌ kanꞌ bra nu tiya tsan kanꞌ! |
| 24888 | MRK 14:65 | Bra kanꞌ mdyisnan neꞌ ngiꞌni tiꞌí neꞌ ꞌin Jesús; msuꞌwa neꞌ tyiꞌa nu mdoꞌo tuꞌwa neꞌ kiloo yu, kwiꞌ ngwañaꞌan mjiꞌin neꞌ ꞌin yu xa nu nchkunꞌ kiloo yu loꞌo ska teꞌ. ―Loꞌo ni, chaꞌ kii tiꞌ nuꞌwin, ¡katsaaꞌ ꞌwa ti ka nu lka mjiꞌin ꞌiin! ―ndukwin neꞌ ꞌin Jesús bra kanꞌ. Loꞌo neꞌ nu nduun kwan kanꞌ, mjiꞌin neꞌ ndukunꞌ ꞌin yu bra kanꞌ. |
| 24908 | MRK 15:13 | Kwen msiꞌya loꞌo neꞌ ꞌin Pilato bra kanꞌ: ―¡Kujwi lya wan ꞌin yu kwa lo wsi! ―ndukwin neꞌ. |
| 24909 | MRK 15:14 | ―¿Ni chaꞌ nchka tiꞌ wan chaꞌ kujwiǐn ꞌin yu re? ―ndukwin Pilato ꞌin neꞌ―. ¿Ni ñaꞌan kiꞌya ndiꞌin ꞌin yu a? Lye la msiꞌya loꞌo neꞌ ꞌin Pilato bra kanꞌ: ―¡Kujwi lya wan ꞌin yu kwa lo wsi! |
| 24913 | MRK 15:18 | Kwiꞌ yꞌni tnun neꞌ ꞌin yu chaꞌ kwiñi ti bra kanꞌ: ―¡Suꞌwe ti tyiꞌiin, nuꞌwin nu lkaa ree ꞌin neꞌ judío! ―ndukwin sndaru ꞌin Jesús. |
| 24990 | LUK 1:28 | Wa mdiya angajle seꞌen ndiꞌin nu kunaꞌan kanꞌ, ykwiꞌ loꞌo bra kanꞌ: ―Ndiya ska chaꞌ nu suꞌwe ꞌa nu ndijyaǎn chkwiǐnꞌ loꞌoo ―ndukwin angajle kanꞌ ꞌin Liya―. ¡Suꞌwe ꞌa nka tiye Ndiose loꞌo nuꞌwin! ¡Suꞌwe ꞌa ndiꞌiin loꞌo Ni! ―ndukwin―. Kaꞌan ꞌa chaꞌ suꞌwe nda Ndiose ꞌiin, ja ngiꞌni Ni ngwañaꞌan loꞌo xka la nu kunaꞌan. |
| 25056 | LUK 2:14 | ¡Lye ꞌa kuꞌni tnuan ꞌin Ndiose, loꞌo nde niꞌ kwan seꞌen ndiꞌin Ni, loꞌo lo chalyuu! ¡Tlyu ꞌa chaꞌ ndiꞌin ꞌin Ni!, ndukwin angajle kanꞌ bra kanꞌ. Kuꞌni chaꞌ tiin ti tyiꞌin nten chalyuu chaꞌ nu ka biyaꞌ tiꞌ neꞌ chaꞌ suꞌwe ꞌa nka tiye Ndiose ñaꞌan Ni ꞌin nten, ndukwin angajle bra kanꞌ. |
| 25101 | LUK 3:7 | Kaꞌan nten mdiyan seꞌen nduun Xuwa chaꞌ tyukwatya neꞌ. Bra kanꞌ ykwiꞌ Xuwa loꞌo nten kaꞌan kanꞌ: ―¡Sa ñaꞌan ngiꞌni kunan tlá, ngwañaꞌan ngiꞌni wan! ―ndukwin Xuwa―. ¿Ta wa mdiya nten nu mxitsen ꞌwan ni a? ¿Sa bra ni nduwe tiꞌ wan chaꞌ ta Ndiose nu tiꞌí ꞌwan bra nu tyii chalyuu a? ―ndukwin―. |
| 25257 | LUK 6:42 | ¿Ni chaꞌ lka tnun ꞌa tiye wan chaꞌ chkwiꞌ wan loꞌo taꞌa nten wan a?: “Taa chabiyaꞌ kuloǔn yuu nu nsuꞌwi kiloo” nchkwin wan ꞌin neꞌ, loꞌo kanꞌ ja ñaꞌan wan mti tnun nu nsuꞌwi kiloo ykwiꞌ wan. ¡Nan kwiñi ꞌa wan! Kulo ndukwa la ndiꞌin chaꞌ kulo wan mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan kata yuu nu nsuꞌwi kiloo taꞌa nten wan. |
| 25278 | LUK 7:14 | Bra kanꞌ yaa Jesús seꞌen ndiꞌin neꞌ kanꞌ, mstya yaꞌ yu chunꞌ kaꞌ seꞌen nsuꞌwi ayman. Bra kanꞌ yaa tuun neꞌ nu ndiꞌya ꞌin ayman kanꞌ, ykwiꞌ Jesús loꞌo ayman kanꞌ: ―Yu kuneꞌ ―ndukwin―, ¡tukwii lyaa! |
| 25338 | LUK 8:24 | Bra kanꞌ ndyaa mlyo neꞌ sla Jesús nde seꞌen nskwa yu lajaꞌ yu. Ykwiꞌ neꞌ loꞌo yu bra kanꞌ: ―¡Yu kula, yu kula! ―ndukwin neꞌ ꞌin yu―, ¡xaa tiiꞌ! ¡Wa sten ti yka naꞌan re niꞌ tyiꞌa, kajaan bra kanꞌ! Mdyituun Jesús bra kanꞌ, ngulo yu tñan ꞌin kwiꞌin loꞌo kulooꞌ kanꞌ. Bra ti ngwa tiin ran bra kanꞌ; ja mskwa ꞌa kwiꞌin, ja ngutsa ꞌa kulooꞌ. |
| 25403 | LUK 9:33 | Bra wa tyaa ti taꞌa tyukwaa neꞌ kanꞌ, bra kanꞌ ykwiꞌ Tyu loꞌo Jesús: ―Xꞌnan ba ―ndukwin―, ¡suꞌwe ꞌa chaꞌ ndiꞌin ba nde! ¿Ta suꞌwe si kwiñan ba snan rmara a? Ska ka seꞌen tyiꞌin ykwiiꞌ, xka ran ka seꞌen tyiꞌin Moisés, loꞌo xka ran ka seꞌen tyiꞌin Elías ―ndukwin. Loꞌo Tyu ni, ja ngwa biyaꞌ tiꞌ yu sa ñaꞌan ndyoꞌo chaꞌ nu ykwiꞌ yu. |
| 25411 | LUK 9:41 | Bra kanꞌ mxkwen Jesús ꞌin yu tloo nchga nten nu mdiꞌin loꞌo yu: ―¡Ja ya tsaa ñaꞌan tiꞌ wan ꞌñaǎn siyaꞌ ti, ꞌwan nten chalyuu! ―ndukwin Jesús―, chaꞌ kuxi ꞌa kasiya ꞌwan. ¡Ja suꞌwe kanuǔn seꞌen ndiꞌin wan, ja taloǔn ꞌwan siyaꞌ ti! ―ndukwin Jesús ꞌin neꞌ―. Kaan loꞌoo ꞌin sñiiꞌ seꞌen ndiꞌiǐn ―ndukwin Jesús ꞌin sti yu tiꞌí kanꞌ bra kanꞌ. |
| 25445 | LUK 10:13 | ’¡Tꞌnan ꞌa wan, neꞌ kichen Corazín! Ngwañaꞌan, ¡tꞌnan ꞌa wan, neꞌ kichen Betsaida! Wa kaꞌan ꞌa chaꞌ tnun nu wa naꞌan wan, loꞌo kanꞌ ja mjyuꞌu tiꞌ wan siyaꞌ ti ꞌin chaꞌ kuxi nu ngiꞌni wan. Nu ngwa sꞌni, xaꞌan ꞌa neꞌ kichen Tiro, xaꞌan ꞌa neꞌ kichen Sidón; neꞌ xka laꞌa tsuꞌ ngwa neꞌ kanꞌ. Bra kanꞌ ja mjwi ñaꞌan ka jyuꞌu tiꞌ neꞌ kanꞌ ꞌin chaꞌ kuxi nu yꞌni neꞌ, chaꞌ ja ya ñaꞌan neꞌ kanꞌ ska chaꞌ tnun sa ñaꞌan nu wa naꞌan wan, neꞌ Israel; kanꞌ chaꞌ ja mxaꞌan neꞌ siyaꞌ ti chaꞌ kuxi nu yuꞌwi niꞌ kasiya ꞌin neꞌ, ja ykuꞌ ꞌa neꞌ teꞌ ngata, ja msuꞌwa neꞌ jii ke neꞌ sa ñaꞌan nu ngiꞌni neꞌ kanꞌ seꞌen nskwa ayman. |
| 25501 | LUK 11:27 | Bra wa mdyii ykwiꞌ Jesús ngwañaꞌan, bra kanꞌ ykwiꞌ ska nu kunaꞌan loꞌo Jesús. Laja nten kaꞌan kanꞌ nduun nu kunaꞌan kanꞌ nchkwiꞌ: ―¡Suꞌwe ꞌa nka tiye neꞌ kula jyaꞌaan nu yꞌni kala ꞌiin, nu mda ytiiꞌ! ―ndukwin nu kunaꞌan kanꞌ ꞌin yu. |
| 25502 | LUK 11:28 | Bra kanꞌ mxkwen Jesús ꞌin nu kunaꞌan kanꞌ: ―Siꞌi chaꞌ kanꞌ ―ndukwin―. ¡Suꞌwe la nka tiye nten nu kunan suꞌwe nchga chaꞌ nu nchkwiꞌ Ndiose loꞌo neꞌ, nchga nu ndukwa chaꞌ ꞌin Ni! |
| 25516 | LUK 11:42 | ’¡Tꞌnan ꞌa ꞌwan, neꞌ fariseo! ―ndukwin Jesús―. Kti ꞌa ngiꞌni wan loꞌo Ndiose loꞌo nchga nan xuwe ti nu nsuꞌwi ꞌwan, loꞌo nchga nan nu nda wan lomstan ꞌin Ndiose niꞌ lyaa; sa yuꞌwe ti nchga kixinꞌ nu suꞌwe tyiꞌi, sa yuꞌwe nchga kixinꞌ nu nchka xiyan skwa, nda wan ꞌin ran ꞌin Ndiose bra nu tka msiꞌi ti wan ꞌin ran. Loꞌo kanꞌ ja ñi ngiꞌni biyaꞌ wan ꞌin nten; kwiꞌ ngwañaꞌan, ja suꞌwe nka tiye wan ñaꞌan wan ꞌin Ndiose siyaꞌ ti; kanꞌ lka tñan nu ndiꞌin chaꞌ kuꞌni wan ndla la, loꞌo ñaꞌan ti kuꞌni wan xka la tñan xuwe ti nu nsuꞌwi ꞌwan bra kanꞌ. |
| 25517 | LUK 11:43 | ’¡Tꞌnan ꞌa ꞌwan, neꞌ fariseo! Ndiya ꞌa tiꞌ wan tyukwa wan lo yka seꞌen suꞌwe la niꞌ lyaa, loꞌo ndiya ꞌa tiꞌ wan chaꞌ kuꞌni tnun nten ꞌwan bra nu nduun wan lo kiyaꞌ. |
| 25520 | LUK 11:46 | Mxkwen Jesús ꞌin yu kanꞌ bra kanꞌ: ―Loꞌo ꞌwan, mstru nu nduꞌu chaꞌ joꞌo, ¡tꞌnan ꞌa ꞌwan! Tiꞌin ꞌa tñan nu nda wan chaꞌ kuꞌni nten, sa ñaꞌan yaꞌ nu ja nchka ꞌa ꞌin neꞌ kuꞌni neꞌ tñan kanꞌ siyaꞌ ti. Loꞌo ꞌwan ni, ja ndayaꞌ wan ꞌin neꞌ; ni loꞌo ska loo xñii yaꞌ ti wan, ja ndayaꞌ wan ꞌin neꞌ. |
| 25526 | LUK 11:52 | ’¡Tꞌnan ꞌa ꞌwan, mstru nu nduꞌu chaꞌ joꞌo! Wa ndyija lyo ꞌwan sa ñaꞌan nu kuꞌni xaꞌan wan nchga loo chaꞌ. Loꞌo kanꞌ ykwiꞌ wan, ja xlyaa wan kuꞌni xaꞌan wan chaꞌ nu nchkwiǐnꞌ chaꞌ ꞌin Ndiose Stiǐn; ngwañaꞌan ndukunꞌ wan chaꞌ ꞌin xka ta nten bra nu nchka tiꞌ neꞌ kuꞌni xaꞌan neꞌ chaꞌ kanꞌ. |
| 25552 | LUK 12:24 | Ñaꞌan wan chinꞌ sa ñaꞌan lka chaꞌ ꞌin ꞌni nu lka kwityanꞌ; ja ntya iꞌ nskwaꞌ, ja ngiꞌni iꞌ kwa, ja ndukwa naꞌan tyi iꞌ, ja nñan iꞌ juꞌwa seꞌen xuꞌwi nan ku iꞌ; ngwañaꞌan ti nda Ndiose nan ku iꞌ. Loꞌo ꞌwan ni, ¡kaꞌan la ndyuꞌwi lyo wan chaꞌ ꞌin Ndiose ke kwityanꞌ kanꞌ! |
| 25584 | LUK 12:56 | ¡Kwiñi ꞌa ꞌwan! Nchka biyaꞌ tiꞌ wan ska nan nu ñaꞌan wan nde niꞌ kwan; wa nsuꞌwi lyo wan chaꞌ kanꞌ. ¿Ni chaꞌ lka ja ndii ꞌa tiꞌ wan siyaꞌ ti nan ka nu nchka ꞌwan lo chalyuu re ni? ―ndukwin Jesús ꞌin neꞌ. |
| 25621 | LUK 13:34 | ’Tꞌnan ꞌa ꞌwan neꞌ Jerusalén, chaꞌ tukwi ꞌa chaꞌ nu ndiꞌin ꞌwan. Ti sꞌni yjwi wan ꞌin neꞌ nu ykwiꞌ chaꞌ ꞌin Ndiose loꞌo nten, mguun wan kee ꞌin nten nu ngwa tñan ꞌin Ndiose. Tyun ꞌa bra ngwa tiǎnꞌ chaꞌ ñaꞌansiǐn ꞌwan, chaꞌ ja ka kuxi ꞌwan; ñaꞌan tiꞌ ska kwitu nu msoꞌ tiꞌin sñiꞌ niꞌ jluꞌwe iꞌ, ngwañaꞌan ngwa tiǎnꞌ kuꞌniǐn loꞌo wan, loꞌo ¡ja mda wan chabiyaꞌ ꞌñaǎn siyaꞌ ti! |
| 25674 | LUK 15:17 | Chunꞌ ndiꞌin la nduwe suꞌwe tiꞌ yu: “¿Ni a? ¿Ni lkwa msu ndiꞌin naꞌan tyi stiǐn ngiꞌni tñan a? ¡Loꞌo ja ndyiji jwiꞌñan neꞌ kanꞌ, ti nganun la nan nchku neꞌ kanꞌ! ¡Loꞌo naꞌ ni, nde re ndiꞌiǐn ndijiǐn jwiꞌñan chaꞌ ja ndyiji nan kuǔn siyaꞌ ti! |
| 25680 | LUK 15:23 | Loꞌo kanꞌ tsaa ꞌya wan kuta kuneꞌ nu taan la chaꞌ kujwi wan chaꞌ kuan. ¡Kuꞌnian ska taꞌa! |
| 25721 | LUK 17:1 | Xiyaꞌ ykwiꞌ Jesús loꞌo nu ngiꞌni xaꞌan chaꞌ ꞌin yu: ―Nsuꞌwi ꞌa nten nu nchkwiꞌ loꞌoan chaꞌ kuꞌnian ska chaꞌ kuxi; loꞌo nten nu ndatsaa ꞌin taꞌa nten neꞌ chaꞌ kuꞌni chaꞌ kuxi loꞌo neꞌ, ¡tꞌnan ꞌa neꞌ kanꞌ! |
| 25733 | LUK 17:13 | kwen ꞌa ykwiꞌ neꞌ loꞌo yu bra kanꞌ: ―¡Yu kula Jesús! ―ndukwin neꞌ bra kanꞌ―, ¡chka tꞌnan tiiꞌ ꞌwa! |
| 25781 | LUK 18:24 | Naꞌan Jesús chaꞌ xiꞌin ꞌa tiꞌ yu, bra kanꞌ ykwiꞌ loꞌo neꞌ nu ndiꞌin kwiꞌ seꞌen ti: ―¡Tukwi ꞌa chaꞌ sten neꞌ kuliyaꞌ chaꞌ ꞌin Ndiose, chaꞌ ka Ndiose ndloo la niꞌ kasiya ꞌin neꞌ! |
| 25795 | LUK 18:38 | Bra kanꞌ kwen ꞌa msiꞌya yu kwityiinꞌ kanꞌ ꞌin Jesús: ―Jesús, sñiꞌ David nu ngwa ayman stii nu yuꞌwi ti sꞌni ―ndukwin yu―, ¡chka tꞌnan tiiꞌ ꞌñaǎn ni! ―ndukwin yu. |
| 25796 | LUK 18:39 | Nten nu ndukwa loo la, kanꞌ msiꞌya loꞌo neꞌ ꞌin yu chaꞌ ka tiin yu chaꞌ nxiꞌya yu; loꞌo ja ynan yu, kwen la msiꞌya yu bra kanꞌ: ―Nuꞌwin, nu lkaa taꞌa nten ꞌin ayman David ―ndukwin yu―, ¡chka tꞌnan tiiꞌ ꞌñaǎn! |
| 25799 | LUK 18:42 | ―¡Chkaa kiloo sikwa! ―ndukwin Jesús ꞌin yu―. Chunꞌ chaꞌ ndyaa ñaꞌan tiiꞌ ꞌñaǎn, kanꞌ chaꞌ nchkaa kiloo ni ―ndukwin Jesús. |
| 25838 | LUK 19:38 | ―¡Suꞌwe ꞌa ngiꞌni Ndiose chaꞌ ꞌin yu nu ndijyan re chabiyaꞌ ꞌin Ndiose nu nka Xꞌnaan, chaꞌ ka yu ndloo la ꞌñaan! ―ndukwin neꞌ―. ¡Tiin ti tyiꞌin nchga nan nu nsuꞌwi nde niꞌ kwan seꞌen ndiꞌin Ndiose! ¡Loꞌo ni, kuꞌni tnuan ꞌin Ni! |
| 25864 | LUK 20:16 | Kan ykwiꞌ xꞌnan tñan chaꞌ kujwi ꞌin neꞌ kuxi kanꞌ, bra kanꞌ ta tñan kanꞌ ꞌin xka ta nten chaꞌ kuꞌni neꞌ tñan loꞌo ran. Bra wa ynan neꞌ chaꞌ kanꞌ, bra kanꞌ ndukwin neꞌ: ―¡Ja kuꞌni Ndiose ngwañaꞌan! |
| 25918 | LUK 21:23 | ¡Tꞌnan ꞌa neꞌ kunaꞌan nu nsuꞌwi sñiꞌ tsan kanꞌ! Ngwañaꞌan, ¡tꞌnan ꞌa neꞌ kunaꞌan nu nsuꞌwi kuwiꞌ kuneꞌ nu ti ngatiꞌ!, chaꞌ lye ꞌa tyijin nten chalyuu nu tiꞌí; kuxi ꞌa nu tiꞌí nu tyijin neꞌ bra kanꞌ. |
| 25948 | LUK 22:15 | Loꞌo ykwiꞌ yu loꞌo neꞌ kanꞌ: ―¡Ti sꞌni nchka tiǎnꞌ chaꞌ ku siinǎn taꞌa pascua re loꞌo wan, bra nu ti ji kajaǎn! ―ndukwin Jesús―. |
| 25955 | LUK 22:22 | Loꞌo naꞌ nu wa ndijyaǎn chaꞌ kaǎn nten, ndiꞌin chaꞌ tsaꞌaǎn tuwiin seꞌen ndukwin Ndiose Stiǐn chaꞌ tsaꞌaǎn. Bra kanꞌ, ¡tꞌnan ꞌa yu nu wa yjwiꞌ xuꞌwa ꞌñaǎn yaꞌ neꞌ xaꞌan kanꞌ! |
| 26022 | LUK 23:18 | kanꞌ chaꞌ mdyisnan nchga nten kichen, kwen ꞌa msiꞌya neꞌ suꞌwa ti, mjñan neꞌ xka presu ꞌin Pilato: ―¡Ja kulaa ꞌin yu kiꞌyu re! ―ndukwin neꞌ―. ¡Yaa loꞌoo ꞌin yu re! ¡Kulaa ꞌin Barrabás kanꞌ, chaꞌ tyoꞌo yu ngwa ti ñaꞌan! |
| 26025 | LUK 23:21 | Kwen la mxkwen nten kaꞌan kanꞌ ꞌin Pilato bra kanꞌ: ―¡Jwiꞌin kaꞌaan lyaa ꞌin yu lo wsi chaꞌ kaja yu! ―ndukwin neꞌ―. ¡Jwiꞌin kaꞌaan lyaa ꞌin yu lo wsi! ―ndukwin nten kaꞌan kanꞌ bra kanꞌ. |
| 26180 | JHN 2:16 | Lye ykwiꞌ yu loꞌo nten nu ndujwiꞌ kiñi cha kuun bra kanꞌ: ―¡Yaa loꞌo wan ꞌin yuꞌwa kwa nde chunꞌ laa re! ―ndukwin Jesús―. ¡Ja kuꞌni wan chaꞌ ka naꞌan tnun re ꞌin Stiǐn ñaꞌan tiꞌ naꞌan lo kiyaꞌ! |