23282	MAT 4:4	Mxkwen Jesús ꞌin kuneꞌ xaꞌan bra kanꞌ: ―Ndukwa ska chaꞌ lo kityi ꞌin Ndiose ―ndukwin Jesús ꞌin yu―. Nde ñaꞌan nchkwiꞌ chaꞌ kanꞌ: “Siꞌi nan kuꞌu nten chalyuu chaꞌ nchku neꞌ tyaja ti; xa nu kunan neꞌ nchga chaꞌ nu nchkwiꞌ Ndiose, kanꞌ chañi chaꞌ tyiꞌin suꞌwe neꞌ.” Ngwañaꞌan nchkwiꞌ chaꞌ nu ndukwa lo kityi.
23324	MAT 5:21	’Wa ynan wan sa ñaꞌan nu ngulo Ndiose tñan ꞌin ayman nu ngwa sꞌni. Nchkwiꞌ Ni chaꞌ re: “Ja kujwi wan ꞌin taꞌa nten wan” ndukwin Ndiose. “Bra nu kujwi neꞌ ꞌin taꞌa nten neꞌ, ndiꞌin chaꞌ tsaa neꞌ niꞌ ñaꞌan chkwan chaꞌ kuꞌni biyaꞌ wse ꞌin neꞌ bra kanꞌ.”
23334	MAT 5:31	’Nde ndiya xka chaꞌ nu ykwiꞌ ayman sꞌni: “Bra nu nchkwiꞌ ska yu kiꞌyu loꞌo kwilyoꞌo yu chaꞌ tyaa seꞌen ndiꞌin sti loꞌo jyaꞌan xiyaꞌ, chunꞌ nchka tiꞌ yu kulaa tiꞌin yu ꞌin kwilyoꞌo yu, kanꞌ ndiꞌin chaꞌ kulo yu ska kityi chaꞌ ꞌin nu kunaꞌan kanꞌ bra kanꞌ. Kityi kanꞌ katsaꞌ chaꞌ ja lka ꞌa nu kunaꞌan kanꞌ kwilyoꞌo yu ni.”
23336	MAT 5:33	’Xka chaꞌ ni, wa ynan wan sa ñaꞌan tñan nu ngulo Ndiose ꞌin ayman sꞌni. Nchkwiꞌ Ni chaꞌ re: “Ja suꞌwe chkwiꞌ wan loꞌo Ndiose chaꞌ kuꞌni wan ska tñan, loꞌo chaꞌ kwiñi nchkwiꞌ wan. Ndiꞌin chaꞌ kuꞌni ji wan sa ñaꞌan nu ndukwin wan ꞌin Ndiose chaꞌ kuꞌni wan.”
23341	MAT 5:38	’Loꞌo wa ynan wan chaꞌ re nu ykwiꞌ ayman sꞌni: “Ska nten xaꞌan ni, bra nu mchu yu kiloo taꞌa yu, ndiꞌin chaꞌ kulo neꞌ wsiya kiloo ykwiꞌ yu chaꞌ ka tiin kiꞌya ꞌin yu bra kanꞌ. Kwiꞌ ngwañaꞌan, bra nu mstun yu ska liꞌya taꞌa yu, bra kanꞌ ndiꞌin chaꞌ kulo neꞌ wsiya liꞌya ykwiꞌ yu, chaꞌ ka tiin kiꞌya nu ndukwi yu.” Ngwañaꞌan ykwiꞌ neꞌ nu ngwa sꞌni.
23346	MAT 5:43	’Wa ynan wan chaꞌ re nu ykwiꞌ ayman sꞌni: “Suꞌwe kuꞌni wan loꞌo taꞌa wan, loꞌo ñaꞌan tiꞌí wan ꞌin nten nu nxuun loꞌo wan.”
23431	MAT 8:17	Ngwañaꞌan ngwa, chaꞌ mdoꞌo tukwa ti kwiꞌ ti chaꞌ nu ngwaꞌan ayman Isaías lo kityi nu ngwa sꞌni. Nde lka chaꞌ nu nchkwiꞌ kityi kanꞌ: “Wa jlyo tiꞌ Ndiose nchga seꞌen tiꞌí ꞌñaan, jlyo tiꞌ Ni sa ñaꞌan kicha nu nsuꞌwi ꞌñaan kwenta skaan; yꞌni tyii Ndiose nchga kicha kanꞌ, nchkaan bra kanꞌ.” Ngwañaꞌan ndukwa chaꞌ lo kityi, kanꞌ chaꞌ ngiꞌni Jesús joꞌó ꞌin nten nu tiꞌí.
23453	MAT 9:5	Ja ndiya tiꞌ wan chaꞌ nu ykwiǐnꞌ loꞌo yu tiꞌí re: “Wa yꞌniǐn chaꞌ tlyu tiꞌ ꞌin kiꞌya nu ndukwii.” ¿Ta chkwiǐnꞌ loꞌo yu tiꞌí: “Tyituun, tyoꞌoo taꞌaan ni” suꞌwe la sikwa a? ―ndukwin Jesús―.
23461	MAT 9:13	Yaa lya wan kunan suꞌwe wan chaꞌ re nu ngwaꞌan ayman lo kityi sꞌni: “Nchka la tiǎnꞌ chaꞌ chka tꞌnan tiꞌ wan ꞌin taꞌa nten wan, ndukwin Ndiose. Kanꞌ nu suꞌwe la, ni siya ja ta wan kaꞌan ꞌa lomstan ꞌñaǎn; kwiꞌ ngwañaꞌan, ja ndiꞌin chaꞌ ta wan ꞌni skunꞌ wan chaꞌ ka lomstan ꞌñaǎn.” Ngwañaꞌan ndukwa chaꞌ lo kityi. Loꞌo naꞌ ni, ja ndijyaǎn lo chalyuu chaꞌ chkwiǐnꞌ loꞌo nten nu suꞌwe ꞌa ti ykwiꞌ ti, nxkeꞌ tiꞌ neꞌ; wa ndijyaǎn lo chalyuu chaꞌ chkwiǐnꞌ loꞌo nten nu jlyo tiꞌ chaꞌ ndiya chaꞌ kuxi tiye neꞌ, chaꞌ ka jyuꞌu tiꞌ neꞌ bra kanꞌ. Kulaa yaꞌ neꞌ chaꞌ kuxi kanꞌ bra kanꞌ.
23469	MAT 9:21	“Nu kalaǎnꞌ tiǎn steꞌ Jesús, bra kanꞌ chkaǎn.” Ngwañaꞌan mdaꞌan chaꞌ tiye neꞌ kula kanꞌ.
23545	MAT 11:17	“¿Ni chaꞌ ja xlyaa wan kula kiyaꞌ wan? Nan ngala ba jiin loꞌo kuwi kii chaꞌ ꞌwan” ndukwin nu xuwe ꞌin taꞌa ndiꞌin jya. “¿Ni chaꞌ ja xlyaa wan ka xiꞌin tiꞌ wan loꞌo ba? Nan ngala ba jiin xiꞌin, nan nganan ba ndiꞌin ba.” Ti kwiꞌ ngwañaꞌan ngiꞌni wan lo chalyuu re ni, chunꞌ xkwiꞌ ndaja tiꞌ wan; ja suꞌwe lka tiye wan siyaꞌ ti ñaꞌan wan ꞌin taꞌa nten wan.
23565	MAT 12:7	Ja nduwe tiꞌ wan sa ñaꞌan lka chaꞌ re nu ndukwa lo kityi kula: “Nchka tiǎnꞌ chaꞌ chka tꞌnan tiꞌ wan ꞌin taꞌa nten wan” ndukwin Ndiose, “kanꞌ tñan nu ndloo la chaꞌ kuꞌni wan. Ja nchka tiǎnꞌ chaꞌ ta wan kaꞌan ꞌa lomstan ꞌñaǎn; ni siya skunꞌ wan, ja ndiꞌin chaꞌ ta wan ꞌñaǎn.” Si chañi chaꞌ ngwa biyaꞌ tiꞌ wan sa ñaꞌan nchkwiꞌ chaꞌ kanꞌ nu ndukwa lo kityi, ja xtya ꞌa wan kiꞌya ꞌin nten chaꞌ kwiñi ti bra kanꞌ.
23602	MAT 12:44	bra kanꞌ chkwiꞌ kwiꞌin kuxi kanꞌ: “Tyaꞌaǎn xiyaꞌ seꞌen mdiꞌiǐn ti kulo.” Ngwañaꞌan xkeꞌ tiꞌ kwiꞌin kuxi kanꞌ. Bra nu kala kwiꞌin kuxi kanꞌ seꞌen ndiꞌin neꞌ kanꞌ, bra ti ñaꞌan kwiꞌin chaꞌ ti ndiꞌin laja ti kasiya ꞌin nten seꞌen mdiꞌin nu ngwa xkanꞌ; ja ya chkaa nten kanꞌ.
23638	MAT 13:30	Suꞌwe la kataan chinꞌ chaꞌ kaluu ran taꞌa tyukwaa ran, sa ñaꞌan bra nu katsi trigu kanꞌ. Bra kanꞌ kuloǔn tñan ꞌin neꞌ chaꞌ tsaa neꞌ siꞌyu neꞌ kixinꞌ ti kulo, chaꞌ skanꞌ neꞌ ꞌin ran kwenta ynin ti ran, chaꞌ skin ran lo kiiꞌ; kuꞌni neꞌ kwa bra kanꞌ, siꞌyu neꞌ nchga trigu chaꞌ xoꞌ tiꞌin neꞌ ꞌin ran niꞌ juꞌwa.”
23707	MAT 15:5	ꞌWan ni, xka loo chaꞌ nchkwiꞌ wan. Nduꞌu wan ꞌin nten chaꞌ suꞌwe ꞌa lka si chkwiꞌ wan chaꞌ re loꞌo sti, jyaꞌan wan: “Wa mdaǎn nchga nan nu nsuꞌwi ꞌñaǎn chaꞌ tyiꞌin ran kwenta ꞌin Ndiose, kanꞌ chaꞌ ja ka ꞌñaǎn tayaǎnꞌ ꞌwan ni.”
23822	MAT 18:26	Ytsen ꞌa msu kanꞌ bra kanꞌ, mlyuu yu lyuu tloo xꞌnan yu. Mduun xtyinꞌ yu tloo xꞌnan yu chaꞌ jñan la yu chinꞌ bra ꞌin xꞌnan yu bra kanꞌ: “Xꞌnaǎn” ndukwin msu kanꞌ ꞌin ree, “taloo chinꞌ ꞌñaǎn. Taa la chinꞌ bra ꞌñaǎn chaꞌ tyaǎn nchga tñi nu ndukwiǐn ꞌiin tyaa wcha la.”
23825	MAT 18:29	Loꞌo nu ndukwi chinꞌ ti tñi kanꞌ ni, mduun xtyinꞌ yu tloo msu tlá kanꞌ, mjñan chinꞌ chaꞌ tlyu tiꞌ ꞌin yu tlá kanꞌ, chaꞌ chka tꞌnan tiꞌ ꞌin yu: “Taloo chinꞌ ꞌñaǎn” ndukwin yu ꞌin yu tlá kanꞌ. “Taa la chinꞌ bra ꞌñaǎn chaꞌ tyaǎn nchga tñi nu ndukwiǐn ꞌiin tyaa wcha la.”
23836	MAT 19:5	Loꞌo ykwiꞌ Ndiose chaꞌ re: “Kanꞌ chaꞌ tyoꞌo tsuꞌ ska yu kiꞌyu seꞌen ndiꞌin sti yu, seꞌen ndiꞌin jyaꞌan yu, chaꞌ kaja kwilyoꞌo yu loꞌo ska nu kunaꞌan, chaꞌ ka neꞌ ska ti neꞌ taꞌa tyukwaa neꞌ.”
23869	MAT 20:8	Bra wa tsaa ti kwichaa ykwiꞌ xꞌnan tñan loꞌo nu lka ndloo la ꞌin msu ꞌin yu: “La ni xiꞌyaa ꞌin nchga msu chaꞌ taa siyaꞌ neꞌ” ndukwin yu. “Ti kulo la taa siyaꞌ msu nu tka mdiyan ti; bra nu wa tyii ti, taa siyaꞌ msu nu mdiyan ti tlya la bra kanꞌ.”
23898	MAT 21:3	Si kunichaꞌ neꞌ kichen kwa ꞌwan: “¿Ni sa ñaꞌan tñan kuꞌni wan loꞌo buru kwa?”, katsaꞌ wan chaꞌ re ꞌin neꞌ bra kanꞌ: “Ndiya tñan kuꞌni buru re chaꞌ ꞌin ti kwiꞌ nu nka Xꞌnaan.” Bra ti ta neꞌ chabiyaꞌ ꞌwan chaꞌ kan loꞌo wan ꞌin iꞌ bra kanꞌ.
23900	MAT 21:5	Katsaꞌ wan ꞌin neꞌ kichen Sión: “Ñaꞌan kwiꞌya wan chinꞌ nde re, chaꞌ wa ndijyan nu ka ndloo la ꞌwan. Ja tlá yu kula kanꞌ, chunꞌ buru ti ndukwa yu. Ska buru kuneꞌ lka iꞌ, sñiꞌ ꞌni nu ndiꞌya yuꞌwa lka buru kuneꞌ kanꞌ.” Ngwañaꞌan nchkwiꞌ lo kityi kanꞌ.
23908	MAT 21:13	―Chkwiǐnꞌ chaꞌ nu ndukwa lo kityi ꞌin Ndiose, chaꞌ ꞌin laa re ―ndukwin Jesús bra kanꞌ―: “Seꞌen nu ka chkwiꞌ nchga nten loꞌo Ndiose lka naꞌan re, ngwañaꞌan chkwiꞌ neꞌ chaꞌ ꞌin naꞌan tyiǐn, ndukwin Ndiose.” Loꞌo ꞌwan, wa yꞌni wan chaꞌ naꞌan tyi neꞌ nu ngiꞌni kunan lka naꞌan re ―ndukwin Jesús ꞌin neꞌ kanꞌ.
23923	MAT 21:28	Ti ngwaꞌu la Jesús chinꞌ chaꞌ ꞌin neꞌ bra kanꞌ: ―Chkwiǐnꞌ ska chaꞌ tiya re loꞌo wan, chaꞌ xkwen wan ꞌñaǎn ―ndukwin Jesús ꞌin neꞌ―. Wa ndiꞌin ska yu kula nu ndiꞌin tukwa yu kiꞌyu sñiꞌ yu. Kanꞌ ykwiꞌ yu kula kanꞌ loꞌo sñiꞌ yu nu kula la: “Sñiěnꞌ” ndukwin yu, “yaa kuꞌnii tñan niꞌ lyoꞌoo ꞌñaǎn ni, seꞌen ndukwa yka kwiñii ꞌñaǎn.”
23950	MAT 22:9	Suꞌwe la yaa lya wan nde tuwiin tlyu ni; chkwiꞌ wan loꞌo ya ñaꞌan ti nten nu ñaꞌan wan nde tuwiin kwa, chaꞌ kan neꞌ taꞌa nde seꞌen ndiꞌiǐn.”
23978	MAT 22:37	Mxkwen Jesús ꞌin yu kanꞌ bra kanꞌ: ―“Ndiꞌin chaꞌ tyukwi ti tiye wan tyiꞌin chaꞌ ꞌwan loꞌo Ndiose nu lka Xꞌnan wan; ndiꞌin chaꞌ ka luwi kasiya ꞌwan, kwiꞌ tyiꞌin chaꞌ ꞌwan loꞌo Ni loꞌo nchga chaꞌ tiya nu ndiꞌin ke wan.”
23980	MAT 22:39	Loꞌo ndiya xka chaꞌ nu ndloo ꞌa ꞌñaan: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka bra nu nchka tꞌnan tiꞌ wan ꞌwan, ti ykwiꞌ ti wan.”
24052	MAT 24:26	chaꞌ ja tukwa ꞌa wan chaꞌ ꞌin neꞌ si chkwiꞌ neꞌ chaꞌ re loꞌo wan: “Tsaan seꞌen ndiꞌin Krixtu, chaꞌ ndiꞌin yu niꞌ kixinꞌ kwa ni.” Ja tsaa wan loꞌo neꞌ bra kanꞌ. Loꞌo ja kunan wan si chkwiꞌ neꞌ chaꞌ re loꞌo wan: “Mnan ti ndiꞌin yu niꞌ ñaꞌan kwa ni.” Ja xñi wan chaꞌ nu chkwiꞌ neꞌ kanꞌ siyaꞌ ti.
24083	MAT 25:6	Jluꞌwe tla siyaꞌ ti ynen msiꞌya ska nten: “Wa ndijyan yu nu ka kwilyoꞌo kuxiin re ni” ndukwin. “Tyoꞌo lya wan nde chunꞌ naꞌan chaꞌ tsaa wan tuwiin loo yu, chaꞌ tyaan loꞌo wan ꞌin yu niꞌ ñaꞌan re.”
24086	MAT 25:9	“Sete nu ndiꞌya wa, ja tyoꞌo skwa chaꞌ xuꞌwi niꞌ candil ꞌñaan taꞌaan” ndukwin nu kunaꞌan nu suꞌwe ndaꞌan chaꞌ tiye kanꞌ. “Suꞌwe la yaa lya wan tiyenta chaꞌ xiꞌi wan ti chinꞌ.”
24097	MAT 25:20	Kulo mdiyan msu nu mda xꞌnan kiꞌyu mi tñi plata ꞌin. “Xꞌnaǎn” ndukwin msu kanꞌ, “mdaa kiꞌyu mi tñi ꞌñaǎn, loꞌo ni, wa mjwi xa tiꞌyu mi tñi ꞌñaǎn, chaꞌ wa yꞌniǐn tñan loꞌo tñi kanꞌ ꞌiin.”
24099	MAT 25:22	Chunꞌ ndiꞌin la mdiyan xka msu nu mda xꞌnan tukwa mi tñi plata ꞌin. “Xꞌnaǎn” ndukwin msu kanꞌ, “mdaa tukwa mi tñi plata ꞌñaǎn, loꞌo ni, wa mjwi tyukwa mi tñi ꞌñaǎn chaꞌ yꞌniǐn tñan loꞌo tñi kanꞌ ꞌiin.”
24102	MAT 25:25	Kanꞌ chaꞌ ytseěn ꞌiin. Kanꞌ yiꞌaǎn msuꞌwaǎn kutsiǐnꞌ tñi ꞌiin niꞌ yuu. Nde lka tñi ꞌiin sikwa.”
24104	MAT 25:27	¿Ni chaꞌ ja mdaa tñi ꞌñaǎn ꞌin xka nten sikwa, chaꞌ kuꞌni neꞌ tñan loꞌo ran? Chunꞌ ndiꞌin la tyaꞌan sñiꞌ tñi kanꞌ ꞌñaǎn, chaꞌ tyaa ꞌñaǎn xa nu kalaǎn xiyaꞌ.”
24107	MAT 25:30	Loꞌo ni, tsaa loꞌo wan ꞌin msu xaꞌan re, chaꞌ xkwan wan ꞌin yu re lo jwlyaa, seꞌen lye ꞌa nxiꞌya neꞌ, loꞌo lye ꞌa nchku liꞌya neꞌ chaꞌ msinꞌ tiꞌ neꞌ, chaꞌ lye ꞌa ndijin neꞌ nu tiꞌí nde kwa.”
24113	MAT 25:36	chaꞌ ja yuꞌwi steěnꞌ bra nu mdiꞌiǐn lo chalyuu, mda wan teꞌ ykuǔnꞌ bra kanꞌ. Bra nu ngwa tiꞌíǐn lo chalyuu, yaa naꞌan wan ꞌñaǎn bra kanꞌ, mdayaꞌ wan ꞌñaǎn; kwiꞌ bra nu mstiǐn niꞌ ñaꞌan chkwan, ja ytsen wan yaa wan seꞌen yuꞌwiǐn bra kanꞌ.” Ngwañaꞌan chkwiǐnꞌ bra nu kaǎn ndloǔn la ti.
24116	MAT 25:39	¿Ni ñaꞌan bra yaa naꞌan ba ꞌiin xa nu ngwa tiꞌií a? ¿Ni ñaꞌan bra yaa naꞌan ba ꞌiin xa nu yuꞌwii niꞌ ñaꞌan chkwan a? Ja jlyo tiꞌ ba, Xꞌnaan.”
24120	MAT 25:43	loꞌo ja mda wan seꞌen mdiꞌin wan tyiꞌiǐn bra kanꞌ, chaꞌ nu ja yuꞌwi lyo wan ꞌñaǎn; ja mda wan teꞌ kuǔn xa nu mdaꞌaǎn tiꞌyuǔn tiǎn; ja yaa naꞌan wan ꞌñaǎn bra nu ngwa tiꞌiǐn, loꞌo ja yaa naꞌan wan ꞌñaǎn xa nu yuꞌwiǐn niꞌ ñaꞌan chkwan.”
24121	MAT 25:44	Xkwen neꞌ kuxi kanꞌ ꞌñaǎn bra kanꞌ: “Xꞌnaan” chkwiꞌ neꞌ kanꞌ, “¿ni ñaꞌan bra naꞌan ba ꞌiin chaꞌ mteꞌ tiiꞌ a? Bra nu ngwityi tiiꞌ, xa nu mdaꞌaan tiꞌyuu tiiꞌ, bra nu ngwa tiꞌií, xa nu yuꞌwii niꞌ ñaꞌan chkwan, ¿ni ñaꞌan bra ja mdayaꞌ ba ꞌiin a? Ja jlyo tiꞌ ba chaꞌ kanꞌ.”
24122	MAT 25:45	Loꞌoǔn chaꞌ kaǎn ndloo la ti, chkwiǐnꞌ loꞌo neꞌ xaꞌan kanꞌ xiyaꞌ bra kanꞌ: “Chañi chaꞌ nu nchkwiǐnꞌ loꞌo wan ni, chaꞌ ja mdayaꞌ wan ꞌin ska nu tiꞌi nu ndiꞌin chaꞌ ꞌin loꞌoǔn, kanꞌ chaꞌ nchkwiǐnꞌ loꞌo wan chaꞌ ja ska yaꞌ mdayaꞌ wan ꞌñaǎn.”
24141	MAT 26:18	―Tsaa wan lo kichen seꞌen ndiꞌin taꞌa suꞌwe nsuꞌwiǐn kanꞌ. Chkwiꞌ wan chaꞌ re loꞌo yu: “Ndukwin mstru ꞌñaan chaꞌ wa ndla ti tiya bra ꞌin yu. Loꞌo ni, nchka tiꞌ ti kwiꞌ yu kula kanꞌ ku siin taꞌa pascua naꞌan tyii loꞌo neꞌ nu ngiꞌni xaꞌan chaꞌ ꞌin yu.”
24198	MAT 26:75	Kanꞌ ndyaa yuꞌwi tiꞌ Tyu chaꞌ nu ykwiꞌ Jesús loꞌo yu ti tsan: “Bra nu ti ji ti xiꞌya la kweꞌe tla ni, snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn.” Ngwañaꞌan ndukwin Jesús ꞌin yu ti tsan la, kanꞌ chaꞌ mdoꞌo yu ndyaa yu bra kanꞌ; nganan ꞌa yu ndyaa yu chaꞌ xiꞌin ꞌa tiꞌ yu bra kanꞌ.
24217	MAT 27:19	Ti nduun nten kaꞌan kanꞌ seꞌen ndiꞌin Pilato, loꞌo ti ndukwa Pilato kanꞌ lo yka xlya tnun seꞌen ngiꞌni biyaꞌ yu chaꞌ ꞌin nten. Kanꞌ mdiyan ska msu seꞌen ndukwa yu, ytsaꞌ msu chaꞌ re nu wa ykwiꞌ kwilyoꞌo Pilato: “Ja ska chaꞌ kuꞌnii loꞌo yu kiꞌyu kwa, nten suꞌwe lka yu kwa” ndukwin nu kunaꞌan kanꞌ ꞌin Pilato. “Tyukwi tla lye ꞌa mdaꞌan chaꞌ tiyeěn chaꞌ ꞌin yu kwa. Wa ykwiꞌ slaǎn chaꞌ ꞌin yu kwa.”
24233	MAT 27:35	Xa wa mstya neꞌ ꞌin yu lo wsi loꞌo klavu, mdiꞌin jya sndaru chaꞌ yaa kanan taꞌa yu ti ka nu kuꞌni kanan steꞌ Jesús bra kanꞌ. Ti kwiꞌ chaꞌ ngwa chaꞌ nu wa ngwaꞌan ayman nu ykwiꞌ chaꞌ ꞌin Ndiose loꞌo nten nu ngwa sꞌni: “Mtsa neꞌ steěnꞌ loꞌo taꞌa neꞌ laja mdiꞌin jya neꞌ.”
24235	MAT 27:37	Mstya neꞌ letra ke wsi nu nchkwiꞌ sa ñaꞌan kiꞌya ndiꞌin ꞌin Jesús: “Yu re lka yu Jesús, ree ꞌin neꞌ judío.” Ngwañaꞌan ngwa letra kanꞌ.
24277	MAT 28:13	―Nde ñaꞌan chkwiꞌ wan loꞌo nten: “Bra nu yijaꞌ ba tla, bra kanꞌ yan neꞌ nu yꞌni xaꞌan chaꞌ ꞌin ayman Jesús kanꞌ, ngulo mnan neꞌ ꞌin ayman kanꞌ.” Ngwañaꞌan chkwiꞌ wan loꞌo nten ―ndukwin neꞌ nu lka ndloo kanꞌ ꞌin sndaru―.
24336	MRK 2:7	“¿Ni chaꞌ ykwiꞌ yu re ngwañaꞌan?” mskeꞌ tiꞌ neꞌ kanꞌ. “Ska ti Ndiose ka kuꞌni Ni chaꞌ tlyu tiꞌ ꞌin nten nu ndukwi kiꞌya. Ska kiꞌya tnun lka chaꞌ ykwiꞌ yu kiꞌyu re chaꞌ kuꞌni tyii yu kiꞌya nu ndiꞌin ꞌin ska nten chalyuu, chaꞌ ja tukwin nchka ꞌin kuꞌni tyii kiꞌya nu ndiꞌin ꞌin nten.”
24338	MRK 2:9	Ja ndiya tiꞌ wan chaꞌ nu wa mxkweěn ꞌin yu tiꞌí re: “Wa yꞌniǐn chaꞌ tlyu tiꞌ ꞌin kiꞌya nu ndukwii.” ¿Ta suꞌwe la chkwiǐnꞌ xka chaꞌ re loꞌo yu tiꞌí sikwa a?: “Tyituun, tyaa loꞌo katan ꞌiin naꞌan tyii” ―ndukwin Jesús―.
24543	MRK 7:11	Loꞌo kuxi ꞌa chaꞌ nu nchkwiꞌ wan. Nduꞌu wan ꞌin nten chaꞌ chaꞌ suꞌwe lka xa nu chkwiꞌ ska nten chaꞌ re loꞌo sti loꞌo jyaꞌan: “Ja ka ꞌa ꞌñaǎn tayaǎnꞌ ꞌwan, chaꞌ nan Corbán lka nchga nan nu nsuꞌwi ꞌñaǎn.” (Corbán lka ska chaꞌ ꞌin neꞌ kanꞌ nu nchkwiꞌ chaꞌ ska nan nu wa mda neꞌ xuꞌwe ꞌin Ndiose.)
24665	MRK 10:8	chaꞌ ka neꞌ sa ñaꞌan lka ska ti nten bra kanꞌ.” Ja lka neꞌ tukwa nten bra kanꞌ, chaꞌ wa lka neꞌ ñaꞌan tiꞌ si ska ti nten lka neꞌ.
24726	MRK 11:17	Bra kanꞌ ykwiꞌ Jesús loꞌo neꞌ kwa: ―Ndukwa ska chaꞌ lo kityi ꞌin Ndiose chaꞌ ꞌin laa re: “Ska naꞌan seꞌen chkwiꞌ nchga nten loꞌo Ndiose, ngwañaꞌan nchkwin nten chaꞌ ka naꞌan ꞌñaǎn re, ndukwin Ndiose.” Ngwañaꞌan ndukwa lo kityi ―ndukwin Jesús bra kanꞌ―, loꞌo ꞌwan ni, wa yꞌni wan chaꞌ naꞌan tyi nten nu ngiꞌni kunan lka naꞌan re ―ndukwin Jesús ꞌin neꞌ kanꞌ.
24773	MRK 12:31	Kwiꞌ ngwañaꞌan ndukwa xka chaꞌ: “Chka tꞌnan tiꞌ wan ꞌin taꞌa nten wan sa ñaꞌan ka bra nu nchka tꞌnan tiꞌ wan ꞌwan, ti ykwiꞌ ti wan.” Ja ndiya xka tñan nu ndloo la ꞌñaan chaꞌ kuꞌnian, ska lo ti tñan re ―ndukwin Jesús.
24850	MRK 14:27	Xiyaꞌ ykwiꞌ Jesús loꞌo nten nu ngiꞌni xaꞌan chaꞌ ꞌin yu bra kanꞌ: ―Taꞌa wan ka jyuꞌu tiꞌ wan ꞌñaǎn ―ndukwin Jesús ꞌin neꞌ―. Kulaa yaꞌ wan chinꞌ ꞌñaǎn ndiꞌa. Kanꞌ ka chaꞌ nu ndukwa lo kityi ꞌin Ndiose: “Kujwiǐn ꞌin nten nu naꞌansiin ꞌin slyaꞌ kanꞌ, loꞌo xnan nchga slyaꞌ tyaa iꞌ bra kanꞌ, ndukwin Ndiose.” Ngwañaꞌan nchkwiꞌ kityi kanꞌ.
24881	MRK 14:58	―Wa ynan ba ska chaꞌ nu ykwiꞌ yu kiꞌyu re ―ndukwin ska neꞌ kwiñi kanꞌ―. Nde lka chaꞌ nu ykwiꞌ yu: “Kuꞌni tyiǐn ꞌin laa tnun re nu ngwiñan nten chalyuu ti. Chunꞌ snan tsan ti kuꞌniǐn chaꞌ tyaꞌ xka nu ja kwiñan nten chalyuu.”
24895	MRK 14:72	Bra ti msiꞌya la kweꞌe xiyaꞌ. Bra kanꞌ nsuꞌwi tiꞌ Tyu sa ñaꞌan chaꞌ nu wa ykwiꞌ Jesús loꞌo yu nu ngwa tsan: “Nde lka tñan nu kuꞌnii ndiꞌa, Tyu; snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn, xa nu ti ji xiꞌya la kweꞌe tukwa yaꞌ.” Kanꞌ chaꞌ nganan ꞌa Tyu bra kanꞌ.
24923	MRK 15:28	Sa ñaꞌan lka chaꞌ nu ngwaꞌan ayman sꞌni lo kityi ꞌin Ndiose, ngwañaꞌan ngwa: “Chkwiꞌ neꞌ chaꞌ lka yu taꞌa nten xaꞌan.” Ngwañaꞌan lka chaꞌ ndukwa lo kityi kanꞌ.
25025	LUK 1:63	Bra kanꞌ mjñan yu kula ska kaꞌ lyuꞌ ti chaꞌ lo kaꞌ kanꞌ kwaꞌan yu letra. Nde ndukwa chaꞌ nu ngwaꞌan yu kula kanꞌ bra kanꞌ: “Xuwa ka naan yu.” Nchga nten nu ndiꞌin kwiꞌ seꞌen ti, yuwe ꞌa tiꞌ neꞌ bra kanꞌ.
25100	LUK 3:6	“Ndla ti ñaꞌan neꞌ tyukwi ñaꞌaan chalyuu, chaꞌ ka kulaa Ndiose ꞌin nten ꞌin nchga chaꞌ kuxi.” Ngwañaꞌan ngwa chaꞌ ngwaꞌan ayman Isaías lo kityi kanꞌ.
25140	LUK 4:8	Bra kanꞌ mxkwen Jesús ꞌin yu: ―Tyoꞌoo tsuuꞌ seꞌen ndiꞌiǐn, Satanás ―ndukwin―. Lo kityi ꞌin Ndiose wa ngwaꞌan neꞌ chaꞌ re: “Ska ti ꞌin Ndiose nu nka Xꞌnan wan kuꞌni tnun wan ꞌin Ni, ska ti chaꞌ ꞌin Ndiose ndiꞌin chaꞌ tukwa wan lo chalyuu.” Kanꞌ chaꞌ ja ndiꞌin chaꞌ tyuǔn xtyiǐnꞌ tloo nuꞌwin ―ndukwin Jesús ꞌin kuneꞌ xaꞌan.
25155	LUK 4:23	Bra kanꞌ mxkwen Jesús ꞌin neꞌ kanꞌ: ―Ja chan, chunꞌ ndiꞌin la chinꞌ chkwiꞌ wan chaꞌ re loꞌoǔn: “Si nchka ꞌiin kuꞌnii joꞌó ꞌin nten, kuꞌnii joꞌó ꞌiin, ti ykwiiꞌ ti sikwa.” Kwiꞌ ngwañaꞌan, ja chan chkwiꞌ wan loꞌoǔn: “Wa ynan ba chaꞌ ꞌin nchga chaꞌ tnun nu wa yꞌnii nde kichen Capernaum kanꞌ” nchkwin wan. “Kwiꞌ ngwañaꞌan kuꞌnii chaꞌ tnun kanꞌ nde kichen tyian sikwa, chaꞌ ñaꞌan kwiꞌya ba chinꞌ” nchkwin wan ꞌñaǎn bra kanꞌ.
25197	LUK 5:21	Bra kanꞌ mdaꞌan ꞌa chaꞌ tiye mstru nu nduꞌu chaꞌ joꞌo kanꞌ loꞌo neꞌ fariseo: “¿Ti ka nu lka yu kiꞌyu re a? ¿Ni chaꞌ lka re a? Kuxi ꞌa nchkwiꞌ yu chaꞌ ꞌin Ndiose chaꞌ nchkwiꞌ yu ngwañaꞌan” mskeꞌ tiꞌ neꞌ. “Ja ka ꞌin ska nten chalyuu kuꞌni tyii kiꞌya sa ñaꞌan ngiꞌni yu re, ja ka kuꞌni nten chaꞌ tlyu tiꞌ kiꞌya nu ndiꞌin ꞌin nten; ska ti Ndiose ka kuꞌni tyii kiꞌya nu ndiꞌin ꞌin nten.” Ngwañaꞌan mdaꞌan chaꞌ tiye neꞌ.
25271	LUK 7:7	“Kanꞌ chaꞌ ja loꞌoǔn ndaꞌaǎn bra nu yaa neꞌ yaa tiꞌin neꞌ ꞌiin tsan” ndukwin. “Sa kanꞌ ti tñan nchka tiǎnꞌ, si kuloo tñan, chkaa msu ꞌñaǎn kwa ñaꞌan ti.” Ngwañaꞌan ndukwin capitán kanꞌ, chaꞌ chkwiꞌ ba loꞌoo ―ndukwin neꞌ―.
25272	LUK 7:8	Loꞌo ndukwin yu chaꞌ re ꞌwa: “Loꞌo naꞌ ni” ndukwin yu, “ndiya xka nu ndlo tñan ꞌñaǎn; loꞌo naꞌ ndloǔn tñan ꞌin sndaru nu ndiꞌin ꞌñaǎn” ndukwin. “Tsaa neꞌ lo kichen ꞌñaǎn, si kuloǔn tñan ꞌin neꞌ chaꞌ tsaa neꞌ; kan neꞌ seꞌen ndiꞌiǐn, si siꞌyaǎn ꞌin neꞌ chaꞌ kan neꞌ; bra ti kuꞌni msu ꞌñaǎn ya ñaꞌan ti tñan nu kuloǔn ꞌin yu” ndukwin capitán kanꞌ. “Kanꞌ chaꞌ ni, jlyo tiǎnꞌ chaꞌ ka ꞌiin kuloo tñan chaꞌ chkaa yu tiꞌí kanꞌ ꞌñaǎn.” Sa kanꞌ ti chaꞌ nchka tiꞌ capitán chkwiꞌ loꞌoo ―ndukwin neꞌ taꞌa suꞌwe capitán kanꞌ ꞌin Jesús.
25303	LUK 7:39	Loꞌo yu fariseo nu wa ykwiꞌ loꞌo Jesús chaꞌ tsaa ku tlyaa seꞌen ndiꞌin yu, bra wa naꞌan yu ꞌin nu kunaꞌan kanꞌ, kanꞌ mdaꞌan chaꞌ tiye yu bra kanꞌ: “Ja chañi chaꞌ lka yu re ska nten nu nchkwiꞌ chaꞌ ꞌin Ndiose loꞌo nten. Si kwiꞌ kanꞌ lka yu, bra kanꞌ ja chan kiꞌya yu kwenta sa ñaꞌan lka nu kunaꞌan nu nxtya yaꞌ chunꞌ kiyaꞌ yu ni; ka biyaꞌ tiꞌ yu chaꞌ ska nu kunaꞌan nu chen ꞌa ñaꞌan ngiꞌni ndiꞌin lo chalyuu lka nu kunaꞌan kwa.”
25441	LUK 10:9	kuꞌni wan joꞌó ꞌin neꞌ tiꞌí nu ndiꞌin kanꞌ. Loꞌo kanꞌ chkwiꞌ wan loꞌo neꞌ kanꞌ: “Bra ti ka Ndiose ndloo niꞌ kasiya ꞌwan.”
25480	LUK 11:6	Tka ngala ti ska yu taꞌa suꞌwe nsuꞌwiǐn naꞌan tyiǐn, loꞌo ja nsuꞌwi siyaꞌ ti nan nu taǎn chaꞌ ku yu.”
25498	LUK 11:24	’Bra nu ngulaa yaꞌ kwiꞌin kuxi ꞌin ska nten, bra kanꞌ tyaꞌan yuꞌwi kwiꞌin kanꞌ niꞌ kixinꞌ tijyuꞌ seꞌen ja ndiꞌin nten; tsaa kwiꞌin kuxi kanꞌ tsaa naan seꞌen xitñaꞌ chinꞌ. Bra nu ja kaja seꞌen xitñaꞌ kwiꞌin kanꞌ, bra kanꞌ chkwiꞌ ran: “Tyaꞌaǎn ni, xitukwiǐn tyaǎn xiyaꞌ nde seꞌen mdiꞌiǐn ti kulo.”
25547	LUK 12:19	Loꞌo kanꞌ ka suꞌwe nka tiyeěn chkwiǐnꞌ: Suꞌwe ꞌa chalyuu mjwi ꞌñaǎn ni. Kaꞌan ꞌa chaꞌ suꞌwe wa ndiꞌin ꞌñaǎn, tyoꞌo skwa ran ꞌñaǎn tyun yijan. Loꞌo ni, tsaa ꞌa tiǎnꞌ tyiꞌiǐn lo chalyuu; nsuꞌwi ꞌa nan kuǔn ni, koꞌoǔn xalyu, tyaꞌaǎn paseya.”
25565	LUK 12:37	Suꞌwe ꞌa ka ꞌin msu kanꞌ, si ti ndii tiꞌ neꞌ bra nu kala xꞌnan neꞌ chaꞌ kuꞌni lya neꞌ tñan nu kulo xꞌnan neꞌ. Chañi lka chaꞌ nu chkwiǐnꞌ loꞌo wan, chaꞌ nde ñaꞌan chkwiꞌ xꞌnan naꞌan kanꞌ loꞌo msu ꞌin yu: “Tyukwa lya wan tuꞌwa msaa re.” Bra kanꞌ kuꞌni kuwe tiꞌ ykwiꞌ xꞌnan neꞌ chaꞌ ku neꞌ.
25582	LUK 12:54	Xiyaꞌ ykwiꞌ Jesús loꞌo nten nu ndiya seꞌen ndiꞌin yu: ―Loꞌo ꞌwan ni, ndiya bra nu ñaꞌan wan ndyoꞌo tukwa koo tnun nde seꞌen ndyaa kwichaa, kanꞌ chaꞌ nchkwiꞌ wan: “Tyoo kiꞌya ni.” Chañi chaꞌ ꞌwan, kiꞌya tyoo bra kanꞌ.
25583	LUK 12:55	Bra nu tyisnan xkwa kwiꞌin ndijyan nde jꞌni bra kanꞌ nchkwiꞌ wan: “Wa mdyisnan ka tikeeꞌ kwan ni.” Chañi chaꞌ ꞌwan, ngwañaꞌan ka bra kanꞌ.
25596	LUK 13:9	Ja chan si xlyaa la ran tyoꞌo nan loo ran bra kanꞌ; si ja tyoꞌo nan loo ran siyaꞌ ti, siꞌyuǔn ꞌin ran bra kanꞌ.”
25612	LUK 13:25	Bra kanꞌ tyituun xꞌnan naꞌan kanꞌ, chaꞌ tukunꞌ yu tunaꞌan kanꞌ. Bra nu kala wan, bra kanꞌ tyisnan wan jwiꞌin yaꞌ wan tunaꞌan kanꞌ, chkwiꞌ wan loꞌo: “Slaa lyaa tunaꞌan, yu kula.” Bra kanꞌ chkwiꞌ yu loꞌo wan: “Ja jlyo tiǎnꞌ ni nten lka wan.”
25614	LUK 13:27	Xiyaꞌ chkwiꞌ yu loꞌo wan bra kanꞌ: “Ja nsuꞌwi lyoǔn siyaꞌ ti ni nten lka wan. Tyaa lya wan suꞌwe la; ja nchka tiǎnꞌ ñaꞌaǎn ꞌwan, chaꞌ nten kuxi lka wan.”
25619	LUK 13:32	Ykwiꞌ Jesús loꞌo neꞌ kanꞌ bra kanꞌ: ―Yaa katsaꞌ wan chaꞌ re ꞌin yu kula tlá kanꞌ: “Tsan ni loꞌo tsan tyaa, ti tyiꞌiǐn chinꞌ lo chalyuu re chaꞌ kuloǔn kwiꞌin kuxi nu msñi ꞌin nten, chaꞌ kuꞌniǐn chaꞌ chkaa xka la nten nu tiꞌí. La mdaꞌa snan tsan, bra kanꞌ tyii tñan nu mda Ndiose Stiǐn chaꞌ kuꞌniǐn.” Ngwañaꞌan nchkwin wan ꞌin yu kula kanꞌ.
25632	LUK 14:10	Siꞌi xkwiꞌ nan tsaa naan wan seꞌen suꞌwe la chaꞌ tyukwa wan sikwa. Bra nu tsaa wan ska taꞌa, tsaa tukwa wan ska laꞌa ti seꞌen ndyukwa nten ya ñaꞌan ti. Loꞌo kanꞌ kan nu lka ndloo la ꞌin taꞌa chaꞌ chkwiꞌ yu loꞌo wan: “Yu kula” nchkwin yu ꞌwan, “Kan wan tyukwa wan chinꞌ seꞌen suꞌwe la nde re.” Ngwañaꞌan kuꞌni tnun la neꞌ ꞌin ykwiꞌ wan laja nten kaꞌan nu ndukwa tuꞌwa msaa kanꞌ bra kanꞌ.
25639	LUK 14:17	Wa mdiya bra chaꞌ ka siin, bra kanꞌ ngulo yu tñan ꞌin msu ꞌin yu chaꞌ tsaa chkwiꞌ loꞌo neꞌ: “Wa lka ngwa suꞌwe skwa nu ka siin ꞌwan, ndukwin xꞌnan ba.”
25640	LUK 14:18	Bra kanꞌ nchga nten nu wa ykwiꞌ yu loꞌo chaꞌ kan neꞌ taꞌa, mdyisnan neꞌ mjñan neꞌ chaꞌ tlyu tiꞌ ꞌin yu. Nde lka chaꞌ nu ykwiꞌ ska yu kanꞌ: “Kuꞌnii chaꞌ tlyu tiꞌ ꞌñaǎn, ja ka ꞌñaǎn kaǎn seꞌen ndiꞌiin ni. Ndiꞌin chaꞌ tsaꞌaǎn tsaa naꞌaǎn ska yuu nu tka msiꞌiǐn tiǎn, kanꞌ chaꞌ nchka tiǎnꞌ chaꞌ kuꞌnii chaꞌ tlyu tiꞌ ꞌñaǎn.”
25641	LUK 14:19	Loꞌo kanꞌ ykwiꞌ xka yu: “Tka msiꞌiǐn tiǎn kiꞌyu ta kuta msu; kanꞌ chaꞌ tsaꞌaǎn kuꞌni biyaǎnꞌ loꞌo iꞌ, si wa ka kuꞌni iꞌ tñan. Kuꞌnii chaꞌ tlyu tiꞌ ꞌñaǎn, ja ka ꞌñaǎn kaǎn seꞌen ndiꞌiin ni.”
25642	LUK 14:20	Bra kanꞌ ykwiꞌ xka yu: “Tka mjwi ti kwilyoꞌoǔn, kanꞌ chaꞌ ja ka ꞌñaǎn kaǎn seꞌen ndiꞌiin ni.”
25644	LUK 14:22	Chunꞌ ndiꞌin la ykwiꞌ msu kanꞌ loꞌo xꞌnan yu: “Yu kula” ndukwin, “wa yꞌniǐn nchga tñan nu nguloo ꞌñaǎn, loꞌo ñaꞌan ti laja la seꞌen tyiꞌin nten niꞌ ñaꞌan re.”
25663	LUK 15:6	tyaan loꞌo wan ꞌin iꞌ tuꞌ naꞌan tyi wan. Bra nu wa ngala wan naꞌan tyi wan, bra kanꞌ xoꞌ tiꞌin wan ꞌin nchga taꞌa suꞌwe nsuꞌwi wan loꞌo nchga nten nu ndiꞌin kwiꞌ seꞌen ti seꞌen ndiꞌin wan, chaꞌ chkwiꞌ wan loꞌo neꞌ: “Ka suꞌwe ꞌa ka tiye wan loꞌo ba ni, chaꞌ wa ndyija slyaꞌ nu wa mnaꞌ ꞌwa.”
25666	LUK 15:9	Bra nu wa ndyija tñi kanꞌ ꞌin neꞌ, bra kanꞌ xoꞌ tiꞌin nu kunaꞌan kanꞌ ꞌin nchga taꞌa suꞌwe nsuꞌwi neꞌ loꞌo nchga nten nu ndiꞌin kwiꞌ seꞌen ti, chaꞌ katsaꞌ ꞌin nchga neꞌ kanꞌ: “Ka suꞌwe ka tiye wan loꞌoǔn ni, chaꞌ wa ndyija tñi nu mnaꞌ kanꞌ ꞌñaǎn.”
25669	LUK 15:12	Loꞌo nu kuneꞌ ni, ykwiꞌ yu loꞌo sti yu: “Stiǐn” ndukwin, “tyaa lyaa nchga chaꞌ suꞌwe nu ndiꞌin chaꞌ kaja ꞌñaǎn.” Kanꞌ chaꞌ bra ti msuꞌwe sti yu nchga chaꞌ suꞌwe nu mdiꞌin ꞌin yu chaꞌ kaja ꞌin taꞌa tyukwaa sñiꞌ yu.
25676	LUK 15:19	Ja ndiꞌin ꞌa chaꞌ chkwiiꞌ chaꞌ sñiiꞌ lkaǎn; sa ñaꞌan nu ngiꞌnii loꞌo msu ꞌiin, kwiꞌ ngwañaꞌan kuꞌnii loꞌoǔn ni.” Ngwañaꞌan mdaꞌan chaꞌ tiye yu chaꞌ chkwiꞌ yu loꞌo sti yu.
25678	LUK 15:21	Bra kanꞌ ykwiꞌ yu loꞌo sti yu: “Stiǐn” ndukwin yu, “wa kaꞌan ꞌa kiꞌya ndukwiǐn chaꞌ ꞌin Ndiose loꞌo chaꞌ ꞌiin. Ja ndiꞌin ꞌa chaꞌ chkwiiꞌ loꞌoǔn chaꞌ lkaǎn sñiiꞌ.”
25681	LUK 15:24	Mdaꞌan chaꞌ tiyeěn chaꞌ wa ngujwi sñiěnꞌ re, loꞌo ni, xiyaꞌ mdoꞌo tukwa yu; wa mnaꞌ yu, mskeꞌ tiǎnꞌ, loꞌo xiyaꞌ ngala yu nde re.” Bra ti mdyisnan yꞌni neꞌ ska taꞌa bra kanꞌ.
25684	LUK 15:27	Bra kanꞌ mxkwen yu kuneꞌ ꞌin yu: “Yu taꞌaa nu mdaꞌan yuꞌwi ti, wa ngala yu kanꞌ ni” ndukwin yu kuneꞌ kanꞌ. “Kanꞌ chaꞌ ndukwin sti wan chaꞌ kujwi ba kuta kuneꞌ nu suꞌwe la ñaꞌan kanꞌ, chunꞌ nchka suꞌwe ꞌa nka tiye sti wan chaꞌ wa ngala yu suꞌwe ti.”
25689	LUK 15:32	Loꞌo yu taꞌaa ni, ni siya lye ꞌa mdaꞌan yuꞌwi yu, suꞌwe chaꞌ ngiꞌnian ska taꞌa chaꞌ suꞌwe ti ngala yu ni. Mdaꞌan chaꞌ tiyeěn chaꞌ wa ngujwi yu, bra kanꞌ ndyoꞌo tukwa yu xiyaꞌ; wa mnaꞌ yu, mxkeꞌ tiǎnꞌ, bra kanꞌ ngala yu xiyaꞌ. Kanꞌ chaꞌ ngiꞌnian ska taꞌa ni, chaꞌ lka suꞌwe ꞌa nka tiyeěn ndiꞌiǐn.”
25691	LUK 16:2	Bra kanꞌ msiꞌya xꞌnan ꞌin msu nu ndlo tñan kanꞌ, chaꞌ kunichaꞌ yu ꞌin msu kanꞌ: “¿Ni sa ñaꞌan ndyoꞌo chaꞌ nu nchkwiꞌ nten loꞌoǔn chaꞌ ꞌiin a?” ndukwin yu. “¿Ni ñaꞌan tñan wa yꞌnii chaꞌ nchkwiꞌ neꞌ loꞌoǔn ngwañaꞌan a? Tyaa kwenta ꞌñaǎn ni, katsaaꞌ lyaa ꞌñaǎn nchga tñan nu wa yꞌnii. Ja ka ꞌa ꞌiin ka ndloo la ꞌin msu ꞌñaǎn ni.”
25693	LUK 16:4	Kanꞌ chaꞌ ni, wa jlyo tiǎnꞌ sa ñaꞌan nu kuꞌniǐn chaꞌ kaja seꞌen tyiꞌiǐn naꞌan tyi nten, si ja ta ꞌa xꞌnaǎn tñan nu kuꞌniǐn.” Kanꞌ lka chaꞌ nu mdaꞌan chaꞌ tiye msu kanꞌ, loꞌo kuxi ti tiye yu.
25696	LUK 16:7	Bra kanꞌ mnichaꞌ yu ꞌin xka yu: “Nuꞌwin ni, ¿ni lkwa nan ndukwii ꞌin xꞌnaǎn a?” “Ska siyentu kwijin nskwaꞌ trigu” ndukwin yu kanꞌ bra kanꞌ. “Jaan” ndukwin yu, “nde ndiya kityi seꞌen nu ndukwa kwenta ꞌiin” ndukwin msu kanꞌ. “Tyukwaa chinꞌ nde re chaꞌ kuꞌnii xka kityi nu ndukwin chaꞌ jakwa yla ti kwijin, sa kanꞌ ti ndukwii ꞌin yu kula kanꞌ.”
25713	LUK 16:24	Kanꞌ msiꞌya yu kuliyaꞌ kanꞌ ꞌin Abraham: “Sti ba Abraham, chka tꞌnan tiꞌ ꞌñaǎn. Kuloo tñan ꞌin Lázaro kwa chaꞌ kan loꞌo yu chinꞌ tyiꞌa koꞌoǔn, chaꞌ kuchaꞌ yu chinꞌ tuꞌwaǎn loꞌo yaaꞌ yu chaꞌ tlaꞌ chinꞌ ltseěnꞌ, chunꞌ tikeeꞌ ꞌa nsuꞌwiǐn lo kiiꞌ re.”
25715	LUK 16:26	Ti nsuꞌwi la xka chaꞌ ꞌware nde seꞌen ndiꞌin ba, ndiya ska lo kwaꞌan nu tlyu ꞌa jluꞌwe la seꞌen ndiꞌin bare loꞌo wan; kanꞌ chaꞌ si ndiya neꞌ taꞌa ba nu nchka tiꞌ tsaa seꞌen ndiꞌin wan, ja ka ꞌin neꞌ tsaa neꞌ. Kwiꞌ ngwañaꞌan ꞌwan, nu ndiꞌin wan nde kwa, ja ka ꞌwan kan wan nde re.”
25717	LUK 16:28	kwiꞌ seꞌen ndiꞌin xa kiꞌyu yu taꞌaǎn, chaꞌ chkwiꞌ yu loꞌo yu kwa, chaꞌ ja kan ꞌa yu seꞌen ndijiǐn nu tiꞌí nde re.”
25719	LUK 16:30	Bra kanꞌ mxkwen yu kuliyaꞌ kanꞌ ꞌin Abraham: “Chañi ꞌiin, sti ba Abraham. Ja chan si tsaa ska ayman nde seꞌen ndiꞌin neꞌ kwa, bra ti kulaa yaꞌ neꞌ chaꞌ kuxi nu ngiꞌni neꞌ bra kanꞌ.”
25720	LUK 16:31	Xiyaꞌ ykwiꞌ ayman Abraham loꞌo yu kuliyaꞌ kanꞌ bra kanꞌ: “Chaꞌ nu ja xlyaa neꞌ kwa tukwa neꞌ tñan nu ngulo Moisés lo kityi, ti kwiꞌ ti chaꞌ ja nnan neꞌ chaꞌ nu ykwiꞌ ayman nu msuꞌwa Ndiose chaꞌ chkwiꞌ loꞌo nten nu ngwa sꞌni, kwiꞌ ngwañaꞌan, ja tukwa neꞌ xka la chaꞌ nu chkwiꞌ Ndiose loꞌo neꞌ, ni siya xiyaꞌ tyuꞌu ska ayman chaꞌ chkwiꞌ loꞌo neꞌ kwa.”
25726	LUK 17:6	―Jlyo tiꞌ wan chaꞌ ndiya mta kixinꞌ nu xuwe ꞌa ―ndukwin Jesús ꞌin neꞌ―. Sa ñaꞌan lka ska mta xuwe ti, ngwañaꞌan lka wan, chaꞌ ja nchka ꞌwan lye. Ja nꞌni chaꞌ, ni siya chinꞌ ti chaꞌ tsaa ñaꞌan tiꞌ wan ꞌin Ndiose Stiǐn, ka chkwiꞌ wan loꞌo yka kityi re: “Tyoꞌo tsuuꞌ nde seꞌen ndukwaa re, tsaa tukwaa nde lo tyiꞌa tujoꞌo kwa.” Loꞌo bra kanꞌ ñaꞌan wan chaꞌ kiꞌya yka kanꞌ kwenta chaꞌ nu ykwiꞌ wan loꞌo ran.
25727	LUK 17:7	’¿Ni sa ñaꞌan nxkeꞌ tiꞌ wan ni a? ¿Ni sa ñaꞌan kuꞌni wan si ndiya ska msu ꞌwan nu wa yaa niꞌ kixinꞌ chaꞌ ndaꞌa yu yuu ꞌwan, ni siya yaa yu chaꞌ ñaꞌansiin yu ꞌin kuta ꞌwan a? Nde msiin nu tka ngala ti msu kanꞌ chaꞌ yaa yu tñan, ¿ta chkwiꞌ wan chaꞌ re loꞌo yu a?: “Kaan lyaa tyukwaa chinꞌ tuꞌwa msaa re chaꞌ kuꞌnii chinꞌ siin ni.”
25741	LUK 17:21	Ja ka chkwianꞌ chaꞌ re: “Nde ti nduun Ni”; ja ka chkwianꞌ: “Nde kwa ndukwa Ni.” Nan wa lka Ndiose ndloo niꞌ kasiya ꞌin nten bra ni.
25743	LUK 17:23	Chkwiꞌ neꞌ loꞌo wan chaꞌ ꞌñaǎn bra kanꞌ: “Nde ti nduun yu”; loꞌo chkwiꞌ neꞌ: “Nde kwa nduun yu.” Ja tsaa ñaꞌan tiꞌ wan ꞌin neꞌ kanꞌ, ja xñi wan chaꞌ kwiñi nu nchkwiꞌ neꞌ kanꞌ ―ndukwin Jesús ꞌin neꞌ―.