23568	MAT 12:10	Naꞌan yu chaꞌ ndiꞌin ska yu kiꞌyu nu tiꞌí yaꞌ, chaꞌ wa nchkunꞌ tyukwin ska laꞌa yaꞌ yu. Loꞌo mnichaꞌ neꞌ judío kanꞌ ꞌin Jesús bra kanꞌ: ―¿Ta ndiya chabiyaꞌ ꞌñaan chaꞌ kuꞌnian joꞌó ꞌin nu tiꞌí tsan taꞌa a?, xa nu ndiꞌin chaꞌ xitñaanꞌ ―ndukwin neꞌ ꞌin Jesús. Nchka ꞌa tiꞌ neꞌ kanꞌ xtya neꞌ kiꞌya ꞌin Jesús.
23636	MAT 13:28	Kanꞌ mxkwen xꞌnan jyan ꞌin msu kanꞌ bra kanꞌ: “Ti kwiꞌ nu nka kontra ꞌñaǎn yꞌni ñuꞌun ꞌin kala kwa ꞌñaǎn sikwa” ndukwin xꞌnan jyan ꞌin neꞌ. “¿Ta nchka tiiꞌ chaꞌ tsaa ba xkwaan ba kixinꞌ kwa a?, yu kula” ndukwin msu ꞌin xꞌnan jyan bra kanꞌ.
23694	MAT 14:28	Mxkwen Tyu ꞌin yu bra kanꞌ: ―¿Ta chañi chaꞌ nuꞌwin lkaa a?, yu kula ―ndukwin Tyu ꞌin Jesús―. Si chañi chaꞌ nuꞌwin lkaa, kuloo tñan ꞌñaǎn sikwa, chaꞌ loꞌoǔn tyaꞌaǎn lo tyiꞌa chaꞌ kalaǎn seꞌen ndiꞌiin.
23705	MAT 15:3	Mxkwen Jesús ꞌin neꞌ tnun nchka kanꞌ bra kanꞌ: ―Loꞌo ꞌwan ni ―ndukwin Jesús ꞌin neꞌ―, ¿ni chaꞌ lka chinꞌ la chaꞌ nka tiye wan ꞌin tñan nu ngulo Ndiose ꞌñaan?, loꞌo lye la nduwe tiꞌ wan ꞌin nchga loo tñan xuwe nu ngulo ayman kula ꞌñaan.
23969	MAT 22:28	Loꞌo ni, bra nu tyuꞌu nchga ayman xiyaꞌ, ¿ti ka nu ka kwilyoꞌo nu kunaꞌan kanꞌ?, chaꞌ taꞌa kati taꞌa ngula neꞌ mjwi kwilyoꞌo neꞌ loꞌo.
23984	MAT 22:43	Mnichaꞌ Jesús ꞌin neꞌ kanꞌ xiyaꞌ bra kanꞌ: ―¿Ni sa ñaꞌan lka chaꞌ re, xkeꞌ tiꞌ wan a?, chaꞌ nu wa ykwiꞌ ayman David chaꞌ Xꞌnan yu lka Krixtu kanꞌ. Wa ngwaꞌu Tyiꞌi Ndiose chaꞌ kanꞌ ꞌin David, kanꞌ chaꞌ mjlyo tiꞌ ree kanꞌ. Nde lka chaꞌ nu ykwiꞌ ree kanꞌ ―ndukwin Jesús:
24162	MAT 26:39	Ti ndyaa la yu chinꞌ nde kwa bra kanꞌ. Mdyisti yu nde tloo yu chaꞌ xiꞌin ꞌa tiꞌ yu. Ykwiꞌ yu loꞌo Ndiose, nde lka chaꞌ nu ykwiꞌ yu bra kanꞌ: ―Stiǐn, ¿ta ja nsuꞌwi ꞌa xka ñaꞌan nu kuꞌniǐn tñan tnun re ꞌiin a?, chaꞌ ja tyijiǐn ꞌaǎn nu tiꞌí siꞌya chaꞌ tnun re ―ndukwin Jesús ꞌin Ndiose Sti yu―. Ska ti chaꞌ nchka tiǎnꞌ kuꞌniǐn ñaꞌaan tñan nu kuloo ꞌñaǎn. Siꞌi naꞌ kuloǔn tñan.
24308	MRK 1:24	―¿Ni sa ñaꞌan chaꞌ nchka tiiꞌ chkwiiꞌ loꞌoǔn?, Jesús Nazaret ―ndukwin yu tiꞌí kanꞌ―. ¿Ta wa nchka tiiꞌ kuꞌnii tyii chaꞌ ꞌñaǎn a? ―ndukwin―. Nsuꞌwi lyoǔn ꞌiin. Xkwiꞌ luwi lka nuꞌwin, loꞌo Ndiose msuꞌwa ꞌiin chaꞌ ndijyaan lo chalyuu re.
24405	MRK 4:13	’¿Ja ngwa biyaꞌ tiꞌ wan sa ñaꞌan ndyoꞌo chaꞌ kutsiꞌ kanꞌ a? ―ndukwin Jesús ꞌin neꞌ kanꞌ bra kanꞌ―. ¿Ni sa ñaꞌan ka kiꞌya wan kwenta ꞌin xka la chaꞌ sikwa?, si ja nnan wan chaꞌ nu nchkwiǐnꞌ ―ndukwin.
24513	MRK 6:37	―ꞌWan, ta wan nan ku neꞌ re ―ndukwin Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ. ―¿Ta tyoꞌo skwa tukwa siyentu tñi plata xiꞌi ba jaxlya tejeꞌ ku neꞌ re a?, yu kula ―ndukwin neꞌ ꞌin Jesús.
24765	MRK 12:23	Bra nu tyuꞌu nchga ayman xiyaꞌ ni, ¿ti ka nu ka kwilyoꞌo nu kunaꞌan kanꞌ a?, chunꞌ taꞌa kati yu kiꞌyu kanꞌ wa mdiꞌin loꞌo nu kunaꞌan kanꞌ.
24996	LUK 1:34	Bra kanꞌ ykwiꞌ Liya loꞌo angajle kanꞌ: ―¿Ni sa ñaꞌan ka chaꞌ re sikwa a?, chaꞌ nu ja ya kaja kwilyoꞌoǔn ―ndukwin Liya ꞌin angajle kanꞌ.
25090	LUK 2:48	Loꞌo neꞌ kula ꞌin yu, nduwe ꞌa tiꞌ neꞌ kanꞌ, chaꞌ naꞌan neꞌ ꞌin yu chaꞌ suꞌwa ti mdukwa yu loꞌo neꞌ nu tnun nchka. Bra kanꞌ ykwiꞌ jyaꞌan yu loꞌo yu: ―¿Ni chaꞌ ngiꞌnii ra ngwañaꞌan?, sñiěnꞌ ―ndukwin jyaꞌan yu―. Kaꞌan ꞌa chaꞌ mdaꞌan tiye ba loꞌo stii, la nde tsaan naan ba ꞌiin.
25224	LUK 6:9	Bra kanꞌ ykwiꞌ Jesús ska chaꞌ loꞌo nten nu mñi lyoꞌo ti chaꞌ ngiꞌni kti: ―¿Ni sa ñaꞌan tñan suꞌwe la chaꞌ kuꞌnian tsan kti sikwa a? ―ndukwin Jesús ꞌin neꞌ kanꞌ―. ¿Ta ska chaꞌ suꞌwe kuꞌnian bra kanꞌ a? ¿O ta suꞌwe la kuꞌnian ska chaꞌ kuxi a?, xkeꞌ tiꞌ wan ―ndukwin―. ¿Ta suꞌwe la si kulaan ꞌin nten tsan kanꞌ, chaꞌ ja kaja neꞌ bra kanꞌ a? ¿O ta suꞌwe la, nxkeꞌ tiꞌ wan, taan chabiyaꞌ kaja nten bra kanꞌ a? ―ndukwin Jesús ꞌin neꞌ.
25256	LUK 6:41	’¿Ni chaꞌ ndla ꞌa nchkwiꞌ wan ꞌin ska chaꞌ kuxi nu yꞌni xka la nten taꞌa wan a?, ñaꞌan tiꞌ ska kata yuu nu yten kiloo yu. Loꞌo kanꞌ ja nduwe ꞌa tiꞌ wan chaꞌ tlyu ꞌa chaꞌ kuxi nu ngiꞌni ykwiꞌ wan, ñaꞌan tiꞌ ska si yka nu ndukunꞌ ñaꞌaan kiloo wan.
25342	LUK 8:28	Bra wa naꞌan yu ꞌin Jesús, bra kanꞌ kwen ꞌa msiꞌya yu, mlyuu yu tloo Jesús. ―¿Nan lka kuꞌnii loꞌoǔn a?, yu kula Jesús ―ndukwin yu tiꞌí kanꞌ―. Jlyo tiǎnꞌ chaꞌ lkaa Sñiꞌ Ndiose nu lka ndloo la ti. Kuꞌnii chaꞌ tlyu tiꞌ ꞌñaǎn, ja taa nu tiꞌí ꞌñaǎn ―ndukwin yu tiꞌí kanꞌ ꞌin Jesús.
25981	LUK 22:48	Bra kanꞌ ykwiꞌ Jesús loꞌo yu kanꞌ: ―Juda ―ndukwin―, ¿ta kujwiiꞌ xuꞌwa ꞌñaǎn yaꞌ neꞌ xaꞌan, kanꞌ chaꞌ nchkwichaaꞌ ꞌñaǎn a?, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten.
26138	JHN 1:25	Xiyaꞌ ykwiꞌ neꞌ kanꞌ loꞌo Xuwa bra kanꞌ: ―¿Ni chaꞌ lka nduun ndukwatyaa ꞌin nten a?, chaꞌ siꞌi nten tnun kanꞌ lkaa, siꞌi ayman Elías lkaa, siꞌi yu kula nu chkwiꞌ chaꞌ ꞌin Ndiose lkaa.
26193	JHN 3:4	―¿Ni sa ñaꞌan ka kalaan xiyaꞌ xa nu wa msuanꞌ? ―ndukwin Nicodemo ꞌin Jesús―. ¿Ta ka stean niꞌ jyaꞌaan xiyaꞌ a?, chaꞌ xiyaꞌ kalaan ―ndukwin yu.
26354	JHN 6:28	Mnichaꞌ neꞌ ꞌin Jesús bra kanꞌ: ―¿Ni ñaꞌan kuꞌni ba sikwa a?, chaꞌ ka kuꞌni ba tñan nu nchka tiꞌ Ndiose chaꞌ kuꞌni ba.
26388	JHN 6:62	¿Ni sa ñaꞌan chaꞌ tyaꞌan chaꞌ tiye wan si ñaꞌan wan ꞌñaǎn xa nu tyaꞌaǎn seꞌen mdoꞌoǔn ti kulo?, ti kwiꞌ naꞌ nu mdiyaǎn lo chalyuu chaꞌ kaǎn nten ―ndukwin Jesús ꞌin neꞌ kanꞌ―.
26545	JHN 9:36	―¿Ti ka nu lka yu kanꞌ a?, yu kula ―ndukwin yu kanꞌ―. Nchka ꞌa tiǎnꞌ sñiǐn chaꞌ ꞌin yu.
26586	JHN 10:36	¿Ni chaꞌ lka mstya wan kiꞌya ꞌñaǎn tloo Ndiose sikwa a?, chaꞌ nu ndukwin wan chaꞌ kuxi ꞌa nchkwiǐnꞌ ꞌin Ndiose ―ndukwin Jesús―. Wa ngulo suwi Stiǐn ꞌñaǎn, msuꞌwa Ni ꞌñaǎn chaꞌ mdiyaǎn lo chalyuu. ¿Ni chaꞌ lka nxkeꞌ tiꞌ wan chaꞌ ja suꞌwe chaꞌ nu ykwiǐnꞌ, chaꞌ skaǎn tiǎn lkaǎn Sñiꞌ Ndiose a?
26705	JHN 13:6	Bra nu mdiyan Jesús seꞌen ndukwa Tyu Simón, ykwiꞌ Tyu loꞌo yu bra kanꞌ: ―¿Nuꞌwin a?, yu kula. ¿Ta jyaꞌaan kiyaǎnꞌ a? ―ndukwin Tyu ꞌin yu.
26951	JHN 20:15	Mnichaꞌ Jesús ꞌin Liya bra kanꞌ: ―¿Ni chaꞌ lka lye ꞌa nganaan a? ―ndukwin yu ꞌin Liya―. ¿Ti ꞌin ndaꞌan naan a? Mskeꞌ tiꞌ Liya chaꞌ ti kwiꞌ yu nu ngiꞌni tñan seꞌen ndukwa yka tlaꞌ lka nu nduun nde kwa, kanꞌ chaꞌ ykwiꞌ loꞌo yu bra kanꞌ: ―¿Ta siꞌi nuꞌwin lkaa nu ngulo tsuuꞌ ꞌin ayman nu mtsiꞌ re a?, neꞌ kula ―ndukwin ꞌin yu―. Kuꞌnii chaꞌ suꞌwe katsaaꞌ lyaa ꞌñaǎn la nde yaꞌ ndyaa loꞌoo ꞌin, chaꞌ tsaa loꞌoǔn ꞌin ayman kanꞌ la xka seꞌen suꞌwe la bra kanꞌ.
27290	ACT 9:5	―¿Ti ka lka nuꞌwin a?, yu kula ―ndukwin Saulo. ―Jesús lkaǎn ―ndukwin Ni―. Nan nxuun loꞌoǔn lka chaꞌ―ndukwin Ni―. Ti ykwiiꞌ ti ngiꞌnii tiꞌí loꞌoo. Ñaꞌan tiꞌ ska toro, kwiꞌ ngwañaꞌan lka nuꞌwin; njyiꞌin kiyaꞌ toro ti kwiꞌ seꞌen nu ndyojoꞌ neꞌ yka cha ꞌin iꞌ, kanꞌ chaꞌ loꞌo kiyaꞌ iꞌ ngiꞌni ñuꞌun iꞌ ꞌin iꞌ, ti ykwiꞌ ti iꞌ.
27291	ACT 9:6	Lye ꞌa mchkwan Saulo chaꞌ ytsen yu bra kanꞌ. ―¿Ni sa ñaꞌan nchka tiiꞌ chaꞌ kuꞌniǐn a?, Xꞌnaǎn ―ndukwin Saulo bra kanꞌ. ―Tyituun ni ―ndukwin Jesús ꞌin yu― chaꞌ ti tsaa la nde kichen Damasco kwa. Nde kwa ndiꞌin ska nten nu kwaꞌu ꞌiin sa ñaꞌan tñan nu kuꞌnii chabiyaꞌ ꞌñaǎn.
27610	ACT 17:18	Wa ndiya ska ta nten kichen kanꞌ, nu ngiꞌni xaꞌan chaꞌ nu nduꞌu neꞌ epicúreo, loꞌo ndiya xka ta nten nu ngiꞌni xaꞌan chaꞌ nu nduꞌu neꞌ estoico. Taꞌa tyukwaa ta neꞌ kanꞌ mdiyan neꞌ seꞌen ndiꞌin Palyu bra kanꞌ. Ykwiꞌ ꞌa neꞌ loꞌo taꞌa neꞌ chaꞌ ꞌin yu: ―¿Ni sa ñaꞌan lka chaꞌ nu nduꞌu yu kiꞌyu re?, chaꞌ kaꞌan ꞌa chaꞌ tukwi nchkwiꞌ yu loꞌoan ―ndukwin neꞌ ꞌin taꞌa neꞌ. ―¿Ta siꞌi chaꞌ ꞌin xka joꞌo nchkwiꞌ yu a? ―ndukwin taꞌa neꞌ bra kanꞌ. Wa ynan neꞌ chaꞌ nchkwiꞌ Palyu chaꞌ ꞌin nchga chaꞌ suꞌwe nu ngiꞌni Ndiose lo chalyuu chunꞌ nu wa mdiyan Jesús, chaꞌ nchkwiꞌ yu sa ñaꞌan ngwa chaꞌ ndyuꞌu Jesús xiyaꞌ.
27780	ACT 22:8	“¿Ti ka nu lkaa a?, yu kula” niǐn ꞌin yu bra kanꞌ. “Jesús Nazaret lkaǎn” ndukwin yu ꞌñaǎn. “Nxuun loꞌoǔn, kanꞌ chaꞌ ndijiǐn nu tiꞌí.”
27906	ACT 26:15	“¿Ti ka nu lkaa a?, Xꞌnaǎn” niǐn ꞌin Ni bra kanꞌ. “Jesús lkaǎn” ndukwin Ni. “Loꞌo nuꞌwin ngiꞌnii chaꞌ tyijiǐn nu tiꞌí” ndukwin.
28183	ROM 7:24	Ngwa xiꞌin ꞌa tiǎnꞌ sikwa. ¿Ni sa ñaꞌan nu ngwa kulaa ꞌñaǎn tyukwi ñaꞌaǎn a?, chaꞌ ja kuꞌniǐn chaꞌ xaꞌan ngwañaꞌan. Wa kanaꞌ ti kasiya ꞌñaǎn siꞌya chaꞌ xaꞌan nu yuꞌwi niꞌ kasiya ꞌñaǎn.
28536	1CO 6:1	ꞌWan taꞌa msñian chaꞌ ꞌin Jesús, bra nu nxuun wan loꞌo taꞌa nten wan, ¿ta suꞌwe la chaꞌ ndaꞌan wan seꞌen ndiꞌin wse, xkeꞌ tiꞌ wan a? ¿Ta suꞌwe chaꞌ ndaꞌan wan seꞌen ndiꞌin nten nu ja ndiꞌin chaꞌ ꞌin loꞌo Ndiose siyaꞌ ti?, xkeꞌ tiꞌ wan. ¿O ta ja suꞌwe la si tsaa wan seꞌen ndiꞌin neꞌ taꞌa msñi wan chaꞌ ꞌin Jesús a?, chaꞌ kuꞌni biyaꞌ neꞌ chaꞌ ꞌwan. Ngwañaꞌan ka tiin chaꞌ ꞌwan loꞌo taꞌa wan bra kanꞌ.
29208	GAL 4:10	Loꞌo ni, ¿ta ka suꞌwe kasiya ꞌwan tloo Ndiose, xkeꞌ tiꞌ wan, bra nu ngiꞌni kti wan nchga tsan kti nu nsuꞌwi ꞌin neꞌ judío?, ni siya taꞌa nu ndyaa tukwa snuꞌ tsan, ni siya taꞌa nu kuneꞌ koꞌ, ni siya taꞌa nu ngiꞌni nten nchga yijan;
29209	GAL 4:11	kanꞌ chaꞌ kaꞌan ꞌa chaꞌ ndaꞌan tiyeěn, ¿ta ja yꞌni suꞌwe siyaꞌ ti nchga chaꞌ nu ykwiǐnꞌ loꞌo wan a?, ¿ta xuꞌwe ti ngwaꞌuǔn chaꞌ kanꞌ ꞌwan a?
29214	GAL 4:16	¿Ta nxkeꞌ tiꞌ wan chaꞌ taꞌa wsuun wan lkaǎn ni a?, chunꞌ nu ñi ꞌa ykwiǐnꞌ loꞌo wan bra kanꞌ.
30288	HEB 12:9	Lo chalyuu re nda stian nu tiꞌí ꞌñaan, kanꞌ chaꞌ nnaan chaꞌ nu nchkwiꞌ neꞌ kula ꞌñaan loꞌoan. Kanꞌ chaꞌ ni, ¿ta ja suꞌwe si taan chabiyaꞌ chaꞌ ta Ndiose Stian nu tiꞌí ꞌñaan a?, chaꞌ suꞌwe la tyiꞌian nde loo la bra kanꞌ.