23233	MAT 1:20	Bra nu mdaꞌan chaꞌ tiye yu, ni chaꞌ ngwa ngwañaꞌan, bra kanꞌ mdoꞌo tukwa ska angajle seꞌen ndiꞌin yu, ykwiꞌ sla yu bra kanꞌ. Ykwiꞌ angajle kanꞌ loꞌo yu: ―Se ―ndukwin angajle kanꞌ ꞌin yu―, neꞌ taꞌa ayman David lka nuꞌwin ―ndukwin―. Ja kutseen kaja kwilyoꞌoo loꞌo Liya, chaꞌ kan Liya tyiꞌin naꞌan tyii. Siꞌi tñan kuxi yꞌni Liya siyaꞌ ti, tñan nu yꞌni Tyiꞌi Ndiose lka chaꞌ tyiꞌin sñiꞌ Liya ni.
23246	MAT 2:8	Bra wa ytsaꞌ neꞌ chaꞌ kanꞌ ꞌin ree, bra kanꞌ ykwiꞌ ree loꞌo neꞌ chaꞌ tsaa neꞌ nde kichen Belén. ―Yaa lya wan ―ndukwin ree ꞌin neꞌ tiya kanꞌ―, yaa naꞌan wan nde ndukwa naꞌan tyi sti kuwiꞌ kanꞌ ―ndukwin―. Bra nu tyija naꞌan kanꞌ ꞌwan, bra kanꞌ tyaan wan seꞌen ndiꞌiǐn xiyaꞌ chaꞌ ka biyaꞌ tiǎnꞌ la nde yaꞌ ndiya kuwiꞌ kanꞌ. Loꞌoǔn tsaꞌaǎn kuꞌni tnuǔn ꞌin kuwiꞌ kanꞌ, lka tiyeěn.
23258	MAT 2:20	―Xaa tiiꞌ ―ndukwin angajle ꞌin yu―, tyituun lya wan, chaꞌ tyaa wan loꞌo kuwiꞌ loꞌo jyaꞌan kuwiꞌ nde nasiyun Israel xiyaꞌ ―ndukwin―, chaꞌ wa ngujwi yu tlá nu ngwa tiꞌ kujwi ꞌin kuwiꞌ nu ngwa xkanꞌ.
23263	MAT 3:2	―Ka jyuꞌu tiꞌ wan ―ndukwin Xuwa ꞌin neꞌ―, kulaa yaꞌ wan chaꞌ kuxi nu ngiꞌni wan ―ndukwin yu―. Wa tyisnan ti chaꞌ ka Ndiose ndloo la niꞌ kasiya ꞌin nten chalyuu.
23276	MAT 3:15	Ykwiꞌ Jesús loꞌo yu bra kanꞌ: ―Suꞌwe tukwatyaa ꞌñaǎn ni ―ndukwin Jesús ꞌin Xuwa―, chaꞌ ngwañaꞌan suꞌwe kuꞌnian nchga tñan nu nchka tiꞌ Ndiose chaꞌ kuꞌnian. Bra nu ynan Xuwa chaꞌ nu ykwiꞌ Jesús loꞌo yu, mdukwatya yu ꞌin Jesús bra kanꞌ.
23281	MAT 4:3	Loꞌo bra kanꞌ mdoꞌo tukwa kuneꞌ xaꞌan kanꞌ, chaꞌ kwiñi lyoꞌo ꞌin Jesús: ―Si chañi chaꞌ lkaa ska ti nu lka Sñiꞌ Ndiose ―ndukwin kuneꞌ xaꞌan ꞌin Jesús―, xñii ska kee re sikwa, chaꞌ kwiñaan tyaja loꞌo ran chaꞌ kuan.
23287	MAT 4:9	Ykwiꞌ biyaꞌ kuneꞌ xaꞌan kanꞌ loꞌo Jesús xiyaꞌ bra kanꞌ: ―Taǎn chabiyaꞌ kaa ndloo la ꞌin nchga chalyuu nu ñaꞌaan nde kwa ―ndukwin kuneꞌ xaꞌan ꞌin Jesús―, ska ti si tyuun xtyiinꞌ tloǔn, si kuꞌnii tnun ꞌñaǎn, kaa ndloo la bra kanꞌ.
23295	MAT 4:17	Loꞌo mdyisnan ykwiꞌ Jesús loꞌo neꞌ nu ndaꞌan seꞌen ndiꞌin yu bra kanꞌ: ―Ka jyuꞌu tiꞌ wan ―ndukwin Jesús ꞌin neꞌ―, kulaa yaꞌ wan nchga chaꞌ kuxi nu ngiꞌni wan, chaꞌ wa tiya ti bra chaꞌ ka Ndiose ndloo niꞌ kasiya ꞌwan.
23416	MAT 8:2	Loꞌo bra kanꞌ mdoꞌo tukwa ska yu tiꞌí seꞌen ndiꞌin Jesús. Mduun xtyinꞌ yu seꞌen ndiꞌin Jesús, chaꞌ nchka tiꞌ yu jñan yu ꞌin Jesús chaꞌ kuꞌni joꞌó ꞌin yu, chaꞌ nu msñi kicha mtsuꞌ kunaꞌ yu kanꞌ. ―Xꞌnaǎn ―ndukwin yu tiꞌí kanꞌ ꞌin Jesús―, kuꞌnii joꞌó ꞌñaǎn. Jlyo tiǎnꞌ chaꞌ nchka ꞌiin kuꞌnii chaꞌ ka luwi kunaǎnꞌ.
23420	MAT 8:6	―Xꞌnaǎn ―ndukwin capitán kanꞌ ꞌin Jesús―, tiꞌí ꞌa msu ꞌñaǎn. Nan nskwa ti yu naꞌan tyiǐn chaꞌ nchkunꞌ ñaꞌaan tyukwin nsuꞌwi ꞌin yu, tiꞌí ꞌa yu kwa ni.
23422	MAT 8:8	Bra ti mxkwen capitán ꞌin Jesús bra kanꞌ: ―Xꞌnaǎn ―ndukwin capitán ꞌin Jesús―, ja suꞌwe tsaa nde naꞌan tyiǐn, chaꞌ siꞌi nten suꞌwe lkaǎn. Sa kanꞌ ti chaꞌ nchka tiǎnꞌ, chaꞌ kuloo tñan chaꞌ katin kicha ꞌin yu; jlyo tiǎnꞌ chaꞌ chkaa msu ꞌñaǎn bra kanꞌ, ni siya tijyuꞌ ti tyuun chkwiiꞌ.
23433	MAT 8:19	La wa tsaa ti neꞌ, bra kanꞌ mdiyan ska mstru nu nduꞌu chaꞌ joꞌo chaꞌ chkwiꞌ loꞌo Jesús: ―Mstru ―ndukwin mstru kanꞌ ꞌin Jesús―, loꞌoǔn nchka tiǎnꞌ tyaꞌaǎn loꞌoo nchga seꞌen tsaa.
23435	MAT 8:21	Loꞌo kanꞌ ykwiꞌ xka yu kiꞌyu nu mdaꞌan loꞌo Jesús: ―Yu kula ―ndukwin yu ꞌin Jesús―, taa chinꞌ chabiyaꞌ ꞌñaǎn chaꞌ nu tyaꞌaǎn tuꞌwa naꞌan tyiǐn, tyaꞌaǎn chaꞌ kuꞌniǐn kwentaǎn ꞌin stiǐn sa ñaꞌan yaꞌ kaja stiǐn, chaꞌ tsaa ytsiǐnꞌ ꞌin stiǐn kulo ndukwa. Tsaꞌaǎn loꞌoo bra kanꞌ.
23439	MAT 8:25	Mlyo neꞌ sla Jesús bra kanꞌ: ―¡Yu kula! ―ndukwin neꞌ ꞌin Jesús―, ¡kulaa lyaa ꞌwa seꞌen kuxi re! Wa sten ti yka naꞌan re niꞌ tyiꞌa, loꞌo kajaan bra kanꞌ.
23454	MAT 9:6	Ndiꞌin chaꞌ ka biyaꞌ tiꞌ wan chaꞌ nda Ndiose chabiyaꞌ ꞌñaǎn chaꞌ kuꞌniǐn chaꞌ tlyu tiꞌ ꞌin kiꞌya nu ndukwi nten chalyuu, chaꞌ wa msuꞌwa Ndiose ꞌñaǎn ndijyaǎn chaꞌ kaǎn nten. Ka biyaꞌ tiꞌ wan bra nu ñaꞌan wan chaꞌ chkaa yu tiꞌí re. Bra kanꞌ xiyaꞌ ykwiꞌ Jesús loꞌo yu tiꞌí kanꞌ: ―Tyituun ―ndukwin Jesús ꞌin yu―, chkwaan katan ꞌiin, chaꞌ tyaa loꞌoo ꞌin ran nde naꞌan tyii.
23462	MAT 9:14	Chunꞌ ndiꞌin la mdiyan xka ta nten seꞌen ndiꞌin Jesús, kwiꞌ nu ngiꞌni xaꞌan chaꞌ ꞌin Xuwa nu ndukwatya ꞌin neꞌ lka nten kanꞌ. Ykwiꞌ neꞌ kanꞌ loꞌo Jesús bra kanꞌ: ―Ndiya tsan nu ngiꞌni kuꞌnan bare ―ndukwin neꞌ―, kwiꞌ ndiya tsan nu ngiꞌni kuꞌnan neꞌ fariseo. Bare ngiꞌni kti ba tsan kanꞌ, loꞌo neꞌ nu ngiꞌni xaꞌan chaꞌ ꞌiin, loꞌo ykwiiꞌ, nchga tsan nchku wan. ¿Ni chaꞌ nchku wan ya ñaꞌan ti tsan bra nu ngiꞌni kuꞌnan bare?
23596	MAT 12:38	Chunꞌ ndiꞌin la ndiꞌin chinꞌ mstru nu nduꞌu chaꞌ joꞌo, ndiꞌin neꞌ fariseo, nchkwiꞌ neꞌ loꞌo Jesús: ―Mstru ―ndukwin neꞌ kanꞌ ꞌin Jesús bra kanꞌ―, kuꞌnii ska chaꞌ tnun chaꞌ ñaꞌan kwiꞌya ba ꞌin ran.
23660	MAT 13:52	Kanꞌ ngwaꞌu Jesús xka chaꞌ ꞌin neꞌ nu ngiꞌni xaꞌan chaꞌ ꞌin yu: ―Ska mstru nu nduꞌu chaꞌ joꞌo ni, xa wa msñi yu chaꞌ ꞌñaǎn, xa wa yꞌni xaꞌan yu sa ñaꞌan ka bra nu lka Ndiose ndloo niꞌ kasiya ꞌin nten ―ndukwin Jesús―, lka yu kanꞌ sa ñaꞌan lka ska nu kuliyaꞌ nu nsuꞌwi ꞌa chaꞌ suꞌwe nu ndiꞌin niꞌ ñaꞌan tyi yu, ngwañaꞌan lka mstru kanꞌ. Loꞌo ni, nsuꞌwi ꞌa chaꞌ suꞌwe nu ka kwaꞌu yu ꞌin nten, ni siya chaꞌ nu kula, ni siya chaꞌ nu kwi.
23683	MAT 14:17	Yuwe ꞌa tiꞌ neꞌ nu ngiꞌni xaꞌan kanꞌ bra kanꞌ: ―Kaꞌyu ti jaxlya tejeꞌ ndiya ꞌñaan nde, yu kula ―ndukwin neꞌ ꞌin Jesús―, loꞌo ndiya tukwa ti kula. Sa kanꞌ ti nan.
23696	MAT 14:30	Bra nu nduwe tiꞌ yu chaꞌ lye ꞌa nxkwa kwiꞌin, ytsen ꞌa yu bra kanꞌ, mdyisnan mdiyuu yu niꞌ tyiꞌa bra kanꞌ. Kwen msiꞌya yu ꞌin Jesús: ―Xꞌnaǎn ―ndukwin Tyu ꞌin yu―, ¡kuloo lyaa ꞌñaǎn niꞌ tyiꞌa re!
23705	MAT 15:3	Mxkwen Jesús ꞌin neꞌ tnun nchka kanꞌ bra kanꞌ: ―Loꞌo ꞌwan ni ―ndukwin Jesús ꞌin neꞌ―, ¿ni chaꞌ lka chinꞌ la chaꞌ nka tiye wan ꞌin tñan nu ngulo Ndiose ꞌñaan?, loꞌo lye la nduwe tiꞌ wan ꞌin nchga loo tñan xuwe nu ngulo ayman kula ꞌñaan.
23712	MAT 15:10	Kanꞌ msiꞌya Jesús ꞌin nten kaꞌan nu ndiꞌin nde kwa chaꞌ kan neꞌ kwiꞌ seꞌen la chinꞌ, chaꞌ chkwiꞌ yu loꞌo neꞌ bra kanꞌ: ―Kunan suꞌwe wan ―ndukwin Jesús ꞌin neꞌ―, chaꞌ ka biyaꞌ suꞌwe tiꞌ wan ―ndukwin―.
23725	MAT 15:23	Ja mxkwen ꞌa Jesús ꞌin nu kunaꞌan kanꞌ, kanꞌ chaꞌ ndyaa ykwiꞌ neꞌ nu ngiꞌni xaꞌan chaꞌ ꞌin Jesús loꞌo yu: ―Kuloo tñan ꞌin nu kunaꞌan re chaꞌ tyaa xka seꞌen ―ndukwin neꞌ ꞌin Jesús―, chaꞌ ndaꞌan nganan ñaꞌan ꞌa ꞌñaan.
23726	MAT 15:24	―Wa msuꞌwa Ndiose ꞌñaǎn ndijyaǎn lo chalyuu chaꞌ ska ti loꞌo neꞌ Israel chkwiǐnꞌ ―ndukwin Jesús bra kanꞌ―, chaꞌ sa ñaꞌan ngiꞌni slyaꞌ nu wa mnaꞌ, ngwañaꞌan ngiꞌni nten kanꞌ ―ndukwin.
23727	MAT 15:25	Loꞌo kwiꞌ seꞌen la mdiyan nu kunaꞌan kanꞌ bra kanꞌ, mduun xtyinꞌ tloo Jesús. ―¡Xꞌnaǎn! ―ndukwin ꞌin Jesús―, ¡tayaaꞌ ꞌwa!
23729	MAT 15:27	―Chañi chaꞌ nu nchkwiiꞌ, Xꞌnaǎn ―ndukwin nu kunaꞌan kanꞌ―, loꞌo ndiya chabiyaꞌ ꞌin xneꞌ chaꞌ ku iꞌ kata tyija ti nu ngalu tuꞌwa msaa laja nu nchku xꞌnan iꞌ.
23736	MAT 15:34	―¿Ni sa nkwa ra jaxlya ndiya ꞌwan? ―ndukwin Jesús ꞌin neꞌ kanꞌ bra kanꞌ. ―Kati ti jaxlya tejeꞌ loꞌo ꞌwa ―ndukwin neꞌ ꞌin yu―, loꞌo ndiya chinꞌ kula xuwe ti ―ndukwin neꞌ.
23773	MAT 17:4	Kwiꞌ ykwiꞌ Tyu loꞌo Jesús bra kanꞌ: ―Xꞌnaǎn ―ndukwin Tyu ꞌin yu―, ¡suꞌwe ꞌa chaꞌ loꞌo bare ndiꞌin ba! ―ndukwin―. ¿Ta suꞌwe nchka tiiꞌ si kwiñan ba snan naꞌan xuwe ti a? Ska ka seꞌen tyiꞌin ykwiiꞌ, xka ka seꞌen tyiꞌin yu kula Moisés, xka ka seꞌen tyiꞌin yu kula Elías.
23776	MAT 17:7	Loꞌo mstya yaꞌ Jesús chunꞌ neꞌ bra kanꞌ. ―Tyituun wan ―ndukwin Jesús ꞌin neꞌ―, ja kutsen ꞌa wan.
23799	MAT 18:3	―Chañi chaꞌ nchkwiǐnꞌ loꞌo wan ―ndukwin Jesús ꞌin neꞌ―, chaꞌ ja ka sten wan chaꞌ ꞌin Ndiose chaꞌ ka Ndiose ndloo niꞌ kasiya ꞌwan bra nu ja ya xaꞌan chaꞌ tiye wan; ndiꞌin chaꞌ ka tiye wan sa ñaꞌan lka tiye nu xuwe ti re, chaꞌ ja ngiꞌni siyeꞌ nu xuwe.
23817	MAT 18:21	Loꞌo ndijyan Tyu kwiꞌ seꞌen la chaꞌ kunichaꞌ yu ꞌin Jesús: ―Xꞌnaǎn ―ndukwin ꞌin Jesús―, ¿ni lkwa yaꞌ kuꞌniǐn chaꞌ tlyu tiꞌ ꞌin yu taꞌaǎn xa wa yꞌni yu ska chaꞌ kuxi loꞌoǔn? ―ndukwin―. ¿Ta suꞌwe kati yaꞌ kuꞌniǐn chaꞌ tlyu tiꞌ ꞌin yu a?
23831	MAT 18:35	’Sa ñaꞌan yꞌni ree kanꞌ loꞌo msu tlá ꞌin ―ndukwin Jesús ꞌin neꞌ―, ngwañaꞌan kuꞌni Stiǐn nu ndiꞌin nde niꞌ kwan loꞌo nchga wan, bra nu ja tyukwi ti tiye wan kuꞌni wan chaꞌ tlyu tiꞌ ꞌin taꞌa nten wan.
23859	MAT 19:28	―Chañi chaꞌ nu nchkwiǐnꞌ loꞌo wan ni ―ndukwin Jesús ꞌin neꞌ―, bra nu ka chalyuu kwi kanꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, kanꞌ tyitukwaǎn seꞌen suꞌwe la ti la kwa, chaꞌ kuꞌni biyaǎnꞌ ꞌin nchga nten chalyuu bra kanꞌ. Loꞌo ꞌwan nu ndaꞌan wan loꞌoǔn, tyukwa wan lo tii tyukwa yka xlya tnun nu suꞌwe ꞌa, chaꞌ kuꞌni biyaꞌ wan ꞌin taꞌa nten wan, nu lka tii tyukwa ta neꞌ Israel kanꞌ.
23892	MAT 20:31	Ja mdiya tiꞌ nten kaꞌan kanꞌ, chaꞌ lye ꞌa msiꞌya yu kwityiinꞌ ꞌin Jesús. ―Mnan ti wan ―ndukwin neꞌ ꞌin yu kwityiinꞌ kanꞌ. Ja ynan yu kwityiinꞌ, kwen la msiꞌya yu bra kanꞌ: ―Xꞌnan ba ―ndukwin yu―, nuꞌwin lkaa ti kwiꞌ yu nu lka taꞌa ayman David ―ndukwin yu kwityiinꞌ kanꞌ ꞌin Jesús―, ¡chkaa tꞌnan tiiꞌ ꞌwa!
23894	MAT 20:33	―Xꞌnan ba ―ndukwin neꞌ kanꞌ ꞌin yu―, nchka tiꞌ ba chaꞌ suꞌwaa suꞌwe xaa kiloo ba chaꞌ ka ñaꞌan ba.
23957	MAT 22:16	Ngulo neꞌ kanꞌ tñan ꞌin chinꞌ yu kuneꞌ nu ngiꞌni xaꞌan chaꞌ ꞌin neꞌ fariseo bra kanꞌ, chaꞌ chkwiꞌ biyaꞌ yu kuneꞌ kanꞌ loꞌo Jesús, nka tiye neꞌ. Mdaꞌan yu kuneꞌ kanꞌ loꞌo xka ta nten nu chaꞌ ꞌin ree Herodes, ndyaa yu seꞌen ndiꞌin Jesús. ―Mstru ―ndukwin yu kuneꞌ kanꞌ ꞌin Jesús bra kanꞌ―, jlyo tiꞌ bare chaꞌ ñi ꞌa ngiꞌnii; ti kwiꞌ chaꞌ nu ñi nu nchkwiꞌ Ndiose, kanꞌ lka chaꞌ nu nduꞌuu ꞌin nten. Loꞌo ja nduwe tiiꞌ sa ñaꞌan nnen chaꞌ nu nchkwiꞌ nten ꞌiin; ska ti biyaꞌ ngiꞌnii loꞌo nchga nten, ni siya neꞌ tiꞌi, ni siya neꞌ nu tnun nchka.
23962	MAT 22:21	―Nin ree tlyu nu ndiꞌin xka laꞌa tsuꞌ, kanꞌ ngaꞌan chunꞌ tñi kwa ―ndukwin neꞌ bra kanꞌ. ―Suꞌwe ―ndukwin Jesús bra kanꞌ―, ta wan tñi nu ndiꞌin chaꞌ ta wan ꞌin ree tlyu kanꞌ sikwa; kwiꞌ ngwañaꞌan, ta wan ꞌin Ndiose nchga nan nu ndiꞌin chaꞌ ta wan ꞌin Ni.
23965	MAT 22:24	―Mstru ―ndukwin neꞌ kanꞌ ꞌin yu―, nu ngwa sꞌni ytsaꞌ ayman Moisés ska chaꞌ ꞌñaan chaꞌ ꞌin taꞌa ngula neꞌ. Bra wa ngujwi ska yu kiꞌyu, si wa mjwi kwilyoꞌo yu loꞌo ti ji tyiꞌin sñiꞌ yu, bra kanꞌ ndiya tñan ꞌin taꞌa ngula yu nu ndiꞌin ska ti, chaꞌ kaja kwilyoꞌo yu loꞌo nu kunaꞌan nu ngwa kwilyoꞌo ayman taꞌa yu. Loꞌo chkwiꞌ neꞌ ꞌin sñiꞌ nu kala kulo chaꞌ sñiꞌ yu kiꞌyu nu wa ngujwi kanꞌ lka kuwiꞌ kanꞌ, chaꞌ ja kanaꞌ nin yu nu wa ngujwi kanꞌ bra kanꞌ. Ngwañaꞌan ykwiꞌ Moisés nu ngwa sꞌni.
23977	MAT 22:36	―Mstru ―ndukwin yu kanꞌ ꞌin Jesús―, ¿ni sa ñaꞌan lka chaꞌ nu ndloo la ꞌñaan chaꞌ kuꞌnian, chaꞌ nu ykwiꞌ Ndiose loꞌo ayman Moisés nu ngwa sꞌni?
24041	MAT 24:15	’Ayman Daniel nu ykwiꞌ chaꞌ ꞌin Ndiose loꞌo nten ti sꞌni, wa ykwiꞌ yu chaꞌ ꞌin ska nkwin nu kuxi ꞌa, ska nan nu kuꞌni ñuꞌun ꞌin nchga nan nu luwi. ―Ka biyaꞌ tiꞌ wan chaꞌ kanꞌ, bra nu chkwiꞌ wan lo kityi re―. Bra nu ñaꞌan wan chaꞌ nduun nkwin nu kuxi kanꞌ nde seꞌen kti ꞌa niꞌ lyaa tnun kanꞌ ―ndukwin Jesús―,
24148	MAT 26:25	Loꞌo Juda nu kuꞌni chaꞌ kuxi kanꞌ, loꞌo yu kanꞌ mnichaꞌ yu ꞌin Jesús bra kanꞌ: ―Mstru ―ndukwin Juda kanꞌ ꞌin Jesús―, ¿ta naꞌ lkaǎn nu tyaǎn ꞌiin yaꞌ neꞌ xaꞌan a? ―Kwiiꞌ ―ndukwin Jesús ꞌin Juda bra kanꞌ.
24150	MAT 26:27	Chunꞌ ndiꞌin la msñi Jesús ska basu mñun, ndya xuꞌwe ꞌin Ndiose. Kanꞌ mda yu basu mñun kanꞌ ꞌin neꞌ nu ngiꞌni xaꞌan chaꞌ ꞌin yu. ―Nchga wan koꞌo wan mñun re ―ndukwin Jesús―,
24157	MAT 26:34	Mxkwen Jesús ꞌin Tyu bra kanꞌ: ―Chañi katsaǎnꞌ ꞌiin ni ―ndukwin yu―, chaꞌ bra nu ti ji xiꞌya la kweꞌe tla ndaꞌa, snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn; jlyo tiǎnꞌ chaꞌ ngwañaꞌan chkwiiꞌ loꞌo neꞌ.
24159	MAT 26:36	Chunꞌ ndiꞌin la mdiyan Jesús loꞌo neꞌ nu ngiꞌni xaꞌan chaꞌ ꞌin yu, yten neꞌ ska niꞌ lyoꞌoo seꞌen naan Getsemaní, nu ndiꞌin tuꞌwa kichen. ―Tyukwa wan chinꞌ nde kwa ti ―ndukwin Jesús ꞌin neꞌ kanꞌ―, bra nu tsaꞌaǎn nde kwa la chinꞌ chaꞌ chkwiǐnꞌ loꞌo Stiǐn Ndiose.
24165	MAT 26:42	Xiyaꞌ ndyaa Jesús bra kanꞌ, chaꞌ chkwiꞌ yu loꞌo Ndiose: ―Stiǐn ―ndukwin yu―, chaꞌ ja ndiya xka ñaꞌan kuꞌniǐn tñan ꞌiin, suꞌwe la tyijiǐn nu tiꞌí sikwa, chaꞌ nchka tiǎnꞌ kuꞌniǐn nchga tñan nu ndloo ꞌñaǎn.
24196	MAT 26:73	Chunꞌ ndiꞌin la chinꞌ mdiyan xka ta nten nu nduun nde kwa ti chaꞌ chkwiꞌ neꞌ loꞌo Tyu bra kanꞌ: ―Chañi chaꞌ taꞌa ndaꞌan nu kiꞌyu kwa lkaa ―ndukwin neꞌ ꞌin yu―, chaꞌ suꞌwa ti nnen chaꞌ nu nchkwiiꞌ loꞌo taꞌa kichen tyi yu kwa.
24202	MAT 27:4	―Ndiꞌin kiꞌya ꞌñaǎn ―ndukwin Juda kanꞌ ꞌin yu nu lka ndloo―, chaꞌ wa yjwiǐnꞌ ska nten luwi ꞌwan, chaꞌ kujwi wan ꞌin ―ndukwin. Mxkwen yu nu lka ndloo kanꞌ ꞌin Juda bra kanꞌ: ―Siꞌi chaꞌ ꞌwa lka chaꞌ kanꞌ ―ndukwin neꞌ nu lka ndloo―. Si ndiꞌin kiꞌya ꞌiin, chaꞌ ꞌiin lka kanꞌ.
24222	MAT 27:24	Bra nu naꞌan Pilato chaꞌ tlá ꞌa ngiꞌni tloo neꞌ, chaꞌ msinꞌ ꞌa tiꞌ neꞌ, jlyo tiꞌ yu chaꞌ ja xlyaa ꞌa neꞌ kunan neꞌ chaꞌ nchkwiꞌ yu loꞌo neꞌ bra kanꞌ. Kanꞌ chaꞌ ngulo yu tñan ꞌin ska msu chaꞌ kan loꞌo msu kanꞌ ska siꞌyuu tyiꞌa. Mnaꞌ yu tloo nchga nten bra kanꞌ. ―Luwi kanun yaǎnꞌ ―ndukwin yu―, chaꞌ siꞌi chaꞌ ꞌñaǎn kaja yu nu ja ska kiꞌya ndukwi re ―ndukwin Pilato ꞌin neꞌ―. Chaꞌ ꞌwan lka chaꞌ kanꞌ.
24261	MAT 27:63	Ykwiꞌ neꞌ loꞌo Pilato bra kanꞌ: ―Yu kula ―ndukwin neꞌ ꞌin Pilato―, nsuꞌwi tiꞌ bare chaꞌ nu ykwiꞌ yu kwiñi kanꞌ xa nu ti luꞌu yu: “Xa mdaꞌa snan tsan, bra kanꞌ tyuꞌuǔn xiyaꞌ” ndukwin yu.
24346	MRK 2:17	Chaꞌ wa ynan Jesús chaꞌ nu ykwiꞌ neꞌ nu tnun nchka kanꞌ, kanꞌ chaꞌ ykwiꞌ yu loꞌo neꞌ bra kanꞌ: ―Ja ndiꞌin chaꞌ ka joꞌó ꞌin nten nu suꞌwe ti ―ndukwin Jesús ꞌin neꞌ―, ka joꞌó ꞌin neꞌ tiꞌí ―ndukwin yu―. Loꞌoǔn ni, ja ndijyaǎn lo chalyuu chaꞌ kwaꞌuǔn chaꞌ suꞌwe ꞌin Ndiose ꞌin nten nu nxkeꞌ tiꞌ chaꞌ nten suꞌwe lka neꞌ; nan wa ndijyaǎn chaꞌ kwaꞌuǔn chaꞌ suꞌwe kanꞌ ꞌin nten nu jlyo tiꞌ chaꞌ ndiꞌin kiꞌya ꞌin neꞌ ―ndukwin Jesús.
24379	MRK 3:22	Loꞌo mstru nu nduꞌu chaꞌ joꞌo niꞌ lyaa tnun nde Jerusalén, mdiyan neꞌ nde kwa. Ykwiꞌ mstru kanꞌ loꞌo nten: ―Wa msñi Beelzebú xꞌnan nchga lo kwiꞌin kuxi ꞌin Jesús kwa ―ndukwin mstru kanꞌ―, kanꞌ chaꞌ loꞌo chabiyaꞌ ꞌin kuneꞌ xaꞌan kanꞌ nchka ꞌin yu kulo yu kwiꞌin kuxi nu msñi ꞌin nten.
24433	MRK 4:41	Yuwe ꞌa tiꞌ neꞌ ñaꞌan neꞌ ꞌin Jesús bra kanꞌ: ―¿Ti ka nu lka yu kiꞌyu re? ―ndukwin neꞌ ꞌin taꞌa neꞌ―, chaꞌ loꞌo kwiꞌin ndukwa chaꞌ nu ykwiꞌ yu loꞌo ran, loꞌo tyiꞌa tiyuꞌ ynan chaꞌ kanꞌ ―ndukwin neꞌ ꞌin taꞌa ndaꞌan neꞌ.
24442	MRK 5:9	Kanꞌ mnichaꞌ Jesús ꞌin yu tiꞌí kanꞌ: ―¿Ni sa ñaꞌan naan nuꞌwin? ―ndukwin Jesús ꞌin yu. ―Kaꞌan ꞌa loo ñaꞌan naǎnꞌ ―ndukwin yu tiꞌí―, chaꞌ kaꞌan ꞌa kwiꞌin xaꞌan wa msñi ꞌñaǎn ―ndukwin yu.
24467	MRK 5:34	―Suꞌwe ꞌa ndyaa ñaꞌan tiiꞌ ꞌñaǎn, sñiěnꞌ ―ndukwin Jesús ꞌin―, kanꞌ chaꞌ nchkaa. Tiin ti tyiꞌin tiyee ni. Suꞌwe ti tyaa ni, ñi katsaǎnꞌ ꞌiin chaꞌ ja xñi ꞌa kicha kanꞌ ꞌiin la xiyaꞌ la.
24486	MRK 6:10	―Nu ta neꞌ naꞌan seꞌen kajaꞌ wan seꞌen ndiꞌin neꞌ ―ndukwin Jesús ꞌin neꞌ kanꞌ―, nde kwa kanun wan bra kanꞌ, sa ñaꞌan bra nu tyoꞌo wan tsaa wan xka kichen.
24511	MRK 6:35	Bra nu wa ngwa msiin, bra kanꞌ ndijyan neꞌ nu ngiꞌni xaꞌan chaꞌ ꞌin yu tloo yu chaꞌ chkwiꞌ neꞌ loꞌo yu: ―Niꞌ kixinꞌ lka re ―ndukwin neꞌ―, loꞌo msiin ꞌa ni.
24560	MRK 7:28	―Chañi chaꞌ ꞌiin ―ndukwin nu kunaꞌan―, loꞌo nsuꞌwi chabiyaꞌ ku xneꞌ kata tyaja nu ngalu niꞌ msaa laja nu nchku nu xuwe ―ndukwin ꞌin Jesús.
24569	MRK 7:37	Yuwe ꞌa tiꞌ nten bra nu ynan neꞌ sa ñaꞌan ngwa chaꞌ kanꞌ. ―Suꞌwe ꞌa ngiꞌni yu kanꞌ ―ndukwin neꞌ―, loꞌo ꞌin neꞌ nu kuꞌun tu nskan, nchka ꞌin yu kuꞌni yu chaꞌ nchkaa neꞌ; loꞌo neꞌ nu kuꞌun tuꞌwa, nchkwiꞌ neꞌ xiyaꞌ chabiyaꞌ ꞌin yu.
24584	MRK 8:15	Bra kanꞌ ngwaꞌu Jesús ska chaꞌ ꞌin neꞌ: ―Ndii ti tiꞌ wan tyiꞌin wan ―ndukwin yu―, kiꞌya wan kwenta sa ñaꞌan ngiꞌni chaꞌ nu nchkwiꞌ neꞌ fariseo loꞌo neꞌ nu ndaꞌan chabiyaꞌ ꞌin ree Herodes. Ñaꞌan tiꞌ skwan tiyeꞌ, ngwañaꞌan ngiꞌni chaꞌ nu nchkwiꞌ neꞌ kanꞌ.
24598	MRK 8:29	―Loꞌo ꞌwan ni ―ndukwin Jesús―, ¿ti ka nu lkaǎn, nxkeꞌ tiꞌ wan? ―ndukwin yu ꞌin neꞌ nu ngiꞌni xaꞌan chaꞌ ꞌin yu. Bra ti mxkwen Tyu ꞌin yu bra kanꞌ: ―Krixtu lka nuꞌwin ―ndukwin Tyu bra kanꞌ.
24603	MRK 8:34	Kanꞌ msiꞌya Jesús ꞌin neꞌ nu ngiꞌni xaꞌan chaꞌ ꞌin yu, loꞌo ꞌin nten kaꞌan nu mdoꞌo ñaꞌan ꞌin yu, msiꞌya yu ꞌin neꞌ chaꞌ kan neꞌ seꞌen ndiꞌin yu. Ykwiꞌ yu loꞌo neꞌ bra kanꞌ: ―Nten nu tyukwi ti tiye nchka tiꞌ tyaꞌan loꞌoǔn ―ndukwin yu ꞌin neꞌ―, ndiꞌin chaꞌ xnun neꞌ kanꞌ nchga chaꞌ nu nsuꞌwi ꞌa tiye neꞌ, chaꞌ tyaꞌan neꞌ loꞌoǔn nchga tsan, ni siya kujwi nten ꞌin neꞌ kanꞌ chunꞌ ndyaa ñaꞌan tiꞌ neꞌ ꞌñaǎn.
24608	MRK 9:1	Ti ngwaꞌu la Jesús ꞌin neꞌ bra kanꞌ: ―Chañi ꞌa chaꞌ nu chkwiǐnꞌ loꞌo wan ni ―ndukwin yu―, chaꞌ ndiya nten chalyuu nu ti ndiꞌin loꞌoǔn ni siya ni ti, nu ti ji kaja neꞌ ka biyaꞌ tiꞌ neꞌ chaꞌ wa mdyisnan chaꞌ ka Ndiose ndloo la niꞌ kasiya ꞌin nten chalyuu. Tlyu ꞌa chabiyaꞌ nsuꞌwi ꞌin Ndiose chaꞌ ka Ni ndloo la ꞌin nten bra kanꞌ.
24614	MRK 9:7	Loꞌo mdoꞌo tukwa ska koo nu yuꞌwi nchga seꞌen nduun neꞌ bra kanꞌ, kwiꞌ ynen laja koo kanꞌ nchkwiꞌ Ndiose loꞌo neꞌ: ―Ti kwiꞌ yu re lka ska ti nu lka Sñiěnꞌ ―ndukwin Ndiose―, ndiya ꞌa tiǎnꞌ ꞌin yu re. Kunan suꞌwe wan ꞌin yu re bra nu chkwiꞌ yu loꞌo wan.
24624	MRK 9:17	Bra ti mdyisnan ykwiꞌ ska nten nu nduun laja nten kaꞌan kanꞌ: ―Mstru ―ndukwin ꞌin Jesús―, nan wa yan loꞌoǔn ꞌin sñiěnꞌ tloo nuꞌwin. Nan kuꞌun yu siꞌya kwiꞌin kuxi nu nsuꞌwi ꞌin yu.
24636	MRK 9:29	―Ska lo ti kwiꞌin kuxi lka kanꞌ ―ndukwin Jesús―, ja nchka ꞌwan kulo wan ꞌin ska kwiꞌin ngwañaꞌan. Ska ti si jñan wan chabiyaꞌ ꞌin Ndiose chaꞌ ka, bra nu ngiꞌni wan kuꞌnan.
24645	MRK 9:38	―Mstru ―ndukwin Xuwa ꞌin Jesús―, wa naꞌan ba ꞌin xka nten nu ndlo ꞌin kwiꞌin kuxi nu msñi ꞌin nten. Ngiꞌni yu tñan kanꞌ chabiyaꞌ ꞌiin, ndukwin yu ꞌwa, ni siya ja ngiꞌni xaꞌan yu loꞌo ba. Kanꞌ chaꞌ ngwa tiꞌ ba chkwiꞌ ba loꞌo yu, chaꞌ ja kulo ꞌa yu ꞌin kwiꞌin kuxi nu nsuꞌwi ꞌin nten ―ndukwin Xuwa.
24677	MRK 10:20	―Mstru ―ndukwin yu kuneꞌ kanꞌ bra kanꞌ―, ti kuneěnꞌ ndukwaǎn nchga tñan kanꞌ; ja mdyii chaꞌ ndukwaǎn chaꞌ kanꞌ nchga tsan.
24681	MRK 10:24	Nduwe ꞌa tiꞌ neꞌ nu ngiꞌni xaꞌan chaꞌ ꞌin yu bra kanꞌ, chaꞌ ngwañaꞌan ykwiꞌ yu chaꞌ ꞌin neꞌ kuliyaꞌ. Kanꞌ chaꞌ xiyaꞌ ykwiꞌ Jesús loꞌo neꞌ: ―ꞌWan, yu kuneꞌ ―ndukwin Jesús―, tukwi ꞌa ka chaꞌ ka Ndiose ndloo niꞌ kasiya ꞌin nten, xa nu lye ꞌa ndiya tiꞌ neꞌ nchga chaꞌ suꞌwe nu nsuꞌwi ꞌin neꞌ.
24686	MRK 10:29	―Chañi chaꞌ nu nchkwiǐnꞌ loꞌo wan ―ndukwin Jesús―, chaꞌ nchga nten nu ndiꞌin chaꞌ tsaa tijyuꞌ chaꞌ kuꞌni tñan ꞌñaǎn, nu ngwañaꞌan wa mxnun nchga nan nu nsuꞌwi ꞌin neꞌ chaꞌ ngiꞌni neꞌ tñan ꞌñaǎn, ja kulaa yaǎnꞌ ꞌin neꞌ kanꞌ ngwañaꞌan ti. Ni siya naꞌan tyi neꞌ, ni siya taꞌa ngula neꞌ, ni siya sti neꞌ, ni siya jyaꞌan neꞌ, ni siya kwilyoꞌo neꞌ, ni siya sñiꞌ neꞌ, ni siya yuu nu nsuꞌwi ꞌin neꞌ, kanun nchga chaꞌ kanꞌ;
24692	MRK 10:35	Loꞌo mdiyan Santiago loꞌo Xuwa taꞌa yu seꞌen ndiꞌin Jesús bra kanꞌ. Sñiꞌ Zebedeo lka neꞌ kanꞌ. ―Mstru ―ndukwin neꞌ―, kuꞌnii chaꞌ tlyu tiiꞌ ꞌwa, ndiya ska xuꞌwe nu nchka tiꞌ ba jñan ba ꞌiin ―ndukwin neꞌ ꞌin Jesús.
24705	MRK 10:48	Tyun nten ngwa tiꞌ chkwiꞌ loꞌo yu tiꞌí kanꞌ, chaꞌ mnan ti tyukwa yu, ngwa tiꞌ neꞌ; loꞌo ja mslyaa yu tiꞌí kanꞌ, kwen la msiꞌya bra kanꞌ: ―¡Yu kula, nten ꞌin ayman David lka wan! ―ndukwin yu tiꞌí―, kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn.
24708	MRK 10:51	Loꞌo ykwiꞌ Jesús loꞌo yu: ―¿Ni sa ñaꞌan nan nchka tiiꞌ chaꞌ kuꞌniǐn loꞌoo? ―ndukwin Jesús ꞌin yu. ―Mstru ―ndukwin yu kwityiinꞌ―, kuꞌni wan joꞌó ꞌñaǎn, chaꞌ xiyaꞌ kalaa kiloǔn chaꞌ ñaꞌaǎn xiyaꞌ ―ndukwin yu ꞌin Jesús.
24726	MRK 11:17	Bra kanꞌ ykwiꞌ Jesús loꞌo neꞌ kwa: ―Ndukwa ska chaꞌ lo kityi ꞌin Ndiose chaꞌ ꞌin laa re: “Ska naꞌan seꞌen chkwiꞌ nchga nten loꞌo Ndiose, ngwañaꞌan nchkwin nten chaꞌ ka naꞌan ꞌñaǎn re, ndukwin Ndiose.” Ngwañaꞌan ndukwa lo kityi ―ndukwin Jesús bra kanꞌ―, loꞌo ꞌwan ni, wa yꞌni wan chaꞌ naꞌan tyi nten nu ngiꞌni kunan lka naꞌan re ―ndukwin Jesús ꞌin neꞌ kanꞌ.
24756	MRK 12:14	Bra wa mdiyan neꞌ kanꞌ seꞌen ndiꞌin yu, ykwiꞌ neꞌ loꞌo yu bra kanꞌ: ―Mstru ―ndukwin neꞌ ꞌin Jesús―, jlyo tiꞌ ba chaꞌ ñi ꞌa ngiꞌnii; ti kwiꞌ chaꞌ nu ñi nu wa ykwiꞌ Ndiose, kanꞌ lka chaꞌ nu nduꞌuu ꞌin nten. Ja nduwe tiiꞌ sa ñaꞌan lka chaꞌ nu chkwiꞌ nten chaꞌ ꞌiin. Ska ti biyaꞌ ñaꞌaan ꞌin nchga nten, ni siya neꞌ tiꞌi, ni siya neꞌ nu tnun nchka. Kuꞌnii chaꞌ tlyu tiꞌ ꞌwa, ¿ta suꞌwe chaꞌ ndaan tñi nu ndlo neꞌ nu ngiꞌni tñan ꞌin ree tlyu nu ndiꞌin xka laꞌa tsuꞌ kanꞌ a? ―ndukwin neꞌ ꞌin Jesús―. ¿Ta nꞌni ꞌa chaꞌ taan tñi kanꞌ ꞌin neꞌ kwa a? ¿O ta suꞌwe la ni siya ja taan ꞌaan tñi kanꞌ siyaꞌ ti a?
24759	MRK 12:17	―Suꞌwe ―ndukwin Jesús bra kanꞌ―, ta wan nchga nan nu ndiꞌin chaꞌ ta wan ꞌin ree tlyu kanꞌ sikwa; kwiꞌ ngwañaꞌan, taa wan ꞌin Ndiose nchga nan nu ndiꞌin chaꞌ taa wan ꞌin Ni. Yuwe ꞌa tiꞌ neꞌ chaꞌ nchka ꞌa ꞌin Jesús xitukwi chaꞌ loꞌo neꞌ kanꞌ.
24761	MRK 12:19	―Mstru ―ndukwin neꞌ kanꞌ―, wa sꞌni ngwaꞌan ayman Moisés ska chaꞌ lo kityi chaꞌ ꞌin taꞌa ngula nten. Xa wa ngujwi ska nten ni, si wa mjwi kwilyoꞌo yu loꞌo ja ya kaja sñiꞌ yu, bra kanꞌ ndiya tñan ꞌin taꞌa ngula yu nu ti ndiꞌin ska ti chaꞌ kaja kwilyoꞌo yu loꞌo nu kunaꞌan kwilyoꞌo ayman taꞌa yu. Kanꞌ chkwiꞌ neꞌ ꞌin sñiꞌ nu kala kulo ꞌin neꞌ chaꞌ sñiꞌ yu kiꞌyu nu wa ngujwi lka yu, chaꞌ ja kanaꞌ nin yu nu wa ngujwi kanꞌ. Ngwañaꞌan ykwiꞌ Moisés nu ngwa sꞌni.
24766	MRK 12:24	―Ja jlyo tiꞌ wan siyaꞌ ti ―ndukwin Jesús ꞌin neꞌ kanꞌ―, chaꞌ ja nchka biyaꞌ tiꞌ wan sa ñaꞌan lka chaꞌ nu ndukwa lo kityi ꞌin Ndiose. Ja ndiꞌya wan kwenta sa ñaꞌan chaꞌ tnun ꞌa nu nchka ꞌin Ndiose kuꞌni.
24774	MRK 12:32	―Chaꞌ nu ñi nchkwiiꞌ, mstru ―ndukwin mstru kanꞌ ꞌin Jesús―, chañi chaꞌ nu nchkwiiꞌ chaꞌ ska ti Ndiose nu chañi chaꞌ lka Ni Xꞌnaan; ja ndiya xka nu lka xꞌnaan.
24785	MRK 12:43	Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu chaꞌ kan neꞌ seꞌen ndiꞌin yu: ―Chañi chaꞌ nu chkwiǐnꞌ loꞌo wan ni ―ndukwin Jesús ꞌin neꞌ kanꞌ―, chaꞌ tlyu la lomstan mda nu kunaꞌan tiꞌi kwa ke nchga lomstan nu mda xka la nten nu ndaꞌan re.
24787	MRK 13:1	Chunꞌ ndiꞌin la wa tyoꞌo ti Jesús niꞌ lyaa tnun kanꞌ loꞌo neꞌ nu ngiꞌni xaꞌan chaꞌ ꞌin yu. ―Mstru ―ndukwin ska yu ꞌin Jesús―, ¡ñaꞌan kwiꞌyaa chinꞌ laa tnun re chaꞌ suꞌwe ꞌa ndyaꞌ! ¡Suꞌwe ꞌa ñaꞌan kee nu nsuꞌwi siꞌ naꞌan re! ―ndukwin.
24800	MRK 13:14	’Ndukwa ska chaꞌ lo kityi nu ngwaꞌan ayman Daniel nu ykwiꞌ chaꞌ ꞌin Ndiose loꞌo nten nu ngwa sꞌni; wa ngwaꞌan chaꞌ nde loo la ñaꞌan wan bra nu xituun neꞌ ska nan nu chen ꞌa ñaꞌan, nu kuꞌni ñuꞌun ꞌin nchga nan luwi. ―Ka biyaꞌ tiꞌ wan chaꞌ kanꞌ bra nu chkwiꞌ wan lo kityi re―. Bra nu ñaꞌan wan chaꞌ nduun nan chen ñaꞌan kanꞌ nde niꞌ lyaa tnun seꞌen ja nsuꞌwi chabiyaꞌ tyuun ran ―ndukwin Jesús―, bra kanꞌ ndiꞌin chaꞌ xnan nchga wan nu ndiꞌin lo yuu Judea, xnan wan chaꞌ xuꞌwi kutsiꞌ wan lo kiꞌya.
24810	MRK 13:24	Ti ngwaꞌu la Jesús chinꞌ chaꞌ ꞌin neꞌ bra kanꞌ: ―Bra nu mdyii mdijin nten nu tiꞌí kanꞌ ―ndukwin Jesús―, ka tla ñaꞌan xaa kwan bra kanꞌ, kwiꞌ ngwañaꞌan ja chkanꞌ xaa koꞌ bra kanꞌ.
24857	MRK 14:34	―Xiꞌin ꞌa tiǎnꞌ ni ―ndukwin Jesús ꞌin neꞌ―, ja taloǔn siꞌya chaꞌ xiꞌin kanꞌ. Nde ti kanun wan, ndii ti tiꞌ wan tyiꞌin wan ―ndukwin.
24859	MRK 14:36	―Stiǐn ―ndukwin Jesús ꞌin Ndiose―, nchga lo tñan nchka ꞌiin kuꞌnii. Kanꞌ chaꞌ ni, ja taa chabiyaꞌ tyukwaǎn chaꞌ kuxi re, si kaja xka ñaꞌan nu ka kuꞌniǐn tñan re ―ndukwin Jesús ꞌin Ndiose Sti yu―. Loꞌo siꞌi sa ñaꞌan nu nchka tiǎnꞌ chaꞌ ka; nuꞌwin kuꞌnii loꞌoǔn sa ñaꞌan nu nchka tiiꞌ.
24860	MRK 14:37	Bra kanꞌ ndyaan Jesús xiyaꞌ seꞌen ndiꞌin snan nten kanꞌ, loꞌo lajaꞌ ti neꞌ kanꞌ bra kanꞌ. ―Simón ―ndukwin yu ꞌin Tyu―, ¿ta lajaaꞌ tii ni a? ―ndukwin―. ¿Ta ja nchka kaa ndii tiiꞌ chinꞌ, ni siya ska bra ti a?
24893	MRK 14:70	Xiyaꞌ ykwiꞌ Tyu chaꞌ ja loꞌo yu ndaꞌan yu loꞌo Jesús. Chunꞌ ndiꞌin la chinꞌ ykwiꞌ nten nu nduun kwiꞌ seꞌen ti loꞌo Tyu: ―Chañi chaꞌ taꞌa ndaꞌan neꞌ kanꞌ lkaa ―ndukwin neꞌ―, chaꞌ loꞌoo lkaa neꞌ Galilea ―ndukwin neꞌ ꞌin Tyu.
24924	MRK 15:29	Mstyi lyoꞌo ꞌa neꞌ ꞌin Jesús xa nu mdijin neꞌ tuwiin, lye mxichaꞌ neꞌ ꞌin yu. ―¡Jaan! Nuꞌwin lkaa nu ykwiiꞌ chaꞌ kuꞌni tyii laa tnun kwa ―ndukwin neꞌ kanꞌ―, loꞌo ndukwiin chaꞌ kwiñaan ꞌin ran xiyaꞌ chunꞌ snan tsan ti, ¿mskeꞌ tiiꞌ a?
24926	MRK 15:31	Loꞌo sti joꞌo nu lka ndloo, loꞌo mstru nu nduꞌu chaꞌ joꞌo, mstyi lyoꞌo neꞌ ꞌin Jesús. ―Ngulaa yu ꞌin xka ta nten ―ndukwin neꞌ nu tnun nchka kanꞌ ꞌin taꞌa neꞌ―, loꞌo ja nchka ꞌin yu kulaa ꞌin yu, ti ykwiꞌ yu.
24931	MRK 15:36	Kanꞌ msnan ska nten ndyaa ꞌya yu ska kiche; mchaꞌ yu ꞌin kiche kanꞌ loꞌo mñun tiyeꞌ bra kanꞌ, mskwen yu ꞌin ran kijin tuꞌwa Jesús loꞌo ska yka ti chaꞌ koꞌo Jesús, ngwa tiꞌ yu. ―Kataan chinꞌ ―ndukwin nten kanꞌ―, ñaꞌaan si kan ayman Elías chaꞌ tiꞌya ꞌin Jesús re lo wsi.
24998	LUK 1:36	Loꞌo xka chaꞌ chkwiǐnꞌ loꞌoo ―ndukwin angajle ꞌin Liya―, chaꞌ loꞌo neꞌ kula Sabe taꞌaa tyiꞌin ska sñiꞌ, loꞌo kula ꞌa neꞌ kula kanꞌ. Ti ngwa sꞌni la nchkwiꞌ nten chaꞌ ja ndiji sñiꞌ neꞌ kula siyaꞌ ti, loꞌo ni wa mdaꞌa skwa koꞌ ndaꞌan tnan.
25022	LUK 1:60	Loꞌo bra kanꞌ ja mda jyaꞌan kuwiꞌ kanꞌ chabiyaꞌ chaꞌ ka naan sñiꞌ ngwañaꞌan: ―Siꞌi ngwañaꞌan ka naan yu ―ndukwin neꞌ kula kanꞌ ꞌin neꞌ―, Xuwa ka naan yu re.
25076	LUK 2:34	Loꞌo kanꞌ ndukwan yu kula Simeón ꞌin neꞌ kanꞌ. Nde lka chaꞌ nu ykwiꞌ yu kula loꞌo Liya jyaꞌan Jesús bra kanꞌ: ―Kaꞌan ꞌa chaꞌ suꞌwe ka ꞌin neꞌ Israel loꞌo kuwiꞌ re ―ndukwin yu kula kanꞌ―, xuꞌwi ꞌa nten nu chen ka tiye neꞌ ñaꞌan neꞌ ꞌin yu, loꞌo xuꞌwi ꞌa nten nu kaja chalyuu kwi ꞌin neꞌ chunꞌ tñan nu kuꞌni kuwiꞌ re. Kulo tuun kuwiꞌ re nchga chaꞌ nu nsuꞌwi mnan niꞌ kasiya ꞌin nten; lka kuwiꞌ re ska chaꞌ tnun nu wa nda Ndiose ꞌin nten, ni siya ja xlyaa kaꞌan nten tukwa chaꞌ ꞌin yu ―ndukwin Simeón ꞌin Liya jyaꞌan kuwiꞌ kanꞌ―. Kwiꞌ ngwañaꞌan nuꞌwin ―ndukwin yu kula kanꞌ―, tiya ska bra nu ka xiꞌin tiiꞌ chaꞌ ja tukwa ꞌa neꞌ chaꞌ nu chkwiꞌ sñiiꞌ.
25102	LUK 3:8	Suꞌwe sikwa, kwaꞌu wan ꞌwa si chañi chaꞌ wa ngulaa yaꞌ wan chaꞌ kuxi nu ndiꞌin ꞌwan; ja chkwiꞌ wan chaꞌ sñiꞌ Ndiose lka wan chunꞌ ndyoꞌo wan ꞌin ayman Abraham nu yuꞌwi ti sꞌni. Chaꞌ nu ñi chkwiǐnꞌ loꞌo wan ―ndukwin Xuwa―, chaꞌ ka ꞌin Ndiose kulo suwi Ni xka ta nten nu ka sñiꞌ Abraham, ja loꞌo wan, si nchka tiꞌ Ni; nxkeꞌ tiꞌ wan chaꞌ ja nsuꞌwi chaꞌ tiya ꞌin xka la nten kanꞌ, nxkeꞌ tiꞌ wan chaꞌ sa ñaꞌan lka kee re, ngwañaꞌan ti lka neꞌ kanꞌ ―ndukwin Xuwa ꞌin neꞌ―.
25135	LUK 4:3	Loꞌo kanꞌ ykwiꞌ kuneꞌ xaꞌan kanꞌ loꞌo yu: ―Si chañi chaꞌ ska ti nuꞌwin lkaa nu nka Sñiꞌ Ndiose ―ndukwin kuneꞌ xaꞌan kanꞌ ꞌin yu―, kuꞌnii chaꞌ ka kee re ska jaxlya kuan sikwa.
25138	LUK 4:6	Bra kanꞌ ykwiꞌ kuneꞌ xaꞌan loꞌo yu xiyaꞌ: ―Taǎn chabiyaꞌ ꞌiin chaꞌ kaa ndloo ꞌin nchga chalyuu kwa ―ndukwin kuneꞌ xaꞌan bra kanꞌ―, chaꞌ kaja nchga nan nu nsuꞌwi kwa ꞌiin ―ndukwin―. Ndiya chabiyaꞌ kanꞌ ꞌñaǎn, kanꞌ chaꞌ taǎn chabiyaꞌ kanꞌ ꞌin nchga nten nu nchka tiǎnꞌ chaꞌ ka ndloo ―ndukwin―.
25200	LUK 5:24	Nchka tiǎnꞌ chaꞌ ka biyaꞌ tiꞌ wan chaꞌ wa nda Ndiose chabiyaꞌ ꞌñaǎn, chaꞌ kuꞌniǐn chaꞌ tlyu tiꞌ nchga kiꞌya nu ndiꞌin ꞌin nten laja nu ndiꞌiǐn lo chalyuu ―ndukwin Jesús―. Kanꞌ chaꞌ wa msuꞌwa Ndiose ꞌñaǎn ndijyaǎn lo chalyuu chaꞌ kaǎn nten. Bra kanꞌ xiyaꞌ ykwiꞌ Jesús loꞌo yu kiꞌyu nu nchkunꞌ ñaꞌaan tyukwin yu: ―Nde lka chaꞌ nu chkwiǐnꞌ loꞌoo ―ndukwin Jesús ꞌin yu―, tyituun lyaa chaꞌ tyaa naꞌan tyii; tyaa loꞌo katan seꞌen mstii tsan.
25213	LUK 5:37	Loꞌo xka chaꞌ ni ―ndukwin Jesús ꞌin neꞌ―, ja nsuꞌwa neꞌ xalyu nu tka mdoꞌo ti niꞌ chkaꞌ kula. Si suꞌwa neꞌ ꞌin ran niꞌ chkaꞌ kula, ndla ti katsu siꞌ chkaꞌ kanꞌ; lyaꞌa chkaꞌ kanꞌ, tyii xalyu kalu bra kanꞌ.
25273	LUK 7:9	Bra wa ynan Jesús chaꞌ nu ykwiꞌ neꞌ loꞌo, nduwe ꞌa tiꞌ yu. Bra kanꞌ mxitukwi Jesús seꞌen ndijyan tuwiin, ykwiꞌ yu loꞌo nten nu ndaꞌan loꞌo yu: ―Chañi chaꞌ nu nchkwiǐnꞌ loꞌo wan ni ―ndukwin Jesús―, chaꞌ ja ya ñaꞌaǎn ꞌin ska nten nu suꞌwe ꞌa ndyaa ñaꞌan tiꞌ ꞌin Ndiose sa ñaꞌan nu ndyaa ñaꞌan tiꞌ capitán kanꞌ. Tyukwi ñaꞌaan nasiyun Israel re, ja nsuꞌwi nten nu ndyaa ñaꞌan tiꞌ ꞌñaǎn ngwañaꞌan ―ndukwin Jesús ꞌin neꞌ.
25280	LUK 7:16	Yuwe ꞌa tiꞌ nchga nten la kanꞌ, chaꞌ naꞌan neꞌ ꞌin yu nu ngujwi kanꞌ. Bra kanꞌ mdyisnan neꞌ yꞌni tnun neꞌ ꞌin Ndiose. ―Tnun ꞌa chaꞌ ndiꞌin ꞌin yu nu wa mdiyan seꞌen ndiꞌian ni ―ndukwin neꞌ―, kanꞌ lka nu nchkwiꞌ nchga chaꞌ ꞌin Ndiose loꞌoan. Ngwañaꞌan ndukwin neꞌ bra kanꞌ. Loꞌo xka chaꞌ ykwiꞌ neꞌ: ―Wa mdiyan Ndiose ni, chaꞌ tayaꞌ Ni ꞌin nten ꞌin Ni ―ndukwin neꞌ.
25284	LUK 7:20	Bra kanꞌ ndyaa nten ꞌin Xuwa seꞌen ndiꞌin Jesús, chaꞌ chkwiꞌ neꞌ loꞌo yu: ―Wa ngulo Xuwa nu ndukwatya ꞌin nten tñan ꞌwa chaꞌ ndijyan ba ―ndukwin neꞌ―, chaꞌ kunichaꞌ ba ꞌiin: ¿Ta chañi chaꞌ ti kwiꞌ Krixtu lka nuꞌwin a? ¿Ta nuꞌwin lka nten nu tnun nchka nu wa suꞌwa ti Ndiose chaꞌ kan lo chalyuu re a? ¿O ta ti ndiꞌin chaꞌ kata la ba ꞌin xka nten nu tnun la chaꞌ ndiꞌin ꞌin a? Nchka tiꞌ ba chaꞌ kaja chaꞌ nu ñi ꞌwa.