23443	MAT 8:29	Loꞌo yꞌni kwiꞌin xaꞌan kanꞌ, chaꞌ kwen ꞌa nxiꞌya yu tiꞌí kanꞌ: ―Jesús, ¿ni chaꞌ ndaꞌaan seꞌen ndiꞌin ba? ―ndukwin yu tiꞌí kanꞌ―. Nuꞌwin lkaa ska ti nu lka Sñiꞌ Ndiose. ¿Ta taa nu tiꞌí ꞌwa, nchka tiiꞌ a? Ja ya tiya bra tiyan nu tiꞌí ꞌwa.
23682	MAT 14:16	―ꞌWan, ta wan nan ku neꞌ nde ti ―ndukwin Jesús―. Ja ndiꞌin chaꞌ tyaa neꞌ.
23794	MAT 17:25	―Nda yu ―ndukwin Tyu ꞌin neꞌ bra kanꞌ. Bra nu ngula Tyu tu naꞌan xiyaꞌ, ykwiꞌ Jesús loꞌo yu bra kanꞌ: ―Simón, ¿ni sa ñaꞌan nxkeꞌ tiiꞌ a? ―ndukwin Jesús ꞌin Tyu―. ¿Ti ka lka nu nda tñi ꞌin neꞌ nu ndloo tñi kanꞌ? ¿Ta ndlo neꞌ tñi ꞌin sñiꞌ neꞌ, nxkeꞌ tiiꞌ a? ¿Ta siꞌi ꞌin xka nten ndlo neꞌ tñi a?
23847	MAT 19:16	Ngwa ska tsan mdiyan ska nu kiꞌyu kuneꞌ seꞌen ndiꞌin Jesús. ―Mstru, nuꞌwin suꞌwe ꞌa ngiꞌnii nchga tsan ―ndukwin yu ꞌin Jesús―. Kuꞌnii chaꞌ suꞌwe katsaaꞌ ꞌñaǎn, ¿ni sa ñaꞌan chaꞌ suꞌwe kuꞌniǐn chaꞌ kaja chalyuu nu ja tsaa tii ꞌa ꞌñaǎn? ―ndukwin yu.
24145	MAT 26:22	Xiꞌin ꞌa tiꞌ neꞌ bra nu ynan neꞌ chaꞌ kanꞌ. Bra ti mdyisnan neꞌ mnichaꞌ neꞌ ꞌin Jesús: ―Xꞌnaǎn, ¿ta naꞌ nu tyaǎn ꞌiin yaꞌ neꞌ xaꞌan a? ―ndukwin ska yu ꞌin Jesús. ―¿Ta naꞌ a? ―ndukwin xka yu bra kanꞌ. Loꞌo ngwañaꞌan ndukwin xka ta neꞌ kanꞌ.
24162	MAT 26:39	Ti ndyaa la yu chinꞌ nde kwa bra kanꞌ. Mdyisti yu nde tloo yu chaꞌ xiꞌin ꞌa tiꞌ yu. Ykwiꞌ yu loꞌo Ndiose, nde lka chaꞌ nu ykwiꞌ yu bra kanꞌ: ―Stiǐn, ¿ta ja nsuꞌwi ꞌa xka ñaꞌan nu kuꞌniǐn tñan tnun re ꞌiin a?, chaꞌ ja tyijiǐn ꞌaǎn nu tiꞌí siꞌya chaꞌ tnun re ―ndukwin Jesús ꞌin Ndiose Sti yu―. Ska ti chaꞌ nchka tiǎnꞌ kuꞌniǐn ñaꞌaan tñan nu kuloo ꞌñaǎn. Siꞌi naꞌ kuloǔn tñan.
24244	MAT 27:46	Ti kwiꞌ bra wa snan siin, kanꞌ kwen ꞌa msiꞌya Jesús: ―Elí, Elí, ¿lama sabactani? ―ndukwin yu. Nde lka chaꞌ kanꞌ chaꞌtñan: Ndiose Stiǐn, Ndiose Stiǐn, ¿ni chaꞌ lka ngulaa yaaꞌ ꞌñaǎn ni?
24325	MRK 1:41	Ngwa tꞌnan tiꞌ Jesús ꞌin yu tiꞌí kanꞌ bra kanꞌ, mlaꞌ yu kunaꞌ yu tiꞌí kanꞌ seꞌen ngutsuꞌ. ―Xlyaǎn, kuꞌniǐn joꞌó ꞌiin ―ndukwin Jesús ꞌin yu tiꞌí kanꞌ―. Kanun luwi kunaaꞌ ni.
24360	MRK 3:3	Kanꞌ ykwiꞌ Jesús loꞌo yu tiꞌí kanꞌ: ―Kaan, tyuun tukwii tloo bare ―ndukwin Jesús ꞌin yu.
24403	MRK 4:11	―ꞌWan, wa nda Ndiose chabiyaꞌ ꞌwan chaꞌ ka biyaꞌ tiꞌ wan ska chaꞌ nu nsuꞌwi nchkunꞌ ti, chaꞌ nu ka xa nu ka Ndiose ndloo la niꞌ kasiya ꞌin nten ―ndukwin Jesús ꞌin neꞌ kanꞌ―. Xka ta nten nu ja yten chaꞌ ꞌin Ndiose ni, ja kiꞌya neꞌ kwenta bra nu kunan neꞌ ska chaꞌ nu nchkwiǐnꞌ; tukwi ꞌa chaꞌ kanꞌ, nxkeꞌ tiꞌ neꞌ.
24474	MRK 5:41	Bra kanꞌ msñi Jesús yaꞌ nu xuwe kanꞌ: ―Talita, kumi ―ndukwin Jesús ꞌin, chaꞌ nu nchkwiꞌ neꞌ kanꞌ. Nde lka sa ñaꞌan ndyoꞌo chaꞌ kanꞌ: ―Maan, kuloǔn tñan ꞌiin ni, chaꞌ tyituun.
24513	MRK 6:37	―ꞌWan, ta wan nan ku neꞌ re ―ndukwin Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ. ―¿Ta tyoꞌo skwa tukwa siyentu tñi plata xiꞌi ba jaxlya tejeꞌ ku neꞌ re a?, yu kula ―ndukwin neꞌ ꞌin Jesús.
24619	MRK 9:12	―Chañi, ndiꞌin chaꞌ kan ayman Elías kulo, chaꞌ kuꞌni xuꞌwe ꞌin nchga nan ―ndukwin Jesús―. Katsaǎnꞌ ñi ꞌwan ni, chaꞌ wa lka mdiyan ayman Elías kanꞌ lo chalyuu re. Loꞌo wa yꞌni neꞌ loꞌo yu sa ñaꞌan nu ndukwa lo kityi kula chaꞌ ka ꞌin yu bra kanꞌ ―ndukwin Jesús ꞌin neꞌ kanꞌ―. Kwiꞌ ngwañaꞌan, wa ndukwa chaꞌ ꞌñaǎn lo kityi ꞌin Ndiose, chaꞌ ndiꞌin chaꞌ tyijiǐn nu tiꞌí ni siya wa msuꞌwa Ndiose ꞌñaǎn ndijyaǎn chaꞌ kaǎn nten, loꞌo ndiꞌin chaꞌ chkwiꞌ neꞌ chaꞌ kuxi ꞌñaǎn.
24674	MRK 10:17	Ti ndyaa la Jesús tuwiin, kanꞌ naꞌan yu nxnan ska yu kiꞌyu kuneꞌ ndijyan ñaꞌan ꞌin Jesús. Mduun xtyinꞌ yu kuneꞌ tloo Jesús bra kanꞌ. ―Mstru, suꞌwe ꞌa ngiꞌni wan nchga tsan ―ndukwin ꞌin Jesús―. Kuꞌni wan chaꞌ suꞌwe katsaꞌ wan ꞌñaǎn, ¿ni sa ñaꞌan kuꞌniǐn chaꞌ kaja chalyuu ꞌñaǎn nu ja tsaa tii ꞌa? ―ndukwin.
24681	MRK 10:24	Nduwe ꞌa tiꞌ neꞌ nu ngiꞌni xaꞌan chaꞌ ꞌin yu bra kanꞌ, chaꞌ ngwañaꞌan ykwiꞌ yu chaꞌ ꞌin neꞌ kuliyaꞌ. Kanꞌ chaꞌ xiyaꞌ ykwiꞌ Jesús loꞌo neꞌ: ―ꞌWan, yu kuneꞌ ―ndukwin Jesús―, tukwi ꞌa ka chaꞌ ka Ndiose ndloo niꞌ kasiya ꞌin nten, xa nu lye ꞌa ndiya tiꞌ neꞌ nchga chaꞌ suꞌwe nu nsuꞌwi ꞌin neꞌ.
24730	MRK 11:21	Loꞌo nsuꞌwi tiꞌ Tyu chaꞌ nu ykwiꞌ Jesús ꞌin yka kanꞌ ti kaa bra kanꞌ. ―Mstru, ñaꞌaan chinꞌ nde re ―ndukwin Tyu ꞌin Jesús―. Wa ngwityi ti kwiꞌ yka kityi seꞌen nu mstya nuꞌwin yuweꞌ chunꞌ ran.
24929	MRK 15:34	Loꞌo bra wa snan siin, bra kanꞌ kwen msiꞌya Jesús: ―Eloi, Eloi, ¿lama sabactani? ―ndukwin. Nde ñaꞌan ndyoꞌo chaꞌ kanꞌ chaꞌtñan: Ndiose ꞌñaǎn, Ndiose ꞌñaǎn, ¿ni chaꞌ ngulaa yaaꞌ ꞌñaǎn?
25116	LUK 3:22	Ngwiꞌya Tyiꞌi Ndiose seꞌen ndiꞌin Jesús; sa ñaꞌan ndukwi ska kiñi cha kuun, ngwañaꞌan ngwiꞌya Tyiꞌi Ndiose lo jlyuꞌwe Jesús. Bra kanꞌ ynan neꞌ ykwiꞌ Ndiose nde niꞌ kwan: ―Sñiěnꞌ, suꞌwe ꞌa nka tiyeěn ñaꞌaǎn ꞌiin. Ndiya ꞌa tiǎnꞌ ꞌiin ―ndukwin Ndiose ꞌin Jesús.
25304	LUK 7:40	Bra kanꞌ mdyisnan Jesús ykwiꞌ yu loꞌo yu fariseo kanꞌ: ―Simón, ndiya ska chaꞌ nu chkwiǐnꞌ loꞌoo ―ndukwin Jesús ꞌin yu. ―Katsaaꞌ lyaa ꞌñaǎn, yu kula ―ndukwin yu fariseo ꞌin yu bra kanꞌ.
25365	LUK 8:51	Bra nu ngala neꞌ naꞌan tyi Jairo, bra kanꞌ ja mda Jesús chabiyaꞌ chaꞌ sten neꞌ sa tlyu ti loꞌo yu niꞌ ñaꞌan; wa lka ti nten sten loꞌo yu niꞌ ñaꞌan, ndukwin yu. ―Tyu, loꞌo Santiago, loꞌo Xuwa, loꞌo sti loꞌo jyaꞌan ti nu lyuꞌ kwa sten neꞌ niꞌ ñaꞌan re loꞌoǔn ―ndukwin yu.
25383	LUK 9:13	―ꞌWan, ta wan nan ku nchga nten kaꞌan kwa ―ndukwin Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ. ―Chinꞌ ꞌa nan nsuꞌwi ꞌware ―ndukwin neꞌ―. Kiꞌyu ti jaxlya tejeꞌ loꞌo tukwa ti kula loꞌo ꞌwa. Ska ti si tsaa naan ba skwa chaꞌ ku nchga neꞌ re ―ndukwin neꞌ ꞌin Jesús bra kanꞌ.
25453	LUK 10:21	Ska bra ti kanꞌ suꞌwe ꞌa yuꞌwi tiye Jesús chaꞌ ndiꞌin Tyiꞌi Ndiose loꞌo yu. Kanꞌ chaꞌ ykwiꞌ Jesús loꞌo Ndiose Sti yu bra kanꞌ: ―Stiǐn, kuꞌni tnuǔn ꞌin nuꞌwin ni. Nuꞌwin lkaa Ndiose nu lka ndloo la ti nde niꞌ kwan, ngwañaꞌan nuꞌwin lkaa ndloo la lo chalyuu. Wa yuꞌwi kutsiꞌ ti chaꞌ kanꞌ, chaꞌ ꞌin nten nu ngwa ti sꞌni la, chaꞌ ja ngwa biyaꞌ tiꞌ siyaꞌ ti nten nu ngwa ꞌa ꞌin chaꞌ joꞌo; ngwa xuꞌwe ꞌiin chaꞌ sa bra ni, wa ngwaꞌuu suꞌwe chaꞌ kanꞌ ꞌin nten nu ja siyeꞌ, nten nu ja jlyo suꞌwe tiꞌ. Ngiꞌni tnuǔn ꞌiin chaꞌ ngwañaꞌan ngwa tiiꞌ chaꞌ ka ―ndukwin Jesús ꞌin Ndiose.
25473	LUK 10:41	Bra kanꞌ mxkwen Jesús ꞌin Marta: ―Marta, Marta, ndiꞌin ꞌa tñan ꞌiin ―ndukwin Jesús―. Kaꞌan ꞌa chaꞌ ndaꞌan tiyee chaꞌ ꞌin nchga tñan xuwe nu ndiꞌin ꞌiin.
25775	LUK 18:18	Nde kwa mduun ska nten tlyu nu lka ndloo ꞌin neꞌ judío. Bra kanꞌ mnichaꞌ yu kanꞌ ꞌin Jesús: ―Mstru, suꞌwe ꞌa ngiꞌnii nchga tsan ―ndukwin―. ¿Ni sa ñaꞌan kuꞌniǐn chaꞌ kaja chalyuu nu ja tsaa tii ꞌa ꞌñaǎn a? ―ndukwin yu kiꞌyu kanꞌ.
25795	LUK 18:38	Bra kanꞌ kwen ꞌa msiꞌya yu kwityiinꞌ kanꞌ ꞌin Jesús: ―Jesús, sñiꞌ David nu ngwa ayman stii nu yuꞌwi ti sꞌni ―ndukwin yu―, ¡chka tꞌnan tiiꞌ ꞌñaǎn ni! ―ndukwin yu.
25796	LUK 18:39	Nten nu ndukwa loo la, kanꞌ msiꞌya loꞌo neꞌ ꞌin yu chaꞌ ka tiin yu chaꞌ nxiꞌya yu; loꞌo ja ynan yu, kwen la msiꞌya yu bra kanꞌ: ―Nuꞌwin, nu lkaa taꞌa nten ꞌin ayman David ―ndukwin yu―, ¡chka tꞌnan tiiꞌ ꞌñaǎn!
25902	LUK 21:7	Bra kanꞌ mnichaꞌ neꞌ ꞌin Jesús: ―Mstru, ¿ni sa ñaꞌan bra ka chaꞌ kanꞌ a? ―ndukwin neꞌ ꞌin Jesús―. ¿Ni sa ñaꞌan ka chaꞌ ka biyaꞌ tiꞌ ba xa wa ka ti chaꞌ kuxi kanꞌ a?
26050	LUK 23:46	Loꞌo kwen ꞌa msiꞌya Jesús: ―Stiǐn, tiꞌyaa kasiya ꞌñaǎn ―ndukwin yu. Bra wa ykwiꞌ yu chaꞌ kanꞌ, bra ti ngujwi yu bra kanꞌ.
26677	JHN 12:28	Kanꞌ ykwiꞌ Jesús loꞌo Ndiose Sti yu: ―Stiǐn, suꞌwe la ka tnun la nuꞌwin. Ynen ykwiꞌ Ndiose niꞌ kwan bra kanꞌ. Nde lka chaꞌ nu ykwiꞌ Ni: ―Wa lka ngiꞌni tnun nten chalyuu ꞌñaǎn ykwiǐnꞌ, kwiꞌ ngwañaꞌan ti kuꞌni tnun la neꞌ ꞌñaǎn xiyaꞌ chunꞌ tñan nu ngiꞌni nuꞌwin ―ndukwin Ndiose ꞌin Jesús.
26724	JHN 13:25	Kanꞌ chaꞌ ndyaa xñi tloo yu kanꞌ kwiꞌ seꞌen la seꞌen ndukwa Jesús bra kanꞌ. Mnichaꞌ yu ꞌin Jesús: ―Xꞌnaǎn, ¿ti ka lka nu kanꞌ a? ―ndukwin.
26982	JHN 21:15	Xa wa mdyii yku lomsaa neꞌ, bra kanꞌ mnichaꞌ Jesús ꞌin Tyu Simón: ―Simón, sñiꞌ Jona ―ndukwin Jesús ꞌin yu―, ¿ta nsuꞌwi la tiyee ñaꞌan ꞌñaǎn a? ¿O ta nsuꞌwi la tiyee ñaꞌan ꞌin taꞌa suꞌwe nsuꞌwii a? Bra ti mxkwen Tyu ꞌin Jesús: ―Wa jlyo tiiꞌ, Xꞌnaǎn, chaꞌ suꞌwe ꞌa nsuꞌwi tiyeěn naꞌaǎn ꞌiin ―ndukwin Tyu ꞌin Jesús. ―Kwaꞌuu lyaa chaꞌ ꞌñaǎn ꞌin nten nu tka yten chaꞌ ꞌñaǎn sikwa, ñaꞌan tiꞌ si ñaꞌansiin ꞌin slyaꞌ kuneꞌ ti ꞌñaǎn ―ndukwin Jesús ꞌin Tyu.
26983	JHN 21:16	Loꞌo ykwiꞌ Jesús loꞌo yu xiyaꞌ bra kanꞌ: ―Simón, sñiꞌ Jona ―ndukwin―, ¿ta chañi ꞌiin chaꞌ suꞌwe nsuꞌwi tiyee ñaꞌan ꞌñaǎn a? ―Xꞌnaǎn, wa jlyo tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin ―ndukwin Tyu ꞌin Jesús. ―Ñaꞌansiin ꞌin nten ꞌñaǎn sikwa, ñaꞌan tiꞌ si ñaꞌansiin ꞌin slyaꞌ ꞌñaǎn ―ndukwin Jesús ꞌin yu bra kanꞌ.
27003	ACT 1:11	Ykwiꞌ nten nu ngaten steꞌ kanꞌ loꞌo neꞌ kanꞌ: ―ꞌWan, neꞌ Galilea ―ndukwin―. ¿Ni chaꞌ lka nduun wan naꞌan kwiꞌya wan nde niꞌ kwan a? ―ndukwin neꞌ―. Jesús nu tka mxnun ti ꞌwan chunꞌ ndyaa Ni niꞌ kwan, ti kan Ni lo chalyuu xiyaꞌ nde loo la. Sa ñaꞌan naꞌan wan ꞌin Ni bra nu ndyaa Ni, kwiꞌ ngwañaꞌan ñaꞌan nten ꞌin Ni bra nu kan Ni xiyaꞌ ―ndukwin yu nu ngaten steꞌ bra kanꞌ.
27008	ACT 1:16	―ꞌWan, taꞌa ndiꞌian re ―ndukwin Tyu ꞌin neꞌ kanꞌ―, nu ngwa sꞌni mdayaꞌ Tyiꞌi Ndiose ꞌin ayman David chaꞌ ngwaꞌan ayman kanꞌ kityi nu ykwiꞌ nde loo la sa ñaꞌan chaꞌ kuxi ka nu kuꞌni ayman Juda. Juda ngwa nu ngwaꞌu tuwiin ꞌin neꞌ xaꞌan chaꞌ msñi neꞌ ꞌin Jesús presu; sa ñaꞌan nu nganun chaꞌ ka ꞌin yu, ngwañaꞌan ngwa chaꞌ kanꞌ.
27016	ACT 1:24	Ykwiꞌ neꞌ kanꞌ loꞌo Ndiose bra kanꞌ: ―Ndiose, Xꞌnan ba ―ndukwin neꞌ―, jlyo tiiꞌ sa ñaꞌan nka tiye nchga nten chalyuu. Kwaꞌuu ꞌwa ti ka ska nu kiꞌyu re nu ngulo suwii ꞌin yu ni,
27032	ACT 2:14	Loꞌo mdyituun Tyu loꞌo tii xka nten kanꞌ, kwen ykwiꞌ yu loꞌo nten kaꞌan kanꞌ bra kanꞌ: ―ꞌWan, neꞌ kula neꞌ judío ―ndukwin Tyu―, loꞌo nchga wan nu ndiꞌin kichen Jerusalén tsan ni ―ndukwin yu―, kunan suꞌwe wan chaꞌ nu chkwiǐnꞌ loꞌo wan ―ndukwin yu―.
27077	ACT 3:12	Naꞌan Tyu chaꞌ mdiyan kaꞌan ꞌa nten seꞌen nduun, kanꞌ chaꞌ ykwiꞌ yu loꞌo nten kanꞌ, nchga chaꞌ nu ngwa ꞌin yu tiꞌí kanꞌ: ―ꞌWan, neꞌ Israel ―ndukwin Tyu ꞌin neꞌ―, ¿ni chaꞌ lka nduwe ꞌa tiꞌ wan ni a? ―ndukwin―. Nduun ti wan naꞌan kwiꞌya ꞌa wan ꞌwa ―ndukwin―. Nduwe ꞌa tiꞌ wan ñaꞌan wan nan ka ngwa ꞌwa loꞌo nu kiꞌyu re. Ndukwin wan chaꞌ nchka ꞌa ꞌwa, chaꞌ bare yꞌni ba chaꞌ nchkaa yu re chunꞌ suꞌwe ꞌa ngiꞌni ba nchga tsan, nxkeꞌ tiꞌ wan. Siꞌi ngwañaꞌan. Jesús lka nu yꞌni chaꞌ nchkaa kiyaꞌ yu re.
27099	ACT 4:8	Loꞌo suꞌwe ꞌa mdayaꞌ Tyiꞌi Ndiose ꞌin Tyu bra kanꞌ, chaꞌ ngwa ꞌin yu mxkwen yu ꞌin neꞌ nu lka ndloo la, loꞌo ꞌin yu kula kanꞌ: ―ꞌWan, yu kula nu nka ndloo la ꞌwa ―ndukwin Tyu ꞌin neꞌ―,
27153	ACT 5:25	Bra kanꞌ mdiyan ska nten seꞌen ndiꞌin neꞌ: ―¿Ja jlyo tiꞌ wan la nde yaꞌ ndiꞌin neꞌ nu msuꞌwa wan niꞌ ñaꞌan chkwan kaa a? ―ndukwin yu ꞌin neꞌ kula kanꞌ. ―Ni, mdiya neꞌ kanꞌ niꞌ lyaa tnun nduꞌu neꞌ ꞌin nten nde kwa.
27163	ACT 5:35	Bra wa mdoꞌo neꞌ kanꞌ ykwiꞌ Gamaliel loꞌo nchga yu kula bra kanꞌ: ―ꞌWan, lka wan ndloo la ꞌin neꞌ Israel ―ndukwin yu ꞌin neꞌ―, suꞌwe la si kiꞌyaan kwenta ni sa ñaꞌan tñan kuꞌnian loꞌo neꞌ kwa ―ndukwin―.
27187	ACT 7:2	Mxkwen Steba ꞌin yu kula bra kanꞌ: ―ꞌWan, neꞌ kula; ꞌwan, neꞌ taꞌa kichen tyian ―ndukwin yu―, kuꞌni wan chaꞌ tlyu tiꞌ ꞌñaǎn, chkwiǐnꞌ chinꞌ loꞌo wan ―ndukwin yu―. Tlyu ꞌa chaꞌ ndiꞌin ꞌin Ndiose nu ngiꞌni tnuan ꞌin. Nu ngwa sꞌni ngwaꞌu tloo Ndiose ꞌin ayman Abraham ꞌñaan. Ti ndiꞌin yu kanꞌ kichen tyi yu, nde lo yuu ꞌin Mesopotamia bra kanꞌ, chaꞌ ja ya kala yu kichen Harán nu ngwa bra kanꞌ.
27244	ACT 7:59	Laja nu nguun neꞌ kee ꞌin Steba, ykwiꞌ yu loꞌo Jesús: ―Jesús, Xꞌnaǎn ―ndukwin Steba―, kuꞌnii chaꞌ suꞌwe kan yꞌyaa kasiya ꞌñaǎn.
27289	ACT 9:4	Mlyuu yu lyuu bra nu ynan yu chaꞌ nu ykwiꞌ Ni loꞌo yu: ―Saulo, Saulo ―ndukwin Ni―, ¿ni chaꞌ lye ꞌa nxuun loꞌoǔn a?
27302	ACT 9:17	Bra kanꞌ ndyaa Ananías seꞌen ndiꞌin Saulo tuꞌ naꞌan tyi Juda kanꞌ. Yten Ananías niꞌ ñaꞌan, mstya yaꞌ yu chunꞌ Saulo, ykwiꞌ yu loꞌo bra kanꞌ: ―Saulo, taꞌaǎn ―ndukwin yu―. Ti kwiꞌ Jesucristo nu nka Xꞌnaan wa ngwaꞌu tloo ꞌiin tuwiin seꞌen ndijyaan kichen re. Loꞌo ni, wa ngulo Xꞌnaan tñan ꞌñaǎn chaꞌ kaǎn seꞌen ndiꞌiin re, chaꞌ kuꞌniǐn joꞌó kiloo, chaꞌ ka ñaꞌaan xiyaꞌ; kanꞌ chaꞌ ndijyaǎn seꞌen ndiꞌiin ni, chaꞌ loꞌo kanun Tyiꞌi Ndiose niꞌ kasiya ꞌiin.
27518	ACT 15:7	Lye ꞌa ykwiꞌ luwe neꞌ chaꞌ kanꞌ; chunꞌ ndiꞌin la mdyituun Tyu, ykwiꞌ yu loꞌo neꞌ bra kanꞌ: ―ꞌWan, taꞌa msñian chaꞌ ꞌin Jesucristo ―ndukwin Tyu―. Jlyo tiꞌ wan ti ka nu lkaǎn. Ti kulo ngulo suwi Ndiose ꞌñaǎn xa nu ti mdiꞌiǐn loꞌo wan, chaꞌ tsaꞌaǎn kwaꞌuǔn ꞌin neꞌ xka laꞌa tsuꞌ sa ñaꞌan ndlaa Jesús ꞌin nten chalyuu ꞌin chaꞌ kuxi. Loꞌo mdiya neꞌ kanꞌ nu msñi neꞌ chaꞌ ꞌin Jesús bra kanꞌ.
27524	ACT 15:13	Bra wa mdyii ykwiꞌ Bernabé loꞌo Palyu loꞌo neꞌ, bra kanꞌ mdyisnan Santiago ykwiꞌ yu loꞌo nchga neꞌ bra kanꞌ: ―ꞌWan, taꞌa msñian chaꞌ ꞌin Jesucristo ―ndukwin Santiago ꞌin neꞌ―, kunan suꞌwe wan chinꞌ chaꞌ nu chkwiǐnꞌ loꞌo wan ni.
27582	ACT 16:30	Loꞌo ngulo yu ꞌin neꞌ niꞌ ñaꞌan chkwan bra kanꞌ. ―ꞌWan, neꞌ kula ―ndukwin yu ꞌin Palyu loꞌo Sila―, neꞌ xaꞌan ꞌa lkaǎn. ¿Ni sa ñaꞌan kuꞌniǐn chaꞌ lyaǎn ꞌin chaꞌ kuxi a? ―ndukwin nu nka ndloo kanꞌ.
27591	ACT 16:39	Bra ti ndyaa wse tuꞌ naꞌan chkwan bra kanꞌ: ―ꞌWan, yu kula ―ndukwin wse kanꞌ ꞌin Palyu loꞌo Sila―, kuꞌni wan chaꞌ tlyu tiꞌ ꞌwa ―ndukwin. Ngulaa neꞌ ꞌin Palyu loꞌo Sila bra kanꞌ. ―Kuꞌni wan chaꞌ suꞌwe tyaa wan xka kichen ―ndukwin neꞌ ꞌin Palyu loꞌo Sila.
27614	ACT 17:22	Kanꞌ chaꞌ mdyituun Palyu tloo neꞌ kula kichen nde Areópago kanꞌ, ykwiꞌ yu loꞌo neꞌ kula bra kanꞌ: ―ꞌWan, neꞌ Atenas ―ndukwin Palyu ꞌin neꞌ―. Wa naꞌaǎn chaꞌ ndyaa ñaꞌan ꞌa tiꞌ wan ꞌin joꞌo nu ndiꞌin ꞌwan ―ndukwin yu―.
27679	ACT 19:25	Kanꞌ ndyoꞌ tiꞌin nchga nten ꞌin Demetrio kanꞌ, loꞌo nchga kwityi plata nu ndiꞌin kichen kanꞌ, ndyoꞌ tiꞌin neꞌ ska seꞌen ti bra kanꞌ. ―ꞌWan, taꞌa ngiꞌnian tñan ―ndukwin Demetrio ꞌin neꞌ―, jlyo tiꞌ wan chaꞌ ndijyan ꞌa kanan ꞌñaan loꞌo tñan nu ndiya ꞌñaan ―ndukwin yu―.
27689	ACT 19:35	Loꞌo kanꞌ yꞌni skaranu kichen chaꞌ ka tiin nten kaꞌan kanꞌ: ―ꞌWan, neꞌ Efeso ―ndukwin skaranu kanꞌ ꞌin neꞌ kichen―, jlyo tiꞌ nten tyukwi ñaꞌaan chalyuu chaꞌ taꞌaan ñaꞌansian ꞌin laa ꞌin jyaꞌaan joꞌo Diana ―ndukwin skaranu―. Lka chaꞌ ñaꞌansian ꞌin ti kwiꞌ joꞌo Diana nu mdoꞌo la niꞌ kwan mdiyuu lo chalyuu re.
27773	ACT 22:1	―ꞌWan, neꞌ kula, neꞌ taꞌaan ―ndukwin Palyu ꞌin neꞌ―, kunan suꞌwe wan chaꞌ nu chkwiǐnꞌ loꞌo wan ni ―ndukwin―, si ka lyaǎn loꞌo chaꞌ nu chkwiǐnꞌ loꞌo wan.
27803	ACT 23:1	Wa ndyoꞌ tiꞌin nchga neꞌ kula. Loꞌo ñaꞌan ꞌa Palyu ꞌin neꞌ kula nu kuꞌni biyaꞌ ꞌin yu bra kanꞌ. ―ꞌWan, yu kula taꞌaan ―ndukwin Palyu ꞌin neꞌ bra kanꞌ―, nchga tsan suꞌwe ngiꞌniǐn seꞌen ndiꞌiǐn lo chalyuu. Luwi kasiya ꞌñaǎn tloo Ndiose.
27807	ACT 23:5	―ꞌWan, yu kula taꞌaan ―ndukwin Palyu―, ja jlyo tiǎnꞌ si xꞌnan sti joꞌo lka ni kwa. Ja suꞌwe chaꞌ nu nchkwiǐnꞌ si ngwañaꞌan, chaꞌ jlyo tiǎnꞌ chaꞌ re nu ndukwa lo kityi ꞌin Ndiose: “Ja chkwiꞌ wan chaꞌ kuxi ꞌin xꞌnan wan”.
27808	ACT 23:6	Ngwa biyaꞌ tiꞌ Palyu bra kanꞌ chaꞌ ndiꞌin neꞌ fariseo, loꞌo ndiꞌin chinꞌ neꞌ saduceo laja yu kula kanꞌ. Kanꞌ chaꞌ kwen ykwiꞌ Palyu xiyaꞌ bra kanꞌ: ―ꞌWan, yu kula taꞌaan ―ndukwin yu ꞌin neꞌ―, neꞌ fariseo lkaǎn ―ndukwin Palyu―, loꞌo ngwañaꞌan neꞌ fariseo ngwa stiǐn. Ngiꞌni biyaꞌ wan ꞌñaǎn chunꞌ nu ndyaa ñaꞌan tiǎnꞌ chaꞌ ndiꞌin chaꞌ tyuꞌu nchga ayman xiyaꞌ nde loo la.
27944	ACT 27:21	Wa ngwa tyun tsan nu ja siyaꞌ yku ba, kanꞌ chaꞌ mdyituun Palyu chaꞌ chkwiꞌ yu loꞌo nten kanꞌ bra kanꞌ: ―ꞌWan, neꞌ taꞌa ndaꞌaan ―ndukwin Palyu ꞌin neꞌ―, suꞌwe la ngwa si wa ynan wan chaꞌ nu ykwiǐnꞌ loꞌo wan ti kulo, chaꞌ kanuun laan nde lo yuu Creta kanꞌ. Loꞌo ni, mnaꞌ yuꞌwa ꞌwan, kwiꞌ ngwañaꞌan ngwa ñuꞌun yka naꞌan re.
27984	ACT 28:17	Wa mdiya snan tsan ti nu ngala ba kichen Roma, bra kanꞌ msuꞌwa Palyu ska rsun ndyaa seꞌen ndiꞌin neꞌ kula ꞌin taꞌa neꞌ judío nu ndiꞌin kichen kanꞌ. Ndyoꞌ tiꞌin neꞌ seꞌen ndiꞌin Palyu bra kanꞌ: ―ꞌWan, neꞌ kula taꞌaan ―ndukwin Palyu ꞌin neꞌ―, ja ska chaꞌ kuxi yꞌniǐn loꞌo neꞌ judío taꞌaan; ja ska chaꞌ kuxi yꞌniǐn chaꞌ ꞌin chaꞌ kula nu ndyaa ñaꞌan tianꞌ taꞌaan, nu mda ayman kula ꞌñaan sꞌni. Msñi nten ꞌñaǎn nde Jerusalén, yꞌni neꞌ presu ꞌñaǎn, kanꞌ mda neꞌ ꞌñaǎn yaꞌ neꞌ romano.