26	GEN 1:26	Geb degi, Bab-Dummad sogdebalid: “Emisgindi, anmar, dule-obinyesun, anmar-sunnague anmar imakoed. Dulede, we-ibmar-durganmargi gangued-nika guoed: Uamargi, nuumargi, ibmar-durgan-sunna-akwilemaladgi, ibmar-durgan-sapurbarmaladgi, ibmar-durgan-napagi-garmakdimaladgi, bela we-ibmarmargi we-napneggi gangued-nika guoed.”
39	GEN 2:8	Geb degine, Bab-Dummad-Jehová dad-nakwedsik, Edénʼgi nainu-nued nasiksad. Agi, Bab-Dummad-Jehová we-dule-obinnisad ogwisnonikid.
41	GEN 2:10	Degine, Edénʼgi diwar maid. Agi, e-saila-siid. A-diwar nainu-nued ogmaid. A-diwar ana-sogabake nikad.
46	GEN 2:15	Nainu-nued-Edén-akwega, Bab-Dummad-Jehová, dule-ogwisnonikid, agi arbaegar.
55	GEN 2:24	A-ulale, machered e-babgi bangudoed, e-nangi bangudoed. Geb machered e-ome-ebo garmakdii guoed. Ebogwadi, san-wargwennagwadga gunonikoed.
56	GEN 2:25	Deunni, Adán, Eva-ebogwa, uka-swili garmakdimalad, gwen binged nikasurmalad.
57	GEN 3:1	Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’
62	GEN 3:6	Ome sapi-san-dakdegu, dakalid, sapi-san yeerdaklege, nued-gulle-daklege, degine, nue-ibmar-wisi sunna dule-imake daklege. Degisoggu, ome sapi-san-gwachagu, guchad. Geb ome e-suiga uksamogad. E-suide guchamogad.
70	GEN 3:14	Geb degine, Bab-Dummad-Jehová naibega sogded: “Ar weyob be imaksasoggu, ibmar-durgan-akwilemaladba, degi, ibmar-durgan-sapurbarmalad-baiganba, bedi bur bule be ukabsalesun. Emi-iba-onodedgi, be napagi unimakdii gusun, degine, be-burgwedse, napa-madii be gusun.
76	GEN 3:20	Ar omede bela dulemar-dula-gunonikoed-e-nanga guosoggu, Adán na e-ome Evaʼye onugsasad.
78	GEN 3:22	Geb degine, Bab-Dummad-Jehová sogded: “Emigindi, dule anmar-sunnaa gunonimogad. Dulemarde ibmar-nued-wisi, degine, ibmar-isgana-wisi gunonikid. Ar dule sapi-e-san-dula-dule-imaked-guchale, degisadegu dula-gudii guoed. Degisoggu, melle dulemar we-sapi-e-san gwanegala, degi, melle gunnegala, dulemar-nainu-nuedgi-gudiid, an onogoed.”
79	GEN 3:23	Degisoggu, a-ular, Bab-Dummad-Jehová, nainu-nued-Edénʼgi dule-gudiid onossunnad. Degine, napagi-arbaega dule-imaksad. Ar ade, napagi dulede danikid.
81	GEN 4:1	Adán e-ome-Evaʼse-gochagu, Eva gurgin-nika gunonikid. Evaʼga susugwa uklenonikid, Caínʼye onugsasad. Ar Eva sogded: “Bab-Jehová na e-sogedba susugwa anga uksad.”
82	GEN 4:2	Geb a-sorba, Evaʼga Abel uklenonikid, Caín-e-urba. Abel sibad-wawaad-edarbedga gusad. Caínʼdi sapurba-arbaed-dulega gusad.
85	GEN 4:5	Bab-Jehová Caín-yeer-daksasulid, degine, ega-ibmar-senonikid amba yeer daksasurbalid. A-ulale, Caín bela-bela sae-itoalid. E-wagar-daklegedi magar-dakleged, nue sae-itoged.
87	GEN 4:7	Ar ibmar-nued be imakele, ¿an be-abingassurmogar be insae? Eye, an be-abingasmogale. Ar emigindi, be ibmar-nued imaksursoggu, isgued begi-aibinega guakwaa be-edarbediid. Degi-inigwele, sunna isguedgi be obined.”
90	GEN 4:10	Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’
96	GEN 4:16	Caín Bab-Jehováʼgi bangudgu, Nod-yargi megidapid. Nod-yarde Edén-dad-nakwedsik naid.
97	GEN 4:17	Caín e-omese-gochagu, e-ome gurgin-nika gunonikid. Machigwa-ega-uklesad, Enocʼye onugsasad. Caín, neggwebur urbenonikid. E-machi-nugba, we-neggwebur Enocʼye onugsanonikid.
98	GEN 4:18	Enoc, Irad-e-babad. Iradʼdi, Mehujael-e-babad. Mehujaelʼdi, Metusael-e-babad. Metusaelʼdi, Lamec-e-babmogad.
102	GEN 4:22	Zilaʼdi machigwa-nikunonimogad. Tubal-Caínʼye a-machigwa onugsasad. Tubal-Caín-inse esgoro-gordikidgi-ibmar-sobed onoded, degi, esgorogi-ibmar-sobed onodbalid. Tubal-Caín bun-wargwen nikusad. E-bunde, Naamaʼye nugad.
105	GEN 4:25	Adán e-omese gochabargu, Eva susugwa-nikunonikid. Geb Eva sogded: “Caín, e-urba-Abel-oburgwissoggu, Bab-Dummad susugwa anga Abel-anar uknonikid.” A-ular, Eva a-susugwa Setʼye onugsasad.
106	GEN 4:26	Set machigwa-nikusmogad, Enósʼye onugsasad. A-ibagan-akar, dulemar Bab-Jehováʼse gotemalad.
112	GEN 5:6	Set birga-dulatar-gakatar-nikadgi (105), e-machi-Enós gwalulesad.
115	GEN 5:9	Enós birga-dulabake-gakambe-nikadgi (90), e-machi-Cainán gwalulesad.
116	GEN 5:10	A-sorbali, Enós, birga-dulataled-ilabaabak gakambe-gakatar (815) napi-gudii gusad. Enós, machimala-baigan nikusbalid, degine, bunamala nikusbalid.
117	GEN 5:11	Degisoggu, Enós, bela birga-dulataled-ilabakebak gakatar (905) dula-gudii gusad. Degi-birga-nika Enós burgwisad.
124	GEN 5:18	Jared, birga-dulabaabak-gakabo-nikadgi (162), e-machi-Enoc gwalulesad.
127	GEN 5:21	Enoc, birga-dulapaa-gakatar-nikadgi (65), e-machi-Matusalén gwalulesad.
128	GEN 5:22	Matusalén-gwalulesad-sorba, Enoc, birga-dulataled-ilapaa (300) Bab-Dummad-walikaa nanadii gusad. Enoc, machimala-baigan nikusbalid, degine, bunamala nikusbalid.
129	GEN 5:23	Degisoggu, Enoc, bela birga-dulataled-ilapaa gaka dulapaa-gakatar (365) dula-gudii gusad.
130	GEN 5:24	Ar Enoc, Bab-Dummad-walikaa nanadii gussoggu, ibagwengi sate daklealid, ar ade, Bab-Dummad na-sesad.
153	GEN 6:15	Weyob ur-dungu be soboed: E-sugued, dali-dulapaa-gakambe-gakatar (75) be imako. E-matardungueddi, daliambe-gakabo-abala (12½) be imako. E-nibgued, daligugle-abala (7½) be imakbalo.
161	GEN 7:1	Geb a-sorba, Bab-Jehová Noéʼga sogded: “Emi-ibagangi, dulemar-bukwad-abargi, unnila bebi an-asabin inniki nanadiid. Degisoggu, be, be-gwenadganmala ur-dummadyaba be doge.
173	GEN 7:13	Noé, ur-dummadyaba-dogsad-ibagi, wemar eba dogsamarmogad: E-ome, e-machi-Sem, e-machi-Cam, e-machi-Jafet, degi, e-masmala-omegan. We-dulemarbi ur-dummadyaba dogsamalad.
195	GEN 8:11	Bato nue neg-mutikguali, nuu gannar nonikid. E-nugargi olivo-gagan senonikid. Agi, Noé nabir neg-nue-dingumaid mag daksad.
228	GEN 9:22	Canaán-e-bab-Cam, e-bab-Noé uka-swiri-mai-daksagu, nodegusad. E-iamar-warbogwad-magaba-gwichidga sogdapid.
230	GEN 9:24	Noé nue-wibamasgu, atakalid. E-machi-bipigwad igi e-imaksa deyob, wisgusgu sogded:
239	GEN 10:4	Javán-masmaladi, wemalad: Elisa, Tarsis, Quitim, degi, Dodanim.
245	GEN 10:10	Nimrod, we-neggweburmargi negsemai gusad: Babelʼgi, Erecʼgi, Acadʼgi, degi, Calneʼgi. We-neggweburmar, Sinar-yargi bukwagusad.
255	GEN 10:20	Wemar, Cam-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
257	GEN 10:22	Sem-masmala, wemalad: Elam, Asur, Arfaxad, Lud, degi, Aram.
266	GEN 10:31	Wemar Sem-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
268	GEN 11:1	Epennegwa, bela dulemar unnila gaya-gwennaa sunmakmalanad.
298	GEN 11:31	Taré Canaán-yarse-naega Caldea-dulemar-yargi Ur-neggweburgi noar gusad. Taré na eba wemar sear gusad: E-machi-Abram, e-wagwa-Lot Harán-machi, degine, e-bala-Sarai e-machi-Abram-ome. Degi-inigwele, Taré, Harán-neggweburse-mosgu, agi megidapmalad.
304	GEN 12:5	Abram Canaán-yalase-argua, wemar eba sealigusad: E-ome-Sarai, e-niga-Lot, e-maimar-Haránʼgi-amisad. Degine, na ibmar-nikad bela sealigusbalid. Abram, degi, eba-nadapmalad Canaán-yarse modapmarsunnad.
309	GEN 12:10	Deunni, a-ibagangine, bela Canaán-yargi ukud-dummad nagunonikid. Ar Abram na e-maidgi mas-satesoggu, Abram Egipto-yarse sikwas megnad gusad.
310	GEN 12:11	Abram Egipto-yarse warmakdanigu, e-ome-Saraiʼga sogded: “Omegwa, an wisdo, be yeerdakleged.
311	GEN 12:12	Degisoggu, Egipto-dulemar be-dakalile, sogdamaloed: ‘We-omegwa, we-machered-e-omeye.’ Andi an-oburgwemaloed, bedi be-oburgosurmalad.
313	GEN 12:14	Abram Egipto-yarse modapgu, Egipto-dulemar dakalid, Sarai bela-bela yeerdaklege.
318	GEN 12:19	Emide, be anga sogsad, we-ome, an-bunye. Ar emide sunna an-omega an imaked-nagad. ¡Be-ome na be sede! ¡Be nae!”
319	GEN 12:20	Geb degine, Faraón na e-sordamarga igar-uksad, Abram, e-ome, degi, bela ibmar-nikad sedoye, Egipto-yargi-naed imakoye.
320	GEN 13:1	Abram Egipto-yargi-noargu, e-ome, degi, bela na ibmar-nikadi sealid. E-niga-Lot eba aligusmogad. Amar Neguev-yalaganse gannar nonimalad.
324	GEN 13:5	Lot amba dule-mani-ibedmogad. E-gilor-Abramʼyob sibad-wawaadmar, moli-bebe-nikamalad, degi, dordonegmar nikamogad.
328	GEN 13:9	Emi be dakena, napa unniguar be-asabin naid. Degisoggu, be-abegedba na be sudo, igid bur be suoe. Degisoggu, angi be bangusun. Ar be argan-sapiledsik naye be sogele, andi argan-nuedsik naoed. Argan-nuedsik be naye sogele, andi argan-sapiledsik naoed.”
329	GEN 13:10	Lot bela Jordán-diwarsik Zoar-neggweburse neba-naid dakded. A-nebagi dii nue-nika, degine, Bab-Jehová-nainu-nuedyob-daklege dakalid. E-daklegedde Egipto-yaryob daklebalid. Ar Bab-Jehová Sodoma-neggwebur, degi, Gomorra-neggwebur-obelogoed-iduale, we-neggweburmar yeer daklegenad.
338	GEN 14:1	Deunni, we-reymar negdakmamaid: Sinar-e-rey-Amrafel, Elasar-e-rey-Arioc, Elam-e-rey-Quedorlaomer, degi, Goim-e-rey-Tidal, wemar, neg-dakmaid.
342	GEN 14:5	Birgagwen-nasad-sorba, Quedorlaomer, degine, reymar-eba-nanaimalad Astarot-Karnaim-yalagansik bila-ononadmalad. Agine Refa-dulemargi nakwismalad. A-sorba, Hamʼgi Zuz-dulemargi nakwismalad. Geb Save-Quiriataimʼgi Emita-dulemargi nakwismalad.
344	GEN 14:7	Quedorlaomer, degine, reymar-eba-gudidimalad we-dulemar-sogabakegwadgi-nakwisgu, gannar aibiris armalad. Geb Enmispatʼye-neg-nugadse nonimalad. We-Enmispatʼde, Cadesʼye nugbalid. Rey-Quedorlaomer, degi, reymar-eba-gudidimalad Amalec-dulemar-yalaganba bela ibmar obelonadap gusmalad. Deyob Amorreo-dulemar-imaksamarbalid. We-Amorreo-dulemarde Hazezon-Tamar-yalagangi bukwamalanad.
346	GEN 14:9	Agi, we-reymar-e-ataled, baigan-reymar-warbakegwadbo uludmalad. Ebo-ulusmaladi, wemalad: Elam-e-rey-Quedorlaomer, Goim-e-rey-Tidal, Sinar-e-rey-Amrafel, degi, Elasar-e-rey-Arioc, we-reymar ulusmaladid.
347	GEN 14:10	Dakargua, bela Sidim-nebagi yaa-dummagan-bukidar-bukwa nanaed. We-yaa-dummagande barya-yaisur nikad. Sodoma-e-rey, degi, Gomorra-e-rey urwenanaigua, wakite gusmalanad. Degi-inigwele, yaa-dummadgi argwatapmalad. E-sordamar-baigandi yalaganba wakitemalad.
350	GEN 14:13	Ar dule-wargwen nabir wakichasoggu, Abramʼga bela ibmar sognonikid. Abramʼde Hebreo-duled. Abramʼde Amorreo-dule-e-sapi-dummagan-walik maid. We-Amorreo-dulede Mamreʼye nugad. Mamreʼdi, gwenadgan nikad, amarde wemalad: Escol, Aner. Wemala, Abramʼba naimaladid.
361	GEN 14:24	Andi an ibmar abesulid. Unnila sapingana-anba-gudidimalad-e-mas-guchamaladbi anga unnigualed. Degine, dule-anba-arbimalad, Aner, Escol, degi, Mamre, amardi igar-maidba ibmar sumaloed.
363	GEN 15:2	Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.
365	GEN 15:4	Bab-Jehová Abram-abin sogded: —Suli, degisuli. Be-sorba ibmar-bela-gaoedi, be-machi-sunnad bela be-ibmar gaoed. We-Eliezerʼdi suli.
379	GEN 15:18	A-ibagi, Bab-Jehová Abram-ebo igar mesisad. Agi Abramʼga sogded: —We-yala be-waganga an ukoed, Egipto-diwar-maid-akar, diwar-dummad-Éufrates maidse.
383	GEN 16:1	Sarai e-sui-Abramʼga geg mimmi bake gusad. Saraiʼde e-mai-Egiptoʼgined nikad, Agarʼye nugad.
385	GEN 16:3	Deunni, Abram birgambegus (10) Canaán-yargi maid. Geb a-ibagangine, Sarai bunagwa-Egiptoʼgined-Agarʼye-nugad, Abramʼga urmaksad, ese golegar.
387	GEN 16:5	Geb degine, Sarai Abramʼga sogded: —¡Be-ular, emide, Agar ibgwensur an-dakalid! An-sunnad an bega Agar-urmaksad, ese be golegar. Ar emide, mimmi-nikuo-itogedba, anba bur dummarba san-imaked. Emigindi, Bab-Jehová sogoed, wede doagi ataklegoe: Begine, igi angine.
403	GEN 17:5	Ar dulemar-yar-baid-baidgi-ambikumaloed-e-dad-dummadga an be-imakosoggu, be bar Abramʼye nugguosulid. Emi-onodoedgine, Abrahamʼye be nugguoed.
406	GEN 17:8	Emi, Canaán-yala be-yalasur-inigwele, degite, a-yalagi be garmakdiid. We-Canaán-yalade, bela degisadegu an bega uked, degi, be-sorba, be-waganga an ukbaloed. A-yalade, degisadegu bemargadga guoed. Deginbali, ani, an be-wagan-e-Bab-Dummadga gubaloed.
410	GEN 17:12	Emi-ibagan-onodoedgi, bela masmala, ibabaabakgus (8) gwalulegedgi e-abgan-uka-duku ega siklegoed. Deyob degibi be-wagan be imakmarmogoed. Be-wagansurmalad amba deyob imakmarmogoed. Be-mai be-neggi gwalulesaddibe, be-mai manigi be dule-baidse baksaddibe, amba deyob be imakbaloed.
413	GEN 17:15	Geb degine, Bab-Dummad Abrahamʼga sogdebalid: —Be-ome bar Saraiʼye nugguosulid. Emi-onodoedgine, Saraʼye nugguoed.
414	GEN 17:16	Be-omegi ise-nued an binsaoed. Bemarga machigwa an ukoed. Eye, napiragwa, be-omegi ise-nued an binsaoed. Sara dulemar-yar-baid-baidgi-ambikumaloed-e-nanaga guoed, degine, e-wagana dulemar-e-reyga gumaloed.
418	GEN 17:20	”Emi, be-machi-Ismaelʼga be ibmar-egichisadi, an be-itosbalid. Be-machi-Ismaelʼgine ise-nued an binsamogoed. Mimmigan-bukidar-nikuega an imakoed, degine, wagan-bukidar-merguega an imakbaloed. Ismael, dule-dummagan-nuga-nikamalad e-ambe-gakabogwad-e-dadga (12) an imakoed, degine, e-dulamar ichesur an imakoed.
427	GEN 18:2	Abraham atakdegu, dakded, machergan-walapaa gwichi. Deyob dakdegu, Abraham abindaknaega gwichibin imaksad. Ese modapgu, a-dulemar-abin napase e-bebe-ebulegedse dulluu imaksad.
450	GEN 18:25	Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”
461	GEN 19:3	Degi-inigwele, Lot amargi alamaknai gusad. Geb a-warbogwad sogdemarsunnad: “Eye, anmar beba naoe.” Geb Lot-negse modapmargu, Lot amarga mas-nued imaksad, ega madu-inasulid imaksad. Ebogwad nue-mas guchamalad.
467	GEN 19:9	Dulemar-oimakbukwad Lot-abin sogdemalad: —¡Be ainire! Be anmar-neggweburginedsulid. ¿Be anmar-dummadsi? Be anmar-dummadsuli. Emigindi, we-machergan-warbogwadba bur bule anmar be-imakoed. Geb degine, sabsur Lot-imakarmalad. Agine, yawagak-omukumalaga, yawagakse duurmakdemalad.
477	GEN 19:19	Emide, ibmar-nuegan bukidargus bemar anga imakdanikid. Degine, nued bemar angi binsasad, bemar an-bendaknonigu. Degi-inigwele, yalaganba geg an wakinned. Ar neg-bergudele, an sunna igarba bargalesaled. Ar degiile, an burgwemogo-itole.
491	GEN 19:33	A-mutikidba, vinoʼgi e-bab-ogobsamalad. E-sisgwa-dummad e-babse gochad. Ar e-babdi gwen itossulid, sana e-sisgwa e-yarba megisa, degine, sana gannar gwisgusbali.
495	GEN 19:37	E-sisgwa-dummadga susugwa uklenonikid. A Moabʼye onugsasad. Agi, Moab-dulemar-bukwadi danikid.
496	GEN 19:38	E-sisgwa-bipigwadga susugwa uklenonimogad. Adi, Benammiʼye onugsasad. Agi, Amón-dulemar-bukwadi danimarmogad.
505	GEN 20:9	Geb a-sorbali, Abimelec, Abrahamʼse-gochagu, ega sogded: —¡Emi, be-neg-oakalosad be dake! ¿Ibigi an begi nosa? Emisgi isgued-dummad be angi, degi, an-sordamargi senonigu. Weyob be ibmar imakewilubsulinad.
523	GEN 21:9	A-iba-ononaidgi Sara dakded, Agar-e-machi-Ismael Isaacʼgi dodonai. We-machide Agar Abraham-ebo baksadid. Agarʼde Egipto-duled.
535	GEN 21:21	Sapingwagusgu, Parán-nega-dulesulidgangi-maidgi, e-nan ega ome-Egiptoʼgined uksad.
538	GEN 21:24	Abraham, Abimelec-abin sogded: —Napira-Bab-Dummad-nuggi ise-sogar an bega soged: ‘Eye, an imakosuli.’
551	GEN 22:3	Oibosgu, wakudaryalaba Abraham gwisgusad, e-moli-uayasuid guakwaa nasiksad. Sapan amisbalid, machigwa-ogumakar-uklegoedgi ogaegar. Abraham bia Bab-Dummad ega-naoye-sogsadse nadegusad. E-machi-Isaac, degi, e-maimar-warbo eba nadmarmogad.