26	GEN 1:26	Geb degi, Bab-Dummad sogdebalid: “Emisgindi, anmar, dule-obinyesun, anmar-sunnague anmar imakoed. Dulede, we-ibmar-durganmargi gangued-nika guoed: Uamargi, nuumargi, ibmar-durgan-sunna-akwilemaladgi, ibmar-durgan-sapurbarmaladgi, ibmar-durgan-napagi-garmakdimaladgi, bela we-ibmarmargi we-napneggi gangued-nika guoed.”
28	GEN 1:28	Bab-Dummad we-dulemargi ise-nued-binsasadba, ega sogded: “Bemar mimmigan-bukidar nikumar. We-napneggi dula-bukidar urbemar, degi, bela we-napneg-ugakaase ambikumar. Bemar we-napneggi be gangued-nikadba bela we-ibdurganmargi be obindii gumarsun: Uamargi, nuumargi, degi, ibmar-durgan-napagi-garmakdimaladgi.”
37	GEN 2:6	Unnila napagi dii-bupurmakmaid, bergwapa napa ogegar.
48	GEN 2:17	Unnila sapi-wargwen-e-sandi melle be gunno. We-sapi, ibmar-nued-wisi, ibmar-isgana-wisi dule-saed. A-sapi-e-san be guchale, a-ibagi be burgoed.”
59	GEN 3:3	Unnila nainu-nued-abargi sapi-wargwen-gwichid-e-sanbi geg anmar gunned. Bab-Dummad anmarga sogsado: ‘Melle a-sapi-e-sandi be gunmaloye, degine, melle be ebumarbaloye. Ar bemar guchale, bemar burgwemaloye.’
152	GEN 6:14	Bab-Dummad sogdebalid: “Noé, ur-dummad na be sobo. Suar-goferʼye-nugad-e-urgomar be ebugoed. Ur-soboedgi gwardumar be sioed. Ur-dummad-be-soboeddi magaba, degine, yaba baryagi bela be magoed.
154	GEN 6:16	Ur ailapaa-nika be soboed, e-uas-urba e-yawagak-bipigwad achabogi urba be sioed, degine, e-dikarba yawagak be ogwisbaloed.
157	GEN 6:19	Be-sunnaa durgumogoed. Ur-dummadyaba, bela we-napneggi ibmar-durgan-nikadi, abirgunagwar-abirgunagwar be oubogo.
178	GEN 7:18	Dii sabsur-muremai-muremai guded. Ur-dummaddi dii-birgi muamaknai gussunnad.
184	GEN 7:24	Unnila, Noé, degi, ur-dummadyaba-bukwamaladbi durgusmalad. Dakargu, iba-dulagugle-gakambe (150) bela napneggi dii-saila mulus nagusad.
200	GEN 8:16	“Ur-dummadyaba-be-gudiid be nodago. Be-ome, be-masmala, degi, be-balagan beba nodamarmogo.
258	GEN 10:23	Aram-masmaladi, wemalad: Uz, Hul, Geter, Mas.
262	GEN 10:27	Adoram, Uzal, Dicla,
295	GEN 11:28	Harán e-bab-Taré-iduar Caldea-dulemar-yargi, Ur-neggweburgi burgwisad. Urʼde Harán-gwalulesad-neggweburad.
298	GEN 11:31	Taré Canaán-yarse-naega Caldea-dulemar-yargi Ur-neggweburgi noar gusad. Taré na eba wemar sear gusad: E-machi-Abram, e-wagwa-Lot Harán-machi, degine, e-bala-Sarai e-machi-Abram-ome. Degi-inigwele, Taré, Harán-neggweburse-mosgu, agi megidapmalad.
335	GEN 13:16	Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.
361	GEN 14:24	Andi an ibmar abesulid. Unnila sapingana-anba-gudidimalad-e-mas-guchamaladbi anga unnigualed. Degine, dule-anba-arbimalad, Aner, Escol, degi, Mamre, amardi igar-maidba ibmar sumaloed.
368	GEN 15:7	Bab-Jehová Abramʼga sogded: —Ani an Bab-Jehová gued. Caldea-dulemar-yargi Ur-neggweburgi be-maigu, ani an be-onosad, adi, we-yar an bega ukega, degi, begadga guegar.
373	GEN 15:12	Neg-mutikguargu, Abramʼgi bela-bela gabed gwichigunonikid. Ukiar, negsichid bela Abram-ebilis nagusad. Agine, nue dobe itoalid.
549	GEN 22:1	Undar birgamar nasadgine, Bab-Dummad Abraham-wilub-dakesokalid, bule egi nue bensurdibeye. Bab-Dummad nugba Abrahamʼse gornonikid: —¡Abraham! Abraham Bab-Dummad-abin sogded: —Na, degite, an be-itomai.
569	GEN 22:21	Gebe-machigwa ega gwalulesad, Uzʼye nugad. A-sorba, e-urba-Buz gwalulesad. Degi, Kemuel gwalulesad. Kemuelʼde, Aram-e-babad.
600	GEN 24:8	Ar ome beba dagbisulile, be ise-sogar anbo igar-mesisadgi be ollorguodo. Unnila an bega soged, ¡bipisaale melle an-machi be weba sedo!
713	GEN 26:20	Ar Gerar-nebagi-sibad-wawaad-edarbedimaladdi Isaac-sibad-wawaad-edarbemalad-ebo uluarmalad, ar ade, sogmalad: We-dii anmargadye. A-ulale, Isaac we-dia Esekʼye onugsasad. A-sogleged: Urwedye. Ar ade, a-diabina ulusmalad.
730	GEN 27:2	Geb Isaac sogdebalid: —Mag be an-daked, an nue-selebagusad. Ukiar sunna an burgwed.
915	GEN 31:41	Birga-dulagwen (20) an be-neggi gudii gusad. Unnila, wemarbi an nikusad: Be-sisgan-warbogwadbina birgambe-gakabake (14) an bega arbasad. Be-sibadmarbina birganergwa (6) an bega arbasad. Degine, be-an-bennukedi, be anga irambe (10) ogwadii gusad.
970	GEN 33:9	Esaú sogded: —Urba, deyobsuli. An ibmar-durgan unniguar-nikamogad. Be-ibmar-durgan begadid. Na be sue.
1004	GEN 34:23	Bela ibmar-nikmalad, degi, bela e-ibmar-durgan anmargadga gumogoed. Unnila anmar sogergebed, eyeye. Deyob anmar sogele, anmar-abargi megmalodo.
1069	GEN 36:28	Disán-e-masmaladi, wemalad: Uz, degi, Arán.
1159	GEN 39:9	We-neguyagi, dule-baid anba-bur-dummad sulid. An-dummadse ibi an egisdedibe, surye gwen anga sogdisulid. Unnila bebi geg an be-ebuged, ar ade, bedi e-omed. Degisoggu, ¿ar igi we-ibmar-isgana an imakosunna? Bab-Dummadgi an nue-dummad-nosar-itole.
1183	GEN 40:10	Uva-dub e-dub-giapaa-nika an dakalid. Uva-dub sanmakali, e-dutumar naguali, degi, gwagde an dakalid. Uvaʼmar dukar-enagude, degi, gorede an dakarbalid.
1185	GEN 40:12	Geb degi, José ega sogded: —Be gabdaksadi, we obardo: Uva-dub-giapaagwadi, ibapaagwadye.
1246	GEN 41:50	Ukud-dummad-nagued-idu, José e-ome-Asenatʼbo machimala-warbo nikusad. Asenatʼde Potifera-e-sisgwad. Potiferaʼde On-neggweburgi dule-irwa-e-bab-dummadse-goledid.
1252	GEN 41:56	Ukud bela-bela Egipto-yargi nagunonigu, José orosgi-dakleged-sabolebukwad-negmar bela eganonikid. Geb degine, José Egipto-dulemarga manigi ukded, ar ade, bela-Egiptoʼgi ukud bur bule naguded.
1291	GEN 42:38	Ar Jacob e-machi-abin sogded: —An-machi-Benjamín bemarba naosuli. Benjamín-e-ia-José burgwisad. Unnila Benjamínʼbi napi-anga gudiid. Ar bemar nasokalidba, igarba Benjamín akar-gusale, ar bemargindo. Ar an seredgusad, bukib-binsaedba an burgwisar, bemargindo.
1342	GEN 44:17	Ar José abin-sogded: —Suli, deyob geg gue. Unnila doa-sagu-yaba an-nog amilesa, abi an-maiga guoed. Baigandi sunna be-bab-negse gannar baisur-itogedgi namalad.
1515	GEN 50:8	Deginbali, José-e-negginmalad, José-e-iamar, Jacob-e-negginmaladse-bakar, nade gusmarmogad. Unnila mimmiganbi, degi, ibmar-durganbi Gosén-yargi obesmalad.
1541	EXO 1:8	Undar birgamar nasad-sorba, Egipto-yargi rey-baid megnonikid. A-rey wissulid, José doa-dule gusa. A-reyde e-dulemarga sogded:
1594	EXO 3:14	Bab-Dummad, Moisés-abin sogded: —ANI AN, AN-GUED. Israel-dulemarga be sogo: ‘AN-GUED bemarse an-barmialid.’
1674	EXO 6:18	Coat-e-masmaladi, wemalad: Amram, Izhar, Hebrón, Uziel. Coatʼdi birga-dulanergwa-gakambe-gakapaa-nika (133) burgwisad.
1678	EXO 6:22	Uziel-e-masmaladi, wemalad: Misael, Elzafán, Sitri.
1704	EXO 7:18	Uamardi burgwidoed, diwar sunnasur yapandagoed. Degisoggu, Egipto-dulemala ima we-dii gobe gudamaloed.”
1707	EXO 7:21	Uamardi burgwisad, diwar bela sunnasur yapansoggu, Egipto-dulemar geg dii gobe guarmalad. Bela Egipto-yargi abe yaisur-nika gunonikid.
1720	EXO 8:5	Moisés Faraón-abin sogded: —Anga be soge, ¿sana bega, bega-arbamaladga, degi, be-sordamarga, Babse-gorbi be an-abege? Adi, ammanoomar begi banguega, degi, be-neggwebur-negmargi berguegar. Unnila diwarginbi nika guegar.
1833	EXO 12:16	Gebe-iba-onodoedgi, degi, ibagugledgi (7), na bemar danar islidikidgi ambikumalargebed. We-ibabogwadgine bemar arbaosurmalad. Unnila na be mas-gunmalagala, masgullegoedbi bemar dumaloed.
1982	EXO 16:34	Igi Bab-Jehová Moisésʼga igar-uksa, deyob, Aarón, we-maná sabogega, bormogi Bab-Jehová-Dadganbo-Igar-Mesisad-Ulu-asabin sisad.
1987	EXO 17:3	Ar Israel-dulemar uku-uku itomarsoggu, Moisésʼgi uludmalad, sogdemalad: —¿Ibiga Egipto-yargi be anmar-onosa? ¿Ukudba-burgwega be anmar-onosa? ¿Anmar-mimmigan-oburgwega be anmar-onosa? ¿Anmar-ibdurganmar-oburgwega be anmar-onosa?
2040	EXO 19:13	Dule-wargwensaale dule-oburgwilegoedse achaosulid. Ar dule-oburgwilegoedi, akwagi-makar oburgwilegoed, sigugi-makar imaklegodibe. Ar duledibe, ibmar-durgandibe, wede dula-gudii imaklegosulid, oburgwilegedsegad. Unnila, dulemar sibad-wawaad-machered-e-bebe-gollalirbi, yarse nakwenamaloed.”
2208	EXO 25:12	”Agala, olua-dummagan-gwabake-sobega or be duoed. Ulu-e-dikar-bergunaid-sogbakegwadgi gwa-gwagwen be nasikoed.
2209	EXO 25:13	”Urgo-acaciaʼye-nugad-walagana suitii be soboed. We-suarmargi or egi bela be nasikoed.
2215	EXO 25:19	Degisoggu, querubin-wargwen ulu-eduged-birgi e-dukusik be soboed, degi, baid-querubin-wargwen e-duku-baidsik be sobbaloed. Ulu-edugedba-mesa be querubin-warbogwad soboed.
2219	EXO 25:23	“Deginbali, mese be soboed. Urgo-acaciaʼye-nugad be ebugoed. E-sugued, achabake, e-matardungued, achabo, e-nibgueddi, achapaa-nika guoed.
2255	EXO 26:19	Urgomar-mata-dulagwenad-urba e-sigmalad gwadulabo (40) manibi be soboed. Urgomar-irbali gwa-gwabo e-sigmalad be imakoed, adi, urgo-e-nagmar e-sigmaladgi dogegar.
2257	EXO 26:21	Be e-sigmalad-manibiid gwadulabo (40) be imakbaloed. Urgomar-iliba gwa-gwabo e-sigmalad be imakoed.
2263	EXO 26:27	Urgo-warakwagana anse-goled-neg-sunna-seleged-e-dikar-baidsikidga, walatar be imakbaloed. Degine, dad-argwaned-yarganbalidga urgo-warakwagana walatar be imakbaloed,
2269	EXO 26:33	We-mor-dummadde mor-nasikmaladgi be nasikoed. Degisoggu, we-mor-dummad Neg-Islidikid, Neg-Ise-Islidikid-ebo bachiki-imakega guoed. We-mor-dummad-daksik Dulemarbo-An-Igar-Mesisad-Ulu be sioed.
2270	EXO 26:34	Geb degine, Dulemar-Ebo-An-Igar-Mesisad-Ulu-birgine, e-eduged be mesoed. E-edugedde, Isgued-Elileged-E-Wilubye, sogleged. We-ulude, Neg-Ise-Islidikidyaba sioed.
2294	EXO 27:21	Aarón, degi, e-machimala, gwallu guakwaa simaloed, adi, gwallu gasigu oibodagegar. We-gwallu Bab-Jehová-dulemarbo-ambikued-neggi, mor-dummad-Bab-Ulu-irwa-naid-magaba sigoed. We-igar-an-ukedi, Israel-dulemarga, degine, e-waganga, degisadegu guoed.’ ”
2324	EXO 28:30	”Deginbali, mor-binasgargi-nagued, igar-nabogega-ebulegedgi, be Urim, degi, Tumim sioed. Adi, Aarón an-asabin-dogder, e-binasgargi-nai dogegar. Weyobi, Aarón, an-asabin-gwisgudaged-ilibali, e-binasgargi Israel-dulemarga igar-nabogega sedigu guegar.”
2330	EXO 28:36	”Deginbali, or-nued matarkwaa be imakbalo. Geb a-birgine, wilub-nasikega-imakdamaladyob be we-gayaburba nasikoed: ‘BAB-JEHOVÁʼGA SWILIDIK-NUGSALEGALED.’
2389	EXO 30:6	”Geb degine, ina-wawadikid-ogumakleged-aila sigoed, bia mor-dummad Dulemar-Anbo-Igar-Mesisad-Ulu-Eduged-Maid-Irwa nai, a-asabin, bia an bebo-abinguoe, agi be sioed.
2392	EXO 30:9	We anga-ina-wawadikmalad-ogumakleged-ailagi: Ina-wawadikmalad-baid uklegosulid, ibmar-durgan ogumaklegar uklegosurbalid, degine, anga-ibmar-gwag-ukleged agi uklegosurbalid, degine, a-birgi egi be ibmar eogosurbalid. Unnila ina-wawadikidmaladbi be ogumakoed, an bega sogsadyob.
2409	EXO 30:26	We-gwallu-wawadgine be wemar magoed: Dulemar-anbo-ambikued-neg, Dulemar-Anbo-Igar-Mesisad-Ulu,
2419	EXO 30:36	We-ina-wawadikid bela ise-nagar, ise-ubimakar be imakoed. We-ina-wawadikid, Dulemar-Anbo-Igar-Mesisad-Ulu-siid-asabin, dulemar-anbo-ambikued-neggi be sioed. Agi, an bese magarogoed. We-ina-wawadikid bela-bela bemarga angadgarbi-ebulegega guoed.
2423	EXO 31:2	“Nue be an-itogo. Hur-e-wagwa-Judá-yargined Uri-machi-Bezaleelʼye-nugad an susad.
2428	EXO 31:7	Dulemar-anbo-ambikued-neggi, Dulemar-Anbo-Igar-Mesisad-Ulugi, Dulemar-Anbo-Igar-Mesisad-Ulu-edugedgi, degi, anse-goled-neg-sunna-selegedgi bela-ibmar-ebuleged sobegar.
2544	EXO 35:12	”Deginbali, sobmarbaloed: Bab-Dummad-Israel-Dulemarbo-Igar-Mesisad-Ulu, e-suarmar, e-eduged, mor-dummad-Ulu-walik-naguoed.
2562	EXO 35:30	Geb degine, Moisés Israel-dulemarga sogded: “Nue be an-itomalo. Bab-Jehová, Uri-machi-Bezaleel onugsasad. Bezaleelʼde, Hur-e-wagwad. E-dad-dummad-Judáʼgi danikidid.
2591	EXO 36:24	We-urgomar-dulagwenad-urba (20), dulabo (40) e-sigmalad manibi sobsad. Urgomar-irbali gwa-gwabo e-sigmalad imaksamalad, adi, urgomar-e-nagmar agi odogegar.
2593	EXO 36:26	E-sigmalad, manibii gwadulabo (40) sobsamarbalid. Urgomar-iliba, gwa-gwabo e-sigmalad sobsamalad.
2598	EXO 36:31	Deginbali, urgo-warakwagana-acaciaʼye-nugad sobsamarbalid: Urgo-warakwagana-walatar Bab-Dummadse-goled-neg-sunna-seleged-e-dikar-soggwensikidga sobsamalad.
2601	EXO 36:34	Urgomar-ebilis egi ormar matak-matak nasiksamalad, degine, e-olua-dummagandi orbi sobsamalad. Degine, Urgo-warakwagana-ebilis egi ormar matak-matak nasiksamarbalid.
2606	EXO 37:1	Bezaleel, Bab-Dummad-Dulemarbo-Igar-Mesisad-Ulu urgomar-acaciaʼye-nugadgi sobsad. E-suguedi, achaatar, e-matardungued, achapaa, degine, e-nibgued, achapaa-nibgu sobsad.
2613	EXO 37:8	Baliwitur-dummagan-querubin ulu-eduged-birgi gwensak e-dukusik sobsad. Baid e-dukusik, deyob sobsabalid. Ulu-edugedba-mesa querubin-warbogwad, ulu-eduged-e-duku-dukusik gwigwichi sobsad.
2640	EXO 38:6	Urgo-acaciaʼye-nugad-walagana suitii sobsad. Geb a-suarmar-birgi, esgoro-gordikid nasiksad.
2656	EXO 38:22	Uri-machi-Bezaleel, bela Bab-Jehová igi Moisésʼga sogsagusa, deyob ibmar imaksad. Bezaleel Hur-e-wagwad, dad-dummad-Judáʼgi danikidid.
2695	EXO 39:30	Deginbali, or-nued-matarkwaa sobsamarbalid. We-or-nued-matargwagwadgi wilub-nasikega-imakdamaladyob we-gayaburba nasiklesad: “BAB-JEHOVÁʼGA SWILIDIK-NUGSALEGALED.”
2699	EXO 39:34	E-sibad-wawaad-machered-e-ukamar-ginnidgi-odolegaled, ibdurgan-uka-nuegan, degi, mor-dummad Bab-Dummad-Dulemarbo-Igar-Mesisad-Ulu-naba-naguoed.
2700	EXO 39:35	Bab-Dummad-Dulemarbo-Igar-Mesisad-Ulu, e-suarmar-suigan, degi, e-eduged.
2711	EXO 40:3	A-negyabali, Bab-Jehová-Dulemarbo-Igar-Mesisad-Ulu be sioed. Geb we-Ulu-idu, mor-dummad be nasikoed.
2713	EXO 40:5	Anga-ina-wawadikmalad-ogumakar-ukleged-aila-olobiidi, Bab-Jehová-Dulemarbo-Igar-Mesisad-Ulu-irwa mor-naid-asabin, be sioed. Degine, anse-goled-neg-sunna-seleged-doged-asabin, mor-dummad be nasikoed.
2728	EXO 40:20	Geb a-sorbali, Moisés, Bab-Dummad-Dulemarbo-Igar-Mesisad akwagi-narmakar-maid susad, geb Bab-Dummad-Uluyaba mesisad. Degine, a-Ulu seegala, e-suarmar egi yosad. Geb degine, a-Ulu-birgi, Ulu-eduged mesisad.
2729	EXO 40:21	Geb Moisés, Bab-Dummadse-goled-neg-sunna-selegedyaba Ulu odosad. Geb mor-dummad Ulu-idu nasiksad, adi, dulemar mer a-Ulu dakmalagar. Moisés, igi Bab-Jehová ega igar-uksa, sogedba imaksad.
2926	LEV 8:8	Geb sorbali, a-birgi mor-binasgargi-nagued ega nasiksad, geb mor-binasgargi-naguedyabali Urim, degi, Tumim ega sisad.
2982	LEV 10:4	Geb a-sorbali, Moisés Uziel-masmalase gochad, Misaelʼse, degi, Elzafánʼse. Uzielʼde Aarón-e-gilor gued. Geb Moisés we-masmalaga sogded: “Be dagmar. Bab-Jehováʼse-goled-neggi be-gwenadgan-warbogwad-burgwismaid be onodamar. Israel-dulemar-danar-danar-bukwad-magaba be sedmar.”
3060	LEV 13:7	”Uka-oyoapid-sorbali, we-dulega yaa nasgudele, dule-irwa-anse-goledse gannar e-uka oyonabaloed.
3086	LEV 13:33	geb agi, e-siga-emiega we-dule-imakoed. Unnila yaa-siidgi e-siga emiosulid. Geb degi, dule-irwa-anse-goled we-dule-yaa-nikad gannar ibagugle (7) dulemar-baigangi bachikii mesoed.
3204	LEV 16:2	Bab-Jehová, Moisésʼga sogded: “Be-ia-Aarónʼga be soge: ‘Bab-Dummadse-goled-neggi mor-dummad-naid-daksik, Neg-Ise-Islidikidse wachi-yogasaar mer be dogo. Deginbali, Bab-Dummad-Ulu-birgi-eduged-maid-asabin mer be yogasaar dogbalo, adi, mer be burgwegar. Ar ade, ulu-eduged-birgi mogir-imbaba, Bab-Jehová magarononidaed.’ ”
3215	LEV 16:13	Geb agine, an-asabin soo-yagi ina-wawadikid eogoed, adi, a-waa-bupurmakdoedi Dulemar-Anbo-Igar-Mesisad-Ulu-edugedgi daasa sigoed. Deyob imakoed, adi, Aarón melle burgwegar.
3216	LEV 16:14	”Geb a-sorbali, Aarón, moli-bebe-nikad-sapingwagwad-e-abegi, e-goo owardikuoed. Geb Ulu-Eduged-dad-nakwedsikidgi, a-abe bomi-bomi imakoed. E-googi abe-naid ilagugle (7) ulu-asabin bomi-bomi imakoed.”
3217	LEV 16:15	Bab-Jehová, Moisésʼga sogdebalid: “Aarón, Israel-dulemar-isgued-eliegala, sibad-machered-e-dukar-egwannoed. A-abe, atued-dummad-naid-daksik sedoed. A-abede, igi moli-bebe-nikad-sapingwagwad-e-abe imaksa, deyobi imakbaloed: A-abe, Dulemar-Anbo-Igar-Mesisad-Ulu-eduged-birgi, degi, Ulu-asabin, bomi-bomi imakoed.
3288	LEV 19:6	Uklesad-ibagi we-ibmar-uklesad be gunnoed, deginbali, sunna banedgine be gunbalid. Ar amba ibapaagi we-ibmar gwabgusale, adi, soogi be ogumakoed.
3360	LEV 21:14	Ome-ei-sui-burgwisad, degi, ome-sui-meted nikuosulid, deginbali, ome-gambanuchu-imaked nikuosurbalid. Unnila e-dule-bunagwa-yagwad nikuoed,
3450	LEV 24:3	Aarón Bab-Dummad-dulemarbo-ambikued-neggi gwallumar ogaoed, bia Bab-Dummad-Israel-dulemarbo-Igar-Mesisad-Ulu-siid-iduar, mor-dummad-naid magaba ogaoed. Adi, we-gwallumar Bab-Jehová-asabin gasii oibodagegar. We-igar, be-waganga degisadegu maigu guoed.
3480	LEV 25:10	Weyobi, birga-durbo-gakambegidi (50), Bab-Jehováʼga birga-islidikidga be imakoed. A-birgagi, bela Israel-yargi Israel-dulemar maiga-gudiile, ollorgunonikoed. A-birga, bemarga Gannar-Ibmar-Ukleged-Birgaga guoed. Degine, bemar na gannar e-nainu-e-nainu sumaloed, gannar na e-gwenadganse namaloed.