255	GEN 10:20	Wemar, Cam-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
266	GEN 10:31	Wemar Sem-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
380	GEN 15:19	Yarmar an bega sogedi, wemardo: Ceneo-dulemar-bukwad-yala, Cenezeo-dulemar-bukwad-yala, Cadmoneo-dulemar-bukwad-yala,
469	GEN 19:11	Geb wemar-warbogwad dulemar-bela-magaba-bukwad geg-atake imaksamalad. Belagwapa, sapinganse, degine, serganse-bakale, geg-atake gusmalad. Yawagak acha-acha-aminanaid, budar-itoarmalad.
609	GEN 24:17	Agine, Abraham-e-mai gwae yagwa-abin naded. Yagwase modapgu, ega sogded: —Be-buglugi be dii-semaidi wis be anga udage.
610	GEN 24:18	Yagwa abin-sogded. —Dummad, be gobe. Geb degi, yog e-buglu-odear imaksad. E-argangi buglu-ganiki, diigi ogobsad.
616	GEN 24:24	Yagwa abin-sogded: —An Betuel-sisgwa. An-babde Nacor-machid, Milcaʼbo baksadid.
635	GEN 24:43	Bab-Jehováʼye, an wilesakwaa an bese egisye. Emi dia-naba an siidgi, weyob ibmar-gubi an abeye: Yagwa-gwensak dii-weenonikoedi, an ega sogoedga, ‘wis be-buglu be odeye, adi, an dii gobegarye.’
770	GEN 27:42	Rebeca wisgusgu igi e-machi-dummad-Esaú binsadii, e-machi-bipigwad-Jacobʼse gochad, ega sogded: —Be-ia-Esaú be-oburgwebi gudiid. Yamo baisur-itogeyob gudiid.
844	GEN 30:13	Geb agine, Lea sogded: “¡Yeer-itoleged! Emigindi, omegan sogmaloed, ande weligwar-itoye.” A-ulale, machigwa Aserʼye onugsasad.
1480	GEN 49:6	E-onmakbukwadse, gwen an dogbisulid. E-igar-itobukmalad-abargi, gwen an sigbisulid. Ar ade, sae-itodmargu, dulemar-oburgwismalad. Yogasaar moli-bebe-nikad-e-dua-dub-wardummad siksamalad.
1577	EXO 2:22	Degidgine, Séforaʼga susugwa uklenonikid. Moisés a-susugwa Gersónʼye onugsasad, ar ade, Moisés sogded: “Yar-baidgi, an-yarsulidgi an gudiid.”
2043	EXO 19:16	Ibapaa-gusadgi neg-oiboargu, mar-goledi bela-bela itoleged, degine, mar-dakarmakmaidi bela-bela daklebalid. Yar-birgi, mogir-gudure naid. Gar-trompeta-binnasur-goted-itosmargua, bela-dulemar-bukwadi dobedba wawanmakdemalad.
2182	EXO 24:4	Geb degine, Moisés bela Bab-Jehová-ibmar-sogsadi narmaksad. Moisés wakudaryalaba gwisgualid. Yar-dummad-naba Bab-Dummadga-ibmar-ogumakar-ukleged-aila sobsad, degine, akwamar-islidikid-gwaambe-gakabo (12) urbisbalid. A oyonaid, gwa-gwagwenadi, Israel-dulemar-sogambe-gakabogwad-e-wilubgan (12) guye.
2190	EXO 24:12	Geb degine, Bab-Jehová Moisésʼga sogded: “Yar-birse anse be naknao, agi be an-edarbo. Agi an-Igarmar, degi, anba-bemar-nanamaloed-Igar an bega akwa-matargwagi-narmakar ukoed, adi, a-Igarmargi be dulemar-odurdakegar.”
2287	EXO 27:14	Yawagak-doged-dikarba mor-dummad naguoedi, dalipaa-gaka-bisgipaa, doged-e-dikar-gwensaksik sugu naguoed. E-buarmardi, walapaa, degi, e-sigmalad amba gwapaabar.
2289	EXO 27:16	”Yawagak-dogedgi mor-dummad daliatar be nasikoed. We-mor-dummad be imakoedi, nirbadub-aradgi be imakoed, nirbadub-suir-akwagiidgi be imakoed, nirbadub-ginnidgi be imakoed, linoʼdub-nuedgi, ise-nue-sobar, bela-bela-nue-yeerdakle be imakoed. Degine, e-buarmardi, walabake, degi, e-sigmalad amba gwabakebar.
2458	EXO 32:19	Moisés dulemar-bukwadse-aidenonigua, moli-bebe-nikad-sapingwagwad-sobaled dakded, degine, dulemar-dodonanai dakdebalid. Moisés deyob dakdegu, sae-itoded. E-argangi-akwa-matabogwad-ganikid binnasur meted. Yar-dikarba we-akwa-matabogwad mamarisad.
2477	EXO 33:3	”Yar-gadi-ibmar-sanmakedse, napa-nuedse, be nao. Andi an bemarba barnaosulid. Ar bemardi uaya-gwen-niksurmaladsoggu, abakalegi igarba an bemar-obeloalile.”
2607	EXO 37:2	Yaba, olo-nued-sunnabi nasiksad. Birgi, deyob olo-sunnabi egi nasiksabalid. Birgi, bela-ebiris e-mullugwad olobi nasiksabalid.
2652	EXO 38:18	Yawagakga neg-imba-dogedgi mor-dummad-naidi, mor ise-nue-sobar, bela-bela nue-yeerdakle-imakar naid. We-mor-dummad-sobaledi, we-dubmargi sobaled: Nirbadub-aradgi, nirbadub-suir-akwagiidgi, nirbadub-ginnidgi, degi, linoʼdub-nuedgi sobaled. E-suguedi, daliataled. E-nibgueddi, daligwen-gaka-bisgise nibgued. We-mor-dummagan mor-dummagan-neg-imbagi-nanaidyob-dungu imaklesad.
3056	LEV 13:3	Dule-irwa-anse-goled dule-ukagi-yaa-siid dakoed. Yaa-siidgi e-siga sipuu naile, degi, yaa ise-nue-gulluu daklegele, wedi, naibe-buna-yaa gued. Geb dule-irwa-anse-goled uka-daksad-sorbali, sogoed: ‘We-dule, swilidiksurye.’
3413	LEV 23:10	“Israel-dulemarga be sogo: ‘Yar-an-bemarga-uknaidse bemar dogsamalale, agi bemar ibmar-gwag-digaled wearmalale, bemar gebe-ibmar-gwag-wesad-dukgwen, dule-irwa-Bab-Dummadse-goledse sedoed.
4105	NUM 13:29	Neguevʼgi Amalec-dulemar bukwananaed. Yalaganbali, Het-dulemar, Jebuseo-dulemar, degi, Amorreo-dulemar bukwananaed. Canaán-dulemardi demar-gakaba, degi, Jordán-diwar-gakaba bukwananamalad.
4145	NUM 14:36	Canaán-yar-argaega dulemar-Moisésʼse-barmilesgusmaladi, gannar aibilismargua, Moisésʼgi uludgusmalad, degine, Moisésʼgi-urwega bela dulemar-imaksamarbalid. Yar-argaapmaladgi neg-sunnasurye sognonigusmalad.
4453	NUM 24:6	Yala-imbaba neba-nuegan-yeerdaklegeyobi, Israel-dulemar-danar-danar-bukwad dakleged. Nainu-nuegan diwar-gakaba-naiyobi, Israel-dulemar-bukwad dakleged. Degi, Bab-Jehová bii-áloeʼye-nugad-digsadyobi Israel-dulemar yeerdakleged. Degine, sapi-urwarmar diwar-gakaba-bubukwayobi yeerdakleged.
4464	NUM 24:17	Yoedse-ibmar-guoed an daked, ibmar-guoedi amba dikasulid. An nue-daked, degi-inigwele, itakasulid. Israelʼgi rey-wargwen gwisgudagoed, Jacob-wagan-abargi niisgwayobi nodagoed, We-rey, Moab-uaya-matar-sagamakoed, bela we-reyse Set-wagan-nono-sagamakoed.
4655	NUM 30:6	” ’Ar bunagwa-e-bab, e-sisgwa-ibmar-sogsadba naisulile, bunagwa na e-ibmar-sogsad bar-imakosulid. Yog-berguar guoed. Degidbali, Bab-Jehová bunagwaga bar akar sogosulid. Ar ade, bunagwa-e-bab, e-sisgwa-ibmar-sogsadba naisulid.
4658	NUM 30:9	Ar e-sui, e-ome-ibmar-sogsadba naisulile, e-ome na nue-binsassuli ukurmakar e-ibmar-sogsad, ede imakedseye, bar imakosulid. Yog-berguar guoed. Degidbali, Bab-Jehová omegwaga bar akar sogosulid.
4662	NUM 30:13	Ar e-sui, e-ome-ibmar-sogsadba naisulile, ome Bab-Dummadga-ise-sogar-sogsadi, degi, ebo-ibmarsik-igar-mesisadi, bar imakosulid. Yog-berguar guoed. Degidbali, Bab-Jehová omegwaga bar akar sogosulid. Ar ade, e-sui, e-ome-ibmar-sogsadba naisulid.
4816	NUM 33:54	Na be-dad-be-dadganba, yarmar wilubdakar be nikumaloed. Dad-gwensakgi bur dulemar-ichesulile, yar bur dumma ega uklegoed. Dad-baidgi bur dulemar-ichegwale, yar bur senii ega uklegoed. Yar-ega-wilubdakar-uklegoedba na yar nikumaloed. Na be-dadgan-warambe-gakabogwadba (12) na be yar nikumaloed.
4849	NUM 35:2	“Israel-dulemarga be soge: ‘Yar-gamaloedgine, Leví-waganga neggweburmar be ukmogoye, adi, agi na maigumarmogagar. A-neggweburmar-dikarba gagan-nainumar-nanaid ega be ukbalo.
5002	DEU 3:25	Bab-Dummadye, an bese wilesakwaa egised: Yala-nuegan-nanaid-daknaega, degine, Líbano-yar-naid daknabaliga, wis be Jordán-diwar-obakega be an-imake.’
5108	DEU 6:20	Moisés Israel-dulemarga sogdebalid: “Yoedsega, be-mimmi bese egichialile: ‘Ar we-Igargan-Mamaid, Bab-Dummad-Jehová-Sogedba-Igargan-Mamaid, degi, Igargan-soglesad-uksad, ¿ibi obare?’
5146	DEU 8:7	Ar be-Bab-Dummad-Jehová yar-nuedse bemar-semaid: Yar-dianmar-nikadse, yar-dii-sailamar-nikadse, e-diimar nebagangi-ariomaidse, degi, yar-mullugangi diimar aryomamaidse bemar-semaid.
5148	DEU 8:9	”Yarse-bemar-dogsokalidse, bemar mas-sate guosulid, bemar mas ise-obinagwar-nika guoed. Bemar bela ibmar-unniguar-nika guoed. A-yarginde, bemar e-akwamargi esgoro-onomai guoed, degine, e-yar-mullugangine, bemar esnon-onomai gubaloed.”
5221	DEU 11:11	Yar-be-susokarmaladgindina, yalagan-bubukwadgi, nebagan-nanaidgi, dii winaigi daed.
5234	DEU 11:24	Ar bia be yargi-dogoe, bela a-yarmala bemargadga guoed. Yala-begadga-guoedi: Nega-dulesulidgan-akar, Líbano-yarse, degine, Éufrates-diwar-akar, demar-Mediterráneoʼye-nugadse, bemargadga guoed.
5337	DEU 15:16	”Ar be-mai bega sokalirdi: ‘Yapa an begi naye.’ Ar be-sabedba deyob bega soged. Ar be-neguyagi-gudimalad-sabbalidba bega soged. Deginbali, ar be-neggi nue-gudii itobalid.
5676	DEU 28:63	Ar igi Bab-Jehová bemarga-ibmar-nuegan-imaksadba, bemar-ichesuli-omergusadba, weligwar-itosa, debayobi, Bab-Jehová bemar-sabsur-odurdakalir, bemar-ogiloalir, ede yeer itobaloed. Yarse-bemar-dogesokalidgi-bemargadga-guegar, a-yalagi, Bab-Jehová, sabsur bemar-onomaloed.
5814	DEU 33:2	“Bab-Jehová Sinaí-yalagi danikid, Seir-akar anmarga gwallu-oganonikid, Parán-Yalagi anmarga gwallu-mee imaknonikid. E-dule-islidikmalad-miliambed-abalagi (10,000) nonikid, Igar-narmakaled sooyobi gwabunyemai e-argan-nuedsik sedanikid.
5827	DEU 33:15	Yala-sergangi bur-ibmar-nued-sanmake gusun, yala-matusurmalad-degisadeguadgi bur-ibmar-nued-sanmake gusun.
5872	JOS 2:1	Nun-e-machi-Josué, Sitim-akale dule-warbo arbakee barmisad. Amarga sogsad: “Yar-naid, degi, Jericó-neggwebur be arganamar.” A-dule-ebogwad Jericó-neggweburse mosmargua, ome-gambanuchu-saed-Rahabʼye-nugad-negse dogdapmalad.
5918	JOS 4:6	We-akwamar bemar-wilubga guoed. Yoedsega be-mimmigan bemarse egichiarmalale: ‘We-akwamar bukwadi, ¿ibi-obare?’
5933	JOS 4:21	Geb Josué Israel-dulemarga sogded: “Yoedse be-wagan bemarse egichiarmalar: ‘¿Wegi-akwamar-bukwad, ibi obare?’
6106	JOS 10:40	Deyobi Josué bela we-yalagan susad: Yar-dummagan-mamaid, Neguev-yar, nebamar, yarmar-nakwemaidgi-napaneg-nanaid susad. Josué, bela amar-reymargi nakwisad, wargwensaale dula obessulid. Bela ibmar-dula-gudimaladi giir imaklesad. Josué Israel-e-Bab-Dummad-Jehová ega igar-uksadba, weyobi imaksad.
6125	JOS 11:16	Josué bela we-yarmar susad: Yalagan-mamaid, bela Neguev-neg-naid, bela Gosén-yala, nebamar, Arabá-yala, Israel-e-yalagan, degi, e-nebaganse-bakale, susad.
6215	JOS 15:11	Geb sorbali, dad-nakwed-argan-sapiledsiki Ecrón-yar-mulluganba namaid. Geb Sicrónʼsik aibirided, Baala-yar ebirided, degi Jabneelʼse warmakmaid. Yar-abingunaid-e-igar Demar-Dummadye-nugadse bergunaid.
6252	JOS 15:48	Yalaganbali, Judá-waganga we-neggweburmar uklesbalid: Samir, Jatir, Soco,
6286	JOS 17:9	Yar-abingunaidi, dad-nakwed-argan-nuedsiki Caná-dian-dad-nakwed-argan-sapiledsik nadbalid, Demar-Dummadye nugadse. We-napaneg-naidgine, Efraín-wagan-e-neggweburmar-bukidar, Manasés-wagan-e-neggweburmarbo oburar bukwamalad.
6287	JOS 17:10	Yarmar-dad-nakwed-argan-nuedsik-naidi, Efraín-wagangadid. Dad-nakwed-argan-sapiledsik-naiddi, Manasés-wagangadid. Manasés-wagan-e-yala, Demar-Dummadye-nugadse monaid. Geb dad-nakwed-argan-sapiledsiki, Aser-wagan-e-yarbo abingunaid. Dad-nakwedsikdi Isacar-wagan-e-yarbo abingunabalid.
6308	JOS 18:13	Yar-abingunaidi, Luz-neggwebur dad-nakwed-argan-nuedsik nadbalid. (Luz, Betelʼye-nugbalid). Geb Atarot-Adar-akale aidemaid, Urbalid-Bet-Horón dad-nakwed-argan-nuedsik yar-mullu-siidse.
6335	JOS 19:12	Yar-abingunaidi, Sarid-akale dad-nakwedsik aibirided, bia dad-nakwiardaedsik, geb Quislot-Tabor-yar-abingunaidse momaid. A-sorbali, Daberatʼse warmakmaid, geb Jafíaʼse nakwemaid.
6351	JOS 19:28	Yar-abingunaidi, Hebrónʼsik, Rehobʼsik, Hamónʼsik, Canáʼsik nadbalid, Sidón-neggwebur-dummadse warmakmaid.
6595	JDG 3:25	Geb undar magaba abitosmalad, rey yawagak-egasuli-dakarmargu, surbinsa-itoarmalad. Geb yabegi yawagak egasmalad. Yaa-egasmargu, e-dummad-Eglón burgwar-meremai dakarmalad.
6621	JDG 4:20	Degidgi, Sísara Jaelʼga sogdebalid: —Yawagakgi be gwisguo. Dule bese danikile, bega sokalile: ‘¿Dule wegi mai?’ Ega be sogo: ‘Dule, sateye.’
6792	JDG 9:36	Gaal, dulemar-ainialid-dakargua, Zebulʼga sogded: —¡Be dake, dulemar yarbirgi aidedani-nanaed! Zebul abin-sogded: —Suli. Yar-mullugan-e-burba dulemaryob be daked. Ar wede dulemarsulid.
6807	JDG 9:51	Tebes-neggwebur-abargine, neg-matusulid-gandikid-gwichidse, bela dulemar-neggweburginmalad duurmakdemalad. Machergan, omeganse-bakar, ase nadmalad. Yawagak-edusmaladgi, neg-uas-niba bukusmalad.
6926	JDG 14:15	Ibabakegusgu, sapingana Sansón-omega sogdemalad: “Be-sui-binsaed be gae, anmarga oeged odalogega. Yapa be be-sui-binsaed-gaele, anmar soogi be-ogumakoed, degi, bela be-gwenadgan anmar ogumakbaloed. ¿Anmar-ibe ibmar-atursaega, be anmarse gochasi?”
6966	JDG 16:15	Dalila Sansónʼga sogdebalid: —Degite, be an-abeye sogde, binsa be gordii. Unnila be anga gakansadiid. Wese ilapaagus be an-yardakdaged. Yoo be anga soged, be-gargangued ibugi sii.
7048	JDG 19:22	Na wergu-bukwamaladgi, dule-isganamar-a-neggweburginmalad, neg-ebilis ambikunonimalad. Yawagak sarsononimargu, dule-isganamar dador-neg-ibedga sogdemalad: —Dule be-negyaba-siid be onoge. Anmar e-sangi dodogoe.
7125	JDG 21:21	Itoakwaa be ambikumalo. Be dakmardibe, Silo-yagan dodogega danagwen ainiarmala, uva-nainu-imbaba be dukubukmalad nodamalo. Yagan-war-wargwen gadebin-gadebin be samalo, be-omega guegar. Degi, geb Benjamín-yarse be namaloed.
7177	RUT 3:3	Degisoggu, an bega soged: Be nue obo, be-san-wawadik be sao, be-mor-bur-nued be yoo. Geb cebada-omukuleged-neg-siidse be nao. Degi-inigwele, mer Booz-be-daked be imako. Yoo gobed-obeloged-iduar, degi, masgunned-obeloged-iduar, be-dakega be imakosulid.
7405	1SA 9:12	Yagan abin-sogdemalad: —Eye, be-iduar mai. Gwae be daknamala. Emiskwaa neggweburse nonikid. Dule-negburgan-daked, yar-mullugi-aila-matusulid-siidgi Bab-Dummadga-ibdurgan-ukleged dulemarga ogumaksokalid.
7444	1SA 10:24	Geb degine, Samuel bela dulemarga sogded: —¡Bab-Jehová dule-nug-imaksad, be dakmala! ¡Ar we-duleyobid dule-baid sated! Yeer-itogedba bela oimakdemalad: —¡Nuedi rey nugsalesad!
7458	1SA 11:11	Geb Saúl, sordamar-sogapaa danar-danar-urbisad-barmisgua, bolegoedba, Amón-sordamargi ubodapmalad. Yorukudse bila-onolenai gusad. Amón-sordamar, Israel-sordamarse bukidar ogilolesad. Amón-sordamar-burgwissurmaladdi war-wargwen wakitemalad.
7844	1SA 24:3	Geb degine, Saúl Israel-dulemar-abargi milipaa (3,000) sordamar amisad, geb Sibad-Sapurbalid-Yarse David-aminaded.
8077	2SA 2:25	Benjamín-wagan Abner-bendakega, Abner-dikarba gwisgunonimalad. Yar-mullugwagi gwisgunonimalad.
8325	2SA 13:5	Jonadab, Amnónʼga sogdebalid: —Yamo uellemaiyob be imako. Degisoggu, be-gabedgi be mego. Be-bab bese-atakdanidibe, ega be sogo: ‘An-bun-Tamar masgi an-ogunnega be anga barmidaye. Anga mas-dunai an dakega, degi, e-sunnad masgi an-ogunnega be barmidaye.’
8639	2SA 22:34	Igi goe-sapur abarmake, deyob-abarmake, Bab-Jehová an-imaked. Yarmar-birgi-baparmaksuli an-imaked.
8723	1KI 1:3	Bela Israel-yargi Davidʼga yagwa-yeerdakleged amidii gusmalad. Yagwa-amismalad, Abisagʼye nugad, Sunam-neggweburginedid. A-bunagwa reyse senonimalad.
8941	1KI 7:4	Geb ailamar-irba yawagak-senigan sisbalid. We-ailamar-irba, yawagak-senigana gwapaa ilemakar obukusad. Yawagak-senigwad-gwagwengi yawagak-senigan gwapaa sisad. Deyob bela abin-abin obukusad.
8942	1KI 7:5	Bela yawagakmar-dunguedi, emarbi dungued. Yawagak gwapaa ilekwaa asabin-asabin nasiksad.
8967	1KI 7:30	Dii-siged-e-gan-gwa-gwagwengi yandagii-dakleged, esgoro-gordikid-ololed-nabir-baparmaked, gwabake-nika sobsabalid. Yandagii-dakleged-gwabogwadgi, esgoro-gordikid-e-suar imbaba yoid. Deyob dii-siged-e-ganmargi yoi-yoi nanaed. Dii-siged-e-gan-abgamalad sogabake nanaid. Amargi, ibmar-dirbir-daklege sobar nanaid.
8969	1KI 7:32	Dii-siged-gangi madare-madare-sobaled-urba e-yandamar gwabake nanaid. A-yandamar-imbaba esgoro-gordikid-suar yoid. A-esgoro-suar bela dii-siged-e-ganbogwa soggwenna sobar nanaed. Yandamar bisgigwen-gaka-achagwen dungued.
8970	1KI 7:33	E-yandamar, moli-ur-yandagii sobaled. Yandamar-e-warmar-yoyoid, degi, e-dirbir-ebirnanaimalad, degi, e-abgamalad, degine, esgoro-gordikid-e-suar-gamalad, bela esgoro-diregwadgi sobles nanaed.
9067	1KI 9:13	Agi, Salomónʼga sogded: “Andi, an-aiye an be-bienad. We-neggweburmar-be-anga-uksad gwen nabirsulid.” Geb a-neggweburmar Cabul-Yalaye onug-imaksad. Deyob amba we-garda-narmaklenaidse, bileged.
9238	1KI 14:17	Agine, Jeroboam-e-ome gwisguded, geb naded. Geb Tirsa-neggweburse dogdapid. Yawagakgi dogdapgua, e-mimmi burgwenonikid.
9310	1KI 16:24	Geb Omri, Semerʼse Samaria-e-yar-siid mani-nibir-dulagugle-gakambe-aidiku (150) baksad. A-yar-birgi negmar urbisad. Samariaʼye a-neggwebur onug-imaksad. Yar-ibed-Semerʼye-nugadba deyob neggwebur nuggusad.
9371	1KI 18:27	Yorukudbali, Elías, Baal-gayaburba-barsogmalad-gwirnanaidgi dododed. Ega sogded: —Gatik be iseedi gormakmala. ¿Ar Baal, Bab-Dummadsursi? Degiir, be-bab-dummad neg-itomairgebed, arbanaidibe. Sulile, aineba naddibe. Abakar gabmaile, degisoggu, bemar odakergebed.
9373	1KI 18:29	Yorukud-obitegua, amba deyob gunanai gusmalad. Deyob-gunanai ega neg-sedoded. Ibmar-ogumakar-ukleged-wachi-mosgua, e-bab-dummad-Baal-gaya itolessulid, gwen ega soo ogassurbalid.
9401	1KI 19:11	Bab-Jehová, Elíasʼga sogded: —Neg-magaba be nonae. An-asabin, yar-birse be gwisgunao, ar ade, an emisgwa dagesokalid. Agine, Bab-Jehová magarononigu, binnasuli burwa gornonikid. Yar-siid giglimakded, akwamar ese mamarided. Degi-inigwele, Bab-Jehová a-burwaba nonisulid. Burwa-dummad-sorbali, negabandur nagunonibalid. Amba Bab-Jehová negabandurba nonisurbalid.
9630	2KI 4:23	E-sui ega sogded: —¿Ibiga be daknae? Yoo nii-binid gwisgued, obunnoged-ibasurbalid. E-ome e-suiga sogded: —Akarsuli.
9640	2KI 4:33	Geb Eliseo, machi-bipi-maidse dogsad. Yawagak edus-imaksad, degi, Bab-Jehováʼse-goted.
9670	2KI 5:19	Geb, Eliseo ega sogded: —Nuedgi be nae. Naamán degi-nadsunnad. Yeer-nanaedgine,
9675	2KI 5:24	Yar-mullu-siid-mosmargu, Giezi, dulemar-ega-sagu-sedanimalad-annik sagu susad, geb, negyaba odosad, a-sorba gannar dulemar-barmisad.
9839	2KI 11:6	Geb baid-danagwenadi, Yawagak-Shurʼye-nugadsik nakulemarmogo. Geb napi-danagwenadi, nakulemalad-neg-yawagaksik nakulemarmogo, adi, muchub-muchub bemar Bab-Jehováʼse-goled-neggi nakulemalagar.
9892	2KI 13:17	Geb ega sogded: —Yawagak-bipi-dad-nakwedsik-siid be egae. Geb Joás yawagak-bipi egasad. Eliseo ega sogdebalid: —¡Emisgi, be sigu mie! Agi, Joás sigu mided. Eliseo ega sogdebalid: —¡We-sigu Bab-Jehová-e-wilub gued! Bab-Jehováʼdi, Siria-dulemargi nakwega be-imakoed. Be, Siria-dulemar Afec-neggweburgi ogalakuoed, bela obelogedse be imakoed.
9913	2KI 14:13	Israel-rey-Joás, Bet-Semesʼgi Rey-Amasías-gasad. Amasíasʼde, Joás-e-machid, Ocozías-wagwad. Agine, Joás Jerusalénʼse naded, geb dali-dulatar-wilub (100) yawagak-Efraínʼye-nugad-akale, degi, Yawagak-Dikarye-nugadse galu-matusulid earisad.
9964	2KI 15:35	Jotam, Bab-Dummadse-goled-negga Yawagak-Matusulid ogwichisad. Degi-inigwele, bab-dummad-baidse-goled-aila-matusurmalad osulossulid. Agala, dulemar amba agi ibmar-ogumakar, degi, ina-wawadikmalad, e-bab-dummadga ibmar-ogumakleged-ailagi ukdii damalad.
10182	2KI 23:13	A-ukinbali, Rey-Josías, bela Jerusalén-neggwebur-dad-nakwedsik, Olivo-Yar-siid-argan-nuedsik bab-dummaganga-ibmar-ogumakleged-ailamar-bukwad bibichisbalid. Rey-Salomón we-bab-dummagan-imadaklemaladga aila sobsa gusad: Sidón-dulemar-e-bab-dummad-bundor-Astoretʼga, Moab-dulemar-e-bab-dummad-Quemosʼga, degine, Amón-dulemar-e-bab-dummad-Milcomʼga, sobsagusad. A-ailamar, Rey-Josías bela bibichisad.
10637	1CH 9:18	We-Leví-e-wagan, we-garda-narmaklenaidse, Rey-Yawagakye-nugad dad-nakwedsik-siidgi nakulemalaga gudimalad.
11095	1CH 26:13	Yawagak-iliba egi nakulemalagala, burwiganase-bakale, dummaganse-bakale, e-babgan-e-gwenadgan-merguedba, ibmargi-wilubdaklegar yopira mimilesmalad.
11096	1CH 26:14	Mimilenaigua, Yawagak-Dad-Nakwedsikid-dakega, Selemías sulenonikid. Yawagak-Dad-Nakwed-Sapiledsik-dakegardi, Selemías-machi-Zacarías sulenonikid. Zacaríasʼde, dule-binsaed-daked-nuedid.
11097	1CH 26:15	Yawagak-Dad-Nakwed-Argan-Nuedsikid-dakega, Obed-Edom sulenonikid. Bab-Dummadse-goled-neggi ibmar-sabolemalad-neg-dakedgi-arbaegardi, Obed-Edom-e-masmala sulesmalad.
11098	1CH 26:16	Dad-argwanedsik Yawagak-Salequetʼye-nugad-dakegardi, Supim, Hosaʼbogwa sulesad. A-yawagaksik igar-nakwileged maid. Wachi-wachiba-arbaleged weyob mimilesad:
11099	1CH 26:17	Iba-ilibali yawagak-dad-nakwedsikidgi, Levita-dulemar-nakulemalad, walanergwa (6) bukwamalad. Yawagak-dad-nakwed-argan-sapiledsikidgi, walabake bukwamarbalid. Yawagak-dad-nakwed-argan-nuedsikidgi, walabake bukwamarbalid. Degi, ibmar-saboleged-neg-iliba, agi, ebo-ebo bukwamarbalid.
11218	2CH 2:1	Degi, Rey-Salomón ibmar-imakmalad nugsasad: Dule-ibmar-semalad, mili-dulapaa-gakambe (70,000) nug-imaksad. Yalaganba dule-akwa-sikmalad, mili-dulabake (80,000) nug-imaksad, Arbamalad-e-dakmalad, milipaa gaka dulataled-ilanergwa (3,600) nug-imaksabalid.
11614	2CH 20:22	Judá-dulemar Bab-Jehová-nug-odummogega namakdemalad. Geb agine, Bab-Jehová, Amón-sordamar, Moab-sordamar, degi, Seir-Yar-sordamar Judá-dulemargi-bila-onogega-danimalad na muchub-muchub aibinmalaga e-igar oburusad. Deyobi, Bab-Jehová amar-ogalakusad.
11666	2CH 23:5	Geb baid-danagwenaddina, reyneggi ambikumalo. Degi, baiddina, Yawagak-Sailagi ambikumarmogo. Degi, dulemardina bela Bab-Jehováʼse-goled-neg-imbagi ambikumarmogoed.