316	GEN 12:17	Degine, Faraón e-negse Abram-e-ome-Sarai-sesad-ulale, Bab-Jehováʼdi Faraón, degi, e-negyaginmalad-sabsur-odurdaksad, boni-dummagan ega uksad.
326	GEN 13:7	Molimarga mas unnisulidba, Abramʼga-dule-moli-bebe-nikad-akwemalad, Lotʼga-dule-moli-bebe-nikad-akwemalad-ebo na uluardamalad. Aginbali, a-ibagangine, Canaán-dulemar, degi, Ferezeo-dulemar a-yargine amba bukwamarmogad.
341	GEN 14:4	Rey-Quedorlaomer birgambe-gakabogus (12) we-reymar-walataled-e-dummadga-gudigu, we-reymar-walataled birgambe-gakapaagusgu (13), sogdemalad: “Anmar we-rey-Quedorlaomerʼgi gwisguergeboye.”
425	GEN 17:27	Machergan-bela-Abraham-neguyagi-gudidimalad, e-maimar-e-neg-yagi-gwalulesmalad, dule-baidse maimar-manigi-baklesad, amar Abrahamʼba belagwable abgan-uka-duku-siked-igar imaksamalad.
440	GEN 18:15	Sara Bab-Jehová-weyob-ibmar-soge-itoargu, Sara dobe-itoded. A-ular, osuloded, sogded: —An alle-gwissuli. Ar Bab-Jehováʼdi abin-sogded: —¡Suli! Be allisa.
581	GEN 23:9	‘Anga, e-nainu-dikarba-akwasaila-ollor-siid, Macpelaʼye-nugad, manigi ukye.’ Ar e-mani-gargeguedba, an bennukoed. Ar degiir, geb an neg-uan wegi nikuoed.
595	GEN 24:3	Bab-Dummad-Jehová-Nibneg-Dakmaid-nuggi, degi, napneg-dakmaid-nuggi ise-sogar be anga soge. Wegi, an Canaán-dulemar-abargi an maid. A-Canaán-yagan-wargwensaar mer an-machi-Isaac-onikued be sao.
604	GEN 24:12	Geb degine, Abraham-e-mai Bab-Dummadse goted: “Bab-Jehováʼye, an-dummad-Abraham-e-Bab-Dummadye, emi-ibagi nued anga ibmar-gued be imakena yeerban, degine, an-dummadgi nued be binsabalina gadin.
774	GEN 27:46	Geb degine, Rebeca e-sui-Isaacʼga sokalid: —Esaú, Het-dule-e-sisgwa-nikusad-ular, an budar-itogusad. We-Canaán-yargi Het-dulemar-bukwad-e-sisgwa-wargwen-weyob-damogadi Jacob nikusale, ar an bur burgwed, nabirid.
787	GEN 28:13	Jacob daksabalid, Bab-Jehová arsan-birgi gwichi. Bab-Jehová ega sogded: “Ani, an Bab-Jehová, be-dad-Abraham-e-Bab-Dummad, be-bab-Isaac-e-Bab-Dummad. Begala, degine, be-wagangala, be-gabmaid-napanega an ukoed.
927	GEN 31:53	Be-dad-Abraham-e-Bab-Dummad, degi, an-dad-Nacor-e-Bab-Dummad, anmarga igar-nabogega guoed. Geb degine, Jacob e-bab-Isaac-Bab-Dummad na e-Bab-Dummadga-imakdimogad-nuggine ise-sogar sogded, ede deyob imakedseye.
1037	GEN 35:25	Jacob Raquel-e-mai-Bilhaʼbo-masmala-nikusadi, wemarmogad: Dan, degi, Neftalí.
1038	GEN 35:26	Jacob Lea-e-mai-Zilpaʼbo-masmala-nikusadi, wemarmogad: Gad, degi, Aser. Wemala, Jacob-machimala gumalad, Padan-Aramʼgi gwalulesmaladid.
1152	GEN 39:2	Ar Bab-Jehováʼdi Joséʼba gudiguad. Degisoggu, José e-dummad-Egipto-dule-neggi-gudigu, bela Joséʼga ibmar nueganbi nadegusad.
1392	GEN 46:5	Geb a-sorbali, Jacob, Beersebaʼgi-maid naded. Israel-machimala, Faraón-urmar-napagined-ibmar-seed-barmialidgi, e-bab, e-bab-e-omegan, degi, e-mimmigan-onakwis sesmalad.
1669	EXO 6:13	Geb degine, Bab-Jehová Moisésʼga, degi, Aarónʼga, Israel-dulemargi, degi, Egipto-rey-Faraónʼgi sunmakded. Geb Bab-Jehová Israel-dulemar-Egipto-yargi-bukwad-onogega, Moisésʼga, degi, Aarónʼga igar uksad.
1670	EXO 6:14	Israel-dulemar-e-dadgansik wemar e-gwenadgan-iduedga gumalad: Israel-machi-sailagined-Rubén-e-masmala, wemalad: Hanoc, Falú, Hezrón, Carmi. Wemar Rubén-e-masmala gumalad.
1698	EXO 7:12	Na wargwen-wargwen e-gaapoled napase metemalad, bela gaapoled naibega binyidmalad. Degi-inigwele, Aarón-gaapoleddi dulemar-ibmar-nue-wisimalad-e-gaapoled, degi, nelemar-e-gaapoled dosad.
1750	EXO 9:7	Faraón Israel-dulemar-e-ibmar-durgan-daknamalaga, e-dulemar barmisad. Dakleardo, Israel-dulemar-e-ibmar-durgan wargwensaale gwen burgwissuli. Degi-inigwele, Faraón aka bur bule burguded, Israel-dulemar-onossulid.
1779	EXO 10:1	Bab-Jehová Moisésʼga sogdebalid: “Faraónʼse be nae, Faraón be dakna. Ar an-sunnad an Faraón bur bule burguega an imaksad, ega-arbamalad bur bule burgumalaga an imaksad. Ar an ibmar-gegerdaklemalad-imaked-ese-an-oyogegala, an ibmar-dummagan-imaked-ese-an-oyogegala, an deyob imaksad.
1784	EXO 10:6	Be-negmaryaba, bega-arbamalad-negmaryaba, degi, bela Egipto-dulemar-negmaryaba, ena ubononikoed. Ar we-ibmar, be-babgan-we-yarse-nonikid-akale, degi, be-dadgan-we-yarse-nonikid-akale, e-ibagangi, emi-iba-naidse, weyob gwen dakledisulid.’ ” Moisés Faraónʼga-sunmakgwichid-bergusgu, biir imaksad, geb Faraónʼgi banguded.
1859	EXO 12:42	A-mutiki, Bab-Jehová, Egipto-yargi Israel-dulemar-onogega, Israel-dulemargi nue nakulenai gusad, adi, bonisuli nomalagar. Agala, bela Israel-dulemar-wagan-danimaloedi, Bab-Jehová-ega-ibmar-imaksad-ular, a-mutikidgi atakbukwa gumaloed. Deyob, degisadegu imakdii gumaloed.
1866	EXO 12:49	” ’Bela dulemar-be-yargi-gwalulesmaladi, degi, dulemar-be-yarginsurmalad-be-abargi-gudidimaladi, ebobela deyob we-igar imakmaloed.’ ”
1883	EXO 13:15	Faraón bur bule burgudgua, yapa anmar-onogeguargua, Bab-Jehová bela Egipto-dulemar-e-machi-sailagined-oburgwisye, degi, ibmar-durgan-e-mimmi-machered-gebegwalulesmalad amba deyob oburgwisbarye. A-ulale, anmar ibmar-mimmi-machered-gebegwaluleged bela Bab-Jehováʼga ukdamarye, degine, anmar-machi-sailagined-anar anmar Bab-Jehová bennuknaiyobi, ega ibmar-ogumakar ukdaye, adi, anmar-machi-sailagined-onogegarye.
1899	EXO 14:9	Bela Egipto-dule-e-sordamar-bila-onomalad, e-urmar-napagined, moli-birgi-sii-urwemaladi, Israel-dulemar-bareginnega ainidgusmalad. Egipto-sordamar, Israel-dulemar demar-gakaba Pi-Hahirotʼgi-danar-bukwa bargadapmalad, Baal-Zefón-asabin.
1907	EXO 14:17	Ar andi, Egipto-dulemar be-bareginmalaga, aka bur bule burguega an imakoed. Geb agine, Faraónʼgi, bela e-sordamar-bila-onomaladgi, e-ur-napaginmaladgi, e-sordamar-moli-birgi-sii-urwemaladgi, an egi-ibmar-imakoedi, an-nug bur odummolegega an imakoed.
1941	EXO 15:20	Bab-Dummad-gayaburba-barsoged-bundor-María, Aarón-e-bunad. We-Maríaʼde, gar-panderetaʼye-nugad susad, geb namakded. Bela omegan-baigan gar-pandereta ogornadap gusmarmogad, eba dodonadap gusmarmogad.
1979	EXO 16:31	Israel-dulemala we-ibmar-weemaladi, bismalad: “Manáʼye.” We-ibmarde, e-gwag sipugwad, gagan-wawadikid-culantroʼye-nugad-e-gwagyobid, degi, madu-dibyaled achanis egi eoaledyob gulleged.
2040	EXO 19:13	Dule-wargwensaale dule-oburgwilegoedse achaosulid. Ar dule-oburgwilegoedi, akwagi-makar oburgwilegoed, sigugi-makar imaklegodibe. Ar duledibe, ibmar-durgandibe, wede dula-gudii imaklegosulid, oburgwilegedsegad. Unnila, dulemar sibad-wawaad-machered-e-bebe-gollalirbi, yarse nakwenamaloed.”
2069	EXO 20:17	Melle be dule-baid-ibmarbina be sogo: Dule-baid-negbina, dule-baid-omebina, dule-baid-mai-macheredbina, dule-baid-mai-omebina, dule-baid-moli-bebe-nikad-alugwasualedbina, dule-baid-moli-uayasuidbina. Bipisaale dule-baid-ibmarbina be sogosulid.”
2113	EXO 21:35	”Moli-bebe-nikad-wargwen baid-moli-bebe-nikad-machered-oburgwisdibe, moli-dulad manigi uklegoed, we-mani na ebo negabar mimioed, degine, moli-burgwisad-e-san negabar mimimarbaloed.
2125	EXO 22:10	we-dule ibmar-e-ibedga-sogoed: ‘Napira Bab-Jehová-nuggi ise-sogar an bega sogye, ibmar-bega-akwega-be-anga-uksadi, an be-ibe gwen oakalossurye.’ ”Ibdula-ibedi, dule-ega-ibmar-soged nabir itogele, we-dule-ibmar-akwisad ibmar-bennukosulid.
2164	EXO 23:19	”Be-nainugi be-ibmar-gebe-weleged-bur-nuegan, be-Bab-Dummad-Jehová-negse be sedergebed. Sibad-e-mimmi melle e-nan-nunisgi be duo.”
2181	EXO 24:3	Moisés nade gusad. Bab-Jehová-bela-ega-ibmar-sogsad, degi, igarmar-ega-uksabalid, bela dulemarga sogdapid. Bela dulemala dule-wargwennayobi Moisés-abin-imakdemalad: “Bela Bab-Jehová-ibmar-sogsadba anmar ibmar imakmaloye.”
2249	EXO 26:13	We-batenanaidi, anse-goled-neg-sunna-seleged-edugoed, gwensaksik, achabo batenai be imakoed, baidsik, amba achabo batenai be imakbaloed.
2258	EXO 26:22	Anse-goled-neg-sunna-seleged-sorsik, dad-argwanedsiki urgo-matanergwa (6) be sobbaloed.
2275	EXO 27:2	Degine, moli-bebegii aila-e-dikar-abingunanaid-birgi be ogwisbaloed. We-moli-bebegiidmala, ailagi bato eba-mese-sobale be imakoed. Anga-ibmar-ogumakar-ukleged-aila-birgi, esgoro-gordikid be nasikoed.
2290	EXO 27:17	Bela we-neg-imba-e-buarmar-ebiroedi, e-buar-nonomar, manigi soblegoed, e-gamalad, manigi soblebaloed. E-sigmaladdi, esgoro-gordikidgi soblegoed.
2298	EXO 28:4	”Aarónʼga mormar-maklegoedi, wemalad: Mor-binasgargi-nagued, mor-efodʼye-nugad, mor-dummad-suitigwad, mor-dummad-dubgi-ise-nue-sobaled, mor-gurgin, degine, morgo-dub-saderba-nagued. ”Degisoggu, be-ia-Aarónʼga, degi, e-masmalaga, dule-irwa-anse-goled-mormar be imakoed, adi, amala dule-irwa-anse-gormaladga gumalagar.
2322	EXO 28:28	Geb degine, mor-binasgargi-nagued-e-olua-gwabogwad, mor-efodʼye-nugad-e-olua-gwabo-naimogad-ebo dub-aradgi edillegoed. Adi, mor-efodʼye-nugad dub-saderba-naidgi naguegar. Deyob guoed, adi, mor-binasgargi-nagued melle mor-efodʼgi bachikii guegar.
2334	EXO 28:40	Deginbali, Aarón-e-masmalaga mor-dummad-dubgi-ise-nue-sobaled, degi, morgo-dub-sadergi-nagued, degine, mor-gurgin ega be imakmogo. Adi, oyolegegar, wemarde dule-dummaganye, nue-nug-nikamaladye.
2339	EXO 29:2	”Deginbali, trigo-madubur-bur-nuedgi be we-madumar imakoed: Madu-inasulid, madu-olo-olivo-gwallugi-omukualed-inasulid, madu-matargwa olivo-gwallugi-magaled-inasulid.
2342	EXO 29:5	Agine, we-mormar-maklesad Aarónʼga be yooed: Mor-dummad-dubgi-ise-nue-sobaled, mor-dummad-suitigwad, mor-efodʼye-nugad, mor-binasgargi-nagued. ”Geb degine, mor-efodʼye-nugad morgo-dub-sadergi-naguedgi ega be edinnoed.
2357	EXO 29:20	We-sibad-wawaad be oburgoed. Geb e-abe be abala suoed. Geb Aarón-e-uaya-duku-argan-nuedsikidgi we-abe be magoed. Degine, e-goo-dummad-e-argan-nuedsikidgi, e-nag-goo-dummad-nuedsikidgi we-abe be magbaloed. Amba deyob be Aarón-e-masmala imakbaloed. ”Geb anga-ibmar-ogumakar-ukleged-aila-e-dikarmargi we-abe be bomi-bomi imakbaloed.
2401	EXO 30:18	“Deginbali, dii-sied esgoro-gordikidbi be soboed. E-sigedga-guoedi, esgoro-gordikidbi be imakoed. A-dii-sied argan-enukega-ebulegega be imakoed. We-dii-sied be sioedi, dulemar-anbo-ambikued-neg-siid, degi, anga-ibmar-ogumakar-ukleged-aila-siid, amar-imbagi be sioed. Geb egi be dii enogoed.
2428	EXO 31:7	Dulemar-anbo-ambikued-neggi, Dulemar-Anbo-Igar-Mesisad-Ulugi, Dulemar-Anbo-Igar-Mesisad-Ulu-edugedgi, degi, anse-goled-neg-sunna-selegedgi bela-ibmar-ebuleged sobegar.
2441	EXO 32:2	Aarón dulemar-abin sogded: —Be-omegan-uaya-dukugi-ormar-nanaid, be-bunamala-uaya-dukugi-ormar-nanaid, be-masmala-uaya-dukugi-ormar-nanaid be ungemardo. Geb be anse sedamalo.
2450	EXO 32:11	Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?
2510	EXO 34:13	Dulemar-bukmalad-ibe e-bab-dummadgan-e-ailamar be earmalo, e-akwamar-bab-dummadga-sobarmalad e-ibe be omukumalo, degine, e-bab-dummad-bundor-Asera-sobaledi, bela e-ibe be osulomalo.
2543	EXO 35:11	Amar we-ibmarmar sobmaloed: Bab-Dummadse-goled-neg-sunna-seleged, e-neg-sunnad, e-uas-mormar, e-mor-gamalad, e-urgomar, e-suarmar, e-buarmar, e-sigmalad.
2547	EXO 35:15	”Sobmarbaloed: Ina-wawadikid-inciensoʼye-nugad-ogumakleged-aila, degi, e-suarmar. Gwallu-wawa ibmar-magega ebuleged, ina-wawadikmalad. Mormar-dummagan Neg-Sunna-Seleged-e-yawagak-dogedgi-naguoed.
2548	EXO 35:16	”Sobmarbaloed: Bab-Dummadga-ibmar-ogumakar-ukleged-aila, e-esgoro-gordikmalad-biir-biir-megoed, degi, e-suarmar, bela eba-ibmarmar-ebulegoed. Dii-sied-esgoro-gordikidbiid, degi, a-e-malimar.
2553	EXO 35:21	Bela dulemala, bela na e-gwagegi-ibmar-ukbi-itosmaladi, Bab-Dummad-dulemarbo-ambikued-neg-sobmalaga, agi-bela-ibmarmar-ebulemalad-sobmalaga, degine, dule-irwa-Bab-Dummadse-goledgi mor-islidikid-yomalad-sobmalaga, Bab-Jehováʼga ibmar searmalad.
2567	EXO 35:35	Bab-Dummad Bezaleelʼga, degi, Aholiabʼga, we-gurginmar uksad: Nabir baisursunna-ibmar-imaked, nabir-ibmar-onoged, nabir nirbadub-aradgi-ibmar-sobed, nabir-nirbadub-suir-akwagiidgi-ibmar-sobed, nabir-nirbadub-ginnidgi-ibmar-sobed, nabir-linoʼdub-nuedgi-ibmar-sobed-gurgin, uksabalid. We-dulemala, ibmar-yeerdakle sobmaladid, mormargi arbamaladid, degi, nabir na-e-itolegedba sunna ibmar-akar-akar onomaladid.”
2638	EXO 38:4	Bab-Dummadga-ibmar-ogumakar-ukleged-ailaga, san-nared-saki-sakid esgoro-gordikidgi sobsad. We-san-nared-saki-sakid Bab-Dummadga-ibmar-ogumakar-ukleged-aila-yagi, negabaladgi nasiksad.
2658	EXO 38:24	Israel-dulemar Bab-Dummad-neg-sunna-selegedgi-ebulegega, Bab-Dummadga-or-uksamalad, bela ebusmalad. Nibir-milibo gaka dulabakebak-gakambe-gakatar (2,195), ebusmalad. Bab-Dummad-neggi nibirgi-ibmar-wilubsalegedba imaksamalad.
2664	EXO 38:30	We-esgoro-gordikidgi Bab-Dummadse-goled-neg-sunna-seleged-e-yawagak-siged, degine, Bab-Dummadga-ibmar-ogumaker-ukleged-aila, sobsamarbalid. Agine, san-nared-saki-sakid sobsamarbalid, degine, a-ailagi-ibmar-ebulemalad bela sobsamarbalid.
2697	EXO 39:32	Weyob Bab-Dummadse-goled-neg-sunna-seleged, sobsa gusmalad. We-nega bilebalid, Bab-Dummad-dulemarbo-ambikued-negye. Ar igi Bab-Jehová Moisésʼga sogsa, deyob Israel-dulemar sobsamalad.
2700	EXO 39:35	Bab-Dummad-Dulemarbo-Igar-Mesisad-Ulu, e-suarmar-suigan, degi, e-eduged.
2738	EXO 40:30	Deginbali, Moisés, Bab-Dummad-dulemarbo-ambikued-neg, degi, Bab-Dummadga-ibmar-ogumakar-ukleged-aila, wemar-abargine, dii-sied sisbalid. Degine, agi dii enosbalid, adi, agi argan, degi, nag enukegar.
2741	EXO 40:33	Geb napidgine, Moisés, Bab-Dummadse-goled-neg-sunna-seleged-e-galumar nasiksad, Bab-Dummadga-ibmar-ogumakar-ukleged-aila, degi, Bab-Dummadse-Goled-Neg-Islidikid, amar-ebilis we-galumar nasiksad. Degine, we-galu-dogedgi mor-dummad nasiksad. Weyob Moisés Bab-Dummadse-goled-neg-sunna-seleged sobsad. Bela Moisés weyob obelosad.
2742	EXO 40:34	Bab-Dummadse-goled-neg-sunna-selegedgi, dulemar-ambikuedgi mogir nagunonikid. Geb a-neggi bela-bela-ena Bab-Jehová-e-gangued-yeerdakleged aidenonikid.
2782	LEV 3:3	” ’Geb dule-gwenatigwar-guega Bab-Jehováʼga we-moli-ibmarmar soogi-ogumakar ukoed: Samurgi-gwallumar-nanaid, bela samur-bukwad-e-dikarmargi-gwallumar-nanaid,
2788	LEV 3:9	” ’Dule-gwenatigwar-guega Bab-Jehováʼga we-sibad-wawaad-ibmarmar ogumakar ukoed: E-gwallu, e-bunnusaila-nagase-sikaled, samur-birgi-gwallumar-nanaid, degi, bela samur-bukwad-e-dikarmargi-gwallumar-nanaid,
2793	LEV 3:14	” ’Dule-gwenatigwar-guega Bab-Jehováʼga we-sibad-ibmarmar soogi ogumakar ukoed: Samur-birgi-gwallumar-nanaid, bela samur-bukwad-e-dikarmargi-gwallumar-nanaid,
2804	LEV 4:8	Geb we-dule-irwa-Bab-Dummadse-goled, isgued-ular, we-moli-bebe-nikad-sapingwagwad-ibmarmar Bab-Jehováʼga ogumakar ukoed: E-samurgi-gwallumar-nanaid, degi, bela samur-bukwad-e-dikarmargi-gwallumar-nanaid weoed.
2807	LEV 4:11	” ’Ar moli-bebe-nikad-sapingwagwad-e-uka, bela e-san, e-nonoba-mesa, e-malimar, e-samurmar, degi, e-saamar, Israel-dulemar-danar-danar-bukwad-magaba onogoed.
2833	LEV 5:2	Dule-gwensak ibmar-swilidiksulid ebusale: Ibmar-durgan-ised-burgwisaddibe, ibmar-durgan-ised-sunna-akweleged-burgwisaddibe, ibmar-ised-napagi-garmakdimalad-burgwisaddibe, we-dule, ibmar-isedgi-warmaksad itossur-inigwele, swilidiksuli gunonikoed. Degisoggu, we-dule, nue-dummad-nosad.
2861	LEV 6:4	Sorbali, dule-irwa-Bab-Dummadse-goled e-mor esugoed, geb mor-baid yooed. Geb degine, Israel-dulemar-danar-danar-bukwad-magaba, neg-swilidikidse buru sedoed.
2866	LEV 6:9	” ’Bemar, we-ibmar-ukleged-gwabguoed gunmaloed. Madubur-e-inasuli, Bab-Dummad-dulemarbo-ambikued-neg-imbagi, neg-islidikidgi gunmaloed.
2875	LEV 6:18	“Aarónʼga, degi, e-masmalaga be soge: ‘Isgued-ular Bab-Jehováʼga-ibmar-ogumakar-ukleged-igar weyob mai-guoye: Bia ibdurgan-ogumakar-ukleged-e-dukar-egwallege, agi, Bab-Jehová-asabin isgued-ular-ibmar-uklenaid-e-dukar egwallemogoed. We-ibmarde ibmar-bur-ise-islidikidid.
2887	LEV 7:7	Bab-Jehová Moisésʼga sogdebalid: “Israel-dulemarga be sogo: ‘Isgued-ular-ibmar-uklegedga, degi, dule-baidgi-nosad-ular-ibmar-uklegedga, unnila igar-soggwenna megoed. Dule-baidgi-nosad-ular ibmar-uklenaidi, dule-irwa-Babse-goled-ibmar-imaknaidgadga guoed.
2915	LEV 7:35	Bab-Jehová dule-irwa-ese-goledga, Aarón, degi, e-masmala-nug-imaksad-iba-akale, we-ibmar-Bab-Jehováʼga-ogumakar-uklegedi, Aarónʼga, degi, e-masmalaga ukleged-igar megnonikid.
2935	LEV 8:17	Ar Moli-bebe-nikad-sapingwagwad-e-ukadi, e-sandi, degi, e-saadi, bela Israel-dulemar-danar-danar-bukwad-magaba ogumaksad, ar igi Bab-Jehová ega igar-uksagusa, deyobi Moisés ibmar imaksad.
2941	LEV 8:23	A-sorbali, Moisés sibad-wawaad-e-dukar egwachad. Geb Moisés na e-googi sibad-wawaad-e-abe wesgua, Aarón-e-uaya-duku-argan-nuedsikidgi, abe mage-mage imaksad, degi, e-goo-dummad-argan-nuedsikidgi, degine, e-goo-dummad-nag-nuedsikidgi, abe mage-mage imaksabalid.
2992	LEV 10:14	”Deginbali, be, be-masmala, degi, be-bunamala ibmar-e-binasgar-bana-bana-imaklesad, degi, e-dua-Bab-Jehováʼga-uklesad sunna neg-islidikidgi gunmarbalid. We-ibmarmar Israel-dulemar gwenatigwar-guega Bab-Jehováʼga ibmar-uklegedid. Bab-Jehová sogsad: ‘Bega, degi, be-mimmiganga degisadegu uklegoye.’
3007	LEV 11:9	Ibdurgan-dii-yagi-gudidimalad-see-nikamalad, degi, uka-nikamalad, demargineddibe, diwargineddibe, be sunna gunmaloed.
3125	LEV 14:13	Dule-irwa-anse-goled neg-islidikidgi bia isgued-ular ibdurgan-e-dukar-egwallege, degi, bia ibdurgan-ogumakar-ukleged-e-dukar-egwallege, agi sibad-wawaad-bipigwad-e-dukar egwannoed. Ar isgued-ular-ibdurgan-ukleged, degi, na-dukin-isgusad-ular-ibdurgan-ukleged dule-irwa-anse-goledgadga gued, ar ade, we-ibmarmar nue-islidikidid.
3126	LEV 14:14	”Geb dule-irwa-anse-goled dule-isgusad-ular, ibdurgan-uklenaid-e-abe weoed. Geb dule-san-uruklenaid-e-uaya-nuedsikidgi, e-goo-dummad-nuedsikidgi, degi, e-nag-goo-dummad-nuedsikidgi, a-abe magoed.
3130	LEV 14:18	Deginbali, olivo-gwallu-ganikid-obichadi, dule-san-uruknaid-e-nonogi eobaloed. Dule-irwa-anse-goled dule-san-uruknaid-e-isgued-elilegegala, an-asabin weyob ibmar imakoed.
3132	LEV 14:20	Geb we-ibdurgan ibmar-ogumakar-ukleged-ailagi anga ibmar-gwag-uklegedba-mesa ogumaklegoed. Dule-irwa-anse-goled dule-san-uruknaid-e-isgued-elilegegala, weyob ibmar imakoed. Geb we-dule san swilidik gunonikoed.
3136	LEV 14:24	Dule-irwa-anse-goled sibad-wawaad-sapingwagwad-isgued-ular-uklenaid, degi, olivo-gwallu-bute-abala suoed. Geb an-asabin bana-bana-ibmar-uklegedyob ukoed.
3143	LEV 14:31	Nuu-gwagwenad dule-isgued-ular uklegoed. Baiddi, ibmar-gwag-uklegedba-mesa ogumakar uklegoed. Dule-irwa-anse-goled dule-san-uruknaid-e-isgued-elilegega, an-asabin weyob ibmar imakoed.”
3174	LEV 15:5	Ar doa-dule, dule-boni-nikad-e-meged-ebusale, e-mor enukoed, degi, obbaloed. Dule-ibmar-ebusad neg-mutikguedse swilidiksuli gudii guoed.
3216	LEV 16:14	”Geb a-sorbali, Aarón, moli-bebe-nikad-sapingwagwad-e-abegi, e-goo owardikuoed. Geb Ulu-Eduged-dad-nakwedsikidgi, a-abe bomi-bomi imakoed. E-googi abe-naid ilagugle (7) ulu-asabin bomi-bomi imakoed.”
3220	LEV 16:18	An-asabin ibmar-ogumakar-ukleged-aila-gwichid-urukega nodagoed. Moli-bebe-nikad-sapingwagwad-e-abe, degi, sibad-machered-e-abe weoed. Geb ibmar-ogumakar-ukleged-aila-dikarba moli-bebeyob-gwigwismaladgi magoed.
3324	LEV 20:5	ani an we-dule, degi, e-gwenadgan sabsur-odurdakoed. We-dule, degi, bela dulemar-bab-dummad-Moloc-nug-odummosmaladmala, an e-dulemar-abargi obelogoed.
3344	LEV 20:25	Degisoggu, ibdurgan-swilidikid, ibdurgan-swilidiksulidbo, bemar magar-dake gumalargebed. Deginbali, nuumar-swilidikid, nuumar-swilidiksulidbo, bemar magar-dake gumarbalirgebed. Bemar we-ibdurgan-swilidiksulid-ebuged-ular, nuumar-swilidiksulid-ebuged-ular, ibmar-napagi-garmakdimalad-swilidiksulid-ebuged-ular, melle be swilidiksuli gumalo. Ar ade, we-ibmarmar an bemarga swilidik gusurye sogsa gusad.
3367	LEV 21:21	” ’Aarón-e-wagan-bonikwagwad, bipisaale Bab-Jehováʼga-ibmar-ogumakar-ukleged-ukega, Bab-Jehováʼse warmakosulid. Ar bonikwaa-gued-ulale, bipisaale Bab-Dummadga-madu-ukleged-ukega, Bab-Jehováʼse warmakosulid.
3441	LEV 23:38	We-ibamala, Bab-Jehová-obunnoged-iba-ukine, Bab-Jehováʼga ibmar-uklegoye-ise-sogar-sogsad-ukine, degi, ibmar-ukbiedba-ukleged-ukine, be onobaloed.
3570	LEV 26:45	Be-dadgan-ebo-an-igar-mesisad, an iegosulid. Deun, an bemar-Bab-Dummadga-guega, Egipto-yargi dulemar-baigan-wagab an bemar-onosad. Ani an Bab-Jehová gued.”
3587	LEV 27:16	Bab-Jehová, Moisésʼga sogdebalid: “Israel-dulemarga be sogo: ‘Dule-wargwen na e-nainu-e-dad-ega-uksad, Bab-Jehováʼga ukele, we-nainu ibmar-gwag-diglegedba e-mani-nug ega naguoed. Orosgisaar-dakleged-cebadaʼye-nugad galón-gwadulabo-gakambe-gakatar (55) sunna diglegele, mani dulabo-gakambe (50) aidikued-wilub ega naguoed.
3593	LEV 27:22	” ’Ar dule-wargwen, nainu-e-dad-ega-uksasulid-baksadi, Bab-Jehováʼga ukbiele,
3609	NUM 1:4	Bemar-bendakega bemar-dadgan-warambe-gakabogwad-war-wargwengi, neguyagi-dummadga-gudiid be suoed.”
3650	NUM 1:45	Bela Israel-dulemar birga-durgwen-nikad (20), degine, birga-durgwen-obine-nikamalad (20+), sunna dule-bila-onogedse-namalad-e-nugmar, na e-gwenadgan-e-gwenadganba bela mesilesad.
3715	NUM 3:22	We-e-sordamar bela machergan-ebislesmalad, susmala-nii-wargwen-nikamaladse-bakar-ebislesmaladi, miligugle gaka dulataled-ilatar (7,500) mergued.
3721	NUM 3:28	We-e-sordamar bela machergan-ebislesmaladi, degi, susmala-nii-wargwen-nikamaladse-bakar-ebislemaladi, milibaabak gaka dulataled-ilanergwa (8,600) mergued. Wemala, Bab-Dummadse-goled-neg-dakmaladga gumalad.
3727	NUM 3:34	We-e-sordamar, bela machergan-ebislesmalad, susmar-nii-wargwen-nikamaladse-bakar-ebislesmaladi, milinergwa gaka dulataled-ilabo (6,200) mergued.
3734	NUM 3:41	”Geb degine, Israel-masmala-gebesailaginmalad-anar bela Leví-wagan be suo. Geb deginbali, bela Israel-dulemar-e-ibdurgan-gebemalad-anar, Leví-wagan-e-ibdurgan be subalo. Ani an Bab-Jehová gued.”
3769	NUM 4:25	Anse-goled-neg-sunna-seleged, a-e-mor-dummagan, Dulemar-anbo-ambikued-neg-e-mormar-anwemalad, ibdurgan-uka-nuegan-a-neggi-akinnarmamaid, dulemar-anbo-ambikued-neg-yawagakgi mor-dummad-naid,