702	GEN 26:9	Geb degine, Abimelec, Isaacʼbina gochad, ega sogded: —Etto, ¿Rebeca, we be-ome? ¿Ar ibiga be anmarga sogsa, Rebeca an-bunye? Isaac abin-sogded: —Ar ade, an binsasad, abakalegi we-ome-ular an-oburgwiarmalarye.
861	GEN 30:30	An-nonikid-idu ibmar-ichee-be-nikadi, bega napiragwad merguded, ar ade, an bese nonikid-akar Bab-Jehová ise-nued begi binsasad. Degite, ¿emide, sana an-mimmiganga an na arbadmogosunna?
4205	NUM 16:10	”Bab-Dummad bemar-abesad, bemar e-walikaa gudigued, degine, bela bemar-Leví-wagan e-walikaa gudigued abesad. ¿Emide, bemar dule-irwa-Bab-Dummadse-goledga gubimarbarde?
7004	JDG 18:9	Sordamar-e-ataled abin-sogdemalad: —Anmar ginebinne, egi anmar gwichigu-nae. Ar an neg-daksamaladi, napa-nuedid. ¿Degite, bemar naosuli? Mer geger be itomala. Anmar yar-suega nae.
7555	1SA 14:45	Sordamar, Saúl-abin sogdemalad: —¿Ar Jonatán, Israel-dulemar e-isdarmaladgi-nakwega imaksasursi? ¿Degite, sunna oburgwilegosi? Bab-Dummad-nuggi inniki anmar bega soged, dule bipisaale Jonatán-ebugosulid. Bab-Dummad-e-bendaksadba, anmar-isdarmaladgi-nakwega anmar-imaksad. Deyobi, dulemar Jonatán-bendaksamalad.
9677	2KI 5:26	Ar, Eliseoʼdi, binnasur abin gualid, ega sogded: —Dule be-abindakega e-moli-urgi aideargu, an e-asabin, burbar-gwichi gusad. ¿Ar mani-abingaed-ibasi? Degi, ¿mormar, olivo-nainumar, uva-nainumar, sibad-wawaadmar-abingaed-ibasi? ¿Moli-bebe-nikamalad, degine, mai-machergan, degi, mai-omegan, abingamalad-ibasi? Suli, a-iba-suli.
9910	2KI 14:10	Ar be Edom-dulemargi be nakwisad, degi, abali be yeer-itoged. Degisoggu, be san-dummarba imake, degi, bur neggi-meremai be sae. ¿Ibiga, na be dukin, Judá-yarga naibid amibisunna?”
11782	2CH 28:13	Degi, we-dummagan e-sordamarga sogdemalad: —Dule-galesbukwad mer wese sedamalo. Ar degiile, Bab-Jehová-asabin anmar isgusayobi guoed. Ar ¿bemar, bur bule anmar-isguega imakbie? ¿Bur bule anmargi-ataklegega imakbimala? Adi, sulirgebed. Ar ade, anmar-isgued dogdar-obingusad, Bab-Jehová bela-bela Israelʼgi uludoed.
11892	2CH 32:12	¿Ar Ezequías na e, bemar-ibe bab-dummadganse-goled-negmar, degi, e-ibmar-ukmalad-aila, osulossursi? Degi, Rey-Ezequías na e, Judá-dulemarga, degi, Jerusalénʼginmaladga sogsabarsursi, ¿bemar Bab-Jehováʼse-goled-negginbi be Bab-Dummadse-goloye? ¿Degi, a-negginbi ibmar-ogumakar Bab-Dummadga be ukoye, degi, ina-wawadikid a-negginbi ogumaklebaloye?’
12366	NEH 3:34	Geb Sanbalat e-gwenadgan-wagab, degi, Samaria-sorda-bila-onomalad-wagab sogded: —We-Judíoʼmar, gegegana, ¿we, ibu-imaknanai? ¿Wede we-neggwebur-galu gannar sobmaloye sogmarde? ¿Ar Judíoʼmarde gannar e-Bab-Dummadga ibmar-ogumakar-uknai-guoye sogmarde? ¿Ar ibagwen-dummad we-arbaed gagamaloye sogmarde? ¿Ar akwa-gummaksamalad, bela ubigwar-gusmalad, gannar ebugoye sogmarde, we-galu gannar a-akwagi sobegar? Adi surbali.
14026	PSA 8:5	Bab-Dummad, an binsaddaed: “¿Wede, dule ibusunna, egi be binsanonigu? ¿Wede, dule ibusunna, be akwenonigu?”
14082	PSA 12:5	We-dulemar sogdimalad: “Sunmakedgi anmar dulemargi obinoed. Aga anmar gwabin-duku nikasursi. Anmar-gwabin-duku dule-baidgadsulid. ¿Degite, doa anmargi obinosunna? Dule anmargi-obined sate.”
14862	PSA 60:11	¿Doa, neggwebur-gandikidse an-nidoe? ¿Doa anga, Edom-yalase-aibillemaid oyogoe?
15513	PSA 94:16	¿Doa, dule-isganamar-abin an-irwa gwisgusa? ¿Doa, dule-isganamar-abin anba nagusa?
15720	PSA 106:2	¿Doa, Bab-Jehová-e-ibmar-bulegan-imaksad sogedba nabir barsogoe? ¿Doa, Bab-Jehováʼga-namaklegedgi sogedba sunmakoe? Dule barsoged sate.
15820	PSA 108:11	¿Doa, neggwebur-gandikidse an-idugoe? ¿Doa, anga Edom-yarse-aibillemaid oyogoe?
16378	PSA 144:3	Bab-Jehová, ¿wede, dule ibusunna, egi be binsanonigu? ¿Wede, dule ibusunna, be akwenonigu?
16985	PRO 18:14	Dule-uelleged bonigan-itomaidgi niga-gandikgudele, gwae nugudoed. Ar dule-uelleged niga-batismaile, ¿adi, igi nuguosunna?
17476	ECC 5:8	Weyob-ibmar-guedi, ¿ibu-nued yar-naid egi nikue? ¿Reyde, nainugi-arbamalad-bendakega mai? Eye, bendakega maina.
17935	ISA 10:15	Isaías weyob soged: “¿Ar akande sunna dule-e-ebunaidba bur san-gannarbaa na imaksi? ¿Ar sunna esnali-sapisikedde dule-e-ebunaidba bur bule-bule na san-imaksi? ¿Gaapoledde, dule-e-ganikidgi obinosi? ¿E-nabiedba naosi? ¿Bia be daksa, suar-garagwadi, sapiwar-dummad-nakwaa imake? Deyob be dakdisulid.
18740	ISA 50:8	Dule-an-irwa-gwisguedi, an-nagaba gudiid. ¿Degisoggu, doa anbo gala-itobie? Dule anbo-gala-itobiele, ¡anse dagdo! Dule angi gwisgubiele, ¡anga ibmar sogdado!
20088	JER 44:9	¿Ar bemar bato be-dadgan bela ibmar-isgana-imaksamalad be iesmarsi? ¿Judá-reymar, degi, e-omegan ibmar-isgana-imaksamalad bato be iesmarsi? ¿Bemar, be-omegana Judá-neggweburgi, degine, Jerusalén-neg-galimbaba ibmar-isgana-imaksamalad bato be iesmarsi?
20825	EZK 15:2	“Dule-machi, ¿ibigine, uva-dub-e-saila, sapi-bamalad-e-sailamarba bur-nuedi? ¿Uva-dub-e-wala, sapi-bamalad-abargi ibuga gumoga?
20903	EZK 17:9	”Ega be sogbali, Bab-Jehová-Bela-Gangued-Nikadi weyob sogbarye: ‘¿We-uva-dubde, nasguo be ebinsae? ¿Sulubagide, bela sailanagase uva-ungosur be ebinsae? ¿E-sanmar e-ibe obatosur be ebinsae? ¿Degidba uva-dub odinguosur be ebinsae? Eye, uva-e-muumar-dutugwad dingudoed. Sailanagase-ungegala, arbaed-dummad abelegosulid, dulemar-bukidar abelegosurbalid.
20994	EZK 20:30	Bab-Jehová sogdebalid: “Degisoggu, Israel-dulemarga be soge, ‘Bab-Jehová-Bela-Gangued-Nikadi weyob sogye: ¿Bemar, be-dadganyob isgumarmogoe? ¿Bemar, bab-dummadyob-ibmar-imakleged-e-nug-odummogedgi angi nomarmogoe?
21023	EZK 21:15	Dulemar-ogilogega nugar imaklesad, dakarmakega odatarmaklesad. ” ’An-machi-e-gaapoledi, suar-binsaledyob daksamaladgi ¿anmarde, weligwar-itogoe?
22608	JON 1:8	Degisoggu, selamar Jonásʼse egisdemarsunnad: —Anmarga be soge, ¿wede ibiga anmargi burwa-dummad noali? ¿Be ibigi arbae? ¿Bia be daniki? ¿Be bialidi? ¿Bede, igid-dule?
22803	HAB 1:3	¿Ibigala, igar-innikwad-imaklesulid-dakega be an-imake? ¿Ibiga ibmar-isgana-imaklenaid-dakega be an-imake? Unnila neg-gagalenaidbi, degi, dule-sabsur-imaklegedbi an daked. Urwelegedbi, degi, na abin-abin-imakmaladbi neg-naid.
22959	ZEC 1:12	Bab-Jehová-e-baliwitur weyob-itosgua, sogded: “Bab-Jehová-Bela-Gangued-Nikadye, birga-dulapaa-gakambegusa (70) be Jerusalén-dulemargi-urwedanikid, degi, be Judá-dulemargi-urwedanikid, ¿wede, we-neggweburmar be gannar wiledakega birgabigwa napi?”
23191	MAL 3:2	Degi-inigwele, ¿doa, e-iba-danikid-abin baisur-itogoe? ¿Doa, a-dule-danikir, e-asabin unni gwisguoe? Ar a-dule, soo-ibmar-swilidik-imakedyobi gued, morgauk olli-nanaid-eliedyobi gued.
23275	MAT 3:14	Ar Juanʼdi Jesúsʼga sokalinad, an diigi be-ogosurye. Ega weyob sognai gualid: —Ar be bur, Bab-Dummad-diigi-ogleged-igargi be an-ogedinad. Ar be bur anba dummadid. ¿Degite, be anse danide?
23536	MAT 11:8	¿Degite, ar ibi-dakega be arbimarsunna? ¿Dule-wargwen mor-nued-yoi-gudiid-dakega be arbimala? Suli, a-dakega be arbisurmalad. Ar dulemar-mor-nued-yoi-gudimaladdi, reymar-negyagi gudidimalad.
23551	MAT 11:23	”Emide, bemar Capernaúm-dorgan, ¿nibneggi, nued abingalegoye be binsamala? Suli. Aka be nega-uluba odurdakleged-negse be balimelledmaloed.” Ar Sodoma-neggweburgi we-ibmar-dakledisurmalad be-neggweburgi-imaklesadyob imaklesana, we-Sodoma-neggwebur amba emi-ibaganse siinad.
23570	MAT 12:12	Ar degite, ¿dule, sibad-wawaadba bur-ibmar-nuedsursi? Ar degisoggu, obunnoged-ibagi ibmar-nued-imaked, sunna imaked.
23663	MAT 13:55	¿Ar wede, urgogi-arbaed-dule-machisursi? ¿Ar e-nande, Maríaʼye-nugsursi? ¿Santiagoʼde, Joséʼde, Simónʼde, degine, Judasʼde, e-urbamarsursi?
24215	MAT 27:17	Dulemar-bukidar ambikunonimargu, Pilato amarga sokalid: —¿Doa bemarga onobi be an-abemarsunna? ¿An bemarga Barrabás-onoge? ¿Jesús, Cristoʼye-nugad an onoge?
24479	MRK 6:3	¿Ar wede urgogi-ibmar-sobed-dulesursi? ¿María-machisursi? ¿Santiago, José, Judas, degi, Simón, amarde e-urbamarsursi? ¿E-bunmarde anmar-abargi gudimarsursi? Degisoggu, suli-suli-itoge oes-bukusmalad.
25219	LUK 6:4	”Ar David Bab-Dummadse-goled-negse dognoni gusad, degi, Bab-Dummadga-madu-uklesad guchagusad. Ar David, degi, e-sordamar a-madu gunnedsulinad, ar ade, madu-isedid. ¿Unnila dule-irwa-Babse-gormaladbi we-madu-gunnoye igar-maisursi? Degite, ¿David, degi, e-sordamar igar-noar-imaksar be insae? Suli, ar ukudba nabir madu guchamalad. Degisoggu, an-sapingan nabir imaksamarmodo.”
25447	LUK 10:15	”Emide, bemar Capernaúm-dorgan, ¿nibneggi, nued abingalegoye be binsamala? Suli. Aka be nega-uluba odurdakleged-negse be balimelledmaloed.”
25548	LUK 12:20	”Ar Bab-Dummaddi a-dulega sogdedo: ‘Be dule-aku-ibmar-itoged-dule, emi-mutikidba be-san-burba an sudanikir, be ibmar-urbisad, ¿degite, doagadga guosunna?’
26528	JHN 9:19	Ese egisdemalad: —¿Ar we be-machi-sunnadi? ¿We, be-ibe ibyasuli-gwalulesye be sogmaladi? Ar degite, ¿ibiga emigindi nabir ataksunna?
26536	JHN 9:27	Dule-nugusad, abin-sogded: —Ar bato bega an sogsamalad. Be an-itossurmalad. ¿Degite, ibiga gannar be itobimarsunna? ¿Ar bemar e-sapinganga gubimarmosi?
27349	ACT 10:21	Geb Pedro, Cornelio-dulemar-barmialid-bukwadse aidearsunnad, amarga sognonikid: —Ani an Pedro, be an-amidimalad. ¿Degite, ibiga bemar an-amidimarsunna?
27589	ACT 16:37	Pablo suar-ibmalaga sogded: “Anmar, emide, Roma-dulemar-gue-inigwele, igar-nabiromalad dulemar-bukidarad-abargi, yoo-anmarga-igar-itolege, sabsuli anmar-bibyosmalad, degi, esgaryagi anmar-metemarbalid. ¿Emide, dukuakwagwa anmar-onoye sogmarde? ¡Adi suli! Igar-nabiromalad-sunnad wese anmar-onodagodo.”
28275	ROM 10:19	Degine, an egisbarsundo: ¿Wede, Israel-dulemarde we gayaburba wisgussurmarsi? Wisgusmala. Ar Moisés-inse gebe-sogsad: Bab-Dummad soged: “An-dulasurmalad an sabguoed, bemar, a-dulemargi nobgumaloed. An dule-binsaed-satemaladgi nabir binsaoed, bemar, a-dulemargi uludoed.” Deuteronomio 32:21
28524	1CO 5:2	¿Degite, bemar san-dummarba imakmarde? Bemar we-isguedba bur wile-itogewilubbinad. Ar dule-degigusadi, bemar-abargi bemar onogewilubbinad.
28653	1CO 10:18	Emigindi, Israel-dulemar-e-ibmar-imakmalad be dakmalana: Bab-Dummad-ailagi-ibmar-ogumakar-uksad guchamalale, ¿oyonaisursi, ede, Bab-Dummadba-mesa akanonimarye?
28761	1CO 14:15	¿Degite, igi an saosunna? Burbar Bab-Dummadse an goloed, degine, mag-itogedgi an Bab-Dummadse gorbaloed. An burbar namakoed, degine, mag-itogedgi an namakbaloed.
30050	HEB 2:6	Dule-gwensak Bab-Dummad-Gardagi sogsagusad: “¿Wede, dule ibusunna, egi be binsanonigu? ¿Wede, dule ibusunna, be akwenonigu?
30382	JAS 2:22	¿Emide, mag be itononisunna? Abraham na e-Bab-Dummadgi-bensulidi e-ibmar-imakedba-mesa nue-oyosad. E-Bab-Dummadgi-bensulidi e-ibmar-imaksadba innikii gunonikid.
30405	JAS 4:1	¿Wede, bia urweleged danisunna, degi, wede, bia bemar na abin-abin-imakmalad danibarsunna? Ar bemargi ibmar-isgana-imakbied-naidgi danikid. Ar amar be-ulubgi abin-abin imaknanaid.