200	GEN 8:16	“Ur-dummadyaba-be-gudiid be nodago. Be-ome, be-masmala, degi, be-balagan beba nodamarmogo.
1145	GEN 38:25	Tamar-magaba-onolenaigu, e-sakaga gaya-barmisad: “We-ibmarmar-e-ibed bonigwar an-imaksad. We-goo-burba-wilub, e-dub, degi, we-gaapoled, we-ibmar, ¿doagad be dake?”
1794	EXO 10:16	Faraón, Moisésʼse, degi, Aarónʼse yog-gollar imaksad. Geb, amarga sogded: “Be-Bab-Dummad-Jehováʼba an nue-nosad. Bemargi an nue-nosbalid.
1922	EXO 15:1	Geb degidgine, Moisés, degi, Israel-dulemar we-namaked, Bab-Jehová-nug-ogannogega namakdemalad: “Bab-Jehová-nug-odummogega an namakoed, ar ibibayobi Bab-Jehová-emargi-nakwisad geger-daklege, deunni, molimar, degi, e-birgi-sigmalad, demargi ogundisgu.
1942	EXO 15:21	María ega weyob namaknadapid: “Bab-Jehová-nug-odummogega namakmar. Molimar, degi, e-birgi-sigmalad demargi ogundisa. Ibibayobi, Bab-Jehová Egipto-dulemargi-nakwisad geger-daklege.”
2106	EXO 21:28	“Moli-bebe-nikad-machered dule-macheredgi-yolesale, omegindibe, degidba, dule-oburgwisale, we-moli, akwagi-makar oburgwilegoed. E-san, gullegosulid. Moli-e-ibeddi oakalolegosulid.
2406	EXO 30:23	“Ina-nuegan-yeer-yapanmalad be suo: Mirraʼye-nugad-diregwad, nibirambe-gakapaa (13). Canelaʼye-nugad-yeer-yapanned, nibirnergwa-abala (6½). Cálamoʼye-nugad-yeer-yapanned, nibirnergwa-abala (6½).
2961	LEV 9:7	Geb a-sorbali, Moisés Aarónʼga sogded: “Ibmar-ogumakar-ukleged-ailase be dage. Agi, be-isgued-ular, Bab-Jehováʼga-ibmar-ukleged be ukdage. Degi, be-ibdurgan-ogumakar-ukleged Bab-Jehováʼga be ukdabali. Bab-Jehová bebo-igar-naboged, degi, Bab-Jehová e-dulamarbo-igar-naboged be imake. Deginbali, Israel-dulemar-e-ibmar-uked Bab-Jehováʼga be ukbali, adi, Bab-Jehová e-dulamarga e-isgued osulogega, ar igi Bab-Jehová na igar-uksa gusa.”
3098	LEV 13:45	Bab-Jehová, Moisésʼga, degi, Aarónʼga sogdebalid: “Dule-yaa-maleged-nikadi mor-achirmakaled yooed, gwiosurbalid, degi, e-wagar-negabar-odukuar-nadapi binnasuli gornadapoed: ‘¡An swilidiksuli! ¡An swilidiksuli!’
3461	LEV 24:14	“We-dule-galagwensuli-sunmaksad bemar-danar-danar-bukwad-magaba be onomalo. Bela dule-itosmalad we-dule-nono-birgi e-argan mesoed. Geb bela Israel-dulemar akwagi we-dule-makoed.
3856	NUM 7:5	“We-ibmarmar-bega-uknanaid e-abin be sue, adi, dulemar-anbo-ambikued-neggi ebulegegar. We-ibmarde Leví-wagan-baiganga, na e-ibmar-ebulegedba ega be ukoed.”
5038	DEU 4:32	Moisés Israel-dulemarga sogdebalid: “Be-Bab-Dummad-Jehová ibmar-gegerdakleged-dummagan bemarga imaksad. Degisoggu, emigindi, be egismardo, Bab-Dummad we-napneggi dule-obinnisad-akale, bemar-idu ibagan-nasmaladgine, degine, bela we-napneg-dirbir-naidgine, ar Bab-Jehová bemarga ibmar-imaksadyob, ¿ibmar-gegerdakleged imaklesgusa? Ar Bab-Jehová bemarga ibmar-imaksadyob, ¿Bab-Dummad-ibmar-imaked itolesgusa? Ar weyobid bemar itodisurmalad.
5114	DEU 7:1	Moisés Israel-dulemarga sogdebalid: “Be-Bab-Dummad-Jehová be-yar-susokarmaladgi bemargadga-guega bemar-odogoed. Bab-Jehová, bemar-idu dule-bukidar-bukwamalad onogoed: Het-dulemar, Gergeseo-dulemar, Amorreo-dulemar, Canaán-dulemar, Ferezeo-dulemar, Heveo-dulemar, degi, Jebuseo-dulemar-bukwad, onogoed. ”We-dulemar-sogagugle-gumaladi (7), bemarba bur-melu sordamar nikamalad. Degine, bemarba bur dutusurmarbalid.
5340	DEU 15:19	Moisés Israel-dulemarga sogdebalid: “Be-Bab-Dummad-Jehováʼba ibdurgan-machered-sailagi-gwalulesad be ukoed, moli-bebe-nikaddibe, sibad-wawaaddibe, sibaddibe. ”Be-moli-bebe-nikad-machered-sailagi-gwalulesad oarbaega be imakosulid, degine, be-sibad-wawaad-machered-sailagi-gwalulesad-ibe, be e-absar emiosulid.
5401	DEU 18:15	Moisés Israel-dulemarga sogdebalid: “Be-Bab-Dummad-Jehová e-gayaburba-barsoged-anyobid be-gwenadgan-abargi gwensak bemarga barmidagoed. A-dule, nue be itomalo.
5409	DEU 19:1	Moisés Israel-dulemarga sogdebalid: “Be-Bab-Dummad-Jehová bela dulemar-yar-bega-uksokalidgi-bukwad ogilosale, degine, bela be e-dulemar-ononnosale, geb e-neggweburmargi, degi, e-negmargi be megnonikile,
5584	DEU 26:16	Moisés Israel-dulemarga sogdebalid: “Be-Bab-Dummad-Jehová emi-bega-soged: ‘Igarmar-Mamaidba, Igarmar-soglesadba be nanamarye. Degisoggu, nue salakarmar, bela be-gwagegi, bela be-san-burbagi, we-igarmarba be nanamar.’
5756	DEU 31:26	“We-Igar-Mamaid-garda be sue. Bemar-Bab-Dummad-Jehová-Ulu-naba be mese. We-Igar-Mamaid-garda bemar-barsogega guoed.
6084	JOS 10:18	weyob igar-uksad: “Akwasaila-olloled-yaa-iduar akwa-dummagan urbemar, deginbali, a-yawagak-naba nakulegega sordamar urbemarba.
6681	JDG 6:25	Gines a-mutik, Bab-Jehová Gedeónʼga weyob sogsad: “Be-bab-molimar-bukwadgi moli-bebe-nikad-machered-baid be suo, birgagugle (7) nikad be suo. Geb be-bab bab-dummadyob-imakleged-Baalʼga ibmar-ogumakleged-aila-sobsad be omukuo. Degine, Baal-asabin bab-dummad-bundoryob-imakleged-Asera-e-wilub-gwichid be omukubalo.
6703	JDG 7:7	Geb degidgi, Bab-Jehová Gedeónʼga sogded: “We-dulemar-dulataled-ilapaa (300) dii-gwabingi-eloar-gobsamaladba an be-bendako, degi, Madián-sordamargi nakwega an be-imako. Sorda-baigandi e-neg-e-negse namalo.”
6974	JDG 16:23	Filistea-dulemar-e-dummagan na e-bab-dummad-Dagónʼga ibmar-bukidar-ogumakar-ukmalaga, degi, wergumalaga na ambikusmalad. Weyob namakbukmalad: “Anmar-bab-dummad-Dagón anmarga anmar-argan-yaurgi anmar-isdarad-Sansón uksad.”
6975	JDG 16:24	Filistea-dulemar Sansón-dakarmargu, bela na e-bab-dummad-Dagón-nug-odummodmalad, weyob namakdemalad: “Anmar-bab-dummad-Dagón anmarga anmar-argan-yaurgi anmar-isdarad-Sansón uksad. We-Sansónʼde anmar-ibe nainu-osulodii daed, degi, anmar-dulemar-bukidar osulosbalid.”
7306	1SA 4:7	Geb sogdemalad: “Israel-sordamar-danar-bukwadse bab-dummad-gwensak nonikid. ¡Anmar duledar-wilesmar, ar anmar weyob neg-dakdisulid!
7456	1SA 11:9	A-sorbali, dulemar-gayaburba-berbedimaladga sogdemalad: “Jabes-De-Galaad-neggweburginmaladga be sognamar: ‘Banedse yorukudba Amón-sordamargi bemar bendaklemaloye.’ ” Degi, gayaburba-berbemalad nadmalad, Jabes-neggweburginmaladga gayaburba sogdapmalad. Jabes-dulemar, deyob-gayaburba-itosgu, weligwar-itodmalad.
8327	2SA 13:7	David, Tamar-negse dule-barmisad, Tamarʼga sognaega: “Be-sus-Amnón-negse be dagye, ega be mas-imakdaye.”
8671	2SA 23:15	Ar Davidʼdi, ukud-yaidsur-itoarsoggua, sogded: “Belén-neggwebur-yawagak-naba dia siid. A-dii an gobsa binsaed.”
9003	1KI 8:15	Geb sogded: “Bab-Jehová-e-nug odummolesun. Bab-Jehová, Israel-dulemar-e-Bab-Dummadid. An-bab-Davidʼga ibmar-imakoye-sogsagusad, sogedba imaksad. Deun, an-bab-Davidʼga weyob sogsa gusad:
9472	1KI 21:18	“Israel-e-rey-Acabʼse be nae. Acab, Nabot-nainugi gunaid. Nabot-ibe nainu-suega gunaid.
9495	1KI 22:12	Bela Bab-Dummad-gayaburba-barsogmalad weyob sunmaknanai gusmalad: “Ramot-De-Galaad-neggweburse be bila-ononae. Egi be obinoed, Bab-Jehová bemarga urmakoed.”
9540	2KI 1:3	Degi-inigwele, Bab-Jehová-e-baliwitur Tisbe-dule-Elíasʼga sogsad: “Samaria-e-rey-Ocozíasʼga gayaburba-berbemalad-abinguega be nae. Ega be sogo: ‘¿Ar Israel-yargi Bab-Dummad satesi? ¿Ibiga bemar ibmar wisguega Ecrón-neggwebur-e-bab-dummad-Baal-Zebubʼse be egisnadapmala?’
9739	2KI 8:8	Geb rey, Hazaelʼga sogsad: “Bab-Dummad-e-dulega ibmar-binsa-ukega ibmar be sedo, degine, ega be sogo: ‘Bab-Jehováʼse anga egisye, rey gannar nuguo sogeye,’ adi, an wisguegar.”
10130	2KI 21:7	Manasés, Bab-Jehováʼse-goled-neggi, bab-dummad-bundor-Asera-wagar-wilub ogwichisbalid. Bab-Jehováʼde, Davidʼga, degi, e-machi-Salomónʼga sogsa gusad: “We-anse-goled-neg Jerusalénʼgi-siidgi, degisadegu an-nug obariledii an imakoye. Ar ade, Israel-neggwebur-baiganba Jerusalén-neggwebur an susad, agi maigu an guegar.
10987	1CH 22:18	Weyob ega sogsad: “Bemar-Bab-Dummad-Jehová bemarba gudiid. Ar a bemarga bela-yar-naidgi neg-bogidikid nasiksad. Ar Bab-Dummad dulemar-we-yargi-bukwadgi-nakwega an-imaksad. Wemar, Bab-Jehová-urbaligwa nanabukwad, degi, Bab-Jehová-e-dulemar-sogedba nanabukmarbalid.
11362	2CH 8:11	Salomón, Faraón-sisgwa David-neggweburgi-maidgi sesad, bia ega reyneg-sobsadse. Ar ade, Salomón binsaed: “Bab-Jehová-e-Ulu Rey-David-neggi-signonisoggu, reyneg neg-swilidikidga gunonisunnad. Degisoggu, an-ome we-neggi geg gudii gued.”
11422	2CH 11:3	“Judá-dulemar-e-rey Salomón-machi-Roboamʼga, degi, Israel-dulemar-Judáʼginmaladga, degine, Benjamín-wagan be sogo:
11521	2CH 16:7	A-ibagangi, negburgan-daked-Hanani, Judá-Rey-Asaʼse noni gusad, degi, ega sognonikid: “Be-Bab-Dummad-Jehováʼgi be bensuli guoenad. Ar emidi, Siria-e-reygi be bensuli-gusad-ulale, Siria-e-sorda-bila-onomalad begi wakichad.
11704	2CH 24:22	Ar Rey-Joás, Zacarías-bab-Joiada wile-e-daksa-gusad gwen ebinsassulid. Deyobi, Joás, Joiada-machi-Zacarías-oburgwisad. Zacarías burgwedanimaigua, sogsad: “Be-angi-ibmar-imaknaid Bab-Jehováʼdi, be-daksad. Degisoggu, Bab-Jehová na e-sogedba bemar-odurdakoed.”
11969	2CH 34:31	Geb a-sorba, rey buar-naba-gwisgusgua, Bab-Jehová-asabin weyob gannar igar mesisad: “Bab-Jehová-Igar-Maidba nanadii an guoye, Bab-Jehová-dulemarga-Igar-narmakar-mesisadba an nanadii guoye, degi, Bab-Dummad-Igar-uksadba an nanadii guoye. An bela-bela gwage-ulubgi Bab-Jehová-Igar-Mesisadginbi an nanadii guoye.”
12590	NEH 10:38	Deginbali, anmar sogmarbalid: “Bab-Dummadse-goled-neggi ibmar-sabolegedse gebe-madubur-imakleged sedmaloye. Bab-Dummadga ibmar-gwag-ukleged, bela sapi-san, vinoʼmar, olivo-gwallumar, dule-irwa-Bab-Dummadse-gormaladse sedmaloye. Degine, anmar-nainugi bela ibmar-welegoed anmar Levita-dulemarga sedoye, degine, anmar na neggweburgi-ibmar-welegoed, we-Levita-dulemarga ambegi gwensak (10%) uklegoed. Wemarde na ambegi gwensak-weemaladid.
14083	PSA 12:6	Emide, Bab-Jehová, bede soged: “Dule-e-bendaked-satemalad mesagwar-imaklediid-ular, an gwisguoye. Dule ibmar-sate-gudimaladba bela-belad-bodimalad, an bendakoye.”
14457	PSA 35:27	Anba-nanaimalad, binnasur namakmar, wergumar. Sogdii gumarsun: “Bab-Jehová-e-nug odummolesunye, Bab-Jehová e-mai-gwage-bogidikid yeerdakye.”
17897	ISA 8:20	An bemarga sogdo: “Bab-Dummad-Igar-Mesisadgi bur be nanamalo, e-ibmar-sogsadgi bur be binsamalo.” Ar dule, we-igarmargi-nanasulile, igar-napiragwad amiosulid.
18057	ISA 17:4	Bab-Dummad sogdebalid: “Siria-yala-gandik-siid bela bergusale, Israel-dulemar-e-gangued bela nollomakdemogoed.
18101	ISA 20:2	A-ibagangine, Bab-Jehová Amoz-machi-Isaíasʼga sunmaksad. Weyob ega sogsad: “Wile-itoged-mor-yoid be esue, nag-uka-yoid be ungebali.” Isaías deyob imaksad, uka-swili gudigusad, degi, nag-swili gudigusbalid.
18299	ISA 30:12	A-ulale, Israel-dulemar-e-Bab-Dummad-Isligwaled weyob soged: “An-bemarga-ibmar-soged be itobisurmalad, mesagwar-gued bur be abemalad. Igar-isgana bur be itodmalad. Bur be we-igar-isganaba be akasmalad.
18491	ISA 40:1	Anmar-Bab-Dummad soged: “An-dulamar-e-gwage ogannomar, baisur-ito be imakmar.
18651	ISA 45:20	Bab-Jehová sogbalid: “Dule-yar-baid-baidginmalad bemar-wakindimalad be atomar, be anse dagmar. Akusunna-ibmar-itomaladi, ibmar-sobarmalad-bab-dummadyob-imakleged sedimalad. Degine, bab-dummagan-gwen-e-abonogosulidse gordimalad.
19466	JER 18:13	Ar Bab-Jehová weyob soged: “Dule-yar-baid-baidgi na be egismardo: ‘¿Doa weyob ibmar-imakdimar be itosa?’ ¡Suli! Weyob ibmar itoledisulid. Ar Israel-dulemar, ibmar-isgana yeer-gangu imaksamalad.
19477	JER 19:1	Bab-Jehová weyob anga sogsad: “Napsagi-ibmar-sobed-dulese be nae, ese be napsa-buglu bako. Geb a-sorbali, be-bardaknamalaga neggwebur-girmar-dummaganse abala be golo, degi, dule-irwa-Bab-Dummadse-gormalad-idumaladse abala be gorbalo.
19523	JER 21:14	Bab-Jehová soged: “Bemar-ibmar-isgana-imaksadba an sabsur-bemar-odurdakoed. Be-sapurgi an soo odegoed. We-soo bela sapur-dikarba-ibmar-nanaid obelogoed.”
19615	JER 25:12	Bab-Jehová soged: “Birga-dulapaa-gakambe-gunonikile (70), Babilonia-e-rey-na-isgued-ular, an sabsur-odurdaknonikoed, degi, Caldea-dulemar-bukwad-yala, bela ilagwen-obelogar an imakoed.
19667	JER 27:2	Bab-Jehová weyob anga sogsad: “Moli-dukarba-suar-meged be sobo, degi, geb e-dubmar-nagued be imakbalo. Deyob be imaksale, geb be-dukarba we-suar be edinno.
19754	JER 30:18	Bab-Jehová weyob soged: “Jacob-wagan-gales-bukmalad gannar an sedagoed, Jacob-wagan an nue-wiledakoed. Neggweburmar gannar e-ambikusadgi ambikuoed, reyneg gannar iduar-sii gusadgi sigoed.
19774	JER 31:14	Bab-Jehová soged: “Dule-irwa-anse-gormaladga ise-obinagwar ibmar an ukoed, an-ibmar-nuegangi an-dulamar yeer-itogoed.”
19939	JER 36:28	“Garda-suid-bipirmakaled-baid be amio, gannar gebe-iduar-naiyob be narmako. Bia Judá-e-rey-Joacim garda-ogumaksagusa, deyopira be narmakbaloed.
20140	JER 46:26	Bab-Jehová soged: “Dulemar-be-oburgwebi-gudimaladga an be-urmakoed, Babilonia-Rey-Nabucodonosorʼga, degi, ega-arbamaladga an be-ukoed. Geb a-sorbali, Egipto-neggwebur epennegwadyobi gannar ambikuoed.
20228	JER 49:32	Bab-Jehová soged: “E-moli-yargan-muremalad ei be sumalo, bela e-moli-bebe-nikamalad ei be sumalo. E-dulemar an yogasaar oaisakioed, napa-neg-bergunaidse an barmidoed, amba bia gudimalale, bonigan an egi barmidoed.
20339	JER 51:58	Bab-Jehová-Bela-Gangued-Nikadi weyob soged: “Babilonia-galu-matusulid-akwabiid e-mata-dummad, bela nagase babatoed. Degi, e-yawagak-matusurmaladi ogumaklegoed. Dulemar binsarsunna alamaksamalad, degine, binsarsunna gar-itosmalad, unnila sooga alamaksamalad.”
22077	DAN 9:20	“An-Bab-Dummad-Jehováʼse amba an gorsii gualid, an ega an-isgusad barsognai gualid. Degi, an-Israel-dulemar-e-isgusad an barsognai guarbalid. An ese e-yar-islidikidga gorsii guarbalid.
22436	AMO 1:3	Bab-Jehová weyob soged: “Damasco-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar ade, Damasco-dorgan undar-beedse Galaad-dulemar-wiosad. Esgoro-nugar-nikadgi-ibmar-durwilegeyobi Galaad-imaksamalad.
22439	AMO 1:6	Bab-Jehová weyob soged: “Gaza-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar ade, Gaza-dorgan, bela neggweburmargi-dulemar-bukwad galesa sesmalad, geb Edom-dorganga maiga manigi uksamalad.
22442	AMO 1:9	Bab-Jehová weyob soged: “Tiro-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar ade, Tiro-dorgan, bela dulemar-gasa-sesmaladi, Edom-dorganga maiga manigi uksamalad. Na gwenatigwar-gued-igar-ebo-mesismalad iesmalad.
22444	AMO 1:11	Bab-Jehová weyob soged: “Edom-dorgan-e-isgued nue-wilub-obicha-naid. Sabsur-e-odurdaklegoedi, an ega osulogosulid. Ar ade, Edom-dorgan, e-gwenadgan-wile-daksasulid. Es-suidyalaba balegicha gusmalad. Ar na saed-itoged ulubgi bargadsurmalad, e-urwed gwen iessurmalad.
22446	AMO 1:13	Bab-Jehová weyob soged: “Amón-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar Amón-dorgan, na e-yarmar-abingunanaid onasogega, Galaad-omegan-gurgin-nikamalad-ibe saban-maris nanaed.
22449	AMO 2:1	Bab-Jehová weyob soged: “Moab-dorgan-e-isgued nue-wilub-obicha-naid. Sabsur-e-odurdaklegoedi, an ega osulogosulid. Ar Moab-dulemar, Edom-e-rey-garmar ogumaksad, burubi-guedse imaksad.
22452	AMO 2:4	Bab-Jehová weyob soged: “Judá-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar Judá-dorgan, e-gakansamaladba Bab-Jehová-Igar-Maidgi aibatemalad, Bab-Jehová-Igar-Sogmaidba nanassurmalad. Bab-dummadyob-imaklemaladba nanasmalad, e-dadgan-nanasadba nanasmarmogad.
22454	AMO 2:6	Bab-Jehová weyob soged: “Israel-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar Israel-dorgan, dule-nued manigi uksamalad, Israel-dorgan, dule-wilese-gudimalad sapat-gwagwen-muchub uksamarbalid.
22945	HAG 2:21	“Judá-yar-dakmaid-Zorobabelʼga be soge: ‘Ani, Bab-Jehová, nibneg, napneg, an ogiglimaksokalid.
22985	ZEC 3:4	Degisoggu, baliwitur dulemar-ega-ibmar-samalaga-guakwa-bukmaladga sogded: “Josué-mor-ollibi-yoid ega ungemar.” Geb Josuéʼgardi sogded: “Be dake, be-isgued an bega osulosad. Emigindi, mor-nuedi an bega yooed.”
23101	ZEC 11:4	An-Bab-Dummad-Jehová weyob soged: “Sibad-wawaad-oburgwilegega-bukwad nue be sabguo.
23112	ZEC 11:15	Geb Bab-Jehová anga sogded: “Sibad-wawaad-edarbed-binsaedsulidaedyob be mor-yoe.
23206	MAL 3:17	Bab-Jehová-Bela-Gangued-Nikad soged: “We-ibmar-imaked-iba bato danikid, we-dulemar unnila angadbi gumalaga an imakoed. We-dulemar an wiledakoed, igi baba na e-machi-ega-arbaed wiledake, deyobi an wiledakoed.”
23617	MAT 13:9	Geb Jesús sogdebalid: “An-bemarga-ibmar-soged bemar mag nue-itobiele, nue-itomar.”
23928	MAT 21:33	Jesús Judío-dummaganga sogdebalid: “Igar-burbar-baid-maid be itomarbalo: Ibagwengi dule-wargwen-nainu-ibedi, e-nainugi na uva-digsad. Geb bela egi galu ebiris-imaksad. A-abargi uva-egured sobsabalid. Geb degi, bela nainugi nakulegegala, aila-matusulid sobsabalid. Dule-nainu-ibed dulemar-arbamaladga e-nainu-urmaksad, adi, a-dulemar nainugi uva-wealir, e-ibedga wis ukmogagar. Deyob ebo igar mesisad. Geb nainu-ibeddi neggwebur-baidse dikasur nadsunnad.
23943	MAT 22:2	“Bab-Dummad-e-negdakmaid weyob gubalid: Rey-gwensak e-machi-ome-nikunaidgi iba-dummad onoalid.
24078	MAT 25:1	Degi Jesús sogdebalid: “Bab-Dummad-e-negdakmaid ome-nikunaid-ibagi-gusayob gued: A-ibagi yagana-ambegwad (10) ome-nikulenaid-ibase-naega, na gwallu egad-egad sesmalad, adi, suiga-guoed-abindaknaegar.
24207	MAT 27:9	Ar deyob gunonikid, igi Bab-Dummad-gayaburba-barsoged Jeremíasʼye-nugad, deun sogsagusgu: “Mani-sibu-dulagwen-gakambe (30) susmalad, dule-nued-uklesad-e-mani, Israel-dulemar-an-uksad-mani.
24418	MRK 4:26	Jesús sogdebalid: “Bab-Dummad-e-negdakmaid weyobid, dule-gwensak ibmar-gwag napagi digedyobid.
24490	MRK 6:14	Rey-Herodes, dulemar Jesúsʼgi sunmakmar itoalid, ar ade, bela neggwebur-iliba Jesús-nug mag-itomalad. Gwen-gwen sogmalad: “Diigi-dule-oged-Juan gannar durgusye, aga ibmar-dakledisurmalad-imakega nabir gangued nikaye.”
25150	LUK 4:18	“Bab-Dummad-e-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid: Dule-gwage-nunmak-itodimaladga gwage-armakegar. Dule-galesbukmaladga binnasur sogegar, bemar ainimarye. Dule-ibyasuli-gudimaladga ibya-egaegar. Dule-mesagwar-gudimalad-ollor-imakegar.
25268	LUK 7:4	Judío-dummagan Jesúsʼse nonimargu, egi nue-wilenai gusmalad, ega weyob sognanai gusmalad: “We-dule-e-mai wis be bendakergebed,
25322	LUK 8:8	”Ar ibmar-gwag napa-nuedgi-babatismaladdi, dungudgu, nue-sanmaksad, bela-bela san-nikusad.” Ar weyob Jesús dulemarga sunmaksigu, binnasur sogded: “An-bemarga-ibmar-soged bemar mag nue-itobiele, nue-itomar.”
26728	JHN 13:29	Ar abar binsadmalad, Judas mani-saboged-sagu-sedisoggu, Jesús Judasʼga sogdakleye: “Anmar-ibmar-ibaga-abegedi be baknaye.” Ar ega sogbardibe: “Wileganaga wis be mani uknaye.”
27277	ACT 8:32	Etiopía-dule, Bab-Dummad-Garda-narmakaled-absonadapid, wegi-narmakar naido: “Igi-sibad-wawaad-senigwad e-oburgwilegedse selesdae, deyobi, selemai gusad. Igi-sibad-wawaad ega-e-absar-siked-abin, gordasuli, deyobi, dulemar-asabin Bab-Jehová-e-mai gaya nikussulid, degi, dulemar-asabin gwen gochasurbalid.
27505	ACT 14:22	We-neggweburmargine, Pablo, Bernabé-ebo Jesúsʼba-nanaimalad-gwage ogannosmalad, degi, Jesúsʼgi-bensulid-igargi nue-unasmarbalid. Amarga sogsamarbalid, “Bab-Dummad-e-negdakmaidse dogegala, anmar-idu beedse igar maid, nue naibi-itoleged-igar maid.”
27516	ACT 15:5	Gwen-gwen Fariseoʼmar, Bab-Jesúsʼgi-bensurmarmogad, sokarmalad: “Judíoʼsurmalad-Bab-Jesúsʼba-nagusmarmogad Moisés-Igar-Mesisadba abgan-uka-duku-siked-igar imakergebye, degi, bela Moisés-Igar-Maidba daergebye.”
27567	ACT 16:15	Lidia, Bab-Jesús-abingasadgi Bab-diigi-ogleged-igar imaksad, degi, e-neg-yaurginmalad deyob imaksamogad. A-sorba, Lidia anmargi wilenaigusad, anmarga sogded: “Nue-Bab-Jesúsʼba-nai be an-dakele, an-negse be wis obunnodamardo.” Degisoggu, anmar e-neggi megissunnad.
27743	ACT 21:11	Agaboʼde anmarse ataknonikid. Geb Agaboʼde Pablo-e-molidub susa imaksad. Geb agi na dukin e-mali-edichad, e-argan na edichabalid. Deyob imaksagu, weyob sogded: “Bab-Dummad-Burba-Isligwaled soged: ‘Weyobi Jerusalénʼgi Judíoʼmar we-molidub-ibed-edinmaloed, degi, Judíoʼsurmaladga a-dule-ukmarbaloed.’ ”
28286	ROM 11:9	Degine, Bab-Dummad-Gardagi David sogmogad: “Weligwar-e-iba-onobukwad ega boniga gusun, sakigi-ibmar-galegedyob egi galesun, e-iba ega yolegedga-gusun, degi, ega sabsur-odurdaklegedga gusun.
28374	ROM 15:3	Ar Cristoʼbela ibmar na dukin-yeer-itogega imaksasulid. Ar igi-Bab-Dummad-Gardagi narmakar nai, deyob gusad: “Dulemar-begi-isdar-sunmaknanaid angi yolenonimogad.” Salmo 69:9