23236	MAT 1:23	Emi be dake, yagwa-wargwen gurgin-nika guo, machi-nikunoniko, Emanuelye nugsalegoed. Is. 7:14 Emanuel sogleged, “Bab Dummad anmarba gudiiye.”
23264	MAT 3:3	Ar wegi Bab-Dummad-gaya-burba-berbeged, Isaías, sogsa-gusad, deun sogsagu: Dule-wargwen nega-dule-sulidganba binnasur sunmaknonikoed, dulemarga sognonikoed: “Dule-Dummad-idu igar mayemar, igar-swilidik mesmar.” Is. 40:3
23330	MAT 5:27	Jesús sogdebar: “Ar be itosmalad igi serganga soglesa: Mer be na abirgunagwarsuli neg-sichigi be yolemalo. Ex. 20:14
23334	MAT 5:31	Jesús sogdebar: “Bemar itosmar igi epenne bemar-serganga soglesbali: Ar dule-wargwen ome-metele, omega ome-meted-garda ukoye. Dt. 24:1
23341	MAT 5:38	Jesús sogdebar: “Ar bemar itosmarbalid, epenne be-serganga soglesad: Ibya-gwagwen dule bei onosale, buged maiye, degine, nugar-wargwen dule bei bichisale, buged maibarye. Ex. 21:24; Lv. 24:20; Dt. 19:21
23431	MAT 8:17	Ar Bab-Dummad-gaya-burba-berbeged, Isaías, deun epenne sogsadba guegala deyob gusad, deun sogsa-gusgu: Anmar-uelemalad anmarga na e sesad, degine, anmar-ibmar-nunmakmalad anmarga na e e-sangi sesbalid. Is. 53:4
23579	MAT 12:21	Ar bela-Judiosurmalad e-bendakega, a-dule-edarbebukwa gumaloed. Is. 42:1-4
23836	MAT 19:5	Degi Jesús sogdebar: “Bab-Dummad-Gardagi sognaibalid: A-ulale, machered ome-nikusale, e-babgi, degi, e-nangi banguoye igar maid, adi unnila e-ome-ebo gudiguegar, na ebogwad san-wargwennaga gunonisunnoed. Gn. 2:24
24055	MAT 24:29	Jesús sogdebar: Ibagan-naibi-itoleged-sorba dad-ibeler bar gaosulid, nii bar gaosurmogad. Niskwamardi nibneggi-nanaid babatidagoed. Nibneggi ibmar-dummagan gala-nika-nanaid bela giglimakoed. Is. 13:10; 34:4
24287	MRK 1:3	Dule-wargwen nega-dule-sulidganba binnasur sunmaknonikoed, dulemarga sognonikoed: “Dule-Dummad-idu igar-mayemar, igar-swilidik mesmar.” Is. 40:3
24665	MRK 10:8	Ebogwad dule-wargwennaga gunoni-daed, degisoggu, bar warbosurdo, dule-wargwennagwadyobsundo. Gn. 2:24
24772	MRK 12:30	Dummad, be-Bab-Dummad, bela be-gwagegi be sabguoed, bela be-san-burbagi, bela be-binsaedgi, degi, bela be-ganguedgi. Dt. 6:4-5 We bur-igar-biriginedid.
24811	MRK 13:25	Niskwamardi nibneggi-nanaid babatidagoed, nibneggi ibmar-dummagan gala-nika-nanaid bela giglimakoed. Is. 13:10; 34:4
25074	LUK 2:32	dulemar-Judiosurmaladga be oyogegar, be doa-dule gue, igi gwallu neg-sichidgi neg-mee imakedyob. Degi, we-machi dulemar abonogoedba be-Israel-dulemargi nued sunmakmalagar. Is. 42:6; 49:6; 52:10
25100	LUK 3:6	Bela dulemar Bab-Dummad-abonoged-wisgumaloed.” Is. 40:3-5
26136	JHN 1:23	Juan, abin-sogde-gus: —Isaías, Bab-Dummad-gaya-burba-berbeged sogsa-gusad: Dule-wargwen nega-dule-sulidganba binnasur sunmaknonikoed, dulemarga sognonikoed: Dule-Dummad-idu igar mayemar, igar-swilidik mesmar. Is. 40:3 Ani an a-duledo.
26357	JHN 6:31	¿Bedi ibi anmarga ukosunna? Ar anmar-dadgan nega-dule-sulidgangi maná-guchamalad, ar Bab-Dummad-Garda sognaid: Ede dadganga madu-nibneggi-danikid uksaye, gunnegar. Ex. 16:4; Sal. 78:24
26371	JHN 6:45	Bab-Dummad-gaya-burba-berbemalad-gardagi narmakar naid: Bab Dummad na e-igargi bela dulemar-odurdakoye. Is. 54:13 Degisoggu, bela Bab-itosmalad, degi, egi durdaksamarbalid, amar anse danimaloed anba naguegar.
26717	JHN 13:18	“Ar bemar belagwapaga an sogsulid. Ar an wisid doamar an susa, adi Bab-Dummad-Garda-narmakaledba guegala, bemar-wargwen dikarba an-ukoed, ar Bab-Dummad-Garda-narmakaledgi sognaid: Ar dule anba madu gunsiidi, angi aibinnoniye, an-istaradga gunoniye. Sal. 41:9
26793	JHN 15:25	Ar weyob degi-gusadi, adi emar-igar-maidgi narmakar-naidba guegalad. Bab-Dummad-Garda sognaid: Binsa igar-suli istar an-daksamalad. Sal. 35:19; 69:4
26930	JHN 19:36	Ar we ibmar-degi-gusadi, deyob gusad, adi Bab-Dummad-Gardagi-narmakar-naidba guegar: E-gar bipisaale gwen biskosulid. Ex. 12:46; Num 9:12; Sal. 34:20
27192	ACT 7:7	Bab Dummad wegi-ega-sogsabalid: Yar-baidgined maiga-be-wagan-imakoedi, a-yarginmalad ani an sabsur odurdakoed, degi, be-wagan a-yargi nodagogu, geb we-yargi an-nug odummobukwa-gumaloed. Gn. 15:14
27213	ACT 7:28	¿Sae Egipto-dule oburgwisadyob be an-oburgwebimoga? Ex. 2:14
27451	ACT 13:20	We deyob gusadi, birga-dulataled-ilabake-gaka-dulabo-gakambe-wilub (450) deyob gusad. “Geb a-sorba, Bab Dummad anmar-dadganga dule-nabir-igar-nabiromalad ega uksa-gusad, Samuel, Bab-Dummad-gaya-burba-berbeged mai-gusadse.
27478	ACT 13:47	Ar Bab Dummad bato deyob anmarga igar uksad, anmarga sogsad: Judiosurmaladga gwallu-mee saegala an be-ogwismar, adi bela napneg-ugakase mag itomalagar, ulubgi abonoleged-igar.” Is. 49:6
28015	ROM 1:17	Ar Bab-Dummad-gaya-burba-nuedgi Bab Dummad dulemar-inikii-saed oyolesiid. Unnila Jesucristogi-bengusulidgi abonoleged danikid, ar Bab-Dummad-Gardagi narmakar naidyob: Ar dule-gwage-swilidikiddi Bab-Dummadgi-bensulidgi nanaoye. Hab. 2:4
28063	ROM 3:4	¡Bab Dummad na e-sogsadba imakoe! Ar dulemar bela gakansaedbimar-inigwele, Bab Dummad bela ibmar napiragwadbarbi imaked. Ar Bab-Dummad-Gardagi sognaid: Bab Dummad, Be ibmar sogedgi mag daklenonikoed, be napiragwadba ibmar soged, degine, Bab Dummad, bega igar-itolealile, be nakoed. Sal. 51:4
28071	ROM 3:12	Bela Bab Dummadgi bangusmaladbiid, ibmar-nuedga gwen gussurmalad. Dule ibmar-nued-saed sated, wargwensaar ibmar-nued-imaked gwen nikasulid. Sal. 14:1-3; 53:1-3
28072	ROM 3:13	E-sunmaked neg-uan-argas-maiyob maid, E-sunmakedgi dulemar-yardakmalad. Sal. 5:9 Naibe-nued-e-gichi-boniyob e-sunmaked sedimalad. Sal. 140:3
28220	ROM 8:36	Ar weyob Bab-Dummad-Gardagi narmakar naid: Be-ulale anmar guagwar burgwed-abargi gudiid, sibad-wawaad-e-oburgwed-negse seled-daedyob anmar nugsales gudimalad. Sal. 44:22
28232	ROM 9:9	Ar Bab Dummad weyob Abrahamga sogsad: A-ibagangi gannar an danikoed, geb agi Sara susugwa-nikuoed. Gn. 18:10, 14
28243	ROM 9:20	Ar bede, ¿be doa-sunna, emi be Bab-Dummad-abin imakbigu? Ar napsa-metega-sobaled, dule-e-sobsadga sogosi: “¿Wede ibiga deyob be an-sobsa?” Is. 29:16; 45:9
28264	ROM 10:8	Degite, ¿igi Bab-Dummad-Gardagi sogsunna? Bab-Dummad-gaya-burba be-walikagwad, we-Gaya-Burbadi be-gayagi, degine, be-gwagegi naid. Dt. 30:14 We-Bab-Dummad-gaya-burbagi Cristogi-bensulidgi anmar sunmakdimalad:
28274	ROM 10:18	Ar an egismosundo: ¿Wede Israel-dulemar Bab-Dummad-gaya-burba itossurmarsi? Itosmala. Ar Bab-Dummad-Garda soged: Bab-Dummad-gaya-burba-abingasad-barsogmalad, e-sunmaksamalad bela napneg-naidse barmilesye, ar sukun gwen bessuli e-gaya-burba barmilesye. Sal. 19:4
28280	ROM 11:3	“Bab Dummad, we-Israel-dulemar be-gaya-burba-berbemalad-oburgwismalad, degine, bega-ibmar-gummakar-ukleged-galumar earismarbalid. Deginbali, beba-nanaid anbi walagwen an besad, emigi an-oburgwebimarmogad.” 1 R. 19:10, 14
28285	ROM 11:8	Weyob dulemar-uayasurmalad Bab Dummad imaksaye, E-Gardagi sognaid: Bab Dummad dulemar-e-burba nolloo imaksad, e-ibya aku-dake imaksad, degine, e-uaya aku-ito imaksabalid. Emi-ibase amba deyob gudimalad. Dt. 29:4
28304	ROM 11:27	Bab Dummad sogbalid: “An Israel-dulemarga iskued elisar, geb weyob an amarga igar-mesoed.” Jer. 31:33-34
28311	ROM 11:34	Bab-Dummad-Gardagi sognaid: ¿Doa Bab-Dummad-binsaed bela mag itosa? ¿Degine, doa Bab Dummadga binsaed-ukedga gussunna? Is. 40:13
28312	ROM 11:35	¿Degine, doa Bab Dummadga na-e-inse gebe ibmar-uksa, adi Bab Dummad a-dulega ibmar-ukmogagar? Job 41:11
28359	ROM 14:11	Ar Bab-Dummad-Gardagi narmakar naid: Bab Dummad soged: “Ar an dula gudiid, an-asabin bela dulemar yokorgi sindigar sigmaloedbiid, Degine, bela dulemar anga sogmaloed, be Bab Dummadye.” Is. 45:23
28380	ROM 15:9	Degine, Cristo nonibalid, Bab Dummad Judiosurmalad-wilesakwaa-daked-ular, Judiosurmalad Bab-Dummad-nug ogannogegar, ar igi Bab-Dummad-Gardagi narmakar nai: Degisoggu, Judiosurmalad-abargi an be-ogannogoed, degine, an be-nug odummogega an namakbaloed. 2 S. 22:50; Sal. 18:49
28381	ROM 15:10	Amba Bab-Dummad-Gardagi sognaibalid: Bemar-Judiosurmalad, Bab-Dummad-dulemarba bemar wergumarmoye. Dt. 32:43
28450	1CO 1:19	Ar Bab-Dummad-Gardagi narmakar naid: Bab Dummad soged: “Dulemar-binsaed-ibegan-e-binsaed an osulogoed, degi, dulemar-ibmar-mag-ito-gudimalad ibmar aku-itoge an imakoed.” Is. 29:14
28462	1CO 1:31	Adi Bab-Dummad-Gardagi narmakar naidyob guegar: Ar dule na san-dummarba itobiele, Bab-Dummad-nuggi bur san-dummarba na itodo. Jer. 9:23-24
28471	1CO 2:9	Ar weyob bato iduar Bab-Dummad-Gardagi narmakar sognaid: Bab Dummad ibmar-nuegan guagwar na e-sabmaladga bato nasiksaye. We-ibmarmar dule gwen dakdisulid, dule gwen itodisurbalid, degine, dule gwen egi bipisaar binsadisurbalid. Is. 64:4
28478	1CO 2:16	Ar Bab-Dummad-Gardagi soged: ¿Degite, doa Bab-Dummad-binsanaid wissunna? ¿Doa Bab-Dummad-odurdakosunna? Is. 40:13 Suli, dule geg deyob imake. Anmardi Cristo-binsaed nikmalad.
28498	1CO 3:20	Degine, amba Bab-Dummad-Gardagi sognaibalid: Bab Dummad, dulemar-binsaed-nue-nikaye-sogdimalad-e-binsaed nue wisid, ar amar-binsaed binsaled-daked. Sal. 94:11
28551	1CO 6:16	¿Ar amba be wichurmarbarsi, dule ome-gamba-nuchu, na e-omega imaksar, ebogwad na san-wargwennagwadga gunoni-daed? Ar Bab-Dummad-Gardagi sognaid: Ome na sui-ebogwad dule-wargwennagwadga gunoni-daye. Gn. 2:24
28617	1CO 9:9	Ar Moisés-igar-mesisadgi narmakar igar sognaid: Moli-bebe-nikad ibmar-gwag egwirmaknair, mer e-gaya edinno, ar moli ibmar-gwag sunna maoed, na egwirmaknaidba. Dt. 25:4 ¿Ar Bab Dummad unnila moli-bebe-nikad wile-dakedba deyob sogsa be insae?
28661	1CO 10:26	Ar ade we-napneg-naid, degine, bela egi ibmar-bukwadi, Bab Dummadgadid. Sal. 24:1
28663	1CO 10:28	Ar dule-wargwen bega sokalirdi: “We-mas, bab-dummadga-imaklegedga uklesye,” adi mer be gunnoed, ar dule bega sogsad-ular, degine, ulubgi egi be binsaed-ular. Ar ade we-napneg-naid, degine, bela egi ibmar-bukwadi Bab Dummadgadid. Sal. 24:1
28841	1CO 15:55	Burgwedde, ¿emigindi bia be-bonigandi nadsunna? Degite, burgwedde, ¿bia be-nakoedde nadsunna? Os. 13:14
28968	2CO 6:2	Ar Bab Dummad na E-Gardagi soged: Ibagan nabir-itolegedgi an be-itosad. Ibagan-nabir-abonolegedgi an be bendaksad. Is. 49:8 Emigindi iba-nued nagunonikid. Emigindi Bab Dummad be-abonoged-iba nagunonisunnad.
28984	2CO 6:18	Bab-Dummad-Gandikidba-Maid weyob sogbalid: “Ani an bemar-Babga guoed, bemardi an-masmalaga, degi, an-bunamalaga gumarmogoed.” 2 S. 7:14
29056	2CO 10:17	Bab-Dummad-Gardagi soged: Ar dule na san dummarba na sabiele, bur Bab Dummadgi na san dummarba itoged nabirye. Jr. 9:24
29180	GAL 3:11	Ar mag itolesundo, Moisés-igar-maidba-nanadiidba, dulemar iskussuliyob Bab-Dummad-asabin guosulid, ar ade Bab-Dummad-Gardagi sognaid: Dule-gwage-swilidikid, Bab-Dummadgi-bensulidgi nanaoye. Hab. 2:4
29186	GAL 3:17	Degisoggu, an sogsundo: Bab Dummad Abraham-ebo gebe igar-mesisad, Cristogi ebo igar-nabosad, geb a-sorba birga-dulataled-ilabake-gaka-dulagwen-gakambegi (430) Moisés-igar-megnonikid. A-ular Bab Dummad Abraham-ebo-igar-mesisadi geg bisked. Degisoggu, Moisés-igar-megnonikid, gebe-igar-megisad geg osulosunnad.
29225	GAL 4:27	Ar ade Bab-Dummad-Gardagi weyob sognaibalid: Ome-geg-be-mimmi-bakedi, be wergu, binnasur be wergu, ar be mimmi-bakega be boni itodisur-inigwer. Ar ade ome-geg-mimmi-bakedi, bukidar bur mimmigan nikuoed, ome-emi-sui-nika-gudiidba. Is. 54:1 Degisoggu, anmar maiga gudidisurmardo.
29402	EPH 5:31	Ar a-ulale machergan na e-nangi, degi, e-babgi bangud-damalad, e-omeba gwadilenoni-damalad, na emar warbo guedi, san-wargwennaga gunoni-damarsunnad. Gn. 2:24
29848	1TI 5:18	Ar Bab-Dummad-Gardagi bato sognaid: Moli-bebe-nikad ibmar-gwag egwirmaknair, mer e-gaya edinno, ar moli ibmar-gwag sunna maoed, na egwirmaknaidba. Dt. 25:4 Deginbali: Dulega, arbaed-bennukleged-igar ega nue maid. Mt. 10:10; Lc. 10:7
30035	HEB 1:5	Ar ade bipisaale Bab Dummad anger-wargwenga gwen weyob sogsasulid: Be an-machi, emi-ibagi an be-babga gunonikid. Sal. 2:7 Deginbali, Bab Dummad anger-wargwenaga gwen sogsasurbalid: Ani an e-babga guoed, e, an-machiga gumogoed. 2 S. 7:14
30036	HEB 1:6	Bab Dummad na E-Machi-wargwennaa-gued we-napnegse odenonigu, a-nikdi sogsa-gusad: Bela Bab-Dummad-angermar igi Bab Dummadse gormala e-nug-odummogegar, deyob we-dule-nug odummomarmosun. Dt. 32:43
30037	HEB 1:7	Angermargindi Bab Dummad sogsa-gusad: Bab Dummad na E-angermar burwayob imaked, degine, e-maigandi soo-gwabunye-gwichiyob imakbalid. Sal. 104:4
30039	HEB 1:9	Igar-inikigwad-bina bur be soged, igar-iskanadi istar be daksad. Degisoggu, Bab Dummad a-ular be-susad, be-Bab-Dummad, be-sordamarba dule-dummadga be-nug-imaksad, degine, weligwar itogega be-imaksabalid. Sal. 45:6-7
30052	HEB 2:8	Bela ibmarmar-bukwad a-urba be urbisad. Sal. 8:4-6 Bela-ibmarmar a-urba-ambikusad, gwen ibsoggwensaar a-urba ambikussurdeeye soglesulid, amba bela ibmar deyob a-urba yo ambiku-inigwer.
30103	HEB 5:6	Ar Bab-Dummad-Gardagi narmakar naibalid: Be, dule-irwa-Bab-Dummadse-goledga degi-sadeguoed, Melquisedecyob be gumogoed. Sal. 110:4
30148	HEB 7:17	Agine, Bab-Dummad-Garda egi sunmaknaid: Be dule-irwa-Bab-Dummadse-goled degi-sadeguoedid, be Melquisedecgiidyobmogad. Sal. 110:4
30152	HEB 7:21	Ar dule-irwa-Bab-Dummadse-gormalad-baigangardi ega soglessulid, napira an bega sogye, an sogsad bar ogwaosurye, bemar dule-irwa-Bab-Dummadse-goledga gumaloye. Ar we-Dummad-Jesús, dule-irwa-Bab-Dummadse-goledga, agardi soglesad, napira an bega sogye, ar Bab-Dummad-Gardagi sognaid: Bab Dummad sogsaye: “An-ibmar-sogsad, bar an ogwaosurye. Be dule-irwa-Bab-Dummadse-goled, Melquisedecgiidyob be degi-sadeguoed.” Sal. 110:4
30164	HEB 8:5	We-dule-irwa-Bab-Dummadse-gormalad-arbamalad-nega, Bab-Dummad-meged-neg-sunnadsulid, unnila e-wilubgan gued, ar Bab-Dummad-meged-neg-sunnaddi nibneggi siid. A-ular Moisés Bab-Dummadse-goled-neg sobe-sokargu, Bab Dummad Moisésga sogsa-gusad: Nue be dako, bela yar-birgi bega ibmar oyolesad, a-sunnaa be neg-sobmogoed. Ex. 25:40
30171	HEB 8:12	Deginbali, e-iskumalad bela an ega elioed, degine, e-iskuedgi bar an binsaosulid, iskussuliyob an amar-dakoed.” Jer. 31:31-34
30192	HEB 9:20	sogded: We-abe emi Bab Dummad bemar-ebo igar-mesnaid nue-napiraye sognaid e-wilubgan gued. Ex. 24:8
30207	HEB 10:7	Geb degi an sogdesunnad: “Emigi Bab Dummad, ani an danisun, be-sogedba be-ibmar-imakbied an bega imakegar, ar igi be-gardagi angi-narmakar-mai, adi deyob guegar.” Sal. 40:6-8
30208	HEB 10:8	Cristo gebe-iduar Bab Dummadga sogsa-gusad: “Ibmar-dula-ukleged, bega-ibmar-ukleged, ibmar-dula-gummakar-ukleged, degine, iskued-eliega ibmar-dula-uked gwen be abingabi-gussulid, degine, amar yeer-ito gwen be-imaksasulid.” Sal. 40:6 (Ar wemar Moisés-igar-maidba weyob ukoye sogmai-inigwer.)
30209	HEB 10:9	Degine, a-sorbali Cristo sogbalid: Bab Dummad, emigi an danikid, be-sogedba be-ibmar-imakbied an bega imakegar. Sal. 40:7-8 Weyob sogsagu, Bab-Dummad-gebe-igar-megisad, ibmar-dula-ega-ukleged, a osulosun, igar-binid una messun.
30217	HEB 10:17	Degine, Bab Dummad Burba Nued sogbalid: Bemar-iskudiid, bemar-galagwensuli-gudiid bar egi an binsaosulid. Jer. 31:34
30230	HEB 10:30	Ar anmar Bab-Dummad-wisid, na e-sunnad sogsa-gusad: Buged-saedi wedi angadye, ani an gannar bennukoye. Dt. 32:35 Degine, sogbalid: Bab Dummad na-e-dulemarga igar-itogoye. Dt. 32:36; Sal. 135:14
30238	HEB 10:38	Ar dule gwage-swilidikiddi Bab-Dummad-bensulidgi nanaoed, ar dule gannar sorsik-naderdi, an-san-burba gwen weligwar imakosulid. Hab. 2:3-4
30308	HEB 12:29	Ar ade anmar-Bab-Dummad sooyobi bela ibmar-osuloged. Dt. 4:24
30371	JAS 2:11	Ar Bab-Dummad-sunnad sogsad: Mer neg-sichigi na abirgunagwarsuli yoledigumaloye. Ex. 20:14 Degine, sogsabalid: Mer dule-oburgwemaloye. Ex. 20:13 Degisoggu, dule neg-sichigi yoledisulile, ar aimardi-oburgwisale, ar igar-maidgi bato yolesdo.
30410	JAS 4:6	Ar Bab Dummad nabir anmargi binsae-wilubsulinad, degite, nabir anmargi binsasad, ar E-Gardagi soged: Bab Dummad, dulemar-na-san-dummaa-sadimaladgi gwisgu-daye. Ar dulemar-na-san-bipii-imakdimaladdi, nue-nabir-dakedba Bab Dummad amardi bendak-daye. Pr. 3:34
30457	1PE 1:16	Ar Bab Dummad na E-Gardagi sognaid: Gwage-swilidik be nanamar, ar igi an gwage-swilidik nikmoga. Lv. 11:44-45
30466	1PE 1:25	Ar Bab-Dummad-gaya-burbadi degi-sadeguoed, berguosulid. Is. 40:6-8 Ar we-gaya-burba-nued-geg-bergued bemarga emide soglenonisunnad.
30474	1PE 2:8	Degine, Bab-Dummad-Gardagi sognaibalid: A-akwa dule-egi-goarmakedga gunonikid, degine, a-akwa dulemar omukuega imakbalid. Is. 8:14-15 Ar ade uayasurmarsoggu, Bab-Dummad-gaya-burbagi yoledimarsunnad, ar ade bato iduar deyob amarga igar-megisad.
30503	1PE 3:12	Ar ade Bab Dummad dule-gwage-nuegan-nue-edarbe-daed, degine, amar-ese-goled nue ito-dabalid. Ar dulemar-ibmar-iskana-imakmaladdi, Bab Dummad a-dulemar-idu wagar-obirid-daed. Sal. 34:12-16
30537	1PE 5:5	Sapingana, bemarmoga, girmar-selegan-urbaligwaa-ibmar-imakdii be gumarmo. Degine, bela na be muchub-muchub urbaligwaa be nanamar, degine, maikwaa na be san imakmar, ar ade: Bab Dummad dulemar-na-san-dummarba-imakmaladgi gwisgu-daed. Dulemar-na-san-maikwaa-imakmaladdi, adi Bab Dummad amar-bendak-daed. Pr. 3:34
30882	REV 7:4	An itosad, Israel-dorgan sogambe-gakabogwad-dana-dana-bukwad mili-dulataled-ilagwen-gaka-dulabo-gakabake (144,000) e-wilubgan egi nasiklesad.
30996	REV 14:1	Geb-degi-sorba an dakdebargu, an dakded, Sibad-Wawaad-Mimmi Sion-yargi gwichi, dulemar eba mili-dulataled-ilagwen-gaka-dulabo-gakabake (144,000) eba gwichimalad. We-dulemar Sibad-Wawaad-Mimmi-nuga, degine, e-Bab-Dummad-nuga e-bebegine narmakar naimalad.
30998	REV 14:3	Wemar namaked-bini olo-gana-asabin, degi, ibdula-walabakegwad-asabin, degi, girmar-selegan-asabin namakbukmalad. We-namaked-binid gege dule-baigan durdaked, unnila dulemar mili-dulataled-ilagwen-gaka-dulabo-gakabake (144,000) we-napneggi-abonolesmaladbi we-namaked wismalad.