23296	MAT 4:18	Jesús Galilea-mata-dummad-gakaba nadapgu, dule e-urba-ebo mata-dummadgi saki-minai dakalid. Gwensak Simón, Pedroye-nugbalid, degi, e-urba-Andrés. Amarde gusgu ua-gaedgi arbamalad.
23428	MAT 8:14	Jesús Pedro-negse nonigu, daknoni, Pedro-e-sakbundor nue uelegar mai.
23429	MAT 8:15	Jesús e-argangi Pedro-sakbundor ebusgu, ueleged yog surguar, degi, Pedro-e-sakbundor yog gwisguar imaksad, geb a-sorba ega yog ibmar-imakar gussunnad.
23488	MAT 10:2	Bab-Jesús na e-nuggi-ambe-gakabogwad-barmisad weyob nugmardo: Gebe Simón, Pedroye-nugbalid, agine, Andrés, Simón-e-urba, Santiago, degine, e-urba Juan, Zebedeo-machimala,
23694	MAT 14:28	Geb degi Pedro, abin-sogde: —Dummad, ar be gudiile, an bese mata-dummad-birgi ganna-ganna daged be an-imakdo.
23695	MAT 14:29	Jesús Pedroga sogde: —Be dagdena. Pedro urgi-siid mata-dummadgi aidesgu, mata-birgi ganna-ganna Jesússe nade-gusad.
23696	MAT 14:30	Pedro burwa-binnasur-gormai dakdegu, dobe-ito naded. Geb degi matagi dogdegu, binnasur gote, sogde: —¡Dummad, an-bendake!
23697	MAT 14:31	Geb degi Jesús argangi Pedro-gasgu, Pedroga sogded: —Be an-bengued-duled, ar ¿ibiga be an-bengusa?
23698	MAT 14:32	Ar Jesús, Pedro-ebo urgi nakwismargu, burwa bogidik naded.
23717	MAT 15:15	Pedro, abin-imakdegu, Jesúsga sogde: —Anmarga be oduloge, we be-ibmar-burbar-soged mas-gunned dule-ichosulid, we ibu obare.
23757	MAT 16:16	Simón-Pedro Jesús-abin sogde: —Be Cristo, Bab-Dummad-dule-wargwen-barmidagoye-sogsad-dule, Bab-Dummad-Dula-Maid-E-Machi-sunnad.
23759	MAT 16:18	Ani an bega sogsun; be Simónye-nugad, Pedroye be-nuggubaloed. We-akwa-birgi anba-nanaimalad an na omelomai an imakoed, burgweddi gwen egi nakosulid.
23763	MAT 16:22	Pedro, deyob-Jesús-sogsad itosgu, bachik Jesús-sesad, Jesúsga sabsur ibmar sogded: —Dummad, na be dukin wile na be dake, ar bela we-ibmar-be-sogsadi mer deyob bega guena-gadin.
23764	MAT 16:23	Ar Jesús Pedrosik aibiris imaksagu, Pedroga sogde: —¡Nia-saila-Satanás, be angi bangusun! Bedi igar-iskanagi an-egwanbi-gudiid. Pedro, ar be-binsaedi, Bab-Dummad-sunnaa be binsasulid, unnila dulemar-sunnaa be binsaed.
23770	MAT 17:1	A-iba-nergwad-sorbali, Jesús, bachik Pedro, Santiago, degine, Santiago-urba Juan, amar bachik yar-bir-matusulidse sesad.
23773	MAT 17:4	Geb degi Pedro Jesúsga sogdesun: —Dummad, we nueddo wegi anmar gudigu. Ar be abegele, anmar wegi obunnoged-neg-gwapaa sobmalodo: Gwagwen bega, baid Moisésga, geb baid Elíasgarmo.
23774	MAT 17:5	Ar amba Pedro sunmakgwichi, mogir mee emar-birgi nagunonikid. Geb agi mogir-imbaba gaka-burba gollalid, sogded: “We An-Machi-sabedi gued, we-machigi yeer an itoged. A-Machi nue be itomar.”
23793	MAT 17:24	Jesús na e-sapinganmala Capernaumse modapmalad, dulemar-Bab-Dummadse-goled-negga-mani-wemalad Pedrose nonimalad, ega sognonimalad: —¿Bemar-odurdaked-saila, we Bab-Dummadse-goled-negga-mani-weleged bennuksuli?
23794	MAT 17:25	Pedro, abin-sogde: —Anmar-odurdaked-saila bennuke. Negse Pedro dogdegua, Jesús-inse ega sunmakalid, ega sogded: —Simón, be dakegua, reymar-we-napnegginmalad ¿doamargi we mani ga-damar be insae? ¿E-sordamargine, igi, dulemar-baigangine?
23795	MAT 17:26	Pedro, abin-sogde: —E-sordasurmaladgi mani galeged. Jesús Pedroga sogdesun: —Degisoggu, e-sordamardi geg bennuksundo.
23817	MAT 18:21	Geb degi Pedro Jesússe walikaa gunonikid, ega sognonikid: —Dummad, An-gwenad-angi-nosadga, ¿ilabigwa angi nossulidyob an dakoe? ¿Ilagugledsega?
23858	MAT 19:27	Geb degi Pedro, abin-imakdegu, sogde: —Anmardi belagwapa ibmar obesad, adi anmar beba naegar. Degite anmardi, ¿ibu nikumarmogosunna?
24156	MAT 26:33	Pedro, abin-imakdegu, sogde: —Bela begi bangudmalale, andi begi gwen banguosulid.
24157	MAT 26:34	Jesús, Pedro-abin sogded: —Napira an bega soged, emi-mutik, gannir-namaked-iduar, ilapaa be an-osulogoed.
24158	MAT 26:35	Pedro, abin-sogde: —Ar an beba burgweye sogele, amba an be-osulogosulid. E-sapingan-baigan bela degibi sogdemalad.
24160	MAT 26:37	Pedro, degi, Zebedeo-machimala-warbogwadbi eba sesa-gusad. Geb agi Jesús na nue-wilegoedba nue-wile itoalid, degi, nue-surbinsa itoarbalid.
24163	MAT 26:40	Geb degi Jesús Bab-Dummadse-gorsiid bergusgu, na e-sapinganse nonikid, daknonikid, bela gabmamai. Geb degi Jesús Pedroga sogded: —¿Ar wachi-irgwensaar anba wis ataksii geg be gue, Babse golega?
24181	MAT 26:58	Pedrodi bannabasaar Jesúsba nadap-gusmogad, dule-irwa-Bab-Dummadse-gormalad-bur-dummad-neg-imbase warmakdapid. A-neg-imbase dogsagua, suar-ibedmar-abargi sigdapid, dakega, igi Jesús-imakmalo-dibeye.
24192	MAT 26:69	Pedro neg-imbagi sii, bunagwa-arbaed-wargwen ese nonikid, ega sognonikid: —Be, Jesús-Galileaginedba gudii an be-daksamogad.
24193	MAT 26:70	Pedro, bela dulemar-asabin osuloded, sogded: —Aku an itoged, ibu be anga obare.
24194	MAT 26:71	Pedro yawagakse nadgu, bunagwa baid Pedro-dakarbalid, a-bunagwa dulemar-bukmaladga sogded: —We-dule, Jesús-Nazaretginedba gudii an daksamogad.
24195	MAT 26:72	Pedro gannar osulodbalid, sogded: —Bab-Dummad-nuggi napira an bemarga soged: Andi, an we-dule-aku-daked.
24196	MAT 26:73	Degine, sikwas sanargusadgine, walik-bukmalad Pedrose nonimargu, ega sogdemarmogad: —Napira an bega soged, be Jesús-sordamogad, ar be-sunmaked mag-itoleged be a-sordamogad.
24197	MAT 26:74	Geb degi Pedro ukabsaar ibmar sokalid, degi sogdebalid: —Bab-Dummad-nuggi napira an bemarga soged: Andi, an we-dule-aku-daked. Geb degidgine, yog gannir namakded.
24198	MAT 26:75	Geb degi Pedro ebinsaas-naded, igi Jesús ega ibmar sogsad: “Gannir-namaked-iduar, ilapaa be an-osulogoed.” Degi Pedro magaba nadgu, nue-ise-boar nadsunnad.
24200	MAT 27:2	Edinnar Jesús-sesmalad, neggwebur-dakmaidse Poncio-Pilato-nugadse, aga ukdapmalad, Jesúsga igar-itogegar.
24209	MAT 27:11	Dule-dummad-neg-dakmaid Pilato-nugad, a-asabin Jesús gwisgudapid. Pilato Jesússe egichialid, ega sogded: —¿Ar be Judiomar-E-Rey? Jesús, abin-sogde: —Ar bede soged.
24211	MAT 27:13	Geb degi Pilato Jesúsga sogded: —¿Be itosuli bule-melu begi sunmaknanaid bede ibmar-iskana imakdiiye?
24212	MAT 27:14	Ar Jesúsdi bipisaale gwen abin-imaksasulid. Degisoggu, Pilato nue-geger daksunnad, ar ibiga wede Jesús dulemar-abin imaksuli.
24213	MAT 27:15	Emide dakleargu, ibagi Pilato gusgu Judiomar-abemaladba dule-wargwen-eskaryagi-mellesiid ega onodaed.
24215	MAT 27:17	Dulemar-bukidar ambikunonimargu, amarga Pilato sokar: —¿Doa bemarga onobi be an-abemarsunna, Barrabás-onoge, igi, Jesús, Cristoye-nugad, a bemarga onobi be an-abemala?
24216	MAT 27:18	Ar ade Pilato wisid, Judio-dummagan nobedbali ega Jesús-uksamalad.
24217	MAT 27:19	Pilato deun igar-naboged-gangi sii, e-ome ese gaya barmialid: “We dule-nued, dule-iskudisulid, mer egi be yolemogo. Emi an ichakwa gabdakmai oibosad, an egi gabdaksadgi nue nunmak an itodiid.”
24218	MAT 27:20	Ar dule-irwa-Bab-Dummadse-gormalad-e-dummagandi, degi, Judiomar-girmar-dummagan yamo dulemar-binsaed gasmalad, adi Pilatose Barrabás-egismalaga, ega onogegar, Jesúsdi oburgwemalagar.
24219	MAT 27:21	Pilato gannar dulemarga sogdebar: —¿Doa bur wemar-warbogwad bemarga onobi be an-abemala? Emar abin-sogdemar: —Barrabás anmarga onoye.
24220	MAT 27:22	Geb degi Pilato dulemarga sogdesun: —Ar degite Jesús, Cristoye-nugad, ¿igi an imakosunna? Bela abin-sogdemar: —¡We-dule nakrusgi bioke!
24221	MAT 27:23	Pilato dulemarga sogdebar: —¿Ar degite, we-dulede ibu ibmar-iskana wede imaksasunna? Agi dulemar bur-bule oimakdemalad, sogdemalad: —We-dule nakrusgi bioke.
24222	MAT 27:24	Pilato dakdegu gwen igar-nabolesuli, aka-bur-bule dulemar oimakbukwa, bormogi dii susgua, na e-argan dulemar-wagab enukded, sogded: —We-dule-nued bemar oburgoed, anginsurdo, bemargindo.
24224	MAT 27:26	Geb degi Pilato Barrabás-onossun. Jesúsdi sabsur-bibyosad-sorba suar-ibmalaga uksasun, adi nakrusgi biokmalagar.
24225	MAT 27:27	Degi Pilato-e-suar-ibmala, Pilato-neg-Pretorio-nugadse Jesús-sesmalad. Agi suar-ibmala na e-sordamar bela-danagwenad Jesús-ebilis ambikunonimalad.
24256	MAT 27:58	We dule Pilatose nade-gusad, Jesús-mui egisdapid, adi neg-uanse dignaegar. Geb degi Pilato igar-uksad, Jesús-mui Joséga ukmalagar.
24260	MAT 27:62	Banedgine, ibmar-guar-urbed-sorba, dule-irwa-Bab-Dummadse-gormalad-e-dummagan, degi, Fariseomar Pilatose ambikunonimargu,
24263	MAT 27:65	Geb degi Pilato amarga sogded: —Nabir, Ar degiile, wegi-suar-ibmala-bukwad be neg-uanse sedmar, ar na be wismaladba be imakmarsun.
24320	MRK 1:36	Simón-Pedro, degine, e-sordamar Jesús-amiarmalad.
24373	MRK 3:16	Jesús-e-ambe-gakabo-susad, wemardo: Simón, a Pedroye Jesús onugsasbalid.
24470	MRK 5:37	Jesús dulemar eba gwen naed imaksasulid, unnila Pedro, Santiago, agi Juan, Santiago-urba, amarbi eba-naed imaksad.
24598	MRK 8:29	Jesús na e-sapinganga sogded: —¿Bemardina, doaye an-nik sogmarmosunna? Pedro, Jesús-abin sogded: —Be Mesías. (A sogleged, Bab Dummad epenne dule-wargwen barmidagoye-sogsad-duleye.)
24601	MRK 8:32	Jesús wegi-ibmar-sogsadi e-sapinganga ise-bakar-bud sogsado, ede oburgwilegoye. Agi Pedro, Jesús-bachikii-sesgua, ega binnasur sogded: —Mer deyob be soge, an burgoye.
24602	MRK 8:33	Jesús aibilisgu, e-sapingan-bela dakdegu, geb Pedroga sabsur sogded: —Nia-saila-Satanás be angi bangusun. Bab-Dummad-sunnaa be binsasulid, unnila dulemar-sunnaa be binsaed.
24609	MRK 9:2	A-iba-nergwad-sorbali, Jesús-yar-matusulidse bachikii e-sapingan-warbaa sesa-gusad: Pedro, Santiago, degi, Juan, amarbi eba nade-gusmalad. Yar-birgi gwichi, Jesús amar-asabin e-san-dakleged gwagde-gusad.
24612	MRK 9:5	Geb degi Pedro Jesúsga sogded: —Odurdaked-saila, we nueddo wegi anmar gudigu. Anmar wegi obunnoged-neg-gwapaa sobmalodo: Gwagwen bega, baid Moisésgar, geb baid Elíasgarmo.
24613	MRK 9:6	Ade Jesús-sapingan bela gwakidmarsoggu, Pedro itosulid yogsaar gole-gole gwichid.
24685	MRK 10:28	Degi Pedro Jesúsga sogdesun: —¿Anmardina? Anmardi belagwapa-ibmar-obesad, adi anmar beba naegar.
24686	MRK 10:29	Jesús, Pedro abin-sogded: “Napira an bemarga soged, dule-wargwensaar an-nug-ular, degi, an-gaya-burba-nued-ular ibmar-meter, e-neg, e-gwenadgan, e-bunmar, e-bab, e-nan, e-ome, e-mimmigan, degine, e-nainu,
24730	MRK 11:21	Agi Pedro ebinsaargu, Jesúsga sogded: —Odurdaked-saila, be dake, higuera-sapi-sae-be-ukabsasad, dinguded.
24789	MRK 13:3	Jesús Bab-Dummadse-goled-neg-ayaroedgi-sunmaksad-sorba na e-sapinganmala Olivos-yarse modapmarsunnad. A-yar Bab-Dummadse-goled-neg-asabin siid. A-yargi Jesús sigidapgu, Pedro, Santiago, Juan, degi, Andrés, arbakee ese egichiarmalad:
24852	MRK 14:29	Geb degi Pedro Jesúsga sogded: —Bela begi bangudmalale, andi begi gwen banguosulid.
24853	MRK 14:30	Jesús, Pedro-abin sogded: —Napira an bega soged, emi-mutiki, gannir-ilabo-namaked-iduar, ilapaa be an-osulogoed.
24854	MRK 14:31	Ar Pedro aka-bur-bule sogded: —Ar an beba burgweye sogele, amba an be-osulogosulid. E-sapingan-baigan bela degibi sogdemalad.
24856	MRK 14:33	Unnila Pedro, Santiago, degi, Juan, amarbi eba sesa-gusad. Agi Jesús na nue-wilegoedba nue-wile itoalid, degi, nue-surbinsa itoarbalid.
24860	MRK 14:37	Jesús Bab-Dummadse-gorsiid bergusgu, na e-sapinganse nonikid, daknonikid bela gabmamai. Geb degi Jesús Pedroga sogded: —¿Simón, be gabmai? ¿Wachi-irgwensaar Babse golega wis geg be atake?
24877	MRK 14:54	Pedrodi bannabasaar Jesúsba nadap-gusmogad, dule-irwa-Bab-Dummadse-gormalad-bur-dummad-neg-imbase warmakdapid. Pedro suar-ibmalad-imbagi sigdapid, wis na soogi wadapmogad.
24889	MRK 14:66	Pedro aila-urba neg-imbagi sii, dule-irwa-Bab-Dummadse-gormalad-bur-dummadga-bunagwa-arbaed nonikid.
24890	MRK 14:67	Bunagwa Pedro soogi wasii dakargua, nue-nuu dakdegu, ega sogded: —Jesús-Nazaretginedba be gudidamogad.
24891	MRK 14:68	Pedro bunagwa-abin-osulod, sogded: —Aku an ito ibi be anga obare, degine, a-dule aku an dakbalid. A-sorba Pedro magaba-noed-yawagakse nadgu, gannir namakded.
24892	MRK 14:69	Bunagwa gannar Pedro-dakarbargu, dulemar-bukmaladga sogded: —We-dule Jesúsba-gudii an daksamogad.
24893	MRK 14:70	Pedro gannar osulodbalid. Degine, sikwas sanargusadgine Pedro-dikarba-gwigwismalad Pedroga sogdemarmogad: —Napira an bega soged, be Jesús-sordamogad, ar be Galilea-dolad, degi, be-sunmakedi a-dulemargii be sunmakmogad.
24894	MRK 14:71	Geb degi Pedro ukabsaar ibmar sokalid, degi, sogdebalid: —Bab-Dummad-nuggi napira an bemarga soged, we-dulegi-bemar-sunmaknanaid an aku daked.
24895	MRK 14:72	Degi-sogsagu, ilaboguddo gannir namaked. Agi Pedro ebinsaas-naded igi Jesús ega ibmar sogsad: “Gannir-ilabo-namaked-iduar, ilapaa be an-osulogoye.” Pedro deyob Jesús-ega-sogsad insadgu, ise-boar naded.
24896	MRK 15:1	Wakudaryalaba, dule-irwa-Bab-Dummadse-gormalad-e-dummagan, degi, Judiomar-girmar-dummagan, degi, escribamar, bela Judio-dummagan-igar-nabiromalad igar-itosmargu, argan-edinnar Jesús-sesmalad. Geb degi Pilatoga Jesús-uksamarsunnad, ega igar-itogegar.
24897	MRK 15:2	Geb Pilato Jesússe egichided: —¿Ar be Judiomar-E-Rey? Jesús, abin-imakdegu, ega sogded: —Ar bede soged.
24899	MRK 15:4	Pilato gannar Jesússe egichided, ega sogded: —¿Be dulemar-abin imaksuli? Be dake bule begi sognanai, bede ibmar-iskana imakdiiye.
24900	MRK 15:5	Degite, Jesús bipisaale gwen abin-imaksasulid. Degisoggu, Pilato geger daksunnad, ar ibiga-wede Jesús dulemar-abin imaksuli.
24901	MRK 15:6	Dakleargu, ibagi Pilato gusgu Judiomar-egismaladba dule-wargwen-eskaryagi-mellesiid ega ono-daed.
24903	MRK 15:8	Dulemar-bukidar Pilatose nonimalad, ese egisnonimalad, dule-wargwen-eskaryagi-mellesiid igi gusgu Judiomar-ibagi ega ono-dae, deyob ega onobaligar.
24904	MRK 15:9	Pilato dulemar-abin-imakdegu sogded: —¿Judiomar-E-Rey bemarga onobi be an-abemala?
24905	MRK 15:10	Ar ade Pilato wisid, dule-irwa-Bab-Dummadse-gormalad-e-dummagan binsa Jesúsgi-nobmaladbali ega uksamalad.
24907	MRK 15:12	Pilato dulemarse gannar egisdebarsunnad: —¿Judiomar-E-Reyye bemar biedi igi imakbi be an-abemarsunna?
24908	MRK 15:13	Dulemar Pilato-abin-oimakdemalad: —¡We-dule nakrusgi bioke!
24909	MRK 15:14	Pilato, dulemar-abin-sogded: —¿Ar degite, we-dulede ibu-ibmar-iskana wede imaksunna? Agi dulemar bur-bule oimakdemalad, sogdemalad: —¡We-dule nakrusgi bioke!