23215	MAT 1:2	Abraham-machidi nuga Isaac, Isaac-machidi Jacob, Jacob-machidi Judá, degi, Judá urbamarde.
23216	MAT 1:3	Judá-machidi Fares, degi, e-machi-baiddi Zara, We-machi-warbogwad-e-nandi nuga Tamar. Fares-machidi nuga Esrom, Esrom-machidi Aram.
23228	MAT 1:15	Eliud-machidi Eleazar, Eleazar-machidi Matán, Matán-machidi Jacob.
23256	MAT 2:18	Ramá-neggweburgi dulemar oimakbuk-itolesad, bela-bela bukib-itomaladbali, nue boedbimalad, Raquel na e-mimmiganga boe itosmalad, ar dule-wargwensaar we-ome-bukib-binsaed-osuloged gwen nika-gussulid, ar ade e-mimmigan burgwisad. Jer. 31:15
23266	MAT 3:5	Jerusalénginmalad, bela Judea-yalaganbarmalad, degi, Jordán-diwar-dikarba-dulemar-bukmalad, Juanse duurmaknonimalad.
23267	MAT 3:6	E-iskudiid na dukin-dukin barsognanai-guarmalad, geb Juan Bab-Dummad-digi-ogleged-igar imaknai-gualid, Jordán-diwargi.
23274	MAT 3:13	Degi, Jesús Galileagi gudiid, Jordán-diwarse nonikid, adi Juan Bab-Dummad-digi-ogleged-igargi e-ogegar.
23288	MAT 4:10	Geb degi Jesús, abin-sogded: —Nia-saila-Satanás, be angi bangu, ar Bab-Dummad-Gardagi narmakar naid: Ar Dummad, be-Bab-Dummad, Asebi be goloed e-nug odummogegar, unnila agarbi be ibmar-imakoed. Dt. 6:13
23293	MAT 4:15	Zabulón-yala, degi, Neftalí-yala, mata-dummad-naidsik, Jordán-diwar-obakar-bukmalad, Galilea-dola, Judiosurmalad,
23303	MAT 4:25	Dule-bukidar Jesúsba duurmaknadap-gusmalad, Galilea-dorgan, neggwebur-gwaambe-bukmaladginmalad, Jerusalénginmalad, Judeaginmalad, degi, Jordán-diwar-obakarmalad, amar Jesúsba duurmaknadap-gusmalad.
23489	MAT 10:3	degine, Felipe, Bartolomé, Tomás, Mateo, Roma-dummadga-mani-gaedgi-arbasad, degi, Santiago Alfeo-machi, degi, Lebeo, Tadeoye-nugbalid.
23584	MAT 12:26	Ar nia-saila-Satanás na e-sapingan na onodele, ar na dukin egi aibinna-itole, ar degiile, ¿igi e-neg-na-dakmaid degi-sadeguosunna? Suli, e-neg bergudele.
23597	MAT 12:39	Jesús, abin-imakdegu, sogde: —Be dulemar-iskanamar, degi, neg-sichigi-galagwensuli-yolemaladyob bemar-Bab-Dummadgi-nodimalad, bemar abemardo, ibmar-wilubgan-dakledisulid be-wagab bega imaked. Ar an bega sogmardo, wilubgan bega oyolegosurdo, ar oyolegoedi, Bab-Dummad-gaya-berbeged, Jonásye-nugad gusadyob bega oyolegoed.
23598	MAT 12:40	“Ar igi Jonás ua-dummad-saban-yaba ibapaa-ibgined, degi, ibapaa-mutikidba megisa, debayobi ani Dule-Machi, napa-urba ibapaa-ibgined, degine, ibapaa-mutikidba megmogoed.
23599	MAT 12:41	Machergan-Níniveginmalad Bab-Dummad-igar-nabogoed-ibagangi we-dulemar bemar-emi-dula-gudidimalad-abargi gwisgudagogu, bemar-sabsur-odurdakye sogdagoed. Ar ade Jonás Bab-Dummad-igargi sunmaksagu, Nínive-dorgan na e-iskuedga bukib-binsas-gusmalad, na e-daed gwagsamalad. Ar emigindi, Jonásba bur-bule dule-dummad wegi bemar-abargi gudiid, ar degite, bemar be-iskuedga na be bukib-binsasurmalad, be-daed na be ogwasurmalad.
23745	MAT 16:4	“Dulemar galagwensuli-damalad, degi, neg-sichigi-galagwensuli-yolemaladyob Bab-Dummad-sogedba-ibsasurmalad, amardi ega ibmar-wilubgan-dakledisurmalad oyobi abedamalad. Ar we-wilubgan ega oyolegosurmalad, unnila ega oyolegoedi, Bab-Dummad-gaya-burba-berbeged, Jonás, a-gusadyob a-wilubgan ega oyolegoed, adi wisgumalagar an doa-dule gue.” Jesús degi-sogsagu, emargi bangudsun.
23758	MAT 16:17	Geb degi Jesús, abin-imakdemogad: —Simón, be Jonás-machi, begi nued binsalesad, ar dule we-ibmar bega sogsasulid, bega-sogsadi, an-Bab-nibneggi-maid, a bega we osanalos, an Cristoye, Bab-Dummad-Machi-sunnadye.
23764	MAT 16:23	Ar Jesús Pedrosik aibiris imaksagu, Pedroga sogde: —¡Nia-saila-Satanás, be angi bangusun! Bedi igar-iskanagi an-egwanbi-gudiid. Pedro, ar be-binsaedi, Bab-Dummad-sunnaa be binsasulid, unnila dulemar-sunnaa be binsaed.
23832	MAT 19:1	Emi Jesús weyob-ibmar-sogsad-sorba, Galileagi bangudsun, Judea-yalaganba, Jordán-diwar-obakar nade-gusad.
24126	MAT 26:3	Degine, dule-irwa-Bab-Dummadse-gormalad-e-dummagan, escribamar, Judiomar-girmar-dummagan-neggwebur-sedimalad, bela amar danar dule-irwa-Bab-Dummadse-gormalad-bur-dummad, Caifás-nugad, a-neg-imbase ambikunonimalad.
24180	MAT 26:57	Dulemar-Jesús-gasmaladi, dule-irwa-Bab-Dummadse-gormalad-bur-dummad, Caifás-nugadse Jesús-sesmalad, bia escribamar, degi, Judiomar-girmar-dummagan igar-itogega bukmaladse.
24214	MAT 27:16	Deunni a-ibagangine, dule-wargwen eskaryagi-mellesiido, yeer-dule-nug-nikagwad, Barrabásye a-dulede nugad.
24215	MAT 27:17	Dulemar-bukidar ambikunonimargu, amarga Pilato sokar: —¿Doa bemarga onobi be an-abemarsunna, Barrabás-onoge, igi, Jesús, Cristoye-nugad, a bemarga onobi be an-abemala?
24218	MAT 27:20	Ar dule-irwa-Bab-Dummadse-gormalad-e-dummagandi, degi, Judiomar-girmar-dummagan yamo dulemar-binsaed gasmalad, adi Pilatose Barrabás-egismalaga, ega onogegar, Jesúsdi oburgwemalagar.
24219	MAT 27:21	Pilato gannar dulemarga sogdebar: —¿Doa bur wemar-warbogwad bemarga onobi be an-abemala? Emar abin-sogdemar: —Barrabás anmarga onoye.
24224	MAT 27:26	Geb degi Pilato Barrabás-onossun. Jesúsdi sabsur-bibyosad-sorba suar-ibmalaga uksasun, adi nakrusgi biokmalagar.
24289	MRK 1:5	Degisoggu, bela Judea-yalaganbarmalad, degi, bela Jerusalén-neggweburginmalad, Juan-Bautistase nonimarsun, gaya-burba-nued itogegar. E-iskudiid na dukin-dukin barsognanai-guarmalad. Geb Juan Bab-Dummad-digi-ogleged-igar imaknai-gualid, Jordán-diwargi.
24293	MRK 1:9	Deunni, a-ibagi Jesús Galilea-yargi gudiid, Nazaret-neggwebur-nugadgi. Agi nadegusad, Jordán-diwarse. Geb a-diwargi Juan-Bautista Bab-Dummad-digi-ogleged-igargi Jesús-ogsad.
24297	MRK 1:13	Agi ibmar-durgan-abargi Jesús iba-dulabo gudigusad. Deunni nia-saila Jesússe noni-gusad, geb degine nia-saila-Satanás Jesús-wilubdaknai-gualid. Nia-saila Jesús-wilubdaksad-sorba, angermar noni-gusmogad, Jesús-bendakegar.
24365	MRK 3:8	Jesús ibmar-dakledisurmalad imakdiiye wisguarmargu, Judeaginmalad, Jerusalénginmalad, Idumea-dorgan, Jordán-diwar-gakabarmalad, Tiro-yarginmalad, degi, Sidón-neggweburginmaladse-bakar nonimalad, Jesús-dakegar.
24375	MRK 3:18	Degine, Andrés, Felipe, Bartolomé, Mateo, Tomás, degi, Santiago, Alfeo-machi, aginbali, Tadeo, Simón, a-dule cananista-sordad,
24380	MRK 3:23	Jesús, escribamar degi-soge itosgu, ese gochad, dagmarye. Ese nonimargu, Jesús burbar amarga sunmakded, sogded: “¿Nia-saila-Satanás na e-sordamar sunna onogo be insae? Adi suli.
24383	MRK 3:26	Debayobi nia-saila-Satanás na e-sordamargi aibitele, e-igar-mamaid bergudo-itole.
24407	MRK 4:15	“Bukidar-ibmar-gwag-igarba-babatismaladi dulemar-Bab-Dummad-gaya-burba-itosmalad e-wilubgando. Wemar gaya-burba itosmalanad degi-inigwele, nia-saila-Satanás e-gwagegi Bab-Dummad-gaya-burba-nued-diglesad ei-ungenonikid.
24453	MRK 5:20	Dule-niaburba-nika-gudigusad nadsun, Decápolis-yargi neggweburmar-bukwadgi sunmakdii-gualid, igi Jesús wile e-dakedba e-nudaksa. Bela-dulemar geger dakmalad ibiyobi nabir nugusa.
24543	MRK 7:11	“Bemar-Fariseomardi sogmalad, dule-wargwen e-babga, degi, e-nanga sog-dibe: ‘Geg an be-bendak, ar bela an-ibmar be-bendakoed-nikadi bato Korbán, a sogleged, Bab Dummadga ukaled.’ Bemar sogmalad, we, ibmar-nuedye.
24544	MRK 7:12	“Degi, bemar sogmarbalid, Korbánye be-babga, degi, be-nanga be sogsale, be-bab, degi, be-nan geg be bar bendakye.
24563	MRK 7:31	Jesús Tiro-yargi gudii, Sidón-yarsik biirnade gusad, geb degi Decápolis-yala-imbaganba nodapid, Galilea-mata-dummad naidse.
24602	MRK 8:33	Jesús aibilisgu, e-sapingan-bela dakdegu, geb Pedroga sabsur sogded: —Nia-saila-Satanás be angi bangusun. Bab-Dummad-sunnaa be binsasulid, unnila dulemar-sunnaa be binsaed.
24658	MRK 10:1	Jesús Capernaumgi nadbargu, Judea-yalaganba nonikid, Jordán-diwar-obakar yar-naidse. Agi gudii, dulemar-bukidar ese nonimalad. Ar igi Jesús gusgu na dulemar-odurdak-dae, deyob dulemar-odurdakdebarsunnad.
24902	MRK 15:7	Agine, dule-wargwen, Barrabás-nugadi, e-sordamarmala eskaryagi deun mellesii-gusad. Ar ade amar Roma-dulemargi gwisgusmargu, neg-oimakdii dulemar-oburgwis-gusmalad.
24906	MRK 15:11	Dule-irwa-Bab-Dummadse-gormalad-e-dummagandi mer-Jesús-onogegala yamo dulemar-ibe-binsaed-gasmalad, adi Barrabás-onomalagar.
24910	MRK 15:15	Pilato nabir-dulemar-ito imakbisoggu, Barrabás ega onossunnad. Jesúsdi sabsur-bibyosad-sorba suar-ibmalaga uksasunnad, adi nakrusgi bioknamalagar.
24978	LUK 1:16	Deginbali, we-machi gannar Bab-Dummad-Jehováse, Israel-dulemar-bukidar obirnai-guoed.
25001	LUK 1:39	A-ibagangi, María Judá-yalaganba, a-neggwebur-gwagwense gwae nade-gusad.
25096	LUK 3:2	Deunni Anás, Caifás-ebo dule-irwa-Bab-Dummadse-gormalad-bur-dummadga maid. A-ibagangine, Bab Dummad Juanse gornonikid, Zacarías-e-machise. Deun Juan-Bautista nega-dule-sulidganba gudiid.
25097	LUK 3:3	Juan-Bautista nade-gusad, bela Jordán-diwar-dikarba, Bab-Dummad-digi-ogleged-igargi sunmakdii, dulemar na e-iskumaladga bukib binsaegar, adi e-daed gwagmalagar, adi iskuedgi abonomalagar. Agi Juan sunmakdii-gualid.
25120	LUK 3:26	Nagaidi Maat-e-machid, Maatdi Matatías-e-machid, Matatíasdi Semei-e-machid, Semeidi José-e-machid, Josédi Judá-e-machid,
25121	LUK 3:27	Judádi Joana-e-machid, Joanadi Resa-e-machid, Resadi Zorobabel-e-machid, Zorobabeldi Salatiel-e-machid, Salatieldi Neri-e-machid,
25124	LUK 3:30	Matatdi Leví-e-machid, Levídi Simeón-e-machid, Simeóndi Judá-e-machid, Judádi José-e-machid, Josédi Jonán-e-machid, Jonándi Eliaquim-e-machid,
25125	LUK 3:31	Eliaquimdi Melea-e-machid, Meleadi Mainán-e-machid, Mainándi Matata-e-machid, Matatadi Natán-e-machid.
25126	LUK 3:32	Natándi David-e-machid, Daviddi Isaí-e-machid, Isaídi Obed-e-machid, Obeddi Booz-e-machid, Boozdi Salmón-e-machid, Salmóndi Naasón-e-machid,
25127	LUK 3:33	Naasóndi Aminadab-e-machid, Aminadabdi Aram-e-machid, Aramdi Esrom-e-machid, Esromdi Fares-e-machid, Faresdi Judá-e-machid,
25128	LUK 3:34	Judádi Jacob-e-machid, Jacobdi Isaac-e-machid, Isaacdi Abraham-e-machid, Abrahamdi Taré-e-machid, Tarédi Nacor-e-machid,
25130	LUK 3:36	Saladi Cainán-e-machid, Cainándi Arfaxad-e-machid, Arfaxaddi Sem-e-machid, Semdi Noé-e-machid, Noédi Lamec-e-machid,
25131	LUK 3:37	Lamecdi Matusalén-e-machid, Matusaléndi Enoc-e-machid, Enocdi Jared-e-machid, Jareddi Mahalaleel-e-machid, Mahalaleeldi Cainán-e-machid,
25132	LUK 3:38	Cainándi Enós-e-machid, Enósdi Set-e-machid, Setdi Adán-e-machid, Adándi Bab-Dummad-machid. Wemar, Jesús-e-dadgan gumardo.
25133	LUK 4:1	Jesús, Bab Dummad Burba Nued nue-nika gudii, Jordán-diwargi banguded. Geb degi, Bab Dummad Burba Nued nega-dule-sulidganba Jesús-sesa-gusad.
25159	LUK 4:27	“Deginbali, Bab-Dummad-gaya-burba-berbeged, Eliseo-nugad, maigusgu, Israel-yargi dulemar-naibe-buna-ya-maleged bukidar nika-gusmalad, degite, amar gwen nudaklessulid, bur nudaklesad, Sirio-dule, Naamán-nugad.”
25230	LUK 6:15	Mateo, Tomás, Santiago, Alfeo-machi Simón, Zeloteye-bimarbalid,
25450	LUK 10:18	Jesús amarga sogded: “Mer be dummarba na san itomalo. Ar nia-saila-Satanás na-dummarba-itosadbali an daksad, nibneggi mar-gaedyob argwate.”
25451	LUK 10:19	Jesús e-sapinganga sogdebar: “Emide be dake, bemarga gangued an uked, naibemar-birgi, degine, diormar-birgi annaegar, degine, bela be-istarad-Satanás-ganguedgi, nakwegar. Amar gwen be-oakalogosurmalad.
25492	LUK 11:18	Ar ambamodo, nia-saila-Satanás na dukin egi aibinnalir, ¿sunna na e-neg-dakmaid bergussulir be insae? Bergudele. Emide bemar sogmalad, Beelzebú-nuggi an niamar-onodiiye.
25503	LUK 11:29	Dulemar-bukidar ese duurmaknonimargu, Jesús sogded: “Emi-ibagi we-dulemar, dule-iskanamar, unnila ibmar-wilubgan-dakledisurmalad-oyolegoedbi amidimalad. Ar a-e-wilubgan ega oyolegosulid, ega bur oyolegoedi, Jonás-gusadyob.
25504	LUK 11:30	“Ar igi Jonás Nínive-dorganga-e-wilubganga-gusa, deyob, ani Dule-Machi, dulemar-emi-dula-gudidimaladga oyolemogoed.
25506	LUK 11:32	“Machergan-Níniveginmalad, Bab-Dummad-igar-nabogoed-ibagangi, we-dulemar bemar-emi-dula-gudidimalad-abargi gwisgudagogu, bemar sabsur odurdakye sogdagoed. Ar ade Jonás, Bab-Dummad-igargi sunmaksagu, Nínive-dorgan na e-iskuedga bukib binsas-gusmalad, na e-daed gwagsamalad. Ar emigindi, Jonásba bur-bule dule-dummad wegi bemar-abargi gudiid, ar degite, bemar be-iskuedga na be bukib binsasurmalad, be-daed na be ogwasurmalad.”
25603	LUK 13:16	We-omede, Judiod, Abraham-wagwad, nia-saila-Satanásde birga-ambe-gakabaabakgus edinnar sediid, ¿geg ande we-omede obunnoged-ibagi esikde, nudakegar?
25709	LUK 16:20	Agi dule-wileged-wargwen, mani-egisdii-daed gudigusmogad, Lázaroye-nugad. A-dulede, mani-ibed-yawagakgi yaa-sunnabi mellemai-daed.
25712	LUK 16:23	“Dule-mani-ibed odurdakleged-neggi nue-wilesii atakargu, Abraham dikasur-sii dakardo, Lázaro a-walik simoga.
25713	LUK 16:24	Agi dule-mani-ibed binnasur gotegu, sogded: ‘Dad-Abraham, wis wile be an-dake, Lázaro anga be barmidage, adi e-goo-dukugi dii wis eogogu, an-gwabin-dukugi nasikega, ar andi wegi nue soo-sailagi an wilesiid.’
25714	LUK 16:25	“Ar Abrahamdi abin-imakde, ega sogded: ‘Machi, be insae, be dula gudigusgu, ibmar-nuegan be nikusad, ar Lázarodi wiledii-gusad. Ar emigindi Lázaro wegi wergusisunnad, bedi wegi wilesisundo.
25716	LUK 16:27	“Geb degi dule-mani-ibed Abrahamga sogdesun: ‘Degirdina, dad-Abraham, an bese ise-wilegar egisdo; an-bab-negse Lázaro be barmide.
25936	LUK 22:3	Degi nia-saila-Satanás Judasgi dognonikid. We-Judasde, Jesús-sapingan-e-ambe-gakabogwad-wargwen-gued, Iscarioteye-nugbalid.
25964	LUK 22:31	Dummad-Jesús sogdebalid: —Simón, Simón, be dake, igi madubur-gwagwaled-e-uka-miega omukulege, deyob nia-saila-Satanás bemar-imakega bemar-egichis-gudiid, adi iskuedgi be-egwanegar.
26022	LUK 23:18	Ar dulemar-bukidar-bukwaddi bela dule-wargwennayob oimakdemalad, sogdemalad: —¡We-Jesús be oburgwe, Barrabás be anmarga bur onoge!
26023	LUK 23:19	We-Barrabásde eskaryagi-mete-gusmalad, ar ade Jerusaléngi, Roma-dulemargi gwisgusgu, neg-oimakdigu, dule-oburgwisad.
26141	JHN 1:28	We degi-gusadi, bia Juan Bab-Dummad-digi-ogleged-igar imaknai, Jordán-diwar-obakar, Betania-neg-nugadgi, agi deyob gusa-gusdo.
26155	JHN 1:42	Geb degi Andrés, e-ia-Simón Jesússe senonikid. Jesús, Simón-nuu-dakdegu, ega sogded: —Be Simón, Jonás-machi, emigindi Cefasye be nugguoed. (A sogledo, Pedro.)
26165	JHN 2:1	A-ibapaagwad-sorba Galilea-yargi, Caná-neggweburgi dule-wargwen ome-niku-sokalid. A-ibagi Jesús-e-nan sii-gusmogad.
26175	JHN 2:11	Jesús we-ibmar-wilubgan-dakledisurmalad gebe Galilea-yargi, Caná-neggweburgi imaksa-gusad. Agi Jesús na e-gangued oyosad. Degine, e-sapingan Jesús-nue-bensuli-gunonimarsunnad.
26215	JHN 3:26	E-sapingan, Juanse nonimalad, ega sognonimalad: —Odurdaked-saila, dule Jordán-diwar-obakar beba gudigusad, egi nued be sunmaksad, a-dule Bab-Dummad-digi-ogleged-igar imaknaimogad, degine, dule-bukidar ese duurmaknadapmalad, degisoggu, be sordamar-sate guoed.
26271	JHN 4:46	Degisoggu, Jesús gannar Galilea-yarse nonigu, Caná-neggweburse nade-gusad, bia dii vinoga obinnisadse. Deun Capernaum-neggweburgi dule-dummad, Reyga-arbaed-e-machi uelemaid.
26357	JHN 6:31	¿Bedi ibi anmarga ukosunna? Ar anmar-dadgan nega-dule-sulidgangi maná-guchamalad, ar Bab-Dummad-Garda sognaid: Ede dadganga madu-nibneggi-danikid uksaye, gunnegar. Ex. 16:4; Sal. 78:24
26375	JHN 6:49	Ar be-dadgan nega-dule-sulidgangi maná guchamar-inigwele, amar bela burgwismalad.
26384	JHN 6:58	Ar ani an madu-nibneggi-aidesadid. Be-dadgan-maná-guchadyobsulid, ar amardi burgwismalad. Ar madu-nibneggi-aidesadi, dule a-madu guchardi, adi burgosulid, degi-sadeguoed.
26491	JHN 8:41	Ar bemardi be-bab-Satanás-ibmar-imaked be imakmalad. Degi Judiomar Jesúsga sogdemalad: —Anmar dule-neg-sichigi-gwalulesad-surmalad. Anmar bab-nika-gwalulesmalad, Bab Dummad anmar-babad.
26590	JHN 10:40	Jesús gannar Jordán-diwar-obakar nade-gusad, bia Juan iduar Bab-Dummad-digi-ogleged-igar imaknai-gusadgi. Agi Jesús megidapid.
26593	JHN 11:1	Dule-wargwen Lázaro-nugadi, Betaniagined, deun uelemaid. We-Betania-neggweburde María, degine, e-ior-Marta e-neggweburmogad.