23240	MAT 2:2	sognonimalad: —¿Bia Judiomar-E-Rey-gwalulesad mai? Ar ade anmar dada-nakwedba e-niskwa daksamalad, anmar ese danimarsunnad e-nug odummogegar.
23268	MAT 3:7	Juan dakargu, Judiomar Fariseo-sordamalad, degi, Judiomar Saduceo-sordamalad, bukidar ese Bab-Dummad-digi-ogleged-igar imakdani, amarga sogdesun: “¡Ar bemar naibe-bulegan-e-mimmiganyob gumalad! ¿Ar doa bemar-odurdaksa, Bab-Dummad-nue-urwedanikoed-idu wakinned? Bemar Bab-Dummad-digi-oglegedgi nuguosurmalad.
23316	MAT 5:13	Jesús sogdebar: “Bemar we-napneggi baluyob gumalad. Ar balu-e-gaibid surgudele, ¿igi bar balu-balu guosunna? Geg bar ib-nuedga gued, degisoggu, balu igargi-mier bur nabirid, dulemar egi annaegar.”
23349	MAT 5:46	“Ar dule-be-sabmaladbi be sabguele, ¿ar ibu-nued egi be amiosunna? Ibmar-nued egi be amiosuli. ¿Ar dulemar-iskana, Roma-dummadga-mani-gaedgi-arbamalad deyob na imakmosursi?
23350	MAT 5:47	¿Ar be-gwenadganbi ega be soger, ‘Be nued sogeye,’ ar ibu baiganba bur-nued be imakmarsunna? Bur-nued be imaksuli. ¿Ar deyob dulemar-Bab-Dummad-wichurmalad imakmosursi? Eye, deyob imakmarmoga.
23376	MAT 6:25	Jesús sogdebar: “Degisoggu, an bemarga sogmar, mer surbinsa na be-san dula gudiidgi be itomar, ibu an gunno-dibeye, ibu an gobo-dibeye, degine, mer be-sangi be binsabar, ibu an yoo-dibeye. ¿Ar be-san-burbade mas-gunnedba bur nuedsursi? ¿Ar be-sande mor-yoedba bur nuedsursi? Eye, bur-nuedi. Anmar-dula-gudiid bur-biriginedid, we-mas-gunnedba, degine, we-mor-yoedba.
23377	MAT 6:26	“Ar nue be dakmalana, sikwimar-niba-gukudimalad, gwen ibmar-gwag digdisurmalad, degi, gwen ibmar-gwag wedisurmarbalid sabogegar, deginbali, ibmar-gwag-urbed-neggine ibmar-gwag gwen urbedisurmarbalid. Degite, be-Bab-nibneggi-maid mas ega ukmaid. ¿Ar bemarde sikwimarba bur-bule nuedsursi? Eye, bur-nuedi. Degisoggu, Bab Dummad bemarga mas-gunned ukmogodo.
23378	MAT 6:27	¿Ar doa-dule na gatik egi binsaedbali sunna na e-san osuguo be insae? Suli, osuguosuli.
23379	MAT 6:28	“Ar mor-yoedbina, ¿ibiga surbinsa be itomala? Ar be dakmalana, sapur-dutumardi ibibayobi dungue, degite arbasurmalad, degi, na e-mor sobsurmarbalid.
23381	MAT 6:30	Ar gagan-sapurbarmalad emi dulad, banedgi a-gaganmarde soo-yagi bato ogumaklesiid, degite, Bab Dummad yeer-dakle ega mor yoed. ¿Ar degite, bemar-Bab-Dummad-benmalad, bemarga bur-bule Bab Dummad geg mor ukde? Eye sunna bur-bule bemarga uke.
23388	MAT 7:3	“¿Ar ibiga be-gwenad-ibyagi durgan-maid magar be dake, ar be-ibya-yaba suar-maiddi aku be dake?
23389	MAT 7:4	¿Ar igi be-gwenadga be sogoe: ‘Be-ibya-yaba durgan-maid an bega onogweloye,’ ar be-ibya-yaba suar maiddina?
23394	MAT 7:9	“¿Ar doa-dule emi bemarse be-mimmi madu egichialile, ega be akwa ukmaloe?
23395	MAT 7:10	¿Igi, bese ua egichiar-dibe, ega bemar naibe ukmaloe? Suli.
23396	MAT 7:11	Ar bemarde dulemar-iskana-inigwele, be-mimmiganga ibmar-nuegan-uked be wismaladde, ¿ar be-Bab-nibneggi-maid bursunna, dulemar-ese-ibmar-egismaladga ibmar-nuegan ukosur be insae? Ukoe.
23401	MAT 7:16	“A-dulemar e-daedgi be dakmaloed. ¿Ar ade ikogi uva sanmaksi, degi, higode iko-sapigi welesi? Suli, degisuli.
23440	MAT 8:26	Jesús, abin-sogde: —¿Bemar an-benmalad, ar ibi be dobmala? Bemar dobgue-wilubsulinad. Degi Jesús gwisgusgua, binnasur burwaga, degi, demarga sogded, be bogidik saye. Geb degi bela neg swilidik sigissunnad.
23441	MAT 8:27	Bela e-sapingan geger dakdemalad: —¿Ar we-dulede igidsunna, burwase, degi, demarse-bakar eba ibsamargu?
23443	MAT 8:29	Niasamalad-warbogwad binnasur gotemalad, sogdemalad: —Jesús Bab-Dummad-Machi, ¿ibiga be anmargi yoledaniki? ¿Ar be anmarse danikidi, amba yo anmar-odurdaked-ibagan-moed-iduar bato be sabsur anmar-odurdakega daniki?
23452	MAT 9:4	Ar Jesús sunna dulemar-ulubgi-binsanaid mag daksoggu, sogdesun: —¿Ar ibiga bemar na be-gwagegi ichakwa binsanai? ¿Geg-iskued-osulo be an-insae?
23453	MAT 9:5	An dule-bonigwaledga sog-dibe: ‘Be-iskunaid an bega osulos.’ Ar igi an sogbarsun-dibe: ‘Be nugu, be gwisgu, be nae.’ Degite, ¿igid bur-baisursunna imaklesunna? Suli, ebobela baisursunna imaklesuli. Ar dule sunna an nudakele, soglebardo, sunna dule-iskued an elibarye.
23459	MAT 9:11	Fariseomar, Jesús dule-iskanamarba mas-gunsii dakarmargu, Jesús-sapinganga sogdemar: —¿Ar ibiga bemar-odurdaked-saila dulemar-Roma-dummadga-mani-gaedgi-arbamaladba, degi, dule-baigan-iskudimaladba wede mas gunne?
23462	MAT 9:14	Agi Juan-sapingan Jesússe nonimalad, ega sognonimalad: —Anmar, degi, Fariseomar, Bab-Dummadse-golega mas-gunsuli imbagwenar gudidamalad. ¿Ar ibiga be-sapingandi Bab-Dummadse-golega gwen mas-gunsuli gudidasurmala?
23463	MAT 9:15	Jesús, abin-burbar-sogde: —¿Dulemar ome-nikued-ibagi mas-gullegedse nonikile, bukib binsamalo be insae, ar dule-ome-nikuoed e-abargi siir? Suli, bukib binsaosuli. Ar ibagan nonikoed, dule-ome-nikunaid e-idu seledoed, a-ibagan nonikile, agindi Bab-Dummadse-golega mas-gunsuli gudigumalodo. Emigindi amba an gudisoggu, an-sapingan geg mas-gunsuli gudigumardo.
23476	MAT 9:28	Degi, Jesús negse dogsagu, dulemar-warbo-ibya-surmalad ese nonimalad. Jesús amarga sogded: —¿Ar bemar insagua, sunna an bemar-nudak be insamala? Amar, abin-sogdemar: —Dummad, eye, sunna be anmar-nudake.
23510	MAT 10:24	“¿Ibiga bemar wilemalo be insae? Ar bemar wisid, ar sapin e-sailaba bur dummadsulid, degine, mai, e-ibedba bur dummadsurbalid.
23511	MAT 10:25	Degisoggu, sapin e-sailayob gusale bato gusbindo, degine, mai e-ibedyob gusale, bato yeer itoge-wilubdo. Ar dummad-wilegoed bemar nue wilemarmogodo. Ar dulemar anse Nia-Saila-Beelzebúye gochamaladde, ¿ar bemar bursunna? Deyob bemarse gormarmogodo.”
23515	MAT 10:29	“¿Ar ade sikwi-gwabo esnon-gwagwengi uklesursi? Ar degite, sikwi-gwagwensaale napase argwanosulid, be-Bab sogsulir.
23535	MAT 11:7	Juan-sapingan-warbogwad nadmargu, Jesús, Juan-Bautistagi dulemarga sunmakar, sogded: “¿Ar ibi-dakega bemar nega-dule-sulidganba arbisunna? ¿Nar-gammu burwaba aibangwichi dakega bemar arbi? Suli, degisuli.
23536	MAT 11:8	¿Degite, ar ibi-dakega bemar arbisunna? ¿Bemar dule-wargwen mor-nued-yoi-gudiid dakega arbimala? Suli, degisuli. Ar dulemar-mor-nued-yoi-gudimaladdi, amardi reymar-neg-yagi gudidimalad.
23537	MAT 11:9	Ar degite, ¿ibi-dakega bemar arbisunna? ¿Bab-Dummad-gaya-burba-berbeged-dakegala? Eye, an bemarga sogmar, a bemar daksamalad, degine, Bab-Dummad-gaya-burba-berbegedba bur-bule bemar daksamalad, ar ade we bur-dule-dummadid.
23544	MAT 11:16	Geb degi Jesús sogdebar: “Degite, emi we-dulemar-bukmaladde, ¿doa-sunnaa damar be insae? Wemar-damaladi, machimala neg-magaba ambikuedgi-ambikumaladyobdo, na muchub-muchub agi na gorbukmaladyobdo,
23561	MAT 12:3	Jesús, Fariseomar-abin sogde: “An-sapingan igar-maidgi annadisulid. ¿Ar bemarde absodisurmarsi, igi David imaksa, deun David, degi, e-sordamar ukumecharmargu?
23562	MAT 12:4	A-ibagi David Bab-Dummadse-goled-negse dognoni-gusad, degi, madu-Bab-Dummadga-uklesad gucha-gusad. Ar David, degi, e-sordamar a-madu gunnedsulinad, ar ade madu isedid. ¿We-madu unnila dule-irwa-Bab-Dummadse-gormaladbi gunnoye igar-maisursi? Degite, ¿David, degi, e-sordamar igar-noar imaksamala? Suli, ar ukudba nabir madu guchamalad. Degisoggu, an-sapingan nabir imaksamarmodo.
23563	MAT 12:5	Deginbali, ¿ar bemarde Moisés-igar-maidgi absodisurmarsi, igi dule-irwa-Bab-Dummadse-gormalad, Bab-Dummadse-goled-neggi, obunnoged-ibagi annadimala, ar degite amar igar-noar imakdimala? Suli, igar-noar imakdisurmala.
23568	MAT 12:10	Agine dule-wargwen-argan-burgwaled sii-gusmogad. Jesússe yamo egichiarmar, adi Jesúsgi sogmalagar, obunnoged-igar-maidgi annadiiye. Jesúsga sogdemar: —¿Ar obunnoged-ibagi sunna dule nudaklege?
23569	MAT 12:11	Jesús, abin-sogde: —¿Ar doa-dule, bemar na sibad-wawaad-wargwen nika-dibe, ar bei obunnoged-ibagi yaa-gureged-yaba argwachale, be onossurmalale? Be onosmalale.
23587	MAT 12:29	“Ar dule-dutusulid na e-neggi siile, ¿igi dule-wargwen na e-negse dogo be insae, ei-ibmar atursaegar, ar bina iduar edinsulir? Ar bina iduar edingweler-gebed, geb degi sunna ei-ibmar atursaodo. Ar an deyobmodo, an nia-sailagi-nakwisadba, sunna emi an niamar-onodiid.
23592	MAT 12:34	“¡Ar bemar naibe-bulegan-e-mimmiganyob-gumalad! ¿Ar bemar iskana damarsoggu, degite, ar igi ibmar-nuegangi bemar sunmakosunna? Geg ibmar-nuegangi bemar sunmakmala. Ar ade dule gwagegi-binsaedba sunmak-daed.
23635	MAT 13:27	“Ar e-maigan nainu-ibedse nonimalad, ega sognonimalad: ‘Dummad, ¿ar be-nainugi ibmar-gwag-nued be digsasursi? ¿Ar degite, bia we-gagan-iskanamar danisunna?’
23659	MAT 13:51	Jesús geb e-sapinganga sogdesun: —¿Ar bela Bab-Dummad-neg-dakmaidgi an-bega-sogsamalad mag be itomala? Jesús-abin, sogdemar: —Eye, Dummad, bela mag an itomar.
23664	MAT 13:56	¿Ar bela-e-bunmarde anmar-abargi gudisursi? ¿Ar degite, wede bia we ibmarmar durdaksasunna?
23683	MAT 14:17	E-sapingan, abin-sogdemar: —Anmar wegi mas sated, unnila madu-gwaatar, degi, ua-ukabo anmar nikmalad, degite, ¿igi anmar we-dulemar masgi ogunmalosunna? Geg anmar masgi ogunmalad.
23704	MAT 15:2	—¿Ibiga be-sapingan dadgan-igar-maidgi-wede yoledimala? ¿Ar ibiga be-sapingan argan enuksurmala mas-gunned-iduar?
23714	MAT 15:12	Geb degi e-sapingan Jesússe-walik gunonigua, ega sogdemar: —¿Be wisi, emi Fariseomar sae-itodmalad, weyob be-ibmar-soge itoarmargu?
23735	MAT 15:33	Geb degi e-sapingan, abin-sogdemar: —¿Ar bia wede anmar neg-dule-sulidgangi mas-ichesur amimalosunna, we-dulemar-ichesulid masgi ogunnegar?
23736	MAT 15:34	Jesús na e-sapinganga sogde: —¿Madu-bigwa bemar nikmarsunna? E-sapingan, abin-sogde: —Madu walagugle anmar nikmalad, degi, ua anmar wis nikmarbalid.
23749	MAT 16:8	Jesús mag daksagu e-sapingan madu-senonisulidgi sunmakmalad, amarga sogdesun: “¿Ar ibiga bemar sogmarsunna, anmar madu searsurye? ¿Ar amba be an-benmarde?
23750	MAT 16:9	¿Ar amba bemar nue-akusunna itomala, degine, be insasurmarsi, madu-gwaataledgi dulemar-miliatar madu guchamalad? ¿Agi madu-obichad garba-gwaambe-gakabo-mergu bemar wesmarbarsursi?
23751	MAT 16:10	Deginbali, ¿amba bemar insasurmarbali, madu-gwagugledgine dule-milibake madu guchamalad? ¿Agi madu-obichad, garba-gwagugle bemar wesmarbarsursi?
23754	MAT 16:13	Jesús Cesarea-de-Filipos-yarse nonigu, agi e-sapinganse egichialid, ega sogded: —¿Ani Dule-Machi, wede doaye an-nik dulemar sogmala?
23756	MAT 16:15	Jesús na e-sapinganga sogde: —¿Bemardina, doaye an-nik sogmarmosunna?
23767	MAT 16:26	¿Ar ibi-nuedga dule-wargwenga gusar be insae, ar dule napneg-naid bela egadga imaksar, ar e-san-burbadi yoggusar? Deginbali, ¿dule-gwensak e-san-burba-ular, ibi na uksar be insae, adi e-san-burba mer ei yogguegar? Ibmar-sated san-burba-ular ogwaed.
23779	MAT 17:10	Geb degi e-sapingan Jesússe egichiarmarsun, ega sogdemar: —¿Ibiga degite, escribamar sogmarsunna, Bab-Dummad-dule-wargwen-barmidagoye-sogsad-dule-nonikoed-idu, Elías-inse nonigweloye?
23786	MAT 17:17	Jesús, abin-imakdegu, sogde: —¡Bemar Babgi-bengumalad-dulemar, bemar Bab-igar-oakalogedmar! ¿Sanase bemar-abargi an gudiguosunna, bemar mer an-bengumalagar? ¿Sanase mag be itomaloe? Budar an bemar-daked danikid. Machigwa anse be sedamar.
23793	MAT 17:24	Jesús na e-sapinganmala Capernaumse modapmalad, dulemar-Bab-Dummadse-goled-negga-mani-wemalad Pedrose nonimalad, ega sognonimalad: —¿Bemar-odurdaked-saila, we Bab-Dummadse-goled-negga-mani-weleged bennuksuli?
23794	MAT 17:25	Pedro, abin-sogde: —Anmar-odurdaked-saila bennuke. Negse Pedro dogdegua, Jesús-inse ega sunmakalid, ega sogded: —Simón, be dakegua, reymar-we-napnegginmalad ¿doamargi we mani ga-damar be insae? ¿E-sordamargine, igi, dulemar-baigangine?
23808	MAT 18:12	“Bemar itogua, ar dule-wargwen dulatar-na-sibad-wawaad-nikad ei wargwen yoggusale, ¿ar dulabake-gakambe-gakabakebakad-obes nadsulir be insae, sibad-wawaad-wargwen-ei-yoggusad, sapurba aminaegar? Aminadele.
23817	MAT 18:21	Geb degi Pedro Jesússe walikaa gunonikid, ega sognonikid: —Dummad, An-gwenad-angi-nosadga, ¿ilabigwa angi nossulidyob an dakoe? ¿Ilagugledsega?
23834	MAT 19:3	Geb agi gwenna-gwenna Fariseomar Jesússe nonimalad, yamo yardaknonimalad, ega sognonimalad: —¿Wede binsa yogsaar sunna ome-meteye igar mai?
23847	MAT 19:16	Geb degi dule-wargwen Jesússe nonikid, ega sognonikid: —Odurdaked-saila-nued, ¿ibi-nued an saer-gebe, burba-geg-bergued an nikuegar?
23848	MAT 19:17	Jesús, abin-sogde: —¿Ibiga dule-nuedye be anga soge? Dule-nued niksulid, unnila Bab Dummadbi wargwennaa dule-nued gued. Ar burba-geg-bergued be nikubiele, Bab-Dummad-igar-mesisadba be nanaer-gebed.
23851	MAT 19:20	Sapingwa, Jesús-abin sogde: —Gusgu an sapingwagwad-akar bela we-igarmar-mamaidba an nanadiid. Emidi, ¿ibubi napi-imaked an abesunna?
23856	MAT 19:25	E-sapingan, Jesús wegi-soge itosgu, nue geger-ito nadmalad, ar ade mani-ibgan bur-baisursunnaa abonolegoye bimalad. A-ulale, sogdemarsunnad: —¿Ar doa degite, sunna abonolegosunna?
23858	MAT 19:27	Geb degi Pedro, abin-imakdegu, sogde: —Anmardi belagwapa ibmar obesad, adi anmar beba naegar. Degite anmardi, ¿ibu nikumarmogosunna?
23876	MAT 20:15	¿Ar wede igar-nabirsursi, an-itolegedba an-mani an imakbier? ¿Ar angi be nobsi, an dule-nued-daedba?’
23882	MAT 20:21	Jesús ega sogde: —¿Ibu be abege? Ome, abin-sogde: —Na be neg-dakmai-gusale, we an-masmala-warbogwad dummaganga be nugsao, gwensak be-argan-nuedsik-siged, baid be-argan-sapiledsik-siged.
23883	MAT 20:22	Jesús, ome-abin imakdegu, sogde: —Ibmar bemar egisnanaid, bemar wichurmalad ibu be egisnanai. ¿Ar nue dummad-an-wilegoedgi sunna bemar wilemogosi, an nog-goboedyob? Degine, ¿an digi-ogaledgi sunna bemar oglemogosi? Emar, abin-imakdemargu, sogdemar: —Anmar sunnamala.
23905	MAT 21:10	Jesús Jerusaléngi dogdapgu, bela Jerusalénginmalad oimakdemalad, sogdemalad: —¿Wede doasunna?
23911	MAT 21:16	Amar Jesúsga sogdemalad: —¿Be itoge burwigana ibmar sogbukmalad? Jesús, abin-sogde: —Eye, an itoge; ¿Ar bemar Bab-Dummad-Gardagi absodisurmarsi? Burwigangi, degi, amba mimmigan-nunanaidgi, Amar-sunmakedgi be-nug-odummoged be imaksad. Sal. 8:2
23915	MAT 21:20	Jesús-e-sapingan higuera-sapi dingud-gusad daksagu, geger dakdemalad, sogdemalad: —¿Ar wede ibiga gwae-gwae higuera-sapi dingude?
23918	MAT 21:23	Jesús Bab-Dummadse-goled-negse nonigu, dule-irwa-Bab-Dummadse-gormalad-e-dummagan, degi, Judiomar-girmar-dummagan Jesússe warmaknonimalad, ar edi na odurdaksigu, ega sogdemalad: —¿Doa-nuggine-wede be we-ibmar imakdii? ¿Ar doa bega gangued uksasunna?
23920	MAT 21:25	Juan-Bautista, Bab-Dummad-digi-ogleged imaksad, we, ¿bia daniki? ¿We, Bab Dummad barmiali, igi, we, dulemar barmiali? Anga be sogmalana. Degi, Judio-dummagan muchub-muchub na sogdemalad: “Bab Dummad barmiarye, anmar sogmalale, anmarga sogdagoed: ‘Degite, ¿ibiga bemar Juan-Bautista-bengusmarsunna?’
23923	MAT 21:28	Jesús Judio-dummaganga sogde: “Degite, ¿Be itomalana? Dule-wargwen machimala na warbo nikado. A-dulede e-machi-wargwenga sogdo: ‘Machi, an-nainuse be arbana, uva eminao.’
23926	MAT 21:31	Jesús Judio-dummaganse egisdesun: —¿We-masmala-warbogwad, doa bur e-bab-sogedba ibmar imaksa be insae? Abin-sogdemar: —Machigwa arbaapid. Jesús emarga sogde: —Deyobdo. Ar napira an bemarga soged, dulemar-Roma-dummadga-mani-gaedgi-arbamalad, degi, omegan-gamba-samalad, amar bur bemarba Bab-Dummad-neg-dakmaidse dogoed.
23935	MAT 21:40	Jesús Judio-dummaganse egisdesun: —Ar nainu-ibed na e-nainuse nonikir, ¿igi nainugi-arbamalad-imaknoni be insae?
23937	MAT 21:42	Ar Jesús na ede akwa-nuedyobsoggu, a-ular Judio-dummaganga sogdesun: —¿Ar bemarde Bab-Dummad-Gardagi absodisurmarsi? Bab-Dummad-Garda soged: Dulemar-neg-sobmalad-akwa-istar-daksamalad, a-akwa, akwa-sunsogedga bur gunonikid. ¿Ar weyob Bab Dummad akwa imaksad, ar anmarde geger dakde? Sal. 118:22-23
23958	MAT 22:17	Degisoggu, anmarga be sogena, emide, ¿we igar-nuedi, Roma-Dummad César-nugad anmargi-mani-gaed bennuked? ¿Anmar bennukoe, igi, anmar bennukosuli? ¿Igi be sogmosunna?
23961	MAT 22:20	Geb degi Jesús amarga sogde: —¿Ar wede we-manigi doa-wagar-wilub sisunna, degine, doa-nug narmakar naibarsunna?
23972	MAT 22:31	Jesús Saduceomarga sogde: “Dule-burgwismalad-gannar-durgued-igarde, ¿ar bemarde Bab-Dummad-sogsad absodisurmarsi? Bab Dummad sogsa-gusad:
23983	MAT 22:42	ega sogded: —¿Cristogi bemar igi binsamarsunna? ¿Wede Cristo doa-wagwa-sunna? Abin-sogdemar: —Rey-David-wagwa.
23984	MAT 22:43	Jesús amarga sogdesun: —¿Ar degite, ibiga Bab Dummad Burba Nuedba David Cristoga sogsunna, ‘An-Dummadye,’ deun soggu?
23986	MAT 22:45	Ar David Cristoga soged, ‘Be an-Dummadye.’ Degite, ¿Cristo igi e-wagwaga gubarsunnoe?
24004	MAT 23:17	“¡Bemar binsaed-gwen-niksurmalad, ibya-sulidyob be damalad! Ar igid bur-sunsogedsunna, ¿or bur-sunsogedi, igi, Bab-Dummadse-goled-neg bur-sunsogedi. Ar Bab-Dummadse-goled-neg or swilidikidga imaksursi?
24006	MAT 23:19	“¡Bemar binsaed-gwen-niksurmalad, ibya-sulidyob be damalad! Ar ade igid bur-sunsogedsunna, ¿Bab-Dummadga-ibmar-gummakar-ukleged-galu, igi, we-ibmar a-birgi mesleged? ¿Ar Bab-Dummadga-ibmar-gummakar-ukleged-galu ibmar swilidik imaksursi?
24007	MAT 23:20	Ar ade dule Bab-Dummadga-ibmar-ukleged-galu-nuggi sogsale, napira an bega sogye, an ibmar imakoye, a-dule bato Bab-Dummadga-ibmar-gummakar-ukleged-galu-nuggine degi-sogsadi ¿bela agi ibmar-ambikued eba galesmosursi? Bela eba galesmoga.
24020	MAT 23:33	“¡Naibe-bulegan, ayob bemar iskana gumalad! ¿Ar igi bemar soo-sailagi-odurdaklemaloedgi wakinno na be itomala? Bemar wakinnosurmala.
24029	MAT 24:3	Jesús Olivos-yarse naded, agi sii, e-sapingan bachikii ese nonimalad, ese egisnonimalad: —¿Sana degite Bab-Dummadse-goled-neg ayarosunna? Be-danikid-iduar, ¿ibi-wilubgan oyoledagosunna? Neg-dukumosar, ¿igi neg gudagosunna? Anmarga be soge.
24071	MAT 24:45	Jesús egisdesun: “¿Ar doa degite mai-nued, nue-binsaed-nikaa, geg galakuedga guosunna? Mai-deyobidi, na e-dummad na e-neg-dakega nug saodo, adi wachi-sekalaa mai-baiganga mas dakegar.
24115	MAT 25:38	¿Sana be-neggwebur-sulidgi be gudigu, anmar be-susmala? ¿Sana mor-sate an be-daksamargu, mor an bega yosmala?
24131	MAT 26:8	Jesús-sapingan ome-weyob-imaksad daksamargu, uludmalad, sogdemalad: —¿Wede ibiga binsarsunna we-ome we-gwallu-wawa-nued wiosa?
24133	MAT 26:10	Ar degi-sogmalad Jesús mag daksagu, sogded: —¿Ar ibiga bemar nue omese urwemala? Mer ese achamar. Ar ome ibmar-nued anga imaksad.
24140	MAT 26:17	Judio-ibagi, Madu-Ina-Niksuli-Gulleged-Iba-gebe-onodedgi, e-sapingan Jesússe nonimalad, ega sognonimalad: —¿Bia anmar guagwar bega neg amimaloe, Bab-Dummad-Israel-Dulemar-Egiptogi-Wilebukwa-Onosad-Ibagi mas-gulleged gunnegar?
24163	MAT 26:40	Geb degi Jesús Bab-Dummadse-gorsiid bergusgu, na e-sapinganse nonikid, daknonikid, bela gabmamai. Geb degi Jesús Pedroga sogded: —¿Ar wachi-irgwensaar anba wis ataksii geg be gue, Babse golega?
24172	MAT 26:49	Geb Judas yog Jesússe naar imaksad, ega sogded: —Odurdaked-saila, ¿be nuedi? Geb degi ei-wagar usa imaksad.
24173	MAT 26:50	Degi Jesús Judasga sogded: —An-ai, ¿ibiga be daniki? Geb degi dulemar Jesússe nonimalad, geb Jesússe achadmargu, Jesús-gasmarsunnad.
24176	MAT 26:53	¿Ar be insagua, emispinne geg an-Babse gochar be insae, mili-miliba geg angermar anga barmida be insae? Anga barmialile.
24177	MAT 26:54	Ar deyob gusale, ¿degite, igi Bab-Dummad-Gardagi narmakar-naidba bar gusarsunna? Ar a-Gardagi sognaid, an burgwer-gebye.
24185	MAT 26:62	Dule-irwa-Bab-Dummadse-gormalad-bur-dummad gwisgusgu, Jesúsga sogded: —¿Be dulemar-abin imakosuli? ¿Ar wede igi be sogmosunna begi-sunmaknanaidgi?
24188	MAT 26:65	Geb degi dule-irwa-Bab-Dummadse-gormalad-bur-dummad e-mor na esirmaksad, oyogegar Jesús degi-sogsad ede sae-itoye, Bab Dummadgi dodoguye. Degi dummaganga sogded: —¡Bab-Dummad-nuggi we dodosad! ¿Ar ibiga e-barsogmalad anmar bar abesunna? Ar bemar-sunnad, emiskwaa be itosmalad, we-Jesús Bab-Dummad-nuggi dodosad.