23439	MAT 8:25	Tuhme ndedetuhche ihyan apóstol chahn ihyan, ne ra̱hn ye: ―Dihve nuhn, ¡cuendedevahn ne nuhn!, te cuehchenun nuhn va̱n nune.
23475	MAT 9:27	Cuahn che cona̱hn Dihvo vo ne, cuahn o sa̱hn na̱n ve cua̱hn veda̱me ye rah se: ―Da̱ya David, ¡conan va̱hino ne nuhn!
23549	MAT 11:21	―Nchuhn ihyan ya̱n Corazín ma̱n, ihyan ya̱n Betsaida ma̱n, ¡a̱ma vedin nchuhn!, te ndete che ihyan ya̱n Tiro ma̱n, ihyan ya̱n Sidón ma̱n, ndihchero ye vederihno che ndihchero nchuhn ne, a metah ro nto ino ye nunde yahn ye, chahtenun ye tino ndere, chahtera̱n ye va̱n iya.
23592	MAT 12:34	¡A̱ma duhtuno ihyan nchuhn! A ndero ndi na̱n ndudo yahn ne. Ihyan che ndah ihyan ye ne, runeca̱de na̱n ndudo yahn ye, ne ihyan che duhtuno ihyan ye ne, chihnga̱ ndudo yahn ye.
23692	MAT 14:26	Cuahn che ndihchero ihyan apóstol chahn ihyan che rica ye na̱n nune me ne, a̱ma dihya ye chi nde tuno cah va̱h ye, ne ra̱hn ye: ―¡Nga̱ a̱ma vaco chihnga̱, cochi ta̱n!
23696	MAT 14:30	Ate nducote a̱ma ri yudo na̱n vine me ne, chenda̱ vedeva̱h ihyan. Ndeta̱hno cana̱n rehchenun ye va̱n nune, ne cah ye: ―Dihvé, ¡cuendedevahn ne u!
23709	MAT 15:7	¡O na̱n o chende nchuhn! Redinahn niyon ne nduhca̱ che ra̱hn Dendiohs, dirun ihyan profeta Isaías tuhca̱:
23727	MAT 15:25	Ate ta̱hn min ne, chahn nda̱ te, chehntihya te na̱n ye, ne ra̱hn te ri te ihyan: ―Dihvé, ¡cuinan ne u!
23730	MAT 15:28	Tuhme ra̱hn ye ri ye ta̱hn: ―Da̱ya, ¡a̱ma numa ine ritehne! Conahn ndoque nduhca̱ che rique. A ura min no ndiquenda̱h vaco chihnga̱ me ta̱hn da̱ya te.
23744	MAT 16:3	Me vateya̱n ne, ndete che cua̱h na̱n ro ma̱n, man ma̱n ne, ra̱hn ne te cuan co. Nchuhn ne, ¡o na̱n o chende ne! A̱ma ndah nda cuande ne ta̱ca̱ ri na̱n ro, ate hua retumacadino ne yahn vederihno che redin Dendiohs ma̱n ro cuh.
23803	MAT 18:7	¡Cheva̱h ihyan ihyense!, te a ca̱de no che va che cuahtendihco ye nunde. Ate ¡tahque vedin ihyan che tihyon yune ye ihyan che cuahtendihco ye nunde!
23891	MAT 20:30	Chihto yune vate o sa̱hn na̱n ve, ne cuahn che chihnevan se che a nda̱ nino Dihvo vo ne, riya̱hve se ihyan numa dito se: ―Dihve nuhn, Da̱ya David, ¡conan va̱hino ne nuhn!
23892	MAT 20:31	Ra̱hva ihyan nduco se ca̱va che cuahtedihn chende se, ate nde tahque yudo na̱n se ra̱hn se: ―Dihve nuhn, Da̱ya David, ¡conan va̱hino ne nuhn!
23904	MAT 21:9	Nducoya̱ca ihyan che nda̱hna̱n ye ma̱n, ihyan che chenan ive ye ma̱n ne, a̱ma yeno ye, ne rah ye tuhca̱: ―¡Ndeva vo yavena̱n ihyan cuh che quenan cuma ye vederihquentiyon che quenan cuma ihyan ndico yahn ye David! ¡Dechuh Dihvo vo Dendiohs ihyan! ¡Ndeva vo yavenan Dendiohs!
23910	MAT 21:15	Nducoya̱ca checa̱hya che chenun min ne, a̱ma yeno, ne rah tuhca̱: ―¡Ndeva vo yavena̱n ihyan cuh che quenan cuma ye vederihquentiyon nduhca̱ che quenan cuma David! Chidocuya̱n ndina̱n nduco sa̱hn devano ley che dirun Moisés ne, a̱ma chi ta̱n se che din Dihvo vo vederihno ma̱n, che rah checa̱hya chahn rendeva yavena̱n ye ma̱n,
24000	MAT 23:13	’Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te redin va̱hche ne yahn ihyan che nahn nevahnecun ye vederihquentiyon yahn Dendiohs. Hua renevahnecun ma̱n ne, nde hua retihyon yune ne ihyan che nevahnecun ye.
24001	MAT 23:14	’Nchuhn sa̱hn fariseo ma̱n, sa̱hn devano ley che dirun che Moisés ma̱n, ¡o na̱n o chende ne! ¡Cheva̱h nchuhn!, te rehnevi ne dehtenduh yahn nda̱hta va̱h, ne ca̱va che hua cuhnde ro vede idihya yahn ne ne, a̱ma ra̱hn reva̱h ne redin ca̱ ne. Nducote tihca̱ redin ne ne, tahque chahte castigo va che co ne che co ihyan chena̱hn.
24002	MAT 23:15	’Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te a̱ma nahn ne che co ya̱hn ihyan che cotahno ye da̱ma nduco ne. Ate cuahn che renda̱ca ne a̱ma ye ne, retihyon yune ne ihyan che a̱ma duhtuno ihyan nda̱conda̱ ye, che nde tahque redin yahn che co ye castigo va̱n ruchiya̱hn che co ma̱n ne.
24003	MAT 23:16	’Nchuhn ne, anduhneca̱ sa̱hn na̱n ve che nahn quendanan se sa̱hn na̱n ve nduco se. ¡Cheva̱h nchuhn!, te ricuahn ne ihyan: “Ndete che ca̱h ne ndudo yahn ne che ntihyon ya̱n ne ya̱co ne, andahre hua dinahn ne dehve din yahn. Ate ndete ca̱h ne ndudo yahn ne che ntihyon ya̱n ne diya̱hngua̱n che va chete ya̱co ne, chemin che cua̱co, quenan cuma che dinahn ne.”
24004	MAT 23:17	¡Tundo nchuhn! ¡Hua renahn ne! Tahque rigonun chihve ya̱co, te min ri vihco diya̱hngua̱n che va chete.
24006	MAT 23:19	¡Tundo nchuhn! ¡Hua renahn ne! Tahque rigonun chihve na̱n ta, te min ri vihco vedino che va mena̱n.
24010	MAT 23:23	Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te renedihve ne riya yahn ive ma̱n, yahn anís ma̱n, yahn comino ma̱n, ate vederihquentiyon yahn Dendiohs che tahque mena̱n vihca ne, hua retumaca̱h ne yahn, te hua runeca̱de vatechica ne ma̱n, hua chenan cuma ne vedeva̱hino ma̱n, hua ritahno ne ma̱n. Che nahn ne, che quendihconahn dinahn ne vederihquentiyon yahn Dendiohs, hua ca̱hcoma̱n ne nde a̱ma.
24012	MAT 23:25	Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te nchuhn ne, anduhneca̱ va̱so ma̱n, cuh ma̱n, che dave cua̱hn veda̱me, ate cua̱hn chete ne, ndito dehtenduh che chihnga̱. Tihchan nchuhn, te na̱n ihyan ne, redin ca̱ ne che ndah ihyan ne, ate che cua̱co ne, reduco ne ma̱n, redin idihya ne ma̱n.
24014	MAT 23:27	Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te redin ca̱ ne che a̱ma ndah ihyan ne, ate a̱ma duhtuno ihyan ne.
24016	MAT 23:29	Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te rahto ne ya̱yan yahn ihyan profeta ma̱n, rendedecuco ne ya̱yan yahn ihyan che runeca̱de chahtenan ye iyehnse ma̱n,
24019	MAT 23:32	¡Cuiquendi ne yune yahn ihyan ndico yahn ne ca̱va che din numa ne ntiyon che cana̱n ye!
24045	MAT 24:19	¡Cheva̱h nda̱hta che adeche cuacoya̱hn te ro min ma̱n, ta̱hn che reta̱ve te decua̱h ma̱n!
24147	MAT 26:24	U che rinducó nducoya̱ca ihyan ne, va che conahn nducó nducuahn che a ndirun na̱n Ndudo yahn Dendiohs. Ate ¡cheva̱h sa̱hn che ndihcue ndeh se u! Tahque ndah ro yahn se ndete che nde hua chihndeya̱n se.
24188	MAT 26:65	Ndeta̱hno chihngun chidocuya̱n ndina̱n me cahteca ye, te ra̱hco ye che ducherino Dihvo vo Dendiohs che tihca̱ ndahconan ye. Tuhme ra̱hn ye: ―¿Dehca din vo testigo ne? ¡Ducherino se Dendiohs! A ma̱n nchuhn chihnevan ne nduhca̱ che ra̱hn se.
24309	MRK 1:25	Dihvo vo ne, chihco yudo ye yahn vaco chihnga̱ me, ne ra̱hn ye: ―¡Cuihnde dihn chende! ¡Cuendiquendah sa̱hn tih!
24311	MRK 1:27	Rahn ino nducoya̱ca ihyan che chenun ye min, ne tumerune vih ye: ―¿Deh che ri ne? ¿Deh conahn ndudo ra che ricuahn ihyan tih ne? ¡A̱ma chahte vederihquentiyon quenan cuma ye! ¡Rihquentiyon ye nde vaco chihnga̱ che chenun ihyan che ndiquenda̱h, ne redinahn yahn ye!
24441	MRK 5:8	Tihca̱ ra̱hn se, te Dihvo vo ne, a chihco yudo ye vaco chihnga̱ chahn, ne ra̱hn ye: ―Vaco chihnga̱, ¡cuendiquenda̱h nchuhn! ¡Cuihcoma̱n ne sa̱hn tih!
24538	MRK 7:6	Ndahconan Dihvo vo, ne ra̱hn ye ri ye sa̱hn: ―¡O na̱n o chende nchuhn! Riquenda̱h cua̱co nduhca̱ che dirun ihyan profeta Isaías yahn ne tuhca̱: Dendudo no che ra̱hn sa̱hn sih che ritahno se Dendiohs, te hua cua̱co.
24541	MRK 7:9	’¡A̱ma vivo nchuhn che ra̱hco ne! Riquendi ne costumbre yahn ma̱n ne, ne rihcoma̱n ne vederihquentiyon yahn Dendiohs.
24545	MRK 7:13	¡A̱ma ndeh na̱n ca dehtenduh che tuhchan redin nchuhn! Rihcoma̱n ne vederihquentiyon yahn Dendiohs, ne riquendi ne costumbre yahn ma̱n ne.
24548	MRK 7:16	¡Cuihcovan ndah ne ca̱va che conahn ne!
24566	MRK 7:34	Chenihyon na̱n ye cua̱hn na̱n ro, ne chena̱hn ino ye che chi nda̱che ye, ne ra̱hn ye: ―¡Efata! ―che nahn ca̱hma: ¡Condah!
24569	MRK 7:37	A̱ma rahn ino nducoya̱ca ihyan, ne ra̱hn ye: ―¡A̱ma nda̱hca̱ nducuahn che redin ihyan cuh! Nde ihyan che chato ye ne, redin ye che ri rihnevan ye, ne ihyan che lihme ye ne, redin ye che ri rente ye.
24602	MRK 8:33	Ate chaconan Dihvo vo ndihchero ye ihyan apóstol chena̱hn, ne chihya ye Pedro: ―Di ne, ¡nduhca̱ chundah, di! ¡Cuehn a̱ma la̱do! ¡Hua din vahche yáhn!, te di ne, ihyan iyehnse di, nde hua renehn che nahn Dendiohs.
24626	MRK 9:19	Tuhme ra̱hn Dihvo vo: ―¡A̱ma rendedecadinó ca̱va nchuhn! ¿Dehco che hua ritahno ne? ¿Ticua̱hn ca̱hcoma̱n ne vedenine yahn ne, co ne ihyan? Cuahn ne nguan ne sa̱hn.
24680	MRK 10:23	Tuhme chaconan Dihvo vo ndihchero ye ihyan apóstol yahn ye, ne ra̱hn ye: ―¡A̱ma va̱hche ca̱va ihyan che nevahnecun ye vederihquentiyon yahn Dendiohs!
24681	MRK 10:24	Chahn ino ihyan apóstol chahn che tihca̱ ra̱hn Dihvo vo. Ate ndaconan ra̱hn tun ye: ―Da̱yá, ¡a̱ma va̱hche ca̱va ihyan che yahino ye vedecuihca ca̱va che nevahnecun ye vederihquentiyon yahn Dendiohs!
24704	MRK 10:47	Cuahn che chihnevan se che a cochi nino Dihvo vo Jesucristo, ihyan min che chihta ye ya̱n Nazaret ne, cana̱n rica se favor ihyan, ne ra̱hn se numa dito se: ―Jesús, Da̱ya David, ¡cuenan va̱hino ne u!
24705	MRK 10:48	A̱ma ya̱hn ihyan ra̱hn ye ri ye sa̱hn che cuhnde dihn chende se. Ate nde tahque yudo na̱n ca se ra̱hn se: ―Da̱ya David, ¡cuenan va̱hino ne u!
24718	MRK 11:9	Nducoya̱ca ihyan, ihyan che nda̱hna̱n ye ma̱n, ihyan che chenan ive ye ma̱n ne, a̱ma rah yeno ye, ne ra̱hn ye: ―¡Ndeva vo yavena̱n Dihvo vo Dendiohs! ¡Ndeva vo yavena̱n ihyan cuh che dechuh ye ihyan!
24719	MRK 11:10	¡A̱ma ndah ro yuhn vo, te cochi ye quenan cuma ye vederihquentiyon yahn ihyan ndico yuhn vo David! ¡Ndeva vo yavena̱n Dendiohs che va ye vahchetero!
24787	MRK 13:1	Cuahn che ndiquenda̱h Dihvo vo chete ya̱co chahte me ne, ra̱hn a̱ma cha ihyan apóstol ri ye ihyan: ―Ihyan Ricuahn, condihche ne tah. ¡A̱ma nda̱hca̱ ya̱co ma̱n, tu che ndahto ma̱n!
24803	MRK 13:17	¡Cheva̱h ihyan nda̱hta che chenun da̱ya ye nda̱ ro min ma̱n, ihyan nda̱hta che reta̱ve ye ma̱n!
24823	MRK 13:37	Che rá̱hn rí nchuhn ne, namin rá̱hn ca̱va ihyan chena̱hn: ¡Cuahteya̱n nducoya̱ca ne!
24844	MRK 14:21	Cua̱co te u che rinducó nducoya̱ca ihyan ne, va che conahn nducó nduhca̱ che a ndirun na̱n Ndudo yahn Dendiohs. Ate ¡cheva̱h sa̱hn che ndihcue ndeh se u! Tahque ndah ndete che hua chihndeya̱n se.
24868	MRK 14:45	Ndeta̱hn nda̱ se ne, ra̱hn se ri se Dihvo vo: ―¡Ihyan Ricuahn! ¡Ihyan Ricuahn! Tuhme tena̱n se ihyan,
24908	MRK 15:13	Ndahconan ihyan chahn, ne ra̱hn ye numacuahn vedeta̱n: ―¡Conahn ya̱h ne sa̱hn!
24909	MRK 15:14	Tumerune tun Pila̱to ihyan chahn: ―¿Dehco? ¿Deh nunde quendihco se? Ate ndaconan cah ihyan chahn: ―¡Conahn ya̱h ne sa̱hn!
24913	MRK 15:18	Chihno min ne, redin ca̱ se che renevahnecun se ihyan, ne rah se: ―¡Ndeva nuhn yavena̱n rey yahn ihyan nación ya̱hn Israel!
24925	MRK 15:30	¡cuendedevahn man di, cuenchehn na̱n cruz tih!
25007	LUK 1:45	¡Ndah ro yehn che chitehne!, te conahn ndoque ndudo che dechuh Dihvo vo Dendiohs.
25028	LUK 1:66	Nducoya̱ca ihyan che checadino ye ne, rente ye nduco vih: ―¡A̱ma chahte ntiyon conan cuma sa̱hn dihn ca̱h! Tihca̱ ra̱hn ye, te Dendiohs ne, nduco ye sa̱hn.
25056	LUK 2:14	¡Nda̱hca̱ che ndeva nducoya̱ca ihyan numacuahn vedeyeno yavena̱n Dendiohs, ihyan min che va ye vahchetero! Muhn iyehnse cuh ne, nducoya̱ca ihyan che yeno Dendiohs nduco ye ne, din Dendiohs che nda̱hca̱ cuahtenan ye nduco vih.
25167	LUK 4:35	Chihquentiyon Dihvo vo vaco chihnga̱ me: ―¡Cuenedihn chende! ¡Cuendiquendah sa̱hn tih! Ndeta̱hno din vaco chihnga̱ me che chendave sa̱hn min na̱n nducoya̱ca ihyan che chenun ye min. Ate hua dehva chi yahn se, ne ndiquenda̱h sa̱hn.
25168	LUK 4:36	Nducoya̱ca ye ne, a̱ma dihya ye chi, ne rente ye va̱n ma̱n ye nduco vih: ―¡Ama chahte vederihquentiyon quenan cuma ihyan tih! ¡Nde vaco chihnga̱ redinahn ndudo yahn ye, ne rendiquenda̱h!
25278	LUK 7:14	Tuhme chahn nda̱ ye, ne ca̱h ta̱h ye yave yahn tena̱hn me, ne sa̱hn che nda se yave me ne, chahtendi rino se. Ra̱hn ye ri ye tena̱hn me: ―¡Cuenecuen!
25280	LUK 7:16	A̱ma cuahn ino nducoya̱ca ihyan, ne rendeva ye numacuahn vedeyeno yavena̱n Dendiohs, ne ra̱hn ye: ―Nda̱ a̱ma profeta va̱n uvo, ihyan yahn Dendiohs. ¡A̱ma chahte vederihquentiyon quenan cuma ye! Dechuh Dendiohs ihyan.
25322	LUK 8:8	Te neve ndute ne, chera na̱n ya̱hn ndah, ne quenda̱h, ne chi yahn, ca̱de ciento queri a̱ma. Chihno nte ye ejemplo me ne, tuhme a̱ma dito ra̱hn ye: ―Nducoya̱ca nchuhn, ¡cuendedecadino ndah ne yahn ejemplo me!
25338	LUK 8:24	Chahn ihyan chahn, ndedetuhche ye Dihvo vo, ne ra̱hn ye: ―¡Ihyan Ricuahn! ¡Ihyan Ricuahn! ¡Cuentuche ne, te adeche cuehchenun vo va̱n nune! Necuan Dihvo vo, ne chihco dihn ye yuhne ta̱n me, ne quendite dihn vine me.
25368	LUK 8:54	Tuhme cheta̱h Dihvo vo ta̱h te, ne a̱ma dito ra̱hn ye: ―Ta̱hn dihn, ¡cuenecuen!
25403	LUK 9:33	Ura che a na̱hn Moisés nduco Elías ne, ra̱hn Pedro ri ye Dihvo vo: ―Ihyan Ricuahn, ¡nda̱hca̱ che cuahtenan vo muhn! Dendah nuhn ino vache vah, a̱ma na̱n che cuhnde ne, ne ta̱ma na̱n che cuhnde Moisés, ne ta̱ma na̱n che cuhnde Elías. Nde hua devano Pedro deh che ra̱hn ye.
25411	LUK 9:41	Ndahconan Dihvo vo: ―¡A̱ma yah rí ca̱va nchuhn, ihyan nunde che hua ritahno ne! ¿A numacuahn ro conán nduco nchuhn? ¿Ta̱va ro va che cochá nduco ne? Cuehn, ngua daye.
25445	LUK 10:13	’Ihyan ya̱n Corazín, ¡yah rí ca̱va nchuhn! Ihyan ya̱n Betsaida, ¡yah rí ca̱va nchuhn!, te ndete che ihyan ya̱n Tiro nduco ihyan ya̱n Sidón ndihchero ye vederihno che ndihchero nchuhn ne, ametah ro nto ino ihyan chahn nunde yahn ye, chahtenun ye tino ndere ma̱n, chahte ra̱n ye va̱n iya ma̱n.
25501	LUK 11:27	Ura che ra̱hn Dihvo vo dehtenduh che tuhchan ne, a̱ma dito ra̱hn a̱ma nda̱hta va̱n ihyan: ―¡Ndah ro yahn ihyan nda̱hta che chacoya̱hn ye ndih ma̱n, che ta̱ve ye ndih ma̱n!
25514	LUK 11:40	¡Hua renahn nchuhn! ¿A hua devano nchuhn te Dendiohs che dendah ye ihyan ne, tahque nahn ye che dave chedave yahn ihyan che co cua̱hn mena̱n ye?
25516	LUK 11:42	’Nchuhn sa̱hn fariseo, ¡yah rí ca̱va ne!, te dema̱n riya yahn ive ma̱n, aruda ma̱n, dehtenduh ya̱ta ma̱n, reca̱h ne. Ate vederihquentiyon yahn Dendiohs ma̱n, vedeyahino yahn ye ma̱n, andahre chemin che tahque rigonun chihve ne, rihcoma̱n ne. Nduhca̱ che redinahn ne yahn riya ne, tihca̱ codinahn ne yahn nducuahn.
25517	LUK 11:43	’Nchuhn sa̱hn fariseo, ¡yah rí ca̱va ne!, te renan ino ne cuahte ne chete ya̱co na̱n silla che rahte ihyan ndina̱n. Namin renan ino ne che nevahnecun ihyan nchuhn, nte ye Dendiohs nchuhn cua̱hn ndihve.
25518	LUK 11:44	’Nchuhn sa̱hn fariseo ma̱n, sa̱hn devano ley che dirun Moisés ma̱n, ¡yah rí ca̱va ne! ¡O na̱n o chende ne! Nchuhn ne, nduhca̱ ya̱yan che a nincheh, che vatechica ihyan mena̱n nde hua devano ye che ya̱yan, tihchan ne.
25520	LUK 11:46	Ate ra̱hn Dihvo vo ri ye sa̱hn: ―Namin nchuhn, sa̱hn devano ley che dirun Moisés, ¡yah rí ca̱va ne!, te reca̱h rihn nduh ne ihyan nduco dehtenduh che nentihdenan ne, rihquentiyon ne che va che dinahn ye. Ate ma̱n ne ne, nde tah hua rinan ne ihyan.
25521	LUK 11:47	’¡Yah rí ca̱va nchuhn!, te rahto ne ya̱yan yahn ihyan profeta che ma̱n indihte yahn ne, chihno ye ihyan.
25526	LUK 11:52	’Nchuhn, sa̱hn devano ley che dirun Moisés, ¡yah rí ca̱va ne!, te vededevano che chihcoro Dendiohs ne, nchuhn ne, rihco ndeh ne. Nde hua riquendi ma̱n nchuhn, nde hua rahnecun ne che quendi ihyan chena̱hn.
25552	LUK 12:24	Condihche nchuhn chihnda. Nde hua rino te nda̱ta, nde metah na̱n che cuih ndah te deh che cheh te, ate Dendiohs ne, rihquecheh ye ite. ¡Tahque rigonun chihve nchuhn che co ya̱hda!
25577	LUK 12:49	’Ca̱va u ne, cuahte ca̱nda ihyan va̱n ma̱n ye nduco vih anduhneca̱ ndete che a chíh ya̱hn muhn iyehnse cuh, ne ¡a̱ma náhn ndete a riche!
25578	LUK 12:50	U ne, va che a̱ma chuhríhn, ne ¡a̱ma yah náhn ndete che a conahn!
25584	LUK 12:56	¡O na̱n o chende nchuhn! Devano nchuhn cuahn che co ihno ma̱n, cuahn che cuan co ma̱n. ¿Dehco che hua devano ne deh ri ro cuh che vate ne?
25602	LUK 13:15	Tuhme ndahconan Dihvo vo yahn se: ―Di ne, ¡o na̱n o chende! Ndete che chenan chiche itenine, o burro yehn chete va̱co te, ¿a hua nta̱hte ite ro che rahte tuhno ihyan ca̱va che ca̱hn te cuh te nune?
25621	LUK 13:34	’Nchuhn ihyan ya̱n Jerusalén, che rihno ne ihyan profeta ma̱n, reca̱h ne tu ihyan che redechuh Dendiohs ma̱n, ¡a̱ma ndeh yune ndá̱, te nahn nedin da̱má nchuhn nduhca̱ che renedin da̱ma chaco tuh da̱ya te ma̱n reche te, ate hua cahnecun ne!
25657	LUK 14:35	Va che cora, te hua cochihve, nde ca̱va che cota̱ve ndiya̱hn, nde ca̱va che cuahto duto chenda̱ta. Nducoya̱ca nchuhn, ¡cuendedecadino ndah ne deh conahn ejemplo cuh!
25721	LUK 17:1	Ra̱hn Dihvo vo ri ye ihyan apóstol yahn ye: ―A ca̱de no che va dehtenduh che din che cuahtendihco ihyan nunde, ate ¡yah rí ca̱va adecoduhno ihyan che din ye che cuahtendihco ihyan chena̱hn nunde!
25733	LUK 17:13	Cah se: ―Dihve nuhn, Jesús, ¡conan va̱hino ne nuhn!
25770	LUK 18:13	Ate sa̱hn rica tume ca̱de iyo me ne, nde hua rihquino se ca̱hn nda̱ se na̱n ta, nde hua nahn ndonihyon na̱n se yahn che cuihna̱n se. Chendih se, chahn se ticua se, ne ra̱hn se: “Dendiohs, ¡cuenan va̱hino ne u!, te a̱ma quendihcó nunde na̱n ne.”
25781	LUK 18:24	Ndihchero Dihvo vo che a̱ma chi nda̱che se, ne ra̱hn ye: ―Ihyan cuihca ne, ¡a̱ma va̱hche ca̱va ye che nevahnecun ye che rihquentiyon Dendiohs ihyan!
25795	LUK 18:38	Tuhme ra̱hn se numa dito se: ―Jesús, Da̱ya David, ¡conan va̱hino ne u!
25796	LUK 18:39	Ihyan che nda̱hna̱n ye ne, ra̱hn ye ri ye sa̱hn che cuhnde dihn chende se. Ate nde tahque yudo na̱n se ra̱hn se: ―Da̱ya David, ¡conan va̱hino ne u!
25822	LUK 19:22	Tuhme ra̱hn dihve se: “¡A̱ma duhtuno ihyan di! Nduco ndudo che tihca̱ rahn, a tumecadinó duh ihyan di. A devene che a̱ma dito ná̱n, che reta̱h ndúh tume che renda̱ca na̱n ntiyon che redin ihyan nduco tume yáhn.
25838	LUK 19:38	―¡Ndeva vo yavena̱n rey cuh che cochi ye menun Dihvo vo Dendiohs! ¡Ndoya̱n Dendiohs, ihyan min che va ye vahchetero! ¡Numacuahn vedeyeno ndeva vo yavena̱n ye!
25864	LUK 20:16	Ca̱hn ye, ne decuihno ye sa̱hn. Tuhme ca̱h ye chenda̱ta me ta̱h ta̱ma ca ihyan che din ye ntiyon nduco. Nducote chihnevan sa̱hn fariseo che chenun se min ne, ra̱hn se: ―¡Tahque ndah ndete che hua cuahnecun Dendiohs che tihca̱ co!
25918	LUK 21:23	¡Cheva̱h ihyan nda̱hta che chenun da̱ya ye ro min ma̱n, che reta̱va ye da̱ya ye ma̱n!, te a̱ma chahte castigo co ihyan ya̱n min, ne a̱ma cuhnde vedeyah iyehnse.
26022	LUK 23:18	Ate cah nducoya̱ca ihyan: ―¡Cuihno ne sa̱hn tih! ¡Cuenta̱hte ne Barrabás!
26025	LUK 23:21	Ate cah tun ihyan chahn: ―¡Cuenahn ya̱h ne sa̱hn! ¡Cuenahn ya̱h ne sa̱hn!
26085	LUK 24:25	Tuhme ra̱hn Dihvo vo ri ye ihyan chahn: ―¡A̱ma tuntu nchuhn! ¡Ta̱ca che hua renahn ne nduhca̱ che dirun ihyan profeta!
26180	JHN 2:16	Me sa̱hn che rendihcue icui chahn ne, ra̱hn ye ri ye sa̱hn: ―¡Cuahn nchuhn cua̱hn chevah nduco dehtenduh yahn ne! ¡Hua tuma ne ya̱co yahn Chidá ca̱va che ndihcue ne dehtenduh yahn ne!
26181	JHN 2:17	Ura min ne, nta̱ tin ihyan che rinduco ye ihyan nduhca̱ che a ndirun yahn ye na̱n Ndudo yahn Dendiohs tuhca̱: “¡A̱ma yahinó ya̱co yahn ne! ¡Hua cuahnecún che ndere din ihyan, cuahtenun ye chete!”
26346	JHN 6:20	Tuhme ra̱hn Dihvo vo ri ye ihyan: ―A u che ntá̱. ¡Condi nchuhn dihya ne co!
26635	JHN 11:43	Chihno cova̱h ye ne, ra̱hn ye a̱ma dito: ―Lázaro, ¡cuendiquendah ta̱n!