23233	MAT 1:20	Ate ndihchero ye va̱n ya̱hnde yahn ye a̱ma ángel yahn Dihvo vo Dendiohs, ne ra̱hn ángel me ri ye ihyan: ―José, nda̱ta yahn David, hua dehve rahque, co cahnevaque nduco María. Hua ndeh ndedecadine, te che quenun da̱ya ye ne, a nduco vederihquentiyon yahn Vaco Ndah yahn Dendiohs.
23239	MAT 2:1	Chihndeya̱n Dihvo vo Jesucristo ya̱n Belén, esta̱do yahn Judea, cuahn che quenan rey Herodes rihquentiyon ye esta̱do min. Ta̱hn min ne, o ino ihyan devano che chica ye ya̱hn yahn cua̱hn na̱n che riquenda̱h ya̱hn ne, nda̱ ye ya̱n Jerusalén,
23241	MAT 2:3	Cuahn che checadino rey Herodes che tihca̱ ne, a̱ma ndeh ndedecadino se. Namin nducoya̱ca ihyan ya̱n Jerusalén a̱ma ndeh ndedecadino ye.
23250	MAT 2:12	Chihno min ne, ca̱h Dendiohs che checadino ihyan chahn va̱n ya̱hnde yahn ye che metah ndaconan ye na̱n quenun Herodes, ne chemin che chahconan ye yune, cona̱hn ye ya̱n va̱co ye.
23251	MAT 2:13	Cuahn che a cona̱hn ihyan devano chahn ne, ndihchero José va̱n ya̱hnde yahn ye a̱ma ángel yahn Dihvo vo Dendiohs, ne ra̱hn ángel me ri ye ihyan: ―Cuiquenda sa̱hn dihn nduco chaco se, ne codin vi, cuehn cua̱hn nación yahn Egipto. Min conen nde ro che ca̱hcantiyón che ndaconen, te Herodes ne, nuhn se sa̱hn dihn me ca̱va che ca̱hno se sa̱hn.
23253	MAT 2:15	Min chahtenan ye nde nda̱ ro che chih Herodes. Tihca̱ chi ca̱va che conahn ndudo che ca̱h Dendiohs, dirun ihyan profeta tuhca̱: “Nde nación yahn Egipto quendá Da̱yá.”
23254	MAT 2:16	Cuahn che tumacadino Herodes che chahcota̱hn ihyan devano chahn yahn se ne, a̱ma chi ta̱n se, ne dechuh se sanda̱do ya̱n Belén ma̱n, ya̱n che nino min ma̱n, che chihno se nducoya̱ca decua̱h cha̱hn, nde checa̱hya che a ri o nduyo, te a tih va ro che ndihchero ihyan devano chahn iyon me.
23256	MAT 2:18	A̱ma rah ra̱n ihyan ma̱n, a̱ma raco ye ma̱n, anduhneca̱ ndete che ma̱n Raquel raco ye ca̱va da̱ya ye. Hua nda̱ca ye vedechahtino, te a chihno chihno se da̱ya ye.
23257	MAT 2:19	Cuahn che a chih Herodes ne, min nación yahn Egipto ndihchero José va̱n ya̱hnde yahn ye, a̱ma ángel yahn Dihvo vo Dendiohs, ne ra̱hn ángel me ri ye ihyan:
23270	MAT 3:9	Hua ndere ndonan ma̱n ne nchuhn che nda̱ta yahn Abraham nchuhn, te ndete che nahn Dendiohs che ndere co ya̱hn nda̱ta yahn ihyan min ne, nde tu che tuhchan co din ye che nda̱conda̱ ihyan che co cuande ye na̱n nda̱ta yahn ye.
23285	MAT 4:7	Ndahconan Dihvo vo, ne ra̱hn ye ri ye sa̱hn: ―Namin ndirun na̱n Ndudo yahn Dendiohs tuhca̱: “Hua tumerende Dihve Dendiohs.”
23318	MAT 5:15	Namin cuahn che nahn ya̱hn ihyan a̱ma ya̱hn ne, rihco ye na̱n che ya̱co ca̱va che co ro dave na̱n ihyan che chenun ye chete vah. Hua rihco ndeh ye ma̱n a̱ma cajón.
23324	MAT 5:21	’Nchuhn ne, a devano ne te ihyan ndico yahn ne chicuahn ye tuhca̱: “Hua cahne ihyan, te adecoduhno ihyan che ca̱hno ye vih ne, va che co ye castigo.”
23330	MAT 5:27	’Nchuhn ne, a devano ne te ihyan ndico yahn ne chicuahn ye tuhca̱: “Hua ndere conen nduco nda̱hta che hua nihneva̱co ndoque.”
23336	MAT 5:33	’Nchuhn ne, a devano ne te chicuahn ihyan ndico yahn ne tuhca̱: “Hua ndere cah ndudo yehn Dihve Dendiohs, te va che dinehn nducuahn ndudo yehn che cah.”
23353	MAT 6:2	Chemin che cuahn che din ne vedeva̱hino ne, co din ne cuande che hua cadino nde a̱ma ihyan. Hua da̱ma co ne nduco sa̱hn che o na̱n o chende se che redin se vedeva̱hino na̱n nducoya̱ca ihyan, chete ya̱co ma̱n, cua̱hn yune ma̱n. Sa̱hn chahn ne, tihca̱ redin se ca̱va che ndonan ihyan sa̱hn, ate cua̱co rá̱hn rí nchuhn te nde hua cochihve yahn se na̱n Dendiohs che tihca̱ redin se.
23359	MAT 6:8	Hua da̱ma co ne nduco ye na̱n che reva̱h ne, te Chida ne ne, nde ura che ametah ca̱ca ne ihyan ne, a devano ye nducuahn dehtenduh che rendotenan ne.
23370	MAT 6:19	’Hua cua̱hcora̱n nchuhn ca̱va vedecuihca che a chemin no din da̱ma ne. Hua regu, te rine iteduhn ma̱n, reh dache ma̱n, renda̱ sa̱hn duco, riquenda se ma̱n.
23376	MAT 6:25	’Rá̱hn rí nchuhn: Hua cua̱hcora̱n ne deh cheh ne ma̱n, deh cuh ne ma̱n, ti nda̱ca ne tino che cuahtenun ne ma̱n. A Dendiohs che deco ye nchuhn iyehnse, ne te ye che cheh ne ma̱n, tino che cuahtenun ne ma̱n.
23386	MAT 7:1	’Hua nda̱hchenan nchuhn ihyan ca̱va che hua din Dendiohs castigo nchuhn.
23406	MAT 7:21	’Hua nducoya̱ca ihyan che ra̱hn ye yáhn che Dihve ye u, cuahtenan ye vahchetero, te atena̱n ihyan che dinahn ye vederihquentiyon yahn Chidá, ihyan min che va ye vahchetero.
23418	MAT 8:4	Tuhme ra̱hn ye ri ye sa̱hn: ―Culhque cuda̱do. Hua cahme nduco nde a̱ma ihyan ta̱ca̱ chi che ndoyehn. Tahque ndah ne, cuehn na̱n chidocuya̱n, ndihchero ye di, ne cah vedino nduhca̱ che chihquentiyon Moisés ca̱va che co devano nducoya̱ca ihyan che a ndoyehn.
23436	MAT 8:22	Ate ndahconan Dihvo vo yahn se: ―Di ne, nahn che condoque u. Hua ndedecadine ca̱va chemin. Ihyan che anduhneca̱ ndete che a ndih ye na̱n Dendiohs ne, ihyan chahn co cuhche ye tena̱hn yahn ye.
23464	MAT 9:16	’Hua redin yahn che ndahcheta̱hn vo costumbre ndico nduco vederihquentiyon ra. Nde a̱ma ihyan hua reneca̱hnan ye a̱ma ndi tino ra na̱n tino ndico, te ndete che tihca̱ din ye ne, ndeva doh tino ra me, ne nde tahque co chahte na̱n nte yahn tino ndico me.
23491	MAT 10:5	Dechuh Dihvo vo ihyan che ndichio chahn, chihquentiyon ye ihyan tuhca̱: ―Hua cuahndudo nchuhn va̱n ihyan ta̱ma nación, nde huane va̱n ihyan nación yahn Samaria.
23495	MAT 10:9	’Hua quenda nchuhn tume,
23514	MAT 10:28	Hua din va̱h ne ihyan che nahn ca̱hno ye nchuhn, te cuihno min ne, ametah dehva che co din ye. Tahque ndah ne, codin va̱h ne Dendiohs, te ihyan min ne, co dechuh ye nchuhn va̱n ruchiya̱hn, co ne castigo cua̱hn da̱ma.
23520	MAT 10:34	’Hua ndedecadino nchuhn che ma̱n che ndá̱ ne, hua cuahte ca̱hnda ihyan, te ihyan che ritahno ye u ne, cuahte ca̱hnda ihyan nduco ye. Ihyan ne, cuahte ca̱hnda ye nduco chida ye ma̱n, ta̱hn ca̱hya ne, cuahte ca̱hnda te nduco chaco te ma̱n, ta̱hn decuno ihyan ne, cuahte ca̱hnda te nduco inda̱hn te ma̱n.
23560	MAT 12:2	Ndihchero a̱ma o sa̱hn fariseo, ne ra̱hn se ri se Dihvo vo: ―Condihche ne ihyan apóstol yahn ne. Hua nda̱hca̱ che tihca̱ redin ye ma̱n ro cuh, te ma̱n ne, ro che rahtetuhno ihyan.
23563	MAT 12:5	Namin a devano nchuhn nduhca̱ che rihquentiyon ley che dirun Moisés. Hua dehve nunde che redin chidocuya̱n ntiyon chete ya̱co ro che rahtetuhno ihyan.
23577	MAT 12:19	Hua cuhma chende se nduco ihyan, nde huane cuah nun se na̱n ye, ca̱hya se ihyan. Hua cochica se yune viya̱n cuahndudo se.
23578	MAT 12:20	Hua ca̱h nda̱che nduh se ihyan che nda̱che ri ye yahn nunde yahn ye. Tahque ndah se ne, neca̱h se vedechahtino ihyan. Tihca̱ quendi se nde conan ca̱hcantiyon se numachahte iyehnse,
23637	MAT 13:29	Ndahconan ye, ne ra̱hn ye ri ye sa̱hn: “Hua tico ne chano ya̱n me, te dena̱n nde nduco trigo tico ne.
23667	MAT 14:1	Ta̱hn min ne, Herodes gobernador yahn Galilea ne, checadino se yahn Dihvo vo Jesucristo,
23669	MAT 14:3	Tihca̱ ra̱hn se, te sa̱hn min din se preso Jua̱n, chihquentiyon se sanda̱do che dechiche se cadena ihyan, tihyon se ihyan va̱coya̱hn. Tihca̱ din se, te tihca̱ nahn Herodías ta̱hn nda̱hta yahn dihno se Felipe.
23670	MAT 14:4	Jua̱n ne, a ra̱hn ye ri ye Herodes: ―Hua redin yahn che conan come ta̱hn tih nduhca̱ nda̱hta yehn.
23671	MAT 14:5	Nahn ca̱hno Herodes Jua̱n, ate va̱h se ihyan ya̱n, te nducoya̱ca ye ritahno ye che Dendiohs dechuh ye ihyan.
23672	MAT 14:6	Ate ro che vihco duche Herodes ne, ndeh ta̱hn da̱ya Herodías na̱n ihyan che vate ye min, ne a̱ma quenan ino Herodes.
23675	MAT 14:9	A̱ma chi ra̱n Herodes che tihca̱ ra̱hn te, ate nducote a ca̱h se ndudo yahn se ta̱hn na̱n nducoya̱ca ihyan che vate min ne, dinahn se.
23693	MAT 14:27	Ate ya̱hve Dihvo vo ihyan chahn, ne ra̱hn ye: ―Hua va̱h nchuhn, te a u che cochí.
23704	MAT 15:2	―Hua nda̱hca̱ che rahcota̱hn ihyan apóstol yahn ne vederihquentiyon yahn ihyan ndico, te reh ye nde hua rena̱no ye ta̱h ye nduhca̱ che chihco ca̱de ihyan chahn.
23707	MAT 15:5	Ate nchuhn ne, retihyon yune ne ihyan che ca̱hma ye co ye indihte yahn ye: “Hua co conán nchuhn, te nducuahn che va yáhn ne, a cá̱h ndudo yáhn che co vedino na̱n Dendiohs.”
23728	MAT 15:26	Ra̱hn ye ri ye ta̱hn: ―Hua redin yahn che conán di, te anduhneca̱ ndete che cahneví pa̱n che va che cheh ihyan nación yáhn, cá̱h ya̱hna.
23734	MAT 15:32	Chihno min ne, cah Dihvo vo ihyan apóstol yahn ye, ne ra̱hn ye ri ye ihyan: ―A̱ma renan va̱hino ihyan sih, te a ino ro che chenan ye nduco vo, ne metah dehva che cheh ye. Hua nahn ndedechúh ihyan che diya chete ye, te dena̱n cota̱h cuno ihyan cua̱hn yune.
23747	MAT 16:6	Ura min ra̱hn Dihvo vo nduco ye: ―Cuihco nchuhn cuda̱do. Hua tumaca̱h ne yahn ya̱ yahn sa̱hn fariseo ma̱n, sa̱hn saduceo ma̱n.
23767	MAT 16:26	Hua cochihve yahn ihyan andahre nedin da̱ma ye nducuahn vedecuihca che va iyehnse ndete che chemin din che denda ye, ne hua co cuahtenan ye vahchetero. Ndete che tihca̱ ne, metah deh nduco nedihve ye ca̱va che ndevahn ye.
23776	MAT 17:7	Tuhme chahn nda̱ Dihvo vo na̱n ihyan chahn, nahn ta̱h ye ihyan, ne ra̱hn ye ri ye ihyan: ―Cuenecuan nchuhn. Hua dihya ne co.
23778	MAT 17:9	Ura che cuenchahn ye cuete me ne, chihquentiyon Dihvo vo ihyan chahn, ne ra̱hn ye: ―Hua ca̱hma nchuhn nduco nde a̱ma ihyan yahn vederihno che ndihchero ne, nde ro che u che rinducó nducoya̱ca ihyan ntuché va̱n tena̱hn.
23842	MAT 19:11	Ra̱hn Dihvo vo ri ye ihyan chahn: ―Hua nducoya̱ca ihyan co dinahn ye yahn chemin, te atena̱n ihyan che neca̱h Dendiohs vederihquentiyon ihyan che co dinahn ye.
23845	MAT 19:14	Tuhme ra̱hn Dihvo vo ri ye ihyan: ―Hua ca̱hca ta̱n nchuhn che chi checa̱hya sih ná̱n, te a ndi cuande va̱n ihyan che necun ye che cuahtenan ye vahchetero na̱n che rihquentiyon Dendiohs.
23849	MAT 19:18	Tumerune se ihyan: ―¿Cha vederihquentiyon me ne? Ndahconan Dihvo vo, ne ra̱hn ye ri ye sa̱hn: ―Vederihquentiyon che tuhca̱: “Hua cahne ihyan ma̱n, hua din duche yehn che nihnevaque ma̱n, hua doque ma̱n, hua ndere ca̱hma nonde yahn ihyan ma̱n,
23868	MAT 20:7	Ndahconan se, ne ra̱hn se ri se ihyan: “Hua din nuhn ntiyon, te hua nda̱ca ntiyon din nuhn.” Ra̱hn ye ri ye sa̱hn: “Cuahn nchuhn din ne ntiyon yáhn tuhme, ne nedihvé nchuhn nduhca̱ che redin yahn.” “A,” ra̱hn se, ne cuahn se.
23922	MAT 21:27	Tahque ndah se ne, ra̱hn se ri se Dihvo vo: ―Hua devano nuhn. Tuhme ra̱hn ye ri sa̱hn: ―Namin u ne, hua có nchuhn duh te vederihquentiyon che tihca̱ redín.
23924	MAT 21:29	Ndahconan se, ne ra̱hn se: “Hua cá̱hn.” Ate adive ne, nto ino se che tihca̱ ra̱hn se, ne cuahn se din se ntiyon che chihquentiyon chida se.
23952	MAT 22:11	Tuhme chenda̱ rey me chete vah me, ne ndihchero ye a̱ma sa̱hn che nduco se min. Hua quenun se tino nduhca̱ che rahtenun ihyan che rahn ye na̱n rihneva̱co ihyan,
23957	MAT 22:16	Dechuh se a̱ma o combiero yahn se nduco ta̱ma te o sa̱hn partido yahn Herodes, ne ra̱hn se ri se Dihvo vo: ―Ihyan Ricuahn, ndih ne, ndudo cua̱co che rente ne ma̱n, ricuahn ne numa cua̱co vederihquentiyon yahn Dendiohs ma̱n, nde hua renda̱hchenan ne ihyan, te da̱ma no rendihche ne nducoya̱ca ye.
23996	MAT 23:9	Hua ca̱hma ne chida ne yahn ihyan iyehnse, te va a̱ma no Chida ne, ihyan min che va ye vahchetero.
24000	MAT 23:13	’Nchuhn sa̱hn fariseo ma̱n, sa̱hn devano ley che dirun Moisés ma̱n, ¡o na̱n o chende ne! ¡Cheva̱h nchuhn!, te redin va̱hche ne yahn ihyan che nahn nevahnecun ye vederihquentiyon yahn Dendiohs. Hua renevahnecun ma̱n ne, nde hua retihyon yune ne ihyan che nevahnecun ye.
24004	MAT 23:17	¡Tundo nchuhn! ¡Hua renahn ne! Tahque rigonun chihve ya̱co, te min ri vihco diya̱hngua̱n che va chete.
24006	MAT 23:19	¡Tundo nchuhn! ¡Hua renahn ne! Tahque rigonun chihve na̱n ta, te min ri vihco vedino che va mena̱n.
24086	MAT 25:9	Ndahconan ta̱hn che vivo chahn, ne ra̱hn te: “Hua co te nuhn nchuhn, te ndete che te nuhn ne, hua tuno nde ca̱va ma̱n nuhn. Tahque ndah nchuhn ne, cuahn ne cua ne na̱n che rendihcue ye.”
24114	MAT 25:37	Tuhme ndahconan ihyan chahn, ne ca̱hma ye co ye u: “Dihve nuhn, co ndiyu nuhn che chinan nuhn ndih cuahn che rendotenan ne che ra̱hn ne. Hua te nuhn cheh ne ma̱n, hua te nuhn nune chih ne ma̱n,
24119	MAT 25:42	Hua co ndevá nchuhn, te hua chahtenan cuma ne vedeva̱hino. Chi cuicó, ne hua te ne chéh ma̱n, chi ya̱cá, ne hua te ne nune chíh ma̱n,
24131	MAT 26:8	Ndihchero ihyan apóstol chahn, ne chi yudo yahn ye, ne ra̱hn ye: ―Hua nda̱hca̱ che redin ta̱hn tih che ndere retoh te nuneda̱n tih, te a̱ma yahn chihve. Tahque nda̱hca̱ din te ndete che ndihcue te, ca̱va che nda̱ca tume conan te ihyan cheva̱h.
24197	MAT 26:74	Ndaconan ntihyon ya̱n ye Dendiohs, nde ra̱hva ye, ne ra̱hn ye: ―Hua rendihché duh ihyan ca̱h che ra̱hn nchuhn. A ura min no cah a̱ma tuh.
24269	MAT 28:5	Ra̱hn ángel me ri ye ihyan nda̱hta chahn: ―Hua dihya nchuhn co. A devanó che nda̱ ne ndihchero ne Dihvo vo Jesucristo, ihyan min che quenan ya̱h ye.
24274	MAT 28:10	Ra̱hn Dihvo vo ri ye ihyan chahn: ―Hua dehve ra̱hco nchuhn. Cuahn ne co ne ihyan apóstol yáhn che cá̱hn esta̱do yahn Galilea, ne min ndihchero ye u.
24345	MRK 2:16	Sa̱hn devano ley che dirun Moisés ma̱n, sa̱hn fariseo ma̱n ne, ndihchero se che reh Dihvo vo, rih ye da̱ma nduco nducoya̱ca sa̱hn nunde chahn, ne ra̱hn se ri se ihyan che rahn nduco ye: ―Hua nda̱hca̱ che reh sa̱hn ricuahn yahn nchuhn, rih se da̱ma nduco sa̱hn rica tume ca̱de iyo ma̱n, sa̱hn nunde chena̱hn ma̱n.
24363	MRK 3:6	A ura min no ndiquenda̱h sa̱hn fariseo chahn chete ya̱co me, ne ndo da̱ma se nduco sa̱hn che chinduco se Herodes, ntuhno se nduco vih ta̱ca̱ din se che ca̱hno se Dihvo vo.
24467	MRK 5:34	Ra̱hn ye ri ye ta̱hn: ―Da̱yá, nducote chitehne ne, a ndoyehn. A co nahn ndevaque ndete che nehn. Hua dehve rahque, te a ndoyehn.
24469	MRK 5:36	Chihnevan Dihvo vo che ra̱hn ihyan chahn, ate hua tumaca̱h ye. Ra̱hn ye ri ye Jairo: ―Hua te co ran. Cuitehne che co conán di.
24490	MRK 6:14	Ro min ne, a̱ma rente ihyan yahn vederihno che redin Dihvo vo, ne checadino rey Herodes. Tuhme ra̱hn rey me: ―A ntuche Jua̱n Bautista va̱n tena̱hn. A ihyan min che redin ye vederihno che tihchan.
24492	MRK 6:16	Ate hua chitahno Herodes che rente ihyan chahn, ne ra̱hn se: ―Ihyan ca̱h ne, Jua̱n Bautista ihyan. A ihyan ca̱h che chihquentiyón sanda̱do che chihca ya̱n se da̱ndo ye. Ma̱n ne, a ntuche ye va̱n tena̱hn.
24493	MRK 6:17	Tihca̱ ra̱hn rey me, te a ma̱n se chihquentiyon se sanda̱do che din se preso Jua̱n, chaconuhn se ihyan va̱coya̱hn, dechiche se ihyan nduco cadena. Tihca̱ chahno chi Jua̱n, te tihca̱ nahn Herodías, ta̱hn nda̱hta yahn Felipe, sa̱hn min che dihno rey me. Rey me ne, ndere quenan se nduco te.
24494	MRK 6:18	A ra̱hn Jua̱n ri ye rey me: ―Hua nda̱hca̱ redin ne che quenan ne nduco nda̱hta yahn dihno ne.
24495	MRK 6:19	Nducote tihca̱ ra̱hn Jua̱n ri ye rey me ne, chemin che a̱ma nahn ca̱hno Herodías ihyan. Ate hua chi chihno te ihyan ura min.
24496	MRK 6:20	Herodes ne, renevahnecun se Jua̱n, te a devano se te ihyan min ne, ihyan ndah ye, ndiyu ihyan nunde ye. Chemin che hua rahnecun se che ca̱hno te ihyan. Cuahn che rihnevan rey me che rente Jua̱n ne, andahre hua ndah renahn se, ate rihnevan se numacuahn vedeyeno.
24497	MRK 6:21	Ate nda̱ a̱ma ro che nda̱hca̱ chahno Herodías chi. Din rey me vihcoduche se, ne reca̱h se reh nducoya̱ca intiyahn yahn se ma̱n, ihyan ndina̱n yahn sanda̱do yahn se ma̱n, ihyan na̱hn che vate ye esta̱do yahn Galilea ma̱n.
24498	MRK 6:22	Ura che a vate vihco ye ne, chenda̱ ta̱hn da̱ya Herodías, ndeh te, ne rey me nduco ihyan che vate ye reh ye nduco vih ne, a̱ma ca̱h yeno ihyan. Tuhme ra̱hn rey me ri se ta̱hn: ―Cuique adecodehno che nehn, ne té di.
24526	MRK 6:50	Nducoya̱ca ihyan chahn ne, ndihchero ye che cochi Dihvo vo na̱n nune, ate nducote hua nchana̱n ye ihyan ne, a̱ma dihya ye chi. Ndeta̱hno ra̱hn Dihvo vo ri ye ihyan chahn: ―Hua dihya nchuhn co, te a u che cochí. Hua dehve ra̱hco ne.
24543	MRK 7:11	Ate ndotenan che quendi nchuhn vederihquentiyon min ne, ricuahn ne ihyan che ca̱hma ye co ye indihte yahn ye: “Hua co conán nchuhn, te nducuahn che va yáhn ne, a ndihco mendá̱hn che co vedino na̱n Dendiohs.”
24556	MRK 7:24	Chica Dihvo vo min, ne cuahn ye cua̱hn ya̱hn yahn ya̱n Tiro ma̱n, Sidón ma̱n. Cuahn che nda̱ ye ne, nda̱ca ye a̱ma vah na̱n che conan ye. Hua nahn ye che cadino ihyan che min quenan ye, ate a ca̱de no che checadino ihyan.
24584	MRK 8:15	Ra̱hn Dihvo vo ri ye ihyan chahn: ―Cuihco nchuhn cuda̱do. Hua tumaca̱h ne yahn ya̱ yahn sa̱hn fariseo ma̱n, ya̱ yahn Herodes ma̱n.
24595	MRK 8:26	Tuhme ndedechuh ye sa̱hn cua̱hn ndeva̱co se, ne ra̱hn ye ri ye sa̱hn: ―Hua conda ya̱n tih, nde hua cahme nduco nde a̱ma ihyan sih ta̱ca̱ chi che ndoyehn.
24602	MRK 8:33	Ate chaconan Dihvo vo ndihchero ye ihyan apóstol chena̱hn, ne chihya ye Pedro: ―Di ne, ¡nduhca̱ chundah, di! ¡Cuehn a̱ma la̱do! ¡Hua din vahche yáhn!, te di ne, ihyan iyehnse di, nde hua renehn che nahn Dendiohs.
24603	MRK 8:34	Ura min ne, cah Dihvo vo ihyan apóstol ma̱n, ihyan che chenun nduco ye ma̱n, ne ra̱hn ye ri ye ihyan: ―Adecoduhno ihyan che nahn conduco ye u ne, va che ca̱hcoma̱n ye vedeyeno yahn ma̱n ye. Hua co che dendudo no conduco ye u, te va che ca̱hco menda̱hn ye ihyan ca̱va che conduco ye u, andahre conahn ya̱h ye na̱n a̱ma cruz ca̱vá.
24616	MRK 9:9	Ura che cuenchan ihyan chahn cuete me ne, ra̱hn Dihvo vo ri ye ihyan: ―Hua ca̱hma nchuhn nduco nde a̱ma ihyan yahn vederihno che ndihchero ne nde nda̱ ro che u che rinducó nducoya̱ca ihyan ntuché va̱n tena̱hn.
24639	MRK 9:32	Hua chenahn ihyan chahn ndudo che tihca̱ ra̱hn Dihvo vo, ne va̱hino ye tumerune ye ihyan deh conahn.
24646	MRK 9:39	Ra̱hn Dihvo vo ri ye ihyan chahn: ―Hua ca̱hca ta̱n nchuhn che tihca̱ redin ye, te nde a̱ma ihyan che redin ye vederihno nduco vederihquentiyon yáhn, hua chihnga̱ ra̱hn ye yáhn.
24671	MRK 10:14	Ndihchero Dihvo vo che tihca̱ redin ihyan apóstol chahn, ne chi yudo yahn ye, ne ra̱hn ye: ―Ca̱h yune nchuhn che chi checa̱hya ná̱n. Hua ca̱hdenun ne, te atena̱n ihyan che necun ye nduhca̱ checa̱hya chuhn, co nevahnecun ye che ca̱hcantiyon Dendiohs ihyan.
24676	MRK 10:19	A devene vederihquentiyon yahn ye: “Hua din duche yehn che nihnevaque. Hua cahne ihyan. Hua doque. Hua cahme ndudo cuahnde. Hua cahncheh ihyan. Cuendeva yavena̱n chide ma̱n, yavena̱n cheque ma̱n.”
24712	MRK 11:3	Ndete che va duh che tumerune nchuhn: “¿Dehco che tihca̱ redin nchuhn ne?”, cuendahconan ne yahn ye: “Hua te Dihve nuhn ne, nahn ye ite. Ate ndeta̱hno ndedechuh ye ite.”
24741	MRK 11:32	Ate, ¿a ca̱hmo vo che ndiyu Dendiohs dechuh ye ihyan ne? Hua chihquino se ra̱hn se tihca̱, te va̱h se ihyan ya̱n yahn che nducoya̱ca ye ritahno ye che Dendiohs dechuh ye Jua̱n.
24742	MRK 11:33	Chemin che ra̱hn se ri se Dihvo vo: ―Hua devano nuhn. Tuhme ra̱hn ye ri ye sa̱hn: ―Namin u ne, hua có nchuhn deh vederihquentiyon quenan cumá che tihca̱ redín.
24755	MRK 12:13	Adive dechuh chidocuya̱n ndina̱n chahn a̱ma o sa̱hn fariseo nduco a̱ma o sa̱hn partido yahn Herodes ca̱va che tumarande se Dihvo vo, ne ca̱ca nunde se yahn ye.
24769	MRK 12:27	Dendiohs ne, Dendiohs yahn nducoya̱ca ihyan, ihyan che vate ye iyehnse ma̱n, ihyan che a nda̱ca ye muhn ma̱n. Hua cua̱co che a̱ma yune rihnonan yahn ihyan cuahn che rih ye nduhca̱ che ra̱hco nchuhn.
24801	MRK 13:15	Ro min ne, ihyan che vate ye tin vah yuto ne, ndeta̱hno nchan ye ca̱no ye. Hua redin yahn che condah ca ye chete vah, cota̱h ye dehtenduh yahn ye.