23296	MAT 4:18	A̱ma yune ne, quechica Dihvo vo chihto vine yahn Galilea. Ndihchero ye o ihyan reta̱h ya̱hca, Simón Pedro ma̱n, dihno ye Andrés ma̱n. Ura min ne, rentihyon ihyan chahn ya̱na chete vine me ca̱va che cota̱h ye ya̱hca.
23428	MAT 8:14	A̱ma yune ne, chahn Dihvo vo Jesucristo ndeva̱co Pedro, ne inda̱hn Pedro ne, quendite ye, ndi ye cah ihno.
23488	MAT 10:2	Va̱n ihyan chahn ne, nduco a̱ma ihyan che duche ye Simón Pedro, ihyan min che tahque mena̱n vihca va̱n nducoya̱ca ye. Namin nduco Andrés, dihno Simón ma̱n, Jacobo nduco dihno ye, Jua̱n, che da̱ya Zebedeo ma̱n,
23694	MAT 14:28	Tuhme ra̱hn Pedro ri ye ihyan: ―Dihvé, ndete che ndih ne, cuahnecun ne che ca̱cá na̱n nune, chí na̱n ne.
23695	MAT 14:29	Ndahconan Dihvo vo, ne ra̱hn ye: ―Cochi. Tuhme cuahn Pedro, rica ye na̱n nune cua̱hn na̱n che cochi Dihvo vo.
23717	MAT 15:15	Ra̱hn Pedro ri ye Dihvo vo: ―Te cuande ne nuhn deh conahn che nte ne yahn che chendihco ihyan nunde.
23757	MAT 16:16	Ndahconan Simón Pedro, ne ra̱hn ye ri ye ihyan: ―Ndih ne, a ihyan che va ca̱de che chi ye ndedevahn ye ihyan iyehnse, a ndih che Da̱ya Dendiohs, ihyan min che va ye vahchetero.
23759	MAT 16:18	Rá̱hn rí di te redin yahn che doche Pedro, te che tihca̱ doche ne, conahn che a̱ma ndudo redin. Cuahto min quendi ihyan yáhn, ne nde vederihquentiyon yahn chundah hua co nda̱hco ndiya ihyan.
23763	MAT 16:22	Tuhme quenda Pedro ihyan a̱ma la̱do, ne cana̱n riya̱hve ye ihyan, ne ra̱hn ye: ―Dihvé, hua nda̱hca̱ che ca̱hco menda̱hn ne ndih ca̱va che tihca̱ cuahno co ne.
23764	MAT 16:23	Ndaconan Dihvo vo ndihchenun ye na̱n Pedro. Chihya ye ihyan, ne ra̱hn ye: ―Di chundah, cuehn va̱ne, te redin vahche yáhn. Di ne, hua devene cha che rihquentiyon Dendiohs. Atena̱n che rihquentiyon ihyan iyehnse devene.
23770	MAT 17:1	Chihno a̱n ro min ne, quenda Dihvo vo Pedro ma̱n, Jacobo nduco dihno ye Jua̱n ma̱n, ne cuahn ye nduco ihyan chahn a̱ma tingüete ya̱co,
23773	MAT 17:4	Tuhme ra̱hn Pedro ri ye Dihvo vo: ―Dihve nuhn, a̱ma nda̱hca̱ che cuahtenan vo muhn. Ndete che nahn ne ne, dendah nuhn ino vache vah; a̱ma na̱n che conun ne, ta̱ma na̱n che conun Moisés, ne ta̱ma na̱n che conun Elías.
23774	MAT 17:5	Numanahn che ra̱hn ca Pedro ne, quendihco a̱ma man tuno diya̱hn ro na̱n che chenun ihyan chahn, ne va̱n man me ne, chenun a̱ma ndudo che ra̱hn tuhca̱: ―Sa̱hnguh che Da̱yá. Yahinó sa̱hn. A̱ma yenó ca̱va se. Che ca̱hma se ne, chemin che codinahn nchuhn.
23793	MAT 17:24	Cuahn che nda̱ ihyan chahn ya̱n Capernaum ne, chahn sa̱hn che rica se tume ca̱de iyo yahn ya̱co, tumerune se Pedro: ―¿A hua renedihve ihyan ricuahn yahn nchuhn tume ca̱de iyo yahn ya̱co ne?
23794	MAT 17:25	Ndahconan Pedro, ne ra̱hn ye ri ye sa̱hn: ―Ta̱ca̱ hua, renedihve ye. Ndonda̱ Pedro chete vah ne, mena̱n vihca tumerune Dihvo vo ihyan: ―Deh rahn Simón, ihyan che rihquentiyon ye ne, ¿duh rica ye tume ca̱de iyo ne? ¿A ihyan nación yahn ye o ihyan ta̱ma nación ne?
23795	MAT 17:26	Ndahconan Pedro, ne ra̱hn ye ri ye ihyan: ―Rica ye ihyan ta̱ma nación. Ra̱hn Dihvo vo ri ye ihyan: ―Tuhme ne, ihyan nación yahn ye ametah va che nedihve ye.
23817	MAT 18:21	Tuhme chahn nda̱ Pedro, ne ra̱hn ye ri ye Dihvo vo: ―Dihvé, ¿a ndeh yune va che nchahcó yahn ihyan che quendi ye din ta̱n ye nducó ne? ¿A nde ndache yune ne?
23858	MAT 19:27	Tuhme ra̱hn Pedro ri ye ihyan: ―Dihve nuhn, me nuhn che chihcoma̱n nuhn nducuahn, chinduco nuhn ndih ne, ¿deh co nduco nuhn ne?
24149	MAT 26:26	Numanahn che reh ye ne, cheta̱h Dihvo vo pa̱n, ne neca̱h ye nundihve cuahn Dendiohs. Tuhme ndeh ye, ca̱h ye ihyan chahn, ne ra̱hn ye ri ye ihyan: ―Pa̱n cuh ne, yute yáhn, cocheh nchuhn.
24156	MAT 26:33	Tuhme ra̱hn Pedro ri ye Dihvo vo: ―Andahre nducoya̱ca ihyan sih ca̱hcoma̱n ye ndih, ate u ne, hua ca̱hcomá̱n ndih.
24158	MAT 26:35	Ra̱hn Pedro ri ye Dihvo vo: ―Andahre quenan cuma che cóh da̱ma nduco ne, ate hua ca̱hmá che hua rendihché ndih. ―Atihnoca̱ ra̱hn nducoya̱ca ihyan apóstol chahn.
24160	MAT 26:37	Tume quenda ye Pedro nduco nduh che o da̱ya Zebedeo, ne cuahn ye ca̱na na̱n me. Nda̱ ye min ne, cana̱n a̱ma chi nda̱che ye,
24163	MAT 26:40	Tuhme ndaconan ye na̱n che vate ihyan apóstol yahn ye. Nta̱ca ye ihyan chahn che vateya̱do ye, ne ra̱hn ye ri ye Pedro: ―¿A nde mare a̱ma ura, hua chicha nchuhn chahtenduche ne, conduco ne u ne?
24181	MAT 26:58	Pedro ne, quendi ye Dihvo vo diyahn diyahn nde nda̱ ye chevah va̱co chidocuya̱n che tahque ndina̱n, ne min chihnde ye da̱ma nduco sa̱hn policía chahn, te nahn cadino ye deh co nduco Dihvo vo.
24192	MAT 26:69	Numanahn min ne, va Pedro cua̱hn chevah me. Chahn nda̱ a̱ma ta̱hn deca̱hya yahn chidocuyan ndina̱n me na̱n ye, ne ra̱hn te ri te ihyan: ―Namin di ne, chindoque Jesús yahn esta̱do yahn Galilea.
24193	MAT 26:70	Ate ra̱hn Pedro ri ye ta̱hn na̱n nducoya̱ca ihyan: ―Nde hua devanó deh yahn che tihca̱ rahn.
24195	MAT 26:72	Ndahconan Pedro ta̱ma yune, ne ra̱hn ye: ―Nde muhn nde na̱n Dendiohs, hua rendihché duh ihyan che ra̱hn nchuhn.
24198	MAT 26:75	Neca̱hco Pedro ndudo che ra̱hn Dihvo vo ri ye ihyan tuhca̱: “Numanahn che metah cuah tuh ne, cahme ino yune che hua rendihche u.” Tuhme ndiquenda̱h ye, ne a̱ma chaco ye.
24200	MAT 27:2	Dechiche se ihyan, ne quenda se ihyan, neca̱h se ihyan ta̱h gobernador Pila̱to.
24211	MAT 27:13	Tuhme ra̱hn Pila̱to ri se ihyan: ―¿Dehco che hua rendahconan ne che rica nunde sa̱hn sih yahn ne ne?
24215	MAT 27:17	Ura min ne, a̱ma ndo da̱ma ihyan ya̱n, ne nducote tumacadino Pila̱to che redin ve chidocuya̱n ndina̱n chahn yahn Dihvo vo, rica nunde se yahn ye ne, chemin che tumerune se: ―¿Cha preso nahn nchuhn che nta̱hté, a Jesús che ra̱hn ne che Cristo ye o Barrabás ne?
24218	MAT 27:20	Me chidocuya̱n ndina̱n chahn ma̱n, sa̱hn intiyahn ma̱n ne, chicha yahn se chinun se ihyan ya̱n che ca̱ca ye Pila̱to che nta̱hte se Barrabás ma̱n, che ca̱hcantiyon se che coh Dihvo vo ma̱n.
24219	MAT 27:21	Ndaconan tumerune Pila̱to ihyan chahn, ne ra̱hn se: ―Tuhme ne, ¿cha preso nahn nchuhn che nta̱hté ne? Ndahconan ihyan ya̱n chahn, ne ra̱hn ye: ―Cuenta̱hte ne Barrabás.
24221	MAT 27:23	Ra̱hn Pila̱to ri se ihyan chahn: ―¿Ta̱ca̱ che conan ya̱h ye?, te hua quendihco ye nde a̱ma nunde. Ate nde tahque dito cah ihyan chahn: ―Cuihquentiyon ne che cona̱n ya̱h ye.
24222	MAT 27:24	Ndihchero Pila̱to te hua rendo ndudo ihyan chahn. Tahque ndah nde tahque vari chende ca ye, ne tahve se che chehua nune. Na̱no se ta̱h se na̱n nducoya̱ca ye, ca̱hco ro se che hua nahn cuehda̱me se nunde min, ne ra̱hn se: ―Ihyan cuh ne, hua quendihco ye nde a̱ma nunde. U ne, hua náhn che conan ya̱h ye, ate co nduhca̱ che nahn nchuhn.
24224	MAT 27:26	Tuhme nta̱hte Pila̱to Barrabás nduhca̱ che nahn ihyan chahn, ne chihquentiyon se sanda̱do yahn se che chahn se Dihvo vo. Chihno min ne, tahve se sa̱hn che quenda se ihyan, cuaconahn ya̱h se ihyan.
24256	MAT 27:58	Chahn ye na̱n Pila̱to, chica ye permiso ca̱va che cuhche ye Dihvo vo. Tuhme chihquentiyon Pila̱to sanda̱do yahn se che neca̱h se Dihvo vo ihyan.
24260	MAT 27:62	Ta̱ma ro me, a ro che rahtetuhno ihyan ne, chahn chidocuya̱n ndina̱n nduco sa̱hn fariseo na̱n Pila̱to,
24263	MAT 27:65	Ra̱hn Pila̱to ri se sa̱hn: ―Nga̱ sanda̱do chenun se min. Cuiquenda nchuhn sa̱hn, cuahtenan se cuda̱do ya̱yan me nduhca̱ che nahn ne.
24354	MRK 2:25	Ra̱hn Dihvo vo ri ye sa̱hn chahn: ―Anduhneca̱ ndete che hua rendihchenan nchuhn na̱n Ndudo yahn Dendiohs nduhca̱ che din David ro che quenan Abiatar chidocuya̱n che tahque ndina̱n. Chi cuico ye, ne ametah che cheh ye. Chemin che chenda̱ ye chete ya̱co, ne cheh ye pa̱n che va min. Namin ca̱h ye, cheh combiero yahn ye. Pa̱n chemin chan ne, a ndi vedino na̱n Dendiohs, ne a nihnde ca̱de che hua co cheh nde a̱ma ihyan, atena̱n chidocuya̱n. Ate nde nduco nduh ne, hua quendihco ye nunde.
24373	MRK 3:16	Va̱n nducoya̱ca ihyan che tenda̱hnun ye ne, nduco a̱ma ihyan che duche ye Simón. Chaconahn Dihvo vo che duche ihyan min Pedro.
24470	MRK 5:37	Tuhme quendi ye cuahn ye nduco Jairo, ne atena̱n Pedro ma̱n, Jacobo ma̱n, Jua̱n che dihno Jacobo ma̱n, cahnecun ye che cuahn ye nduco ye.
24598	MRK 8:29	Tuhme tumerune ye ihyan chahn: ―Me nchuhn, ¿deh ra̱hn ne yáhn ne? Ndahconan Pedro, ne ra̱hn ye ri ye ihyan: ―A ndih che a va ca̱de che chi ne ndedevahn ne ihyan iyehnse.
24601	MRK 8:32	Nduco chemin ne, ca̱h cuande ndah Dihvo vo ihyan chahn nduhca̱ che cuahno co ye. Tuhme quenda Pedro ihyan a̱ma la̱do, ne ya̱hve ye ihyan ca̱va che hua ca̱h yune ye che tihca̱ cuahno co ye.
24602	MRK 8:33	Ate chaconan Dihvo vo ndihchero ye ihyan apóstol chena̱hn, ne chihya ye Pedro: ―Di ne, ¡nduhca̱ chundah, di! ¡Cuehn a̱ma la̱do! ¡Hua din vahche yáhn!, te di ne, ihyan iyehnse di, nde hua renehn che nahn Dendiohs.
24609	MRK 9:2	Chihno a̱n ro me ne, quenda Dihvo vo Pedro ma̱n, Jacobo ma̱n, Jua̱n ma̱n, cuahn ye nduco vih a̱ma tingüete. Min ndo diya̱hn ye na̱n ihyan chahn.
24612	MRK 9:5	Tuhme ra̱hn Pedro ri ye Dihvo vo: ―Ihyan ricuahn yáhn, a̱ma nda̱hca̱ che chenan vo muhn. Dendah nuhn ino vache vah. A̱ma na̱n che cuhnde ne, ta̱ma na̱n che cuhnde Moisés, ne ta̱ma na̱n che cuhnde Elías.
24685	MRK 10:28	Tuhme tumerune Pedro: ―¿Ta̱ca̱ co yahn nuhn tuhme ne? Chihcoma̱n nuhn nducuahn yahn nuhn, ne chinduco nuhn ndih.
24730	MRK 11:21	Tuhme neca̱hco Pedro, ne ra̱hn ye ri ye Dihvo vo: ―Ihyan Ricuahn, condihche ne ya̱hn higo che din dine ne me ne, a ntih.
24789	MRK 13:3	Tah cuahn adive ne, cuahn ihyan chahn Cuete Olivo na̱n che rendihche cua̱co ya̱co chahte me. Numanahn che va Dihvo vo ne, chahn nda̱ Pedro ma̱n, Jacobo ma̱n, Jua̱n ma̱n, Andrés ma̱n, ne tumerune ye ihyan:
24852	MRK 14:29	Tuhme ra̱hn Pedro ri ye Dihvo vo: ―Andahre che ca̱hcoma̱n nducoya̱ca ihyan sih ndih ne, ate u ne, hua ca̱hcomá̱n ndih.
24854	MRK 14:31	Ate tahque yudo na̱n Pedro ra̱hn ye: ―Andahre va che cóh da̱ma nduco ne, ate hua ca̱hcomá̱n ndih. Atihnoca̱ ra̱hn ihyan apóstol chena̱hn chahn.
24856	MRK 14:33	Tuhme quenda ye Pedro ma̱n, Jacobo ma̱n, Jua̱n ma̱n, cuahn ye nduco vih. Ura min cana̱n a̱ma chi nda̱che ye, ne a̱ma chuhrihn ye che rendedecadino ye.
24860	MRK 14:37	Tuhme ndaconan ye na̱n che chenun ihyan apóstol chahn. Nta̱ca ye ihyan che vateya̱do ye, ne ra̱hn ye ri ye Pedro: ―Simón, ¿a nde a̱ma ura hua chi quendoche?
24877	MRK 14:54	Cuahn Pedro diyahn diyahn cua̱hn na̱n che quenda sa̱hn chahn Dihvo vo nde nda̱ ye chevah va̱co chidocuya̱n che tahque ndina̱n me. Min quenun ye va̱n sa̱hn nda̱hco chahn, reca̱h ihno ye ihyan chihto va̱coya̱hn.
24889	MRK 14:66	Numanahn min ne, quenun ca Pedro chevah me. Ura min nda̱ a̱ma ta̱hn deca̱hya yahn chidocuya̱n che tahque ndina̱n me,
24890	MRK 14:67	ne ndihchero te Pedro che reca̱h ihno ye ihyan chihto va̱coya̱hn. Chahn nino te ndihchero ndah te ihyan, ne ra̱hn te ri te ihyan: ―Namin di ne, chindoque Jesús yahn ya̱n Nazaret.
24891	MRK 14:68	Ate ra̱hn Pedro ri ye ta̱hn: ―Nde hua rendihché duh ihyan che rahn yahn ye. Tuhme cuahn ye cua̱n chendevah, ne ura min cah menahn tuh.
24893	MRK 14:70	Ate ra̱hn Pedro ta̱ma yune te hua cua̱co. Tah cuahn adive me ne, ra̱hn sa̱hn che chenun se min ri se ihyan: ―Cua̱co che chindoque sa̱hn sih, te nde na̱n ndudo yehn ro yehn che sa̱hn Galilea di.
24894	MRK 14:71	Tuhme ra̱hva Pedro, ne ra̱hn ye ri ye sa̱hn chahn: ―Nde muhn nde na̱n Dendiohs, rá̱hn rí nchuhn te hua rendihche duh ihyan che ra̱hn ne.
24895	MRK 14:72	Ura min cah o co tuh, ne neca̱hco Pedro che ra̱hn Dihvo vo ri ye ihyan tuhca̱: “Ura che ametah cuah o co tuh ne, cahmé ino yune te hua rendihche u.” Ndedecadino ye yahn chemin, ne chaco ye.
24896	MRK 15:1	Cuahn che a chi dave ne, ndo da̱ma chidocuya̱n ndina̱n chahn ma̱n, sa̱hn intiyahn ma̱n, sa̱hn devano ley che dirun Moisés ma̱n, ne dechiche se Dihvo vo, quenda se ihyan, neca̱h se ihyan ta̱h Pila̱to.
24897	MRK 15:2	Pila̱to ne, tumerune se Dihvo vo: ―¿A di che rey yahn ihyan nación yahn Israel ne? Ndahconan ye yahn se: ―U, nduhca̱ che rahn.
24899	MRK 15:4	Ndaconan tumerune Pila̱to ihyan, ne ra̱hn se: ―¿Dehco che hua ndahconen yahn sa̱hn sih?, te a̱ma rih nunde se yehn.
24901	MRK 15:6	Va a̱ma costumbre che nduyo nduyo che renda̱ ro yudo ne, renta̱hte Pila̱to a̱ma preso, adecoduhno che nahn ihyan ya̱n.
24903	MRK 15:8	Ro min nda̱ a̱ma ya̱hn ihyan na̱n Pila̱to, ne chica ye che nta̱hte se a̱ma preso nduhca̱ che redin se nduyo nduyo.
24904	MRK 15:9	Tumerune Pila̱to yahn ihyan chahn: ―¿A nahn nchuhn che nta̱hte rey yahn ne ne?
24906	MRK 15:11	Ate chidocuya̱n ndina̱n chahn ne, chinun se ihyan ya̱n che tahque nda̱hca̱ che ca̱ca ye che nta̱hte Pila̱to Barrabás.
24907	MRK 15:12	Tuhme tumerune tun Pila̱to ihyan chahn: ―¿Me deh nahn nchuhn che dín nduco sa̱hnguh che ra̱hn ne che rey yahn ne?
24909	MRK 15:14	Tumerune tun Pila̱to ihyan chahn: ―¿Dehco? ¿Deh nunde quendihco se? Ate ndaconan cah ihyan chahn: ―¡Conahn ya̱h ne sa̱hn!
24910	MRK 15:15	Nducote nahn Pila̱to che co yeno ihyan chahn ne, nta̱hte se Barrabás. Tuhme chahn se Dihvo vo, ne neca̱h se ihyan ta̱h sanda̱do ca̱va che nahn ya̱h se ihyan.
24937	MRK 15:42	José yahn ya̱n Arimatea ne, a̱ma ihyan ndina̱n yahn nación yahn Israel. Ihyan min ne, quenan ino ye che a nun ca̱hcantiyon Dendiohs. Nducote a ro min che víspera yahn ro che rahtetuhno ihyan ne, din nun ino ye chahn ye na̱n Pila̱to, ne chica ye sa̱hn che cuahnecun se che cuhche ye Dihvo vo.
24939	MRK 15:44	Pila̱to ne, a̱ma cuahn ino se che ra̱hn ihyan min che a chih Dihvo vo. Tuhme cah se capitá̱n me, ne tumerune se sa̱hn ndete che cua̱co.
24949	MRK 16:7	Cuahn nchuhn ngo ne Pedro ma̱n, ihyan apóstol chena̱hn ma̱n, te ca̱hn Dihvo vo esta̱do yahn Galilea tahque mena̱n che co nchuhn. Min ndihchero ne ihyan nduhca̱ che a ra̱hn ye ri ye nchuhn.
25095	LUK 3:1	Cuahn che chi ntihyon nduyo che quenan Tiberio César emperador ne, Poncio Pila̱to quenan se gobernador yahn Judea. Herodes quenan se gobernador yahn Galilea, ne dihno Herodes che duche se Felipe, quenan se gobernador yahn Iturea nduco Traconite. Lisanías quenan se gobernador yahn Abilinia.
25117	LUK 3:23	A ta̱hn min che cana̱n Dihvo vo, redin ye ntiyon yahn ye. A ri ye tenduh ndico ndiche nduyo. Nde na̱n che cana̱n ne, dendah Dendiohs Adán. Da̱ya Adán ne, Set. Da̱ya Set ne, Enós. Da̱ya Enós ne, Cainán. Da̱ya Cainán ne, Mahalaleel. Da̱ya Mahalaleel ne, Jared. Da̱ya Jared ne, Enoc. Da̱ya Enoc ne, Matusalén. Da̱ya Matusalén ne, Lamec. Da̱ya Lamec ne, Noé. Da̱ya Noé ne, Sem. Da̱ya Sem ne, Arfaxad. Da̱ya Arfaxad ne, Cainán. Da̱ya Cainán ne, Sala. Da̱ya Sala ne, Heber. Da̱ya Heber ne, Peleg. Da̱ya Peleg ne, Ragau. Da̱ya Ragau ne, Serug. Da̱ya Serug ne, Nacor. Da̱ya Nacor ne, Taré. Da̱ya Taré ne, Abraham. Da̱ya Abraham ne, Isaac. Da̱ya Isaac ne, Jacob. Da̱ya Jacob ne, Judá. Da̱ya Judá ne, Fares. Da̱ya Fares ne, Esrom. Da̱ya Esrom ne, Aram. Da̱ya Aram ne, Aminadab. Da̱ya Aminadab ne, Naasón. Da̱ya Naasón ne, Salmón. Da̱ya Salmón ne, Booz. Da̱ya Booz ne, Obed. Da̱ya Obed ne, Isaí. Da̱ya Isaí ne, David. Da̱ya David ne, Natán. Da̱ya Natán ne, Matata. Da̱ya Matata ne, Mainán. Da̱ya Mainán ne, Melea. Da̱ya Melea ne, Eliaquim. Da̱ya Eliaquim ne, Jonán. Da̱ya Jonán ne, José. Da̱ya José ne, Judá. Da̱ya Judá ne, Simeón. Da̱ya Simeón ne, Leví. Da̱ya Leví ne, Matat. Da̱ya Matat ne, Jorim. Da̱ya Jorim ne, Eliezer. Da̱ya Eliezer ne, Josué. Da̱ya Josué ne, Er. Da̱ya Er ne, Elmodam. Da̱ya Elmodam ne, Cosam. Da̱ya Cosam ne, Adi. Da̱ya Adi ne, Melqui. Da̱ya Melqui ne, Neri. Da̱ya Neri ne, Salatiel. Da̱ya Salatiel ne, Zorobabel. Da̱ya Zorobabel ne, Resa. Da̱ya Resa ne, Joana. Da̱ya Joana ne, Judá. Da̱ya Judá ne, Semei. Da̱ya Semei ne, Matatías. Da̱ya Matatías ne, Maat. Da̱ya Maat ne, Nagai. Da̱ya Nagai ne, Esli. Da̱ya Esli ne, Nahum. Da̱ya Nahum ne, Amós. Da̱ya Amós ne, Matatías. Da̱ya Matatías ne, José. Da̱ya José ne, Jana. Da̱ya Jana ne, Melqui. Da̱ya Melqui ne, Leví. Da̱ya Leví ne, Matat. Da̱ya Matat ne, Elí. Da̱ya Elí ne, José. Tihca̱ cochi nda̱ta yahn José. Nducoya̱ca ihyan ne, ra̱hco ye te Dihvo vo Jesucristo ne, da̱ya José ihyan.
25229	LUK 6:14	A̱ma ihyan chahn ne, Simón, ne chaconahn Dihvo vo che duche ye Pedro. Ihyan chena̱hn ne, Andrés, dihno Simón ma̱n, Jacobo ma̱n, Jua̱n ma̱n, Felipe ma̱n, Bartolomé ma̱n,
25359	LUK 8:45	Tuhme tumerune Dihvo vo: ―¿Duh nahn ta̱h tino yáhn ne? Nducoya̱ca ye ra̱hn ye te ndiyu ihyan chahn. Pedro nduco combiero yahn ye ne, ra̱hn ye: ―Ihyan Ricuahn, a̱ma ya̱hn ihyan chenun chiche ye chihto na̱n ne, ¿dehco che retumerune ne duh nahn ta̱h tino yahn ne?
25365	LUK 8:51	Cuahn che nda̱ ye ndeva̱co se ne, hua ca̱h yune ye che chenda̱ nducoya̱ca ihyan nduco ye, dema̱n Pedro ma̱n, Jacobo ma̱n, Jua̱n ma̱n, nduco chida ta̱hn dihn me ma̱n, nduco chaco te ma̱n.
25390	LUK 9:20	Tuhme tumerune Dihvo vo ihyan chahn: ―Me nchuhn, ¿deh ra̱hn ne yáhn ne? Ndahconan Pedro: ―A ndih che a va ca̱de che dechuh Dendiohs, ndedevahn ne ihyan iyehnse.
25398	LUK 9:28	Chihno tenduh nine ro che tihca̱ ra̱hn Dihvo vo ne, quenda ye Pedro ma̱n, Jacobo ma̱n, Jua̱n ma̱n, ne cocha ye a̱ma tingüete ca̱va che cova̱h ye.
25402	LUK 9:32	Pedro nduco combiero yahn ye ne, a̱ma rendave ya̱hnde ye. Cuahn che ntah ndutina̱n ye ne, ndihchero ye che a̱ma ndo diya̱hn Dihvo vo. Namin ndihchero ye ihyan che o chahn che chenun ye min nduco ye.
25403	LUK 9:33	Ura che a na̱hn Moisés nduco Elías ne, ra̱hn Pedro ri ye Dihvo vo: ―Ihyan Ricuahn, ¡nda̱hca̱ che cuahtenan vo muhn! Dendah nuhn ino vache vah, a̱ma na̱n che cuhnde ne, ne ta̱ma na̱n che cuhnde Moisés, ne ta̱ma na̱n che cuhnde Elías. Nde hua devano Pedro deh che ra̱hn ye.
25569	LUK 12:41	Tuhme tumerune Pedro: ―Dihvé, ¿a rente ne ejemplo cuh yahn dema̱n nuhn, o yahn nducoya̱ca ihyan ne?
25588	LUK 13:1	Ura min ne, min chenan neve ihyan, ne neca̱h cuande ye Dihvo vo nduhca̱ che chahno sa̱hn esta̱do yahn Galilea chi, che chihquentiyon Pila̱to sanda̱do che chihno se sa̱hn, ura che rihno se ite che co te vedino na̱n ta.
25785	LUK 18:28	Tuhme ra̱hn Pedro: ―Ndihche ne, a chihcoma̱n nuhn nducuahn che va yahn nuhn, ne chinduco nuhn ndih.
25941	LUK 22:8	Dihvo vo ne, dechuh ye Pedro nduco Jua̱n, ne ra̱hn ye: ―Cuahn nchuhn, cuihcoya̱n ne che chuh vo che cuande yahn ro yudo.
25964	LUK 22:31	Namin ra̱hn Dihvo vo ri ye Pedro: ―Simón, Simón, cuihque cuda̱do, te chundah ne, chica se Dendiohs ca̱va che tumerande se nchuhn nde na̱n che nda̱hco ndiya se nchuhn.
25967	LUK 22:34	Ate ra̱hn Dihvo vo ri ye ihyan: ―Pedro, rá̱hn rí di te ura che ametah cuah tuh ne, cahme ino yune te hua rendihche u.
25987	LUK 22:54	Tuhme din sa̱hn chahn preso Dihvo vo, quenda se ihyan va̱co chidocuya̱n che tahque ndina̱n. Cuahn Pedro diyahn diyahn, quendi ye ihyan.
25989	LUK 22:56	Tuhme ndihchero a̱ma ta̱hn deca̱hya che nduco Pedro, nti ye min. Ndihchero ndah te ihyan, ne ra̱hn te: ―Sa̱hnguh ne, chinduco se sa̱hn preso ca̱h.
25990	LUK 22:57	Ndahconan Pedro, ne ra̱hn ye ri ye ta̱hn: ―Nde hua rendihché ihyan.
25991	LUK 22:58	Namena̱n me ne, ndihchero ta̱ma se ihyan, ne ra̱hn se: ―Namin di, ndoque va̱n sa̱hn che rinduco se sa̱hnga̱h. Ndahconan Pedro: ―Ndiyu u.
25993	LUK 22:60	Ndahconan Pedro: ―Nde hua devanó deh che rahn. Nde ametah cuihno ca̱hma Pedro, ne cah tuh.
25994	LUK 22:61	Tuhme chaconan Dihvo vo, ndihchero ye Pedro, ne neca̱hco ye nduhca̱ che ra̱hn Dihvo vo: “Ura che ametah cuah tuh ne, cahme ino yune te hua rendihche u.”
25995	LUK 22:62	Tuhme ndihquenda̱ Pedro, ne a̱ma chaco ye.
26005	LUK 23:1	Tuhme necuan nducoya̱ca se, quenda se Dihvo vo na̱n Pila̱to.
26007	LUK 23:3	Tuhme tumerune Pila̱to ihyan: ―¿A di che rey yahn nación yahn Israel ne? Ndahconan Dihvo vo: ―U, nduhca̱ che rahn.
26008	LUK 23:4	Ra̱hn Pila̱to ri se chidocuya̱n ndina̱n nduco nducoya̱ca ihyan: ―Hua renda̱cá nde a̱ma nunde yahn sa̱hnguh.