23218	MAT 1:5	Da̱ya Salmón nduco Rahab ne, Booz. Da̱ya Booz nduco Rut ne, Obed. Da̱ya Obed ne, Isaí.
23220	MAT 1:7	Da̱ya Salomón ne, Roboam. Da̱ya Roboam ne, Abías. Da̱ya Abías ne, Asa.
23230	MAT 1:17	Ri ndichecun ihyan ndico che cochi rihco nda̱ta ye nde cuahn che quenan Abraham iyehnse nde nda̱ ro che quenan David. Me nde ro che quenan David ne, te ndichecun ihyan ndico nde nda̱ ro che chahtenan ihyan nación yahn Israel preso nación yahn Babilonia. Me nde ro min ne, te ndichecun ihyan ndico nde nda̱ ro che chihndeya̱n Dihvo vo Jesucristo, ihyan min che a va ca̱de che dechuh Dendiohs, ndedevahn ye ihyan iyehnse.
23256	MAT 2:18	A̱ma rah ra̱n ihyan ma̱n, a̱ma raco ye ma̱n, anduhneca̱ ndete che ma̱n Raquel raco ye ca̱va da̱ya ye. Hua nda̱ca ye vedechahtino, te a chihno chihno se da̱ya ye.
23265	MAT 3:4	Tino yahn Jua̱n ne, ndiya nduco yudo yahn camello, ne quenan chete ye a̱ma ima. Reh ye a̱ma na̱n ya̱hcada̱hn ma̱n, rih ye nedih yahn che va va̱n chano ma̱n.
23267	MAT 3:6	Rentuma ino ye nunde yahn ye, ne rehdenune Jua̱n ihyan, min ico Jordán.
23284	MAT 4:6	Ra̱hn se ri se ihyan: ―Ndete che Da̱ya Dendiohs ndih ne, ca̱va ne muhn, co ne nde ndiya̱hn, te a ndirun na̱n Ndudo yahn Dendiohs tuhca̱: Ca̱hcantiyon Dendiohs ángel yahn ye che din ye cuda̱do ndih, ca̱va che hua dehva co yahn ne.
23287	MAT 4:9	Ra̱hn se ri se ihyan: ―Ndete che cahntihya ne ná̱n, ndeva ne yavená̱n ne, té nducuahn vederihquentiyon che ta̱hchan ndih.
23301	MAT 4:23	Chihno min ne, quechica Dihvo vo numacuahn ya̱n yahn Galilea, ricuahn ye nduh cua̱n ya̱co yahn ihyan nación yahn Israel. Rahndudo ye nduhca̱ che rihquentiyon Dendiohs ihyan yahn ye, ne redin ye che rendoyahn ihyan cah.
23323	MAT 5:20	Rá̱hn rí nchuhn te ndete che hua nde tahque runeca̱de cuahtechica ne che co sa̱hn fariseo ma̱n, sa̱hn devano ley che dirun Moisés ma̱n ne, nde hua co cuahtenan ne vahchetero na̱n che rihquentiyon Dendiohs.
23360	MAT 6:9	Chemin che cova̱h nchuhn tuhca̱: Chida nuhn che va ne vahchetero, Rica nuhn ndih che din ne che ndeva nducoya̱ca ihyan yavena̱n ne, co devano ye che metah nde a̱ma nunde na̱n ne.
23361	MAT 6:10	Rica nuhn ndih che cuana̱n ca̱hcantiyon ne nuhn. Nahn nuhn che dinahn ihyan iyehnse vederihquentiyon yahn ne nduhca̱ che redinahn ángel che vate ye vahchetero.
23376	MAT 6:25	’Rá̱hn rí nchuhn: Hua cua̱hcora̱n ne deh cheh ne ma̱n, deh cuh ne ma̱n, ti nda̱ca ne tino che cuahtenun ne ma̱n. A Dendiohs che deco ye nchuhn iyehnse, ne te ye che cheh ne ma̱n, tino che cuahtenun ne ma̱n.
23396	MAT 7:11	Nchuhn ne, andahre duhtuno ihyan ne ne, reca̱h ne dehtenduh che ndah da̱ya ne. Rá̱hn rí nchuhn te Chida ne che va ye vahchetero ne, nde tahque nun te ye dehtenduh che ndah cuahn che ca̱ca ne ihyan.
23398	MAT 7:13	’Andahre a̱ma va̱hche cuahno nchuhn, ate codin ne fuerza ca̱hcoma̱n ne vedeyeno yahn ma̱n ne, codinahn ne vederihquentiyon yahn Dendiohs, ca̱va che co tuno ne vahchetero. Rá̱hn rí nchuhn te neve ra ihyan che tuno ye min, ne anduhneca̱ ndete che a̱ma tuhco chendevah na̱n che conda̱ ye ma̱n, a̱ma va̱hche yune na̱n che chuh ye ma̱n. Me ihyan che riquendi ye vedeyeno yahn ma̱n ye ne, a̱ma ya̱hn ye. Ihyan chahn ne, anduhneca̱ ndete che a̱ma chahte chendevah na̱n che renda̱ ye ma̱n, a̱ma nda̱hca̱ yune na̱n che rechuh ye ma̱n, ate cuahn che cuhnde ca̱de yahn ye ne, co ye castigo, cuahtenun ye va̱n ruchiya̱hn.
23400	MAT 7:15	’Rá̱hn rí nchuhn che ca̱hco ne cuda̱do yahn sa̱hn che redin ca̱ se che Dendiohs dechuh ye sa̱hn. Sa̱hn chahn ne, redin ca̱ se che a̱ma necun se, ate a̱ma duhtuno ihyan se.
23419	MAT 8:5	Cuahn che chenda̱ Dihvo vo ya̱n Capernaum ne, a̱ma capitá̱n yahn Roma, chica se favor ihyan,
23421	MAT 8:7	Ra̱hn Dihvo vo ri ye sa̱hn: ―Cuhn vo ndoque, dín che ndoyahn se.
23425	MAT 8:11	Rá̱hn rí nchuhn te a̱ma ya̱hn ihyan numachahte iyehnse conduco ye Abraham ma̱n, Isaac ma̱n, Jacob ma̱n, cuahtenan ye nduco vih vahchetero na̱n che rihquentiyon Dendiohs.
23430	MAT 8:16	Ro min, cuahn che chi da̱h ne, a̱ma ya̱hn ihyan nda̱ ye na̱n Dihvo vo, nda ye ihyan cah ma̱n, ihyan che chenun vaco chihnga̱ ihyan ma̱n. Dihvo vo ne, nduco a̱ma ndudo no ndetenda̱h ye vaco chihnga̱ chahn. Namin din ye che ndoyahn ihyan cah chahn.
23433	MAT 8:19	Ura min a̱ma sa̱hn devano ley che dirun Moisés chahn nda̱ se na̱n Dihvo vo, ne ra̱hn se ri se ihyan: ―Ihyan Ricuahn, nahn conducó ndih adecotino che ca̱hn ne.
23446	MAT 8:32	Ra̱hn Dihvo vo ri ye vaco chihnga̱ chahn: ―Cuahn nchuhn. Tuhme ndiquenda̱h vaco chihnga̱ chahn sa̱hn, ne chenda̱ cuche chahn. Nducoya̱ca cuche chahn ne, cochahn te rano te na̱n ndava, cheranun te chete vine me, chihno chih te.
23459	MAT 9:11	Ndihchero a̱ma o sa̱hn fariseo, ne ra̱hn se ri se ihyan apóstol chahn: ―¿Dehco che tihca̱ redin Ihyan Ricuahn yahn nchuhn che reh ye da̱ma nduco sa̱hn rica tume ca̱de iyo ma̱n, sa̱hn nunde chena̱hn ma̱n?
23472	MAT 9:24	Ra̱hn ye ri ye ihyan chahn: ―Cona̱hn nchuhn, te ta̱hn dihn ne, hua dehve ndih te, quiya̱do te. Ate chihyon nan ihyan chahn ihyan.
23483	MAT 9:35	Chihno min ne, quechica Dihvo vo nduh cua̱n ya̱n rahte ma̱n, ya̱n ca̱hya ma̱n, ricuahn ye chete ya̱co yahn ihyan nación yahn Israel. Rahndudo ye ndudo yahn vederihquentiyon yahn Dendiohs, ne redin ye che rendoyahn nducoya̱ca ihyan cah.
23534	MAT 11:6	Rá̱hn rí nchuhn te a̱ma ndah ro yahn ihyan che riquendi ye numa ino ye ritahno ye u.
23547	MAT 11:19	A namin no tun cuahn che nda̱ u che rinducó nducoya̱ca ihyan. Réh ma̱n, ríh ma̱n, da̱ma nduco ihyan che rahte vihco ye, ne ra̱hn ihyan: “Sa̱hn tih ne, a̱ma reh se ma̱n, a̱ma rih se ma̱n, rinduco se sa̱hn rica tume ca̱de iyo ma̱n, sa̱hn nunde chena̱hn ma̱n.” Renda̱hchenan ihyan ntiyon che redin nuhn, ate hua dehve din yahn, te ihyan che renahn ye ne, a devano ye che vededevano yahn Dendiohs ne, chemin che tahque ndah.
23548	MAT 11:20	Chihno min ne, nte Dihvo vo yahn ihyan ya̱n na̱n che tahque din ye vederihno, te ihyan chahn ne, hua nahn nto ino ye nunde yahn ye. Ra̱hn ye:
23550	MAT 11:22	Rá̱hn ri nchuhn te nda̱ ro che cuhnde ca̱de yahn nducoya̱ca ihyan ne, nde tahque chahte castigo co nchuhn che co ihyan chahn.
23552	MAT 11:24	Rá̱hn rí nchuhn te ro che cuhnde ca̱de yahn nducoya̱ca ihyan ne, tahque chahte castigo co nchuhn che co ihyan chahn.
23594	MAT 12:36	Rá̱hn rí nchuhn te ca̱va nducuahn ndudo chihnga̱ che ra̱hn ihyan ne, va che din Dendiohs castigo ihyan.
23596	MAT 12:38	Tuhme ra̱hn a̱ma o sa̱hn fariseo ma̱n, sa̱hn devano ley che dirun Moisés ma̱n: ―Ihyan Ricuahn, nahn nuhn che din ne a̱ma vederihno ndihchero nuhn ca̱va che co devano nuhn che Dendiohs dechuh ye ndih.
23599	MAT 12:41	Rá̱hn rí nchuhn te cuahn che nda̱ ro che techeca̱de Dendiohs yahn nducoya̱ca ihyan ne, necuan ihyan ya̱n Nínive, nda̱hco ndiya ye nchuhn, te ihyan chahn ne, nto ino ye nunde yahn ye cuahn che cahndudo ihyan profeta Jonás ndudo yahn Dendiohs, ate nchuhn ne, nde hua rihcovan ne ndudo yáhn andahre tahque chahte vederihquentiyon quenan cumá che co ihyan min.
23605	MAT 12:47	Ra̱hn ihyan ri ye Dihvo vo: ―Nda̱ chaco ne nduco dihno ne, vatendi ye cua̱hn chevah, nahn nte ye nduco ne.
23609	MAT 13:1	Ro min ne, quenda̱h vah Dihvo vo cuahn ye chihto vine, ne min chihnde ye.
23632	MAT 13:24	Chihno min ne, nte Dihvo vo ta̱ma ejemplo, chihnevan ihyan chahn. Ra̱hn ye: ―Ca̱hmá có nchuhn nduhca̱ vederihquentiyon yahn Dendiohs. A̱ma ihyan ne, tuhdo ye trigo na̱n ya̱hn ya̱hn ye,
23647	MAT 13:39	Sa̱hn che tuhdo ndute yahn chano ya̱n me ne, chundah. Ro che ndo da̱ma trigo me ne, a ro che cuhnde ca̱de yahn nducoya̱ca ihyan. Ihyan che nedin da̱ma ye trigo me ne, ángel.
23682	MAT 14:16	Ra̱hn Dihvo vo ri ye ihyan chahn: ―Metah deh cuande che ndedechúh ihyan. Ca̱h nchuhn cheh ye.
23684	MAT 14:18	Ra̱hn ye ri ye ihyan chahn: ―Cuahn nchuhn ngua ne.
23708	MAT 15:6	Nduco tihca̱ ne, retihyon yune ne ihyan che cuaconda̱h veda̱me ye indihte yahn ye. Renda̱hco ndiya nchuhn vederihquentiyon yahn Dendiohs, ricuahn ne costumbre yahn ma̱n ne.
23709	MAT 15:7	¡O na̱n o chende nchuhn! Redinahn niyon ne nduhca̱ che ra̱hn Dendiohs, dirun ihyan profeta Isaías tuhca̱:
23717	MAT 15:15	Ra̱hn Pedro ri ye Dihvo vo: ―Te cuande ne nuhn deh conahn che nte ne yahn che chendihco ihyan nunde.
23728	MAT 15:26	Ra̱hn ye ri ye ta̱hn: ―Hua redin yahn che conán di, te anduhneca̱ ndete che cahneví pa̱n che va che cheh ihyan nación yáhn, cá̱h ya̱hna.
23735	MAT 15:33	Ra̱hn ihyan apóstol chahn ri ye ihyan: ―Ate muhn ya̱hn na̱n che metah duhva. ¿Ti ngua vo che ca̱h vo cheh ihyan sih?, te a̱ma ya̱hn ye.
23745	MAT 16:4	Ihyan che vate ye ma̱n ro cuh ne, ama duhtuno ihyan ye, nde hua retumaca̱h ye Dendiohs. Rica ye vederihno ndihchero ye, ate atena̱n a̱ma vederihno nduhca̱ vederihno che din Dendiohs nduco ihyan profeta Jonás nda̱ca ndihchero ye. Chihno ra̱hn ye chemin ne, chihcoma̱n ye sa̱hn chahn, ne chica ye min.
23752	MAT 16:11	¿Ta̱ca̱ che hua chenahn nchuhn che ndiyu yahn pa̱n che rá̱hn nduco ne? Rá̱hn nduco ne che ca̱hco ne cuda̱do yahn ya̱ yahn sa̱hn fariseo ma̱n, sa̱hn saduceo ma̱n.
23758	MAT 16:17	Ra̱hn Dihvo vo ri ye ihyan: ―Ndah ro yehn, Simón, da̱ya Jonás, te a ma̱n Chidá che va ye vahchetero te ye checadine, ndiyu ihyan iyehnse.
23759	MAT 16:18	Rá̱hn rí di te redin yahn che doche Pedro, te che tihca̱ doche ne, conahn che a̱ma ndudo redin. Cuahto min quendi ihyan yáhn, ne nde vederihquentiyon yahn chundah hua co nda̱hco ndiya ihyan.
23790	MAT 17:21	Rá̱hn rí nchuhn te ca̱va che ndetenda̱h vo vaco chihnga̱ chemin chan ne, va che cova̱h vo ma̱n, cuahto vo ya̱hte ma̱n.
23795	MAT 17:26	Ndahconan Pedro, ne ra̱hn ye ri ye ihyan: ―Rica ye ihyan ta̱ma nación. Ra̱hn Dihvo vo ri ye ihyan: ―Tuhme ne, ihyan nación yahn ye ametah va che nedihve ye.
23808	MAT 18:12	’Rá̱hn rí nchuhn te a̱ma ihyan che va a̱ma ciento itecuche yahn ye ne, ndete che conda a̱ma te va̱n chano ne, ca̱hcoma̱n ye ite che chena̱hn chahn va̱n chano na̱n che redin ye cuda̱do ite, ne ca̱hn ye quenuhn ye ite che chinda me.
23838	MAT 19:7	Ra̱hn sa̱hn chahn ri se ihyan: ―Ndete che tihca̱ ne, ¿deh cuande che ca̱h yune Moisés che tehche ihyan nda̱hta yahn ye, dirun ye a̱ma ca̱ca ca̱h ye ta̱hn?
23839	MAT 19:8	Ra̱hn Dihvo vo ri ye sa̱hn: ―Yahn che cheche chedave yahn ihyan ne, chemin che ca̱h yune Moisés che tehche ye nda̱hta yahn ye. Ate Dendiohs ne, hua tihca̱ chihco ca̱de ye cuahn che dendah ye iyehnse.
23842	MAT 19:11	Ra̱hn Dihvo vo ri ye ihyan chahn: ―Hua nducoya̱ca ihyan co dinahn ye yahn chemin, te atena̱n ihyan che neca̱h Dendiohs vederihquentiyon ihyan che co dinahn ye.
23847	MAT 19:16	Ura min nda̱ a̱ma sa̱hn yuno na̱n Dihvo vo, ne ra̱hn se: ―Ihyan Ricuahn Ndah, ¿deh ndah che dín ca̱va che conán vahchetero ne?
23848	MAT 19:17	Ndahconan ye, ne ra̱hn ye ri ye sa̱hn: ―Nde hua redin yahn che cahme, Ihyan Ricuahn Ndah, te atena̱n Dendiohs ne, ihyan min che ndah ye. Ca̱va che conen vahchetero ne, codinehn vederihquentiyon yahn ye.
23851	MAT 19:20	Ra̱hn se ri se ihyan: ―Nducuahn vederihquentiyon che tihca̱ ne, redináhn nde ro che lihn ca u. ¿A va ca che dináhn ne?
23852	MAT 19:21	Ra̱hn Dihvo vo ri ye sa̱hn: ―Che cuahtenan ihyan vahchetero ne, tahque rigonun chihve che co vedecuihca. Ca̱va che hua co va̱hche yehn che tone min ne, cuendihcue dehtenduh yehn che va, ne cuinen ihyan cheva̱h. Tuhme cochi condoque u.
23859	MAT 19:28	Ra̱hn Dihvo vo ri ye ihyan chahn: ―Cua̱co rá̱hn rí nchuhn te cuahn che a nuhnde ca̱de nducuahn, ne u che rinducó nducoya̱ca ihyan cuhndé na̱n che rihquentiyón numacuahn vedeyudo ne, namin nchuhn che rinduco ne u ne, cuahte ne techeca̱de ne yahn nduh che ndichio nda̱ta yahn ihyan nación yahn Israel.
23865	MAT 20:4	Ra̱hn ye ri ye sa̱hn: “Cuahn nchuhn codin ne ntiyon yáhn, conduco ne sa̱hn chena̱hn che a chenan se min, ne nedihvé nchuhn nduhva che redin yahn.” “A,” ra̱hn se, ne cuahn se.
23868	MAT 20:7	Ndahconan se, ne ra̱hn se ri se ihyan: “Hua din nuhn ntiyon, te hua nda̱ca ntiyon din nuhn.” Ra̱hn ye ri ye sa̱hn: “Cuahn nchuhn din ne ntiyon yáhn tuhme, ne nedihvé nchuhn nduhca̱ che redin yahn.” “A,” ra̱hn se, ne cuahn se.
23882	MAT 20:21	Tumerune Dihvo vo ihyan: ―¿Deh nehn ne? Ra̱hn ihyan nda̱hta me: ―Ricá ndih che cuahnecun ne che cuahte nduh che o da̱yá da̱ma nduco ne cuahn che a va ne na̱n rihquentiyon ne. A̱ma se ne, cuhnde se la̱do ta̱h cua̱co ne, ne ta̱ma se ne, cuhnde se la̱do ta̱h cueh ne.
23884	MAT 20:23	Ra̱hn Dihvo vo ri ye ihyan chahn: ―Cua̱co te va che chuhrihn nchuhn nduhca̱ che va che a̱ma chuhríhn, ate che cuahte ne chihto ná̱n ne, ndiyu u che ca̱hcantiyón, te a Chidá che ca̱hcantiyon ye, ne a ma̱n ye devano ye cha ihyan che cuahte ye chihto ná̱n.
23892	MAT 20:31	Ra̱hva ihyan nduco se ca̱va che cuahtedihn chende se, ate nde tahque yudo na̱n se ra̱hn se: ―Dihve nuhn, Da̱ya David, ¡conan va̱hino ne nuhn!
23900	MAT 21:5	Ca̱hma nchuhn co ne ihyan che vate ye ya̱n Jerusalén: “Condihchero nchuhn che cochi Rey yahn ne. A̱ma necun ye, ne quendudo ye a̱ma burro lihn.”
23911	MAT 21:16	ne ra̱hn se ri se ihyan: ―¿Ta̱ca̱ che reca̱h yune ne che tihca̱ rendeva checa̱hya sih yavena̱n ne? Ndahconan Dihvo vo, ne ra̱hn ye ri ye sa̱hn: ―Reca̱h yuné, te a tihca̱ va che conahn. A devano nchuhn te a ndirun na̱n Ndudo yahn Dendiohs tuhca̱: “Chihco ca̱de ne che checa̱hya ma̱n, decua̱h ma̱n ne, ndeva yavena̱n ne nduhca̱ che redin yahn.”
23957	MAT 22:16	Dechuh se a̱ma o combiero yahn se nduco ta̱ma te o sa̱hn partido yahn Herodes, ne ra̱hn se ri se Dihvo vo: ―Ihyan Ricuahn, ndih ne, ndudo cua̱co che rente ne ma̱n, ricuahn ne numa cua̱co vederihquentiyon yahn Dendiohs ma̱n, nde hua renda̱hchenan ne ihyan, te da̱ma no rendihche ne nducoya̱ca ye.
23958	MAT 22:17	Deh ra̱hn ne: ¿A redin yahn che nedihvo vo ca̱de iyo che rica emperador yahn Roma o hua ne?
23962	MAT 22:21	Ndahconan se, ne ra̱hn se: ―Emperador yahn Roma. Tuhme ra̱hn Dihvo vo ri ye sa̱hn: ―Cha che rihquentiyon emperador ne, condinahn nchuhn, ne cha che rihquentiyon Dendiohs ne, namin codinahn ne.
23965	MAT 22:24	Ihyan Ricuahn, Moisés ne, dirun ye te ndete che coh incha̱hn a̱ma nda̱hta che hua nda̱ca da̱ya ye ne, va che cahneva̱co dihno tena̱hn me nduco ta̱hn min ca̱va che ca̱hco nda̱ta se menun dihno se.
23971	MAT 22:30	Nda̱ ro che ntuche tena̱hn ne, ametah cuahtenan cuma ihyan vih, nde huane ihyan nda̱hta, nde huane ihyan cha̱hn. Ro min ne, ndo ye nduhca̱ ángel che vate ye vahchetero.
23977	MAT 22:36	―Ihyan Ricuahn, ¿cha vederihquentiyon na̱n ley yahn Dendiohs che tahque mena̱n vihca ne?
23985	MAT 22:44	Ra̱hn Dihvo vo Dendiohs ri ye Dihvé: “Cuihnde chihto ná̱n, la̱do ta̱h cua̱có, numanahn che nda̱hco ndiyá ihyan che hua ri rendihche di ca̱va che nevahnecun ye di.”
23993	MAT 23:6	Renan ino se rahte se na̱n silla che rahte ihyan ndina̱n na̱n vihco ma̱n, chete ya̱co ma̱n.
23995	MAT 23:8	’Ate nchuhn ne, hua ca̱hma ne ihyan ricuahn yahn vih, te nducoya̱ca ne ne, dihno ne vih, ne va a̱ma no Ihyan Ricuahn yahn ne, ihyan min che va ca̱de che ndedevahn ye ihyan iyehnse.
24023	MAT 23:36	Ra̱hn cua̱có rí nchuhn te nducuahn nunde min ne, ndehda̱me nducoya̱ca nchuhn che vate ne ma̱n ro cuh.
24026	MAT 23:39	Rá̱hn rí nchuhn te ametah ndaconan ndihchero ne u nde nda̱ ro che ca̱hma ne tuhca̱: “Ndeva vo yavena̱n ihyan cuh che dechuh Dihvo vo Dendiohs ihyan.”
24032	MAT 24:6	Ro min ne, cahnevan ne che a muhn a min va ca̱nda ma̱n, che cuana̱n ca̱nda ma̱n, ate hua cua ne cuda̱do, te a tihca̱ va che co. Cuedevano ne te andahre a̱ma ca̱hnda ro min, ate condah ca che nto iyehnse.
24054	MAT 24:28	Ro min ne, hua chuh ya nde a̱ma ihyan nunde, te nducoya̱ca ye va che co ye castigo.
24098	MAT 25:21	Ra̱hn patrón yahn se ri ye sa̱hn: “Nda̱hca̱ din. Di ne, redinehn ndudo yehn. Tah ra tume té di, ne nda̱hca̱ din ntiyon nduco. Ma̱n ne, tahque ndeh ca ca̱hcó tah. Conen ná̱n, ne cuahte vo vedeyeno.”
24100	MAT 25:23	Ra̱hn patrón yahn se ri ye sa̱hn: “Nda̱hca̱ din. Di ne, redinehn ndudo yehn. Tah ra tume té di, ne nda̱hca̱ din ntiyon nduco. Ma̱n ne, tahque ndeh ca ca̱hcó tah. Conen ná̱n, ne cuahte vo vedeyeno.”
24112	MAT 25:35	Rineva̱hn che cuahtenan nchuhn min, te cuahn che chi cuicó ne, te ne che chéh ma̱n, cuahn che chi ya̱cá ne, te ne nune chíh ma̱n, cuahn che quechicá ya̱n va̱co ne ne, nevahnecun ne u ndeva̱co ne ma̱n,
24141	MAT 26:18	Ndahconan Dihvo vo, ne ra̱hn ye ri ye ihyan chahn: ―Cuahn nchuhn viya̱n, va̱co a̱ma ihyan, ne ca̱hma ne co ne ihyan tuhca̱: “Ra̱hn Ihyan Ricuahn yuhn vo te a nda̱ nino ura che ca̱hno se ihyan, ne va̱co ne chihco ca̱de ye che cheh vino ye nduco ihyan apóstol yahn ye ma̱n vihco ro yudo.”
24148	MAT 26:25	Tuhme Judas, sa̱hn min che ndihcue ndeh se ihyan ne, ra̱hn se ri se ihyan: ―Ihyan Ricuahn, ndiyu u che tihca̱ dín. Ndahconan Dihvo vo, ne ra̱hn ye ri ye sa̱hn: ―Ta̱ca̱ hua, di.
24152	MAT 26:29	Rá̱hn rí nchuhn te ametah ndaconan cúh vino yahn uva nde nda̱ ro che nedin ra Chidá nducuahn dehtenduh. Tuhme ndaconan cuh vo nduco nchuhn na̱n che rihquentiyon ye.
24157	MAT 26:34	Ra̱hn Dihvo vo ri ye ihyan: ―Cua̱co rá̱hn rí di te ma̱n vino cuh, numanahn che metah cuah tuh ne, ca̱hme ino yune che hua rendihche u.
24158	MAT 26:35	Ra̱hn Pedro ri ye Dihvo vo: ―Andahre quenan cuma che cóh da̱ma nduco ne, ate hua ca̱hmá che hua rendihché ndih. ―Atihnoca̱ ra̱hn nducoya̱ca ihyan apóstol chahn.
24172	MAT 26:49	Ndeta̱hno chahn nda̱ se na̱n Dihvo vo, ne ra̱hn se ri se ihyan: ―Necuma ndih, Ihyan Ricuahn yáhn. Tuhme tena̱n se ihyan.
24173	MAT 26:50	Ra̱hn Dihvo vo ri ye sa̱hn: ―Amigo yáhn, codin nome ntiyon che cochi. Tuhme tumanga̱n sa̱hn chahn Dihvo vo, din se preso ihyan.
24178	MAT 26:55	Chihno min ne, ra̱hn Dihvo vo ri ye sa̱hn che din se preso ihyan: ―Ro ro quenún che chete ya̱co va̱n nchuhn chicuáhn, ¿dehco che hua min din ne preso u? ¿Ta̱ca̱ che muhn cochi ne, nda ne espa̱da ma̱n, ya̱hn ma̱n, din ne preso u, anduhneca̱ ndete che sa̱hn duco u?
24205	MAT 27:7	Ndeta̱hno nte ca̱de se nduco vih, ne ca se a̱ma ndi ya̱hn nduco tume min ca̱va che nda̱ca na̱n che cuehche ihyan nación chena̱hn. Ro mena̱n me ne, duche ya̱hn min Ya̱hn yahn Sa̱hn che Redendah Chite Ya̱hn,
24207	MAT 27:9	Tihca̱ chinahn Ndudo yahn Dendiohs che dirun ihyan profeta Jeremías tuhca̱: “Nduhca̱ che chihco ca̱de Dihvo vo Dendiohs ne, ndico ndiche tume diya̱hngua chihco ihyan nación yahn Israel che rigonun chihve ihyan min. Toh ihyan chahn tume me, ca ye ya̱hn che duche Ya̱hn yahn Sa̱hn che Redendah Chite Ya̱hn.”
24209	MAT 27:11	Cuahn che a nti Dihvo vo na̱n gobernador ne, tumerune se ihyan: ―¿A ndih che Rey yahn ihyan nación yahn Israel ne? Ndahconan Dihvo vo, ne ra̱hn ye ri ye sa̱hn: ―U, a nduhca̱ che rahn.
24221	MAT 27:23	Ra̱hn Pila̱to ri se ihyan chahn: ―¿Ta̱ca̱ che conan ya̱h ye?, te hua quendihco ye nde a̱ma nunde. Ate nde tahque dito cah ihyan chahn: ―Cuihquentiyon ne che cona̱n ya̱h ye.