23233	MAT 1:20	Ate ndihchero ye va̱n ya̱hnde yahn ye a̱ma ángel yahn Dihvo vo Dendiohs, ne ra̱hn ángel me ri ye ihyan: ―José, nda̱ta yahn David, hua dehve rahque, co cahnevaque nduco María. Hua ndeh ndedecadine, te che quenun da̱ya ye ne, a nduco vederihquentiyon yahn Vaco Ndah yahn Dendiohs.
23416	MAT 8:2	Ura min nda̱ a̱ma sa̱hn che ndi se cah che recha̱ yute, chehntihya se na̱n ye, ne ra̱hn se ri se ihyan: ―Dihvé, ndete che nahn ne ne, co din ne che ndoyáhn.
23420	MAT 8:6	ne ra̱hn se: ―Dihvé, sa̱hn deca̱hya yáhn ne, ndi cheche se, ametah cocha se.
23422	MAT 8:8	Ate ra̱hn sa̱hn capitá̱n me ri se ihyan: ―Dihvé, hua denduh ne ndih ca̱va no u, te u ne, ndiyu ihyan che redin yahn che ca̱hn ne ndeva̱có. Nduco a̱ma ndudo che ca̱hma ne ne, ndoyahn sa̱hn deca̱hya yáhn.
23435	MAT 8:21	Tuhme ta̱ma sa̱hn che rinduco se ihyan ne, ra̱hn se ri se ihyan: ―Dihvé, cuahnecun ne che conán na̱n chidá nde nda̱ ro che coh ye. Cuhché ihyan, tuhme conducó ndih.
23443	MAT 8:29	A̱ma yudo na̱n se ra̱hn se: ―Jesús, Da̱ya Dendiohs, ¿dehco che renun menda̱hn ne yune yahn nuhn? ¿Ta̱ca̱ che cochi ne din ne che chuhrihn nuhn?, te ametah nda̱ ro yahn.
23450	MAT 9:2	Min nda̱ ihyan na̱n ye, nda ye a̱ma sa̱hn che ndi cheche se quendite se na̱n yundo. Cuahn che ndihche Dihvo vo nduhca̱ che ritahno ihyan chahn ne, ra̱hn ye ri ye sa̱hn che ndi cheche me: ―Da̱yá, hua dehve rahque, a ndaque vederenchahco ca̱va nunde yehn.
23454	MAT 9:6	Chemin che ca̱va che cadino ne che u che rinducó nducoya̱ca ihyan ne, quenan cumá vederihquentiyon che nchahcó nunde yahn ihyan ne, condihche ne. Tuhme ra̱hn ye nduco sa̱hn che ndi cheche me: ―Cuenecuen, cotah yundo yehn, conahn ndevaque.
23470	MAT 9:22	Ndaconan ye ndihchero ye ta̱hn, ne ra̱hn ye: ―Da̱yá, hua dehve rahque. Nducote chitehne ne, a ndoyehn. A ura min no ndoyahn te.
23694	MAT 14:28	Tuhme ra̱hn Pedro ri ye ihyan: ―Dihvé, ndete che ndih ne, cuahnecun ne che ca̱cá na̱n nune, chí na̱n ne.
23696	MAT 14:30	Ate nducote a̱ma ri yudo na̱n vine me ne, chenda̱ vedeva̱h ihyan. Ndeta̱hno cana̱n rehchenun ye va̱n nune, ne cah ye: ―Dihvé, ¡cuendedevahn ne u!
23724	MAT 15:22	ne a̱ma ta̱hn nda̱ta yahn ihyan cananea, che va te ya̱hn min ne, cuahn te cua̱hn na̱n cuahn ye, ca rica te ca ra̱hn te numa dito te: ―Dihvé, Da̱ya David, conan va̱hino ne u. Ta̱hn da̱yá ne, quenun a̱ma vaco chihnga̱ ta̱hn, ne a̱ma rechuhrihn te.
23727	MAT 15:25	Ate ta̱hn min ne, chahn nda̱ te, chehntihya te na̱n ye, ne ra̱hn te ri te ihyan: ―Dihvé, ¡cuinan ne u!
23729	MAT 15:27	Ndahconan te, ne ra̱hn te: ―Dihvé, cua̱co che ra̱hn ne. Ate ya̱hna ne, namin reh te, te rendeva̱hn te da̱che che ra ma̱n mesa yahn dihve te. Nducote tihca̱ ne, ricá favor ndih che conan ne tah u.
23730	MAT 15:28	Tuhme ra̱hn ye ri ye ta̱hn: ―Da̱ya, ¡a̱ma numa ine ritehne! Conahn ndoque nduhca̱ che rique. A ura min no ndiquenda̱h vaco chihnga̱ me ta̱hn da̱ya te.
23763	MAT 16:22	Tuhme quenda Pedro ihyan a̱ma la̱do, ne cana̱n riya̱hve ye ihyan, ne ra̱hn ye: ―Dihvé, hua nda̱hca̱ che ca̱hco menda̱hn ne ndih ca̱va che tihca̱ cuahno co ne.
23784	MAT 17:15	―Dihvé, conan va̱hino ne sa̱hn da̱yá, te ndi se cah rih dihca, ne a̱ma rechuhrihn se. A̱ma ndeh yune cuahn che rinuhn yahn se ne, renda̱hnun se va̱coya̱hn ma̱n, va̱n nune ma̱n.
23817	MAT 18:21	Tuhme chahn nda̱ Pedro, ne ra̱hn ye ri ye Dihvo vo: ―Dihvé, ¿a ndeh yune va che nchahcó yahn ihyan che quendi ye din ta̱n ye nducó ne? ¿A nde ndache yune ne?
23955	MAT 22:14	Tuhme ra̱hn Dihvo vo ri ye sa̱hn ndina̱n chahn: ―Tihca̱, te a̱ma ya̱hn ihyan riya̱hve Dendiohs che cuatenan ye vahchetero, ate a̱ma doh ihyan che co cuahtenan ye min.
24145	MAT 26:22	Tuhme a̱ma chi nda̱che ihyan chahn, ne cana̱n ca a̱ma ca a̱ma ye ra̱hn ye ri ye Dihvo vo: ―Dihvé, ate co ndiyu u che tihca̱ dín.
24209	MAT 27:11	Cuahn che a nti Dihvo vo na̱n gobernador ne, tumerune se ihyan: ―¿A ndih che Rey yahn ihyan nación yahn Israel ne? Ndahconan Dihvo vo, ne ra̱hn ye ri ye sa̱hn: ―U, a nduhca̱ che rahn.
24244	MAT 27:46	Ura min a̱ma dito cah Dihvo vo, ne ra̱hn ye: ―Elí, Elí, ¿lama sabactani? ―che conahn tuhca̱: Dendiohs yáhn, Dendiohs yáhn, ¿dehco che chihcoma̱n ne u ne?
24308	MRK 1:24	―Ndih, Jesús yahn ya̱n Nazaret, ¿dehco che reca̱hdenun ne yune yahn nuhn? ¿Ta̱ca̱ che cochi ne decuihno ne nuhn? A devanó duh ndih. Ndih ne, ihyan ndah che a va ca̱de che dechuh Dendiohs ca̱va che ndedevahn ye ihyan iyehnse.
24334	MRK 2:5	Cuahn che ndihchero Dihvo vo nduhca̱ che ritahno ihyan chahn ne, ra̱hn ye ri ye sa̱hn: ―Da̱yá, a nchahcó nunde yehn.
24440	MRK 5:7	Numa dito se cah se: ―Jesús, Da̱ya Dendiohs che a̱ma yudo ye, ¿dehco che reca̱hdenun ne yune yáhn? Nde muhn nde na̱n Dendiohs, ca̱hmá có ndih che hua din ne che chuhríhn.
24467	MRK 5:34	Ra̱hn ye ri ye ta̱hn: ―Da̱yá, nducote chitehne ne, a ndoyehn. A co nahn ndevaque ndete che nehn. Hua dehve rahque, te a ndoyehn.
24560	MRK 7:28	Ndaconan te, ne ra̱hn te ri te ihyan: ―Dihvé, cua̱co che ra̱hn ne. Ate ya̱hna ne, rahtenun te ma̱n mesa, ne renda̱ca da̱che chende checa̱hya reh te.
24681	MRK 10:24	Chahn ino ihyan apóstol chahn che tihca̱ ra̱hn Dihvo vo. Ate ndaconan ra̱hn tun ye: ―Da̱yá, ¡a̱ma va̱hche ca̱va ihyan che yahino ye vedecuihca ca̱va che nevahnecun ye vederihquentiyon yahn Dendiohs!
24704	MRK 10:47	Cuahn che chihnevan se che a cochi nino Dihvo vo Jesucristo, ihyan min che chihta ye ya̱n Nazaret ne, cana̱n rica se favor ihyan, ne ra̱hn se numa dito se: ―Jesús, Da̱ya David, ¡cuenan va̱hino ne u!
24860	MRK 14:37	Tuhme ndaconan ye na̱n che chenun ihyan apóstol chahn. Nta̱ca ye ihyan che vateya̱do ye, ne ra̱hn ye ri ye Pedro: ―Simón, ¿a nde a̱ma ura hua chi quendoche?
24897	MRK 15:2	Pila̱to ne, tumerune se Dihvo vo: ―¿A di che rey yahn ihyan nación yahn Israel ne? Ndahconan ye yahn se: ―U, nduhca̱ che rahn.
24929	MRK 15:34	Ura min cah Dihvo vo numa dito ye: ―Eloi, Eloi, ¿lama sabactani? ―che nahn ca̱hma: Dendiohs yáhn, Dendiohs yáhn, ¿dehco che chihcoma̱n ne u?
24975	LUK 1:13	Ate ra̱hn ángel me ri ye ihyan: ―Zacarías, hua dihye co, te a chihnevan Dendiohs che chique. Ma̱n ne, nda̱hta yehn Elisabet ne, nda̱ca a̱ma sa̱hn da̱ya te, ne conehn che duche se, Jua̱n.
24992	LUK 1:30	Tuhme ra̱hn ángel me ri ye ihyan: ―María, dehve rahque, te Dendiohs ne, yahino ye di.
25022	LUK 1:60	Ate ra̱hn chaco se. ―Hua, te Jua̱n conan che duche se.
25090	LUK 2:48	Cuahn che ndihchero José nduco María che min quenun ye ne, a̱ma chahn ino ye, ne ra̱hn María: ―Da̱yá, ¿dehco che tihca̱ din nduco nuhn?, te u nduco chide, a̱ma chuhrihn nuhn, rendedecadino nuhn cave, rinuhn nuhn di.
25108	LUK 3:14	Namin a̱ma o sanda̱do ne, tumerune se: ―Nuhn, ¿deh va che din nuhn ne? Ndahconan Jua̱n yahn se: ―Hua duco nchuhn. Hua ndere cuih nunde ne yahn ihyan. Cuahtenan ne vedeyeno nduco tume che renevihve nchuhn.
25166	LUK 4:34	―Ndih, Jesús yahn ya̱n Nazaret, ¿dehco che reca̱hdenun ne yune yahn nuhn? ¿A cochi ne che decuihno ne nuhn ne? U devano duh ndih. Ndih che Da̱ya Dendiohs.
25184	LUK 5:8	Cuahn che ndihchero Simón che tihca̱ chi ne, chehntihya ye na̱n Dihvo vo, ne ra̱hn ye: ―Dihvé, u ne, ndiyu ihyan che co cochí na̱n ne, te u ne, ihyan nunde u.
25188	LUK 5:12	A̱ma yune ne, quenan Dihvo vo a̱ma cua̱n ya̱n, ne nda̱ a̱ma sa̱hn che ndi se cah che recha̱ yute. Cuahn che ndihchero se Dihvo vo ne, cuahn se, chehntihya se na̱n ye. Chica se favor ihyan, ne ra̱hn se: ―Dihvé, a devanó te co din ne che ndoyáhn, ndete che nahn ne.
25223	LUK 6:8	A devano Dihvo vo che rendedecadino sa̱hn chahn, ne ra̱hn ye ri ye sa̱hn che ndi cuma ta̱h me: ―Cuenecuen, cuandi menda̱hn. Necuan sa̱hn min, chandi se.
25270	LUK 7:6	Tuhme cuahn Dihvo vo nduco ihyan chahn. Cuahn che a nda̱ nino ye ne, dechuh capitá̱n me ndudo nduco a̱ma o amigo yahn ye, ra̱hn ye tuhca̱: ―Dihvé, hua denduh ne ndih ca̱va no u, che chi ne nde chete va̱có.
25304	LUK 7:40	Tuhme ra̱hn Dihvo vo ri ye sa̱hn fariseo me: ―Simón, nté a̱ma ejemplo, cahneven. Ndahconan Simón: ―Ihyan Ricuahn, cuente ne, cahneván.
25342	LUK 8:28	Cuahn che ndihchero se Dihvo vo ne, chahn nda̱ se, chehntihya se na̱n ye, ne cah se: ―Jesús, Da̱ya Dendiohs che a̱ma yudo vederihquentiyon yahn ye, ¿dehco che reca̱hdenun ne yune yáhn? Ricá favor ndih che hua din ne che chuhríhn.
25362	LUK 8:48	Ra̱hn Dihvo vo ri ye ta̱hn: ―Da̱yá, yahn che chitehne ne, a ndoyehn. Dehve rahque. Co conahn.
25427	LUK 9:57	Cuahn che a chenun yune ihyan chahn ne, ra̱hn a̱ma se ri se Dihvo vo: ―Dihvé, conducó ndih adecotino che ca̱hn ne.
25429	LUK 9:59	Ta̱ma se ne, ra̱hn Dihvo vo ri ye sa̱hn: ―Cuhn vo, condoque u. Ndahconan se yahn ye: ―Dihvé, te yune ne che conán na̱n chidá nde nda̱ ro che coh ye. Cuhché ihyan, tuhme conducó ndih.
25431	LUK 9:61	Ra̱hn ta̱ma se ri se Dihvo vo: ―Dihvé, cá̱hn conducó ndih, ate te yune ne che dinoca cá̱hn ca̱hmá nduco ihyan yáhn che chenun ye ndeva̱có, te va che ca̱hcomá̱n ihyan.
25450	LUK 10:18	Ra̱hn Dihvo vo ri ye ihyan chahn: ―Cua̱co, te u ne, ndihcheró sa̱hn chundah che nduhca̱ che riya cuah, rica se na̱n ro, renda̱h se nde ndiya̱hn.
25472	LUK 10:40	Ate Marta ne, a̱ma va ntiyon yahn te, ne chahn te na̱n Dihvo vo, ne ra̱hn te ri te ihyan: ―Dihvé, ¿a hua rihco ne cuda̱do che ta̱hn cóh ne, rihcoma̱n te u nduco ntiyon yahn nuhn? Ca̱hma ne co ne ta̱hn che conan te u.
25473	LUK 10:41	Ndahconan Dihvo vo yahn te: ―Marta, Marta, di ne, a̱ma rendedecadine yahn ntiyon yehn.
25542	LUK 12:14	Ate ra̱hn Dihvo vo ri ye sa̱hn: ―Nda̱co, ndiyu juez u ca̱va che ca̱hcantiyón che cahma̱hn nchuhn dehtenduh yahn ne nduco vih.
25569	LUK 12:41	Tuhme tumerune Pedro: ―Dihvé, ¿a rente ne ejemplo cuh yahn dema̱n nuhn, o yahn nducoya̱ca ihyan ne?
25599	LUK 13:12	Cuahn che ndihchero Dihvo vo ta̱hn ne, cah ye ta̱hn, ne ra̱hn ye: ―Nda̱hta, a ndevahn di. Ametah chuhrihn.
25610	LUK 13:23	A̱ma se ne, tumerune se ihyan: ―Dihvé, ¿a ya̱hn ihyan che ndevahn ye ne? Ndahconan ye:
25795	LUK 18:38	Tuhme ra̱hn se numa dito se: ―Jesús, Da̱ya David, ¡conan va̱hino ne u!
25798	LUK 18:41	¿Deh nehn che dín ndoque ne? Ndahconan se yahn ye: ―Dihvé, codin ne che co ro ná̱n.
25805	LUK 19:5	Cuahn che a nda̱ Dihvo vo min ne, china̱n ye sa̱hn, ne ra̱hn ye ri ye sa̱hn: ―Zaqueo, codin nun ine, cuenchehn ta̱n, te ma̱n va che conán ndevaque.
25808	LUK 19:8	Tuhme chandi Zaqueo na̱n nducoya̱ca ihyan chahn, ne ra̱hn se ri se Dihvo vo: ―Dihvé, ma̱hn va vedecuihca yáhn, nahn cá̱h ihyan cheva̱h, ne ndete che va ihyan che ndere chehneví dehtenduh yahn ye ne, va vedeyenó che necá̱h cun ndi nduhva che chehneví yahn ye.
25834	LUK 19:34	Ndahconan ihyan chahn: ―Huate, Dihve nuhn nahn ye ite.
25964	LUK 22:31	Namin ra̱hn Dihvo vo ri ye Pedro: ―Simón, Simón, cuihque cuda̱do, te chundah ne, chica se Dendiohs ca̱va che tumerande se nchuhn nde na̱n che nda̱hco ndiya se nchuhn.
25966	LUK 22:33	Ndahconan Simón, ne ra̱hn ye: ―Dihvé, va vedeyenó che conducó ndih, andahre conún va̱coya̱hn nduco ne ma̱n, andahre cóh da̱ma nduco ne ma̱n.
25967	LUK 22:34	Ate ra̱hn Dihvo vo ri ye ihyan: ―Pedro, rá̱hn rí di te ura che ametah cuah tuh ne, cahme ino yune te hua rendihche u.
25981	LUK 22:48	Tuhme ra̱hn Dihvo vo ri ye sa̱hn: ―Judas, ¿a nahn tenan u, ne nduco tihca̱ necah u che rinducó nducoya̱ca ihyan ne?
26007	LUK 23:3	Tuhme tumerune Pila̱to ihyan: ―¿A di che rey yahn nación yahn Israel ne? Ndahconan Dihvo vo: ―U, nduhca̱ che rahn.
26134	JHN 1:21	Tumerune se ihyan: ―¿Duh ndih tuhme ne? ¿A ndih che profeta Elías ne? Ndahconan Jua̱n yahn se: ―Ndiyu u. Tumerune tun se ihyan: ―Tuhme, ¿a ndih ihyan profeta che a va ca̱de che chi ye ne? Ndahconan Jua̱n yahn se: ―Ndiyu u.
26168	JHN 2:4	Ate ra̱hn Dihvo vo ri ye ihyan: ―Chacó, metah deh cuande che ca̱hma ne nducó yahn vino, te metah nda̱ ura che cuhnde ro vederihquentiyon che quenan cumá.
26277	JHN 4:52	Tumerune se sa̱hn chahn deh ura cana̱n chihnde dihn yahn da̱ya se. Ndahconan sa̱hn chahn yahn se: ―Ico, na̱n rahco a̱ma a chino, chavi ihno che neta̱h sa̱hn.
26287	JHN 5:8	Tuhme ra̱hn Dihvo vo ri ye sa̱hn: ―Cuenecuen, condo tah yundo yehn, ne cuique.
26545	JHN 9:36	Ra̱hn se ri se ihyan: ―Dihvé, ca̱hma ne co ne u duh ihyan min ca̱va che cotahnó ihyan.
26547	JHN 9:38	Tuhme chehntihya se na̱n Dihvo vo, ne ra̱hn se ri se ihyan: ―Dihvé, ritahnó ndih.
26613	JHN 11:21	Ura che a ta̱hn nun Marta Dihvo vo ne, ra̱hn ye ri ye ihyan: ―Dihvé, ndete che muhn quenan ne ro che chi dito yahn cahvé ne, nde hua chih ye.
26631	JHN 11:39	Ra̱hn Dihvo vo: ―Cuehnevi nchuhn tu chende ya̱yan. Cona̱hne ne. Tuhme ra̱hn Marta ri ye Dihvo vo: ―Dihvé, co a ran tena̱hn, te a chihno cun ro che chih ye.
26633	JHN 11:41	Tuhme chehnevi ihyan chahn tu me. Chenihyon na̱n Dihvo vo na̱n ro, ne cova̱h ye tuhca̱: ―Chidá, renté nundihve cuahn ndih yahn che rihcovan ne che revá̱h.
26635	JHN 11:43	Chihno cova̱h ye ne, ra̱hn ye a̱ma dito: ―Lázaro, ¡cuendiquendah ta̱n!
26648	JHN 11:56	Rinuhn ihyan chahn Dihvo vo, ne a̱ma retumarune vih ye ura che chenun ye chete ya̱co: ―Nchuhn, a hua devano ne, ¿a chi ye vihco ne?
26705	JHN 13:6	Cuahn che nda̱ ye na̱n va Simón Pedro ca̱va che na̱no ye ca̱h ye ne, ra̱hn ihyan min ri ye ihyan: ―Dihvé, ¿ta̱ca̱ che ndih na̱no ne cá̱h ne?
26708	JHN 13:9	Ra̱hn Simón Pedro ri ye Dihvo vo: ―Dihvé, ndete che tihca̱ ne, cona̱no ne ndiyu dema̱n cá̱h, te namin cona̱no ne tá̱h ma̱n, tín ma̱n.
26724	JHN 13:25	Tuhme cuahn nda̱ ca ye na̱n Dihvo vo, ne tumerune ye ihyan: ―Dihvé, ¿duh yahn che ra̱hn ne ne?
26735	JHN 13:36	Simón Pedro ne, tumerune ye Dihvo vo: ―Dihvé, ¿ti che na̱hn ne ne? Ndahconan Dihvo vo, ne ra̱hn ye ri ye ihyan: ―Na̱n che ná̱hn ne, hua co condoque u ma̱n, ate adive ne, condoque u.
26736	JHN 13:37	Tuhme ra̱hn Pedro ri ye ihyan: ―Dihvé, ¿dehco che hua co conducó ndih ma̱n?, te nde vá vedeyeno che ca̱hco mendá̱hn u, andahre ca̱hno ihyan u ca̱va ne.
26742	JHN 14:5	Ra̱hn Tomás ri ye Dihvo vo: ―Dihvé, nducote hua devano nuhn ti che na̱hn ne ne, nde hua codevano nuhn ta̱ca̱ che co tuno nuhn min.
26745	JHN 14:8	Tuhme ra̱hn Felipe ri ye Dihvo vo: ―Dihvé, codin ne che co ndihchero nuhn Dendiohs Chida, ne nduco chemin ne, a cochahtino nuhn.
26746	JHN 14:9	Ndahconan Dihvo vo, ne ra̱hn ye: ―Felipe, ametah ro che rinducó nchuhn, me ¿ta̱ca̱ che hua retumacadine yahn vederihquentiyon yáhn? Ihyan che rendihchero ye u ne, anduhneca̱ ndete che rendihchero Dendiohs Chida. Ametah deh cuande che caque u che dín che ndihchero nchuhn ihyan.
26759	JHN 14:22	A̱ma ihyan apóstol che duche ye Judas, ndiyu Judas Iscariote ne, tumerune ye Dihvo vo: ―Dihvé, ¿dehco che ra̱hn ne che conduco ne nuhn, ne hua conduco ne ihyan iyehnse ne?
26829	JHN 17:1	Chihno che tihca̱ ra̱hn Dihvo vo nduco ihyan apóstol yahn ye ne, chenihyon na̱n ye na̱n ro, ne cova̱h ye tuhca̱: ―Chidá, nda̱ nino ura che va che chuhríhn. Cuendeva ne yavená̱n ca̱va che namin u ne, ndevá yavena̱n ne.
26920	JHN 19:26	Cuahn che ndihchero Dihvo vo chaco ye ma̱n, a̱ma ihyan apóstol, ihyan min che a̱ma din yahino ye ma̱n, che vatendi ye min ne, ra̱hn ye ri ye chaco ye: ―Chacó, nga̱ da̱ya ne, nti se ta̱n.
26965	JHN 20:29	Ra̱hn Dihvo vo ri ye ihyan: ―Tomás, ma̱n ne, ritehne yahn che ndihchero u. Ndah ro yahn ihyan che andahre hua rendihchero ye u, ate ritahno ye u.
26982	JHN 21:15	Cuahn che a chihno cahdino ihyan chahn ne, tumerune Dihvo vo Pedro: ―Simón, da̱ya Jonás, ¿a tahque yahine u che co ihyan chuhn ne? Ndahconan Simón Pedro yahn ye: ―Ta̱ca̱ hua, Dihvé. Yahinó ndih. A ma̱n ne devano ne. Ra̱hn Dihvo vo ri ye ihyan: ―Tuhme ne, codin cuda̱do ihyan yáhn.
26983	JHN 21:16	Ndaconan tumerune ye ihyan, chi o yune: ―Simón, da̱ya Jonás, ¿a yahine u ne? Ndahconan Pedro yahn ye: ―Ta̱ca̱ hua, Dihvé. Yahinó ndih. A ma̱n ne devano ne. Ra̱hn Dihvo vo ri ye ihyan: ―Tuhme ne, codin cuda̱do ihyan yáhn.
26984	JHN 21:17	Ndaconan tumerune ye ihyan, chi ino yune: ―Simón, da̱ya Jonás, ¿a yahine u ne? Nducote a nde ino yune che tumerune ye Pedro ndete che a yahino ye ihyan ne, chi nda̱che ye, ne ra̱hn ye: ―Dihvé, a ma̱n ne devano ne nducuahn. A devano ne che yahinó ndih. Ra̱hn Dihvo vo ri ye ihyan: ―Tuhme ne, codin cuda̱do ihyan yáhn.
26988	JHN 21:21	Tuhme tumerune Pedro Dihvo vo: ―Dihvé, me ihyan tih ne, ¿deh co yahn ye ne?
27003	ACT 1:11	Ra̱hn ye ri ye ihyan chahn: ―Nchuhn, sa̱hn Galilea, ¿dehco che rihno cua̱hn na̱n ro ne? Ma̱n Dihvo vo che nda̱ca ye va̱n nchuhn, din Dendiohs che cona̱hn ye vahchetero ne, nduhca̱ che ndihchero ne che cona̱hn ye, tihca̱ ndaconan chi tun ye.
27032	ACT 2:14	Tuhme necuandi Pedro nduco ihyan apóstol che ndichia̱ma chahn, ne cahndudo ye: ―Nchuhn, ihyan nación yahn Israel nduco nducoya̱ca ne che vate ne ya̱n Jerusalén, cua cuande ne ma̱n, cuihcovan ndah ne che ca̱hmá ma̱n.
27077	ACT 3:12	Cuahn che ndihchero Pedro che a̱ma chito ihyan min ne, cahndudo ye: ―Nchuhn, ihyan nación yahn Israel, ¿dehco che a̱ma rahn ino ne? ¿Dehco che a̱ma rendihchero ne nuhn? ¿A ra̱hco ne che nduco vederihquentiyon yahn ma̱n nuhn, o che a̱ma ndah ihyan nuhn, din nuhn che ndoyahn sa̱hnguh?
27099	ACT 4:8	Tuhme numacuahn vederihquentiyon yahn Vaco Ndah yahn Dendiohs, ndahconan Pedro, ne ra̱hn ye ri ye sa̱hn: ―Nchuhn, sa̱hn ndina̱n ma̱n, sa̱hn intiyahn yahn nación yuhn vo ma̱n,
27131	ACT 5:3	Tuhme ra̱hn Pedro ri ye sa̱hn: ―Ananías, ¿dehco che dinehn che chinun chundah di ne?, te nahn cahncheh Vaco Ndah yahn Dendiohs, chihco vih tah tume yahn ya̱hn che ndihcue.
27163	ACT 5:35	Tuhme ra̱hn ye ri ye combiero yahn ye: ―Nchuhn, ihyan ndina̱n yahn nación yuhn vo Israel, cuihco ne cuda̱do deh che rihco ne che din ne nduco ihyan sih.
27245	ACT 7:60	Tuhme chehntihya ye, ne ra̱hn ye numa dito ye: ―Dihvé, cuenchahco ne yahn sa̱hn sih che tihca̱ redin se. Chihno ra̱hn ye chemin ne, chih ye.
27274	ACT 8:29	Tuhme ra̱hn Vaco Dendiohs nduco Felipe: ―Cuehn, cotone carro tih.