39	GEN 2:8	Maabaho Mndewa Mulungu kahanda mgunda hatangigwe Edeni, ubanzi wa ulawilo wa zuwa, umo kamwika mulume iyo yoyamuusile.
41	GEN 2:10	Lwanda lokuluma kulawa muna mgunda wa Edeni na mazi yakulumila muna ichizi, kulawa uko wiigola nyanda nne.
45	GEN 2:14	Zina da lwanda lweketatu ni Tigili, ulo lokulumila banzi ya ulawilo wa zua wa isi ya Ashulu. Zina da lwanda lwekane ni Efulati.
46	GEN 2:15	Maabaho Mndewa Mulungu kamsola mulume iyo na kamwika muna mgunda wa Edeni yachilime na yachilolese.
79	GEN 3:23	Ivo Mndewa Mulungu kamuwinga Adamu muna umgunda wa Edeni na kamtendeza yalime muna ulongo uyalawile.
80	GEN 3:24	Kamuwinga Adamu, na keka wasenga wakalizi wa kuulanga ubanzi wa ulawilo wa zuwa wa mgunda wa Edeni, wakala na panga da moto dodikalile dohinduka kuno na kuno muladi waukalize umbiki wa ugima.
96	GEN 4:16	Kaini kahasegela ha Mndewa Mulungu na kakala isi itangigwa “Nodi”, niiyo ili ubanzi wa ulawilo wa zua wa Edeni.
106	GEN 4:26	Seti nayo kapata mwana wa chilume, kamtanga Enosi. Baho wanhu wandusa kumtambikila Mndewa Mulungu.
112	GEN 5:6	Seti viyakalile na miyaka gana na tano, kamweleka mwana zina jake Enosi.
113	GEN 5:7	Seti viyamweleke Enosi, kakala miyaka magana manane na saba na keleka wana wamwenga wa chilume na wa chike.
115	GEN 5:9	Enosi viyawile na miyaka malongo kenda, kamweleka mwana zina jake Kenani.
116	GEN 5:10	Enosi viyamalile kumweleka Kenani, kakala miyaka magana manane na longo na tano na kaweleka wana wamwenga wa chilume na wa chike.
117	GEN 5:11	Enosi kadanganika na miyaka magana kenda na mitano.
239	GEN 10:4	Wana wa Yavani wakala Elisha na Talishishi na Kitimu na Dodanimu.
245	GEN 10:10	Mwanduso wa ufalume wake ukala Babeli na Eleki na Akadi na Kalinehi muna iisi ya Shinali.
256	GEN 10:21	Nayo Shemu niiyo sekulu wa Yafesi, na kakala wasaho wa wana wose wa Ebeli.
257	GEN 10:22	Wana wa Shemu wakala Elamu na Ashulu na Alifakisadi na Ludi na Alamu.
259	GEN 10:24	Alifakisadi kamweleka Shela, na Shela kamweleka Ebeli.
260	GEN 10:25	Ebeli keleka wana waidi wa chilume, zina da wa mwanduso ni Pelegi, kwaviya muna ulusita lwake isi iigola, na imwenga zina jake Yokitani.
281	GEN 11:14	Shela viyakalile na miyaka malongo matatu, kamweleka Ebeli.
282	GEN 11:15	Shela viyamweleke Ebeli kakala miyaka magana mane na mitatu, na keleka wana wamwenga wa chilume na wa chike.
283	GEN 11:16	Ebeli viyakalile na miyaka malongo matatu na mine kamweleka Pelegi.
284	GEN 11:17	Ebeli viyamweleke Pelegi kakala miyaka magana mane na malongo matatu, na keleka wana wamwenga wa chilume na wa chike.
338	GEN 14:1	Siku izo mfalume Amilafeli wa Shinali na Aliyoki wa Elasali na Kedolilaoma wa Elamu na Tidali wa Goimu,
343	GEN 14:6	Iviya wawahuma Waholi uko kuna mulima wa Seili, wawawinga kutali mbaka Elipalani habehi na dibwilingu.
344	GEN 14:7	Maabaho wabwela kuchisogo mbaka Enimishipati iviya yotangigwa Kadeshi, waihuma isi yose ya Waamaleki na kuwahuma Waamoli wowakalile Hasasoni Tamali.
346	GEN 14:9	waitoa na mfalume Kedolilaoma wa Elamu na Tidali wa Goimu na Amilafeli wa Shinali na Aliyoki wa Elasali, wafalume wane waitowa na wafalume watano.
350	GEN 14:13	Munhu imwe yoyasulupuke kahita kumulongela ija Muebulaniya Abulamu yoyakalile kokala habehi na mibiki mikulu ya Mamule Muamoli, yoyakalile ndugu yake Eshikoli na Aneli. Wose wakala wailumba na Abulamu.
361	GEN 14:24	Ivo sizasola chochose, ila ndiya ziya muhala ziwadile wanike na vinhu viwapatile kuna ing'hondo. Wowolondeka waja wowakalile hamwe na niye, Aneli na Eshikoli na Mamule uwaleke wawe na vinhu vawo.”
363	GEN 15:2	Mbali Abulamu kamwidika, “Weye Mndewa Mulungu, kwizaning'ha choni na kuno nogendelela kukala bila mwana na muhazi wangu ni Eliyazali wa Damasiki?”
365	GEN 15:4	Maabaho kahulika mbuli ya Mndewa Mulungu imwizila kaidi: “Ino mtumwa wako Eliyazali hezakuwa muhazi wako, mbali mwanago yondaumweleke mwenyewo niiyo yondayawe muhazi wako.”
379	GEN 15:18	Maabaho Mndewa Mulungu katenda chilagano na Abulamu, kalonga, “Nolagana kuweng'ha ino welesi wako wose kusongela lwanda lwa Misili mbaka lwanda lukulu lwa Efulati,
580	GEN 23:8	kawalongela, “Yahawa munitogolela niwawande wanhu wa kabila jangu, nolamba mpuleni Efiloni mwana wa Sohali
582	GEN 23:10	Efiloni mwenyewo kakala imwe wa Wahiti wawo wowakalile waiting'hana hana ulwivi lwa dibululu. Ivo Efiloni Muhiti kamwidika Bulahimu haulongozi ha wanhu wose wowakalile baho,
585	GEN 23:13	na kamulongela Efiloni kuno wanhu wose wohulika, “Unihulike nokulamba, nizagula mgunda wako, nokulamba uhokele maliho yano, nidahe kuwawanda wanhu wa kabila jangu.”
586	GEN 23:14	Efiloni kamwidika Bulahimu,
588	GEN 23:16	Bulahimu waitogolela na Efiloni, kamulingila chibugulu cha hela chiyalondile kuno Wahiti wose wolola, shekeli magana mane ya hela, chiyasi cha wachuluzi wa chipindi icho.
589	GEN 23:17	Ivo mgunda wa Efiloni uli uko Makipela habehi na Mamule, tuka dodikalile umo muungunda na mibiki yose ikalile hamwe na mwela wose diwa jake
663	GEN 25:4	Wana wa Midiani wakala Efa na Efeli na Henoki na Abida na Elidawa. Wose wawo wakala welesi wa Ketula.
668	GEN 25:9	Wanage, Isaka na Ishumaili wamuwanda umo muna dituka da Makipela ulawilo wa zuwa wa Mamule mumgunda woukale wa Efiloni, mwana wa Sohali Muhiti.
684	GEN 25:25	Chaudele kelekigwa na mbende ndung'hu na lukuli lwake lose lukala fana walo dili na mazoya, ivo zina jake kamtanga Esau.
685	GEN 25:26	Wekaidi kavumbuka kuno kamhilila chisiginho cha Esau, ivo zina jake katangigwa Yakobo. Esau na Yakobo viwavumbuke Isaka kakala na miyaka malongo sita.
686	GEN 25:27	Wana wawo wakula. Esau kakala mkala, yoyolonda kukala muna ivyuwala, na Yakobo kakala yaholile yolonda kukala hakaye.
687	GEN 25:28	Mbali Isaka kamulonda Esau, kwaviya kanogelwa kuja wanyama woyawakomile Esau, mbali Lebeka kamulonda Yakobo.
688	GEN 25:29	Siku dimwe Yakobo kakala yokwambika ndiya, Esau keza kulawa kuukala kuno kana nzala,
689	GEN 25:30	ivo kamulongela Yakobo, “Nina nzala ng'hani, nokulamba uning'he ndiya iyo indung'hu.” Lekamana Esau katangigwa Edomu fambulo jake ndung'hu.
691	GEN 25:32	Esau kamulongela, “Vinoga! Nahabehi kudanganika. Haki yonifaya choni?”
692	GEN 25:33	Yakobo kamwidika, “Teng'hu ilahile kuwa kwizanichuluzila haki yako.” Esau kailaha na kamwing'ha Yakobo haki yake.
693	GEN 25:34	Maabaho Yakobo kamwing'ha gate na nzugu. Kaja na kang'wa na maabaho kenuka na kasegela. Ivo niivo Esau viyaizehile haki yake ya uchaudele.
713	GEN 26:20	Wadimi wa kuja Gelali wagomba na wadimi wa Isaka na walonga, “Mazi yano yetu.” Ivo Isaka kachitanga chisima icho “Eseki,” fambulo jake “Ndwagi”
727	GEN 26:34	Esau viyawile na miyaka malongo mane, kasola wanaake waidi Wahiti, Yudisi mwana wa Beeli na Basemati mwana wa Eloni.
729	GEN 27:1	Isaka viyakalile mulala meso yake yawa hayalola bule. Ivo kamtanga Esau mwanage chaudele na kamulongela, “Mwanangu!” Nayo kamwidika, “Aino hano.”
733	GEN 27:5	Humbe Isaka viyakalile kolonga na Esau, Lebeka kakala yotegeleza. Ivo Esau viyahitile kusaka kwiimbago,
734	GEN 27:6	Lebeka kamulongela Yakobo, “Nimuhulika tati yako viyamulongele sekulu wako Esau,
739	GEN 27:11	Mbali Yakobo kamulongela Lebeka mami yake, “Kuvimanya kuwa sekulu wangu Esau ni munhu mwene upipi, mbali niye nabule.
743	GEN 27:15	Maabaho Lebeka kalava viwalo vinogile va Esau mwanage imkulu, voyavikile muna ikaye, na kamuyawaliza Yakobo mwanage imdodo.
747	GEN 27:19	Yakobo kamwidika, “Niye Esau chaudele wako. Nisang'hana fana viunilagilize. Nolamba tata ukale uje nyama yonikugalile, muladi udahe kunitemela mate.”
749	GEN 27:21	Isaka kamulongela Yakobo, “Mwanangu kwenhuka haguhi nidahe kukubabasa muladi nivimanye fana kweli weye kwa Esau mwanangu hebu siyo.”
750	GEN 27:22	Yakobo kamkwenhukila tati yake, nayo kambabasa na kalonga, “Dizi jako dohulikika fana viya dizi da Yakobo, mbali makono yalinga fana makono ya Esau.”
751	GEN 27:23	Isaka hammanyile Yakobo kwaviya makono yake yakala na upipi fana Esau. Ivo kakala kokwandusa kumtemela mate.
752	GEN 27:24	Mbali kamuuza kaidi, “Weye kweli mwanangu Esau?” Yakobo kamwidika, “Iyo niye.”
758	GEN 27:30	Isaka viyakomeleze kumtemela mate Yakobo, lusita Yakobo viyasegele, Esau sekulu wake kabwela kulawa kuukala.
759	GEN 27:31	Iviya Esau kambika ndiya inogile na kamgalila tati yake. Kamulongela, “Haya tata, kala uje nyama yonikugalile, muladi udahe kunitemela mate.”
760	GEN 27:32	Isaka kamuuza, “Weye kwa yelihi?” Nayo kamwidika, “Niye niiyo Esau mwanago chaudele.”
762	GEN 27:34	Esau viyahulike ivo kalila kwa dizi kulu na giyogiyo ng'hani na kalonga, “Tata, na niye iviya nitemele mate!”
764	GEN 27:36	Esau kalonga, “Lekamana kotangigwa Yakobo kwaviya kanivwizila miyanza midi. Mosi kasola haki yangu ya uchaudele, maabaho kasola kutemeligwa mate kwangu.” Esau kalonga, “Hunisigazile kutemeligwa mate kwangu?”
765	GEN 27:37	Isaka kamwidika Esau, “Nimala kumtenda Yakobo kuwa mulangulizi wako na nimwing'ha ndugu zake wose kuwa wasang'hani wake. Nimpatila nafaka na divai. Lelo nikutendele choni weye mwanagu?”
766	GEN 27:38	Esau kamulongela tati yake, “Kodaha kutemela mate mwanza umwe muhala tati yangu? Tati yangu na niye iviya nhemele mate!” Kandusa kulandula dizi na kalila.
769	GEN 27:41	Esau kamwihila Yakobo kwa ichimu cha kutemeligwa mate koyatemeligwe na tati yake. Kagesa, “Siku za matanga ya tata zaabehi, zihamala nizamkoma mdodo wangu Yakobo.”
770	GEN 27:42	Mbali Lebeka viyavimanyile chiyailungile Esau, kamtumila usenga kumtanga Yakobo na kalonga, “Wiiteganye, sekulu wako Esau koiguma moyo kwa kulonda kukukoma.
774	GEN 27:46	Lebeka kamulongela Isaka, “Niye ndegezigwa na wanaake wano Wahiti wa Esau. One Yakobo iviya yahasola muke kulawa mwa wanaake wano Wahiti, muhavu nidanganike.”
779	GEN 28:5	Isaka kamtuma Yakobo yahite kwiisi ya Padani Alamu kwa Labani, yoyelekigwe na Besueli, Mwalamu, Labani lumbu jake Lebeka yeli mami yawo Yakobo na Esau.
780	GEN 28:6	Esau kavimanya kuwa Isaka kamala kumtemela mate Yakobo na kumtuma yahite Padani Alamu yakasole muke. Iviya kavimanya kuwa Isaka viyamtemele mate, kamulongela sekeyasole muke Mkanaani.
782	GEN 28:8	Esau kavimanya kuwa Isaka tati yake hanogeligwa bule na wanaake wa Kanaani.
783	GEN 28:9	Esau kahita kwa Ishumaili mwana wa Bulahimu na kamsola muke imwenga yotangigwa Mahalati, lumbu jake Nebayoti.
895	GEN 31:21	Kasola chila chinhu chake na kasegela chahimahima. Kaloka ulwanda lwa Efulati na kahita kuna mulima wa isi ya Gileadi.
932	GEN 32:4	Yakobo katuma wasenga kumulongolela kwa sekulu wake Esau uko Seili kuna iisi ya Edomu.
933	GEN 32:5	Kawalagiliza wakamulongele mwenevale wake Esau, “Msang'hani wako Yakobo kolonga vino ‘Nikala kuugeni kwa Labani mbaka sambi.
935	GEN 32:7	Wasenga viwabwelile kwa Yakobo, walonga, “Chihita kwa sekulu wako Esau, nayo kamzila kokwiza kukuhokela. Kokwiza na walume magana mane.”
937	GEN 32:9	Yakobo kagesa, “One Esau yaheza na kuditowa bumbila da mwanduso, bumbila dondadisigale dizaibanga.”
940	GEN 32:12	Nikombole kwa sekulu wangu Esau. Nodumba kwaviya kezakwiza kuchitowa na kuchinanga cheye chose na wanaake na wana.
942	GEN 32:14	Yakobo kagona baho chilo chose, maabaho kabagula vinhu vake vimwenga viwe chitumetume kwa Esau sekulu wake,
946	GEN 32:18	Kamulagiliza msang'hani yalongole, “Wahaiting'hana na sekulu wangu Esau, yahakuuza, ‘Weye kwa msang'hani wa yelihi? Kohitahi? Wanyama kuulongozi wako wa yelihi?’
947	GEN 32:19	Kolondeka umwidike, ‘Ni wa msang'hani wako Yakobo. Komgalila chitumetume mwenevale wake Esau. Yakobo mwenyewo kahachisogo chetu kokwiza.’ ”
948	GEN 32:20	Kalagiliza ivoivo kwa msang'hani wa bumbila dekaidi na deketatu na wamwenga wose kwa kulonga, “Mwizamulongela Esau mbuli izo izo vondamwiiting'hane nayo.
962	GEN 33:1	Yakobo kayenula meso yake na kamuwona Esau kokwiza na walume magana mane, ivo kawagola wanage kwa Leya na Laheli, na wasang'hani wake wa chike waidi.
965	GEN 33:4	Mbali Esau kahita yomkimbilila Yakobo, na kamgeleka isingo na kamnonela, na wose waidi walila.
966	GEN 33:5	Esau viyalolile na kuwawona iwanaake na iwana, kauza, “Wanhu wano wouli nawo welihi?” Yakobo kamwidika, “Wano ni wana Mulungu woyaning'hile msang'hani wake kwa ubazi wake.”
969	GEN 33:8	Esau kauza, “Vino habali kuyatuma mabumbila yano kumwangu?” Yakobo kamwidika, “Nilonda nitogoleke na weye mwenevale wangu.”
970	GEN 33:9	Mbali Esau kalonga, “Nina vinhu va kufaya sekulu wangu, vinhu viuli navo usigale navo.”
971	GEN 33:10	Yakobo kamulongela Esau, “Haidahika bule, one kutogola kunihokela, nokulamba unihokele vitumetume vangu. Kweli nodeng'helela kukuwona weye fana viya niwona chihanga cha Mulungu, kwaviya viunihokele kwa unovu.
972	GEN 33:11	Nolamba utogole vitumetume vino vonikugalile, kwaviya Mulungu kaninogela na kanipatila chila chinhu chinili nacho.” Ivo Yakobo kambembeleza Esau mbaka kahokela.
973	GEN 33:12	Esau kalonga, “Haya chigendelele na mwanza wetu. Niye nizakulongolela.”